Post: #1
Title: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-17-2006, 08:47 PM
ماذا سيحدث لومنح بكري ابوبكر اجازه لمدة اسبوع لكل عضوية هذا المنبر ??
لا نقاشات
لا شكل
لا مواضيع جديده
لا ديمقراطيه ولا حرية تعبير ولا خلافه...
لو في فرح او ترح ايميل لي بكري والناس حتعرف بي مانشيت عريض ..
لييه?
- فرصه انو الناس تقعد براحه وبهدوء اعصاب وتراجع كل المكتوب ..
وتحاول تعدل او تعيد صياغة الكتبوا ..
- الزوار البي بره ديل يشيلوا نفسهم ويمشوا اكتر من صفحةالانقلابات الاولى .
- فرصه انو بكري ياخد نفسو ويعيد تصميم بعض الجوانب الفنيه والاخراج ..
- البعض قد يكتشف مواهب واهتمامات اجمل من الردود وتكديس البوستات اللابتسمن ولا بتغني من جوع .
- فرصه لمزيد من التفكير ومتابعة القضايا الممحنه البلد والدنيا كلها..
* الحيحصل شنو يعني ?
كلو بكون قاعد في محلو لحدي ما نجي راجعين ..
- بالمناسبه احتمال لحدي الاسبوع ما ينتهي بكري يقرر يمنح عضوية المنبر لكل افراد الشعب السوداني كباره وصغاره..الاكيد البره منهم اخدوا خبرة الصراعات الدايره وحيجوا بجديد..
معلومه:
الاجازه ضروره صحيه
ان لمنبركم عليكم حق !!!
ودمتم مع عميق الود والاحترام
|
Post: #2
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Eng. Mohammed al sayed
Date: 08-18-2006, 02:03 PM
Parent: #1
حصل السنة السابقة مثل هذا
إقتباس:ـ
(لا مواضيع جديده)
وطبعا ستكون فرصة ذهبية لنكش الماضي في الإرشيف
..............................................................................
منذ إلتحاقي بسودانيزأون لاين لم أحتاج إلي الذهاب إلي الصفحة التانية إلا نادرا
عند قراءتى للمواضيع الواقعة في حيز ثلاثة أربعا الصفحة الأولي وتكون بعدها باقي المواضيع (البوستات) مكررة
أدمنت الطازج من المقالات
|
Post: #6
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-19-2006, 06:03 AM
Parent: #2
باشمهندس/محمد السيد
تقديري لتعليقك
وشكرا على المرور ..
| Quote: وطبعا ستكون فرصة ذهبية لنكش الماضي في الإرشيف |
اكيد لو الماضي نكشه اقبح من الحاضر يبقى العتره ما صلحت اي مشيه
واخير الاجازه تبقى بدون مرتب سنه..
|
Post: #3
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Eng. Mohammed al sayed
Date: 08-18-2006, 02:08 PM
Parent: #1
إقتباس
- فرصه انو الناس تقعد براحه وبهدوء اعصاب وتراجع كل المكتوب ..
وتحاول تعدل او تعيد صياغة الكتبوا ..
إنتهي الإقتباس
.....................................................................................
في الصميم
تشكر
|
Post: #4
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Sobajo
Date: 08-18-2006, 04:08 PM
Parent: #3
ايمن ...
شكرا على الاقتراح ..
شكلك من الأعضاء المداومين على القرائة اكتر من الكتابة ..وهي ميزة جيدة في هذا المنتدى ..
وفي حالة تفيذ اقتراحك اتوقع ...
في ناس فعلا هتستفيد .... و تقوم بترتيب افكارها ....
وبالمقابل في ناس ممكن تــــــــفـــــــطـــــس ...
او سوف يقومو بإسقاط غضبهم و سخطهم على آل بيتهم ...
و على العموم ... اقتراح جدير بالتجربة ..
و انا اثني ...
على الاقل عشان الواحد يقدر يشوف قرايتو ...!!
و شكرا عزيزي ..
بيلو
|
Post: #5
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: لبنى آدم علي
Date: 08-18-2006, 06:58 PM
Parent: #4
الاخ ايمن
اقتراح جميل
لكن نحن لسة جديديين
خلونا شوية
|
Post: #9
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-19-2006, 07:49 AM
Parent: #5
لبنى
سلامات
وفرصه سعيده
واهلا بيك اضافه مميزه لسودانيزاونلاين..
مافي اي مشكله نخليكم شويه
لكن بس ما تاخدك الدوامه..
وابقي بخير
|
Post: #8
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-19-2006, 07:40 AM
Parent: #4
محمد البشير
سلامات وشكرا جزيلا على المرور والتعليق..
| Quote: شكرا على الاقتراح .. |
انا طبعا ما قاصد انو اقتراح بكره الناس حتنفذوا ..انا عارف انو بعض الناس زي الكلام ده ما بعجبهم لكن مهم برضو يتقال.
