Post: #1
Title: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 01:58 AM
Parent: #0
انــــــــــــــا في...
( النص )
وفي معالق الجـــــوف
( موســــــو )
مجلوخــــــــه
( ليلي ) .. هوووووووووووووي يــا ( ليلي )
ويــــا الله هووووي
|
Post: #2
Title: Re: بين عاصم البنـــا .. ومحمد المرتضى حـــامد
Author: ثابت محمد
Date: 09-14-2006, 02:04 AM
الطـابق البوخـة
قام نداهو يهتِّـف ناااام من الدُوخــة
إيدو عاقباهــو جدلــة مملوخــة
ولي معالق الجـوف موسـو مجلوخـة
ددنق دنق .. ددنق دنق
|
Post: #4
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 02:08 AM
Parent: #2
ثـــــابت ..
..
يا أخـــوي ما ( تثبت ) .. 
..
واحد أخونــا سمع الكـــلام .. ده امس بالليل خالص ..
قال لي :
تعرف يا تمبس ( البنـــاب ) ديل كتلو قبالك ناس كتــار
نسال الله الثبات
يا الله هوووووي
|
Post: #7
Title: Re: بين عاصم البنـــا .. ومحمد المرتضى حـــامد
Author: ثابت محمد
Date: 09-14-2006, 02:16 AM
Parent: #4
| Quote: تعرف يا تمبس ( البنـــاب ) ديل كتلو قبالك ناس كتــار |
تمبس
قول بسم الله
هسي الناقصو ثبـــات منو فينا ؟؟
أسـلّفك ( تاء مفتوحة )؟؟
يا تمبس
والله تسمع الرمية دي عند أبوداؤد .. عييييك
|
Post: #12
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 03:07 AM
Parent: #7
ثابت تاني
شكلو كده رمضان دخل في العضــم..
.
( تاءك ) دي يا الدخري الايامات دي بتجهجه أخوك ساكــت
افتح لي ( الضلفه ) الشمال فوق .. الحاجات الصعبة دي بنقدر عليها..
..
.
| Quote: والله تسمع الرمية دي عند أبوداؤد .. عييييك |
تتخيل كلموني بيها
اتحرك معانــا .. لحقه المولد دهـ
والا أنت عايز ( حمـــد) يجي يلقاك ناشف ؟؟
نحن عندنــا ( زواغاتنا ) لكن بالطريقة دي بنفقدك يا ثابت
|
Post: #3
Title: Re: بين عاصم البنـــا .. ومحمد المرتضى حـــامد
Author: ملكة سبأ
Date: 09-14-2006, 02:06 AM
|
Post: #6
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 02:13 AM
Parent: #3
فـــاح لي كبريتـــــــــا
وكبدي كالبنزين ... قادحـــه
( كبريته )
اصلـــــو
( هالكــــاني )
عني ما نجيتا ..
ويـــا
( جــــــــــــرح )
غــــــــّور
إن شاء الله ...
مـــــــــــــــــــا
بريتـــــا
يا الله هــــووووووي
|
Post: #13
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 03:13 AM
Parent: #3
بلقيس 
|
Post: #5
Title: Re: بين عاصم البنـــا .. ومحمد المرتضى حـــامد
Author: ASHRAF ABUELHASSAN
Date: 09-14-2006, 02:09 AM
| Quote: ويــــا الله هووووي |
تعب اللسان من الشكية
سلام ياتمبس
مشتاقون حد التعب
يا خي تعال اعمل ليك عمرة
في رمضان وما تنسى تزورنا
|
Post: #8
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 02:34 AM
Parent: #5
بالنظـــر .. أسخـــالي
حلي بي
رؤيـــــــــــــــــــــــــــاك
الحياه
الماسخــــــــالي
يا نسيم الليل
ويا الله هوووووووووووووووووووي
|
Post: #9
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-14-2006, 02:45 AM
Parent: #8
يا تمبس اخوى انت ما بتريح
والله نحن الايام دى شغالين مطافئ بس .
نحن نطفي وانتوا تولعوا نشكيك لى الله . واعلم ان المرتضى بسببك ربما يكون في غرفة العناية المركزة .
مع تحياتي لحميدة وطلال واحمد ساطور.
