Post: #1
Title: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-27-2006, 10:09 AM
Parent: #0
السيد البروفسير وزير الداخلية
المحترم
انا المواطن سجيمان اشكو لكم ناس البوليص حيث انه في يوم لسبت 26\8\2006 وفي تمام الساعة الواحدة وخمسة وتلاتين دقيقة بقرأة موبايلي التلاتين عشرة....وبينما ان ومجموعة من زملائي من فقراء الشعب السوداني....الذين لا ينتمون الي اي حزب من الاحزاب ومافي حزب مالي عيونهم...كان حكومة كان غيرها...كنا نركب حافلة تلاتين راكب لكنها كانت شايلة تلاتة وتلاتين راكب بعد مضايرة مننا....وبعد ان دفعنا الكمساري التعريفة الجديدة بعد ان زاد السيد وزير المالية ربنا يغتي عليهو ويزيدو كمان وكمان ويعلي مراتبو بركة شيخي ابو الجاز....بعد ان زاد اسعار البنزين والجاز والزيت والسكر والبصل وكل شي... الحقيقة انا ما لايمو تب... لمتين البنزين دا يكون رخيص ؟؟ لي يوم القيامة يعني؟...ما لازم يزيدوهو....وبينما نحن دفعنا حق الحافلة وكل واحد قاعد مؤدب ومربع ايديهو وخشمو ما فتحو...واثناء عبورنا الكبري الجديد بين امدرمان والخرتوم ونحن جاين من امدرمان.... اذ بمجموعة من عربات البوليص وبها مجموعة كبيرة من رجال البوليص الاشاوس...تمر بالقرب منا.. واذ بالبواليص يحمرو ويكورو في الناس الراكبين في الحفالة....وانا شخصيتن حمرو فيني اكتر من عشرين بوليصايي...وخفت وحات الله يقومو ينزلو ويجدعوني في نص بحر ابيض...ويصفقو..قلت البد تحت الكرسي حق الحافلة قدر ما حاولت ما لقيت طريقة...وبعدين استغربت والله انا وزملائي فقراء الشعب سوينا شنو؟؟؟ ..والله وما طالبني حليفة... مافي ولا زول كان زعلان في زيادة البنزين ولا حاجة...وكمان عارفين انو الحكومة محمولة... ومصاريفها كتيرة... اها تجيبها من وين؟...كان ما زادت البنزين....الوزراء براهم كتار خلاص... والمستشارين... والمساعدين...وعيييييييييك... اها ديل يجيبو ليهم مصاريف من وين؟؟ عندهم وليدات دايرين مدارس..ودايرين ياكلو ويشربو.....نحن بنتحمل لكن الناس الكبار ديل ما متعودين علي المعمسة...والبشتنة...دحين يا سيادة البروفسير الوزير..حدس ناس البوليص ما ينهرو الناس من جم....حسي افرض مع نهرهم للناس دا في واحدة حامل ومن الخلعة ولدت في الحافلة.....والله انا دا زات نفسي من الخلعة نطيت ووقعت في بحر ابيض وانا معرفتي للعوم شبه؟.....المسعول منو؟؟؟؟؟....
مقدمه
المواطن الماشي في ضل الحيطة سجيمان
|
Post: #2
Title: Re: رسالة الي وزير الداخلية: سجمــــنا البوليــص هجمـــنا
Author: محمد الامين محمد
Date: 08-27-2006, 10:37 AM
Parent: #1
زح كده من تحت الحيطه دي انت قايلها سبيل دي ضل رئاسي تعملو الغلط والبوليص ما يسعلكم
|
Post: #3
Title: Re: رسالة الي وزير الداخلية: سجمــــنا البوليــص هجمـــنا
Author: nazar hussien
Date: 08-27-2006, 10:51 AM
Parent: #2
انت نان تفرش لي لاب توبك من ضل لي ضل...وداير تشيلو في الحافلة وما يسمعوا بيه؟
دا زمن العولمة يا صاحبي ..أتلقي لاب توبك لامن جات الحافلة بي جنب البوليص
قال صررررررررررررررررررررررررررررررررررررررررررررررررررررررررررررررررر
اها هن صارين لي الصررررررررررررررررررررررررررررررررررررررررررررر دي
وما عندهم شغلة بي باقي الركاب..
