Post: #1
Title: يا بورداب الدوحة معتز القريش متشرد
Author: معتز القريش
Date: 07-30-2006, 01:35 AM
Parent: #0
بصراحة كدي وبدون لف ودوران أنا متشرد ـ أولادي سافروا السودان عشان صاحب الشقة طردنا قال ايه قال عاوز يأجرها مكتب ـ
أنا حاليا متشرد لا أملك سكن
أحد الأصدقاء البورداب الأعزاء وزوجته وعدوني بسكن بس بعد شهرين .
عشان كدي ساعدوني عاوز لي غرفة وحمام ومطبخ بس ـ دي كتيرة .ولو ملحق يكون أحلا .
وكان ما ساعدتوني ، تاني شوفوا ليكم زول يجيب ليكم لحمة الشية .
ومن فرج كربة عن مسلم فرج الله عنه كربة من كرب يوم القيامة .
ظلامي لكن فنان
|
Post: #2
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 04:30 AM
Parent: #1
وينكم يا شباب ما عبرتونا يعني !!!!!
|
Post: #3
Title: Re: يا بورداب الدوحة معتز القريش متشرد
Author: ضحيه ابراهيم
Date: 07-30-2006, 05:06 AM
Parent: #2
الله والله ما رضيتها ليك يا معتز
لكن ما اتصلت بى رئيستك ليه.. حاول يمكن تشوف ليك حل هى والمقرره الاعلاميه ولا اقول ليك
اعملو لجنه للموضوع وتنبثق منها لجنه اعلاميه وتتفرع منها لجنه ماليه..
وشوف ود الامير لاجتماع هام وعاجل لكن لو اتصلت بى الاخ ودرمليه ممكن تلقى عندو بيت شعر لانو شاعر
بى عظمه وكده من يوم الرحله وراسو بقى كبير وبقى ما يرد على التلفونات لزوم الاهميات وكده
-----------------------------------------------------------------------------------------
اتصل عندى ليك حل 5890823
|
Post: #6
Title: Re: يا بورداب الدوحة معتز القريش متشرد
Author: Randa Hatim
Date: 07-30-2006, 05:50 AM
Parent: #3
انت يا العميل المندس ... اصلك كان ما جبت سيرة ود النمير الكلام ما بسير
الرئيسة هسى خليها فى حالها ... النشوف حلك انت شنو
بس اهم شى اوع تمشى تستخدمو فى حملتك الانتخابية الجاية ... نظام اعلام وترويج واصطياد فى الماء العكر ....
|
Post: #7
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 06:02 AM
Parent: #6
| Quote: الرئيسة هسى خليها فى حالها ... النشوف حلك انت شنو |
يا رئيسة شوية شوية على أخونا الغالي ضحية الراجل ما عارف الحاصل شنو وما قصر معانا.
همسة في اضانك ما تكلميهو (عندو لي استديو لمدة شهرين خلينا نداديهو لغاية ما نمسك الاستديو وانتي مقامك محفوظ).
بعد الشهرين بنصوت ليك وطلاقا أخدر غيرك ما بنرشح .
ويثني ذلك عبد الرحمن ابو شيبة .
|
Post: #9
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 11:40 AM
Parent: #3
شكرا يا ضحية باشا يا ايها الرئيس المضمور فقد تم الاتصال بصاحب السكن وتم الاتفاق بس الاستلام لسه لما نستلم تأكد انو صوتي ليك وخلي يولي راندوك ـ هو زاتو كان ما الدنيا انقلبت تبقى رئيستنا حرمة؟
بس خلي بالك من السعر .
|
Post: #14
Title: Re: يا بورداب الدوحة معتز القريش متشرد
Author: Randa Hatim
Date: 07-31-2006, 04:15 AM
Parent: #9
شعب كل حكومة ... قلت لى خلى ولى ...
| Quote: هو زاتو كان ما الدنيا انقلبت تبقى رئيستنا حرمة؟ |
اها كمان انا ونانا وماهى ناوين نترشح للجنة الرحلة الجاية ... وح نعمل حملة انتخابية كمان ... ولما نفوز ... اوع تجى تقول انا معاكم فى اللجنة!!!!!!!
عالم مالهاش امان ...
|
Post: #16
Title: Re: يا بورداب الدوحة معتز القريش متشرد
Author: معتز القريش
Date: 07-31-2006, 05:49 AM
Parent: #14
يا رئيسة ما قلنا ليك الكلام دا لزوم السكن ـ أفهميها بقا ـ انتي عارفة انحنا ما بنبدك بي جلّاد عديل خلي نبدلك بي ضحية
|
Post: #4
Title: Re: يا بورداب الدوحة معتز القريش متشرد
Author: Haytham Abdulaziz
Date: 07-30-2006, 05:32 AM
Parent: #2
| Quote: وينكم يا شباب ما عبرتونا يعني !!!!! |
الأخ معتز الله يعينــك.. انا اقول ليك حاجة ما في داعي تأجــر خليك كوكب سيـار و خصوصــاً ظروف
الإجار صعبة هناك بس خليك ماسك درب الله عديل و أنسى الجماعة الدايرين الشيات و النيات و الحلل
المسبكة ... و امورك بتمشي تمام...
هيثم
|
Post: #10
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 11:43 AM
Parent: #4
الغالي هيثم والله هنا صعب تعيش سيار أصلوا المساجد بقفلوها بعد صلاة العشاء يعني الا تنوم في سيارتك . وشكرا على النصيحة
|
Post: #5
Title: Re: يا بورداب الدوحة معتز القريش متشرد
Author: يوسف الولى
Date: 07-30-2006, 05:43 AM
Parent: #1
الله كريم
ربنا يدنا ويديك
|
Post: #8
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 07-30-2006, 11:27 AM
Parent: #5
معتز القريش.....
الجاتك في بيتك سامحتك....
في اطار تحالفي التاريخي مع الريس الشرعي (ضحية)...
اومن علي ان الحل بتاعك عند الريسة لانو دي مهامها لازم تشوف حال الاعضاء
وتطمئن علي مستقبلك الاستقراري...
حليلك يا ضحية لو كنت (اكتنغ) كان معتز قريش ساكن في اوضة زي الورد في (الشيرتون)...
عموما تاكد لينا صوتك في الانتخابات نضمن ليك اوضة في (سوفاتيل)...لحدي الانتخابات
..وبعد داك تمشي الشيرتون عديل كده يافنان يا ضلامي...
|
Post: #12
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 11:48 AM
Parent: #8
يا كرمة يا حبيبي سلام عليك
انا في انتظار الغرفة ـ صاحبتك الرئيسة طلعت أي كلام ـ وما بتراعي ظروف الرعية
يا رئيسة : ما عليك من الفوق دا بس نستلم السكن وبعدين يصير خير .
|
Post: #15
Title: Re: يا بورداب الدوحة معتز القريش متشرد
Author: Randa Hatim
Date: 07-31-2006, 04:18 AM
Parent: #8
وانت كمان يا عبد الكريم بقيت طابور خامس ... انضميت للمنشق ضحية
سحبنا منك اللقب ...بلا كيكى بلا كوكو
|
Post: #11
Title: Re: يا بورداب الدوحة معتز القريش متشرد
Author: معتز القريش
Date: 07-30-2006, 11:45 AM
Parent: #5
الغالي يوسف الولي
آمييييييييييين وربنا اسهل أمور الجميع ـ انت يا أخوي برضو طردوك من الشقة ؟
|
Post: #13
Title: Re: يا بورداب الدوحة معتز القريش متشرد
Author: معتز القريش
Date: 07-31-2006, 02:58 AM
Parent: #11
مازلت متشردا يا شباب
|
Post: #17
Title: Re: يا بورداب الدوحة معتز القريش متشرد
Author: بدر الدين الأمير
Date: 07-31-2006, 07:12 AM
Parent: #13
ظلامى الامس واليوم مابتخجل
انت ماعندك مسجد سارة والخروج في سبيل الله
|
Post: #22
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 01:49 AM
Parent: #17
ود الأمير دا اقتراحك ـ ماشايف انو الاقتراح دا بضيع عليك جميع مجهوداتك في الإغواء أيها المنور للطيش ـ والتأكسد دوما ـ عموما مافي غير بيت الله الواحد إلجأ ليهو
|
Post: #19
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 07-31-2006, 08:37 AM
Parent: #18
الاخ..معتز
ساني ووجع قلبي وقل نومي ان سيظل معتز حبيبي لازال متشرد وهائما علي ارض الدوحة
بين (الدوارت) والاخوة البورداب لا هم لهم وكان معتز يوذن في مالطا..
اول المدانيين هي الرئيسة التي تفرغت الي المعارك الجانبية مع المعارضة و ناسية
قضيتها الاساسية كرئيسة يفترض ان يجافي النوم عيونها..؟؟؟؟
لا للتشرد..
فلتقف الادارة موقف حاسم وصارم تجاه هذا التشرد حتي لانسمع بمتشرد اخر..
لا للتسويف
نعم للريس الشرعي (ضحية)..
معتز كنا قد وعدنا بغرفة في (سوفاتيل)..لكن بعد حركاتك دي (ام غويلنة )
بس..والغرفة فيها 4 هنود كمان..
|
Post: #20
Title: Re: يا بورداب الدوحة معتز القريش متشرد
Author: Salah Abdulla
Date: 07-31-2006, 04:47 PM
Parent: #19
معتز ..
يا صديقي .ز
والله ما عجبنا ليك ..
لكن معقولة بس يا معتز ؟؟ هسي في زمن الايجارات ام ستة الف وسبعة الف دي تلقى ليك سكن وين ؟؟
غايتو نحن ممكن ندعمكم ( معنوياً) ..
بعدين تعال هنا .. انت ما تبيع عربيتك الصالون دي واشتري ليك (فان) ودلّع نفسك ..
تصدق ممكن تعزمنا فيهو، وبرضو ممكن نستفيد منه في الرحلات !!
رايك شنو ؟؟؟
|
Post: #21
Title: Re: يا بورداب الدوحة معتز القريش متشرد
Author: ودرملية
Date: 07-31-2006, 05:04 PM
Parent: #20
سلامات
وعوافي
ياقريش والله ماتستاهل بس عزانا انو الفنان لما يخوض في معاناة بتكون في صالحنا نحن كمتلقين لهذا الفن .. يعني اكيد دا مؤشر جيد لي انو تظهر علينا واحدة من ابداعاتك من وحي هذا التشرد .. وصدقني كونك (هوومليس) دي بتديك دفعة فنية كبيرة جدا جدا ..
..
ثم لاحظت انا المغرضين ضحية وكيكي قد تكالبو علي الريس المجيد الاستاذة رندا حاتم والتي كان لها قدحين وزيادة في نجاح الرحلة .. واظنوا ضحية سيساهم في حل مشكلتك فقط ليكسب صوتك في الحملة الانتخابية القادمة ..
وياكيكي القريش مقامو الثريا موش ام غويلينا ..
بعد النضمي الكتير دا ..
اها لسة ما اتحليت يامعتز ..
الله يستر الحال يا يابا...
|
Post: #27
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 02:12 AM
Parent: #21
Quote: اها لسة ما اتحليت يامعتز ..
الله يستر الحال يا يابا... |
ود رمليه العسل ـ شكرا على السؤال فقد افرحتني بمداخلتك ودفاعك المستميت عن الرئيسة الشرعية واضم صوتي لصوتك وأقول (لو مشونا ع النار غير راندوك ما بنختار) قال ضحية قال ـ تعرف بعد الرحلة دي ضحية ذاتو ح يصوت لراندوك ـ وداعا عهد الظلام ولا للتشرد ـ ويا متشردين العالم اتحدوا ـ تأبى الرماح اذا اجتمعن تكسرا واذا افترقن تكسرت آحادها .
يؤسفني أن ابلغك وجميع الأخوان أنني مازلت متشردا وملحق ضحية طلع غلوتية .
|
Post: #28
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 02:21 AM
Parent: #21
يا ود رمليه ...
صدقت والله ... لقد تكالبو على تكالب الاسود على الفريسة ... لكن ما تقلق ... انا لها
ديل جماعة الاصطياد فى الماء العكر ... ما صدقو ود قريش اتزنق وقعدو يخلفو ويشتمو ... وبكرة لما يجى معاد الانتخابات للجنة الجديدة تلقى المناشير والهتافات تتطاقش
1 - انتخبو ضحية نصير المشردين
2- ضحية زيو مافيش ... السكن ود قريش
3 - ضحية المابتهز ... فى يوم سكن معتز
وما الى ذلك من الهتافات ...
لكن المفاجاه الكبرى يا ود رملية سيعلن عنها فى حينها والتى ستنزل على رؤوسهم كما الصاعقة ... وحينها سيعلموا الى اى منقلب سينقلبون ...
|
Post: #25
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 02:05 AM
Parent: #20
| Quote: غايتو نحن ممكن ندعمكم ( معنوياً) .. |
الغالي الفنان المرهف / صلاح عبد الله ـ شكرا على المناصرة المعنوية وفيك الخير ـ وبرضو أنت أخير من غيرك بعض الناس لم يواسوني ولو بكلمة ـ واقتراحك تحت الدراسة وبصراحة الاقتراح جيد وجدير بالنظر فيه .
|
Post: #24
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 02:02 AM
Parent: #19
Quote: اول المدانيين هي الرئيسة التي تفرغت الي المعارك الجانبية مع المعارضة و ناسية
قضيتها الاساسية كرئيسة يفترض ان يجافي النوم عيونها..؟؟؟؟
|
يا كيكي الرئيسة دي تصلح لرئاسة العالم كله أيها المغرضون ـ بعدين ملحق رئيسك الذي تتدعي أنه الرئيس الشرعى طلع كضبة أبريل ـ يومين أنا جاري ورا الراجل عشان استلم البيت في الآخر قال سيد البيت غير القفل ولم ليهو عفشه وأجر الملحق ـ شفت ازاي ؟ بالله مش لينا حق لو صوتنا ضده ـ من هذا الرئيس الذي لا يستطيع أن يوفر للناخبين مجرد غرفة ـ كيف يصلح هذا أن يكون رئيسا ـ ان رئيستنا الحالية قد وفرت لي سكن بعد شهرين ـ وبرضو القحة ولا صمة الخشم ـ فالتذهب أنت ورئيسك الشرعي المزعوم الى الجحيم
|
Post: #26
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 02:11 AM
Parent: #19
بيان رقم واحد :
لقد تبين لنا بما يدع مجال للشك ان المدعو ضحية ابراهيم قد بدا حملة اعلامية مضاده ومناهضة للجنة الرحلة وكما تاكد لدينا ان المدعو عبدالكريم الامين والملقب ب "كيكى" قد انضم الى هذا الجناح المنشق ... ومازالت التحريات مستمرة للكشف عن اى عناصر اخرى وسنملككم الحقائق تباعا ايمانا منا فى حقكم المكفول لكم دستوريا بمتابعة الاحداث وابداء الراى ... عليه ومن اجل المحافظة على وحدة الصف فاننا ندعو جميع البورداب بالدوحة لتوخى الحذر من هذا الجناح المنشق وعدم السماح لهم بنشر اشاعاتهم المغرضة ماكدين لكم ان لجنة الرحلة ستظل تمارس المهام التى اوكلت لها بتفان واخلاص الى حين الانتخابات المقبلة ... والله اكبر ... ولا نامت اعين الجبناء
|
Post: #29
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 02:27 AM
Parent: #26
| Quote: ... والله اكبر ... ولا نامت اعين الجبناء |
الله أكبر الله أكبر الله أكبر ـ عاشت الزعيمة الكبيرة راندوك ولا نامت أعين الجبناء وأعوانهم ـ بيان رقم (2) من عضو مجلس قيادة الرحلة ـ الحاقا للبيان رقم (1) والصادر من صاحبة السمو الأميرة / رندا حاتم وتصديقا لما جاء فيه من حقائق وبعد التحري والتقصي الدقيق فقد تبين لنا أن موضوع ملحق (السكن) المنشق ضحية ابراهيم ومتابعه الوحيد المدعو كيكي كان عبارة عن مناورة سياسية فاشلة لإظهار خيبة الرئيسة الشرعية في الحصول على المسكن المناسب للعضو معتز القريش وهم يرمون من وراء ذلك الى كسب أصواتكم بالغش والخداع .
عليه فاننا نكرر التحذير من التعامل مع هؤلاء المنشقين والمندسين من خلفهم كما ننبه الى وزن الأمور بالعقل قبل اتخاذ قراركم بالتصويت وسستوالى البيانات لإظهار المؤامرة الدنيئة التي يقوم بها ضحية وأعوانه . والله أكبر لا نامت أعين الجبناء
|
Post: #23
Title: Re: يا بورداب الدوحة معتز القريش متشرد
Author: معتز القريش
Date: 08-01-2006, 01:54 AM
Parent: #18
خضر الطيب مالك يا أخوي بترميني باتهام انت سيدو عليك الله وعليك العروس الجديدة الشرد التاني منو ـ كدي يا أخوانا اقروا البوست بتاع الدويم (3) دا واحكمو يا خضر أنا كان ما انت والشبهك ديل كان هسة بقيت استشاري جراحة مخ وأعصاب ـ ولا تظهر الشماتة لأخيك فيعافيه الله ويبتليك ـ وأنا لا أتمنى لك التشرد يوما خصوصا انك بقيت صاحب أسرة
|
Post: #30
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 02:28 AM
Parent: #23
اعلان هام...
سيقيم المستر (ضحية) ندوة اليوم بمركز اصدقاء البيئة حول
التشرد وقضايا المشردين (معتز القريش نموذجا)
يقدم فيها رويته وافكاره حول الازمة الراهنة)
معقبين
ابوساندرا
عماد عبدالله
تدير الندوة احدي البوردابيات (الجدد)
البوردابية (زهور)..التي ستكون مفاجاة الريس ضحية للجمهور
|
Post: #31
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 04:19 AM
Parent: #30
بسم الله الرحمن الرحيم
"قل جاء الحق وزهق الباطل ان الباطل كان زهوقا"
بيان رقم (3) من قيادة لجنة رحلة بورداب الدوحة
ايها البورداب الاحرار ... لقد تمكنت قيادة لجنة رحلة بورداب الدوحة من احباط مؤامرة دنيئة الهدف منها اقحام اسماء عدد من الشرفاء الاحرار والمناضلين الاوفياء فى تلك الكتلة الفاشية المنشقة ... وقد تمكن جهاز المخابرات التابع للجنة الرحلة من اعتراض مكالمة هاتفية ورد فيها ما يلى من مخططات:
اولا : اقحام كل من السيد/ابوساندرا، السيد/عمادعبدالله، السيد/صلاح عبد الله ، والعضو الجديد فى لجنة بورداب الدوحة زهور اقحامهم فى عمل تخريبى ماسونى لشق الصف وبلبلة الامن
ثانيا : صرح احد المتحدثين والذى لن نكشف عن هويته لاسباب امنية بانه سيسعى لعقد صلح وهدنة مع احد الد اعدائة وذلك فى محاولة منه لاستمالته حتى يتمكن من ضمه الى تلك الفئة المنشقة
ثالثا : توعد المتحدث باجراء عمليات تمشيط واسعة النطاق لمعرفة من يمكن استمالتهم كما وتوعد بصريح العبارة بشق الصف وزرع الجواسيس داخل كياننا الموحد.. فى محاوله مستميتة لسحب البساط من لجنة الرحلة او افشال الرحلة القادمة ان لم يحالفهم الحظ فى كسب تاييد واصوات الاعضاء.
علية فاننا نحذر من التعامل مع كل من المدعو ضحية ابراهيم والمدعو عبد الكريم الامين الملقب ب "كيكي" وكل من يشتبه بهم كما نرجو ابلاغ الجهاز الامنى التابع للجنة الرحلة فى حال اشتباهكم بتورط اى طرف اخر
ويمكرون ويمكر الله والله خير الماكرين
كيكي كوكو او كوك كوك ... ما بتهزم ابدا راندوك
|
Post: #32
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 05:50 AM
Parent: #31
خطابنا الانتخابي مبني علي قضية اساسية وجوهرية
فجرها الاخ الصديق الحبيب (معتز) قريش..
الذي جعل فصيلنا يساهر الليل ويساكك في مكاتب العقارات ويكابس اي بيت
مافيه(مكيف هواء).استنادا علي خبرتنا في جغرافية الدوحة ..
وقمنا باستنفار اصدقائنا الكثر في الريان بشقيه الجديد والقديم
والسلطة بشقيها..وحتي الشحانية ارسلنا لها وفدا للبحث..وطرقنا
الخور والوكرة....
واستبعدنا (معيذر) وام سعيد لوجود خلايا نائمة وكثافة التحرك الامني
لصالح (تجمع رندوك)...
معتز قريش اسكانك حق مشروع اخذنا علي عاتقنا رده لك ..وهي معركتنا
الاساسية في هذه الفترة..(رغم انك ما بتساهل) لكن نسوي شنو هذا قدرنا
نحن(انا واخوي الكاشف)...واخريين لن نعلن عنهم الان لضرورة المرحلة...
رندوك...
اصبح ما بيننا مثل ما في داحس والغبراء...
ولن يلتفت فصيلنا بقيادة ريسنا الشرعي (ضحية) لحملات افراد امنك
والان نعلنها واضحة...
اوجدوا سكنا لقريش...والا ؟؟؟؟؟؟
ستكون هي الحرب...
سكن ود قريش دونه القتاد.
لا ...لا للتشريد
تسقط تسقط حكومة رندوك...
سير ...سير ..يا ضحية...
(المتحدث الرسمي باسم الفصيل المتحد دوما)...
|
Post: #36
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 08:39 AM
Parent: #32
خطاب مباشر موجه من الرئيس الشرعى للجنة الرحلة الى ممثل الفصيل المنشق "كوكو"
فلتعلم ايها المنشق على الجماعه ان معتز قريش لا يمكن استمالته بكلمات كتلك التى استخدمتها انت
| Quote: الاخ الصديق الحبيب (معتز) قريش |
فقد ثبت له بالبينة وبما لا يدع مجالا للشك كذبكم ومراوغتكم واستغلالكم لمحنته فى حملتكم الانتخابية المزعومة... واننى اخبرك اصالة عن نفسى ونيابة عن كل من امثلهم ان تلك المحنة التى يمر بها الاخ معتز انما تجد لدينا كل اهتمام وتقدير وقد وقعت فى نفوسنا موقعا ما تمكنا بعده من الراحة او الهدوء والينا على انفسنا ان نجد لها حلا ولو كان ذلك على حساب كل غال ونفيس .. ولكن .. وهنا يكمن الفرق بين العمل الاصيل وبين الطبول الرنانه فنحن نعمل فى صمت وجد لا نريد من عملنا هذا سوى مصلحة الجماعة وتيسير امور من هم يلتجؤون الينا فى الملمات ... اما انتم يا صياد الفرائس فقد جعلتم منها حدثا وبوقا تطبلون وتنفخون فيه لقضية نعلم لعمرى انها خاسره
فدع عنك مؤازرة هذا المسمى ضحية وعد الى رشدك اثابك الله
اقول قولى هذا واستغفر الله لى ولكم واعلمو ان العاقبة للمتقين ...
|
Post: #33
Title: Re: يا بورداب الدوحة معتز القريش متشرد
Author: بدر الدين الأمير
Date: 08-01-2006, 05:50 AM
Parent: #31
حدثنى كيكى
قال حثه ضحية
بسند من عمادعبدالله
أن شطة الرحلة كانت حارة جدا والشية باردة جدا وحلة ودرملة مسيخة جدا
لذا ادعوكم اخوتى فى الرحلة والرحلات القادمية لجمع توقيعاتكم
لتفنيش رئيس اللجنة العميلة مع الحفاظ على باقى الاعضاء وتوجيه انزار آخير
لنانا لانها شكرت ودرميلة مدعى الابداع
ولو فشلنافى جمع التوقيعات الانقلاب هو الانقلاب
التوقيع / زعيمكم القادم بقوة ضحية
|
Post: #34
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 05:59 AM
Parent: #33
والان جاء البدر بالقول الفصل...
مرحب بك يا فارس الحوبة يا مغوار(الكلام ده عارفو بطفش مني ناس كده)
لكن برضو مرحب وانت قائدنا الحقيقي والاب الروحي...اذا فلنتضامن
..من اجل المعركة...
اسكان معتز قريش...
واسقاط حيكومة..رندوك..(مع انو منك خوف في حتت رئاسة المرة دي وحسي حتكب
الذوقة وتقول لي (هميمة)..واحنا سنينة سنة حميدة..ولازم الريسة تكون مرة)
المهم...
قررنا احتلال هذا المنبر هذا البوست حتي ينجلي الوضع..
|
Post: #35
Title: Re: يا بورداب الدوحة معتز القريش متشرد
Author: Salah Abdulla
Date: 08-01-2006, 08:20 AM
Parent: #34
إييييييييييييك .... والله جنس حرب الليلة .......
| Quote: كيكي كوكو او كوك كوك ... ما بتهزم ابدا راندوك |
هلا هلا هلا ... والله كلام ...
|
Post: #39
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 09:00 AM
Parent: #35
هلا وغلا
قايلننا حريم هوينات ساكت يا صلاح ... لكن براهم دخلو جحر الدبابير...
ان دايرين الكلام بنكفى .. وان دايرين الفعل بنوفى .. وان دايرين السلامه من الاذى ..اليبقو فى صفى ...
ابشرررررر .....
وغير كدى ما عندنا ليهم قول ...
|
Post: #38
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 08:54 AM
Parent: #34
| Quote: مرحب بك يا فارس الحوبة يا مغوار |
ليس غريبا ان تقول مثل هذا القول فود الامير معروف عنه تحيزة الظاهر لصفكم ... وهل ما فعلة بودرملية ببعيد...
| Quote: مرحب وانت قائدنا الحقيقي والاب الروحي...اذا فلنتضامن |
كذبوا وان صدقوا ..
| Quote: واسقاط حيكومة..رندوك |
ليس بالامانى وحدها تدرك الامال
ما بتصمد يا بدر الدين .... ضد تحالف العوين
|
Post: #37
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 08:45 AM
Parent: #33
ود الامير ...
انا والله قد تعلمنا من راس الذئب الطائر "ودرملية"
ان تلك الشطة الحارة جدا والشية الباردة جدا وحلة ود رملية المسيخة جدا كل تلك الاشياء لعمرى قد جعلتك تتمايل طربا وترقص فرحا وتهتز نشوة ... اما وانك قد انكرت الحقائق وقلت ما قلت ... فدونك الصور وشريط الفيديو ... فان تمكنت من محو تلك القرائن والدلائل التى تثبت وبما لا يدع مجالا للشك فرحك وطربك وهيمانك فى اجواء تلك الرحلة ان تمكنت من محو تلك الدلائل فعد وقل مثل الذى قلتة الان ... اما وان لم تستطع ولن تستطيع .. فاذن بحرب من الله ..
وعلى نفسها جنت براقش .....
|
Post: #40
Title: Re: يا بورداب الدوحة معتز القريش متشرد
Author: بدر الدين الأمير
Date: 08-01-2006, 09:06 AM
Parent: #37
الرئيس الذى سوف يصبح الرئيس السابق قريبا
نحى تمجيدك لنفسك
لكن ولا بد من لكن موضوع الصور ده حايودى ودرملية فى ستين داهية
المهم لو دايرين حرب صور نحن على اتم الاتستعداد
ذبدة كلام : ياودرملية موضوع الصور جانا من جانب رئيسكم وببقى بعد كده عدانا العيب
|
Post: #41
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 09:15 AM
Parent: #40
فلتدع ود رملية وشانه ....
ذبدة الكلام : قف فى صف الحق ولن تكون سوى الرابح
اما وانك قد نعتنى بالرئيس السابق ... فان الادارة انجازات وامجاد ... وقد كان لى منها فى تلك الرحلة نصيبا طيبا ....