لك ودى
شيقوق
|
Post: #20
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 04:40 AM
Parent: #9
شيقــوق حبيبنــا
صدقني ..
الحريقة دي مولعة بي هنــا برضو ليها قريب شهــر .. كل ( البتمسكـــو ) نيرانو قايده
النار ( موقده ) في كل الفريق .. وده حالتو ( البرد ) لسه ما جــاء
| Quote: واعلم ان المرتضى بسببك ربما يكون في غرفة العناية المركزة |
دي ( هشاشـــة ) العظــام يا الطيب  قالوها ليهو بي هناك وما صدق ..
الارباب ده سيد ( وجعة ) .. ومدروك
وكان تابع ود البنــا .. تاني إلا الله الكريم..
الشباب ديل في سيرتك على الدوام .. الله يجمع بس
الف تحية يا ابو الطيب
|
Post: #10
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 02:49 AM
Parent: #8
اشـــــكر اخــونـــا.. وحبيبنــا المستشار ود المرتضى
على يدو الطويلة اللحقتنــا هنــا ده .. وكرمو الحاتمي .. في زيادة ( البلبلـــه ).. وعلى الـ CD المحترم دهـ .. ويا ( CD ) نردهــا ليها قدام خالص
والشكر لي الاستاذ عاصم البنـــا ..
سمح لي عبر ود المرتضى بإنزال المادة هنــا رغم خصوصيته أو عدم انتشارهــا
|
Post: #16
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 03:37 AM
Parent: #5
أ بوالشوش ..
سلام يا صــــاحب ..
وكـــل الاشواق ..
اقتراحك جميل .. واعتبرو تحت التنفيذ .. لانو عندنا مآرب أخرى بنكلمك بيها هناك
|
Post: #11
Title: Re: بين عاصم البنـــا .. ومحمد المرتضى حـــامد
Author: mohamed elshiekh
Date: 09-14-2006, 02:50 AM
فى شنو ياتمبس ؟
ما عرفنا حاجه ..
شنو الحكايه؟
الناس ديل مالم اوعى يكونوا اتشاكلوا بس!؟
بالله عليك افيدنا بسرعه
يلا فى امان الله
|
Post: #14
Title: Re: بين عاصم البنـــا .. ومحمد المرتضى حـــامد
Author: على محمد على بشير
Date: 09-14-2006, 03:22 AM
Parent: #11
الله يجازيك يا تامبا
مالك علينا يا ود الحلال .. ذكرتنا بالذى مضى
بس انتا كتر من الذى دا ونحنا نبكى بس
يالزيز يا رايق
|
Post: #27
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 06:24 AM
Parent: #14
مضى وين يا علي ؟؟
هنــا في البوست ده اي حاجة مضى .. ح تـــرجع
كان عندك حاجات طلعه بس .. الحالة واحده والناس دي بتقدر ظروفك
اناالقدامك ده بقدر ظروفك ..
|
Post: #25
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-14-2006, 05:40 AM
Parent: #11
| Quote: الناس ديل مالم اوعى يكموا اتشاكلوا بس. |
السيد / الكاردينال محمد الشيخ ..
كل الموضوع بي اختصار شديد جدا ..
سامع صـــوت ..الكمـــــان ده ؟؟؟
في حاجات كتيرة جدا حاصلة ..
وفي حاجات ح تحصل
اقتراحاتك
اقتراحاتك يا كاردينال ما تسردب لينا بيها
|
Post: #15
Title: Re: بين عاصم البنـــا .. ومحمد المرتضى حـــامد
Author: 3mk-Tango
Date: 09-14-2006, 03:29 AM
ديشاااااااااااااااااك !!!!
ما إلك إلا الخبر
|
Post: #39
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-15-2006, 03:14 PM
Parent: #15
يا عمــك
..
( انفخ ) لي ( لستكي ) معاك
انا إن شاء الله يمسكوني في بـــرمودا..
|
Post: #17
Title: Re: بين عاصم البنـــا .. ومحمد المرتضى حـــامد
Author: ملكة سبأ
Date: 09-14-2006, 03:56 AM
وامبارح انا وقصبة مدالق السيل
في ونسة وضحك لمن قسمنا الليييييييييي
وووووووو
ييييييي
وووو
ييييل
|
Post: #41
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-16-2006, 03:40 AM
Parent: #17
| Quote: وامبارح انا وقصبة مدالق السيل |
بلقيس ..
