Post: #1
Title: الهـــــلال × الأمـــل عطبرة ..
Author: tmbis
Date: 09-15-2006, 12:57 PM
Parent: #0
نـــــــــار× منقـــد
|
Post: #2
Title: Re: الهـــــلال × الأمـــل عطبرة ..
Author: tmbis
Date: 09-15-2006, 01:05 PM
Parent: #1
الدقيقة عشــــرين..
ومافي حاجة لحدي الآن ..
طبعا
المريــخاب .. فاتحين خشومم وراجيين ناس الأمل عطبرة يعملوهــا ..
النشوف ..
|
Post: #3
Title: Re: الهـــــلال × الأمـــل عطبرة ..
Author: tmbis
Date: 09-15-2006, 01:13 PM
Parent: #2
طيب اهــا قولو واحد
كلتشي
في الدقيقة تمنية وعشرين
الناس ديل شكلهم ح يتفرتقوا
|
Post: #4
Title: Re: الهـــــلال × الأمـــل عطبرة ..
Author: Ahmed Al Bashir
Date: 09-15-2006, 01:15 PM
Parent: #1
Now it is 1/0
Calatchy ya man
|
Post: #5
Title: Re: الهـــــلال × الأمـــل عطبرة ..
Author: الطاهر ساتي
Date: 09-15-2006, 01:19 PM
Parent: #1
اللابس البدلة بكرافتتا ما يكون الحكم ...؟؟
لافي وسط اللاعبين ....
اخضرانى كدة ..
|
Post: #6
Title: Re: الهـــــلال × الأمـــل عطبرة ..
Author: tmbis
Date: 09-15-2006, 01:36 PM
Parent: #5
أحمد البشير .. استلم
|
Post: #7
Title: Re: الهـــــلال × الأمـــل عطبرة ..
Author: الطاهر ساتي
Date: 09-15-2006, 01:45 PM
Parent: #1
الشوط الاول انتهى ..
الدعايات شغالة ...
مكيفات .. اتقول عندهم ليها كهرباء ...!!
صابون فونا ...
بسكويت شنوكدة ...الرغيف في تلتلة ..!!
و...
في مدرب بدأ ينظر ... لو الجناح الايمن عمل كدة كان احسن
لو قلب الدفاع اتقدم ...
لو الباك ...
لو .....
اتقول بيطبقا في منتخب البرازيل ...!!
|
Post: #9
Title: Re: الهـــــلال × الأمـــل عطبرة ..
Author: tmbis
Date: 09-15-2006, 01:49 PM
Parent: #7
الطاهر ساتي ..
أنت مريخابي والا شنــو؟
اهــا الشوط التاني بدأ
|
Post: #10
Title: Re: الهـــــلال × الأمـــل عطبرة ..
Author: Al Sunda
Date: 09-15-2006, 01:59 PM
Parent: #7
استاذ الطاهر
غريبة ان تتفرج في مبارة دون ان تدري اسم مدرب بقامة شوقي عبد العزيز؟
لم يعجبنى وصفه لعلاء الدين جبريل بالبليد رغم ان الصفة تكون انسب وصف لحالة جبريل في تعمده اخراج الكرة بعد صفارة الحكم واخذ كرت بدون اي سبب الا إذا كانت هواية لدى علاء الدين جبريل.
اما الثاني ابو كرافته فهو محمد الطيب مدرب فريف الامل ودا كان عندكم في السعودية ياتمبس والكرافته (تكون باقي السعودية) ،تقليد لبعض المدربين (لكن كتيرة في جونا الساخن)
النتيجة ، تقدم الهلال بهدف كليتشي
|
Post: #8
Title: Re: الهـــــلال × الأمـــل عطبرة ..
Author: Ahmed Al Bashir
Date: 09-15-2006, 01:46 PM
Parent: #1
thank you ya Timbis
I'm also listining from the net link
|
Post: #11
Title: Re: الهـــــلال × الأمـــل عطبرة ..
Author: tmbis
Date: 09-15-2006, 02:01 PM
Parent: #8
الدقيقة عشرة ..