وان كانت الجولة القادمة لكم ... فانا والله لادائكم لمرتقبون ....
عبد الكريم كان صال ... بيصول تلات صولات
وضحية وكتين جال ... تماهن تلات جولات
وود الامير فى الساحه ... ما كتر الجكات
ورندا لمن قامت ... اعداءها صبحو شتات
هلا هلا
|
Post: #42
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 10:20 AM
Parent: #41
صلاح عبدالله...اجل انها الحرب والحرب (كروفر) او كما قال احمد الميرغني..
واما مافي امر ريئسنا السابق..نوكد سابق لمستندات قانونية..افتت بان الرئاسة
انتهت بانتهاء مراسم الرحلة...
واكد السند القانوني ان الرئيس الحقيقي هو ضحية ..با مر من المحكمة الدستورية..
لذا الكل مدعو لاحتفال كبير يقيمه (فصيلنا) في موعد سيحدد لاحقا......
الاخت الريس السابق..جف ريقها ولم اري موازرا او هتافا يساندها..حتي صديقي
وحبيبي الاول ود الرملية ازر التفرج..ومشاهدة الريئسة في معركة الدفاع عن عرشها
الذي تاكل ....
عموما لازلنا كقيادة شرعية نذكر بالموضوع الاساسي...الا وهو..(موضوع اسكان)
معتز قريش...وسوف لن نجر للمعارك الجانبية التي تريد زرع الاشواك والدراب في طريقنا...
عاش ضحية قائدا شرعيا..وريسا لا يهتز له عرش..
عاش الفصيل المتحد من اجل الرفاهية والابداع...والاسكان...
وعاش الاب الروحي ورجل (المديا) الكبير (البدر)
|
Post: #43
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 11:25 AM
Parent: #42
اما وقد رايتمونى اقارعكم الحجة بالحجة... وانازلكم فى ساحاتكم
وقد دحضت ادعاءاتكم وافتراءاتكم
فانى اثرت ان اتصدى لكم اولا وبنفسى ... ليس اقلالا من دور زملائى وزميلاتى
ولكن تحجيما لحجمكم ... فحتى هذه اللحظه انا لكم ... وان زدتم زدنا
وان سالتم من انا فاقول:
انا رعد الخريف الما بتسمع زيو
وانا براق مطرة القبلى المابتقابل ضيو
وانا الدود النتر ما بتقدر تمر بى حيو
وانا تمساح ابكريك الجب ببلع الزيك وما بزيد فى غيو
تقول لى جنى !!!!!!!
|
Post: #44
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-01-2006, 12:32 PM
Parent: #43
الى كل الشرفاء
الى المصادم الشرس كيكى
والى دعاة الجمال وصوت الحق احييكم لولا ظروفى المرضيه الطارئه وغيابى فى اليومين الماضيين
لابنت الكثير المثير واسكت كل هؤلاء الاراجيز القصيره..
كيكى شكرا لك اخى المصادم..
بجيكم بس اشم العافيه شويه ...
___________________________________________________________________________________________
بعدين بالله شوفت لك مره بتقوم ليها عجاج قوليها انتى وزولك صاحب المحنه القصير زيك ده دستيين
منكم ما بسووا شى لو الكلام ده كان فى (دينقا) كان ستفناكم ودفعنا ديتكم (جدادهوهو) يا ام حلة
محروقه ..رحله غداها الساعه خمسه والحله محروقه وتحليه مافى وسلطه مافى ..
|
Post: #45
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 01:30 PM
Parent: #44
اى جمال تتحدث عنه واى حق تتدعية ايها المنشق
وبعدين ظروف مرض شنو البتقول عليها والله بس غلبك التقولو
وبعدين جايى تنكش فى الرحله ... الشيه لقطها لحمه لحمه بى اعترافك وبلعتها ما فضلت فيها شى يا كافى البلا هى فى منقدها ما رحمتها ....
وحلة الجداد المحروقة شوف عينى غسلناها قبلها فى ناديها .. و طلبات الزياده ما تديك الدرب
وقال سلطه مافى نعلها سلطة الاسود دى مامحسوبة فى قائمة السلطات ... يا الله يكون فى التصنيف الجديد سمعونا نقول سلطة اسود قامو ختوها بلاك لست وحظروها من قائمة السلطات ...
ونرجع للمفيد ... المره ما بتقوم ليها عجاج !!!! كلامك ده ابقى قدرو لما نالب عليك كل جمعيات مناصرة المراه ومنع اضطهادها
شنكل سغيرونى :يا ود الامير رئيسك فى اللجنة ضرب رئيسك فى الحزب ضربه قاضية ماضية فلاى الرئيسين سوف تنحاز
|
Post: #46
Title: Re: يا بورداب الدوحة معتز القريش متشرد
Author: Randa Hatim
Date: 08-01-2006, 01:39 PM
Parent: #45
بيان هام
لقد تلقينا للتو مكالمة هاتفية من الاخ والصديق الفنان المبدع صاحب الحس المرهف والذوق الجميل المبدع ود رمليه ... وقد اكد لنا انحيازة التام لجانب الحق مؤكدا ان الاشاعات والدعاوى المغرضه لن تجد اليه سبيلا .. ومن هذا المنطلق فاننا نتوجه للفنان المبدع ودرمليه ونقول له ان مثل هذا الموقف ليس بغريب على امثاله فهو مناصر الحق وهو دائما يصدح بالحقيقة وان كانت تالب عليه امثال اولئك المنشقين ضحية وكيكي وحزبهما ...
ونقول لى كيكي
ود رملية النضيف الطبعو ديمة نبيل
حمال الاسية وحملو البشيلو تقيل
مرهف شعور فنان فى فنو اصيل
يا كيكي ابعد غادى ودرملية متلو قليل
الى الامام دوما ايها الشرفاء وغضوا الطرف عن سفاسف الامور ولا تقيموا وزنا لغثاء السيل ......
|
Post: #47
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 02:00 PM
Parent: #46
| Quote: يا كيكي ابعد غادى ودرملية متلو قليل |
الريس السابق الكنت قايلوا زميل.
قوم الجوطة وباري ودرملية العميل..
ضحية الكلس الديمة طبعو نبيل
حلال شبك وبكان مايميل نميل
البدر الامير الراجل النبيل
حينزل صور ويضرب ضرب تقيل
حبابك رندوك الاشعلتها للحرب فتيل
كيكي الشفت حيولع القنديل..
|
Post: #49
Title: Re: يا بورداب الدوحة معتز القريش متشرد
Author: بدر الدين الأمير
Date: 08-01-2006, 02:07 PM
Parent: #46
نعترف بالحق ونعتزر عن الغلط
لذا نحن نعتزر للطرف لاخر عن اللوثة المرضية والهضربة
التى المت بالزعيم ضحية وخلتو يهترش ويقول كلام غير حضارى
المرأة مابتقوم عجاج
ذبدة كلام : ياضحية بلاش هترشات البشير خليك مع الزمن ياريس
|
Post: #61
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 00:41 AM
Parent: #49
الحاله الحمله الانتخابية لسه فى بدايتها رئيسكم هترش
اها وكت نجيهو بالعيار التقيل ح يقول شنو يا ربى !!!!
الله يستر ..
حقو تعينو ليكم ناطق رسمى بى اسمو تفاديا للهترشات الما فى محلها
|
Post: #63
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 00:50 AM
Parent: #44
Quote: بجيكم بس اشم العافيه شويه ...
|
عافية شنو البتشمها ـ أمبارح لما سقتي أشوف الملحق المضروب في مدينة خليفة ما كنت نصيح زي الكروزر الراكبو دا ـ يا أخو غلبك الرد ساي .
بعدين ما تفتكر انه الحركة العملتها أمس دي ح تأثر على موقفي بل زادت قناعتي بطرقكم الملتوية في كسب الناخبين ـ توديني لي غرفتين في بيت بابه واحد لا فيهم مطبخ ولا حمام يا كافي البلا انت قايلني فولوكس واجن .
الرئيس المخلوع ضحية وبتخطيط فاشل من نائبه ومستشاره قاموا بخداعي يوم أمس كما خدعوني من قبل وذلك ليبينو لكم انهم مهتمون بقضايا التشرد والتشردين .
خذوا حذركم وشوفوا قدامكم قبل ما تخطو ؟ هذه الشلة المارقة تتخذ جميع أنواع المراوغة للوصول الى قلوبكم وأصواتكم .
راندوك الحكر ـ راندوك النقر
راندوك الباعوضة القدت الأسمنت
راندوك ما بتنقدر
الله اكبر والعزة لبورداب الدوحة الأذكياء والشرفاء
ولا نامت أعين الجبناء
|
Post: #48
Title: Re: يا بورداب الدوحة معتز القريش متشرد
Author: Nana
Date: 08-01-2006, 02:01 PM
Parent: #1
ياجماعة في منو وفي شنو ،، ومنو قال شنو؟؟؟
انا افتش في السكن لأخونا معتز لا خليت ملاحق ،، ولا خليت شقق بقيت زي الضهبان سكن يا ناس سكن يا
ناس ،،، اجي القى العجاجة قايمة والمظاهرات والهتافات والانقلابات
رغم اني ما زولة هتافات ولا مظاهرات لكن بقولها بأعلى صوتي ومشمرة السواعد كمان
لا رئاسة لغير رندا
عاشت الرئيسة
وداون داون لكل المعارضين
تخريمة :
ابونا قال بيتنا بيتك في اي لحظة ،ولو ما شالك البيت تشيلك عيونا
|
Post: #62
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 00:45 AM
Parent: #48
عافية منك يا بت حواء
قالو عصابه بى رئاسة ضحية .. هو من يوم الرحله كان طابور خامس
هسى لما حوالينو شرذمة من اعداء النجاحات وقال كون ليهو حزب
مجرد فلول من الخوارج والمنشقين .. وانا لهم
رحلتنا كانت رحلة ما خمجانه
الكل انبسط والناس مشت فرحانة
والشية كملت والطرب عمانا
بعد ده ضحية قال الجمعه ديك خسرانا
|
Post: #93
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 10:46 AM
Parent: #48
Quote: تخريمة :
ابونا قال بيتنا بيتك في اي لحظة ،ولو ما شالك البيت تشيلك عيونا |
أبوكم أنا عارفو محسي ضكر وأخو أخوان وشيال حارة والله بس التقول جعلي ود عمنا
الا انتي قولك شنو ، ما انتي ست البيت ؟
وهل هنالك غرفة خارجية أم سيكون السكن في الصالون؟
أفيدونا أفادكم الله
|
Post: #50
Title: Re: يا بورداب الدوحة معتز القريش متشرد
Author: معتصم الطاهر
Date: 08-01-2006, 02:41 PM
Parent: #1
واستبعدنا (معيذر) وام سعيد لوجود خلايا نائمة وكثافة التحرك الامني
لصالح (تجمع رندوك)...
وكنا بعيدين
وتحرشتم بنا
اها الوجــــــــــــــــــع
رجــــــــــــــــــــــع
|
Post: #51
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-01-2006, 03:17 PM
Parent: #50
الاخوان الاعزاء
نعتذر لكم للخطاب الذي اورده رائدنا وشيخنا ضحية
ونود ان نبين بكل شجاعة ان موقفنا من المراة وقضايا المراة موقف مبدئي
وسوف نقيم ورشة عن قضايا المراة البوردابية..السلطة والثروة
وسوف نكرم ثلة من البوردبيات..
معتصم الطاهر...لا عليك اخي ومهندسي الكبير.تم استبعاد جزء من الشارع التجاري
من المناطق المحظورة..فنحن لا نفرط في تاييد شخص في قامتكم..
زلة ضحية لا نستبعد ان الباص ويرد بتاعو مسروق لان الكلام بشرط العين يا ضحية...
نانا اراكي انزلتي بعض الراجمات...فصبرا..اختاه..
مرة اخي نذكر بقضية معتز قريش حتي لاتضيع وسط (عويل) الرئيسة رندوك
|
Post: #60
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 00:38 AM
Parent: #51
هاانتم بداتم تتخبطون وتولولون ...
باسويرد مسروقه .. ما هذا القول الذى لا وزن له ام هى محاوله يائسة لتلميع وتبرئة ساحة رئيسكم الرجعى العنصرى ضحية
اعتذارك ما بفيدك
العملتو كان بى ايدك
اطالب باقالة الرئيس المزعوم ضحية وتنحيتة من المعركه الانتخابية حيث انه يفتقر لابسط مقومات الرئاسة والتى يجب ان تتوفر فى الرئيس المنتخب الا وهى المساواه والعدل
اما وانه قد جار وظلم واجحف فى حقنا فاننى ومن هذا المنبر اطالب باقالته من العمل العام ..
وعلى الباغى تدور الدوائر
|
Post: #52
Title: Re: يا بورداب الدوحة معتز القريش متشرد
Author: خضر الطيب
Date: 08-01-2006, 03:29 PM
Parent: #1
يامعتز ياخوي الجماعة ديل دخلو في خلافات جهوية ( حلوه جهوية دي ذكرتني الصادق المهدي ايام
الجمعية التاسيسية ) رئاسية ولعبة كراسي فخوفي عليك انك تضيع شمار في مرقة ..اركب تعال لي
في الرياض كلها خمسة ساعات يالسيارة اعشيك كبسة وتتندل تنوم بكره الصباح تمشي شغلك وبين
الدوامين عديها حوامة في دوارات الدوحة لحدى مالناس ديل يحددوا رئيس منتخب بالاجماع بعد داك
ممكن تعشم في انهم يلقو ليك حل ...لكن والله بعد الشفتو دا ..الشافك نايم ليك في دوار من
دوارات الدوحة ماكضب ..وانا واستاذ ابي من شفقتنا عليك عملنا اجتماع مسنقري لمده خمسة دقايق
واتوصلنا للحل دا ..انت رايك شنو ..ما احسن من البهدلة دا ..وانت ود ناس عزاز
|
Post: #53
Title: Re: يا بورداب الدوحة معتز القريش متشرد
Author: Emad Abdulla
Date: 08-01-2006, 04:05 PM
Parent: #52
هااااااااع
ضحية أب غوفة ..
أسد الخلا البيتضرّع ..
جيداً جيتَ خيِّ ..
ولدَ أَمَّي الكلس ..
( الأسد النتر صحا المرافعين خوف ) ..
هلا هلا .. هااااااااع
أبْ زَرَدْ ..
أخو الأخوان .. تور شين .
مُقْنَعْ الحوبة ..
قالت إعرابية في سياق مدحها للفارس الملثم ضحية , و هي ترقبه ( يطيح ) بالخصوم ذات اليمين و اليسار , و يكر كر الصقر الصياد فوق غبار الفرائس مرتعدة الفرائص , أنشدت قائلة :
( أأمممممممممممممم ... – دي نمه -
إنت برمتنا الزرقا ..
ككيف بَدورا بَلقَا ..
إنت دابي كُرو كُرو ..
فوكَّا الرجال بَدُفرو ..
إنت الحسكنيت ..
دود الرجال كبريت ..
إنت أبو اللصيق ..
شوفك بَفِك الضيق ..
أأمممممممممممممممم ..
إنت سلمنق دلمنق ..
صقر الخلا البطمن ..
الباحش إنت ..
أب رنات إنت ..
سيد الحوبات إنت ..
كبيرون أنت
كبيرون .. كبيرون .. كبيرون ..
جتتتتتته .
هلا هلا ..
أبْ دفس ..
قطَّاع النّفَس .
بيان من تحالف الكويسين :
( أقطع قطع نضيف .. يا ضحية يا حريف ..
و باكر بجي الخريف ..
و الهتافات بتقيف ..
و يكترو علينا الملاقيف ..
قول يا لطيف .
قف ..
فوق فوق ضحية أب ذوق ) .. بس
ــــــــــــــــ
يا قريش .. المكنات الما شغالة ما تشيل فيك يا تفتيحة ..
تشيلك عيوننا و راسنا و كيف كيف ما عارف ..
دي كلها جلكسات إسفيرية ..
البيت بيتك .. تعال لأخوك يا فردة ..
حرّم أوضتك براااااااااااااك ..
تقدل فيها كراع كراع ..
أفووو .. جابت ليها كمان فنجرية حريم و نحنا قاعدين ؟؟
|
Post: #54
Title: Re: يا بورداب الدوحة معتز القريش متشرد
Author: ودرملية
Date: 08-01-2006, 04:25 PM
Parent: #52
سلامات
وعوافي
Quote: ود رملية النضيف الطبعو ديمة نبيل
حمال الاسية وحملو البشيلو تقيل
مرهف شعور فنان فى فنو اصيل
يا كيكي ابعد غادى ودرملية متلو قليل |
...
الريس الحريف الطبعو ديمة جميل
شيال التقيلة في الرئاسة فكرو اصيل
طيب روح وذوقو رفيع في الدنيا مافي ليهو مثيل
ياكيكي ابعد زح رندوك لو زعل الا يتكلوك تكيل
الي الريس رندوك ولاني واحد من رعاياك الميامين اعلن وبكامل ارادتي انضمامي الي كتيبتكم الميدانية للمساعدة في رد العدوان الجائر الذي يشنه الانقلابيون الفارغون كما علب سيجار العذابة .. ولنعلن للبورداب في مشارق الارض ومضاربها نعلن لهم ميلاد العهد الديمقراطي المجيد واستماتتنا في وجه القبح السافر والمرجفين ..
نحن عندما اخترنا هذا الطريق كان هدفنا هو كسر النواميس البالية التي امتطاها الانقلابيون طيلة الفترات الماضية ...وجئنا لنعلن للعالم الاسفيري ان عهد الخضوع للظلم بكافة الياته المتشكلة في هذه الثلة المكبة علي انوفها والتي شرخت ملامحنا الانسانية ببرامج كيدية مبتذلة ونهج منافسة غير شريف ان الخضوع لن يكون هو الدواء الناجع لمثل هكذا سرطان ونحن ولايماننا التام بقضيتنا الفعلية سوف نبذل الغالي والنفيس لرد القبح الي جحوره المظلمة وسنوقد فيها نيران جهنم ونكشح فوق ليها علبتين شطة من شطة الرحلة حتي يعي المارقين اي طريق وعر قد سلكوا واننا لن نخاف في قول الحق وفعله واننا ماضون في الطريق وسنتقبل كل نتائج هذه الثورة العارمة التي ارتضاه رئيس حزب الجمال راندوك وبقية شعبه المجيد وعلي ضحية وكيكي ومشايعيهما الرجوع الي الحق او الخضوع لويلنا وعذابنا الطويل .....
نحن لن نقف موقف المتفرجين بقدر ما سنكون في ساحات الوغي نلغمكم الحجر تلو الحجر ..
وياريسنا يافارسنا
ماتشيلي هم المرجفين وافتحي ابواب مدارسنا
علمينا الصمود وكيف بالانس تطيب مجالسنا
الشية كانت سمحة شديد... شفتي كيف ابتهجت مراقصنا!!
والشطة زي النار ماشفتي الريس بنيتو قامت ترافسنا
........................
الي الفصيل المنشق ضحية ونائبه كيكي ..
ارعوا بي قيدكم ...هذا امر وليس تحذير فقط ..
|
Post: #56
Title: Re: يا بورداب الدوحة معتز القريش متشرد
Author: Emad Abdulla
Date: 08-01-2006, 04:40 PM
Parent: #54
يا معشر الدوحاب البررة ..
ضحية و الأسود العشرة ..
ما عليكم ..
ده .. | Quote: اعلن وبكامل ارادتي انضمامي الي كتيبتكم الميدانية |
.. ( سقط سهوا ) ..
إلى الأمام ..
يا ضحية يا إمام الكويسين .
ــــــــــــــــــــــــ
أمانة ما اتلومت يا ودرملية .. يا متخرط
|
Post: #64
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 00:53 AM
عماد يا اخويا كت قايلاكا زول فهيم
ابو بنيات وما بترضالن الزعل والضيم
دحين مو ضحية قال العجاج ما بكتحنو حريم
بعد ده تقيف فى صفو ترفع رايتو فوق الغيم
قالو قيادة العوين دى قيادة ما مدروسا
والببارى الحريم سيرتو فى الفشل مغموسا
يا ناس "حق" مثالنا كتير وامثالنا ما بنكوسا
قيادة الحريم نهج الحياه وناموسا
عماد عبد الله ما اتوفقت فى التنشين
حزب كيكي حزب خسران ومالو ضمين
احسب الحسبة من الاول وارجع عاود التمرين
حزب راندوك حزب راسخ قرارو مكين
واما فيما يخص مسالة الاخ العزيز معتز قريش فوالله ثم تالله انا لها ...
.....................................لغاية خط النهاية
|
Post: #57
Title: Re: يا بورداب الدوحة معتز القريش متشرد
Author: ودرملية
Date: 08-01-2006, 05:53 PM
Parent: #54
سلامات
وعوافي
الي صوت الحق الذي لايخبو .. باشمهندس معتصم الطاهر .. اظن ان الغمز واللمز قد بلغ الزبي ..وهاهو كيكي يتعرض لشخصك العالي بسافر الطعون والمطاعنة .. ونحن لايماننا بموقفك حيال هذه الاساليب نتمني ان يكون ردك شافي علي كيكي .. وان تطعنه في بكان بيوجعو وماعليك الا ان تفتح ملف صور من ملفاتك الماليها حد خصوصا وكمرتك كانت زي حرس الجامعة لافة كل الازقة والحواري والشوارع العريضة .. اذا نحن ناظرون ..ومنتظرون...
|
Post: #65
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 01:02 AM
Parent: #57
سلامات وعوافى ..
ياودرمليه المابجافى
يا الاصيل طبعك ومتلك فى حزب كيكي مافى...
معتصم ده الراجمه الح تلجم السنتهم وتخرسها الى الابد
هسى هو ساكت ليهم لكن عليك الله شوف جملتو " الوجع ............. رجع"
كفيت ووفيت يا معتصم .. خير الكلام ما قل ودل
امانه هسى الجقلبة ما حصلت ...
ارجع ليهم يا ود الطاهر بالتقيل ما هين
خليهم يجقلبو وكل واحد يبل راس التانى ليهو يزين
وضحية يشرد وما بتلقالو حسا يبين
|
Post: #55
Title: Re: يا بورداب الدوحة معتز القريش متشرد
Author: Nana
Date: 08-01-2006, 04:36 PM
Parent: #52
Quote: اما وقد رايتمونى اقارعكم الحجة بالحجة... وانازلكم فى ساحاتكم
وقد دحضت ادعاءاتكم وافتراءاتكم
فانى اثرت ان اتصدى لكم اولا وبنفسى ... ليس اقلالا من دور زملائى وزميلاتى
ولكن تحجيما لحجمكم ... فحتى هذه اللحظه انا لكم ... وان زدتم زدنا
وان سالتم من انا فاقول:
انا رعد الخريف الما بتسمع زيو
وانا براق مطرة القبلى المابتقابل ضيو
وانا الدود النتر ما بتقدر تمر بى حيو
وانا تمساح ابكريك الجب ببلع الزيك وما بزيد فى غيو
|
والنعم والله
تقول لي شنو وتقول لي منو
|
Post: #58
Title: Re: يا بورداب الدوحة معتز القريش متشرد
Author: بدر الدين الأمير
Date: 08-01-2006, 06:09 PM
Parent: #55
المريض السودانى ودى على وزن الفلم الشهير المريض الانجليزى
لا تأخذك اللوثة بحديث دهاء دناقلة البندر وعميدهم عماد ياريس بتعرف
يعنو شنو بندر وله حا تدخلنا فى كستبانة تانى شاور كيكى
هو كيكى زاتو بعرف شىء غير الكنابى طيب شاور بيان وله بيان سافرت
طيب شاور الظلامى معتز وله معتز مشرد حاتشاورنى انا سافرت قبل اسبوع
شاور ابو المحن رندابود خصمك ونديدك
قال ايه المراة مابتقوم 0000000
ياخى احترم مشاعر جنودك يا خليفة اقصد يامتخلف ضحيت بينا وانت ضحية
ذبدة كلام : حين يكون القائد مظلم يجب ان تكون الحاشية مستنيرة
|
Post: #59
Title: Re: يا بورداب الدوحة معتز القريش متشرد
Author: ودرملية
Date: 08-01-2006, 08:11 PM
Parent: #58
سلامات
ياعمدة انت بتكتب متين يازول انا قاعد من قبيل هنا جيت يادوب لقيت مداخلاتك التي تشبه يوم الاثنين الاسود..
علي كل حال انحيازك لي صف ضحية وكيكي هو خسرانك العظيم ..
يعني هسي معقولة تفوت حزبنا الجمالي الرهيب دا عشان تمشي حزب المطاردين من قبلنا ..
اوكي بختها ليك ياعمدة بس شيل رشفة صبر وبجيك صادي ..
|
Post: #66
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-02-2006, 01:08 AM
Parent: #59
الى ام قيردون راندوك
الى المتسلق ودرمليه ونانا وما شابههم..
نحن لن تخيفنا تهديداتكم وجلكساتكم هذه وفقط احسبها لمة حريم فى دقة جبنه او دقة ريحة
وجعى انك يا ود رمليه بقيت تالتن الفى الدلكه مخالطن ..عجبى..
أسالو معتزالقريش عن محاولاتى لحل مشكلته حتى الامس كانت ميدانيه الحجل بالرجل نحن نفعل ولانتكلم
الحبايب :
الى رفيق الدرب والنضال
كيكى اسد البرارى لاتلتفت لمثل هذه الهطرقات من هذه الثله التى يهتف لها تالتن ودرمليه
الى صاحب الحق ودايما مع الحق ابو تسنيم حرم دايما ما بتخيب الظن ..تسلم البطن الجابتك
الى العراب بدر الدين الامير
حدد ملامحك ياحراز ريح العواصف غربت وافرد جناحك للرزاز جية العصافير قربت
نحن لن نتراجع عن فعل او قول لاننا لانفعل او لانقول الا عندما نريد ذلك ونحن نصراء المرأه
عندما تدعو للحق ومع الحق والحق ابلج ولك كل الحقوق يا حقانى..
لكن لكن البون شاسع بين المراه البتمشى بين النميمه والمرأه الهميمه..
|
Post: #70
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 01:50 AM
Parent: #66
Quote:
Quote: بجيكم بس اشم العافيه شويه ...
عافية شنو البتشمها ـ أمبارح لما سقتي أشوف الملحق المضروب في مدينة خليفة ما كنت نصيح زي الكروزر الراكبو دا ـ يا أخو غلبك الرد ساي .
بعدين ما تفتكر انه الحركة العملتها أمس دي ح تأثر على موقفي بل زادت قناعتي بطرقكم الملتوية في كسب الناخبين ـ توديني لي غرفتين في بيت بابه واحد لا فيهم مطبخ ولا حمام يا كافي البلا انت قايلني فولوكس واجن .
الرئيس المخلوع ضحية وبتخطيط فاشل من نائبه ومستشاره قاموا بخداعي يوم أمس كما خدعوني من قبل وذلك ليبينو لكم انهم مهتمون بقضايا التشرد والتشردين .
خذوا حذركم وشوفوا قدامكم قبل ما تخطو ؟ هذه الشلة المارقة تتخذ جميع أنواع المراوغة للوصول الى قلوبكم وأصواتكم .