الكلام ده لي قدام بيدينك
( قال كده .. ومالي إيدو ) ..
تكنيك .. ( ترويع ) المواطنين ( العزل ) ده احسن تخليهو..
بنسمع عاصم البنا .. وبنسمع جعفر السقيد برضو
( والفورة الف )
|
Post: #18
Title: Re: بين عاصم البنـــا .. ومحمد المرتضى حـــامد
Author: ثابت محمد
Date: 09-14-2006, 04:19 AM
Quote: افتح لي ( الضلفه ) الشمال فوق ..
الحاجات الصعبة دي بنقدر عليها.. |
تمبس
إنت من زمن الضلفة الفوق ؟؟
ياخ صاحبك ( طويل ) حولوهو رأس الدولاب مع ( الإسكانر )
وبعد مغادرتكم أصبح الدار أمان ( أنا ما مني خوف )
وحياتك صندوق المالبورو الأحمر بقى يعتر لي في نص الغرفـة
إنت عارف الرميات دي يوم بترميك يا تمبس
كدي شوف دي
طيبـة فيــديني تُهْتَ في ديني روحي في إيديكي ولا في إيديني
الإيدين فِطرة من حرير أطرأ والضمير قبضـة مابزيد قِطـرة
جلّ أنشاكي رقّـق أحشاكي من تُـقل رِدفـك الضمير شاكي
طيبة رِصيدة سهمي ما بصيده رُق ضمير طيبة عارتو الصيدة
ياتمبس ياااخ الليلة الخميس مالك يااااخ ؟؟
يعني أقوم أشوف لي ببسي دايت أتجوغر بيهو ؟؟
|
Post: #50
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-18-2006, 04:55 AM
Parent: #18
ثابت ..؟
قلت لي ( طويل ) بقى اسكانر ريزلوشنو عااالي ؟؟
يحنن والله
بعدين زي الحاجات دي قبل كده كتلت ليها زول في ( مدني )
هو عارف كده !!
..
| Quote: إنت عارف الرميات دي يوم بترميك يا تمبس |
والله يا ثابت الوقعه أو الرمية حاصلــة..
بعدين كلما اقوم اسمع لي ( وقعة ) زي دي بقوم ( بسرح ) ليك ..
واقول يا الله تهون الأمور.
Quote: طيبـة فيــديني تُهْتَ في ديني روحي في إيديكي ولا في إيديني
الإيدين فِطرة من حرير أطرأ والضمير قبضـة مابزيد قِطـرة
جلّ أنشاكي رقّـق أحشاكي من تُـقل رِدفـك الضمير شاكي
طيبة رِصيدة سهمي ما بصيده رُق ضمير طيبة عارتو الصيدة |
تعرف حكاية الصيد دي يا ثابت تقوم من دربك ده تدخل موقع الحلاوين .. في ملفات بتاعت ( بادي محمد الطيب ) ..
( العشوق ) قال كلام خطير جدا .. في الصيد ده ..
انا ما بقدر اقولو ليك هنــا.. لاني ما ضامن ( قلبك ) عامل كيف الايامات دي
لكن الشي البعرفو أنو ( بادي ) ده قعد يكورك كواريك شديدة جدا
|
Post: #19
Title: Re: بين عاصم البنـــا .. ومحمد المرتضى حـــامد
Author: حمد فتح الرحمن
Date: 09-14-2006, 04:34 AM
شوفتا
( طابق البوخة
و قام نداه يهتف
نام من الدوخة )
دي براها تفتح ليها ( ضلفة ) ( شمالية ) ( فوق )
اسمع كلام عمك و قوم تعال قبل ما رمضان يخش في العضم اكتر
|
Post: #21
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-14-2006, 05:01 AM
Parent: #19
وووووووووووب تميس اخوى انا لحقت المرتضى الحقني الشغلانية دى بقت زى انفلونزا الطيور .
انا عشرتي معاهو قريبه نقلتها منه ما متهم حد غيره اصلا وبقيت ما بنوم.