خروج بيتر جيمس .. ودخول أنور الشعلة
|
Post: #12
Title: Re: الهـــــلال × الأمـــل عطبرة ..
Author: zico
Date: 09-15-2006, 02:14 PM
Parent: #11
هدف ثاني بقدم داريو كان
|
Post: #13
Title: Re: الهـــــلال × الأمـــل عطبرة ..
Author: tmbis
Date: 09-15-2006, 02:17 PM
Parent: #11
الدقيقة سبعة وعشرين
داريو كان
الهدف الثاني
|
Post: #14
Title: Re: الهـــــلال × الأمـــل عطبرة ..
Author: tmbis
Date: 09-15-2006, 02:31 PM
Parent: #13
السنــده
والله الكلام البتقولو فيهو ده ماسمعتو ..
أنتو قاعدين في التلفزيون والا شنو؟؟
..
انت اسامة سكسك ده .. سكسك الزمان والا سكسك تاني ؟؟
..
.
يا أبو الزيــك ..
كيفك ..؟
أحمد البشير
استــلم 
|
Post: #15
Title: Re: الهـــــلال × الأمـــل عطبرة ..
Author: محمد المرتضى حامد
Date: 09-15-2006, 02:38 PM
Parent: #8
عزيزي علاء
مساك خير
لاأريد التبخيس من أي نتيجة لأي مباراه تشاهدها ولا أدري عنها شيئا. مادفعني للدخول هنا اعتقادي أن عنوان ال (بوست ) ربما أحد (عناوينك الجميله) وأن الموضوع مختلف ولكن وجدته عن الكره و اليوم بالتحديد جاء بأكثر من قناة فضائية أنه ، وفقا للتصنيف الشهري للفيفا ، ان السودان احتل المرتبة ال 110 وأصبت ب (غم) حقيقي وهذا الغم ظل يتكرر حتى مع تعمد اهمالي له . ياعزيزي نسينا مجرد المشاركه في أي نهائيات دعك عن الكؤوس وظللنا لعقود نشجع الآخرين وكأننا قطعنا العشم في أن نكون بين الآخرين في محافلهم الدولية. لا اريد (تسييس) ال (بوست) والهلال والأمل عطبره ، لكن ياعزيزي بفشل من هم على رأس الرياضة في السودان علينا ايجاد مخرج من هذا النفق سيما وأن الرياضة أصبحت تضيف للدول ما لاتفعله السياسة لعقود. تعرف يا علاء عندما جئنا الى عمان كانت فرقهم دائما في مؤخرة التصنيف آسيويا وخليجيا ، اهتمت الدوله بالناشئة ( بدون صرف بذخي) وببرامج جديه وتدريب مستمر وأصبح الفريق العماني في عقد من الزمان بطلا حقيقا في الخليج له محترفين حتى في أوروبا والخليج ولا أشك أنه سيكون من المرشحين لنهائيات كأس العالم في جنوب أفريقيا عن قارة آسيا وأنت وحدك تدرك أنه البطل الحقيقي للخليج في آخر منافسة جرت بالدوحه وماصاحبها من سوء طالع في ضربات الجزاء لتنال قطر الكأس.
ياتمبس .. لن يكون هناك (أمل) ولا (هلال) مالم نأخذ الأمر بجدية وبدراسه حقيقية وابعاد السماسره وشذاذ الآفاق عن ادارة الرياضه في بلادنا. عارفك حاتقول ده مريخابي قرفان.
|
Post: #16
Title: Re: الهـــــلال × الأمـــل عطبرة ..
Author: Mohamed Doudi
Date: 09-15-2006, 02:44 PM
Parent: #15
مبروككككككككككككككك
وللمريخاب عقبال كاس العرب او الدورى السنه الجايه
|
Post: #17
Title: Re: الهـــــلال × الأمـــل عطبرة ..
Author: tmbis
Date: 09-15-2006, 03:02 PM
Parent: #16
|
Post: #18
Title: Re: الهـــــلال × الأمـــل عطبرة ..
Author: رشا سالم
Date: 09-15-2006, 03:30 PM
Parent: #17
تمبس يا غياظ!
|
Post: #24
Title: Re: الهـــــلال × الأمـــل عطبرة ..