راندوك الحكر ـ راندوك النقر
راندوك الباعوضة القدت الأسمنت
راندوك ما بتنقدر
الله اكبر والعزة لبورداب الدوحة الأذكياء والشرفاء
ولا نامت أعين الجبناء
|
|
Post: #67
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 01:19 AM
Parent: #59
احقاقا للحق ودعما لموقف رئيستنا سنقوم بنشر بعض الصور التي تدل على نجاح الرحلة واستمتاع الجيع بها حتى نلقم الحاقدين من أحجار ود رملية ونحنا وراكم والزمن طويل
|
Post: #68
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 01:20 AM
Parent: #59
من اسرار مفاوضات آخر الليل
تم عزل بينوشيه المريض ( ضحية) عن الراسة ووضعه فى الحجر الصحى لان الحالة متأخرة
ثانيا سوف يعلن لا حقا عن تسليم الراسة للبوردابية الجديدة الكومدية الجميلة فى مؤتمر
صحفى يعقده سبدارات النظام عفوا اقصد كيكى المنظم بحضور الزعيمة الجديدة لنج فى
الدوحة والبورد0
ذبدة كلام : نعلن نحن للجميع اننا غير مسؤلين عن أى مداخلة للمدعو ضحية وهو ليس مننا
كيكى وصحبه0 ونحن فى رجاء عودة الصديقة المعالجة النفسية الدكتور موزة
المالكى من لندن لكى توضح لنا الى اى مدى حالة بينوشيه ميؤس منها وذلك من
اجل القتل الرحيم 0
|
Post: #69
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 01:40 AM
Parent: #68
لقد رقص الجميع طربا ـ يا سلااااااااام
|
Post: #71
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 01:56 AM
Parent: #69
ورقص الجميع طربا
|
Post: #72
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 02:12 AM
Parent: #71
عمران بابكر بدرى
مرشح بقوة لمنصب الناطق الرسمى بسم الزعيمة الجيدة
كيتا على زعيمة الطرف الآخر 0
ذبدة كلام : على فكرة الزعيمة الجيدة سنجل
|
Post: #73
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 02:20 AM
Parent: #71
بيان هام....
(لن اكون عبدالرحيم محمد حسين اخر)....
بعد متابعة مكثفة للخطاب السياسي للريس ضحية تبين لنا انه ملي بالدراب و ادخل لجنتتنا السياسية قي (حيص بيص) وجعلنا نمارس النفاق السياسي دفاعا..عنه وهو يرسل الدراب احرجنا
امام القنوات..فررنا الاتي...
1_ الانفصال والانشقاق التام عن تنظيم الفصيل المتحد
2_ تكوين الفصيل المتحد جناح (كيكي)
3_مواصلة المعركة في كل الجبهات والجهات...ضد (رندوك)...وتعرية ضحية حتي يعود لرشده
ويصلح خطابه الانتخابي....
4_ليس لنا هم سوي اسكان(معتز قريش)...وسكن فاخر كمان...
ضحية انا ما داير معاك اي (حسكنيته)..واوع تقول لي نمشي هناك..تاكل نارك بس ..داير تجيب لينا
الهواء مع قضايا المراءة...
5_ باب العضوية مفتوح علي مصرعيه للعاوز ينضم لقصيل زي الورد..(انضم وقارن)...
|
Post: #74
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 02:33 AM
Parent: #73
بيان لكل البورداب قي قطر
رندوك خلاص اتحسم الامر...
جبنا الكلام...ونحن نامر امر..
فصيلنا رهيب...نحن بنقصر العمر..
نلاقي الزول..بنكش ليهو بعيونا حمر
عندما انجلي صبح هذا اليوم ولازال (القريش) يعاني الامرين وجدنا السيدة(رندوك) وحاشيتها
منصرفين تماما عن الهم الاساسي والحقيقي للعضو (معتز) الذي يبدو انه قريبا سيعانق (الدويم)
ليجد له مكانا في احياءها العتيقة واهلها الطيبين...ولو ما شالك الحي (التامن) تشيلك (روتو).....وقد نجدك مساءا بالقرب من سينمتها القديمة ومكتبة (غانم)....ورحم الله (الطيب عوض ريد) والا لوجدناك هناك ايضا تفترس فوله التاريخي......
جرد..سريع لمواقف البورداب......بعد مسح (اكرر مسح) ميداني سريع.....
1-معتصم الطاهر...زولنا وحبيبنا وصوتو مضمون بحكم المهنة
2-ابوشيبة متامر...والمفرح انو الباص ويرد بيتاعو رائح..
3- بدرالدين الامير (راس الرمح) ومفكر خطير وطباخ ماهر وله خبرة في الدعم والاسناد
4_عماد عبدالله عودة طائرة الفينيق....وعودة الوعي...ومساندته قد تجعل رندوك تختفي عن الساحة
5_ ابوساندرا حليف استراتيجي...بس لو يكون( شجاعا شوية) كما عهدنا لضمنا صوته وصوت (الامورة) (ماهي)
وصوت شادية بالمراسلة...(ابو ساندرا همتك صوتك امانة في ذمتك...ما تخلي رندوك قمتك)
6_ صلاح عبدالله اخصائي في (المديدة حرقتني)..لكن برضو بجي منو دعم واسناد في ظل غياب المرجف (فيصل عباس)
7_ ود العباسية...فردتي وفردة (تمساح) ...واكيد ما بخلي فردتو وود خال صحبو تمساح في السهلة
8_محمد عبدالرحمن....يدري تماما من اي الفصائل انا ...ومصيرنا مشترك منذ ايام كرري وام دبيكرات...
9_ يعقوبان (معاوية الطيب)...ده( خلي يولي)( زي ود الموية )...واليونايين براهم بقدروا عليه بالشغل
والتحية لراس لفان.....
10_ صديق عبدالمنعم....متامر ولكن لا اظنه سينسي (صاحب ياسر سليمان)..وصاحب (عبد الرحمن الدري)...
11_ ابوعاقلة....(بت ابليس) لدينا الكثير من المصالح المشتركة...وصداقة الحكومات...وقد نكون زملاء عمل حكومي
12_خليل محمد خليل...ده صوتو جوه الجيب...ما برضي في كيكي كلو ..كلو..
13_معتز (سيد الرايحة)...اسمع لو كنت بتشجع الاشبال...انا بشجع الاشبال لو بتشجع الوطن ...فانا الوطن..
ولو الصقر الاسود برضو معاك( وحليل ناس الطيب الدويم...والديسكو)...
14_محمد السني ...وابوجقادوا...ما بلعبوا في فنان (شتات المسرحية).....كلو ..كلو..
15_نادوس....لك الاشواق والتحايا ايها النبيل...
16_ ابنوسة...سلاما سلام..
17_بكري الامين....انت وين يا حبيب العين...
18_راكوبة...مختفي لكن يا صديق الفن والجمال...صوتك (سبرانو)
19_دفع الله خطاب...عين مستشارا قانونيا...وهل يخفي القمر..
20_ عمر بوب...تسلم يا(بوس)...واحنا مساحينك....والان جاء العهد الذي يرتاح فيه( المساح)...وسقطت مقولة (لن ترتاح يا مساح)...
21_تيتاوي...صديق الليل والطرب....و(فتاح الكج..) دفرة يا فردة
22- ابراهيم علي (قريب ودرملية ايي) لكن شايفو (مطقع ليهو اسفيريا)...وسلام يا ابراهيم يا ابوعلي...
23_زهور...دي البوردابية..(الفولترون)..
23_ ختامها مسك..ضحية...زي...البشير ذاتوووووو (خلي يولي)
اها يا رندوك كلامك شنو...دي نتيجة المسح الميداني ...اها الفضل ليك منو....
1_ ودرملية ...ده منذ ان (اتصور بالعود) اصبح يتاجر بصوته...
2_نانا....نانا دي برضو معانا...بس دايرة صبر...
3_عمران....حيكون وسط الزهور متصور
مجموعة خارج اطار الصراع لدواعي الغياب...ولكن صوتهم مضمون تماما...
رشا حاتم
فيصل عباس...مرجف لكن اكيد حيصوت للدهشة والجمال...
السني ...ده شيخنا...وح نديه منصب كبير...
(غرفة عمليات الفصيل المتحدجناح كيكي)
|
Post: #75
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 03:02 AM
Parent: #74
بعد قليل تصريح من الاستاذ / عمران بابكر بدرى
الناطق الرسمى باسم القائدة الملهمة زهور -
همسة: زهور هى زهرة كل الفصول كماوصفهاالاستاذ عمران
|
Post: #76
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 03:41 AM
Parent: #75
بيان هام من القياده العليا للجنة الرحله
الله اكبر الله اكبر
جاء الحق وزهق الباطل ان الباطل كان زهوقا
لقد تبين للجميع هشاشة هذا التكوين المنشق وترهل دعائمة واركانه فهاهو ينشق على نفسه ويدعو لاحالة قائدهم المزعوم الى العلاج النفسى او الحجر .. فبالله عليكم اى تنظيم هذا الذى ينشق على نفسه فى غضون بضعة ايام منذ بدء الصراع وكيف نتوقع لهم الصمود والحياة كر وفر وحرب سجال .. فان كانو قد تراجعو فى ايام قلائل فانهم حتما الى زوال..
ليست العبرة بالاحصائيات التى اجريتها ايها الكوكو ... انما العبرة بمن يصمد حتى خط النهاية ... واغلب هؤلاء الذين احصيت اسماءهم احسب انك فعلت ذلك لكى تملى لهم الى اى الصفين يكون الانحياز .. ولكنك اخطات مرماك .. فليسو ممن يملى عليهم ولكل منهم بصر وبصيره ... فدع عنك هذا التطبيل الاجوف واصبر الى ان ياتى يوم الاقتراع ....
البوردابيه الجديده زهور .. اولا مرحب بيها وحبابا عشرة بلا كشرة ولكن .. نتمنى ان تقدم نفسها لا ان تستند على تطبيل المغرضين الذى لا صدى له ... فان كان طرحها جديرا بالثقة فاهلا وسهلا بها وان كانت المساله تلميع وتزييف اعلامى فما اسرع اختفاء زبد السيل ....
اما فيما يختص وكون عمران الناطق الرسمى باسمها فدونه وما اختار ... فانا انطق عن نفسى وعن من اولونى ثقتهم ولست ممن ياخذون الخطب مكتوبة ثم يقرؤونها ..
اما فيما يختص ومشكلة ود قريش ... فانا والله قول وفعل بل ... فعل فقط فلا مكان "للقوالات" بيننا ....
وحيث انه قد تمت الاطاحه بضحية من داخل حزبكم واحسب مما فهمته من كلامكم ان رئيسكم القادم هو البوردابيه الجديدة زهور فاننى ساحجم عن مخاطبة رئيسكم الى ان نتعرف عليها ولنعلم من نخاطب وما هو مقام من نخاطبه ... اما عازفى الدفوف وقارعى الطبول ... فانا لهم الكلمة بالكلمه والحجة بالحجة حتى نعيدهم الى جحورهم صاغرين...
التحية لكل البورداب الشرفاء الذين لم يسمحو لمن يبذرون الفتن ويروجون الاشاعات النيل منهم.
يا بورداب الدوحة انتو تمام
خاتين القول ومافى اى كلام
لكن المعارضة قالت رئيس الرحله ماهو همام
والرحله كانت فاشله اقيلوهو يا الحكام
بالدليل والحجه احبطنا قول المرجف النمام
وراندوك تدك جحارن زى المدفع الرزام
|
Post: #78
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 04:46 AM
Parent: #77
الرئيسة مهتمة بنفسها في تجهير الوجبات للكبار والصغار
|
Post: #79
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 04:50 AM
Parent: #78
انه الابداع في تجهيز الرحلات
|
Post: #80
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 05:00 AM
Parent: #79
الرئيسة حفظها الله ومساعدتيها ونشوة النجاح
|
Post: #81
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-02-2006, 05:10 AM
Parent: #79
بدرالدين الامير ايها العراب ياعوير الفليم صاحب (البرموده الشهيره فى الرحله) على فكره نحن
بحوزتنا كل الصور المسموحه والغير مسموحه واذا حاولت تثيرنا بننزلها كما هى بدون رتوش كمان.
القريش ايها الظلامى المتسلق هل هذا جزاؤنا ؟ شكرا جزيلا لكن اتمنى ان تكون حوستك ولوصتك حول
رئيستك المزعومه دى تطلع ليك منها بى سكن انشاءالله بيت شعر..عالم ماتستحق يخدموها..
والان جاء دورك ايها الصحاف عبدالكريم الامين احمد. لست اسفا او منزعجا لذهابك الى المعسكرالاخر
ياهم شبهك لانو قالو ( البيبارى ... بوديهو ...) خلاص خدعوك وسجلو مكالمتك واجبروك على الانسحاب
انت العاصرك على القرايه ام دق شنو ما كنت كويس براك تتشالق .. عجبنى ليك والان هم بحاولوا
ينزلو فى مكالمتك للبوست ..انا كلمتك بالحرف الواحد انو القريش ده وصولى وهمه يسكن والرئيسه
وعدته بى ملحق لكن متين؟ بعد شهرين من الان وهو ما داير يدفق مويته على السراب..
على فكرة نحن لا نبيع مواقفنا..
لقد علمت انه بعد الرحله تم تصليح وترقيع (الحله)الفاشله والمسماه (صهريج المويه) خاصة ودرمليه
وتم توزيعها نظام (دلفرى هوم) وبعربة الرئيسه الخاصه الkia لبعض البورداب لزوم كسب الاصوات
ونال منها كيكى نصيبه وكذلك بدرالدين وابو شيبه والباقى شوهد صباح السبت فى طريقه الى ام سعيد
نحن مازلنا نحتفظ بالكثير...
|
Post: #82
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 05:17 AM
Parent: #78
رية وسكينة أو رندوك والظلامى الفنان
لقد قامو باعمال تؤذى الضمير الرحلاتى
حيث تم اعتقال الفتى الوديع المتحدث الجديد باسم زهورنا القائدة والفايدة
وبل وصلت بهم البشاعة لحد التهديد بالتصفية البوردية وحين تدخل اسد سلامنا
الاهوج كيكى لنجدة عمرانا تمت مساومته بشتم بدرالدين المتآمر الاممى ونانا التى
فى الطريق للقيد بكشوفاتنا بل طلب منه شتم حتى ضحية المريض بل وتم تسجل ذلك الشتم
عبر وسائلهم الرخيصة كرخص لحمة شية الرحلتهم المندثرة 0
ذبدة كلام: انا تطير عيشتى اعالج عوارة ضحية وله هبل كيكى البمش للشرك وعارفو شرك
|
Post: #88
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 08:40 AM
Parent: #82
كلام يفتقر الى الصحه والى الدلائل المنطقيه
اما والله قد بهتنا بهتانا عظيما .. وتقولت علينا .. والصقت بنا تهما نحن منها براء .. فاعلم انا لك بالمرصاد
لكل عميل لكل دخيل بالمرصاد
اما العزيز عمران فهو ادرى باختياراته واقدر على انتقائهاوحتما سينضم الينا
مرحب بالعزيز مرحب بود البدرى
فارس الحوبة ضى العتمة وكتين السواد يستشرى
دراج العاطله لى ميسها فرتاق ام عجاجا يهرى
قالولو الدواس برصاصو .. قال حرم اتلقاهو بى سدرى
ده الكلام .......
|
Post: #83
Title: Re: يا بورداب الدوحة معتز القريش متشرد
Author: معاوية الطيب
Date: 08-02-2006, 05:50 AM
Parent: #1
سلام شباب
اولا التحية والصمود للتيار الديمقراطى الحر ولجنة الرحلة الناجحة
برئاسة المتالقة اسفيريا وميدانيا رندا حاتم ،،،،،
التحية للشرفاء والانفياء والمبدعين الحقيقين المناصرين للتيار الديمقراطى وعلى راسهم الموسقار ود رملية والفنان عماد عبد اللة ،،،،،
الخزى والعار لاعداء الشرعية والنجاح وكل من وقع ضحية الانتماء لتيار الطيور
المنهزم .
نقطة نظام
يهدف تيار الطيور المنهزم ان يفرغ هذا البوست من مضمونة ليطيل معاناة عضو الرحلة النشط معتز القريش ،،،،
اعلان هام
مشكلة تشريد عضو التيار الديمقراطى الشرعى معتز هى الهم الاول لكل اعضاء التيار الديمقراطى ونحن قدرها ولها .
اجتماع عاجل جدا ( المكان والزمان بالتلفون ) لمناقشة مشكلة معتز بعيدا عن
تسويف تيار الطيور المنهزم .
_________________________________________
اعتذر عن الغياب لزحمة العمل استعدادا للاجازة
|
Post: #84
Title: Re: يا بورداب الدوحة معتز القريش متشرد
Author: أبو ساندرا
Date: 08-02-2006, 06:13 AM
Parent: #1
نحن الشعب:
نعلن عن شجبنا لإنصراف قياداتنا عن مهام المرحلة ومابعد الرحلة
وإنهماكها في الصراع الدامي من أجل الكراسي
وإنقساماتها المتعددة لأجنحة معزولة ومتصارعة
فتارة نرى رئيس التيار المنشق يعلن عن إستعلائه الذكوري وإضهاده للمرأة
ونسى أن يد الأميرة طويلة ولاحقة وممكن تلحقو امات طه بيد الفندك
كما لاتخفى علينا محاولات الككو كيكي مناوي في شق وحدة فصيله دعمآ لأجندته الخاصة
وسعي أميرته { برضو} لمنصب سيدتنا الأولى
ولايفوتنا أن ننوه ان الزعيم الحقيقي لتيار المنشقين وجدهم الروحي البدر
قد صار محاقآ وإنمحق وإسحق
وهو فاقد للأهلية منذ حادثة { الشلح } المشهود في الرحلة وعدم مراعاته لإحساسنا
إحساس الشعب ومصالحه
ورصدنا التحولات المستمرة للمتشرد الظلامي فيومآ مع التيار المنشق
وبعد ساعة مع تيار الرئيسة
علمى بان أجهزة الرصد الشعبي ضبطته يتحاوم داخل القصر الرئاسي للقائدة راندوك
ومركز القيادة البديل
كل هذه الخزعبلات تتم بأسم الشعب
والشعب يتبرأ منها
إنتفاضتنا في الطريق
الشعب الفضل
|
Post: #86
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 06:47 AM
Parent: #84
المنشق الاممى لعنات دى على وزن بركات
انت جيت وفيك ملامحنا وملامحهم وعليك ان تختار جنتنا او نارهم ومعها نارنا
ذبدة كلام : هل لديكم غرفة فى السطوح حتى ولو من غير مكيف
|
Post: #89
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 08:51 AM
Parent: #84
مرحب بقولك وقولك دوما الفصل
ان قيادتكم الرشيده فى مرحلة الرحلة والى حين تسليم القياده الى جهات اخرى اعلم اننا لم ننصرف لسباق الكراسى ومناصب الجهويه ولكننا رفضنا شق الصف والانفلات من الجماعه وقد ذكرنا فى حديث سابق بان المرشح الجديد السيده زهور مرحبا بها فى الرئاسه ان كانت اهل لذلك وهذا اكبر دليل على ان الكرسى ليس مطمعنا ولم يكن هدفا نبتغيه وانما متطلبات مرحله واثبات حق القياده ...
نحن نسعى لكشف تلك العناصر المندسة والتى تعمل حثيثا لزرع بذور الفتنه والتفرقة والشتات .. ولكنا لهم بالمرصاد حتى تتم الانتخابات النزيهه للمرحله المقبله ونسلم السلطه للرئيس المنتخب
الشعب الاصيل اللى قيادتو بدافع
ما بسوقوهو بالتطبيل ابدا ولا بتهزو مدافع
يدك حصن التمرد ولى فلولو يصارع
لامن يملك قرارو من القمه ولى اصغر زقاق فى الشارع
|
Post: #85
Title: Re: يا بورداب الدوحة معتز القريش متشرد
Author: معتصم الطاهر
Date: 08-02-2006, 06:46 AM
Parent: #1
معتز
أنا شاهد على تشرده
وجدته
وشو يلعن عراقيهو وكايس لى فرشة اسنان من 6 صباحا
أمام منزل ( .....)
حالة تحنن..
|
Post: #87
Title: Re: يا بورداب الدوحة معتز القريش متشرد
Author: معاوية الطيب
Date: 08-02-2006, 07:01 AM
Parent: #1
الفنان عماد عبد اللة
نتمنى سماع ادانتك لتيار الطيور المنهزم قريبا لنحتفى بك
بمكانك الطبيعى الداعم للتيار الديمقراطى الحر ،،،،
كيكى
Quote: انا تطير عيشتى اعالج عوارة ضحية وله هبل كيكى البمش للشرك
وعارفو شرك |
اها كدا كويس !!!!!!!
نمهلك بفرصة اخيرة للاستتابة والرجوع للحق الشرعى
ملحوظة :-
سنحاول ان نحتتفظ لك بلقبك الطيورى بعد الكشف الصحى
عمران
لا تكترث ،،،،،
فنحن لا نصدق الاعلام الطيورى المصاب بانفولنزا دائمة
واحذر الزهور الملقمة والسامة ،،،،
ضحيةالضحية
| Quote: وتعرية ضحية حتي يعود لرشده |
| Quote: للخطاب السياسي للريس ضحية تبين لنا انه ملي بالدراب |
| Quote: تم عزل بينوشيه المريض ( ضحية) عن الراسة ووضعه فى الحجر الصحى |
الضرب فى الميت حرام ،،،،،
ندعوك لاعلان الهذيمة لعلك تحتفظ ببعض ماء الوجة
ولا اضمن لك قبولك بالتيار الشرعى ،،،،،
ولكن احاول ان اساعد فى ذلك من باب ( احترموا رئيس قوم ذل )
|
Post: #90
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-02-2006, 08:53 AM
Parent: #87
عفوا ايتها الرئيسه المطوششه ممكن نعرف مين ود البدرى الذى رحبتى به هذا؟؟؟؟؟؟؟؟؟؟
|
Post: #92
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 09:16 AM
Parent: #90
؟
؟
؟
؟
؟
؟
؟
؟
هووووى الحقو ... فقد الذاكرة
|
Post: #91
Title: Re: يا بورداب الدوحة معتز القريش متشرد
Author: Randa Hatim
Date: 08-02-2006, 09:06 AM
Parent: #87
معاويه ... ايها العقار المضاد لانفلونزا الطيور
انت لها والله ...
فلتكن ابادتهم جماعية حتى لا يستشرى المرض اللعين ... ولتبدا الاباده ببدر الدين
لنمنحهم مهله استثنائية فهم كانو وما زالو بوردابا اعزاء وبيننا "ملح وملاح" "الشية الباردة والشطه الحارة والحله المسيخه"
فان تابوا وانابو عدنا اليهم وكانو بيننا كما كانو من قبل
وان تزمروا وظلوا على تمردهم ... فلياذنو بحرب من الله
ابيد سرب الطيور القايدو زول حريش
وبدر الدين الامير القال هو قايد الجيش
ابيدو وابيد جماعتو حرم عليهو العيش
خليهم فروخ جرباناعدمان جناحها الريش
|
Post: #94
Title: Re: يا بورداب الدوحة معتز القريش متشرد
Author: أبو ساندرا
Date: 08-02-2006, 11:59 AM
Parent: #1
نحن الشعب :
نلحظ تورط تيار القصر ورئيسته { الترويكا }
في خطاب إسلاموي يشي عن تخلي عن علمانية البورداب
تابعوا الخطاب المعني وتوقعوا قوانين سبتمبر أخرى تقطع طاري الدوحاب
مازلنا نأمل خيرآ في الرئيسة ونلفت إنتبهاها لضرورة تغيير خطابها
وكذلك نلحظ ان الرئيسة تدافع منفردة في غياب تام للترويكا
فالمقررة مصابة بهاء السكت
والنائبة نانا ياريتها لو سكتت
ومصيبة رئيس التيار المنشق ، جماعة الضواحي ، كبيرة
فهو يعاني من خطاب ذكوري إستعلائي نخشى أن يكون مقدمة لمصادرة
التقدم والنجاح المتحقق تحت قيادة عوين تيار القصر
اما الأب الروحي الشالح فقد فقد الإتجاه
وأصبحت مواقفه غير مفهومة وكتاباته طائحة
بين الترويكا والضواحي
نحن الآن نجمع صفوفنا ونكرب العمل السري للإطاحة بالمتصارعين
الشعب الصابر المكلوم
|
Post: #95
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 12:18 PM
Parent: #94
الرفيق,,,ابوساندرا..
مرحب بك مدافعا عن حقوق الشعب..وهذا خطابا وجد في نفسنا هوا ..
ونمد اليك الايادي بيضاء من اجل (جبهة) عريضة لاسقاط موسسة رندوك وخطابها المتطرف
ومساندها الاول (الفنان الظلامي)...
سنقدم اطروحتنا لضرورة العمل المشترك ومتتطلبات المرحلة..
قف..
سيتم التنسيق معكم عبر احد كوادرنا السرية...
ومعا من اجل اسقاط (موسسة رندوك الظلامية)...
وتعرية الخطاب الذكوري لتيار ضحية
ابوساندرا...الايادي امتدت بيضاء..اي (كركبة عضلات تبش)..
|
Post: #96
Title: Re: يا بورداب الدوحة معتز القريش متشرد
Author: عمران بابكر بدري
Date: 08-02-2006, 12:32 PM
Parent: #95
بيان منتصف الليل ... هام
من البديهي أن تثير هذه البادرة معارضة شديدة لدي رجال التطرف والعزوف عن المرأة أمثال ضحية
نعم في وسط هذه التيارات العاتية الحارقة سطع نجم السيدة/ الرئيس كشخصية عملية فذة في هذا العالم البوردابي , كيف لا وهي برفقة مرشدها الشاب ود البدري الذي شق لذاته طريقا خاصا في التغريب بين وجهات النظر الفلسفي , وأنار ظلمات أعداء المرأة و النجاح الناهده عن فلسفة عقلانية صحية تنسجم مع روح المشاركة بين الطرفين
يسقط يسقط ضحية
وبما أن السيدة/ الرئيس يملك كل تلك المهارات من أراء وأفكار مهدت للناس كافة ودفعتهم للعب من ينابيعها الفياضة, كان من الطبيعي أن تتهاوي كل الحكومات السابقة ( سنية دفعية وضحيات شتاتية) وهذا أمر طيب
ولكن وجدنا أن التيارين الأول والثاني قد أفل نجمهم وقد جرف التيار الرندي في طريقة كل معني للديمقراطية الحقة, ولا يخفي على احد محاولة التفرد بالحكم وهضم آل 119 ريال ونص لمعتز قريش وحرمان باقي الوزراء من ممارسة أدوارهم في هضم بعض اللحوم الطازجة بمنزل أبو ساندرا قبل عرضها على الشعب علي سبيل التجربة حتى يتبين لهم صلاحيتها. وكان الرفض القاطع من الرئيس والوزيرة الأولي نانا ووزير الأعلام ماهي تاب ( تكتل حريم ) والغريب في الأمر ظهرت الكوارع في الثاني بأحد المنازل الفاخرة بشارع معيزر شمالا ؟؟؟!!!
و علية
وبما انه لابد من خلق فرصة للشباب لتواكب متطلبات الجماهير
صدر بيان تصحيحي رقم واحد ..
من شباب بورداب الدوحة
الشاب ود الأمير
الشاب كيكي
الشاب معاوية بعد محادثات مطوله
الشابة زهور الزهور ( يس اللهم صلي على النبي عين الحسود فيها عود)
الشاب ود رملية
الشاب ود العباسية
الشاب الرفيق ابوساندرا
وزينة الشباب الوجيه الفرع ( المشير عمران ود ناس بدري)
تسقط رندوك وحكومة التكتل ويسقط ضحية و ....... ؟؟؟؟؟ ؟؟؟؟؟؟؟؟؟؟
نقول لهم انه زمن الشباب
ولنا عودة
في بيان التشكيل
|
Post: #97
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-02-2006, 12:38 PM
Parent: #96
رويتر
شمار اخضر
ذكرت التقارير الواردة ومن مصدر موثوق ان الحرب في اوج اوزارها ولم تنجح جميع الوساطات لحل النزاع بالطرق السلمية
الضحايا ... )ضحية( واحده وغلطان المرحوم ... لعدم تقديره لامبراطورية النساء ... وكيدهن ... ان كيدهن
لم يفرق بين الكرسي الحزبي والكرسي البوردابي ... العجاج يا رندوك
هو اصلا ضحية المؤامرات التي تحاك خلف الكواليس ... دعيه يرقد بسلام
نحن والامبراطورية ... نشد من ازرك وده ما وقت زهور
انا لسه ما قريت ولا بوست
لكن الشمار حرقني
توت توت ... ضحيه يفوت
توت توت ... ضحيه يفوت
توت توت ... ضحيه يفوت
انا طابور براي
كركول شرف
رندكه وشوية كندكه
عجاجك غطا الشوف
والشطه البقولوها
حلاوة الليد يمدوها
لاننا في البحر قاعدين
وراها الزول يتوه توها
تتا تتررا ررا تتررا تتررا تتررا تتتررا
الجيه البقولوها
زهور ناشفه وبدون ريحه
عجاجك
وادينا عجاجك يا ضحيه
يا رتبه ممحيه
وكرسي طار
الزول ده طلع بدري قال جاييك يا معتز
|
Post: #98
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 01:06 PM
Parent: #97
بيان هام..
