مهن جندرية سودانية

جواز السفر السودانى

هو الجواز الوحيد فى العالم الذى
1- يتم تجديده فى أقل من خمسة سنوات. ( لزوم الضرائب)
2- فيه مهنة ( الزوجة) . زمان كانت ربة منزل ...
3- فيه ( خانة ) توقيع حامل الجواز ولا يسمح له بالتوقيع

وهو أيضا
1- فيه خانة المهنة .. وهذه لا توجد فى أكثر الجوازات رغن أن المهنة تتغير ( لزوم الضراب ..والزكاة!!!)
2- وصف صاحب الجواز ..أنظر للصورة . لو رجلى مقطوعة؟
3- تتم ترجمة المهن حسب رؤية و معرفة الضابط ( الحمد لله فى قطر زولنا فاهم جدا)
4- تهجئة الحروف الانجليزى ( عينة) ..

سلامات أخي الحبيب معتصم
الجواز دة صادر في الدوحة؟
على الأقل الموظف الكتب البيانات خطاط
نحنا البيكتب البيانات (هنا) كأنو بيكتبها بي(كراع جدادة)!!
بصدد الكارثة أدناه:

Quote: 4- تهجئة الحروف الانجليزى ( عينة) ..

إسم والدي مرة يُكتب
Mahady
ومرات يُكتب:
Mahdi
Mahadi
Mahdy
Mehdy
Mehdi
وغالباً يدور الحوار ال(ممل) التالي:
-لنا:من فضلك راعي كتابة الإسم بالإنجليزية مضبوط
-موظف الجواز(بي صرة وش):وهو فرق في شنو يعني؟؟؟!!
-لنا:فرق لأنو وفقاً للجواز كل الوثائق بتطلع مثلاً الشهادات الدراسية و مستندات الإقامة بطاقة العمل إلخ.
-موظف العذاب:مافي أيو مشكلة أصّو مادام اللسم بالعربي صاااااح.
(قالها بي مطة كدي)

لنا مهدى

الظاهر انك من التأترات جدا

لاحظى أسماء مثل ( معتصم )
تكتب
Mutasim
Motasim
Moatasim
Mo'tasim

أما الطاهر فهذه مشكلة
ُEltahir
Altahir
Eltaher

حتى اسم محمد فله أكثر من طريقة
لماذا لا يوحدون اسلوب الكتابة
وماذا يفعلون فى اجتماعاتهم؟

وفى الدوحة ضابط جوازات متفهم ..

ففى مهنتنا مثلا ( معمارى) ( أو مهندس معمارى) تكتب Engineer
وطبعا هى Architect و هو يقوم بكتابة المعلومات حسب ما يكتبه مقدم الطلب..
أما قبل هذا فقد رفضت استلام جوازى حتى يتم تعديل الاسم والمهنة ...

طبعاً البوست دة (وقع لي في جرح) لأنني ممكونة!!
أها نجي لي باقي التعليقات:

Quote: 2- فيه مهنة ( الزوجة) . زمان كانت ربة منزل ...

أنا ما فاهمة يعني شنو المهنة (زوجة)؟؟
حد علمي أن المهنة يتقاضى عنها الإنسان أجر،وكان كدي الأزواج الله قال بي قولهم خصوصاً ناس اليوبيل الفضي و الماسي مطلوبين كتير!
عندي صديقة حبيبة الله قال بي قول البيكتب في كارت الفرح أو الدعوة المرسلة لها و لزوجها (قلان و حرمه) لكن يمكن أن يُكتب(فلان وزوجته)، الليلة دي حأوريها أن الزوجة أضحت (مهنة) مش مرتبة مقدسة و توصيف لعلاقة مقدسة جداً!

Quote: 3- يه ( خانة ) توقيع حامل الجواز ولا يسمح له بالتوقيع

توقيع إيه ؟

Quote: 2- وصف صاحب الجواز ..أنظر للصورة . لو رجلى مقطوعة؟

ديل من زمن الصورة يا معتصم الآن هناك بصمة العين والذي منه لتحقيق الشخصية لكن تقول شنو؟؟؟

رمضان كريم معتصم

بس في حاجة حارقاني عاوزه اقولها بخصوص الجوازات

في عودتي من السودان قابلت الدكتورة هند عثمان الحسن

وترافقنا للعودة للرياض وقدمت جوازها للكوانتر وهي كاتبة

استمارة البيانات التي تقدم مع الجواز باللغة الانجليزية

تصور ضابط الجوازات ارجعها لها لتغيرها باللغة العربية

ياربي قراء مهنتها شنو ؟؟؟

والله ما عرفة عاوز يعرفها يا ربي ؟؟

عليك الله فسر لي دة لانه البعرفه هو باس بورد وبعدين حتى

لاستمارة مكتوبة بالانجليزي والعربي ..

اتوقع حاجة بتخص المهنة .. والله رائك شنو ..

تحياتي ،،،

من مشاكل الجواز السوداني والخاص بالزوجة بانه يكتب الاسم الاول للابن او الابنة
ومافيش اي رابط يربط هذا الجواز بجواز الزوج
والمشكلة تقابلنا وقابلتني كثير بانهم عاوزين الاسم الكامل للابن او الابنة ويتعب ضابط الجوازات في تكملة باقي الاسم

ولي تجرية ساسردها في المرة القادمة