مرت سنة

مرت سنة
بجزم أقول أجمل سنة
مرت سنة
سعدت فيها معاك انا
يا نسمة ضوت عمري بالفرح النبيل
يا سوسنة
مرت سنة
ومن يومي داك ولت سنيني المحزنة
انفتح باب الأمل
وغرقت في بحر الهنا


*****
معاك يا فرح السنين
مرت الأيام جميلة ومشرقة
كل لحظة قريبة منك
مليانة بهجة مدفقة
وكل كلمة من شفايفك
أنغام جميلة مموسقة
ومعاك كمان
ولت أيام العذاب المحرقة

***
ما اصلو يا زهرة هواى
يا نسمة طلت كالدعاش
انا عمري قبلك كان يباس
ومعاك عاد للانتعاش
وقلبي فرهد من جديد
زى زهرة ساقيها الرشاش
كضاب يكون لو قلبى قال
قبلك فرح او حتى عاش
***
انا بي هواك
حاسس كأني مولود من جديد
وانا بيك سعيد
سعادتي فاقت للحدود
وعن غرامك ما بحيد
ما كنت بكتب للشعر
لكن هواك فجر ينابيع القصيد
وانا بيك أكيد
أصبحت كائن مختلف
مولود جديد


***
بتمنى في حضرة جلالك
يكبر الحب ويزدهر
نزرع الشوق والمحبة
وما نضوق طعم الهجر
وأفضل معاك واخدم هواك
يا بهجة الروح والنظر
أهديك عمري الباقي لي
وقليل عليك باقي العمر
بتمنى لو القى عمر جديد
شان اقدر أوفيك الشكر
يا أحلى من طعم الحلاة
وبخيتة زى ليلة القدر

المعتمد
طولتا الغيبة
و العروس أخدتك مننا
أنا معجب بيك شديد
و بى بشتنة

سلام
كيفك واخبارك
الغياب كان لظروف زنقة الشغل لكن هانت وان شاء الله نقدر نطلع حاجة تعجب
لك الود
ومليار باقة ورد

well done
that was very nice
i enjoyed reading it
up
dr mustafa mahmoud

Nice poem. Just two words need to be reviewed. Galalik & Akhdim. You remined us of Hassan Alzubair

يا معتمد

يا حلاوي

يا عريس

كل سنة وأنت ومن تحب بألف خير

دكتور مصطفى
سلام
انا سعيد جدا لانه القصيدة نالت رضاك ونتمنى ليك السعادة والنجاح
لك الود
والف باقة ورد

الاخ حسام
سلام
مشكور على المداخلة النقد. هى حاولة للتعبير نظما والمحاولات تفيد فى معرفة مناطق الضعف وسنحاول. نتمنى المحاولات الجاية نقلل الاخطاء
لك الود
والف باقة ورد

up