دحين لاب توبك ما فيه بلو توث؟
|
Post: #12
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-29-2006, 07:14 AM
Parent: #3
نزار حسين
| Quote: دحين لاب توبك ما فيه بلو توث؟ |
لا... فيهو بادي محمد الطيب
|
Post: #20
Title: Re: رسالة الي وزير الداخلية: سجمــــنا البوليــص هجمـــنا
Author: nazar hussien
Date: 09-03-2006, 01:55 AM
Parent: #12
Quote:
لا... فيهو بادي محمد الطيب
|
وانت وهو كنتم تستمعان
   
|
Post: #46
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-20-2006, 06:56 AM
Parent: #3
اللفة الاخيرة........
بالرغم من استمرار خلعة البوليص
|
Post: #11
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-29-2006, 05:51 AM
Parent: #2
محمد الامين محمد
| Quote: دي ضل رئاسي تعملو الغلط والبوليص ما يسعلكم |
لكن ما لقيت جنبو اي عسكري ولا حرس... شفت الاهمال دا؟؟؟
|
Post: #42
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-14-2006, 06:56 AM
Parent: #2
*
|
Post: #4
Title: Re: رسالة الي وزير الداخلية: سجمــــنا البوليــص هجمـــنا
Author: عبد الله عقيد
Date: 08-27-2006, 01:28 PM
Parent: #1
بقيت تتكلم في السياسة يا سجيمان؟
وتخاطب الوزراء كمان؟
والله ياهو..!!
وحالُم دا ناس البوليس صرولك ساي..
طيب لو اعتقلوك كنت ح تعمل شنو.. ؟؟
يازول اخير ليك تمسك الدرِب من عدلو، وتبطل حركات الحناكيش دي
|
Post: #5
Title: Re: رسالة الي وزير الداخلية: سجمــــنا البوليــص هجمـــنا
Author: Saifeldin Gibreel
Date: 08-27-2006, 01:55 PM
Parent: #4
|
Post: #18
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-02-2006, 10:59 AM
Parent: #5
سيف الدين جبريل...... دخلتتني في ضفوري
|
Post: #14
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-30-2006, 11:08 AM
Parent: #4
عبد الله عقيد
| Quote: يازول اخير ليك تمسك الدرِب من عدلو، |
يا زول والله زول زيي ماسك الدرب من عدلو مافي.... علا البيقنع ناس البوليص شنو؟؟؟؟؟
|
Post: #15
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-31-2006, 08:30 AM
Parent: #14
*
|
Post: #6
Title: Re: رسالة الي وزير الداخلية: سجمــــنا البوليــص هجمـــنا
Author: Eng. Mohammed al sayed
Date: 08-27-2006, 04:16 PM
Parent: #1
ياسي جي
,هسع مساهر بينا وضارب حروفك بالأحمر عشان تقول:
| Quote: وانا شخصيتن حمرو فيني اكتر من عشرين بوليصايي... |
إنت ماسمعت بالمثل البقول:
(الكتابتو حمراء بشوف العين الحمراء)
سلامتك من الهجمة
..............................................................................................
عليك بالهجمة المرتدة
|
Post: #22
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-04-2006, 07:10 AM
Parent: #6
المهندس محمد السيد
| Quote: (الكتابتو حمراء بشوف العين الحمراء) |
ما شافو كتابتي لكن قميصي كان أحمر
يكون القميص هيجهم زي التيران الأسبانية؟؟؟؟؟
|
Post: #7
Title: Re: رسالة الي وزير الداخلية: سجمــــنا البوليــص هجمـــنا
Author: حمزاوي
Date: 08-28-2006, 01:14 AM
Parent: #1
| Quote: انا المواطن سجيمان |
أنت متأكد
|
Post: #24
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-04-2006, 10:54 AM
Parent: #7
خالي حمزة
اي نعم.....وجدا كمان
|
Post: #33
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-09-2006, 12:50 PM
Parent: #7
*
|
Post: #8
Title: Re: رسالة الي وزير الداخلية: سجمــــنا البوليــص هجمـــنا
Author: abas
Date: 08-28-2006, 03:26 AM
Parent: #1
سجومي ولدنا
قول ليه كمان الدولار نازل والبنرسلوا ما بكفي الوليدات
|
Post: #9
Title: Re: رسالة الي وزير الداخلية: سجمــــنا البوليــص هجمـــنا
Author: ترهاقا
Date: 08-28-2006, 03:34 AM
Parent: #8
البوليس يحدر ليك؟ هو فيهو حيل؟ عاملين قمصانهم اللى بى زرارة واحدة
وبعد ده برضو يحدر ليك ؟ إنشاء الله بس راتبه يكفى ليهو حق السكر .