قبل الترحيب بالاخ التصحيحي الزول الكلس عمران,,
وقبل فتح النيران في ابوعاقلة الذي يبدو انه قد فقد رشده...
نعلن لكم الاتي...
فصيل رندوك المتاكل يرسل نائبه للتفاوض..
الان في احد مقراتنا السرية تجري مفاوضات شاقة وصعبة بين المفوض تماما
(بدرالدين الامير)...ومندوب السيدة رندوك(معتز قريش) الملقب ب(عبد المامور)..
ما استطيع ان اصرح به الان...ان مندوب رندوك (واقع في الوطة) وكابي الجرسة
وفصيلنا يملي عليهم شروطنا الصعبة...
التي الخصها في الاتي...
1- تقدم رندوك نقد ذاتي للرحلة وتبين الاخفاقات التي كانت واضحة تماما..
2_الاعتذار عن (الكوك...كاك)..في بوست منفصل..
3_تسليمنا الملفات السرية للجهاز القمعي لامن رندوك.
4_تسليم الصور..كل الصور التي بحوزة رندوك..
5_ ايقاف تسجيل المكالمات الهاتفية
6_ايقاف ارهاب الشرفاء من البورداب...
7_تسليمنا ملف اسكان (معتز قرش)...عشان(نسكنوا سكن لحدي ما يامن)..
مفاوضنا بما يتمتع به من حنكة وخبرة عالية قادر علي تحقيق اختراق مهم في جبهة
رندوك...
رندوك...خلاص قالوا دايرة سلام..
ماقلتوا نوبة وحسي بقيتو حمام
البدر المفاوض..ما بكتر في الكلام
تادوا الطاعة ..وكلوا يبقي تمام
|
Post: #99
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-02-2006, 01:40 PM
Parent: #98
يرسل نائبه للتفاوض .......!!!!!! دي جديده
والفبركه تمت بالتلفون وسمع اضاني دي
ما تهتمي للشمات
ظروف بتعدي
غايتو انا ركبت الموجه ونسيت معتز
يا معتز ضحيه مسفر الجماعه وبيتو ح يكون فاضي
رايك شنو
يعني .... بحاول انقذ ما يمكن انقاذه
هرشني كيكي بالتلفون
|
Post: #100
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 01:45 PM
Parent: #98
عمران معانا رندوك ماتغشانا
عمران معانا رندوك ماتغشانا
يالك من فارس كلمة وتكلم
وعليه نحن نطالب بحماية دولية للسيد/ عمران
لاننا لانامن تصرفات رية وسكينة أى رندوك والظلامى الفنان
من وضع اى متفجرات فى طريق العامر عمراننا
همسة : سيدعمران ارجو ارسال رقم جوالك أو خذ رقم جوالى من السيد/ كيكى
التوقيع : القايدة والفردة زهور على فكرة زهور بلا اشواك
|
Post: #101
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 02:03 PM
Parent: #100
ابوعاقلة..الطابور الخامس
والعقل الالكتروني لامن رندوك التي توارت عن الانظار
..صبرا...
بدر الدين بالله طلع لينا بيان عن سير التفاوض....
زهور...جديدة و كمان تسل الروح..
بوردابية زي الصاعقة بوستاتها تسوي جروح
ثقافة وشعر وعلم ما ليهو شروح
ريئسة قادمة بكل قلب مشروح
|
Post: #102
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 02:23 PM
Parent: #101
فى هذه الاستراحة وعلى عجل
أقول أن السيد المقدر مفاوض الطرف الآخر
الاستاذ/ معتز القريش أبو محمد لقد قدم نقد ذاتى لنفسه
ثانيا طلبه الوحيد هو ممرات آمنة لخروج رندوك من الورطة بمايحفظ لهاعمران
الذى كشر عن انياب لم تعهدها فيه من قبل
ذبدة كلام : حتى الآن الاختلاف مع مندوب رندوك فى انه يود التوقيع على شروطنا المهينة
ونحن نطلب البصمة وليس التوقيع
|
Post: #103
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 03:17 PM
Parent: #102
سلامات
وعوافي
لقد تبينت لنا تماما المكايدات والهرج السياسي المطبوخ من قبل التالية اسماءهم
1/ ودالامير :- هذا الرجل يحاول هز عرش السلطة بكل الاساليب الممكنة وغير الممكنة فتارة يساند ضحية (الرئيس المحجور صحيا) وتارة يساند كيكي(الفصيل المنشق علي رقبتو) وهذا ان دل انما يدل علي هشاشه قضيته وعدم فهمه للفكرة (ألراندوكية السلمية الامنة) والتي لم تألو جهدا في رفع شان المغلوب علي امرهم والوقوف الي جانبهم حتي يتجاوزوا المحن والاحن والمصائب والهومليس..
2/ ابوساندرا :- نعلم تماما ان جيناته الانفصالية هي الباعث الاوحد له وهي مصدر وحيه والهامه والان يحاول ان يمارس الدايلكتيك الساندري لتفريغ خطاب الفكرة الراندوكية من مضمونها ومحاولة منه في كسب هذا الرهان الخاسر اجترح وسيلة جديدة تصب فيما يسمي في سياق الفعل السياسي بـ(الخطاب العاطفي) كمحاولة منه لاستمالة الشارع العام واستدرار عاطفته من خلال ادواته وامكانيته القانونية وعزفه علي الاوتار الحساسة بالقول لا بالفعل .. ولعمري هذا لن يطال روح وقلب الشارع العام الذي تضامن معنا منذ الوهلة الاولي ..
3/ كيكي :- الفصيل المنشق علي رقبتو ..يمارس هذا الرجل في نقده الهدام للفكرة الراندوكية مستخدما لغته السردية المملة في تغيير مفاهيم الفكرة وتحويرها حتي تظهر في صورة غير حميدة تتيح للشارع العام استهجانها ورفضها ...تساعده في ذلك ايادي خفية ..وهذه الايادي الخفية لها مصالح لوجستية معروفة تبتغي الوصول اليها ومن ثم تبدا في تغيير جلدها ايذانا ببروز صورتها الحقيقية (الافعي) ... ولكن فات علي المتهافتين نقطة مهمة ان كل الادلة والبراهين تدعم وبصورة مطلقة موقف القيادة الرندية وافكارها الثاقبة ورؤاها الحالمة المتجانسة مع احلام الشارع العام وتطلعاته .. لذا وبعد اذا نود ان نحيلكم جميعا الي فهم هذه الجوطة الاعلامية كما ينبغي ان يكون الفهم فهي لاتعدو كونها زوبعة في فنجان ...
بعد التوضيح اعلاه نتمني ان نكون قد مسحنا الغبار من علي اللوحة المشوهة التي خلقتها هذا الايادي الملوثة بدماء شعبنا المفضال ... وستظل هذه الايادي موضع حراستنا لنفضح كل يوم برنامجها المهتريء البالي واطماعها وولهها بكراسي السلطة ..
ولعلم جماهير شعبنا الابي ان السيد الرئيس راندوك قد لوحت في غير مرة بالاستقالة وافساح الطريق لقيادات جديدة ايمانا منها باعمال المباديء الديمقراطية وانسياب تداول السلطة لكل الطرق السلمية .. ولكن لمعرفتنا الاصيلة بالطوبغرافية الساسية الهشة المتواجدة الان علي ظهر البسيطة ماهي الا مثال حي للانكسار والفشل الذريع الذي ظل يعانيه الشعب المكلوم طيلة الفترات السابقة .. فقدمنا رؤانا وافكارنا للمرحلة المقبلة لسعادة الرئيس ووضحنا الفساد الذي سيستشري في الجسد الاسفيري جراء استقالتها وابتعادها عن ممارسة الفعل السياسي وانه كيف سيكون الحال من بعدها ... فابت ورفضت الابتعاد عن حار قضايانا واثرت الوقوف في رحي المعركة في وجه القبح والتزييف والاهمال ..
وهي الان قاب قوسين او ادني من حل قضية القريش ... فما عليكم الا ان تلوكو الصبر ..
اود ان اشير فقط الي ان استمالة الطرف الاخر للزميل عمران ودالبدري ماهي الا سحابة صيف سرعان ما ترحل مبتعدة عن سماءنا وسيعود عمران الي مقره الاصلي حاسرا متحسرا وسيمارس نشاطه السياسي بكل حرية فالعودة الي جحافلنا تجب ما قبلها ..
ولانامت اعين الفرقاء المشتتين ..
ودرملية
قائد الكتائب اليمدانية والقيادة الخاصة التابعة مباشرة للسيد الرئيس راندوك ..
رندوك ست الحارة وقت الشدة مابتتهز
ولو رسلولوا زهور مصيرا يبقا الجز
عارفاها المعارك البي سيفا جايبا العز
خابراها المصايب وقت الشوري رايا الوحيد الفذ
ود الامير سيب اللخبتة الفي الفاضي
موكبنا سار مابتعيقو لو رشيت القاضي
رندتنا صامدة ولو مارشالكم نزلوه الرادي
كلمو زهور ان ماعندها قدرة التزح غادي
|
Post: #104
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 03:28 PM
Parent: #103
سلامات
وعوافي
فاتنا في غبار معركة ردناعلي القيادات المرجفة ان نرحب بالسيد معاوية الطيب رئيس المكتب السياسي المستشار الخاص لمكتب الرئيس وممثل (جحافل الاحرار- التجمع الديموقراطي) والذي عاد بعد مهمة ماكوكية الي شمال افريقيا..
ونود ان نذكره باننا مازلنا قابضين علي الزناد لحماية جماهير شعبنا وان التحالفات التالفة لن تحرك ساكنا ولا تسكن متحركا في عالمنا .. فـ ريسنا وبحمد الله وتوفيقه قادر علي ان يزيح كل العثرات والعسرات عن طريقنا وسيظل شعبنا الكريم نصب اعيننا ..
ولك التجلة ونتمني ان تطلعنا علي نتائج الرحلة في الاجتماع اليمداني المزمع عقده الاسبوع القادم بحول الله ..
ولك التجلة ..
ودرملية قائد الكتائب الميدانية والقيادة الخاصة التابعة مباشرة للرئيس راندوك
|
Post: #105
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 03:30 PM
Parent: #104
يا رئيسة أنا معتقل ـ انقذوني ـ انقذوني ـ أنقذوني
|
Post: #107
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 03:34 PM
Parent: #105
سلامات
وعوافي
انت البوديك تكابس ود الامير شنو ..انت ماعارفو زول مقالب والعقرب بتخاف منو ..
اها خم وصر .. الريس هسي يكون في سابع نومة الا نصحيهو ليك بالمدرعات ..
|
Post: #106
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 03:33 PM
Parent: #103
ودرملية الذكرنا يونس ود محمود
كلامك القبل انا عندي ليهو شهود
رندوك اختفت..وصعب للدواس بتعود
ابعد بعيد...واجري العب بالعود....
____________________________________
فصيل كيكي الصعب البوفر الاسكان
نشرنا الخبر وطفنا كل بكان
ود قريش نسكنوا في حتي لو دخان...
انا الصعب..البتلصق..وتشوفني كاني لبان
|
Post: #108
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 03:40 PM
Parent: #106
| Quote: يا رئيسة أنا معتقل ـ انقذوني ـ انقذوني ـ أنقذوني |
انت يازول مالك..الجاك شنو..
وعامل لي فيها بتاع استخبارات وكمان تتفاصح بالنهار..
اثبت...وخلي ريئسك يجي يحلك يا ضلامي...
|
Post: #109
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 03:48 PM
Parent: #108
أنا أتعرض حاليا للتعذيب والابتزاز ـ يا أخوانا أنا في بيت ود الأمير ولا في سجن أبو غريب
وصية : خلو بالكم من أولادي .
|
Post: #110
Title: Re: يا بورداب الدوحة معتز القريش متشرد
Author: احمد معتصم الطيب
Date: 08-02-2006, 04:00 PM
Parent: #109
ده مسلسل عديل هاهااااههه
متابع ومستمتع شديد
ود القريش يقع فى يد ود الامير
شيل شيلتك يامعتز...
والله دى أجمل مسلسلة..
متابع
|
Post: #115
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 04:32 PM
Parent: #110
Quote: متابع ومستمتع شديد
ود القريش يقع فى يد ود الامير
شيل شيلتك يامعتز...
|
ألحقني يا أحمد أنا في ورطة أرجو أن تبلغ لجان حقوق الانسان والمجتمع المدني في ألمانياوالدول المجاورة لإرسال قوات دولية لإنقاذي من هذا اليهودي بد الدين الأمير أنا أتعرض الى لجميع أنواع التعذيب والاهانة الانسانية مثل شعب لبنان حاليا ـ الروووووووووووب
|
Post: #111
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 04:06 PM
Parent: #109
كيكي شايفك شبهتني بالكاذب الملعون
سيد اللسان الكافر اللي الحرمة ماهو بصون
ماني شبه يونس ولاشبه البجيبو خيالك المأفون
انا الفنان هم الدنيا اترجمو شعر ولحون
....
فصيل كيكي الكعب البيضرب البنبان
نشرتا سمومك ونعقتا كالغربان
قريش مهمل ود الامير رابطو في الحيطان
شوفولو طريقة حل لو انت صح انسان
|
Post: #113
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 04:09 PM
Parent: #111
سلامات
وعوافي
مرحبا احمد معتصم ...
وكن دائما الي جوار حزب الجمال ...
ودرملية
قائد الكتائب الميدانية والقيادة الخاصة التابعة مباشرة للرئيس راندوك
|
Post: #112
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 04:07 PM
Parent: #109
ود القريش الفنان الظلامى والغير ظالم
قال انه معتقل فى منزل بدرالدين الامير
لكنه اعتقال حميد فهو يرقص طربا لهذا الاعتقال
وبكم فطنة بكسر الفاء 000000000000000000000000
تقولى منو وتقولى شنو ودالقريش قرش وكتشف ظلام وظلم رندوك
ذبدة كلام : ياكيكى عمران ماهى اخبار اعتقاله هل لم يزل صامد فى وجه التعذيب
المعنوى من قبل القاتل رندوك
|
Post: #114
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 04:22 PM
Parent: #112
ود قريش ممسوك كواريكه ضاربه الليل
صحبي بدر الدين كلابشيه تهدالحيل
الوداك شنو..للاسد وانت زولا حميل
تاني اوع تتشالك وخليك جمل الشيل
|
Post: #116
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 04:33 PM
Parent: #114
ودالامير سواها خلا الجنا يتصايح
ودقريش يصرخ كواريكو تجيب الرايح
ربطوا المسكين متل الحميل الدايخ
ريسنا لو صحا ما بتشوف غير النزيف السايح
...
ود قريش اصبر الضربة ماها بسيطة
مابتتحلا بالكواريك ولا صراخ العيطة
دايرة الدبارة ولو شقلبوك في الحيطة
اصبر رندوك بتحلا الفي الازمات زايع (صيطة)
|
Post: #117
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-02-2006, 04:42 PM
Parent: #116
ودرملية..اللذيذ زولكم ضارب النوبة
بدرالدين مسخوت في دي قلب الهوبة..
الضلامي زول رندوك الا يقول التوبة..
رندوك حليلكم..لحدي ما تلبس توبا..
|
Post: #121
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 05:10 PM
Parent: #117
كيكي العزيز زولنا فارس حوبة
بدر الدين غدار ولو شيخوا في نوبة
وقريش صنديد حاشاهو يقول التوبة
رندوك لابسة الميري.. خلي زهور تلفح توبا
|
Post: #118
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 04:48 PM
Parent: #116
انا صابر وسأحتمل حتى الصباح الى أن يستقيظ الريس وصابر على جمرا تهبه تهزئة رياح ود الأمير . يا ريس ما تهملنا انحنا بيك وليك شمرنا
|
Post: #119
Title: Re: يا بورداب الدوحة معتز القريش متشرد
Author: احمد معتصم الطيب
Date: 08-02-2006, 05:01 PM
Parent: #118
الأخ المناضل ود القريش
لقد قمنابمخاطبة جميع منظمات حقوق الانسان ومجلس الامن
وسوف تناقش غدآ فى مجلس الامن .
فعلبك بالصبر ايها المناضل الصندبد
منظمة حقوق الانسان (اللجنة الخاصةالمكلفة بقضية
المناضل معتز ود القريش)
|
Post: #120
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 05:08 PM
Parent: #119
اشكرك اخي احمد وانا في انتظار دعمكم واعدكم بالصبر والثبات على المبدا ولو مشونا على النار غير راندوك ما بنختار
ارجوك حدد موقفك من ود الأمير عشان نعرف نتعامل معاك صاح
|
Post: #122
Title: Re: يا بورداب الدوحة معتز القريش متشرد
Author: بدر الدين الأمير
Date: 08-02-2006, 05:43 PM
Parent: #120
الاخ العزيز احمد ( الالمامنى )
نحن نعلم ان المارسدس المانى
والبى ام دبيلو المانى
وكذلك الفلكسواجن المانى
حدد موقفك من الصناعات عشان نعرف نصنع شخيتك من صنعنا
ذبدة كلام : كل خوفى تطلع من بطاحين أربجى يبقى حاتودينى فى ستين داهية مع
سيف مساعد وباقى رهط اولاد القطينة ناهيك عن بناتها
|
Post: #123
Title: Re: يا بورداب الدوحة معتز القريش متشرد
Author: ودرملية
Date: 08-02-2006, 07:36 PM
Parent: #122
سلامات
وعوافي
ود الامير يغتال الفرح الكوني باعتقاله للزميل معتز القريش ..
وفوق عسي ولعل ان يجد لنا الريس راندوك مخرجا من هذه الورطة ..
نريد حلا ياريس ...
|
Post: #124
Title: Re: يا بورداب الدوحة معتز القريش متشرد
Author: معتز القريش
Date: 08-02-2006, 11:18 PM
Parent: #123
الساعة الآن السابعة الا سبعة دقائق صباحا وأنا ما زلت أعاني من الإرهاب والتعذيب بجميع صنوفه وسوف نصدر بيان كامل عن ملابسات هذا التصرف المشين من قبل المنشقين بدر الدين الأمير وكي كي اللعين
|
Post: #133
Title: Re: يا بورداب الدوحة معتز القريش متشرد
Author: احمد معتصم الطيب
Date: 08-03-2006, 02:40 AM
Parent: #122
الاستاذ/ بدر الدين الأمير
لقد حان الوقت سوف تقوم قوة خاصة من المرينز
بقيادة ودرميلة بمدهمة مكان اعتقال المناضل ود القريش
ولقدعلمنا بآن المناضل مصاب إصابة بالغة وهذه سوف يعرضكم
للمثول أمام محكمة العدل الدولية بلهاي.
ونعلمكم أننامنظمة ليس لها اي شيخة أو شيخ .
وسوف نقوم بدعم ودرميلة بعربات مدرعة وكمية من الاسلحة
ليقوم بالمهمة .
لاخوف عليكم فنحن اولاد عاصمة فى الخرطوم ديامة وفى امدرمان
ودنوباوي وحى البسطة ..
مع خالص التقدير والاحترام
|
Post: #128
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 01:09 AM
Parent: #100
Quote: همسة : سيدعمران ارجو ارسال رقم جوالك أو خذ رقم جوالى من السيد/ كيكى
التوقيع : القايدة والفردة زهور على فكرة زهور بلا اشواك |
شوفو بالله الاسلوب الذى ينتهجه المسمى ود الامير؟؟؟ اى مفاوض انت يا هذا؟؟
شنكل سغيرونى : لو كنت مكانك يا زهور لاطحت بود الامير من منصب المتحدث الرسمى او اصدرت بحقه قرارا تاديبيا
هسى عليك الله فرقك شنو من ضحيه ... المسيكين قبلتو عليهو ساكت ...
انت عارف يا ضحية يا اخوى هسى ان قلت كدى فتحت للنسوان باب العربيه وفضلت واقف لغاية السيده ما تقعد فى الكرسى وبعدين قفلت باب العربيه وفى المكتب تقول كدى تزح الكرسى تفضل واقف لمان الواحده تقعد(حركات الافلام ديك) كان قالو عليك نصير القطاوى !!!!
|
Post: #130
Title: Re: يا بورداب الدوحة معتز القريش متشرد
Author: عمران بابكر بدري
Date: 08-03-2006, 01:40 AM
Parent: #100
من المشير
الي السيد/ القايد ودالامير
السيد/ راعي الشعب كيكي
السادة / االمناضلين الاحرار
تم الكشف عن اللقاء السري الذي جرى في منتصف ليل امس بمنزل السيدة/ الرئيس بينها والمتملق ابوعاقلة وحرمة وقد قامت افراد الحماية من طرفنا ( حاتم وريم ومريم) بتلقينه درسا في الاخلاق وعاد الي اهله مدحورا...
عاش اللواء حاتم, والقيد ريم, والملازم اول مريم عمران بابكر بدري
وهنالك اخبار اخرى متفرقة
مشير عمران بابكر بدري
|
Post: #131
Title: Re: يا بورداب الدوحة معتز القريش متشرد
Author: عمران بابكر بدري
Date: 08-03-2006, 01:46 AM
Parent: #130
وجائنا الان الاتي
لقد تم جرح العميل معتز القريش جرح بالغ
اثناء محاولتة سرقة دفاتر الحساب تبع اللحمة ( وتصدت له قوى دفاع البورد بقيادة عميد ريم وملازم ونقيب مريم
عمران وحلف بالطلاق انه لن يعيد الكرة
عاشت
قوة دفاع البورد
مشير عمران بابكر بدري
|
Post: #138
Title: Re: يا بورداب الدوحة معتز القريش متشرد
Author: معتز القريش
Date: 08-03-2006, 04:41 AM
Parent: #131
Quote: وجائنا الان الاتي
لقد تم جرح العميل معتز القريش جرح بالغ
اثناء محاولتة سرقة دفاتر الحساب تبع اللحمة ( وتصدت له قوى دفاع البورد بقيادة عميد ريم وملازم ونقيب مريم
عمران وحلف بالطلاق انه لن يعيد الكرة
عاشت
قوة دفاع البورد
مشير عمران بابكر بدري |
بالله شوفوا الدعاية الرخيصة دي ـ أنافي الوقت دا كنت محتجز وأعذب عذاب الله اكبر في شقة الشالح (سجن أبو غريب) كيف أكون حاولت سرقة دفاتر الحساب اللحمة .
وتصدت لي قوة دفاع ود بدري الكضاب .
ما عرفتو تعملوها بالصح قلتو أخير نكضب .
شفتو يا بورداب الأسلوب الملتوي والكذب على الشرفاء من أعضاء حكومة راندوك المنصورة باذن الله .
|
Post: #167
Title: Re: يا بورداب الدوحة معتز القريش متشرد
Author: عمران بابكر بدري
Date: 08-04-2006, 09:48 AM
Parent: #100
انت لسة في زمن البلبل ؟؟؟؟
لقد علمت مصادرنا ان احد الاعضاء ( فصيل درجة تانية)
ربما انه لسة في زمن البلبل _ والصياعة تم شراء زمته بثمن بخس
بضع ملعقات من عصير منتهي الصلاحية0 وكان محظوظا لم ينقل للمستشفي 0( متعلم على البلع)
ولا تسالوني من هو ؟؟؟
لان احد المسولين الكبار في نظرة قد اوهمة بانه لورنس العرب .. وانه سوف يتم ترشيحه للرئاسة المرحلة القادمة... وربما ان اسمة قريب من احد مزارع البان بالسودان
ونقول له يابني سيب الهزار .. الرجال مواقف؟؟؟؟!!!
وكنت استمتع بمجريات الحوار الذي كان علي الملاء ( بمكبر الصوت)
بشهادة الرجل الضكر صلاح ونانا ونادوس وابوعاقلةوحرمة .. الراشين الصهيانه .. رندوك ومعاوية.. بالحق معاوية العصير بتاعك ضارب
وضحكت ولم اقل شيئا.. فسالوني بتضحك ليه ... فقلت لهم هو يعني احسن منكم في ايه ( سجمان علي خائب رجاء)
يا وسم لم تكن مفاجأة غير سارة .العجيب انك صابر معانا حتي الان .. هنا للفرسان فقط واخوات مهيرة..
وبما انك حللت علينا من غير موعد كان رحيلك
لقد فات زمان الطبل والرقص,ونحن نعرف اننا كأننكا اتينا من زمان بعيد في المستقبل, وشح امكانيات المعارضة لسه في العصور الظلامية
ومن هنا اقول لمن لا موقف له ارحل عناانت ليس منا ونحن ليس منك
نحن لا نخاف الهجاء عزيزي
خلي يغنو ليك علشان ترقص في الممرات التي لا تودي الي البلاط بالطبع
سلم تسلم رغم علاتك
والبادي اظلم
المشير عمران والقايد وكل الشرفاء
|
Post: #127
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 00:58 AM
Parent: #98
اولا ثقتى بابناء حلفى ثقة مطلقة لا حدود لها
ما بتنولو من ود القريش
وطلباتكم عشم ابليس فى الجنه
والاختراقات البتتكلم عنها دى الا تخترق ليك قفص طيور يا كوك كوك
|
Post: #126
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 00:53 AM
Parent: #97
هلا هلا بى ابو عاقله ... والله اسم على مسمى
شوف عليك الله ناس قريعتى راحت ديل
الزمن ده يا محمد يا اخوى الناس بقت اكاله ونكارة
بعد الرحل يا محمد كان شفت السلامات والتحيات والمطايبات والاشاده بالانجازات وهسى كل واحد فيهم مسك ليهو طبله وقعد يطبل للتانى
القايد المابعرفو شنو ... المغوار البطير واتقص ...امير حلة الجداده ركت ... الزهور القامت براها ومافى زول شتلها ... جنس كلامات يا محمد يا اخوى .
لكن اصبر لى ان ما كل واحد فيهم قعد فى مواعينو ...
|
Post: #129
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-03-2006, 01:30 AM
Parent: #126
اول حاجه ....... ناس قراحتي راحت .. تنويه
------------------------------
انت ما بتعرفي نظام الكواريك والقافلة تسير
والا اقول ليك خلينا نكورك نحن في المتطرفين ديل
كيكي حسبني معاهم ... نفس العملوه ناس الانتخابات زمان معانا
الزول دا زولنا ... وخلاص ... لا بشاوروك ... اسمك في اللسته
يا كيكي الزماله حاجه ... والتوجه حاجه
وما دايرين .... لا ورود ولا الكلام الممطوط
يا جماعه ما تنسوا موضوع الهوملس
الله يقطع زهور الجهجهت الرئيسة
ديناميتات وقشة كبريته جاهزين يا رندكه
|
Post: #125
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 00:48 AM
Parent: #96
Quote: مرحب بالعزيز مرحب بود البدرى
فارس الحوبة ضى العتمة وكتين السواد يستشرى
دراج العاطله لى ميسها فرتاق ام عجاجا يهرى
قالولو الدواس برصاصو .. قال حرم اتلقاهو بى سدرى |
يا اخوانا بالله احكمو براكم ... بعد الكلام الفوق ده يكون ده الجزا ... لكن الواحد يقول شنو ... بس الحمد لله
| Quote: الشابة زهور الزهور ( يس اللهم صلي على النبي عين الحسود فيها عود) |
يا راجل اخجل قالو ليك رئيسه ما فى زول قاليك ملكة جمال ...يعنى لو داير تدى المفيد اتكلم عن مهاراتها القيادية بدل قاعد تحوط فيها من العين .. ولا رجال الزمن ده بقودوكم بالسماحه؟؟؟؟
برجع واقول ليكم ...