Author: tmbis
Date: 09-16-2006, 03:45 AM
Parent: #18
يا رشــــا..
والله حالتكم ( تخـــدر ) عديل كده 
قالو فريق الجمباز بتاعكم كويس ..
|
Post: #22
Title: Re: الهـــــلال × الأمـــل عطبرة ..
Author: tmbis
Date: 09-16-2006, 03:32 AM
Parent: #16
| Quote: وللمريخاب عقبال كاس العرب او الدورى السنه الجايه |
يا دودي ..
والله امنياتك جميلة جدا ياخ . وبجانب الامنيات دي ...ساعدوهم كمان بي الدعوات الصالحات
لانو الجماعة ديل فعلا .. محتاجين ليها ..
|
Post: #21
Title: Re: الهـــــلال × الأمـــل عطبرة ..
Author: tmbis
Date: 09-16-2006, 03:26 AM
Parent: #15
استاذنا وحبيبنا ود المرتضى ..
اولا عظيم الشرف في تواجدك في البوست ده بالذات .. لانو ده بالنسبة لي ( خــم البوستات ) .. ( بالنسبة لي رمضان طبعا )
وتبقى الفرحة الجوانية او الداخليه بتحقيق الهلال اللقب وحسم البطولة ( من ضوء ) وبشكل واضح وصريح جدا حيث راهني قبل فترة زميلنا بوردابي وقال لي بالحرف الواحد الكاس ده شوفوو ليكم ( أي كاس ) تاني غيرو .. وانا شايفو الآن عامل ما شايف البوست ده .. لكن كان ( استدعى ) الأمر .. ممكن نعمل ليهو ( استدعاء )..
ونجيبو ( بالفيفا) ..
أما الحسرة الخارجية وهي الاحباطات المتلازمة لمنتخباتنا في التمثيل خارجيا وآخره هزيمة أمس من المنتخب الأثيوبي .. ودي مسألة معقدة خالص .. وما معروف ليها حلل .. كان مسكتها بي هنــا من الأتحاد .. والا من السياسات المتبعة والا من طريقة التعامل مع الرياضة بشكل عام .. والا من اللاعب في حد نفسه والا من الإدارة والا من ... إلخ
يا عزيزي كورتنا مشكلته مشكلة عويصة جدا .. نحن احسن بلد بنقدر نقيف في مكان واحد ونرنجع منو بي سرعة الصاروووخ .. لي تحت وبالتالي قاعدين ننسف أي قاعده أو أي نظرية متبعة في كرة القدم أو أي نظرية كيمياء أو فيزياء أو معادلة رياضية .. مع انو اتحادنا المغلوب على أمرو ده اتعاقب عليهو مليون عالم ( فلك ) ومليون عالم ( رياضيات ) ..
تعــرف..
أحد اصدقائي من مشاهير كرة القدم بالسودان .. كنا في حوار قلت ليهو:
ياخ انا بستغرب أنتو مرات بتغلبو ليكم فريق بره .. وفي بلدو ووسط جمهورو ويكون الفريق بيتلتل .. وتجو هنا على المستوى المحلي ( طيش ) الدوري يدخلكم في ( كستبانة ) شنو المسالة دي ..؟؟
وزولنا ده بجانب أنو ( بينقطه ) في الميدان .. ( وبيطلع ) فيها ماشة ( فيلسوف ) برضو بره الميدان .. قال لي بي صراحة وخليك من المسالة بتاعت حمرة العين وشنو وشنو .. قال لي نحن لما نلعب بره مع فريق متلتل .. وكل الحاجات القلتها دي .. بالاضافة لي الامكانيات المتوفرة والخبرات والسنين الضوئية السبقونا فيها في المجال ده .. قال لي ( بنجهجهم ) بي حاجة واحده .. نحن بندخل الميدان .. ( حداشر × حداشر ) ده في الواقع لكن الحاجة الغريبة جدا انهم بيشوفونا( اتنين وعشرين واحيانا اربعة واربعين ) لي سبب واحد .. الناس دي بتدخل بي خطة معروفة حسب تقنيات كرة القدم وآخر الفنيات الحديثة .. من خطط لعب وعامل لياقة وكل المعطيات التانية ولما يلاقونــا في الميدان . بيكتشفوا اننا بنلعب بي خطة .. لا خطة .. وبالتالي بنجري في الاتجاهات العكسية لي خطتنا الموضوعة .. ودي في حد ذاته خطة بتفشل خطة اعظم خطط في العالم .. يعني بي اختصار لما الحكم يصفر للنهاية كده .. بيكون المدرب حقهم نفسيهو محتاج لي خطة بديلة لي خطتو .. علشان يتسوعب منو الناس الكانوا لاعبين معاهو ديل ..ونحن ذاتنا بنكون ما فاهمين الحاصل شنو
أمــا
إذا دخلنــا في الاساليب الحديثة لي كرة القدم أو قل على الاقل اسس كرة القدم الحديثة .. فتجدنــا في الثريا .. ومتقدمين الناس ديل كلهم من حيث لا مفاهيم تطويرية موضوعة ولا اهتمام أولي باللاعب ( تنشئة ومتابعة وقيام مدارس كرة قدم تهتم باللاعب منذ سن مبكر ) .. بل في المقابل كلما وضع بعض الناس الفاهميين ومؤهلين في المجال ده برامج واضح يطلع الصباح بدري واحد ما ليهو علاقة بالمسالة دي ويدخل ليهو قوانين وافتراضات .. يعدم بيها الفكرة السليمة دي قبل ما تشوف النور .. تجارب كثيرة جدا .. آخرهــا تجربة المنتخب القومي للناشئين بقيادة المدرب أحمد بابكر والمستوى الواضح كان للجميع انو فعلا في شئ تطويري حاصل .. وبالفعل نتائج كانت مشرفة .. حتى التفريخ الحصل من المنتخب ده لي بعض الاندية والمستوى المشرف للعيبة في وقتهــا ..
على العموم يا استاذنا الاحباطات ستظل مستمرة على كل المستويات مالم يحدث تغيير وبشكل جذري للكثير من المعوقات وللكثير من الشخصيات ( الديناصورية ) الماسكة ( ومكنكشة ) بقوة في إدارات الأندية والاتحادات المختلفة .. وفي مناطق صنع القرار .. وإلى ذلك الحين .. ح نفضل ( نشلت .. في التيوة ) حقتنا دي من جهة .. واي كاس حايم في الحلة ح نرفعو
طبعا ده بينطبق علينا .. ( كرشاشات ) ..
أنتو لونكم شنو
|
Post: #19
Title: Re: الهـــــلال × الأمـــل عطبرة ..
Author: ALGARADABI
Date: 09-16-2006, 02:15 AM
Parent: #1
خسارة أملي و أملك
وااا خسارة
و كانت خيبة أمل المريخاب كبيرة
وضاعت الثلاثة ملايين لكل لاعب من الأمل والتى رصدها الوالى فى حالة عرقلة الأمل للهلال
وخيبة الأمل مشتركة اذن(خسارة أملى و أملك واا خسارة)
أخوي تمبس:
(المحرش مابكاتل)
|
Post: #20
Title: Re: الهـــــلال × الأمـــل عطبرة ..
Author: nazar hussien
Date: 09-16-2006, 03:10 AM
Parent: #19
Quote: وضاعت الثلاثة ملايين لكل لاعب من الأمل والتى رصدها الوالى فى حالة عرقلة الأمل للهلال
وخيبة الأمل مشتركة اذن(خسارة أملى و أملك واا خسارة)
أخوي تمبس:
|
هسي عليكم الله لو كان اتفقوا لعيبة الفريقين يتقسموا التلاتة ملايين دي النص ...ما كان أخير
ليهم من النقاط...
النقاط بتمشي وتجي ...بس النقاطة دي عندها حد..
مبروك يا تمبس عكلتة الجماعة....هم بلاي وصلوا كم نقطة؟
واحد شبه قنعان من كورة السودان وبشع برشلونة
وروبينهو...وجونينيو...وميسي...وتافيز...والمعلم
|
Post: #25
Title: Re: الهـــــلال × الأمـــل عطبرة ..