الحقنا سريع بالسيدي بتاع ود البناء يا تمبس اخوى
|
Post: #52
Title: Re: بين عاصم البنـــا .. ومحمد المرتضى حـــامد
Author: tmbis
Date: 09-18-2006, 06:30 AM
Parent: #19
| Quote: اسمع كلام عمك و قوم تعال قبل ما رمضان يخش في العضم اكتر |
يا دكتور حمد ..
عروض الأسعار الصيفية بتاعتكم دي ما بتأكل عيش ..
وأقوله ليك أنت ( والشرامة ) الاتنين ديل ..
انــا بي حالتي دي والله حدي ( التفتيش ) الأولاني .. الكلام ده قبل رمضان طبعا..
أما بالنسبة لي اي ( عروض شتوية ) .. تانية ما عندي مانع .. وتعال شيل حاجاتك دي
واسمع ليك غنوة غنوتين كده من ود البنا ده . . بتريحك ( بالليل خالص )
على ضمانتي
|
Post: #22
Title: Re: بين عاصم البنـــا .. ومحمد المرتضى حـــامد
Author: محمد إبراهيم عبد الماجد
Date: 09-14-2006, 05:09 AM
ود أخوي {تمس}
سلام
الله يعينك يا ولد ويلزمك الصبر
عمك
طرمبا
|
Post: #23
Title: Re: بين عاصم البنـــا .. ومحمد المرتضى حـــامد
Author: 3mk-Tango
Date: 09-14-2006, 05:19 AM
| Quote: والضمير قبضـة مابزيد قِطـرة |
ابو الزفت ...
دا القياس ولا بلا ...
يضاف هذا المقياس الي المقاييس العالمية ..
ملمتر .. سنتمتر ....قبضمتر .. متر .. كيلومتر .. .
______
حمد كان زولك دا جاي اتصل علي الجزار تاني ....
|
Post: #24
Title: Re: بين عاصم البنـــا .. ومحمد المرتضى حـــامد
Author: حمزاوي
Date: 09-14-2006, 05:28 AM
الروعة الروعة الروعة
وكيا كيا لي ود الموج
أحب أم در وأحب ناسا
حليل أم در وحليل ناسا
|
Post: #26
Title: Re: بين عاصم البنـــا .. ومحمد المرتضى حـــامد
Author: حمد فتح الرحمن
Date: 09-14-2006, 05:47 AM
بي حالتو دي لو بعيد بكون علي بعد 50000 قبضمتر كدا
جهز دكتور امير و دكتور صالح يتلقوهو خشم الباب
الراجل جايي مورود
|
Post: #28
Title: Re: بين عاصم البنـــا .. ومحمد المرتضى حـــامد
Author: معتصم دفع الله
Date: 09-14-2006, 10:38 AM
يــا الله هوووووووووووووووي ..
دفــــرة ..
|
Post: #59
Title: Re: بين عاصم البنـــا .. ومحمد المرتضى حـــامد
Author: فرح
Date: 09-26-2006, 00:50 AM
Parent: #28
سلااااااااام عليك نرفع ليك برضو البوست للمتعه
دمت
|
Post: #29
Title: Re: بين عاصم البنـــا .. ومحمد المرتضى حـــامد
Author: AlRa7mabi
Date: 09-14-2006, 01:16 PM
وينو لنك الحفظ
|
Post: #30
Title: Re: بين عاصم البنـــا .. ومحمد المرتضى حـــامد
Author: عنيده
Date: 09-14-2006, 01:48 PM
الاغنيه جميله والاداء زاتو روعه....تمبس ذوقك يوزعو منه
من قبييييييييييل انا بسمع فيها بجد روعة ..تسلم انشالله
وبما انه البوست دا يجمع عمالقتنا
تمبس
معتصم
عمك تنقو
حانتهز الفرصه دي واطلب ..مايطلبه المشاهدونياخوانا
عايزه اغنية علي السقيد
رجعتي القلب يدق تاني
من بعد الصمت الـــ....
المهم دا البتزكرو
تخريمه...
عمك تنقو ..اخوي انا..
