القاعدة تتبني اغتيال محمد طه محمد احمد

اعلن تنظيم القاعدة في السودان
تبنيه لاغتيال الصحفي محمد طه محمد احمد

مزدلفة عثمان

طيب ما قتلو الترابي ليش

سلام يا سيف
والله ما سالتهم

رجل ينسب لتنظيم القاعدة قتل صحفي سوداني

الخرطوم (رويترز) - أعلن رجل يدعي أنه يقود فرعا في افريقيا لتنظيم القاعدة المسؤولية يوم الثلاثاء عن ذبح رئيس تحرير صحيفة سودانية عثر عليه قتيلا الاسبوع الماضي.

ووصف الرجل في بيان أرسله للصحف السودانية الصحفي محمد طه بأنه "كلب من كلاب الحزب الحاكم" واتهمه باهانة الرسول محمد.

جاء في البيان الذي حصلت رويترز على نسخة منه ووقعه ابو حفص السوداني الذي قال انه زعيم تنظيم القاعدة في السودان وافريقيا إن ثلاثة عناصر من التنظيم نفذت العملية وانهم الان خارج السودان.

وكانت أنباء قد أفادت بخطف طه من أمام منزله في العاصمة الخرطوم قبل أسبوع وعثر عليه قتيلا يوم الاربعاء الماضي.

الاستاذة مزدلفة ......... سلامات ..ارجو المزيد من المعلومات..بيان ..اشاعة ..تسجيل صوتى..؟؟؟؟ لان الموضوع بالجد سيكون خطير

ود عكر
كيف احوالك
احاول جاهدة الحصول علي نص البيان
لكني رفعت قبل قليل الخبرالوارد في رويترز

شكرا فقد سبق التوضيح السؤال "آليا"
والان امامى رويترز وابحث فى مصادر اخرى لتقوية الخبر...نتابع

تمكنت من الاطلاع علي نص البيان المرسل
لدي ملاحظات عليه
اولا هو مقتضب جدا
وملئ بالاخطاء الاملائية الفاضحة
لم يفرق كاتب البيان بين ال"ز" وال"ذ"
وخالي علي غير العادة في بيانات القاعدة من اي اية قرانية
لا يحمل ختم او شعار
مذيل بعبارة "ودمتم في حفظ الله "
وهي عبارة لا تختم بها بيانات القاعدة
الشكوك تحيط بلا نهاية بصحة هذا البيان ونسبته الي القاعدة

الاخت العزيزة مزدلفة
قرات البيان قبل قليل .. يدعو الى الضحك والسخرية والجهة التى كتبته بغباء مقصود ينبغى ان تكون معروفة للجميع وخاصة اسرة الراحل محمد طه ... ولا رأيك شنو ؟



فى تنظيم قاعدة بقول : دمتم فى حفظ الله
خلاص الله يحفظكم وصدقناكم بس تكون دى الذبحة الاولى والاخيرة .

تَنظِيّمْ القاعِده وكَمان فِي "السُودان" ! ويقتُلْ رَجُلْ سُويّدِيّنِي!!
مُشْ راكبَه الدُماغ!!
يَبدو الأمرْ تَخويّفْ للقواتْ الأمَمِيّه لَيّسَ إلا.

عبد المنعم سليمان
محمد ادم
تحياتي
وكأنكم اتفقتم معي في عدم معقولية البيان
كل الشواهد تقول انه محاولة للتمويه وتغطية الفاعل الحقيقي
لا ادري ان كان ذلك بقصداو بدونه لكن بالجد كلام ما منطقي خالص

هو الجماعة ديل بتعاملوا مع الشعب السوداني كله

باعتبارنا أغبياء وهم الوحيدون الناصحون.