Quote: شكلك من الأعضاء المداومين على القرائة اكتر من الكتابة ..وهي ميزة جيدة في هذا المنتدى ..
|
انا بقرا اكثر صاح ..مش عزوف عن الكتابه لكن مهم لما تكتب تكتب بي حس جيد للكتابه وده للاسف للخاص والعام من فتره ما متوفر ومرات على ما تجهز مداخله او رد على موضوع بتلقى سيدو ذاتو بدا اربعه غيرو ..مما يدل على انو موضوعو الاولاني ما اولويه!
Quote: وفي حالة تفيذ اقتراحك اتوقع ...
في ناس فعلا هتستفيد .... و تقوم بترتيب افكارها ....
وبالمقابل في ناس ممكن تــــــــفـــــــطـــــس ...
او سوف يقومو بإسقاط غضبهم و سخطهم على آل بيتهم ...
|
ما عشان الحفاظ على الاعضاء واسرهم الاجازه دي مهمه.
امنياتي لك بالتوفيق في القرايه
وزي ما قلته كلو بتجي تلقاهو في محلو..
مودتي
|
Post: #7
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-19-2006, 06:16 AM
Parent: #3
باشمهندس..
شكرا مره تانيه..
الروائي المبدع محسن خالد عندو بوست سمح عن اصلاح الكتابه في المنبر
ياريت لو ده يبقى مشروع بطور وبكبر مش بس لغويا ..
الكتابه ..مشروع كبير خاصه لما يكون في مجموع جيد من القراء وسودانيزاونلاين بقت مرجعيه لناس كثيرين ..
التجويد مفيد!
إصلاح الكتابة في المنبر
|
Post: #10
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-21-2006, 07:18 AM
Parent: #7
up ..till later
|
Post: #11
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: حيدر حسن ميرغني
Date: 08-21-2006, 08:29 AM
Parent: #10
الاخ أيمن
صدقني فكرة جيدة
لكن راسنا حاينقطع وتحصل الخرمة
نقبل وين ما نعرف
يازول الله يخلي لينا بكرينا ده
|
Post: #12
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-24-2006, 06:52 AM
Parent: #11
حيدر حسن ميرغني
سلامات
واعتذار عن الغيبه
Quote: صدقني فكرة جيدة
لكن راسنا حاينقطع وتحصل الخرمة
نقبل وين ما نعرف
|
يا عزيزي مافي اي مشكله .. وشكرا على المرور لكن اسبوع المراجعه والصيانه واعادة القرايه ده لو حصل الراس بكون مشغول شديد ولا رايك شنو?
| Quote: يازول الله يخلي لينا بكرينا ده |
آمين
لك الود
|
Post: #13
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: غادة عبدالعزيز خالد
Date: 08-25-2006, 02:57 AM
Parent: #12
Quote: - فرصه انو الناس تقعد براحه وبهدوء اعصاب وتراجع كل المكتوب ..
وتحاول تعدل او تعيد صياغة الكتبوا .. |
الأخ العزيز
ايمن
اوافق بشدة
جلسة مع النفس لنعرف لماذا نكتب ما نكتب
هل نصدق؟ و هل يمكن لنا ان نحلل بصورة واعية
و نقرر؟؟؟؟؟
و الكثير يا اخى
كل الود
غادة
|
Post: #14
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: Aymen Tabir
Date: 08-30-2006, 00:27 AM
Parent: #13
غاده
عذرا لغيابي من هنا حينا وتاخر ردي ..
غاده
بوست الغربه والشخصيات عملان نضوجهما يعني اكتمال تجربه وشد لقوس انطلاق لا يحده مدى {تتفقي معاي ?}
الدوامه وهدير ماكينات الضجيج تضيع صعداء الجلوس على حافة الاشياء والمتقاوه لخطوط المدى البعيد ..
عارفه
احيانا ارهب واخاف الكتابه - احس بانها مسئولية لا استطيع تحملها لكن يدوم اشتهاءها كل حين..
اخبرتك قبلا باني افرح جدا حينما تكتبين وحين يقراون ما كتبت ..
كما قلت :{والكثير}..
غاده المكان ده مليان بي كتابات مدهشه واقلام بتخوف..الكتبته بحتاج اكثر من اسبوع لفك طلاسمه..
قريتي بورتريه الغياب لمحسن خالد..
حتى لو قريته ارجعي اقريه تاني مره ومرتين ..ثلاثه وانا حانتظر تعليقك هنا ..
لك الود
راعي الفراش والرحيق
|
Post: #15
Title: Re: إغلاق سودانيزاونلاين دوت كوم شهر اكتوبر لمدة اسبوع اجازه للصيانه
Author: شهاب الفاتح عثمان
Date: 08-30-2006, 08:52 PM
Parent: #1
هي نوع من الاجازة اولا..
وراحة لمن حملتهم المتابعة على التوتر وافراز الادرينالين ثانيا .
يكتشف فيها المفلس بضع حجمة،لعل و عسى....
وياتي بعدها واثق الخطو بالمزيد من المشي الملوكي.
نؤيد الفكرة.
|
|