Post: #1
Title: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-10-2006, 01:06 AM
بسم الله الرحمن الرحيم
ودانت الدنيا لاب عاج
وصرح نايب الرئيس ( ابو القاسم) الثورة تراجع ولا تتراجع وفعلا راجعت الثورة شعاراتها بعد التاميم والمصادرة- سئل عبد الكريم الكابلي في لقاء اذاعي في منتصف الثمانينات عن ادب شعراء البطانة فذكر انهم كانوا فوارس وكانت لهم قيمهم فهم ياخذون من الغني ليعطوا الفقير ومن البخيل ليعطوا المحتاج ولكنه استدرك قائلا ان المسالة في النهاية هي سلب لاموال الناس- فاصبحت لاحرية لااشتراكية لاوحدة
وطلعت المظاهرات تهتف لن تحكمنا حكومة التوت
وجاطت الشغلانية في جمهورية الجديان
محمد نور سعد
محمد صالح عمر
حسن حسين... راحوا شمار في مرقة
شنان طلع ذكي ورقد مستشفى
اتفق الصهران على المصالحة وتمت بين جدة وبورتسودان
الشريف الهندي فضل زمهرير لندن على سخانة الخرطوم . ومات بطلا
الصادق رجع وصار متارجحا بين القبة والاتحاد غير الاشتراكي (تحالف قوى الشعب الخ
ما شفتو ابويا يا الجلابة
جملو الكبير يا الجلابة
توبو توب حرير يا الجلابة
..... كتل محمد اخويا يا الجلابة
وتتوالى الاحاجي
تغني قمرية:
حسن يو يا حسن
كيف حالك يو حسن
حالي حال السواد يو قميرية
اكلي مع الجداد يو قميرية
نومي في قيزان الرماد يو قميرية
تردد القمرية:
لبني يخونك يو فاطنة
يقطع بطونك يو فاطنة
يكسر قرونك يو فاطنة
ده حسن ود امك حنونك يو فاطنة
وتبدل حال جمهورية الخرتيت واصبحت لا هي يمين لا هي وسط لا هي يساروكثرت الحكايات المحزنة المضحكة
1
نايب الريس ( ابوالقاسم) وكان ايضا وزير الزراعة ، وكانت هناك مشكلة مزارعي كسلا ومشوا لاي جهة ما لقوا حل وصادف انو السيد وزير الزراعة ونايب الريس زار كسلا فاجتمع المزارعين وانتهزوا الفرصة وذهبوا ليعرضوا مشكلتهم على اكبر مسؤل في البلد ويبدو انو المسؤل كان سهران سهرة جميلة (زي سهرة يوم دخل التلفزيون في سهرة على الهواء مباشرة وكان الضيف زينكو وقال ليه انت هنا وانا افتش عليك) .. فعرضوا عليه المشكلة وقالوا ليه نحن مشينا الخرطوم وما لقينا اي تجاوب وما عارفين نسأل منو
قال ليهم السيد الوزير: اسألوا العنبة الرامية جنب بيتنا
2
الريس ابعاج قال للوزير ارفع سعر السكر( ليه بس كده بس)
الوزير قال للريس لا
الوزير مشى بيتهم
ابعاج قعد وتوالت زيادات السكر
3
تمت الموافقة على انشاء مطار الحاج يوسف وفرح الجميع وجاء الدعم من حكيم العرب
ولكن حكيم السودان قال ليهم ماتبنوا لينا نحن بنبني برانا بس انتوا ادونا القروش
وظهر Mr 10%ومن ذلك التاريخ صار كل من لاعمل له عايز ال!10%
,وبرز الثعلب مرة اخرى وتم تعيينه مستشار
فقال للريس رايك شنو ناسلمها وتبقى الامام بدل الاستاذ ( راجع بمبر الاستاذ للمرحومة ليمونة)
وكانت قوانين سبتمبر
طبعا سيد الصادق لقى المسالة ما لافقة ورجع للمعارضة مرة تانية ( دخل الغابة)
وكانت مهزلة قوانين سبتمبر
وسكرت اسماك النيل حتى الثمالة
اعدم محمود محمد طه
فكان بداية الطوفان
تم التشهير بالاسر
شريعة والجلدة سريعة ونسوا ( وما أرسلناك الا رحمة للعالمين)
وتفتقت عبقرية شعب جمهورية الجديان فسموا الامام ( الرصين)
على اساس ان كل من يتبعه يقولون نحن مع الرصين
وجاء بوش
وقال ليه يانميري يا تخش
يا يخش
نميري قال ليه : يخش