كان دايرين الكلام لى حدو انحن الكلام بنوفى
وكان دايرين الفعايل الشينه انحن الفعل بنكفى
وكان دايرين السلامه من الاذى تعالو اقيفو فى صفى
ويا داب ما الكوع حمى !!!!!!
|
Post: #132
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 02:38 AM
Parent: #125
جاياكم صاده .... بالخبر اليقين
فوق
لغاية ما ارجع
|
Post: #134
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-03-2006, 02:41 AM
Parent: #132
سأذيع عليكم بيانا هاما بعد قليل فترقبوه
احم احم احم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #135
Title: Re: يا بورداب الدوحة معتز القريش متشرد
Author: أبو ساندرا
Date: 08-03-2006, 03:08 AM
Parent: #1
والشارع يضحك:
تيم صحفي سجل زيارات ميدانية للخيران والقهاوي والأركان
ومن طرف الشارع ومن قلبه
كان الرصد
وأول ما لحظه التيم وسمعه الضحكات الصادرة من الشعب
بسبب التعليقات الطرفية والألقاب الجديدة للفرقاء المتصارعين وامراء الحرب
مثل
1- عبد المامور : لقب اطلقه كيكي مناوي على الظلامي المختطف في بيت الشالح
2- الرئيس المحجور صحيآ : وصف أجاده ودرملية القائد الميداني على الرئيس المعزول ضحية
وحانتابع رصد اللذاذات
|
Post: #136
Title: Re: يا بورداب الدوحة معتز القريش متشرد
Author: معتز القريش
Date: 08-03-2006, 03:46 AM
Parent: #135
بيان رقم (4) من معتز القريش عضو مجلس قيادة اللجنة (المحتجز في شقة الشالح ود الأمير)
|
Post: #137
Title: Re: يا بورداب الدوحة معتز القريش متشرد
Author: معتز القريش
Date: 08-03-2006, 03:48 AM
Parent: #136
بيان رقم (4) من معتز القريش عضو مجلس قيادة اللجنة
انه في يوم الأربعاء الموافق 02/08/2006 الساعة الثامنة مساء تلقيت اتصالا هاتفيا من المنشق ومدعى الديمقراطية ود الأمير يطلب مني الحضور فورا إلى شقته مدعيا أنه قد حصل لي على شقة في الكامب الذي يسكنه فيه المشتبه به الضلالي الشيطان الأكبر أبو وشين (ود الأمير) وبالرغم من أنني أعلم مغارزه السابقة واللاحقة إلا أنني ونظرا لحاجتي الماسة للشقة والى طول فترة تشردي وهيامي على وجهي فقد جمعت أوراقي وأغلقت مكتبي وركبت سيارتي واتجهت إلى الشقة المشؤومة وعند وصولي إلى هناك ودخولي إلي الشقة قدم لي المذكور كوبا من العصير وكان طعمه غريبا ونظرا لحسي الفني المرهف وحاستي الإستخباراتية القوية أدركت أن في الموضوع شيئا مريبا ـ ونظرا لحاجتي فقد شربت ما سماه المشتبه به عصيرا خوفا من زعله وطيار الشقة وبعدها قدم لي شاندويتش لم أذق مثله من قبل وأيضا كان طعمه غريبا .
وبدأ المذكور في الحديث معي عن أمور الرحلة وحلة الجداد المحروقة وحلة ود رملية التي مازالت مفقودة وعن ال 119 ريال ونص (فرق قيمة لحمة الشية) التي نصبت علي اللجنة فيها .
وبدأ يشتم في الريس راندوك وسرقتها لحلة ود رمليه تحت مقاعد الكيا السوداء الفان وباقي عضام اللحمة وما تبقى من سلطة الأسود والبهارات والفرشات وقال أنه سمع أنه وبعد يومين فقط من الرحلة قامت الرئيسة بطبخ حلة شوربة عضام ودعي إليها أبو ساندرا (رشوة عشان اسكت) وثلاثة من أصحاب زوجها المغوار (حسب تعبيره) ود البدري وقال لي بالحرف الواحد (هي راندوك بتاعتكم دي لو فيها خير كان راجلها انشق منها يعني انت بتعرفها أكتر منو؟) وشتم ود رمليه وأخرج لي صور له (بصراحة ما كنت متوقها) وأفاض في شتم المريض عقليا (ضحية) وتحدث عن خطابه الدرابي البشيري في مواجهة المرأة وحكى عن تخلفه عقليا وهترشاته المستمرة التي تسببت في عزل الحزب نسائيا وجندريا وصار يتحدث ما يقارب الساعة عن إنجازات حزبه ويشكر ويمدح الرئيسة (النكرة حتى الآن) المرشحة من قبلهم (زهور) وعن جمالها ورقتها ونشاطها الحزبي وقدرتها على التنظيم وإعجاب ود البدري بها إلى درجة أنه جلى الريس (حرمه) وانضم إليها بل وأصبح الناطق الرسمي باسمها .
وقد كان يتلقى الضلالي ود الأمير اتصالات هاتفية مشبوهة بين الحين والآخر من المنشق الكبير (كي كي) وتبين لي أن الموضوع عبارة عن مغرز ومحاولة يائسة لاستمالتي وشق صف حزب الجمال والترفيه حزب الريس (راندوك) وليس هناك شقة ولا يحزنون ، كان موقفي صلبا وثابتا على المبدأ (لو مشونا على النار غير راندوك ما بنختار) .
عندها بدأ يساومني على غرفة مريحة في شقته مجهزة بستلايت واستيريو وسرير مع مرتبة فاخرة مع الطعام والشراب المجاني ورحلات ترفيهية أسبوعيا وخدمة توصيل للمكاتب مقابل انشقاقي عن الريس (راندوك) والطعن فيها ولكن هيهات هيهات المبدأ ثابت والجعلي كلمة واحدة (لو مشونا على النار غير راندوك ما بنختار)
هنا خرج ود الأمير عن هدوئه المصطنع وانقلبت عيونه كالشرار وزأر وزمجر ونبح كالكلب السعران وقال لي انتو عالم ما بتجو إلا بالجزمة يا جزمة يا مرؤوس الجزمة ويا شلة الجزم يا حزب (باتا وكاريتي) وبدأ استعمال العنف فقد قام المشتبه به بإغلاق باب الشقة بالمفتاح ووضع المفتاح في راس المكيف (طبعا أنا قصير وما بحصلو) وقام تقييدي على الكرسي وقال لي (شوف كيف يكون الانتقام للمناضل (كي كي) الذي أوقعتم به أنت وريسك (راندوك) في شرك المخابرات الخاصة بكم وسجلتم مكالمته الهاتفية البريئة معكم ونشرها عبر رسائل الجوال .
وبدأ اللطم والشتم وصنوف أخرى من التعذيب لا أستطيع ذكرها خوفا على القوارير وأصحاب القلوب الرحيمة والحس المرهف (والله التقول مجزرة قانا) . وظللت على هذا الحال وأنا استنجد بكل الشرفاء من أبناء بورد الدوحة وطلبت إبلاغ مجلس الأمن ومنظمات حقوق الإنسان عن طريق أخونا أحمد في ألمانيا .
عند الساعة الثامنة والنصف من صباح هذا اليوم تمكنت والحمد لله وبمساعدة فرقة خاصة (كوماندوز) أرسلها الريس (راندوك) أطال الله في عمرها من فك القيود وفتح الباب .
وأخيرا جاء الفرج ونفدت بجلدي وفر المدعو ود الأمير على ظهر سيارته الفور وييل البي أم دبليو وأتيت إلى مكتبي وشي يلعن قفاي وقمت بتسطير هذا البيان .
عليه فإنني أحمل المدعو ود الأمير والمنشق كي كي كامل المسؤولية عما جري وما قد يجري لي . وأطلب من الريس الشرعي راندوك تصعيد المسألة إلى أعلى المستويات القانونية والحقوقية والإنسانية وأخذ حقي وان دعى الأمر إلى مقاضاة هؤلاء الشارونيين الإرهابيين مصاصي الدماء وخبراء اللطيش والكفيت والربيط .
أيها البورداب الشرفاء إن موضوع إسكان معتز القريش وتشره الذي مازال في انتظار الحل المناسب والذي ستقوم به الريس (راندوك) أطال الله في عمرها قد خرج عن السيطرة وتطور إلى أمور لم تكن في الحسبان ولكن نحمد الله فقد بينت هذه المحنة معادن الناس وكشفت زيف المرجفين والإرهابيين ومدعي الحرية والديمقراطية الزي ديمقراطية أمريكا (بدر وكي كي وحزبهما) .
أيها البورداب الأذكياء لقد تبين لكم بما لا يدع مجالا للشك أن هذه العصابة لا تصلح أبدا لقيادة مسيرتكم الثرة وبوردكم العامر .
لقد انشق هؤلاء الحوش على أنفسهم عدة مرات وشتموا بعضهم وعزلوا رئيسهم المريض عقليا وفاقد الذاكرة عدو المرأة والإنسانية وراعي التخلف والرجعية والداعي إلى الهيمنة الذكورية المدعو (ضحية) .
عليه وبناءا على ما سبق وحفاظا على الوحدة الوطنية وبعيدا عن المزايدات السياسية فإننا نقول لكم وبالصوت العالي (لو مشونا على النار غير راندوك ما بنختار)
هذا وما خفي كان أعظم وإنا لله وإنا إليه راجعون .
والله أكبر والعزة للبورداب الأحرار وتسقط تسقط حكومة فضيحة (شقة قيت)
الظلامي الفنان ـ معتز القريش
|
Post: #139
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-03-2006, 04:50 AM
Parent: #137
طلعت تفتيحه يا ود القريش
بآءت كل المحاولات المستميته من جانب الاشد ظلامية ....
خدعوك وجرحو سمعتك يا معتز
لا لا تساوم
لا لا تصالح
حتي لو طلع امل دنقل من قبرو
حتي ولو غرفه فايف استار
طبعا هو ح يدخل من باب الحاجه البتخليك ترجف وفي اللحظه دي اتذكر مسجد ساره والشويطين الملحلح
وخليني من شقة قيت الما بتلقي ليك بيت
المواقف واضحه ... والتكتلات العاجباهم دي بنقتل حيلا
لغم السماعه يا رندكه .... وعمران هاهاهاهاهاهاهاهاهاهاهاهها ... كمان بقيت تخرف
ومالو ... شد الأزر والوقوف بجانب التي تعبت كثيرا عشان نتلم
ناس بقت تهضم سريع ... وترفس جميل الزول بين يوم وليله
معتز ... اعمل حسابك .. في النهايه ح تاكل نيم ... ما تعجبك النوافير وال دي اس ال
ود رمليه ... اقيف بعيد وجر الشخيت
كي كي ... رشوتك للبورداب فعل خسيس
عمران ... الكلام ده ما من صالحك
جرة الرجلين ... نص الليل ... تقوية مواقف واسترداد حق (حق) حقنا برانا والما عاجبو الحيطه في ....
نحن معكم حتي الرمق الاخير
|
Post: #140
Title: Re: يا بورداب الدوحة معتز القريش متشرد
Author: معتز القريش
Date: 08-03-2006, 05:02 AM
Parent: #139
| Quote: معتز ... اعمل حسابك .. في النهايه ح تاكل نيم ... ما تعجبك النوافير وال دي اس ال |
نحن لهم بالمرصاد ولن ينالوا منا الا بقدر ما ينال رأس الإبرة من اليم .
بالروح بالدم نفديك يا راندوك .
أبوعاقلة معانا وما همانا
الى الأمام يا ريس وانحنا معاك ولا نقول لك كما قالت بنو اسرائيل لموسى (اذهب أنت وربك فقاتلا انا هاهنا قاعدون ولكننا نقول لك اذهبي انت وربك فقاتلا وانا معكما مقاتلون)
والله انا قوم نحب الموت كما يحبون هم الحياة ولو صعدوا الى السماء لصعدنا لهم أو لأمطرهم الله علينا .
بعد الذي جري نقول لهذه الشرزمة ـ لا تفاوض ولا تراجع ولا عودة اما النصر واما الشهادة .
الله أكبر والعزة لحزب الجمال بقيادة الملهمة راندوك العظيمة.
|
Post: #141
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 05:56 AM
Parent: #140
بعد ان قمنا بعملية رصد ميدانى تمكنا من التحقق وادراك الحقيقه ... الحقيقه الظاهرة زى عين الشمس وما بتقدرو تحجبوها من الغلابا
قف فحزب راندوك كهندسة الفجاءة من صراع الذات فى الفوضى وبعثرة الحواس
وحزب راندوك للشرفاء مشاعا كما الخبز المساكن والقصاص
وحزب الشرفاء حين ترمز فى ساعة الافصاح جاء بيانه فى القول خاص
للعلم ... هذا الحزب خاص (نص معدل)
خاص بالشرفاء الاحرار الثوار ولا مكان للعملاء والمنشقين بيننا
نتيجة الكشف الميدانى :
حباب بركات حباب الزين وال للعشره ما نساى
وودرملية يا سيد الكمان والناى
ومعتز القريش يوم الصدام بلقاك دوام تالاى
ومعاويه ود الطيب ال للخصوم قلاى
ونانا الصامده فى وش الخصوم بى حداى
وماهيتاب الما بكوسا ام وجيها زى القمر ضواى
ود البوب فارس الحوبه سيد الرايه سيد الراى
وود ابوعاقله يا ضى الصباح الجاى
ومعتصم وقتين يكز فى خصمو يجك فد جكه يقول يا هوى اخير منفاى
وصلاح عبد الله ما بكوسوك فى حر الضحا القلاى
وصديق الكريم فى بيتو يكرم حتى الجاهل التاتاى
وابو بكر البيركز فى صفوف اعداهو مو جراى
وخليل الوقتين سالتو.. معاهم؟ قال لى ابد حاشاى
ونادوس السديد فى رايو يسندك كان مشيت ليهو ويدرج حتى الشافع القراى
وبفرد ليك يا ابنوسه اشرعتى وكان طشيت شواطئك دى بتكون مرساى
والبقية تاتى .....
بجيكم صاده ...
|
Post: #142
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-03-2006, 06:13 AM
Parent: #140
الكلام ده بضيعك يا معتز
عندك غرفتين ... مضمونات ... اقصد فرصتين مضمونات
ضحيه وبدر ... لا ثالث لهما الا ابليس
استعذ وارجع لرشدك ...
حصل سمعت باليونيسيف ماره في البلد دي
eat your fire
اذا لم تعتذر للجماعه ديل ... وخليك مستقل
انزل تحت عندي سر
----------------------------
مديري قال لي بفنشك لو ما قلت الكلام ده
رجعت لمنطق الحاجات وقلت مافي داعي انزل بوست تاني كبوست الهوملس
|
Post: #143
Title: Re: يا بورداب الدوحة معتز القريش متشرد
Author: بدر الدين الأمير
Date: 08-03-2006, 06:53 AM
Parent: #142
الى جاهير شعبنا اللاكم أو الملكوم لايهم
هاتفنى المستشار القانونى المنشق الاممى السيد / عبدالرحمن لعنات
وطلبنى فى اجتماع عاجل وسرى من اجل حل تنظيمه والتوحد معنا
ونحن نرحب بالسيد لعنات المنشق الاممى وهو يعلم تماما أن مصير خميسه اليوم
فى يدينا ( ده على حسب التفاصيل الخاصة فى مكالمة لعنات معى)
ذبدة كلام : نحن نحذر جواسيس الطرف الآخر عدم التدخل فى تفاصيل خميسنا وخميس السيد/ لعنات
|
Post: #144
Title: Re: يا بورداب الدوحة معتز القريش متشرد
Author: بدر الدين الأمير
Date: 08-03-2006, 07:11 AM
Parent: #143
هاتفتنى مدام رندا حاتم الموظفة الكبيرة بشركة قطر للبترول
طلبت اجتماع عاجل معها قبل اجتماعنا مع السيد/ لعنان وذلك
من اجل حل تنظيمها والانضمام لتجمع بدر كيكى
ذبدة كلام : عمران ماتخاف وضعك وباقة زهورك فى الحفظ والصون
|
Post: #145
Title: Re: يا بورداب الدوحة معتز القريش متشرد
Author: Randa Hatim
Date: 08-03-2006, 07:19 AM
Parent: #144
اسمه يا هذا بركات
وانت الهاتفتنى ما انا الهاتفتك ... فى محاوله منك لتغيير المواقف ولكن ... هيهات
وماعندى ليك غير الكلام التحت ده
ود الامير المافى ليهو امان ولا فى ضل ضحاهو تقيل
يغدرك بى سهام مكرو ويقتلك ما بعرفو ليكا كتيل
عديمه الرحمه من قلبو يسمم حتى موية النيل
كلامو سراب وكلو كضب يجيد الصفقه والتطبيل
يلم انصارو بى فارغ الكلام الفيهو بيوصف لى عيون الريل
نصير قضايا المرأة قال.. هسى المرأة صبحت عندو طرف كحيل
انحن فرسان ام عجاجا يهرى ما بتلقانا الا على ضهور الخيل
اكان قربت من مرمانا حقو توصى انو يكترو الترتيل
تجيك راجماتنا نازله مطر زى احجار جماعة الفيل
ايها الشرفاء ...
وبقية النخبه الرائعه تاتى ... والله ما اعددكم بالاسماء اكان ادى كل زول فيكم حقو
جايياكم صاده بى اسماء باقى العقد الفريد ...
وود الامير .... الجاياك ............................ما تختاك!!!!
|
Post: #146
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-03-2006, 07:35 AM
Parent: #145
شغل علي مويه بيضا يا رندكه
تعجبي ........
كلامك نضيف .......
وبيني وبينك تستاهلي المنصب...
رايك شنو نستورد بمبان ... للزول الجبان ... العامل فيها فنان ... المحشور بين الكيمان
انا جريت ليه شخيت زمااااااااان
|
Post: #147
Title: Re: يا بورداب الدوحة معتز القريش متشرد
Author: بدر الدين الأمير
Date: 08-03-2006, 07:37 AM
Parent: #145
السيدة رندوك صحى مرمى الله مابترفع 000000
للعلم مكالمتك الهاتفية مع المهندس الاستاذ/ عبدالكريم الامين احمد زميلك فى العمل
كنت قد استمعت لها لايف وطلبك منه الانشقاق والانضمام لركب الظلام التفاصيل فى الحلقة
القادمة 0
ذبدة كلام : لو عدتم عدنا 000000000000
|
Post: #148
Title: Re: يا بورداب الدوحة معتز القريش متشرد
Author: معاوية الطيب
Date: 08-03-2006, 07:44 AM
Parent: #1
بيان هام بعد قليل فية مفاجاة المفاجاءات من
المشير عمران فترقبوة ،،،،
|
Post: #149
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-03-2006, 12:52 PM
Parent: #148
بيان...هام
تقييم الوضع الراهن....
ايمانا منا بدور الشعب في معركتنا الضروس مع قوة (الرندوك) والمرجف (ضحية)
كان لابد من تقييم الوضع السياسي والوضع علي جبهات القتال...وتحليل الموقف داخليا وخارجيا...
حتي نملك الجمهور الحقائق...ونستعرض الاتي...
بحكم التحركات الجادة والمدروسة من القائد والمحنك (ود الامير) استطعنا من احداث
استقطاب وشرخ كبير بجبهة رندوك التي اصبحت تمد الايادي من اجل السلام...ولكن نوكد انه ليس هناك سلام مع هذه الحكومة البوليسية ..
1-معتز قريش كان هو هدفنا الاول في جلسة المفاوضات..(التي جاء اليها بكرعينه)..فقد تالق (البدر).وغنمنا
منه معلومات قيمة ..مستندات مالية تخص تلك الرحلة بجانب شريط مسجل للقائد(كيكي)
2_ابوعاقلة سحب تصريحاته وعاد الينا صاغرا مذلولا
3- ابوساندرا …صرح بانه لن يتلاعب في يوم خميسه..وناشد بالعمل المشترك
4-عمران يتعرض الان لضغوطات (ما انزل الله بها من سلطان) لاصدار بيان اعتذار..الا اننا نحي صموده
واكيد مهما كان فاننا متاكدين بانه لن يصيح ويجقلب مثل جقلبة (عبد المامور)..التي ملاءت ليلة امس حتي المنابر المجاورة…
5_ يعقوبان(معاوية الطيب)..اصبح هو البوق الوحيد..يقف مثل
الهيكل المرتجف بجانب (رندوك) التي نتوقع استقالتها في اي لحظة…
6_ اما الضحية فقد اصبح خارج الحلبة وتعري كانه مر به مس من (خالد كودي) فاصبح لابودي لابجيب
قطع موية ونور وفقد مكونات وجوده داخل المعركة..لياتي هذا تاكيدا لاسباب انفصالنا وحسنا السياسي العالي…(لقد عرفنا تماما ومنذ زمن بعيد ان خالد كودي قد مر بهناك)…
والان نحب ان نوكد بكل ثقة وقوة ان الاتية اسماءهم اتوا جميعا..الان الي مقرنا السري (بفريق ابن عمران)
لاداء فروض الطاعة والولاء وقدموا خدماتهم المجانية لخدمة فصيلنا…الصعب
1- ابوساندر
2_ ودرملية
3_معتز قريش..(مرة اخري)…الدقيق ذاهب الي الطاحونة…
مرحب بهم جنودا…اكرر جنودا في فصيلنا…وسوف يتم النظر في امر ترقيتهم كل حسب ولائه..
اما ودرملية فسوف يظل _(جنديا)..فقط بامر من السلطات العليا لفصيلنا…
|
Post: #150
Title: Re: يا بورداب الدوحة معتز القريش متشرد
Author: معتز القريش
Date: 08-03-2006, 01:16 PM
Parent: #149
جاءنا النبأ العاجل التالي
ان السيد / عمران بدري قد اختفى منذ ساعات الصباح الباكر ولا يعرف مكانه حتى الآن وجواله مغلق وتقول بعض المصادر الموثوقة أن المذكور قد اختطف من قبل جماعة ود الأمير وكي كي الارهابية وهو محتجز في مكان سري بسبب تراجعه عن موقفه السابق والمناوئ للريس راندوك كما علم من مصادر أخرى رفضت ذكر اسمها أن كل البيانات التي كتبت باسم المذكور كانت تحت الضغط والارهاب وقد انتزعت منه بعض الإعترافات بقوة السلاح .
للذين يحبون التأكد يرجى الاتصال على هاتف المذكور وستجدونه مغلغا .
أسرة السيد / عمران بدري في أشد القلق على والدهم المختطف لذلك فاننا نرجو من الجميع المساعدة في العثور عليه ‘ حيث انه يعول ثلاثة أطفال وهم في أمس الحاجة له .
|
Post: #151
Title: Re: يا بورداب الدوحة معتز القريش متشرد
Author: بدر الدين الأمير
Date: 08-03-2006, 06:10 PM
Parent: #150
شكرا ودر رملية
شكرا ابو ساندرا
شكرا معتز القريش
ذبدة كلام : صيد الكمرة لدى كيكى وله حرية النشر
|
Post: #152
Title: Re: يا بورداب الدوحة معتز القريش متشرد
Author: ودرملية
Date: 08-03-2006, 06:37 PM
Parent: #151
ياريس هوي ودالامير جايينا
ترك البوار عاجباهو خدرت روابينا
خليه كيكي للوحدة وللفتن يمسك عرابينا
امانة مادقست يالفارقتا براح بوادينا
|
Post: #153
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-03-2006, 06:56 PM
Parent: #152
ود رملية سلام الدنيا اخر ليل
املي يمينك وكلامك خلو عديل
ودالامير محال غيرنا يمشي ليهو فصيل
انت الراسك تخن ويبدو عاوز لهو غسيل
|
Post: #154
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-03-2006, 07:03 PM
Parent: #153
رنودك حليلة اختفت من الاسفير..
ود قريش مسكين الله يديهو سرير
البدر لو ختانا يبفي ديمة عوير
رندوك حليلة من نصرنا الصار شهير.
|
Post: #155
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 01:55 AM
Parent: #154
رندوك
تعلمى من مصير ضحية
وانكسار ودرملية
وبكاء كبير الظلامية
وانحناء لعنات فاقد البوصلة والهوية
وتعالى لصف العدالة الامنية اقصد السوية
اعلان وظيفة : نعلن نحن الطرف الآخر عن حوجتنا لشخص كارب يحل محل كيكى وذلك
ان السيد كيكى سوف يبلغ سن المعاش خلال الايام القادمة يرجى ارسال
السيرة الذاتية مشفوعة بعدد المؤامرات التى قمت بنفيذها والحقائق
الساهمت فى ان تظل مخفية والانشقاقات الحولت تنظيمك لاكثر من شظية
|
Post: #156
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 02:40 AM
Parent: #155
اعلان..هام
انسلاخ....وانشقاق تاني...وعودة كيكي الي حظيرة (رندوك)..
رندوك حبابك حبابك يازينة
رجع عقلنا وللعفو ادينا
.......
استشراقا من للمستقبل.. وبقراية واعية لسياسات ود الامير...وخوفا منا علي عدم البقاء
وحيدين في السهلة...وفهما للاشياء وهي طايرة...من خطاب بدر الدين التامري..
وتلميحات ودرملية بالسجع....اعلن الاتي طوعا وبكامل ارادتي الاسفيرية....
انني متلحق الان جنديا في الصفوف الاولي لصالح الرئيسة القائدة الملهمة رندوق
بدون شروط مسبقة....وسوف اكون مقاتلا شرشا مدافعا في خندق واحد مع الزميلة الرئيسة رندوك
صاحبة اجمل رحلة شهدها البورداب في جميع انواع العالم...تنظيما وبرامجا واكلا.....
قف يارندوك....
انا الان اقف معكم في خندق واحد ضد المرجفيين والاعداء
عاشت رندوك رئيسة لايشق له غبار
عاش ود قريش ...ساكنا..مترفها....امنجيا...كبير
وادعو كل الاخوة المارقيين في الفصائل الضعيفة الاخري...ان يعودوا فورا الي
صوت العقل ولا يفوتوا الالتحاق بركب الحكومة الرندوكية
سمن الكلام.....السياسية مصالح
|
Post: #157
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 02:58 AM
Parent: #156
كما قلنا من قبل انك بلغت سن التقاعد
هناك ملفات خاصة وشخصية نود تسليمها للعاقلة ومتعقلة ومحتملة كيكى الاميرة أميرة
بس حدد ايها المتقاعد لمن تسلم تك الملفات بما تحتويه من نيفين وترحاس وحجات تانية
مانعانى ناهيك عن الزهور والازهار
هل ترغب فى ان نسلمها دايرك لها
أم عن طريق بينو شيه ضحية المريض السودانى
أم الى الولد ودرملية الذى لم تعد ندا له ايها العجوز الهرم
أم لصلاح عبدالله شيال الحال والاحوال
أم الى المرسال الظلامى
ذبدة كلام : كيكى نصيحة المعاش الاختيارى خيرا لك من مستشفى العجزة والمسنين
|
Post: #158
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 03:30 AM
Parent: #157
و الان...سنعود مرة اخي للحن الجميل...لحن الكهل الاربجي..
انت عارف يا كهل...انا كنت عارف انك عاوز تتعشي بي...!!!!..
لكن ياهو قلنا نتغدي لينا غدوة مدنكلة ...بكهل اربجاوي..
ونرجع للحكومة...بعيدا من الموامرات يا زول....(هو انا بتاع موامرات)....
