الجـكـث هـنا ما مـشـجـع..قصة وبعدها سؤال!!

قصة أحد الفنانين (الشباب) ذهب لإحياء حفلة بأحد احياء مدينة بحري.
وأثناء
أدائه الفاصل الأول لاحظ أنه ليس هناك تفاعلا من البنات تحديدا مع أغانيه

التي يظن هو أنها تحمل كل صنوف الطرب..فبدأ الفاصل الثاني بأغاني
(ميتانة) وبزهج, فسأله أحد الشباب :- لماذا لا يغني بصورة أفضل؟
فأجابه وكان المايك بجانب فمه :- يا أخوي الجكث بتاعكم ما مشجع!
وسمعها جميع الحضور

ولأن الجميع أهل

كان يمكن أن يموت ذلك الفنان الشاب لو لم تنقذه ساقاه في ذلك اليوم

لإطلاقه تلك العبارة علي الملأ..

ويذكر أنه (لم ولن) يعود الي أي حفلة في تلك المنطقة حتي
اليوم.


هذه هي القصة

والسؤال هو :-

إحساس الفنان وهو يؤدي في أغنية أثناء أي حفل بتفاعل الجمهور أوعدمه
هل دائما ما يؤثر علي أدائه أثناء الحفل ؟ أم لا ينبغي علي الفنان

الإنتباه للجمهور أثناء أدائه ويغوص في خيال الكلمة واللحن؟
ثم يسأل بعد الحفل عن إنطباع الجمهور؟



ونسمع منكم يا أهلنا..

حلوه يا عصام احمد لكين الجكث اتلوم لانه استجابه الجكث بتخلي الفنان يبدع والله اتلومن بنات بحري لكين ما قلت لينا الجكس من اي النواحي في بحري ؟؟؟

Quote: إحساس الفنان وهو يؤدي في أغنية أثناء أي حفل بتفاعل الجمهور أوعدمه هل دائما ما يؤثر علي أدائه أثناء الحفل

؟




بالتأكيد, لأنو الغنا دة إحساس ما أداء واجب و بس , أيوة ممكن يأدي واجبو و يتخارج لكن ما بكون غني بي مزاج, زمان لمن كنا( شباب ) كنا بنسك الحفلات لي آخر حلة بعدين الأيام ديك كان عمار السنوسي دة ماسك الجو و كدة فكنا بنهاجر ليهو من أركويت لحدي الصحافة و الأمتداد و في مقولة جبرة بعدين عندي صاحبي من ندخل الحفلة بمشي يعاين لي عمار طوالي , بعدين يجيني راجع يا يقول لي نقعد يا يقول لي أرح نمشي أسأله ليه يقول لي (عمار ما قاعد يهز راسو!) طبعا عمار لمن يكون بغني بي مزاج طوالي تلقي بهز في راسو أما لما يكون بيِؤدي أداء واجب تلقي واقف زي الصنم و فعلا لمن يكون ما بغني بي مزاج بتلقي دايما ما في تجاوب من الجمهور.


الفنان انسان حساس جداً و طبعاً بتأثر كتير بتجاوب الناس الحوالينو




خالد