|
Post: #26
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-05-2006, 10:15 AM
Parent: #9
ترهاقا
| Quote: إنشاء الله بس راتبه يكفى ليهو حق السكر |
عشان ما مكفيهو بيحدر لينا.......
|
Post: #25
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-05-2006, 07:08 AM
Parent: #8
عباس
| Quote: قول ليه كمان الدولار نازل والبنرسلوا ما بكفي الوليدات |
يحول مع التحية إلى السيد البروفسير وزير الداخلية
مدير جهاز شجون المغتربين / سي جي مان
|
Post: #10
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 08-28-2006, 05:33 AM
Parent: #1
مافي ولا زول يشجب ويدين الصرة حقت ناس البوليص دي؟
ناس ما عليهم تكل.......
|
Post: #13
Title: Re: رسالة الي وزير الداخلية: سجمــــنا البوليــص هجمـــنا
Author: Nadia Elsir
Date: 08-30-2006, 06:50 AM
Parent: #10
سيجيمان ازيك ,
انت ظنيتك بتاع مشاكل و كبب سااااااى دحين ات فى نهاية جوابك داك اليوم ماك قايل لسعادة الوزير الكلام ده الكلو تحنس لناس البوليص :
(...دحين يا سيادة البروفسير الوزير..حدس ناس البوليص ما ينهرو الناس من جم....)
تقوم تجينا بالفوقانية و تحمشنا  مافي ولا زول يشجب ويدين الصرة حقت ناس البوليص دي؟) ها تلقاها عن غافل
لا ما نشجب و لا بندين مالك ما عندك لسان ماك فصييييييييييييح و نصيييييييييييح.
نادية السر
|
Post: #16
Title: Re: رسالة الي وزير الداخلية: سجمــــنا البوليــص هجمـــنا
Author: حبيب نورة
Date: 08-31-2006, 09:30 AM
Parent: #13
اللخو
والله انا برضو جني وجن البوليس
خسوساً بوليس النظام العام
وعلي راي المثل
أبليس ولا البوليس
زمااااان يا سجيمان حبوبتي الله يطراها بالعافية
ويوسدا الباردة
قالت لي يا المبروك
ربنا يكفيك شر الظلام والحكام و بوليس النظام العام
وأبوي كان بدعي عليهم و بقول
ربنا يكفينا شر بوليس الكشات و الهرشات
اللهم شتت شملهم و أديهم الحاجة
ياخ  كرهونا
|
Post: #29
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-06-2006, 10:46 AM
Parent: #16
حبيب نورة
Quote: الله يطراها بالعافية
ويوسدا الباردة |
حبيب نورة يا اخوي دا شنو البتسوي فيهو دا؟؟....يطارها بالعافية كيفن وهي لحقت امات طه واتوسدت الباردة؟؟؟؟؟
|
Post: #27
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-06-2006, 04:19 AM
Parent: #13
نادية السر
| Quote: عندك لسان ماك فصييييييييييييح و نصيييييييييييح. |
لنصاحة والفصاحة شن فايدتن مع الدق؟؟؟؟؟
|
Post: #17
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-02-2006, 07:27 AM
Parent: #1
*************
|
Post: #19
Title: Re: رسالة الي وزير الداخلية: سجمــــنا البوليــص هجمـــنا
Author: محمد ابراهيم قرض
Date: 09-02-2006, 01:51 PM
Parent: #1
| Quote: المواطن الماشي في ضل الحيطة سجيمان |
كان يستاهل يشنقوك كمان ..
