ما بين كيكي الكمبو طراوة ... ود رمليــــــــة

ما بين كيكي الكبمو طراوة
وود رميلة
في الزمن الحاضر
المسافة ما بين الحدبة حيث الحلة .. وتحت حيث الكمبو
ود رملية ومسعفاته من الرمل الكثيف .. يعيق التحرك السريع خاصة في حالات وجود متطلبات للدعم اللوجستي ما بين طرف الحدبة والكمبو تحت..

الشكلة بين الاثنين أزلية وقديمة قدم التاريخ

أما بعد ظهور الطبلة والرق في السودان .. أخذت هذه الشكلة منحنى جديد .. حيث تصاحب ود رملية وكيكي الكمبو طراوة خاصة في حالات الذهاب لبيوت اللعبات .. لا ينسى كيكي أن يحمل معه ود رملية من خلال قطع الرمل في الجيوب خاصة بعد الاتكاءات العظيمة في والقرفصة في الرملة في طرف الحدبة قبل صدوح المغني..

في مرة وقد تجمع نفر من الأولين الحقّابين أمثال كرومة وسرور ود الريح والبناء وكان بيت اللعبة يزدان بالفوانيس والرتاين .. والغزلان يسارعن في طي أطراف السباتة ... أنعل كل الموجودين إلا ودرملية .. أغتاظ كيكي الكمبو طراوة وحلف وعلى ما اعتقد معاهو الجاغريو أو عوض شمبات والريس معتصم أنو يورطو ود رميلة في عروس .. ويكسر بوابة العزوبية المحتمي بها حتى ينشغل عنهم في الامسيات ويصبح الطريق بين الحدبة فوق والكمبو تحت أكثر سهولة ويسر ..

وعندما ارتفعت حمى الرقيص وتمايل البنات كالبانات في ليل نسيم عليل كتب كيكي الكمبو في واحدة حس أنو ممكن بينها وبين ود رملية يكون في مشروع كويس ..

قال كيكي الشاعر الأفذ

حبيه حبا البلاء
أعشقيه عشقو الخفاء
أنا بجيبو في الصالون
أنا بلبوسو المعدوم
أنا بشربوا الليمون
بس أنتي حبيه حبه البلاء
اعشقيه عشقه الخفاء

انا تاني ما بجيني نوم
أنا بسافر الخرطوم
أنا بفتش المعلوم
أنا بكاكي في أم دوم
أنا بعّلق المرسوم
أنا بحلف بالمعدوم
حلة ودرملية من غير توم

حبيه حبا البلاء
اعشقيه عشقو الخفاء

أنا تاني من يوم داك
ما بركب العربات
أنا أحلف بالدايات
أنا بعلي في الرايات
أنا بشاغل البنات
أحسن من أدورد جون

حبيه حبا البلاء
اعشقيه عشقو الخفاء

وبالفعل الجاغريو لحن القصيدة واتغنت في بيت اللعبة وفي أول مناسبة لبورداب الدوحة حنسمعكم تسجيل قديم للغنية بصوت مبارك حسن بركات

ياسر حامد

الله يا ياسر حامد ياجستابو ياخطير من اين لك بهذا الملف الذي هو بحوزتنا وتحت عنوان (سري للغاية)...ومادام انت سربت للصحف والمنبر امر هذه المفاوضات الشاقة..والمنهكة بالنسبة لي فلزام علي ان اوضح للجمهور الكريم ...ما دار وما سوف يدور في اروقة المفاوضات الموغلة بالتفاصيل (والشيطان في التفاصيل)....!!!!!
اولا دخلنا هذه المفاوضات ونحن تمام الثقة بمقدرة وفدنا وحنكته وخبرته وامكانياته التفاوضية العالية...ولزوم غلغلة قوي الانتفاضة مثل ابوساندرا ومن لف لفه ,,استعنا بناس سيد الخطيب وعلي الحاج..وتكوزنا واستدعينا روح ابوقصيقة من احضان (الحور العين).....!!!
البت يا ياسر زولة رهيفة شفيفة وشاعرة وقيل لنا انها بكاية وشكاية ولها شبا كثير من (هيفاء وهبي) وتتحدث بجيم (عطشان)..ويكمن ان تقول انها لهلوبة ...وبتسل الروح......!!!!!!طرحنا رويتنا المتمثلة في صور لو درملية وهو يتابط (عودا) ..وسربنا لهل الابداع الشبه رائع لود رملية في
بروفات فرقة شتات المسرحية...واتينا بتزكية مكتوبة بيد الفنان محمد السني دفع الله...!!!!
قمنا وقعدنا...ومارسنا الكر والفر وخبراتنا السابقة والحالية...وقدمنا اطروحات عن ودرملية بروية يسارية (لاحظ رغم وجود سيد الخطيب).....وقدمناها بروية يمينية صرفة.. شابهنا فيها نفاقا خطاب الجبهة الاسلاميةورغم ذلك ورغم كل هذه المتاعب والاجتهاد...تخيل!!!!!!!!تخيل الزولة قالت بلغة فيها (جيم) معطشة...........(بري) !!!!!!!!!
بري ...ليه يابت الناس؟؟؟؟؟
بري يوم الرحلة وانا كنت موجودة... الزول ده رقص رقيص اشتر وحرق الحلة...ومدعي للفن واتصور بعود اوتارهو مرخرخة.....وفوق ده كلو رافض يسمع كلام( كيكي ,,واخرين) عندما صاحو له ..(يا عبدو روق)....!!!!!!!!
والله يا ياسر الفتنة نائمة والزول ده خلاص انا عملت معاهو (كوكا دام)...فبالله بطل جاسوسية وتسريب اخبار المفاوضات المدهشة دي......!!!!!
ان عاد ود رملية وكان لطيفا وخاضعا لسلطتنا الفنية عتقناه...وان ركب ظهر المجن ركبنا!!!!!!!!