والله انا ذاتي اشتقت لصحبي (معاوية)..(الما يعقوبان)والفنان صاحب الصوت الشجي (ودرملية)..وعماد عبدالله...وابوصلاح حبيبي....وابوساندرا صحبي.....
لكن الان الحق روحك قبل ما نفك فيك صواريخ (كاتوشة)...تجيب خبرك!!!!!!
قف.....
الملفات التي تتحدث عنها...
قوبي قادر علي التعامل معها.... واذا رايت فارا يتحرك داخل شقتك الفارهة تلك
فتاكد انه رسول (قوبي)....
|
Post: #159
Title: Re: يا بورداب الدوحة معتز القريش متشرد
Author: معتصم الطاهر
Date: 08-04-2006, 03:36 AM
Parent: #1
فهمونا شنو التحولات دى
الناس دى ما عندها صبر على رأى
عفيت منك ود رملية
|
Post: #160
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 04:02 AM
Parent: #159
كيكى اتفقنا بس كلم الاميرة اميرة
انو يوم الاحد وانت فى العمل حا يجو ناس الدى اتش ال
لتسليمها رسالة تخصها 0
ذبدة كلام : كيكى ألم تتعلم من مصير ضحايانا
|
Post: #161
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 04:15 AM
Parent: #160
يابدر خلاص وقع الانقسام..
انا وناس رندوك الحين اخر انسجام
خليك براك يازول كده يبقي تمام
اركز بس وارجاء منا اصعب سهام..
الريس معتصم...
Quote: فهمونا شنو التحولات دى
الناس دى ما عندها صبر على رأى
عفيت منك ود رملية |
الزول المتامر بدرالدين ...ده تسربت لي معلومات من مصادر موثوقة انو عاوز يتعشي
بي...ويخليني في السهلة.وامس كان متفق مع ودرملية وقريش وابوساندرا...ووقع بالاحرف
الاولي علي اتفاق( من اجل كيكي في السهلة)...
والان انا رجعت لقواعدي الاصلية ..(ابوساندرا مش سماني (اركو مناي)...يا هو انا اركو مناي)
ووقعت مع ناس رندوك...
|
Post: #162
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 04:35 AM
Parent: #161
ياكيكى يجب ان تعلم
ان الظرف الاول الذى سوف يتم تسليمة لمدام أميرة يحتوى على الاتى
عن تفاصيل كضباتك فى الاجازة وعودتك لحنين الكنابى ومناظر حميمة لك
مع الاجيال الجديد فى كنبو الرى0 ناهيك عن ذكريات سنار وسنجة ومدنى
ياكيكى نحن اولاد السى آي ايه جندنا حتى فكى قوبى0
ذبدة كلام : عليك الانبراش او ملفات الدوحة سوف تكون بطرف الاميرة قبل عودتك
صلاة الجمعة 0 وبعدها شوف مكان تتغدى فيه انت وود خالتك تمساح وضيوفكم
|
Post: #163
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 05:22 AM
Parent: #162
والله يا بدرالدين..
الكويسة انو حق دي تنظيم ديمقراطي..لكن لو لحقوا وسلفوك لناس البشير ديل..
صلاح غوش الا يشوف ليهو موية يبيعها في السوق العربي....
وبعدين
انت كنت مشغول من كثرة المكالمات والرسايل للتاييد علي هذا الموقف الشجاع..
..وانا الان في انتظار الاجتماع مع قيادة السلطة الذهبية برئاسة الصاروخ
رندوك...
|
Post: #164
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 05:36 AM
Parent: #163
رندوك حبابك..حباب العزة والقوة..
جايك عديل...وملان صدق وقوة
الكهل مسكين ما مامون ولاعندو حبة خوة..
اقبلوا الجاي..ليكم وجروا معاكم جوه.
|
Post: #165
Title: Re: يا بورداب الدوحة معتز القريش متشرد
Author: معتصم الطاهر
Date: 08-04-2006, 09:27 AM
Parent: #1
على من/ماذا تبكى/تتباكى (الريس)
حتى أن العازف وقف محتارا
وأى مقطوعة يعزف
|
Post: #166
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 09:48 AM
Parent: #165
انا..لو كنت العازف...
لعزفت لحن هزيمة(الكهل الاربجي)...
لحن النصر...انها دموع الفرح بالانتصار..وعودة الطيور الكانت (فاره)
|
Post: #168
Title: Re: يا بورداب الدوحة معتز القريش متشرد
Author: عمران بابكر بدري
Date: 08-04-2006, 10:13 AM
Parent: #166
ايها المارق المتخازل
انت مثلك ايها الكخ كخ.... كفنان البالية يتمايل لكل نغم..
ولكن سوف ننتظر حديث المساء
وربما كان يجب ان تنشرخ من زمان حتي تتفتح شهيتنا.. مستر لورنس العرب..
ونحن اهل الشعر والفن والادب سوف نحاول ان نجد لك دورا تتمايل فية اخر المساء
لاننا معنين بكل قطاعات الشعب الفالح والطالح
قول لينا تمنك كم
يا كيكي او كوكو
اوليس هذا ما اطلقوه عليك .. ام انها كانت قرارت خاطئة
بس ما تكون فاكر انك فرصة بالنسبة لنا ضائعة...
من لا يملك عصيره لا يملك قراره
شكرا معاوية على العصير منتهي الصلاحية
الم اقل لكم ان اسمة مثل مزعة البان بالسودان
قال كيكي قال
مشير عمران والقايد والجدعان واخوات مهيرة والفارسه نانا
|
Post: #169
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 11:17 AM
Parent: #168
بيان هام....
سري للغاية.......
اثناء حربنا الضروس وفي فترة جاهليتي الاولي وممارسة شقي للصف الوطني
في معية ( الكهل الاربجي)...قد اطلقت عبر الاسفير شخصية وهمية ..استطعنا بها
اصطياد الكثير من الاعضاء بما وصفناه من جمال وحنكة ثقافية
للبوردابية الاكذوبة الكبيرة زهور....التي شغلت الناس وتضاربت الاقوال عنها ووصل صيتها كل ارجا ء المدينة....وقيل ان بعضهم قد
كتب فيها شعرا..ونثرا,,(حتي قبل ان يروها)....واتصل بي بعض الاخوة العذابة من البورداب طالبيين القربوالمعلومات.....
ونحن ان نعلن عن وهميية (زهور) نكون قد جردناالمنشق الانفصالي (بدر الدين) من اكبر اسلحته واخطرها...الا وهو سلاح زهورالتي صارت الان (شمار في مرقة).....وحليلك يا عمران يا الضابط ابو (دبورة واحدة)
والحق روحك..(لانو نو مور فلورس تاني)
|
Post: #170
Title: Re: يا بورداب الدوحة معتز القريش متشرد
Author: Randa Hatim
Date: 08-04-2006, 12:22 PM
Parent: #169
هلا وغلا بالبوردابى الماهين ... لقد اقمنا احتفالا بعودتك الينا والتى اعز الله بها حلفنا ... حلف ود الامير موش خسران وبس ده حلف ما عندو اى وزن سياسى ... وكمان شوف الاكذوبات قال ودرملية وابوساندرا وقريش طيب ياخى ظبط كذبتك كويس بعدين قولها ... القلت اساميهم ديل انحن بنسلمهم رقابنا وننوم قفا تقول لى انشقو .. ويا معتصم الطاهر شنو يا فارسنا ويا حارسنا ... ما تحدد ملامحك ... ولو انى واثقه انك كلك نظر ومستحيل تتلم على بدر الدين
والان اليكم بعض الاعضاء الذين نثق فى حسن تقييمهم وبعد نظرهم وهم والله اهل لكل ثقة:
ود العباسيه يا بحر الدميرة الهاج وما بتقاس
وعماد عبد الله يا الطبعك اصيل دهب السبايك الصافى خالى نحاس
وكمان ابو شيبه السيفو بيطول اعداهو من الدوحه لى مدراس
ومحمد عبد الرحمن التحت قدمو رقاب اعداهو يوت تنداس
والبقية تاتى
وسنفرد مساحه للاخ الزميل كيكي لنرحب به بين اهله واخوانه حيث مكانه الطبيعى والذى منه سيبدا مشوار عطاء لا نهاية له
اننا ومن هذا المنبر نعلن تماسك صفنا ووحدة كلمتنا واننا حزب لا رئيس له فكلنا رئيس وكلنا مرؤوس ولن نقول للمعية جنودا فنحن والله جنودكم وحيثما تكون رؤيتكم قولو لنا سيروا وسنسير.
قف.. ليبقى حزبنا صامدا وقويا امام الطغاة والادعياء
قف .. حزب واحد ... شعب واحد
يا بدر الدين دور عربيتك... جنود الحزب كشفوها قضيتك
قال اجتماعنا فى اكسونت ... اتارى مخططو عنكبوت نت
لا اثيوبى ولا لبنانى .. انحن حزبنا حزب سودانى
|
Post: #171
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 02:21 PM
Parent: #170
عاجل وهام
لقد منى الله عليه بالشفاء
وسوف يعود للقيادة ونعدكم بان تكون كلماته فى الفترة القادمة خالية من اى دراب
وعود حميدا ياحارسنا وفارسنا وضحيتنا
وللحديث احداث اخرى ترقبوها
|
Post: #172
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-04-2006, 02:36 PM
Parent: #171
Quote: وعود حميدا ياحارسنا وفارسنا وضحيتنا
|
قرقر...قرقر...قرقر...
والله انتو يوم تكتلوا ليكم زول بالضحك...
|
Post: #173
Title: Re: يا بورداب الدوحة معتز القريش متشرد
Author: ودرملية
Date: 08-04-2006, 02:43 PM
Parent: #170
حباب قاصي الغنم الرجعة لي مرحاتن
حباب العرجة تقدل مع خياتا في بلداتن
حباب كيكي خي الفوارس ساند الضعيفة في غاراتن
شن قلتلك يازول مامصير السيوف النومة في غمداتن
نرحب بالعضو كيكي مناوي عضوا اصيلا في تنظيم الجمال والحب الديمقراطي والذي اعتلي القمة بفضل جهود الريس راندوك واجتهاده السياسي في استقطاب كافة الاجنحة المنشقة وبث الوعي التفاكري والتناقشي في الخلايا العسكرية لهذه الاجنحة ..
وهذا هو ديدن القائد الجسور رندوك الذي فتح باب الشوري وابداء الراي لكل مستشاريه ..ونشكر ايضا السيد معاوية الطيب المستشار الشخصي للرئيس رندوك كونه يعمل خلف الكواليس ويبذل الغالي والنفيس في سبيل انزال البرنامج السياسي لتنظيم الجمال والحب وجعل بنوده امر واقع ..
نحيي ايضا الباشمهندس معتصم الطاهر وزير الثقافة والاعلام بالتنظيم علي ولاءه السياسي للتنظيم وكده واجتهاده في فضح الالة الاعلامية للتيار المناهض لتنظيم الجمال والحب .. وهو رجل له خبرة واسعة ويكفيه فخرا انه قد رمي حجر الاساس لدستور التنظيم وفعًل الكثير من نقاطه من خلال برنامج اعلامي واضح التوجه مثمر الفكرة ..
ولنعلم جميعا هشاشة التنظيمات المعاكسة لتيارنا والذي يتجلي واضحا في ضعف الخطاب الاعلامي السمج والممل والذي يبتعد عن الواقع الساسي لجماهيرنا الاسفيرية بملايين السنين الضوئية وهذا يقودنا مباشرة لاستنتاج العقلية المهترئة التي تدير وتدبر هذا البرنامج البايخ لصرف انظار الاسافير عن واقعها المرير وكيفية التصدي للمشاكل المفصلية التي ترهق كاهله وبالتالي يصبح حاله كحال الزميل معتز قريش (في السهلة) ...
نكرر شكرنا لكافة جماهير شعبنا الابية ونؤكد لها اننا لن نترك طريق النضال وسنعمل حتي يجد كل فرد من افراد مجتمعنا كامل حاجاته واحتياجاته بين يديه بكل كرامة ونبل وانسانية...
ولعلنا الان قاب قوسين او ادني من الاحتفال الشهري لتنظيم الجمال والحب وهذا الاحتفال سكون انيقا بعودة الزميل كيكي الي وكره الاصلي وهو اكثر نضجا وفهما للفكرة والقضية التي من اجلها نشأ حزبنا المجيد ..
وختاما :- كلما اتسعت الرؤية ضاقت العبارة
|
Post: #174
Title: Re: يا بورداب الدوحة معتز القريش متشرد
Author: بدر الدين الأمير
Date: 08-04-2006, 03:13 PM
Parent: #173
كنا نتعشم فى الزميل كيكى بعد نزوله المعاش العمرى
أن يحافظ على اسمه الكبير ومكانته السابقة فى تنفيذ المؤامرات وصناعة الاحداث
اماوانه قد اختار ان يكون ضمن سلة مهملات ودرملية لانقول لكيكى غير فعلا انتهيت نهاية بطل
فى فلم هندى0
ذبدة كلام : التنظيم الذى يفخر ويفاخر بانضمام العجزة والمسنين المنتهية صلاحيتهم
لصفوفه ببقى تنظيم كسيح فكيف يقف فى وجه التنظيم الكاسح
|
Post: #175
Title: Re: يا بورداب الدوحة معتز القريش متشرد
Author: Siddig A. Omer
Date: 08-04-2006, 04:17 PM
Parent: #174
| Quote: بعدين ما تفتكر انه الحركة العملتها أمس دي ح تأثر على موقفي بل زادت قناعتي بطرقكم الملتوية في كسب الناخبين ـ توديني لي غرفتين في بيت بابه واحد لا فيهم مطبخ ولا حمام يا كافي البلا انت قايلني فولوكس واجن |
بدون تعليق........ضحية......الضحية
مش كدهــا يامعتز...مشيناها خطىً......و ضحية الضحية...!!!!
اقيف بعيد و أعمل شخيط.......ياضحيــة!!!!
|
Post: #176
Title: Re: يا بورداب الدوحة معتز القريش متشرد
Author: عمران بابكر بدري
Date: 08-05-2006, 03:11 AM
Parent: #175
انا الواسوق
انا الساسوق
انا الفسحة الوراء معتوق
انا العزازي غب السوق.......... تقولي شنو تقولي منو
انا الحارس علي بنوت فريقو انا الدابي اللنرصد للزول بعيقو
نحن كلنا نجوم ايها الكهل المتخازل كوكو... وتلقانا قدام الصوفوف وقت الحارة
وتفتيش الرجال..
نجمة خير من لا شي... اما طبالك ودر رملية الذي عند ما تراه مريم تحس بالفزع
وتشعر ريم بصداع فقد نصح حاتم بالابتعاد عنه قدر الامكان... لانه شر فتان .. وقال عامل بقول الحان
ام انت ايها الرجل البائس الذي تخافك الاطفال كما تخاف من معلم الحساب في بلادي الحبيب .. عصير معاوية المنتهي الصلاحية دا بيفك بعد شوية وحا ترجع لرشدك ... حدي يبيع صوتو بعصير؟؟؟!!!!
يسقط يسقط كيكي
تسقط رندا تسقط كل المخططات السرية
تخريمة
كيكي موعود بان يكون الرئيس ( انت موعود بشنو يا ترابي والتراب شقيق الرمل)
وجاء الان دور السؤال؟؟؟!!!!
اين نانا واين ماهي تاب
شايف الرئيس والزيول مكوشين علي الشغلانية ونسو معتز القريش الذي تم اسرة من قبل جهات غير معروفةوتقول مجالس الونسة انه جهاز امن سري يقودة كخ كخ وابو عاقلة.. مورط في احداث اخري ترهيب عماد عبدالله ودالعباسية وابو ساندرا
وكتم صوت معتصم الطاهر وترحيلة لبلد اجنبي بعد كشفه لحلة ود رملية بشوارع معيز شمال ( البرتقالي)وتم تحيد نانا بعد تهديدها بسحب اوراقها الثبوتية واتهامها بتغويض النظام....
وادخل معاوية الطيب مستشفي الامراض العقلية بعد اتهامة بالجنون وقد اثرة الجلسات الكهربائية علي مخه وبات يصدر بيانات سميت ( بدقة كربا على وزن دقة كندا) وشرد المشير عمران من بيته بعد ان فرض علية من قبل المحكمة خاصتهم الخلع وطبق علية قانون( الشقة من حق الزوجه)
اين الدمقراطية ؟؟؟؟!!!!
يا ود العباسة جيب الكاميرا .... لتوجيه الانظار لشعر الرئيس لانو في ناس هنا بترقص وشايلين عكاكيز في ناس شايله عيدان بتدي شبال
انا ابوك يا مريم
امانا ياود الامير نحن ما عصارين
يسقط العفن البتلب فوقنا من شرف الفنادق
يسقط يسقط يسقط
كل هذه الفوضى لن تثني عزمنا
مشير عمران والقايد واخوات مهيرة
ولنا عودة
|
Post: #178
Title: Re: يا بورداب الدوحة معتز القريش متشرد
Author: عمران بابكر بدري
Date: 08-05-2006, 03:20 AM
Parent: #176
جانا الان البيان التالي
بعد التحريات واجراء الفحوصات اللازمة اتضح ان الرئيس ضحية
كان يهزاء بكلام فارق وذلك من شدة التعذيب والسجن وجلسان الكهرباء حتي انه منع ممارسة الطبيعةوهذه الظروف جعلت السيد/ الرئيس يقول كلمات لم يدرك معناه من هول الصدمة والعتذيب الذي لحق به.. حيث انه اخرجه ابوعاقلة من بيته حتي يشتري به زمة معتز القريش الواسعة..ورحلة زوجته زبناته الي دوله مجاورة بطائرة الرئاسة وعلى حساب الدوله. في انتهاك واضح لكل المواثيق.
وسوف نعود للحادث بالتفصيل
من بيوت اشباح
وممارسات تخالف كل الاتفاقيات الدولية لحقوق الانسان
مشير عمران والقايد واخوات مهيرة
|
Post: #177
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-05-2006, 03:14 AM
Parent: #175
الى جماهير حلفاءنا الى حلف الجمال
هنالك مفاجأه داويه فى الطريق فترقبوها ......
والامر يتعلق بحلف راندوك والمنشق كيكى وودمليه وزمرته........
الجميل بدر الدين سافيدك لاحقا بكل التطورات
صديق عمر.. شكرا جزيلا ياجميل...................................
|
Post: #179
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 03:35 AM
Parent: #177
عمران..الضابط ابودبورة...ازيك
اسمع..(هاك زهور..دي).
في اغنية لذيذة جدا في السودان اسمها(كجك سحبوا مني!!!!)
وحليلك يا كمندان وحليل زهور...وانا متاكد انك الان خشمك ملح ملح..
اسمع كلام اخوك (كيكي) ده ما يتندم...يازول كب الزوقة من (الجلكين) ده..
وتعال وبوعدك بوزير دولة...(كجك سحبوا مني)...
ضحية..وينك يا بتاع البيانات..(بس انشاء الله تكون بيانات (دايت) يعني خالي دراب).
وللضمان كده كدي نزلوا ..وبعدين نشوف...بس قلل الدراب عليك الله
....
الان..انا ماسك وردية الي ظهور الاخت الريس والفنان رملية ونانا..وبقية العقد الفريد
وكلوا عسل علي لبن...
فتكم بعافية...
|
Post: #180
Title: Re: يا بورداب الدوحة معتز القريش متشرد
Author: معتز القريش
Date: 08-05-2006, 04:04 AM
Parent: #177
بيان هام
بالاشارة الى موضوع البوست (معتز القريش متشرد) وبعد مراجعة جميع المواقف والدراسة المتأنية لك ما ورد من جميع الأعضاء خصوصا الجالسين على مقاعد الرئاسة وأذنابهم ومعاونيهم وبعد التفكير العميق ، وبعد أن اتضح لنا جليا عدم اهتمام الرئيسة المزعومة راندوك بموضع تشردنا واهتمامها فقط بالحروب الضارية مع المعارضة الشرعية واتجاهها الى توليع النيران بالأشعار الحماسية (المديدة حرقتني) من أجل البقاء في كرسي الحكم ـ ونظرا لفساد حكومتها المادي والمعنوي ولهفها لجميع متعلقات الرحلة خصوصا حلة ود رملية المفقودة وباقي عضام اللحمة التي أكلتها شخصيا في بيت الرئيسة ليلا وهى تطفو على حلة الشوربة مع الشطة المابتغباني .الشئ الذي بدا واضحا للجميع الصغير قبل الكبير المريض قبل الصحيح أن الرئيسة يهمها فقط مقعدها الرئاسي الذي استولت عليه بقوة السلاح من المسكين (ضحية)وبالتهديد والارهاب للمسكين (عمران بابكر بدري) دون مراعاة الى مسآسي الشعوب وتشرد المتشردين وعناء المكلومين .
وحيث أنني وبكل صدق وفخر قد رأيت اهتمام الرئيس الشرعي المدعى عليه زورا وبهتانا (ضحية) يقوم بكل ما في وسعه لتوفير سكن بكل الطرق ومحاربته للتشرد رغم درابه الكثير.
كما أن الأمير ود الأمير قد وفر لي سكنا راقيا في شقته العامرة ـ استضافني فيها في عز الحر ونص الليل عندما كانت الرئيسة تغط في سابع نومة .
ثم جاءت الكارثة العظمى ومصيبة المصائب (انضمام العميل المنشق كي كي الى حزبها الكهل)ونظرا للتاريخ الارهابي والظلامي للمدعو كي كي فانني أربأ بنفسي عن المواصلة مع هذا المعتوه في حزب واحد .
عليه فقد قررنا نحن معتز القريش الانفصال والانسلاخ من حزب (راندوك) المسمى زورا وبهاتانا حزب الجمال وانظمامنا بكل قوتنا الى حزب الرواد (بدر الدين وعمران)
والله أكبر والعزة لمناصري المتشردين
ولا نامت أعين الفاسدين
|
Post: #181
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-05-2006, 04:52 AM
Parent: #180
هيييييييييييييييييييييييييييييييييييييييييع عفيت منك يا ود القريش ياها المحريه فيك
لومك بى اسكنك وكمان فايف استار بس صبرك معاى...
راندوك خلى يولى
كيكى ...خلى يولى
ودرمليه خلى يولى
نانا .. خلى يولى
ودالامير هذا نفر واجد زين
عمران بدرى هو مافى سيم سيم ود الامير لكن مافى مشكل بس فى زين..
باقى نفرات كلو خلى يولى....
|
Post: #182
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 05:16 AM
Parent: #181
ضحية..واجد دراب...
عفوا سادتي فيبدو ان لعنة الانشقاقات اصابات حتي الظلاميين...
ود قريش..نحن الان في اجتماع مغلق...ولمن نطلع عندنا كلام..
|
Post: #185
Title: Re: يا بورداب الدوحة معتز القريش متشرد
Author: DEEK_ALJIN
Date: 08-05-2006, 06:22 AM
Parent: #181
ياودالقريش الحكاية شنو؟المرة الجديدة كراعها ماخدرة ولاشنو؟ وبدل تقعد في السهلة وتبقي موضوع ويتكلم فيك البسوا والمابسوا أخير ترجع وتشوف ليك حواشة تتلم فيها0 علي العموم الناس ديل عندهم حق في البسوهوفيك لأنك بتاع مصالح وماعندك ولاْء وفي دقايق غيرت رايك في حزبك وأبيات المدح إتحولت لذم(ماليك أمان يادا الزمان).
غايتو أنا ممكن أقدم ليك خدمة وأمشي ليك روتو بس إنت وريني داير تكنجس منو ود الامير ولا منو (البقدر يوفر ليك سكن )خوفامن تشردك الدائم.
ياحليل أيام زمان زمن كان ليك هيبة لما تتسكع في شوارع الدويم والجكس بالآلاف وعامل فيها يامربع تلاتة مافيك إلا أنا.
|
Post: #183
Title: Re: يا بورداب الدوحة معتز القريش متشرد
Author: Randa Hatim
Date: 08-05-2006, 06:00 AM
Parent: #180
| Quote: عمران بدرى هو مافى سيم سيم ود الامير لكن مافى مشكل بس فى زين.. |
زبدة الكلام انو مافى تميز فى حزبكم ده... المساله مقارنات ... اما احنا فعندنا كل فرد له مزاياه التى لا تتوفر فى سواه ... تفرد عالى القيمه وخانة الفرد حينما تفرغ ... ما بنلاقى البسدها بى هين ... ما من قلة كوادرنا ...لكن بسبب تميز كل كادر ... نقول ليكم يا حزب المنشقين والمنفصلين ... هنيئا لكم بود القريش فانه لعمرى نعم النصير ... وقد كان فى يوم من الايام ذراعنا الايمن ... حافظ الاسرار وخزنة المدخرات ... لقد كنا والله ندخره ليوم لن تسطع فيه شمس ولن ينبلج فيه قمر ... ولكن ما عسانا ان نقول .. ان كان قد اختار حزبكم وقرر الانضمام اليه فدونه وما اختار ولن نقول فيه والله مثل ما قال فينا فانا على يقين انه قد قال ما قال تحت تاثير تنويمكم المغنطيسى وتلكك المواد المسببه للهلوسه التى ينفثها ود الامير من دخان : سيجارته" وكلنا يقين بانه للحق سوف يعود.
اوجه حديثى هذا للاخ الغالى ود القريش ... فى امان الله ... ونتمنى لك حياة سياسيه ذاخرة فى ظل من هم لايفقهون للسياسة شيئا ولكن وجودك معهم جعل امر منافستهم صعبا علينا فانه والله يعز علينا ان نقاتل من انت فيهم ... واعلم اننى تلقيت مكالمه هاتفيه من المدعو ود الامير افاد فيها باستقالتك ولكنى لم اصدق ونصحنى فيها باقالتك قبل ان تتقدم بالاستقاله وذلك حتى اكون فى موقف الاقوى كما فعل هو مع كيكي وضحيه ولكن ابت نفسى ذلك وقلت ان كان ود القريش قد اثر الانسحاب عنا فوالله لنمنحه حق الانسحاب بكل كرامته وكبريائه ما ننقصه فيهما مثقال ذره وليكون القرار له وينسحب منا انسحاب الابطال ... فانك وان تركت حزبنا لا يسعنا الا الاعتراف بقدرك ....
اما امر سكنك فانا والله لن نرفع يدنا عنه ولن نقول لك دونك ومن اخترت واعلم ان اسكانك اصبح قاب قوسين او ادنى ... وسنعتبر امر اسكانك هو رد لدينك القديم وولائك المطلق الذى كنا على يقين بانه لن يتزعزع ولكن ... لا مستحيل تحت الشمس .
ود القريش اسد الخلا الكرار
اب درعا درق والسيفو يوت بتار
نجم السما الضاوى فى ليلنا شفنا منار
كان فى حلفنا يمين الليله ماشى يسار
من كيد ود الامير يحفظك الستار
ما تامنو تب على سرك نلقاهو بكره جهار
تلقاهو فى العربيه ..الجزبرة وصحيفة الدار
دى نصيحتى ليك وحق الخوه .. حق الجار
لكن بعود وبقول .. فكر ده ماهو قرار
ان قلت برجع ليكم بنقول حباب النور يضوى الدار
وان درت تبقى معاهم ما تقيف فى خط النار
ما دايرين سلاحنا يصيبك وما دايرين خبر مو سار
تعلن القياده العليا للجنة الرحله الحداد الجماعى والعام لمدة ثلاثة ايام بلياليها حزنا على انشقاق ود القريش على ان نعاود الكتابه والرد صبيحة يوم الثلاثاء الموافق 8/8/2006
والعزة لحزبنا ولشعبنا الابى...
|
Post: #184
Title: Re: يا بورداب الدوحة معتز القريش متشرد
Author: بدر الدين الأمير
Date: 08-05-2006, 06:17 AM
Parent: #183
الى جماهيرنا السرية والعلنية
باسمكم نعلنها للمتشرد الاممى ودالقريش
أن حزبنا لا يقبل المتردية والنطيحة - عود حيث اتيت ذلك هو مقامك ومكانك
ايها الظلامى الكبير0
ذبدة كلام : ضحية انت صدقت انك الرئيس وله شنو اعمل حسابك ممكن نرجعك المصحة تانى
التوقيع :الناطق الرسمى الجديد ترحاس الاثيوبية
|
Post: #186
Title: Re: يا بورداب الدوحة معتز القريش متشرد
Author: Salah Abdulla
Date: 08-05-2006, 07:12 AM
Parent: #184
قالوا كلام القصير ما بيتسمع ( والغريبة أنا طويل )
ياما حذرتكم من بدرالدين ، فهو داهية وخطير جداً ..