ماشي في الضل و ما دافع
ضريبته ؟؟؟!!!
|
Post: #30
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-07-2006, 06:50 AM
Parent: #19
محمد ابراهيم قرض
| Quote: كان يستاهل يشنقوك كمان .. |
الحق يا بكري.......تحريض للقتل !!!!!!
|
Post: #21
Title: Re: رسالة الي وزير الداخلية: سجمــــنا البوليــص هجمـــنا
Author: الصادق صديق سلمان
Date: 09-03-2006, 05:41 AM
Parent: #1
مار سلت لي النكتة ليه
ولا انت بتكضب علينا وبس
ولا عندك ناسات (البورد دا حق بكري وبس
وأي زول يعمل ليه شلليات بنشتكيهو لي بكري
ابوفتحية
|
Post: #23
Title: Re: رسالة الي وزير الداخلية: سجمــــنا البوليــص هجمـــنا
Author: عاصم ابوبكر حامد
Date: 09-04-2006, 07:13 AM
Parent: #21
دكتور سئ جى تانى من جديد
بثوب رائع
|
Post: #32
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-08-2006, 10:15 AM
Parent: #23
عاصم ابوبكر حامد
راجل ....شنو الذكاء دا؟.....انتو كلكم اذكياء كدي؟.... كان كدي الرماد كال خشومنا
|
Post: #31
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-07-2006, 09:34 AM
Parent: #21
الصادق صديق سليمان
| Quote: مار سلت لي النكتة ليه |
رسلتها يا زول............
|
Post: #28
Title: Re: رسالة الي وزير الداخلية: سجمــــنا البوليــص هجمـــنا
Author: Yasir Elsharif
Date: 09-06-2006, 04:33 AM
Parent: #1
عزيزي سجيمان،
كيفنك يا خوي.. ما بركة الما وقعت في بحر أبيض!! العلي العليهو زايد شديد اليومين ديل..
| Quote: وبعدين استغربت والله انا وزملائي فقراء الشعب سوينا شنو؟؟؟ ..والله وما طالبني حليفة... مافي ولا زول كان زعلان في زيادة البنزين ولا حاجة...وكمان عارفين انو الحكومة محمولة... ومصاريفها كتيرة... اها تجيبها من وين؟...كان ما زادت البنزين....الوزراء براهم كتار خلاص... والمستشارين... والمساعدين...وعيييييييييك... اها ديل يجيبو ليهم مصاريف من وين؟؟ عندهم وليدات دايرين مدارس..ودايرين ياكلو ويشربو.....نحن بنتحمل لكن الناس الكبار ديل ما متعودين علي المعمسة...والبشتنة... |
شكرا على أدب المقاومة المتفرد!!!
ياسر
|
Post: #35
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-10-2006, 09:59 AM
Parent: #28
عزيزي دكتور ياسر.......
بركة الوصول.. علمت انك بودنوباوي.......حاولت اصلك لكن ما لقيت طريقة....الجماعة مشو خلوني....كان مكضبني اسعل المهندس عثمان
|
Post: #36
Title: Re: رسالة الي وزير الداخلية: سجمــــنا البوليــص هجمـــنا
Author: Yasir Elsharif
Date: 09-10-2006, 10:16 AM
Parent: #35
عزيزي الدكتور سجيمان
تحية المودة والتقدير
لقد تأسفت جدا أن الجماعة الذين تكرموا بتسجيل زيارة إلي لم يجدوني، وأشكرهم جزيل الشكر.. وأشكرك على نية الزيارة فـ "نية المرء خير من عمله".. آمل أن ألتقيك في السودان الحر عما قريب..