عاش من شاف ليك مداخله
|
Post: #31
Title: Re: بين عاصم البنـــا .. ومحمد المرتضى حـــامد
Author: khaleel
Date: 09-14-2006, 04:32 PM
Parent: #30
كان ايدينا
فيك
من السلام تتملخ
السماء اتكي
وجلد النمل اتسلخ
راح في الليل تلت
بعد الخلوق ما صلو
وفضلو المبتلين بسمهن اتقلو
مجنون ليلي والفراش مع الحاردلو
ما حضر الشباب ساكت قبيل بسلو
|
Post: #32
Title: Re: بين عاصم البنـــا .. ومحمد المرتضى حـــامد
Author: عبدالكريم الامين احمد
Date: 09-14-2006, 05:06 PM
Parent: #31
يا سلام يا تمبس ياجميل ياخ...
وحاصرني اليوم هذا البوست الجميل من كل الجهات..
واشكر صديقنا حمد الذي نبهني لهذا الكلام السمح والغنا النضيف
واذكر رنين البلاد البعيدة الذي دوما ينبهني لمثل هكذا جمال..
|
Post: #33
Title: Re: بين عاصم البنـــا .. ومحمد المرتضى حـــامد
Author: elham ahmed
Date: 09-14-2006, 07:10 PM
Parent: #32
دائما إختياراتك جميلة..
ألحقنا بلنك الحفظ
دمت
|
Post: #34
Title: Re: بين عاصم البنـــا .. ومحمد المرتضى حـــامد
Author: محمد المرتضى حامد
Date: 09-14-2006, 07:41 PM
Parent: #33
لمن يهمه (الأمر)
وبشهادة تمبس
أنا مش ياتمبس لما رسلت ليك المصيبة دي قلت ليك ال (بوست) ده يكون عنوانو (هوى الخلخال) على اسم الأغنيه المدمره دي بتاعت شاعرنا ود الرضي؟
بعدين انت ياتمبس أصحابك ديل كلهم (قاعده)؟
الحمدلله المدام (البنت...اغون) ماقاعده تخش هنا ولا هسه كان أكون في غوانتا ..نامو
لكم جميعا الحب
|
Post: #42
Title: Re: بين عاصم البنـــا .. ومحمد المرتضى حـــامد
Author: معتصم دفع الله
Date: 09-16-2006, 04:05 AM
Parent: #30
Quote: عايزه اغنية علي السقيد
رجعتي القلب يدق تاني
من بعد الصمت الـــ.... |
يا عنود الحاصل شنو ؟
دا الكلام البوجع القلب زاتو ..
ونحن بصراحة كده ما بنستحمل وجع القلوب دا ..
تخيلي يوم الأربعاء بالليل جبت شريط لعلي السقيد عشان أسمعه ..
فتحت البوست دا لقيتك طالبه الأغنية توارد خواطر عجيب ..
ولا يهمك الأغنية ح تكون جاهزة عندك إن شاء الله ..
محبتي وأشواقي ..
|
Post: #45
Title: Re: بين عاصم البنـــا .. ومحمد المرتضى حـــامد
Author: عنيده
Date: 09-16-2006, 05:51 AM
Parent: #42
معتصم .. الوجع ياخوي من المسافات والغربه
الوجع كتيييييييير..لكن عزانا انه بكره اجمل واحلي
Quote:
الأغنية ح تكون جاهزة عندك إن شاء الله |
تسلم انت يارب.
بالله جيبا في بوست كده براااااااااااهو
.........
انت يوم شكرك مايجي
تخريمه
معتصم الحق عمك تنقو..
جن وفقد المحنه
قال قبضميتر
ليلي ياليييييييييييييل هووووي
محبتي واحترامي
|
Post: #54
Title: Re: بين عاصم البنـــا .. ومحمد المرتضى حـــامد
Author: معتصم دفع الله
Date: 09-20-2006, 02:25 AM
Parent: #45
يا عنود ..
عمك تنقو دا اليومين ديل أنا عازرو ..
دي خطرفات آخر العمر الله يعينه بس ..
بعدين الوجع في الجوف شدييييييييد ..
نعمل شنو ننتظر القادم لعلو يكون أحلى ..
صدق اللقال ..
والأغنية ح تكون في بوست حسب طلبك ..
شوقي الكتير ..
ويا ليلى هووووووووووووي يا ليل ..
لي نااااااااااااس تمبس ..
|
Post: #35
Title: Re: بين عاصم البنـــا .. ومحمد المرتضى حـــامد
Author: بدرالدين شنا
Date: 09-14-2006, 10:46 PM
| Quote: بين عاصم البنـــا .. ومحمد المرتضى حـــامد |
كل الجمال
Quote: وانــــــــــــــا في...