يجلس بهدوء وبراءة الأطفال في عينيه ..
يرسم ويخطط بدهاء غريب ..
بس مشكلتكم ما بتسمعوا الكلام ..
إنتو كنتو قايلين استضافة بدرالدين لمعتز دي (خوة) ؟؟؟ العربي ده (نِجيّض) وبيعرف كيف يلعبها..
فقد استطاع بدرالدين بذكاء يحسد عليه أن يقنع معتز بأن يترك منصبه الدستوري الخطير ، ويقف الى جانب المعسكر الآخر .. وكانت النتيجة هذا التصريح أدناه والصادر من المغرر به معتز :
Quote: عليه فقد قررنا نحن معتز القريش الانفصال والانسلاخ من حزب (راندوك) المسمى زورا وبهاتانا حزب الجمال وانظمامنا بكل قوتنا الى حزب الرواد (بدر الدين وعمران)
|
واستطاع ود الأمير بذلك أن يخلخل النظام الداخلي للتنظيم ويضعفه ويلحق به هزيمة نكراء فأصبح لقمة سائغة لمن أراد . والتنظيم الآن (تقريباً) يلفظ أنفاسة الأخيرة .
وبمجرد أن قضى على معتز ، وضرب المعسكر الآخر في مقتل ، سارع الى الكشف عن ( جزء ) من مخططه الخطير ، وأعلن الآتي :
Quote: باسمكم نعلنها للمتشرد الاممى ودالقريش
أن حزبنا لا يقبل المتردية والنطيحة - عود حيث اتيت ذلك هو مقامك ومكانك
ايها الظلامى الكبير0 |
وتنكر بدرالدين لمعتز ، وطعنه طعنة نجلاء ( جابت خبرو ) واستطاع هذا الداهية أن ( يدمّر ) النائب الأول والذراع الأيمن والرجل القوي في تنظيم راندوك .
وهي ضربة فعلاً قاضية للتنظيم وللنائب .
أما الجزء الخفي من مخططه ، فلا أستطيع الكشف عنه الآن ، وذلك بسبب أنني موّقع علي اتفاقية مع بدرالدين ، يمنعني أحد نصوصها من إفشاء الأسرار الاستراتيجية ..
إقرأوا ما كتبه لضحية ( واللبيب بالاشارة يفهم ).
والله إنتو محظوظين أنو ضلع المثلث الثالث ( فيصل عباس ) ما موجود ، والا كنتو شفتو الماشفتوه قبل كده ..
يا بدر ده شغل ممتع وحلو جداً وضربة معلم بالجد .
والله ذكرتني بأيامنا الخوالي ( بوست الخور ومحسن خالد ) ..
بس الجماعة الظاهر ما استفادوا من الدروس الكانت فيه ( ولُدغوا من الجحر مرة تانية ) ..
سلام
التعديل نجيّض).
|
Post: #187
Title: Re: يا بورداب الدوحة معتز القريش متشرد
Author: معاوية الطيب
Date: 08-05-2006, 07:19 AM
Parent: #1
معتز قريش
اهلا بعودتك ،،،،،،،
ومكانك محفوظ
Quote: من كيد ود الامير يحفظك الستار
ما تامنو تب على سرك نلقاهو بكره جهار
تلقاهو فى العربيه ..الجزبرة وصحيفة الدار |
|
Post: #188
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 08:11 AM
Parent: #187
معتز قريش......
بقت عليك ميتة وخراب ديار...
تشرد سكني ...واسفيري كمان..
عموما لازال باب العودة مفتوح..ومرحب بك الي فصيلك...
ديك الجن..مرحب بيك...
وبالله ممكن نتفاهم معاك في صفقة (روتو دي)...
|
Post: #189
Title: Re: يا بورداب الدوحة معتز القريش متشرد
Author: Salah Abdulla
Date: 08-05-2006, 08:34 AM
Parent: #188
قال بدرالدين :
Quote: ذبدة كلام : ضحية انت صدقت انك الرئيس وله شنو اعمل حسابك ممكن نرجعك المصحة تانى
التوقيع :الناطق الرسمى الجديد ترحاس الاثيوبية |
ركزوا على الكلام الأحمر ده ، وأربطوه مع السيناريو الكامل للقصة ، وح تعرفوا الى ماذا يرمي (العربي الداهية ) !!
وشوفا الكلام الازرق ، شفتوا التخفي ، والاستعانة بقوات خارجية ؟؟ يعني ده ما كلامو كلام ترحاس (قلت ليكم بدر ده خطر) ..
شوفوا كلام راندا هنا ، وهذا دليل دامغ على المؤامرة الكبرى التي حاكها بدرالدين في الخفاء :
| Quote: واعلم اننى تلقيت مكالمه هاتفيه من المدعو ود الامير افاد فيها باستقالتك ولكنى لم اصدق ونصحنى فيها باقالتك قبل ان تتقدم بالاستقاله |
الكلام التحت ده حق راندا وهو موجه لمعتز :
| Quote: وكلنا يقين بانه للحق سوف يعود |
والتحت ده حق معاوية :
Quote: اهلا بعودتك ،،،،،،،
ومكانك محفوظ |
يا معتز دي فرصتك ، راندا ومعاوية رحبوا بيك وبعودتك للحزب ، ما تضيع الفرصة وتشمت بدرالدين فيكم .
وإنني لعلي يقين من أنك سترجع أكثر قوة ، وسيكون ما حدث دافعك للنيل من بدرالدين ، ورد الصاع صاعين.
الجماعة مدوا ليك أياديهم وفتحوا قلوبهم ، أرجع الى قواعدك سالم (أحسن) ..
سلام
|
Post: #190
Title: Re: يا بورداب الدوحة معتز القريش متشرد
Author: معاوية الطيب
Date: 08-05-2006, 09:08 AM
Parent: #1
بدر الدين الامير
| Quote: التوقيع :الناطق الرسمى الجديد ترحاس الاثيوبية |
فى علم ادارة الاعمال الحديث وانت سيد العارفين دة اسمو الاستغلال الوظيفى الادارى
فلا تخطئ وانت المدير الناجح وتخلط الخاص مع العام ،،،،،
|
Post: #195
Title: Re: يا بورداب الدوحة معتز القريش متشرد
Author: عمران بابكر بدري
Date: 08-05-2006, 09:53 AM
Parent: #190
بيان منتصف النهار
ود الامير ايها الرجل البسوس
نعم
انت ايها الزيل جساس ( ضحية)
اني احس بالغرابه وعدم الالفه بينكم, وانت تزعم ايها الجساس انك اكثر رقيا, من غيرك وانت تنتحل لود الامير صوره الفضائل بالحق والباطل..
تلك الصوره التي اكتسبوها بحكم تفوقهم الشيطاني ودسائسهم التي خصهم بها التاريخ.
ولا شي غير التاريخ الباهت ..!!!
وكي تستقيم الصوره ... هل هناك شاهد اثبات اكثر من مقلب ود رملية بصورة العود.. بتلك الطريقة المتمدة من نهج ود الامير وكخ كخ ( كيكي) مثال افضائل الضائعه
نعم ضحية انا ودالامير مافي سيم سيم
شن جاب عمران بن ربيعة ... لجساس والبسوس وناقتهم كخ كخ
ويدعون انهم بصدد حكومة بروتستاتية ديمقراطية برلمانية..
اذا من الذي طرد ود القريش
نرحب بك ايها الرجل ود القريش مرحب بيك في بيتك
افهم موقفك يا جساس فانت لم تفق بعد من الصدمة وتوالت عليك الضربات ما بين مطرقة كخ كخ وسندان البسوس
تمت اغالت البسوس
وجساس
وناقتهم لاساءت السلوك العام
كما تم تعين معتز القريش مرشد ومستشارا للحركة التصحيحية
مشير عمران بن ربيعة , والفارس ود القريش
|
Post: #196
Title: Re: يا بورداب الدوحة معتز القريش متشرد
Author: عمران بابكر بدري
Date: 08-05-2006, 09:57 AM
Parent: #195
وقد عرفت مصادرنا الان
ان الرجل البسوس في نقاش وجدل ويحاول دون جدوى
اقناع صاحب الفيل الاثيوبي
ليكون في صفه
قرقرقرقرقرقرقرقرر
تفاصيل اوفى لاحقا
|
Post: #191
Title: Re: يا بورداب الدوحة معتز القريش متشرد
Author: معاوية الطيب
Date: 08-05-2006, 09:30 AM
Parent: #1
الاخ صلاح
اشيد بتحليلك العميق الرائع وان دل انما يدل على تفهمك الكامل لشخصية بدر وقدرتة المحدودة فى التاكتيك والكبيرة فى التآمر ،،،،
الضربة الكبيرة التى تلقاة بدر بخسرانة اهم عناصرة ومهندس افكارة ( كيكي )
جعلتة يترنح ويتصرف بدون وعى وبحسابات خاسرة .
وخططة القادمة نعلمها تماما وكفيلين بدحرها ولن نقبل ( الضحايا )
ومن الان سنبدا مرحلة مابعد بعد حيفا ،،،،
لك شكرى وتقديرى
|
Post: #192
Title: Re: يا بورداب الدوحة معتز القريش متشرد
Author: بدر الدين الأمير
Date: 08-05-2006, 09:41 AM
Parent: #191
صلاح عبدالله ( ابليس)
تعجبنى تؤدى دور ابليس بقدرات تفوقت فيها عليه
نعم اختيارنا لك صادف قدراتك الكيدية
|
Post: #193
Title: Re: يا بورداب الدوحة معتز القريش متشرد
Author: بدر الدين الأمير
Date: 08-05-2006, 09:44 AM
Parent: #192
معاوية يعقو
انت تغرد فى سرب الجيران
لعلمك ترحاس الاثيوبية عضو فى المنبر العام وتمت تزكيتها من قبل ودالقريش وعمران
أصحى يا00000000
|
Post: #194
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 09:50 AM
Parent: #192
| Quote: ومن الان سنبدا مرحلة مابعد بعد حيفا ،،،، |
نعم الحديث..وده التصريح اول بلاش...
صلاح عبدالله مبروك الترقية...من اخصائي (مديدة حرقتني)..الي محلل سياسي..
والحمد الله المرجف الكبر (فيصل عباس ) مافي...
بدر الدين..
لبن الكلام: سلم تسلم يا زول...
|
Post: #197
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 09:58 AM
Parent: #194
Quote: دى نصيحتى ليك وحق الخوه .. حق الجار
لكن بعود وبقول .. فكر ده ماهو قرار
ان قلت برجع ليكم بنقول حباب النور يضوى الدار
وان درت تبقى معاهم ما تقيف فى خط النار
ما دايرين سلاحنا يصيبك وما دايرين خبر مو سار |
من كلمات الريس رندوك.
|
Post: #198
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 10:06 AM
Parent: #197
Quote: بيان منتصف النهار
ود الامير ايها الرجل البسوس
نعم
انت ايها الزيل جساس ( ضحية)
|
ديشششششك...عمران انقسم يا ناس...
مبروك عمران..والكهل الاربجي..بدا في التصدع حبة...حبة..
|
Post: #199
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 10:42 AM
Parent: #198
تقييم للوضع الراهن...
شهدت الساحة موخرا مستجدات متلاحقة... واحداث جسام تقطع النفس..
ولذا لزاما علينا تمليك الجمهور الحقائق...ونحلل الوضع .تحليلا
1- الحكومة الشرعية بقيادة رندوك كسبت الرهان ..وازدات قاعدة التاييد وضخت فيها
دماء جديدة ديدنها العكننة والعكلتة..وكثير مصادمة...وتتمتع براجمات ود رملية..وفنيات
معاوية الطيب...ومساندة نانا..وتحت تحت كده محمد عبدالرحمن ..وبكري الامين..ومعتصم الطاهر
وابوساندرا...عماد عبدالله قبل سفره الاخير...
2_معتز قريش اصبح..مثل( اوليفر توست)..تشرد سكني...وانفصاله عنا(لاحظ عنا دي) افقده التعاطف
واحتمال موضوع تشرده ده ما ينتهي الا بعد الاسياد...
3_ بدر الدين..اصبح يتلقي الضربات من صوب..وكل يوم جديد له قصة وحدث جديد...
رجع رجوع مذل لضحية (ضحية دراب)...وفقد بوصلته تماما...واحتمال يبيع ضحية في اي لحظة
ويجي لفصيل (رندوك).....
4_عمران ...انفصل والرئيسة يبدو انها حكومة قوية برا وجوا.....
والبقية تايي
|
Post: #200
Title: Re: يا بورداب الدوحة معتز القريش متشرد
Author: معتز القريش
Date: 08-05-2006, 11:45 AM
Parent: #199
لأسباب أمنية نمتع عن الرد حاليا وقد وردني اتصال هاتفي مشبوه بالتهديد والوعيد اذا لم أرجع الى حزب راندوك والاتصل بي هو عارف وأنا عارف والله عارف .
وسوف نأتيكم بالخبر اليقين وستعرفون من هو ود القريش وصبرك علي يا راندوك ـ
ويا ود بدري هي عنترية تجرني معاك ساي انت قايلني غنماية والله هزلت آخر الزمن أنا أكون معاك انت ـ أنا راندوك مارضيت بيها أرضى بيك انت .
ود عمي الحلو (ديك الجن) ـ والله ليك وحشة يا راجل وينك لينا زمن نفتش ليك وجيتنا الليلة يا حارسنا وفارسنا ـ ما عندكم لي غرفة في الرياض ؟ .
كويس انك شلت صورتك من البوست عشان الجماعة ما يقولوا أنا كضاب ما ود عمك .
طبعا ود عمي ديك الجن (ود عمي أخو أبوي) حلو حلا وسمح سماحة ماخد من سماحة سيدنا يوسف عليه السلام ـ كنت بحب بيه البنات _ بس أقول ليهم أنا ود عم ....القريش طوالي يحبوني .
راجع ليكم بعد فترة الحداد التي سوف يتم فيها سلخ الجداد .
|
Post: #201
Title: Re: يا بورداب الدوحة معتز القريش متشرد
Author: Salah Abdulla
Date: 08-05-2006, 02:52 PM
Parent: #200
يا معتز..
سلام
يبدو أنك لم تقرأ السيناريو جيداً ، وإلا لما كتبت الكلام أدناه :
| Quote: لأسباب أمنية نمتع عن الرد حاليا وقد وردني اتصال هاتفي مشبوه بالتهديد والوعيد اذا لم أرجع الى حزب راندوك والاتصل بي هو عارف وأنا عارف والله عارف . |
بالمنطق البسيط ، حق الله ده ، مافي اي سبب يدعو أي جهة أنها تتهددك وتتوعدك بالويل والثبور اذا لم ترجع !!!
مصلحتهم شنو ؟؟ وبعدين الناس ديل ما قصروا معاك وأبدو طيبة قلب ( كبيرة ) لمن رحبوا بيك وبعودتك مرة أخرى ..
يكون ده جزاهم ؟؟؟
وبعدين الكلام الكاتبو تحت ده شنو يعني ؟؟؟
| Quote: وصبرك علي يا راندوك |
تصبرك عليك ليه ؟؟ ياخي هي قالت ليك ارجع وستجدنا كما نحن ، يعني غيب وتعال ، ومعاوية برضو رحب بيك ، والناس كلهم رحبوا بيك !! والله عداهم العيب ، وما قصروا معاك .
تقوم تهدد وتقول أصبروا وأنا ح أعمل وأسوي ؟؟
لكن ده ما منك !! من المعاك (البدر) أنا عارفو هو وراء البلاوي دي كلها ..
لكن نصيحة يا فردة ( بدر ده زولي وفردتي وأنا عارفو ، ما تباريهو ، والبيباري الجداد بيوديه الكوشة ) !!!
سلام يا ..... (سلاّخ الجداد) !!!!!!
|
Post: #202
Title: Re: يا بورداب الدوحة معتز القريش متشرد
Author: بدر الدين الأمير
Date: 08-05-2006, 03:12 PM
Parent: #201
لن نعلق على شىء ولن نقول شىء احتراما لشرف الخصومة مع ندنا
رندوك حتى تنهى من حدادها الذى اعلنته على رؤس الاشهاد ولمدة ثلاثة ايام
على فقدان المتردية والنطيحة 0
ذبدة كلام: كل من هو فى جانب رندوك فان
|
Post: #203
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-05-2006, 03:15 PM
Parent: #200
لا لعضوية الامريكي المتسودن....(رافيل)...
بعد محادثة مطولة مع الاخ معاوية الطيب وجدته برفقته صديقه الجديد(رافيل)
ادهشني ان هذا الرفيل ابداء اعجابا خاصا بالكهل الاربجي..فدار ناقشا حادا مع رافيل الذي ظهر انه مغرم غرام خاص بهذا الكهل من خلال متابعيته للبورد...(اظنه مثل الذين يشاهدون الافلام الهندية ويشجعوتن الخاين)...
الاخ معاوية...حتي ان وصل وافق الاخ بكري علي منح رافيل العضوية بالبورد
الرجاء ثم الرجاء...دس البصورد من زول زي ده...
لانو ح يكرهنا المولد...وتدب مرة اخري في اخونا الكهل....الحياة...
|
Post: #204
Title: Re: يا بورداب الدوحة معتز القريش متشرد
Author: معتز القريش
Date: 08-05-2006, 03:32 PM
Parent: #203
Quote: لكن نصيحة يا فردة ( بدر ده زولي وفردتي وأنا عارفو ، ما تباريهو ، والبيباري الجداد بيوديه الكوشة ) !!!
|
يا ابليس نصايحك لمها عليك أنا عارف بعمل في شنو ، وكان ود الأمير بوديني الكوشة أنا بوديهو أبوهامور .
ما عايزين نكتر الكلام عشان ما نكشف خططنا للإيقاع بمن نريد الايقاع بهم .
الظاهر عليك صدقت انك محلل سياسي ـ غشوك وصدقت ولا شنو ؟
|
Post: #205
Title: Re: يا بورداب الدوحة معتز القريش متشرد
Author: ودرملية
Date: 08-05-2006, 04:02 PM
Parent: #204
سلامات
وعوافي
نقف بشدة مع اللورد معتز القريش في المضيق الحرج الذي اوقعه فيه طابخ السم الاكبر ود الامير ..
ونحن كنا قد نبهنا قياداتنا وجماهير شعبنا من المكر والذكاء السلبي الذي يتمتع به ودالامير والذي يستخدمه حتي مع نفسه اذا لم يجد احد ينفث فيه هذه السموم .. ودونكم الشهادة العريضة التي تقدم بها الاستاذ صلاح عبدالله منظر حزب الجمال والمحلل السياسي المتخصص في الشؤون البدراميرية ... وهو تحليل خبير ملم بكل تفاصيل وابعاد المؤامرات التي يحيكها ودالامير ..
اليوم كنت قد شربت الشاي مع الراجل وعندما خرجت منه اعطاني ظرف .. الظرف وجدت بها رزمة من العملة الصعبة وورقة كتب فيها :-(اشتري نفسك وراحتك) .. غضبت ايما غضب علي هكذا اسلوب وغضبت اكثر لهذه المعاملة الفجة السمجة التي تنسف كل مجهوداتنا الوطنية وتدمر تفكير استمر اكثر من 72 ساعة من عمرنا قبل الانضمام الي حزب الجمال ..او الي هذا القدر هين علي الناس شراء الزمم ؟
اولهذا القدر اوصلتنا اللعبة الساسية .. الي بيع الضماير وقتل صرخة الطفل قبل خروجه الي الوجود .. اولهذا الحد يمكن ان نموت سدي وبلا هدف ؟..اولهذا الحد يمكن ان تواد الفكرة قبل ان تنضج اولهذا الحد بلغت بنا المبالغ .. الشرتيت الذي كان يستخدم لشراء حاجيات الانسان اصبح الان يشتري الاخلاق والقلب والولاء .. الشرتيت الذي تركنا مراتعنا للبحث عنه بـــالحلال هل هو نفسه الشرتيت الذي غلفه لنا ودالامير لشراء زمتنا ..اولهذا الحد اضحي الشرتيت خشم بيوت ... ياويح قلبي علي الشرتيت الذي نكابد الليالي ونساهر طوال الاسبوع فقط لنسد رمقنا ببعض شرتيت يكفينا شر الحاجة .. بئس له من شرتيت سغيل وبايخ .. يعني لو جيتني ياود الامير قبل كدا الواحد كان قبض وعصر ضنبو لكن الان اصبحنا من اصحاب الافكار والمباديء والقيم النبيلة وهيتا لك ان تشترينا(واجعني الشرتيت وجعة) لكن نسوي شونا (زمتنا ولا موت همتنا)
عليه اوكد للرئيس راندوك اننا واقفون الي جانبك الي يوم الرحلة القادمة ولن نتزحزح قيد انملة وهذا لايماننا التام بدستور حزب الجمال واهدافه السياسية والثقافية والاجتماعية وما الي ذلك ..وفي الاجتماع القادم للقيادة المركزية سوف نقوم بتسليمها الرشوة المقدمة من ودالامير ...
اما الريس (السابق) ضحية فقد اتصل بنا قبل يومين ليعلن تأييده لحزب الجمال وليقدم فروض الولاء والطاعة للحزب ودستوره ورئيسه الموقر وكنا قد وضحنا له ملامح الاعتزار وكيف يمكن ان يكون سليما وصحيحا ومقبولا ولكنه نقض وعده وذهب في (توالي) مع زعيم العصابة (ودالامير) والذي سوف يرجعه مرة اخري الي (بعشر) هذا بعد ان يكون قد قضي الفترة الاولي في (التجاني الماحي) عليه اتمني من القيادة المركزية رفض اي خطاب اعتزار مقدم من الريس السابق ضحية .. لانه بدخوله الي اوكار بدالامير سوف تحمل جيناته بعض الصفات الخبيثة التي ستضر ببرنامجنا وسياساتنا الواضحة والصريحة والمستقيمة والتي تعرفها جماهير شعبنا الابي ..
عليه اتوقف بامر من الرئيس عن الكتابة الي يوم الثلاثاء القادم حدادا علي انفصال الزعيم المناضل معتز القريش ولحين عودته الي عرينه سالما معافي من كل زعاف بدرالامير ..
واتمني من الريس راندوك والمكتب المركزي تولي امر اسكان الكادر معتز القريش وان يجتهد في توفير السكن في اقرب فترة ممكنة ..
ولكم وافر معزتي وحبي
قائد الكتائب الميدانية والقيادة الخاصة التابعة مباشرة للسيد الرئيس راندوك
تخريمة:- الانفصالي المغلوب علي امره الملازم دبورة عمران بابكر بدري اصبح سابح في الهواء حيث انه اطلق الكذبة وصدقها فذبلت (زهور) وشاخت حديقته واضحي يستجدي التنظيمات المعادية لتنظيمنا لتستقطب افكاره الحاقدة السوداء .. ياملازم دبورة نفيدك باننا قد جندنا اليوم كل من النقيب مريم وحاتم وريم وهم الان يؤدون قسم الولاء لحزبنا وسيبذلون الغالي والنفيس في سبيل اكتمال الرؤية وانفساخ البوهية المزيفة التي تغطي الحقائق ..
ونود ان نوضح للاخ احمد عصام الطيب (عضو الحزب بالمانياواحد كوادر اليونايتد نيشن المهمين) بان كل توصياته قد نفذت وان يبلغ كامل شكرا لمنظمته ودعمها الكبير لنا في حربنا الضروس علي الزعاف وسبب الرعاف ..
كما انني اؤكد بان الاليازا والاديسا الاسطورية ستنتهي علي يدي تنظيمنا باذن الله
|
Post: #206
Title: Re: يا بورداب الدوحة معتز القريش متشرد
Author: معتصم الطاهر
Date: 08-05-2006, 04:52 PM
Parent: #205
أين بدأت المؤامرة ؟
|
Post: #207
Title: Re: يا بورداب الدوحة معتز القريش متشرد
Author: معتز القريش
Date: 08-05-2006, 05:02 PM
Parent: #205
رغم مشاطرتنا احزان رندوك وتنظيمها على رحيل الرجرجة والدهماء عنها
نعود للتوضيح بفضل هواجس مستشارها الاول سابقا ودرملية قبل تعين ( مناوى ) عفوا اقصد
كيكى الدايش بين ضحية وضحايانا مستشارا أول لها خلفا لودرملية ولم تدرى رندوك بعد انهم
جميعا فى النهاية ابناء ثقافة جلابيتنا يعنى الخنوع لنا شىء اصيل فيهم فلا خوف منهم
ولاهم سوف يحزونا بتسبيحم ضدنا لبعض الوقت ويكفى ان نشير لظروف ودرملية ومضامين مظاريفنا
ذبدة كلام : من هو ضدنا جهرا فهو معنا سرا وعدد ركعات السر اكثر عددا من ركعات الجهر
بدر الدين الأمير من نافذة معتز القريش
|
Post: #208
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 00:27 AM
Parent: #207
Quote: رغم مشاطرتنا احزان رندوك وتنظيمها على رحيل الرجرجة والدهماء عنها
نعود للتوضيح بفضل هواجس مستشارها الاول سابقا ودرملية قبل تعين ( مناوى ) عفوا اقصد
كيكى الدايش بين ضحية وضحايانا مستشارا أول لها خلفا لودرملية ولم تدرى رندوك بعد انهم
جميعا فى النهاية ابناء ثقافة جلابيتنا يعنى الخنوع لنا شىء اصيل فيهم فلا خوف منهم
ولاهم سوف يحزونا بتسبيحم ضدنا لبعض الوقت ويكفى ان نشير لظروف ودرملية ومضامين مظاريفنا
ذبدة كلام : من هو ضدنا جهرا فهو معنا سرا وعدد ركعات السر اكثر عددا من ركعات الجهر
بدر الدين الأمير من نافذة معتز القريش |
اقرأوا هذا الكلام بتمعن واليكم ما وراء الجدران .
|
Post: #209
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 00:42 AM
Parent: #208
رسالة أمنية وبيان انتهاء المهمة
السيدة الملهمة / الريس (راندوك) العظيمة حفظها الله ورعاها
رئيس حزب الجمال والحب
بورد الدوحة
السلام عليكم ورحمة الله وبركاته ،،،
بناء على ما ورد أعلاه من كلام المدعو ود الأمير والذي نحلف عليه بالمصحف أنه كلامه وأتحداه أن ينكر ذلك تحت القسم.(قالوا للحرامي أحلف ـ قال : جاك الفرج)
فقدد انتهت المهمة المكلف بها رئيس جهاز أمنكم (معتز القريش) الساهر على وحدة النظام وكشف ألاعيب ود الأمير وكي كي وأعوانه . فقد تبين لنا بما لا يدع مجالا للشك أن المدعو كي كي لم ينشق عن حزب ود الأمير وانما هو مبتعث من قبلهم في مهمة سياسية دنيئة لإختراق حزبكم العظيم وكشف أسرار المكتب السياسي وبرامجه المستقبلية ومن ثم زعزعة الأمن الداخلي لكيان حزب الجمال والحب .