العبوا غيرها

Quote: رجل ينسب لتنظيم القاعدة قتل صحفي سوداني الخرطوم (رويترز) - أعلن رجل يدعي أنه يقود فرعا في افريقيا لتنظيم القاعدة المسؤولية يوم الثلاثاء عن ذبح رئيس تحرير صحيفة سودانية عثر عليه قتيلا الاسبوع الماضي. ووصف الرجل في بيان أرسله للصحف السودانية الصحفي محمد طه بأنه "كلب من كلاب الحزب الحاكم" واتهمه باهانة الرسول محمد. جاء في البيان الذي حصلت رويترز على نسخة منه ووقعه ابو حفص السوداني الذي قال انه زعيم تنظيم القاعدة في السودان وافريقيا إن ثلاثة عناصر من التنظيم نفذت العملية وانهم الان خارج السودان. وكانت أنباء قد أفادت بخطف طه من أمام منزله في العاصمة الخرطوم قبل أسبوع وعثر عليه قتيلا يوم الاربعاء الماضي.

بلا شك إنه الفصل الأخير من هذه المسرحية سيئة الإخراج..كان من المتوقع أن تقوم عصابة مجرمي الحرب بإصدار مثل هذا البيان الركيك. المؤتمر الوطني و جهاز أمنه هم من قام بتصفية محمد طه محمد أحمد لإرسال هذه الرسالة التي تضمنها البيان الضعيف المفبرك. طبعا كما أوضحنا سابقا فالمؤتمر الوطني قصد من هذه الرسالة تخويف الشعب السوداني بسيناريو العراق و قصد أيضا توجيه الرسالة إلى المجتمع الدولي بأن القاعدة موجودة و أخيرا جاء هذا البيان ليؤكد صحة ما ذهبنا إليه، و الأيام القادة ستشهد القبض على بعض العناصر الوهميين و سيسجلون إعهتراف يبث عبر التلفزيون بأنهم من القاعدة و لكن لم يشاركوا في هذه العملية. بس ده كلو طبعا خوفا من القرار 1706 الذي لا مناص من تتطبيقه القاعدة في أو مافي، و لا تنطلي مثل هذه الألاعيب على الأسرة الدولية. فقد راح دم محمد طه هدرا و من قتله ذوو القربى. يا جماعة يعني رواية التطرف الجهوي التي حاول الأمنجي محمد حامد جمعة تسويقها يعني بح. بقيتو يا كيزان زي حكومتكم بالصبح تطردوا القوات الأفريقية و بالليل تقولوا ما طردناهم،

إذا كانت القاعدة موجودة في السودان فلماذا لم يتم إغتيال رموز من مجرمي الحرب تأمينها أكثر إرتخاء مثل الطيب سيخة أو أي لص آخر فالجماعة ديل وزي ما قال الترابي في الجزيرو أخذوا أمواله و قريته و طائرته ألخ، أو مثلا السيد الصادق المهدي-حفظه الله و رعاه-ما هو واقف عديل مع القوات الدولية و موالي الكفار على قول الزرقاوي البيقتل سواقفين في منظمات دولية.


يا جماعة قدؤ ما الزول يحاول يحسن بيكم الظن أو كما قيل...........


مرتضى جعفر

إذن علينا أن لا نسكح لهم بالتغطية
و التمويه إلى أن تظهر الحقيقة ..
مش كده يا مزدلفة ؟؟!!

Quote: و الأيام القادة ستشهد القبض على بعض العناصر الوهميين و سيسجلون إعهتراف يبث عبر التلفزيون بأنهم من القاعدة و لكن لم يشاركوا في هذه العملية.

مرتضي جعفر..
يا وهم..

عليكـ الله بلسانكـ الأغلف كده زيح بتحليلاتكـ السمجة دي..
ياخي ما تبطل العبط البتسوي فيهو ده..





والله العظيم قديتنا..

أوعاكـ تكوركـ لبكري..

الجهلول قريب آصالة نصري و الآصالة نصري ما شايفاهو غير مجرد"عبــــ" الطالب

شوف يا جاهل

Quote: عليكـ الله بلسانكـ الأغلف كده زيح بتحليلاتكـ السمجة دي..

باقي لي زي بقيت تهرش و تخاف..ما كان تتمها و تقول لي ليه "منكر وجود الرب" يا جبان يا جهلول.

