بيان بالغتي عددديل والواحد اتصدم وتشابه عليه البقر من صباح اليوم !!!!!!!!!!!

ببساطة شديدة يا بيان


الزول دا طلع وحالته لا تخفى على احد وانت اولهم
بدليل بتقولي انو الناس الهنا يدها مافي النار زي الفى السودان



يعني الوضع فى السودان ناااااااااااااااااار صاح


اها الزول دا خلاص تعب المسكين وانفجر وطلع

وانتقلت روحه الى خالقها



اقل حاجة نعملها شنو كلنا مقصرين فى حقه وفي حق انفسنا
وفي حق السودان

نقول الزول دا مات ساي ؟؟؟؟

ليه كدا يا بيان ؟؟

الزول دا زيو زي مليون واحد صحى من النوم عشان يمشي الدكان
ويجازف ليهو نص رطل سكر عشان الشفع اتفاجا انو مستقطعات
امس من حق المواصلات راحت شمار فى ومرقة

بيان

برضو مات ساااي

بيان قطع الرقاب ولا قطع الارزاق

بيان ربنا سبحانه وتعالى

غفورا رحيما على عباده وخاصة الفقراء مش الاغنياء ليه

عشان الفقر دا ابن ستين كلب


بنفس منطقك الخلاك تقولي انو مات سااي بسبب الطيف السياسي
كان الاحرى تتألمي لألمو الخلاهو يطلع خاصة وانك بتأكدي على
وجود الألم ليه يا بيان بخستي الزول دا ابسط حقوقه ليه يا بيان ؟؟؟
ليه يا بيان عايزاهو يتألم ويقعد فى بيته متألم انا ما حاقول ليك ليه
ما قدرتي استشهاده او موته لانو هو اصلا لمن طلع من بيته طلع
جسد يبحث عن روح ضاعت منو بين اروقة السياسات البتتكلمي عنها يا بيان
بيان دي كتيرة شديد منك يا بيان


مات سااي


غمضي عيونك يا بيان

وللحظة اتخيلي الزول دا

وحاله وحال اولاده وانو النظام وصله مرحلة كدا
انو اصبح عاجز امام اولاده واهل بيته

اصبح غير قادر لتوفير ابسط متطلبات الاسرة

وطلع وصرخ من الالم فى وجه النظام دا

الحصل شنو ؟؟؟

قتل

تفتكري انو طلع لشنو غير انو يموت وما يجي راجع تاني

يرجع لشنو هو اتكتل قبل ما يطلع واتقهر امام اهل بيته

تاني فضل ليهو غير الموت


يا بيان

بيان فى خوف بشع ابشع انواع الخوف

خوف من مقدرتك على تحمل مسئولية واجباتك تجاه اهل بيتك

ان تكون فاشل فيها ويثبت فشلك امامهم وبالدليل القاطع

يا خالة بيان

الموضوع ما جماعة الظلامين ولا جماعة اهل الاستنارة

الحكاية موقف وكلمة حق فى حق انسان

وتذكري يوم وقوفنا امام الواحد الاحد

قال حقي بغفرو لعبادي لكن حق العباد
من شأن العباد

اعطي الزول حقه قبل اليوم المشهود