Quote: في مرة وقد تجمع نفر من الأولين الحقّابين أمثال كرومة وسرور ود الريح والبناء وكان بيت اللعبة يزدان بالفوانيس والرتاين .. والغزلان يسارعن في طي أطراف السباتة ... أنعل كل الموجودين إلا ودرملية .. أغتاظ كيكي الكمبو طراوة وحلف وعلى ما اعتقد معاهو الجاغريو أو عوض شمبات والريس معتصم أنو يورطو ود رميلة في عروس ..

الأخ ياسر
قلتا نديهو كم يوم يراجع كلامك دا ..

ولو ما قدر
نهديهو كتاب الإنداية
أو نرجعو لمسدار المطيرق
ولو حيلو ما شالو والنوم كبس عليهو
نحجيهو ..

دا كلام يقولو فى زول بنريدو


جدا..

ياسر
الرائع الثمين

اعشق حروفك بقدر حبى لك ولكيكى وود رملية
فحروفك دائما تحترم العقل وتختمر القلب

Quote: حبيه حبا البلاء

وانا عندى بت رملية جاهزة لصاحبنا
وايضا لاصدقائى بنات طيبات
دعنى احدث ابليس ،،،،،
بحديث الاولين

لك ولهم كل الحب
والعاقبة عندكم فى المسرات

يا جماعة ود رميلة والريس قالو ما شافين البوست
عموماًبارفع البوست لكنو العتب على النظر

ياسر حامد

سلامات
وعوافي
لقيتو هسي يا ياسر بس خليني املا الجبخانة وبجيكم
"اتحزموا"..

حبيبنا ود رملية
في أخر Break news قالوا فيها كيكي معتكف وبعمل ليك في لياقات
بدء من الموص وانت ماشي
وقالوا في الاخبار أنو وصل لحدي الكلام الحسيس في متن الحديث
والفكيك في زمن التفكيك
يعني جهز كل الأسلحة الضاربة وطويلة المدى
خاصة بعد سمع معلومة رقيصك أمبارح بي شطارة من دون شتارة

ياسر سلام
لازال صحبك ودرملية يمارس فن دفن الروؤس في الرمال
ولا زال يزازي ويباري هذا البوست بهناك لهناك
وهذا لعمري هي الهزيمة بعينها..واهلنا قالو البرقص ما يغطي دقنو..

اصبح حامل العود مابين ليلة وضحاها يراقص البن الاثيوبي بشتارة واضحة

مرحباً كيكي
أغرب حاجة وانا بسمع في النشرة الجوية
سمعت المزيعة بتقول أنو في عواصف رملية في الهضبة الحبشية
راجعت كل المعلومات الجغرافية التي لدي ما لقيت ولا قوز واحد في الهضبة
بعدين الرياح الشمالية الشرقية بتصطدم بالهضبة الأثيوبية وبتنعكس وتقوم الكتاحة عندنا الهبباي
دحين المزيعة دي استلفت ليها كم قوز من مسيعيد ولا شنو
كيكي يا هندسة بالله صحح المعلومة أنا ميثاق أدبي
هل يمكن الدفن هناك ..
سلام

Quote: راجعت كل المعلومات الجغرافية التي لدي ما لقيت ولا قوز واحد في الهضبة

نحن الماشايفين

ولا انت الأعمى تب ومليّس؟

هضاب
وتلال
وقيزان
مثنى .. وثلاث ..
وطراوة
وندى
وجداول ..