بعدين إنتا قايل في سمج غيرك ولا قايل روحك بتفهم تحليل يا تكفيري يا مهووس و زمان قلنا خليك في رواية حفص عن عاصم ولا ورش أو الدوري و الشغل بتاع معاهد الجهل في بلد الجهل المحكر فيها دي يا جاهل.. و أوعك تفتكر روحك قدر الزول ممكن ياخد و يدي معاك...غور يا تكفيري يا مهوووووووووووووووووس.

مرتضى جعفر

تعليق لطيف علي الخبر في الجزيرة

من منى الى المدينه ومن المدينه الى مكه..
ومني انا العبد الفقير الى مزدلفه ...


ربي انا لا نسالك رد القضاء ولكن نسالك اللطف فيه .

يا جماعه ارجو ان تحسنـــوا (الذبح ) .. اقصد الاخراج ..


مسرحيه بايخه بووووووووووووخ .

الجماعه ديل زمن الشيخ اظن كان عندهم كبير و بختشــو ا .

هســه واضــحه يا جماعه ..

يا ربي شعارهم الجديد والضابحات ضبحــا ولا شــنو .. الله يعلم .

أخي / مرتضى جعفر

لك التحية والإحترام وكل الود

Quote: ما شايفاهو غير مجرد"عبــــ" الطالب

وكيف تراهو أنت أخي العزيز.......

صدقاً مثل هذه الأشياء تسي لنا جميعاً ........

لك لشكر والإحترام إن تخليت عن هكذا أسلوب ....

Quote: كلب من كلاب الحزب الحاكم

لاحظ الرسالة المفبركة ..

وهي تحاول تبرئة المؤتمر الوطني.. القاتل الرسمي



الشعب دا قايلنو فيهو قنابير

Quote: وهي تحاول تبرئة المؤتمر الوطني.. القاتل الرسمي

ود حنين
أظن أن قصدك الراعي الرسمي

الشايقي

فاوضني بلا زعل

هـــــى


الـــدوامة

تحياتي لكل الشباب المتداخلين
لكن وللاسف وقع المحظور الذي كان يجعلني في كل مرة
اود ان اشترك في المنبر اضع يدي علي قلبي وافكر الف مرة في الدخول
يا شباب رجاء
ابتعدوا عن المهاترات والاساءات الشخصية
المكان او علي الاقل البوستات التي ارفعها باسمي لا تحتمل تلك الالفاظ الغريبة والمخجلة
من لا يستطيع التماشي مع النقاش الهادف عليه الا يفعل .
مع تقديري واحترامي للجميع بلا استثناء

الاخت مزدلفة الصبر

Quote: "ودمتم في حفظ الله

ومصاريف العيد بتصلكم قريب إن شاء لله
وبلغوا سلامي لكل الجيران وخاستن عوض بتاع الدكان.


والله الحمد لله الزول أو الناس الكاتبين البيان دا ما كتبوا اساميهم الصحيحة كمان

صباح الخير

Quote: لكن وللاسف وقع المحظور

في محظور اكبر من الواقع ده ..

يا مزدلفه يا اختي الطير يرقص مذبوحا من الالم .

ولكي ود .

يابيجو
مساك سعيد
المحظورالذي تحدثت عنه كان واضح
اكره من داخلي اسلوب الكثيرين في تحوير النقاش وتحويل الكلام الي مهاترات
واصبحت علي قناعة بضرورة مغادرة المنبر، اذا استمرالوضع ،لا يعقل ان يكون اسلوب والفاظ الفئة التي يفترض فيها الاستنارة والدرجة العالية من الوعي مساوية لاولاد الشوارع والمستظلين بالحائط في حي شعبي تعيس
يا جماعة الخير المنبر وسيلة راقية للحوار وتبادل الاراء والمعلومات
فلا تحولوها الي بركة اسنة تزكم الانوف برائحتها النتنة
كثيرون قبلي قالوها
لكن لا حياة لمن تنادي
وبكري هو المسئول الاول عن حالة الانفلات المستشرية في البورد
تحياتي