Author: خالد عبد الله محمود
Date: 09-16-2006, 03:47 AM
Parent: #20
Quote: وبي كدهـ .. ناس المريخ يشوفو ليهم كاس تاني غير الكاس ده
لانـــو . مافي طريقة للكاس دهـ في الوقت الحالي ..
عموماً ..
( الكاسات ) اكتر من الرايحات
وحاولو طوروا نفسكم |
الكأس الوحيد الذي سيحمله مريخابي هذه السنة سيحمله أتوفستر (بغض النظر عن نوع الكأس) و ربما آخرين:
|
Post: #32
Title: Re: الهـــــلال × الأمـــل عطبرة ..
Author: tmbis
Date: 09-18-2006, 06:34 AM
Parent: #19
القرضـــابي..
| Quote: خسارة أملى و أملك واا خسارة |
والله يا خســارة .. قالو ( لما ما تقدر لي .. وصي علي )
اهـــا ناس كلاتشي ديل .. بقو ما بيفرزو بين الموصي .. والمحرش والمكاتل
( رش ) شديد
والله يا قرضابي كنت قايلك جاي داخل البوست ده وجايب ليك واحد من الجماعة اياهم ..
بلاي شفتهم صانين كيف ؟؟
بلاي الغلب ده حار كده
|
Post: #23
Title: Re: الهـــــلال × الأمـــل عطبرة ..
Author: معتصم دفع الله
Date: 09-16-2006, 03:44 AM
Parent: #1
يا تامبا يعني كده شلتو كأس البطولة ؟؟؟
هسي ( أمل ) تاني مافي ؟؟؟
|
Post: #26
Title: Re: الهـــــلال × الأمـــل عطبرة ..
Author: abas
Date: 09-16-2006, 04:11 AM
Parent: #1
ها هاهاهاهاهاهاها
قالوا الصاقعه معسكر ليها في عطبرة اسبوع كامل
ودخل ناس الامل معسكر علي حسابوا خارج عطبره
بعد ده لو لعب هو ما بيشيلوا الكاس
ضيع فلوسوا المسكين ساي زي الوالي لكن طلع حريف استقال
|
Post: #27
Title: Re: الهـــــلال × الأمـــل عطبرة ..
Author: ALGARADABI
Date: 09-16-2006, 04:24 AM
Parent: #26
| Quote: قالوا الصاقعه معسكر ليها في عطبرة اسبوع كامل |
يا معتز
الأغنية بتقول :
الحسن صاقعة النجم البحمى الشهادة و النضم
والله فعلا أحماهم النضم
|
Post: #28
Title: Re: الهـــــلال × الأمـــل عطبرة ..
Author: abas
Date: 09-16-2006, 04:34 AM
Parent: #1
يا قرضابي اخوي
في مثل بقول المحرش مو كاتال
وديل محرشين شفت الجمهور ده جدع زجاج المويه كيف
ده كلوا من خيبت امل الوالي الراح طوالي بي وشيه
|
Post: #29
Title: Re: الهـــــلال × الأمـــل عطبرة ..
Author: Hololy
Date: 09-16-2006, 11:46 PM
Parent: #1
....
....عزيزي تمبس
......................عساك طيب و كفي
....لمعت عيناي وتدحرجت قطرة ملح ذائب منهما و انا اقراء عنوان هذا البوست و بتحديد اكثر..كلمتي عطبره و أملها....و أملي ...(رغم انني هلالابي)..لا لشئ اْلأ لأنها مدينتي التي ولدت فيها و ترعرعت بين ناسها وانفاسها... طرقاتها و عرصات احيائها....فلكزتني و تراجعت بي بعيدا الذكريات... مستدعيه لنكهة وبعض من عبق عطر و قسمات صارمه و حالمه للمدينه و تاريخ الرياضه بها...احاديث لقدامي الاحياء ممن عايش هذا التاريخ ويوتاتر متفاوته فيما بينهم و بينهم تحسرا علي عصرا ذهبي مضي احيانا....وبينهم وبيننا دفعا وتشجيعا... و نحن صغارا نجمع الاشتراكات و التبرعات منهم احيانا اخري..نلتقطه ونعلقه قلاده علي الصدر ووهجة قي العقل.. مددا لحبل سرمدي مسد يربط مابينهم والذين خلفهم و بيننا...و ما بين اؤلئك القادمون في الزمن الاجمل الأتي.