من مصادرنا من مخابرات دولة جارة وصديقة
ود رملية عمل حادث مروري طفيف أول أمس
وجات سليمة ..
ألف حمد لله على السلامة للأخ ود رملية وما تشوف شر
ونحن في انتظار قلمك الرشيق

ياهو داك صحبك يا ياسر قبضتو ليك.....!!!

بين كيكي وود رملية

شوق عمر

لا نام ولا مدو انحسر

وتارة بينهم ما صنع الحداد

وفي الحالتين انا الضائع

خليل

والله حالتك تحنن العدو

كان اتخاووا وووووب

وكان اتكاجروووا وووبييييين

يا ريس ما عشان ده أثرت الانسحاب
هضاب
وتلال
وقيزان
مثنى .. وثلاث ..
وطراوة
وندى
وجداول ..

تاني لا بيني لا بينكم .. ودالامير اعظم زول

ياسر حامد - صباحاتك عشم أمس

ياياسر زح من المسخوت كيكى

عشان مايكون مصيرك مصير الملك ضحية

بعد كل المواقف النبيلة من ضحية

كيكى رمى به فى مصحة الامراض العقلية

واصبغ على ضحية جريرة الدرابية أى أن( كلام ضحية دراب)

وتعال ياياسر عند ودرملية العالج لينا ضحية بدعوات الصالحة امنا رملية

تعال عند ود رملية تسمع مسادير من الصباح للعشية

تعال عند ودرملية تلقى الشية والمرارة والكمونية

تعال عند ودرملية واسمع غزليته فى (نيفين النصرانية) بكائيته فى( ترحاس الاثيوبية)



ذبدة كلام: انت مع ود رملية اذا انت سعيد

ود الامير شكرا ما كان العشم انت لسه بتشهر بى مرضى النفسى..عرفنا كيكى اشتر وشترها مع ترحاس

لانو مخلوع ومتأثر بى (الكنابى) جمع كنبو ماشاف غير ناس كاويك وامونه كبسى واندهش من نيفين و

وانصدم من ترحاس وتلاقح الثقافات والاعراق من الهضاب مع النيل مع الخليج فاختلط عليه الاختصاص

انا من اليوم مع الباشمهندس ود الطاهر انت الوحيد..ال... وعشمى فى كبير

Quote: تاني لا بيني لا بينكم .. ودالامير اعظم زول

نشوفك بعد تمشي المكتب وتجي راجع

العزيز خليل
يا نديمي
عافاك الرحمن من الضياع
المشكلة الحداد أداتو الرئيسية هي الشاكوكش
بأنواع كثيرة منها الثقيل وحتى البرباح

خلي
لملم الشواكيش كلها
ورصها
باحجامها المختلفة
في شكل دائرة
وأرسم في النصف مثلث إدريس معكوس
وجيب ولد لم يبلغ الحلم
وغطيه بملاية جديدة
وقول ليهو يا جنا في النص شايف شنو؟

حتعرف سر ما بين كيكي الكمبو طراوة وود رملية

سلام
ياسر حامد

حبابك ألف .. الزول السمح ضحية
ومرحب بعودتك

الأخ بدر الدين

عشرات حبابك

تعال عند ودرملية واسمع غزليته فى (نيفين النصرانية) بكائيته فى( ترحاس الاثيوبية)
أعند ودرملية الخبر اليقين ؟
هلموا .. هلموا

ونحن لازلنا في انتظار ودرملية

ود رمليه

يا عاشق الجمال منذ الازل
اتغزلت فى نيفين النصرانية
وفى غزلان المغربية
وفى ترحاس الاثيوبية
الله يرزقك بى تاجوج السودانية
ونفرح بيك زى فرحة امك الرمليه

يا كيكي استعد ... الحرب كر وفر
يوم لك ويوم عليك

وفى الشايفاهو ده ... دى ما ايامك
بس اعمل ساتر وكتر دفاعاتك ...
و... لك الله ..

ويا ودرمليه ...
يا ود امى ...

اعمل حسابك اذا..
اتى الثعلب يوما فى ثياب الواعظينا

واتذكر انو ...
بات الثعلب يوما فى صومعة الراهب .. فاصبح ثعلبا..

الله يكفيك شر عبادو ...