الغريب ولا غريب في السودان
ان الرقيب الامني هجم ليلا علي الصحف
واعمل فيها قلمه واوامره
سحب الخبر من الصحافة والسوداني والايام وغيرها
وترك نشره للانتباهة واخبار اليوم والخرطوم وغيرها
والرقيب
الذي يعمل بلا معايير وخطوط حمراء اوصفراء ذهب الي مصادرة خبر مبعوث الاتحاد الاوربي من الصحافة
وتركه للراي العام
والرقيب يفعل ما يريد
ولا يستقيل ياسر عرمان كما قال
ولا يستقيل هاشم الجاز الذي لا يعلم عن الرقابة
ولا يتحرك رؤوساء التحرير لان الشغلة اصلا تجارة
وزي ما تجي تجي
لك ان تتخيل
صحفي من الصباح شغال يلملم في الاخبار والمعلومات
ويهدر ساعات طويله علي حساب راحته واولادو
ويجي واحد ببساطة وبجرة قلم يأمر الا يري ذلك الجهد النور
وفي لسانه كلمة واحدة "المصلحة الوطنية "
نفسي القي زول يفهمني
كيف تخرب الصحافة المصلحة الوطنية و تحافظ عليها اخبار اليوم مثلا؟؟

......... ما اطيبك يا استاذة ........... وانتى شفتى حاجة والا سمعتى الفاظ... اوفففففففففف ...لك الاحترام

مزدلفه

لكي التحيه والاحترام


يا مزدلفه الناس هنا قاعده تعبر بانفعال مع القضايا في بعض الاحيان .. يجب ان تتفهمي ذلك خاصه واوضاع البلد انتي عارفاها كويس وما تاخدي المساله personal .

لكي ودي .

مزدلفة

القاعدة

طالبان

المهم علي الحكومة وعلي جهاز الامن صاحب اكبر ميزانية في الوطن العربي

كشف ملابسات الحادث

لان الفترة طالت واستطالت

Quote: المهم علي الحكومة وعلي جهاز الامن صاحب اكبر ميزانية في الوطن العربي كشف ملابسات الحادث لان الفترة طالت واستطالت

تحياتي خليل
تفق معك في ان الفترة طالت
المعلومة الجديدة التي حجب بسببها وربما لاسباب اخري اليوم صدور السوداني
ان الصحيفة اوردت معلومات عن قرب الاعلان عن الجناة
الجماعة استعانوا بخبراء جنايات من مصر وما في فايدة

يابيجو
لا اري اي مبرر لان يكون الانفعال مدعاة لكتابة الفاظ غير لائقة اصلا
ارجو ال تبرر لاخطاء الاخرين
تحياتي

منطق الاشياء يقول انه ومنذ خروج اسامة بن لادن من السودان ونهب مؤسسته التى كانت تسمى وادي العقيق
وتصفية مزارع زهر ة الشمس الشمس في النيل الازرق وضياع ملايينه بيم الحكومة وافراد التظيم وبعد تسليم كارلوس اصبح السودان مكان غير آمن باالنسبة لزعيم القاعدة وافرادها كما آن تسليم الحكومة السودانية لكل ملفات الاسلاميين المتطرفين وتحديدا الجماعات الوالية لاسامة بن لادن في صفقة ما سمي بمساعدة السودان للحكومة الامريكية في مجالات الحرب على الارهاب اصبح من المستحيل آن توجد خلايا للقاعدة آو للتنظيمات المتطرفة بالسودان وهذا بيان تضليلي

د.محمد
شكرا لمرورك
لكن الكل يعرف ان القاعدة موجودة بفكرها في السودان
و كثير من الدول العربيةقد لا توجد كما قلت خلايا
ارهابيةناشطة غير ان الافكار تتبناها جماعات تحت مسميات مختلفة
لكن وكماقلت في تعقيب سابق البيان المنسوب للتنظيم في السودان بتبني العملية غير منطقي اصلا

قرابة العشر ايام مرت
ولم تنجح السلطات في معرفة
الجناة
بالله دي حالة
ولا دي بلد
ولا دي مباحث وشرطة
ولازالت الرقابة عي الصحف مستمرة
والاستاذ كمال بخيت ينفي
والباقر احمد عبدالله يرغي ويزبد
لكن المحجوبين
اصحاب السوداني والايام يثلجا الصدور
بحديث واضح وصريح عن الرقابة والانتقائية في التعامل مع الصحف