حكاية الدحش المدفور لانتزاع الدكتوراة عفوا اقصد الكورة من الخصم

الجماعة اجتمعو وقالو فريق الرباطة دا ما عندنا طريقة معاهو الا نجيب الدحيش
اها الزين سمع الحكي بتاعهم دا وقال ليهم موضوع الدحيش خلو علي تب

الجماعة

يا الزين عليك الله ما تجهجهنا سااي دحين خلينا كلنا كده نجيب الدحيش

قال لهم هووي يا ناس هووي اقضو باقي شغلاتكم والدحيش دا انسو موضوعه تب
اعتبر جوه الميدان خلاص.


اها نط حكيم القرية وقال ليهم:

يا جماعة أي نعم الزين دا عوير.

بس فى النهاية ابوه اربعين سنة بشتغل فى البندر
وبالحيل بعرف ناس كتر عشان كدي مسعلة الدحيش دي النخليها ليهو .

اها الجماعة مشوا وهم معتمدين على الزين ومبسوطين ميه ميه الماتش فى جيبهم
دي اربعين سنة خدمة دي.


ويوم الماتش يجيك الزين دافر الدحش بتاع شيخ الحلة وداخل الميدان لانتزاع الكورة



ناس تضحك وناس تستعجب وناس ما فاهمه الحاصل وناس ...... وناس .............