وادخل الترابي السجن ومعاهو جماعتوا
فاض النيل
وكانت الدميرة الرائعة في ابريل
ولاول مرة لم يكن اول ابريل اكذوبة
سوار الدهب كان رجل حق وليس رجل فرص وكان صادقا مع نفسه
نواصل
|
Post: #2
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-11-2006, 01:58 AM
Parent: #1
up
|
Post: #3
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-12-2006, 04:04 AM
Parent: #1
up
|
Post: #4
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-13-2006, 02:35 AM
Parent: #1
سوار الدهب كان رجل حق وليس رجل فرص وكان صادقا مع نفسه
اجبر على اعتلاء السدة
دكتور الجزولي اتهم ان به بعض من اسلمة
عثمان عبدالله كان ينظر للامام اتهم باليسارية
( الرئيس المخلوع كان يتابع اخبار د.الجزولي فقال ليهم هسة مخلوع انا والا مخلوع ابو عين منططة ده)
تم تسليم الحكم للسيد الصاق بانتخابات حرة ولكنها ناقصة
اسقطت طائرة الخطوط السودانية من قبل جون قرنق
سقطت الكرمك وقبلها سقطت برلين
تنازل السيد الصادق وقابل جون قرنق كرئيس لحزب الامة وليس كرئيس للوزراء والمحصلة صفر
الجبهة القومية تعلن عن مؤتمرها العام-
في صينية الاتحاد الاشتراكي سابقا تم تعليق لافتة كبييييييييرة من امانة المرأة بالجبهة القومية كتب فيها( نضال المرأة لذة في البذل ونشوة في العطاء) وحاشى لله ان كون قد بهت احد
نواصل
|
Post: #5
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-16-2006, 07:06 AM
Parent: #4
up
|
Post: #6
Title: Re: السودان من عهد الخرتيت وحتى توريت (2) العصر المايوي
Author: عبد الله عقيد
Date: 09-16-2006, 08:01 AM
Parent: #1
الأخ د. محمد حسن
لك التحية
نشكرك على سرد هذه الإضاءات التاريخية الهامة
وبهذا السرد الشيق..
ونتابع
|
Post: #8
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-17-2006, 01:21 AM
Parent: #6
الاخ غقيد
لك التحية والتقدير
|
Post: #7
Title: Re: السودان من عهد الخرتيت وحتى توريت (2) العصر المايوي
Author: عبد الناصر الخطيب
Date: 09-16-2006, 08:32 AM
Parent: #1
أتحادنا .............. قوة حرية أشتراكية
النصر لنا ............ بالايمان بالاخلاص بالعمل
========================================================================
أيام الجنرال النميري ....
تحتاج أن توثق لتجربة تظل بها كثير من الخفايا التي تحتاج لكثير من الابأنه
لعهد يظل غريباً في تداعياته وتطوراته بتاريخ السودان الحديث
وأن تشكل وعينا أيام غيابه بفترة الديمقراطية الثالثة .....
لم يجد جيلنا تفاصيل حقيقية أو أفادات محائدة عن مايو
وكل ماقرأنها عنها في كتب مثل ( نميري الامام الروليت ) وغيرها
مثلت فقط وجهت نظر كتابها المتحاملة جدا على العهد المايوي
الدكتور / محمد حسن
لك التحيات ,,,
____________________________________________________________________
ونسجل حضور ومتابعة
|
Post: #9
Title: Re: السودان من عهد الخرتيت وحتى توريت (2) العصر المايوي
Author: د.محمد حسن
Date: 09-17-2006, 01:22 AM
Parent: #7
تكمن المشكلة الاساسية في آن التاريخ يكتب وفق اهواء آما جهوية آو قبلية آو وفقا للمصلحة الذاتية ، والتاريخ الحديث يعتمد على الوقائع وعلى الوثائق الرسمية وعلى كتابة السير الذاتية وكل هذه غير موجودة في سودان الخرتيت
|
|