ياسر
|
Post: #39
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-11-2006, 09:37 AM
Parent: #36
شكرا دكتور ياسر
| Quote: آمل أن ألتقيك في السودان الحر عما قريب |
وانا ايضا كلي امل
|
Post: #34
Title: Re: رسالة الي وزير الداخلية: سجمــــنا البوليــص هجمـــنا
Author: فاروق حامد محمد
Date: 09-09-2006, 03:42 PM
Parent: #1
تعرف ياسجيمان أنا لاعبك راس في كتابي الذي شارف على
نهايته وهو بعنوان (الظرفاء) وهو يتناول الظرفاء منذ
عهد خليفة المهدي وحتى الحقبة الانقاذية الحالية .
أمنيتي أن يتوسط لي صديقك الجنرال عند الأستاذ حسين
خوجلي لبدء نشره على حلقات في صحيفة (ألوان) .
ولاعندك اقتراح تاني لجريدة تانية.
بالمناسبة أين زميلنا الصحفي الرياضي الجميل أحمد
محمد الحسن يا جنرال ؟
مع محبتي
فاروق
|
Post: #37
Title: Re: رسالة الي وزير الداخلية: سجمــــنا البوليــص هجمـــنا
Author: Tabaldina
Date: 09-10-2006, 10:26 AM
Parent: #34
..
.
يا ود المليح
انت فى البلد لسه ولا رجعت !!؟
______________
سي جى .. تعال نوصلكم بدل ما تتخلع فى الحافلات
من ناس البوليص .. يا خواف
|
Post: #38
Title: Re: رسالة الي وزير الداخلية: سجمــــنا البوليــص هجمـــنا
Author: Yasir Elsharif
Date: 09-10-2006, 10:35 AM
Parent: #37
عزيزي تبلدينا،
تحية المودة
لقد رجعت قبل أكثر من أسبوعين.. وفي تلك الزيارة زرت الأبيض وود النيّل وسنجة وأبو حجار ومدني.. كل ذلك في أربعة أسابيع هي كل الإجازة..
أشكرك على السؤال..
ياسر
|
Post: #41
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-13-2006, 09:20 AM
Parent: #37
تبلدينا
Quote: سي جى .. تعال نوصلكم بدل ما تتخلع فى الحافلات
من ناس البوليص .. يا خواف |
يا تبلدينا...انا مكتول في "كنار" بيت المال
|
Post: #43
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-16-2006, 10:48 AM
Parent: #34
يا فاروق
الجنرال قال ليك عرفنا حسين عندو برنامج ايام لها ايقاع...انت عندك برنامج شنو؟؟؟؟
و لاسيما انو عندك بدل وكرفتات كفاية لعمل برنامج ناجح
ان شاء الله تكون قاعد تشوف برنامج مراسي الشوق" يا الكلك زوق"..ايه في الكرفتة بتاعتو وبدلتو... باقي الحاجات ما سالك منها
|
Post: #40
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-13-2006, 06:52 AM
Parent: #1
Quote: وهو يتناول الظرفاء منذ
عهد خليفة المهدي وحتى الحقبة الانقاذية الحالية |
فاروق حامد....
وأنا من ياتو حقبة عليك الله؟؟؟؟؟؟؟؟؟؟؟؟؟؟
|
Post: #44
Title: Re: رسالة الي وزير الداخلية: سجمــــنا البوليــص هجمـــنا
Author: saif massad ali
Date: 09-16-2006, 11:03 AM
Parent: #40
صاحبي سجيمان
والله بوستيك ده اقوي مفعول من معارضة التجمع والناس القاعدة في البرلمان ومكندشين وممسحين بالكرائم ,مقال زي الدبيب جسم املس وسم هاري
والله يستر عليك
غايتو كان في زول خبط ليك الباب بالليل ما تمرق ونوم قول عيني سرقتني
|
Post: #45
Title: Re: رسالة الي وزير الداخلية: سجمــــنا البوليــص هجمـــنا
Author: سجيمان
Date: 09-17-2006, 07:17 AM
Parent: #44
Quote: والله بوستيك ده اقوي مفعول من معارضة التجمع والناس القاعدة في البرلمان ومكندشين وممسحين بالكرائم
|
يا سيف مساعد
كم بوست زي دا ممكن يسقط الحكومة ؟؟؟؟؟؟؟؟؟؟؟؟؟؟؟؟
نحن تحت الخدمة!!!!!!!!!!!!!
|
|