( النص ) |
شاهد عيان وسامع أذان
تحياتي للجميع
|
Post: #36
Title: Re: بين عاصم البنـــا .. ومحمد المرتضى حـــامد
Author: soma
Date: 09-15-2006, 05:40 AM
Parent: #35
تسلم يا تمبس يا ذوق ..
مع انى ما سمعت اى شىء لكن اى اختيار للاخ عاصم رائع بدون شك
محمد المرتضى لووووووووووووول وكمان تانى معاها لوووووووووووول
صاح المدام ما بتدخل ..لكن نسيت انصارها؟؟؟ .. بوصل ليه انا بالتلفون
اها شن قولك؟
لكن ضحكتنى لامن قالوا لى تسكتى ولا نقفل الكمبيوتر لووول
الاخ محمد المرتضى .. السلام امانه .. التقيت الاخ عاصم اول حاجه
سالنى منك بشدة وسلام بالكوم والله..
محاصراه الذكريات الجميلة القضاها بينا فى مسقط
هاتفنى مره وكان كل كلامه عن الزياره القادمه .. ابشرك انه ناوى يجى فى رمضان
قلت ليه العيد كيف ما بتستناه معانا؟ .. قال لى العيد فى السودان لكن وعد رمضان معاكم على الاقل عشره يوم
يلا جهزوا البرنامج
التحايا ليك اخى تمبس والمعنى بالبوست اخوما محمد المرضى
ولفنانا الرائع عاصم البنا
|
Post: #37
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-15-2006, 01:16 PM
Parent: #36
مرحب بالاستاذة اسماء الجنيد بنت بلدى .
بت بلدى
يا نوارة الشدرة الطارحه البكره ...
يا مرسومه بقندول عيش ...
ورزازة مطره ...
يا شموخ النخله وطعم الثمره ...
يا بت بلدى ...
روعة بسمة ولون السمره ...
جمال تاجوج يا اصل الفكره ...
لوزة قطنة وريحة زهرة ...
نيلك طرحه وضلك سدره ...
قوامك بانا وشك قمره ...
عيونك ضفه .. سر النظره ...
قليب اطفال بساطه وفطرة ...
شايله دلالك من الخضره ...
يقالد ديسك نخيل التمره ...
يا بت بلدى ...
رنة صوتك سحر النبره ...
خصالك سمحه
وسيرتك عطره ..
كريمه فى دارك ..
بشوشه وديعه ..
وخاتيه البطره ...
سبحان الخالق رب القدره .....
ودعتك الله وابقى عشره
اسماء الجنيد مسقط
|
Post: #38
Title: Re: بين عاصم البنـــا .. ومحمد المرتضى حـــامد
Author: soma
Date: 09-15-2006, 03:04 PM
Parent: #37
مرحب حباب ود القبائل ود شيقوق
الشوق ولف وخدار جرف..
والود محنة
تسلم يا ود الاهل الحنان
كتر خيرك على الاختيار والترحيب الحار
يديك الف عافيه اخى الطيب
شكرا قدر فرحتى بى المفاجأة القصيدة..
تخريمه
شكرا من تانى لاخونا تمبس
|
Post: #40
Title: Re: بين عاصم البنـــا .. ومحمد المرتضى حـــامد
Author: saif massad ali
Date: 09-15-2006, 03:16 PM
Parent: #38
يازول سلام
بعد
كلام والرضي وغني ود البنا عافي منك ظاهر وباطن تراني ماشي انوم
|
Post: #43
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-16-2006, 05:23 AM
Parent: #38
كتر خيرك اختى اسماء بت الجنيد المننا ولينا لحمة ودم
النعمة ما بخفوها دعيني اسعد الناس ديل بالوصلة دى خليهم ينجموا شوية في واحة الابداع حالك دى على قول اهلنا العمانيين .
http://www.sudaneseonline.com/cgi-bin/sdb/2bb.cgi?board=75
|
Post: #44
Title: Re: بين عاصم البنـــا .. ومحمد المرتضى حـــامد
Author: مجاهد عبد الرحمن
Date: 09-16-2006, 05:46 AM
Parent: #43
الحبيب تمبس
سلامات يا فنان
لله درك يا رجل ... يا صاحب العطاء المميز دمت للبورداب واحةً وارفة الفنون والجمال .