والله العظيم الاتنين رايعين

كان اتفقوا رايعين

وكان اختلفوا كمان رايعين

وأنا بحبهم الاتنين

ود رملية الرقيق وحساس

وكيكي سيد الناس

وكان نقص واحد في اي مكان

كل الناس يصيبا نعاس

وكان اتلموا ينقروا جوة جوة الراس

Quote: الله يرزقك بى تاجوج السودانية ونفرح بيك زى فرحة امك الرمليه

أنا برضو انشاء الله قولوا آمين

الاخت رندا
الاخ معتز
حباب طلتكم على البوست ومرحب بيكم
والله يجيب اليوم داك
ونشوف ود رملية مكرفس في نص السرير ومربط بالحنة
ومن هسه أنا علي الخروف
تعرف يا معتز من الحب ما قتل
وانت الوحيد العرف سر العلاقة بين كيكي الكمبو طراوة ودرملية
أهنيئك على حصافة الرأي والنظرة الساقبة
لك نحن منتظرين مدافع ود رملية وكتاحاتو
سلامي لكما وشكراً

ياسر حامد

سلامات
وعوافي
رائحة بهار الاصدقاء "فواحة" تبهرج الروح .. وتزيح عن الخاطر ثقل الامنيات ..
احباب الروح .. تناغمت نبضاتي علي قسماتكم .. وتناغمت انا مع بكاء القوافي ..
ليت لي شعر ..
المهم الكلام الفوق دا في الحالات التي لايشوبها غبار الصراعات وكدا ..
.....
رندا اختي وصديقتي العالية ..اشكر لك شعورك النبيل .. وانت تنقشين في جدران الذاكرة تصاويرك الوسيمة ..
.......
اما بعد ..

Quote: سلامات وعوافي ياسر حامد انشاء الله طيب .. اما وقد دخل كيكي قبلي لهذا البوست فاني "اشم" رائحة المؤامرة علي بعد مائة ميل اسفيري .. تري مانوع الطبخة التي "رتلتو عليها سورة كسبرتكم الغابرة" .. تري مانوعها؟ .. وكيكي والشاهد الله في الامر .. اذقناه مر الهزيمة وجرعناه كأس زؤام ... الا اذا كانت فيه باقي روح فما لي الا اجترار الكؤوس القديمة "اجرعها" له واحد يلي الاخر .. ونحن اهل المجن .. المجن بام عينها .. نركب قاسي الرحال .. ونحيل وعثاء السفر "السفر الي الجحيم" نحيله كرنفالا من الابتسامات الوضيئة وحزمة من "الاغنيات السمراء" ..فما المشقة ان لم تكن في الروح .. والروح تريانة محنة وحنين .. باقيلك مشاوير الهوان بتأذيها !!.. امانة ما اتلومتا ياياسر حامد .. صاحبك الذي "كمبو تحت" هو صاحبي الذي في "الحدبة فوق" ونحن قد تألفت خطانا مابين فوق وتحت .. غير انه مازال يضمر الخبث واللعنات .. وها انت اجترحت له مقالا .. وسافترض حسن النية في الذي "كتبته فوق" برغم ان خياشيمي تشم "ماغير حسن النية" الا انني متفرسا لما هو مقبل .. وما عليك "وعليه" الا سؤال "السيف والقرطاس والقلم" وقبلهم اسالوا "الخيل والبيداء" .. كع امانة الفتنة مي حارة ... ........... والفن الذي امتشقت قامتنا علي وقعه سنظل نجاهد من اجله .. وسنسد الافاق جمالا وبهاء .. وما للقبح شبرا بيننا .. سنرده علي ظهر حامليه ... تخريمة اولي:- ياسر حامد افصح يارجل فاي الطرق قد سلكت ؟.. عشان نسلك معاك ياحبة وكدا .. وان رجع كيكي من نفسه .. ففي نفسنا "ينظر ويفاد" .. تخريمة تصحيحية:- اما اللون الاحمر .. فعشان تامنوا .. "لاننا في ساحات الوغي لا نرحم الا الحامل والمريضة والطفل والشيخ العجوز ثم الشجر" .. واكان سمعتو كلامي فابحثوا عن موقعا لكم في اعلاه .. فوالله ان خرجت خيولنا صوب المعركة لن يثنيها صراخا ولا نباح .. وحتي الرايات البيضاء لنا فيها "قولان" .. فما اخترتم من خيار ابقوا عشرة علي عواقبوا .. مع تحيات .. "الكلس"

Quote: أنا برضو انشاء الله قولوا آمين

تانى؟؟

تااااااااااااانى؟

لا جنيت يا مان !!!!!!!!!