يتناولون هذا التاريخ بغبطه و انتفاخ صدر و ليس بزائف يحلق بهم عاليا مضيفا جرعات اخري لعطاؤهم الممتد... فمدينتهم هي الاولي التي تجاوزت المحليه و فتحت ابوابها لاستقبال كثيرا من الفرق الاجنبيه الاوربيه والافريقيه منذ خمسينات القرن الماضي مثل الهورسيد المجري.. والمجر ذلك الحين في عنفوان تالقها و شبابها الكروي و لقاءّاّته مع منتخب عطبره و فريق الدار العطبراوي (دار خريجي مدزسة جبيت الصناعيه الذي اسسته نقابة السكه الحديد)....
يتناولون افذاذ الاعبين او اللعيبه و مهاراتهم.. و ما تضيفه عليهم القرائح من توابل ...ليس علي شاكلة (المنقطاطيه) و (الطالعين فيها ماشه) فحسب...كما ذكرت ياصديقي بل شاكلة الذين يعلقونها في الهواء و يتقرفصون تحت ظلها...امثال لبودي و قطـــــــر...لا اظنك قد سمعت بلاعب اسمه قطر بالسودان... هذا اللاعب القطر يقولون عنه انه كان يرفع الكره من الكورنر و يلحق بها امام الحارس ليزيدنها (زيدان بلغة العصر) داخل المرمي... و في رواية اخري ... يباصي الكره لنفسه من وسط الميدان الي داخل ال 18 و يواجه الحارس بها امام المرمي مسددا هدفه...(برق)... يعني لاعب يتمدد في الزمان و المكان كما الياي عالي المرونه مقاربا في سرعته سرعة الصوت الا قليلا؟؟؟؟؟؟؟كل هذا يا صديقي و لم نراوح مكاننا.. بل و كما قلت في ردودك للمتداخلين انه اصبحت لدينا قدره لا نحسد و ليس هناك من له القدره علي منافستنا عليها في ادهاش الفريق الخصم لخطة فريقنا وادهاش مدربه و سلسفيل مساعديه وجمهور المشاهدين واكثر اندهاش لاعبينا انفسهممن تنفيذ خطتهم التي لا و لن يفهموها لانها اصلا غير موجوده!!!!!! اليس غريبا و محيرا في نفس الوقت ان نطور الكره بمنطقة الخليج و السعوديه ( كما اشار الاخ محمد المرتضي اعلاه) لم يتجاوز ال15 او ال20 شنه الماضيه و ببصمات ملموسه ني بداياته مشاركة عدد غير قليل من لاعبين و مدربين سودانيين متواضعين ان لم يكونوا مغمورين؟؟؟؟؟؟؟؟؟؟
و فريق الامل هذا ياصديقي يعرف وسط العطبراويه انه فريق لا يتخلل جنحات عزيمته رمق من ياس.. ان صح التعبير.. و حتي اخر ميكروثانيه من اي مباراة يخوضها...
كنت دائما اخرج من استاد عطبره قبل نهاية مبارياته بدقيقتين او ثلاث دقائق و اتركه مهزوما.. (الخروج ليس ياسا او احباطا... كان والدي - رحمة الله عليه - يمتلك مطعما بسوق عطبره و بالضروره ان يتواجد الجرسونات - وانا منهم- بالمطعم قبل الزبائن ( يعني الخروج المبكر كان اكل عيش مازعل او حنقه)...
و انا في طريقي الي المطعم مسارعا ببدال عجلتي من الاستادتهدر اصوات الجماهير تصم اذان النائين من هم بالجهه الاخري من المدينه وبدوري تجدني مهمهما في قرارتي اللهم اجعله خير و ما يكون الطين زاد بله..... افاجأ بالمفاحأئين و المدهوشين خلفي من الزبائن لتناول وجبة عشائهم ان تلك الخمسة دقائق الاخيره كانت قمة المتعه والاثاره و تمكن الامل من التعادل و الانتصار.