ياخي ود الرضي دا أين ما وقعت كلماته على حنجرة إلا وزينتهاوجعلتها ذات أجمل الأنغام وتغذيها بكل أسرار الشجى والشجن ... رحمه الله بقدر رحمتهالتي وسعت كل شئ .
عاصم البنا يا تمبس من الأصوات الطروبه والتي لا تمل سماعها ( كلما أسمعه بلقى فيه الفرجوني ) هذا الذي ضن الزمان به أم ضن بنفسه على أبناء شعبه الذين يحبونه حتى الثمالةلا أدري .
التحية عبرك لعمنا الفرجوني وأميمة الفرجوني ... وعاصم والأمين والشاعر يوسف البناو( نصرالدين البنا ) لأنه فنان تمرد على الفن .
التحية للفنان المرحوم الشاعر ود الرضي.
التحية للشعب الذي انجب هؤلاء
وتحية خاصة لك يا تمبس لأنك تجيد فن الإختيار.
|
Post: #46
Title: Re: بين عاصم البنـــا .. ومحمد المرتضى حـــامد
Author: soma
Date: 09-16-2006, 05:55 AM
Parent: #43
ود شيقوق .. حباب المهل عشا الاهل
يعلم الله انجميت انا بى نضميك المن الجوف
يرد الروح ويبرد الواطه خريف..
ما قصر الباشمهندس بكرى وعمل لى المكتبه الظريفه دى
كتر الف خيره .. وكتر الف خيرك انت البعجبك السمح لى اهلك
ومنى ليك ضل نيمه ان صح التعبير .. موقعى المتواضع سومات
اتمنى ان ترتاح فيه تتونس وتونسنا.. وما تنسا تمشى سجل الضيفان لول
لك التحايا أردب محنة
شكرا قطوف
www.soomat.com
|
Post: #48
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-16-2006, 06:53 AM
Parent: #46
Quote: ومنى ليك ضل نيمه ان صح التعبير .. موقعى المتواضع سومات
اتمنى ان ترتاح فيه تتونس وتونسنا.. وما تنسا تمشى سجل الضيفان لول
لك التحايا أردب محنة |
شكرا ليك يا عشاى
حاولت اتصفح الموقع ولكن للاسف تعذر فتحه . هل لخطأ في الوصلة ام لنحسي ؟
لك التحايا النواضر
شيقوق
|
Post: #47
Title: Re: بين عاصم البنـــا .. ومحمد المرتضى حـــامد
Author: DKEEN
Date: 09-16-2006, 06:52 AM
اصلو هالكاني..
تامبا الناس دي موش قات ليك لنك الحفظ؟؟؟
انتا الايام دي بالك وين؟؟
عندي ليك مسابقة شطة..انتا ولي محمد الشيخ
من قائل هذه المقولات الماثورة:
الاولى:
معليش انا عندي ضيوف في البيت ولازم اتخارج هسي..
المقولة التالتة:
زي زول دخل البقالة وطلع..
المقولة التانية:
عشان عين تكرم الف عين وعشان الف عين تكرم عين..الحرج حاصل والرسالة وصلت..
|
Post: #49
Title: Re: بين عاصم البنـــا .. ومحمد المرتضى حـــامد
Author: Alsa7afa_30
Date: 09-16-2006, 01:28 PM
|
Post: #51
Title: Re: بين عاصم البنـــا .. ومحمد المرتضى حـــامد
Author: مجاهد عبد الرحمن
Date: 09-18-2006, 06:19 AM
Parent: #49
صرت من البي شخصي كاد يغبالي
الله ... الله ... الله
أخي تمبس
انت زول جميل والله... بتعرف الغناالسمح...ولا غرو في ذلك لأنك متخرج من جامعة بيتكم الفنية...حفظكم الله ...
أخوي تمبس ماك عارف ليك مكان ألقى فيه أي مادة لعاصم البنا أو الفرجوني ( حقيبة )فهم يتجليان ويتوهجان في أداءها لأنني لم أجد حتى في غبيرة
والله لقد أسكرتني طرباًًحتى الثمالة.