غايتو بس مع الهلال و محترفيه (باد لك)... و (قوود لك) الهلال... لكن يظل الميزان بل و المعادله في مجملها مختله... فما يصرفه الهلال علي محترفيه في شهر يعادل و بزياده شويه كمان ميزانية كل فرق عطبره من الدرجه الاولي وحتي الروابط لمدة عام..... تقول لي برضو نار؟؟؟؟؟
عموما.....
تضطرم النار يا صديقي ومن علي اسنة لهيبها ... عاليا تتصاعد الابخره - ابخرة الاسطوزه - حتي يتلاشيا معا..... و يبقي الاناء الحاوى....
........................................المنقد...........
..................................................هو الاصل.........
بل له القدره لاحتواء نيران اخري ... و بابخرتها.... حتي الكلاتشى واوباسانجو..وكل كجور نيجيريا
و هو كما هم المنقــــــــــــــــــــــــــــــــــــــــــــــــــــــد
أموت و في نفسي شئ من هؤلاء ... الطيب صالح ....و أؤلئك الذين سبقوهم
ورد وحب مقيم للمتداخلين ولك ... صديقي
حلـــولي
|
Post: #30
Title: Re: الهـــــلال × الأمـــل عطبرة ..
Author: عماد محمود علي
Date: 09-17-2006, 03:51 AM
Parent: #29
أخي العزيز الهلالي تمبس
يا أخوي نحن الكاسات الداخلية دي بنديكم ليها ساكت علشان نبل بيها ريقكم الناشف ده ، هسه بالله ما تختشوا كاسات شنو البتشيلوها ده يا أخوي نحن أصحاب الكاسات المحمولة جواً ، والتاريخ لا يرحم ، قال الأمل عطبرة قال ، ميا ديل شبهكم ، كده مرة واحدة أتجدعنوا كده وجيبوا لينا كأس محمول جواً إن شاء كأس عرقي ، بس جيبوهو ، ده إنتو غلبكم تجيبوا كأس محمول جواً حتى من جوبا ( داخلياً ) ، قال جمباز قال . هسه البيلعب جمباز منو المريخ ولا الهلال صاحب الفضائح وتحويل الارقام بالرشاوي متزكرنها ولا نذكركم ليها ، أها رايك شنو يا دكتور رشا ؟ نحن جبنا ( 5 ) كاسات محمولة جواً و تبقى ( 6 ) بي كاس جوبا ( جوبا مالك عليا ) . والله صحي الاختشوا ماتوا .
|
Post: #31
Title: Re: الهـــــلال × الأمـــل عطبرة ..
Author: عماد محمود علي
Date: 09-17-2006, 03:55 AM
Parent: #29
أخي العزيز الهلالي تمبس
يا أخوي نحن الكاسات الداخلية دي بنديكم ليها ساكت علشان نبل بيها ريقكم الناشف ده ، هسه بالله ما تختشوا كاسات شنو البتشيلوها ده يا أخوي نحن أصحاب الكاسات المحمولة جواً ، والتاريخ لا يرحم ، قال الأمل عطبرة قال ، ميا ديل شبهكم ، كده مرة واحدة أتجدعنوا كده وجيبوا لينا كأس محمول جواً إن شاء كأس عرقي ، بس جيبوهو ، ده إنتو غلبكم تجيبوا كأس محمول جواً حتى من جوبا ( داخلياً ) ، قال جمباز قال . هسه البيلعب جمباز منو المريخ ولا الهلال صاحب الفضائح وتحويل الارقام بالرشاوي متزكرنها ولا نذكركم ليها ، أها رايك شنو يا دكتورة رشا ؟ نحن جبنا ( 5 ) كاسات محمولة جواً و تبقى ( 6 ) بي كاس جوبا ( جوبا مالك عليا ) . والله صحي الاختشوا ماتوا .
يا معتصم الجماعة خلاص شالوا كأس الصفيح ولا لسه ؟ قال كاس قال !!!!
|
|