أسكرك الله بنخب السعادة
اللهم أكرم كاتبها وملحنها ومغنيها وعازفها ومنزلها في البورد والمهداة لهم والمستمعين لها وخص المستمتعين بهابجزيل الكرم وفيضه.
|
Post: #53
Title: Re: بين عاصم البنـــا .. ومحمد المرتضى حـــامد
Author: mamkouna
Date: 09-19-2006, 06:27 PM
رمية و غُنية ..
كده بس....
|
Post: #55
Title: Re: بين عاصم البنـــا .. ومحمد المرتضى حـــامد
Author: مجاهد عبد الرحمن
Date: 09-21-2006, 04:07 AM
Parent: #53
حتى إنت يا بروتس
يعني حقيقة ممكونة
الله يفرج
|
Post: #56
Title: Re: بين عاصم البنـــا .. ومحمد المرتضى حـــامد
Author: محمد المرتضى حامد
Date: 09-25-2006, 11:42 AM
Parent: #55
هوىىىىىىىىىىى (ليلى )
يا اخوانا تحياتى لكم واصدق الامنيات لكم بدوام الصحة والعافية يا بكايين . ولو انا كنت عارفكم كان غنيت ليكم الحان الربيع . لكن ربنا لطيف بى عباده والظاهر مناديلكم اصلو مابتنشف . هاك التاء المربوطة دى
كل احترامى وتقديرى لكم وشكرى وامتنانى على الاطراء مع اصدق الامانى بالحب للجميع
اخوكم عاصم البنا مسقط 26:9:2006م
|
Post: #57
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 09-25-2006, 11:42 PM
Parent: #56
اخوكم عاصم البنا مسقط 26:9:2006م
يا حباب عشاء البايتات ومقنع الكاشفات
مرحب بيك ووصلت ديارك .
وزى ما قالت سمحتنا واختنا اسماء بت الجنيد يطول عمرها ويديها الغافية
رنة صوتك سحر النبره ...
خصالك سمحه
وسيرتك عطره ..
كريم فى دارك ..
بشاشة ووداعة ..
وخاتيه البطره ...
سبحان الخالق رب القدره .....
وما بين المرتضى وعاصم البناء الكتير فيها ام درمان وفيها وفيها وفيها وفيها كمان البرق القبلي البجيب الخير لكل الناس . وفيها النترة وفيها الجبهة فيها البرعي وام ضوا بان .
فيها الضى وكمان عثمان
فيها كلاب نبيح الهجعة
وفيها تمبس فزع الوجعة
فيها القرشي والقدال ومعاهو طراوة جميل البال .
فيها مجاهد وفيها صحافة
فيها دكين وفيها الهام
فيها عمودهاالثابت دوما
فيها عنيده صافية النية
فيها ود دفع الله واخونا السيف
وكلهم بتسمع صوتهم زى ود القيف ( عليك الله المرتضى اسال لى عاصم ده قول ليهو ود القيف دى شنو )
اطيب المنى
شيقوق
|
Post: #58
Title: Re: بين عاصم البنـــا .. ومحمد المرتضى حـــامد
Author: munswor almophtah
Date: 09-26-2006, 00:32 AM
Parent: #57
فـــاح لي كبريتـــــــــا
وكبدي كالبنزين ... قادحـــه
( كبريته )
اصلـــــو
( هالكــــاني )
عني ما نجيتا ..
ويـــا
( جــــــــــــرح )
غــــــــّور
إن شاء الله ...
مـــــــــــــــــــا
بريتـــــا
يا الله هــــووووووي
هنا قمة الإبداع إيقاع وكلمات وأداء تمبس إنت فنان قدير..............................
منصور
|
Post: #60
Title: Re: بين عاصم البنـــا .. ومحمد المرتضى حـــامد
Author: الطيب شيقوق
Date: 10-02-2006, 03:50 PM
Parent: #58
| Quote: هنا قمة الإبداع إيقاع وكلمات وأداء تمبس إنت فنان قدير |
تمبوسي هو حقيقة تاج وقار على هامة هذا المنبر يا حبيبي
تسلم ويسلم تمبوسي
|
Post: #61
Title: Re: بين عاصم البنـــا .. ومحمد المرتضى حـــامد
Author: mulhim
Date: 11-07-2006, 04:37 PM
Parent: #60
|
|