لذلك سيدتي الرئيس فاننا لسنا في حاجة الى فترة الثلاث ايام الممنوحة لنا لإنجاز هذه المهمة ونوصي بالغاء فترة الحداد واتخاذ ما ترونه مناسبا في حق هذا العميل الجاسوس ذيل ود الأمير المدعو (كي كي) .
هذا وسنوافيكم بأية مستجدات في هذا الأمر وسنظل باذن الله درعكم الواقي وترياقكم من سموم ود الأمير ومن شاكله .
عاش الريس راندوك وعاش حزب الجمال والحب ولا نامت أعين الجبناء .
لو مشونا على النار غير راندوك ما بنختار .
والله أكبر والعزة لبورداب الدوحة .
لواء : معتز القريش ـ رئيس جهاز الأمن المخابرات العامة في حزب الجمال والحب
|
Post: #210
Title: Re: يا بورداب الدوحة معتز القريش متشرد
Author: معاوية الطيب
Date: 08-06-2006, 01:46 AM
Parent: #1
معتز قريش
اولا : ثقتنا فى ( كيكى ) لا تحدها حدود
فلا تحاول تعكير المياة للسماح لمن لفظوك للاصطياد ،،،،
واللة انا لو منك شهر ما اجى بشارع السد دة بعد التشرد الاسفيرى
عسل الكلام
صاحبك عندو حالة عدم توازن لفقدة المخ المفكر ( كيكى )
عشان كدا اتحمل واتوقع كل شى ،،
وقبل ما تقع فى التشرد الثالث ارجع لكلام صلاح واحفظو حفظ ،،
|
Post: #211
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 01:59 AM
Parent: #210
معاوية راجع الريس وتأكد بنفسك
|
Post: #212
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 02:01 AM
Parent: #210
معاوية راجع الريس وتأكد بنفسك
كلامك الأمس مع ود الأمير وتلفونك مرصود من قبلنا
ننصحك بعدم تقديم عروض باسم الحزب من وراء الريس
تسكت ولا نكمل ؟؟؟؟
|
Post: #214
Title: Re: يا بورداب الدوحة معتز القريش متشرد
Author: معاوية الطيب
Date: 08-06-2006, 02:19 AM
Parent: #1
قيادتناوقواعدنا متحدة تماما وبنعرف كويس بنعمل فى شنو
( مرحلة مابعد بعد حيفا )
رجوعك للحق ولحزب الجمال والديمقراطية بشروط عسيرة جدا ،،،،
نصيحة الكلام
اتصل لكيكى خليهو يشرح ليك كلام صلاح الكتبو ليك فى البوست دة
|
Post: #215
Title: Re: يا بورداب الدوحة معتز القريش متشرد
Author: Randa Hatim
Date: 08-06-2006, 02:49 AM
Parent: #214
على الرغم من اعلاننا الحداد لمدة ثلاثة ايام الا اننا اثرنا التدخل لتصحيح الاوضاع واصدار البيان التالى :
اولا: لم يكلف السيد معتز قريش باى مهمه امنية داخل اروقة الفصيل المنشق ولم تكن هناك اى مهمه اوكلت اليه انما انشق عن حلفنا طواعية بعد ان دس له المدعو ود الامير سمومه فى حلو الكلام ومعسول الامانى الى ان فقد صوابه وانشق ولكنه عاد وادرك خطورة التعامل مع ود الامير واثر العوده الى صفوف حلفنا والعود احمد ... ونرحب به مرة اخرى فى صفوف هذا الحلف الرامى دوما للوحدة والنضال
ثانيا: لم يتبين لنا حتى الان اى نوايا سيئة من قبل المنضم الينا عبد الكريم بل ونشيد بولاءه الذى اختبرناه حتى الان واثبت مصداقيته وان كان ثمة شائعات تدعى عدم ولائه وجاسوسيته فالزمن كفيل بكشف كل الخفايا وليعلم الجميع اننا مستعدون لكل المستجدات وعلى جميع الاصعدة الممكنه ومرحب بكيكي اخا وعضوا فعالا فى حزبنا المتحد..
ثالثا : ان حلف المدعو ود الامير هو اشبه بشبكة العنكبوت او المتهاهه التى لا حل لها فالداخل اليه مفقود والخارج منه مولود ... وقد حذرتكم كما حذركم البروف / صلاح عبد الله مراقب الشؤون القانونيه والخطط السياسيه والمتخصص فى حلف ود الامير حيث قدم عدة ابحاث واوراق عمل ونال درجة الدكتوراه والاستاذيه فى هذا التخصص .
هذا وسيظل حزبنا حزبا قويا صامدا راسخا ضاربا بجذوره فى اعماق الارض وممتدا بقامته نحو الافق ... وسيظل حلف ود الامير منتكس الراس منكبا على حياكة الدسائس والمؤامرت وليس له من الارتقاء نصيب.
ودمتم سندا وعونا وذخرا ....
ود الامير يا حليلك يوم بكره تصبح وين
خليك زول دغرى اوعك تكون بين بين
واشرب سجار او شيشه بدل سيكارك ابهيروين
كل البجيك زاير يمرق يقول ود الامير الزين
|
Post: #216
Title: Re: يا بورداب الدوحة معتز القريش متشرد
Author: nadus2000
Date: 08-06-2006, 02:55 AM
Parent: #214
Quote: لا لعضوية الامريكي المتسودن....(رافيل)...
|
ياكيكي، انت قاصد ياتو
السوداني المتأمرك ........أم الأمريكي المتسودن.
ولا علاقة لما ورد أعلاه بالمؤامرة والتآمر.
|
Post: #217
Title: Re: يا بورداب الدوحة معتز القريش متشرد
Author: معاوية الطيب
Date: 08-06-2006, 02:57 AM
Parent: #1
كيكى
Quote: بعد محادثة مطولة مع الاخ معاوية الطيب وجدته برفقته صديقه الجديد
(رافيل)ادهشني ان هذا الرفيل ابداء اعجابا خاصا بالكهل الاربجي..
فدار ناقشا حادا مع رافيل الذي ظهر انه مغرم غرام خاص بهذا الكهل من
خلال متابعيته للبورد...(اظنه مثل الذين يشاهدون الافلام الهندية
ويشجعوتن الخاين)... |
تعرف المشكلة انو رافيل مبهور ببدر الدين انبهار شديد
( قايل القبة تحتا فكى ) وقال شركتو بتاعت الترجمة
معروفة بين السودانين فى امريكا ، ومصر انو اعرفة
بيهو ( وبينى وبينك انا ملاوز )
Quote: الاخ معاوية...حتي ان وصل وافق الاخ بكري علي منح رافيل العضوية بالبورد
الرجاء ثم الرجاء...دس البصورد من زول زي ده... |
واللة يا كيكى دى مشكلة ما ليها حل
|
Post: #218
Title: Re: يا بورداب الدوحة معتز القريش متشرد
Author: Randa Hatim
Date: 08-06-2006, 03:49 AM
Parent: #217
لقد تلقينا مكالمه هاتفيه مفادها ان السيد كبد الكريم الامين ينوى الانفصال عن الحزب وتكوين فصيل اخر لكل التضررين من الممارسات التعسفيه التى يقوم بها كل من ود الامير وراندوك ... ومن هذا المنطلق فاننا نرفض ان يتم ذكر الاسمين معا وذلك للفارق الكبير فى السياسات ... اما ما ساقه المدعى من اسباب تدعو لانفصال السيد عبد الكريم فقد قال ان كيكي يرفض انضمامه الى حزب يضم فى صفوفه ودرمليه مستشارا اولا وانه لا يقبل ان يكون تحت امرة ودرمليه ومن هذا المنطلق نود ان نوضح الاتى ان لكل فرد فى هذا الحزب وكما ذكرت سابقا تفردا لا ينافسه فيه احد ولكل مقامه المحفوظ والمعروف واننا حزب لا رئيس فيه ولا مرؤوس فكلنا قاده وانما الرئاسة هنا منصب تكميلى فقط ... وانما امرنا شورى بيننا ...
وقد اكد المدعو ود الامير ان المكالمه الهاتفيه التى دارت بينى وبين كيكي هو على علم بها حيث ان الاخير قد اخبره بتفاصيل المكالمه التى دارت بينى وبينه.
نحن انما نوضح هذا الامر ليس تصديقا لما جاء فى المكالمه الهاتفيه المغرضه وانما لكى نقطع الطريق على كل من يسعى لنفث سمومه فى كياننا الموحد وكشفا لتلك الالاعيب والدسائس التى تدور فى مكتب ود الامير ... فالحذر ثم الحذر ثم الحذر
الا هل بلغت ... اللهم فاشهد
|
Post: #219
Title: Re: يا بورداب الدوحة معتز القريش متشرد
Author: Omar Bob
Date: 08-06-2006, 03:55 AM
Parent: #217
الان وقد بلغ الصراع مداه
جاءتكم امريكا برؤيتها
لحل المشكله عبر برنامجها
المحكم "طريق الخارطه"
لتحسم هذا الصراع حسما باتا
طريق الخارطه يتمثل في نقطتين لا غير
1- نؤمن علي شرعيه راندوق ومعها ماهي ونانا(حليفي الاستراتيجي)
فب الاحتفاظ بمواقعهم القياديه
2- نؤمن لبدر الدين الامير موقعه الوجيستي وهو ان تعقد الاجتماعات بمكتبه
ما يكن هناك مانع اساسي
كل من لا يلتزم بهذه القرارات سوف يتعرض لعقوبات من قبل الامم المتحده فد
يصاحبها غطاء عسكري
مولاي انا في صف راندا ونانا
ما دام الصف الاخر يركع بالاوزار
صدر تحت توقيعي
الممثل الشرعي للسودانين المتامركيين في الدوحه بالبورد
|
Post: #220
Title: Re: يا بورداب الدوحة معتز القريش متشرد
Author: محمد أبوعاقلة الطريفي
Date: 08-06-2006, 04:08 AM
Parent: #217
رفائيل
مراحب الف
دلوكه وتعظيم سلام
|
Post: #221
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 05:18 AM
Parent: #220
Quote: اولا: لم يكلف السيد معتز قريش باى مهمه امنية داخل اروقة الفصيل المنشق ولم تكن هناك اى مهمه اوكلت اليه انما انشق عن حلفنا طواعية بعد ان دس له المدعو ود الامير سمومه فى حلو الكلام ومعسول الامانى الى ان فقد صوابه وانشق ولكنه عاد وادرك خطورة التعامل مع ود الامير واثر العوده الى صفوف حلفنا والعود احمد ... ونرحب به مرة اخرى فى صفوف هذا الحلف الرامى دوما للوحدة والنضال
|
والله العظيم انتي ريس حقيقي ـ بص شوف راندوك بتلعبها كيف .
هكذا تكون الرياسة ولا بلاش .
مقبولة منك في سبيل الحفاظ على مصداقية الحزب وعدم لجوئه الى الأساليب الأمنية القريشية.
|
Post: #222
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-06-2006, 05:20 AM
Parent: #221
عجبنى للمرقووووووووووووووووووووووووووت..
قرقر قر قر قر قرر قر ر واااااااااااااااااااااااااااااى
|
Post: #223
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 05:29 AM
Parent: #222
| Quote: لقد تلقينا مكالمه هاتفيه مفادها ان السيد كبد الكريم الامين ينوى الانفصال عن الحزب وتكوين فصيل اخر |
جاك كلامي يا ريس .
أنا الصعب أنا البجيبا من ضنبا.
قبيل شن قلنا ما قلنا الطير بياكلنا .
كي كي تربية ود الأمير ـ كلمني أنا قال عاوز انفصل لكن السبب ماهو الفوق .
السبب انو خطته انكشفت ود الأمير الثعلب اداهو شلوت ـ وقال ح يغازل عمران كان رضى بيه ح انضم ليه .
الحمد لله المتشردين كتروا .
|
Post: #225
Title: Re: يا بورداب الدوحة معتز القريش متشرد
Author: Salah Abdulla
Date: 08-06-2006, 06:59 AM
Parent: #223
ود القريش ..
سلامات ..
| Quote: الظاهر عليك صدقت انك محلل سياسي ـ غشوك وصدقت ولا شنو ؟ |
هسى عليك الله الغشوه فينا منو ؟؟؟كلمناك وأبيت تسمع الكلام ،، أها خم وصر
وبعدين يا معتز كلامك التحت ده قولوا لي زول ما عندو ( هديدة) كما قال الفلاتي ..
Quote: رسالة أمنية وبيان انتهاء المهمة
البداية: - السيدة الملهمة / الريس (راندوك) العظيمة حفظها الله ورعاها
رئيس حزب الجمال والحب
بورد الدوحة
النهاية : عاش الريس راندوك وعاش حزب الجمال والحب ولا نامت أعين الجبناء .
لو مشونا على النار غير راندوك ما بنختار .
والله أكبر والعزة لبورداب الدوحة .
لواء : معتز القريش ـ رئيس جهاز الأمن المخابرات العامة في حزب الجمال والحب |
شوفوا الزول ده بيمدح كيف ، والله فات أولاد البرعي ،، لكن ماهي النتيجة ؟؟؟؟
هذه هي النتيجة (كلام الريس راندوك أدناه) :
| Quote: على الرغم من اعلاننا الحداد لمدة ثلاثة ايام الا اننا اثرنا التدخل لتصحيح الاوضاع واصدار البيان التالى : |
ما في داعي لذكر البيان كامل ، أتصور أنو الناس كلهم حفظوه ، وقد أوضحت فيها أنو ما كان في مهمة ولا يحزنون .. أها تاني تجري وين ؟؟
يا معتز ، كلمتك مية مرة ابعد عن بدرالدين ، ده زولي وأنا عارفو كويس، والشغل ده اشتغلناه قبل كده.
برضك ما سمعت الكلام ، وما سمعت كلام البيبكيك ..
وزي ما قلت ليك قبل كده (البيباري الجداد بيوديه الكوشة )
وشكلك كده ود الأمير وصلك ( الميس ) ..
تعيش وتاخد غيرها ..
دقة سريعة:-
نصائح هامة : (لوجه الله)
أبعد عن الشر ( البدر ) واعزف له أورغن .
2 - الجداد المرة دي ما عارف ممكن يوديك وين ، بعد ما وصلت (الميس ) . الله يستر .
سلام
|
Post: #224
Title: Re: يا بورداب الدوحة معتز القريش متشرد
Author: معاوية الطيب
Date: 08-06-2006, 06:36 AM
Parent: #1
Quote: رفائيل
مراحب الف
دلوكه وتعظيم سلام |
ود ابو عاقلة
يافنان يازوق
سانقل سلامك لصديقى رافيل وهو يتشوق للقاء بورداب الدوحة
وستكون من اوائل من يتشرف بمقاباتكم
|
Post: #226
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-06-2006, 08:06 AM
Parent: #224
بيان هام....
سرت شائعات واقاويل كثيرة عن انني قد انضميت الي فصيل الجمال
والفن لممارسة دور جاسوسي واستخبارتي لصالح قوة (الكهل الربجي)..والمرجف ضحية...
وقد روج لهذه الفرية الظلامي الذي طال عهد تشرده...واصبح يكابس في الفصائل..(بدون جدوي)..
والامر المضحك المبكي في الموضوع هو انضمامي الي الفصيل
الهزيل للضابط ابو دبورة (عمران)...وعليه نوكد لجماهيرنا الاتي.....
1- انني قابعا في الصفوف الامامية لفصيل القائدة (رندوك) صونا للعهود والمواثيق..(وانا ذاتي فترت من حتت الانفصالات الحايمة في البوست ده)
2_ الجاسوسية فارقتها (فراق الطريفي) منذ انتفاضتي القوية ضد الكهل الاربجي..المتاكل المتامر..
3_وجود قوة جديدة ولنا لها تحالفات قديمة وعميقة (عمر بوب) وتايده الصريح لفصيل رندوك يجعلنا اكثر حماسا علي البقاء في الصف
الوطني....
4_ونقولها بالفم المليان.. يا معتز قريش..نحن هنا
بجانب رندوق...اذا اردت الحضور فمرحبا بك..
اما ان تشترط خروجنا من هذا الحزب القوي
فانها مثل احلام زلوط.. يا رافت يا هجان..
5_ صراعي مع ودرملية صراع فني وقائم
الا انه لا يوثر علي وجودنا في جسم سياسي واحد..(تيار صقور وتيار حمائم)....
6_ رافيل الامريكي السوداني يا نادوس..سيكون لنا معه شانا ستتحدث به المنابر..فصبرا ال نادوس...
|
Post: #227
Title: Re: يا بورداب الدوحة معتز القريش متشرد
Author: معتز القريش
Date: 08-06-2006, 11:54 PM
Parent: #226
تعازينا للأخ عمران بابكر بدري في وفاة المغفور له شقيقه .
للفقيد الرحمة ولهم ولنا الصبر والسلوان
اللهم لا تحرمنا أجره ولا تفتنا بعده
تخريمة : بعد العزا راجعين
|
Post: #228
Title: Re: يا بورداب الدوحة معتز القريش متشرد
Author: بدر الدين الأمير
Date: 08-08-2006, 04:26 AM
Parent: #227
بيان هام .........
بيان هام ...........
بيان هام ............
نعلن لجماهيرنا الوفيه حل التشكيل الوزارى الحالى للحزب على النحو التالى :
اقالة المدعو ضحية ابراهيم واحالته للصالح العام مع التوصية بتحويل اوراقه لمصحة الامراض العقلية والنفسية
رفض اوراق عضوية المدعو معتز القريش ورفضنا القاطع لانضمامه حيث اننا وكما ذكرنا سابقا لا نقبل المتردية والنطيحة
سنوافيكم بالتشكيل الوزارى الجديد للحزب فى البيان التالى .... فترقبوه.....
|
Post: #229
Title: Re: يا بورداب الدوحة معتز القريش متشرد
Author: بدر الدين الأمير
Date: 08-08-2006, 05:42 AM
Parent: #228
بيان هام ............
بيان هام..................
نعلن نحن بدر الدين الامير قائد الفصيل المنشق انضمامنا تحت لواء حزب الحق والمحبة والجمال بقيادة الريس المحنك راندوك .. نعلن انجلاء عهد الظلام والدخول فى دائرة النور تحت قيادتها الرشيده ... اننا واذ نعلن ذلك نؤكد ان ما فات قد كان ضربا من ضروب الجاهلية الاولى وان حلف راندوك هو كما الاسلام يجب ما قبله ...
خطاب موجه الى الرئيس المحنك رندا ...
استميحك عذرا على تلك الانشقاقات والمهاترات التى بدرت من طرفنا ... ونتقدم اليكم باوراق طلب العضوية وكلى امل فى كريم تفهمكم وسديد رايكم على امل ان تصفحو عما بدر منى ويتم قبولى فى حلفكم وذلك شرف لا اطمح الا له..
ايها الرئيس ... اننى ما ازال فى انتظار ردكم الايجابى والذى هو بمثابة ميلاد جديد وبزوع فجر عهد منير ... وكلى اذان صاغية لاوامركم وعلى اتم الاستعداد لتنفيذها .....
ذبدة الكلام:
انى اتيتكم منصاعا طائعا مختارا اطلب الرحمة والصفح
|
Post: #230
Title: Re: يا بورداب الدوحة معتز القريش متشرد
Author: معاوية الطيب
Date: 08-08-2006, 08:01 AM
Parent: #1
ياشباب صاحبكم انبرش
والحزن ماذال يلتحفنا بفقيدنا الجلل شقيق الاخ عمران
تتفاجا بانبطاح وانبراش عظيم ،،،،،،،،،،،،
ونوكد الاتى :-
• قراراتنا فى حزب الديمقراطية والجمال تتخذ ديمقراطيا بعد مشاورة
جميع الاعضاء .
• نستنكر التجاهل الكامل من بدر الدين للملازم عمران الذى لم يذكر
فى بيانة ( وهو رقم لا يقبل التجاهل )
• من جانبى ارفض انضمام الثعلب الاكبر بدر الدين واعتزارة للرئيسة رندا
فقط لا يكفى حتى يعتزر وبمداخلات منفصلة لهولاء ( بعد اغتسالة سبع مرات ) :-
كيكى
عمران
ضحية
معتز قريش
صلاح عبد اللة
ود رملية
عمر بوب
نانا
رافيل
محمد ابو عاقلة
عماد
----------------------
عسل الكلام
نرجوا ملاحظة مداخلة الثعلب بدر الدين السابقة منسقة ومرتبة للغاية
( ليس كعادتة دائما ) مما يدل على وجود تخطيط وتنفيذ من شخص اخر
وخطة لزعزعة تنظيمنا الحر المتماسك
فتوخو الحذر ثم الحذر
رايكم ياشباب ،،،،،،،،،،،،،،،،،،
|
Post: #231
Title: Re: يا بورداب الدوحة معتز القريش متشرد
Author: معاوية الطيب
Date: 08-08-2006, 08:07 AM
Parent: #1
Quote: رفض اوراق عضوية المدعو معتز القريش ورفضنا القاطع لانضمامه
حيث اننا وكما ذكرنا سابقا لا نقبل المتردية والنطيحة |
لنفس الاسباب نرفض اوراق عضويةالمدعو بدر االدددين ،،،
معاوبة الطيب
|
Post: #232
Title: Re: يا بورداب الدوحة معتز القريش متشرد
Author: معتز القريش
Date: 08-08-2006, 11:32 AM
Parent: #231
هاها هاهااااااااااااااااي
حتى تعلموا أنني لست متردية ولا نطيحة
ترقبوا مني بيان سيزلزل الأركان
أنا قلت ليكم بجيبا من ضنبا
قريبا قريبا قريبا
|
Post: #233
Title: Re: يا بورداب الدوحة معتز القريش متشرد
Author: بدر الدين الأمير
Date: 08-08-2006, 01:09 PM
Parent: #232
يا جماعة انا بعتذر ليكم بشده واحد واحد وبقول الروووووب الرووووووووب
بعتذر ليكم كلكم
عمران
ضحية
قريش
معاوية
رندا
كيكي
ودرمليه
محمد ابو عاقله
بوب
ابوساندرا
صلاح
عماد
ماهى
نانا
معتصم
وكل الاخوان بلا استثناء
نزولا عند رغبة السيد معاوية ومستعد لاى تنازلات ايا كان قدرها وارجو قبولى حتى ولو غير كامل العضوية ولم اشعر بالانهزام واننى اغرد وحيدا خارج السرب سوى الان وهو احساس يقتلنى كل دقيقه
اعترف باننى كذبت ونافقت كثيرا والفت كثيرا من القصص فى حق زملائى وقد كانت زهور اكبر كذبه وحاولت ان امارس الضغط الادارى لموظفى فى المكتب واعترف ان تحليل السيد صلاح لشخصيتى صحيح لا تشوبه شائبه واكرر الاعتذار للاخ ابو ساندرا لنعته بلعنات بدلا عن بركات وهو البركة بعينها وهنا اؤكد انه كان مثلى الاعلى واعلن اعجابى الكثير به ، وحدادا لما اقترفتة من اخطاء فى حقكم اعلن اعتصامى عن الكتابة حتى قبول طلبى ونيل رضاكم
وتانى بقول
الرووووب
الروووووووووووب
الروووووووووووووووب
|
Post: #234
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-08-2006, 01:17 PM
Parent: #233
والله يا بدر الدين يا اخوى قلبى ماكلنى وما مصدق الا بس اقول شنو؟
قايتو المسأله دايره ليها صبر وتحليلات من صلاح عبدالله محلل البى بى سى والفنان ودرمليه واحيانا
الواحد يقول هسى بتغير رايك الا باب التوبه فاتح ..انا من ما انت قطعت تلفوناتك ومكالماتك منى..
عرفتك راقلك فوق راى..
------------------------------------------------------------------------------------------
انا شخصيا ما قبلان الا اشوف التقرير بتاع مستشفى الرميله بيقول شنو يا ربطونى مره واحده وودونى
بعشر يا كمان ارجى الراجيك ..امانه ما وقع راجل..
|
Post: #235
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-08-2006, 01:28 PM
Parent: #234
ووقع..وسقط اخر الخونة المارقيين..
وكثرت الصيحات والجرسة من قبل اخونا الشيخ الاربجي..
لن نقبل بك بالهين..
نريد اعتذار لكل الذين تامرت عليهم ذات مساء ما..
تاني تجي السوق..يا بدر الدين..
يا بتاع الروب..
|
Post: #236
Title: Re: يا بورداب الدوحة معتز القريش متشرد
Author: معاوية الطيب
Date: 08-08-2006, 02:38 PM
Parent: #1
الاخ / الروب ( اسف جدا )
الاخ / بدر الدين
برغم انى ماذلت اشك فى انك ترسم الى شى ما ،،،،
ولكن انبراشك وجرستك لهذة الدرجة يجعلنى افكر
فى مسالة قبولك مرة اخرى من باب ( احترموا رئيس قوم ذل )
يعنى لو سمعت كلامى دة كنت ستحتفظ ببعض ماء الوجة
| Quote: ومن الان سنبدا مرحلة مابعد بعد حيفا ،،،، |
اعتزارك لكل الناس بمداخلة واحدة لا تكفى وسبق ان قلت لك ،،،
Quote: • من جانبى ارفض انضمام الثعلب الاكبر بدر الدين واعتزارة للرئيسة رندا
فقط لا يكفى حتى يعتزر وبمداخلات منفصلة لهولاء ( بعد اغتسالة سبع مرات ) :- |
يلا خليك شاطر وبتسمع الكلام واعتذر لكل واحد بمداخلة منفصلة ،،،
وبعد داك نشوف مسالة انضمامك لنا ,,,
( ويصير خير ) 
|
Post: #237
Title: Re: يا بورداب الدوحة معتز القريش متشرد
Author: Salah Abdulla
Date: 08-08-2006, 03:04 PM
Parent: #236
أيها القوم ...
أحذروا أن تنطلي عليكم هذه المسرحية ..
هذه المسرحية بطليها بدرالدين ومعتز ..
| Quote: نعلن نحن بدر الدين الامير قائد الفصيل المنشق انضمامنا تحت لواء حزب الحق والمحبة والجمال بقيادة الريس المحنك راندوك |
لا يغرنكم هذا الاعلان ، والله الزول ده بيعمل ليهو في حاجة ، ولو أديتهو فرصة وصدقتوه قيامتكم قامت..ألا هل بلغت اللهم فاشهد..
Quote: ذبدة الكلام:
انى اتيتكم منصاعا طائعا مختارا اطلب الرحمة والصفح |
بدرالدين يجي طائع ومختار كمان ؟؟؟ أنا بقولها ليكم بوضوح هذا ليس بدرالدين !!!!! يا جماعة ما تتغشوا ده ما بدرالديييييييييييييين..
Quote: عسل الكلام
نرجوا ملاحظة مداخلة الثعلب بدر الدين السابقة منسقة ومرتبة للغاية
( ليس كعادتة دائما ) مما يدل على وجود تخطيط وتنفيذ من شخص اخر
وخطة لزعزعة تنظيمنا الحر المتماسك
فتوخو الحذر ثم الحذر |
يا معاوية إنت هنا 100% (مية المية ) الآن فقط عرفت أساليب هذا الثعلب الماكر ، والداهية العتيق، وكلامك ده ياهو (عسل الكلام وزبدته) ما تتغشوا..ومفروض فعلاً تتوخوا الحذر ، والاح يلبسكم القفة !!! على كيفكم أنا كلمتكم وخلاص..
Quote: هاها هاهااااااااااااااااي
حتى تعلموا أنني لست متردية ولا نطيحة |
وهنا برز الثعلب الصغير (معتز) في ثياب الواعظين ، يبدو أنه قد تعلم أسلوب (كبيرهم الذي علمهم السحر) ومسرحيتهم انكشفت الآن ...
| Quote: يا جماعة انا بعتذر ليكم بشده واحد واحد وبقول الروووووب الرووووووووب |
بدرالدين يقول الروب؟؟؟؟؟؟؟؟؟؟؟؟ والله ولا في الأحلام ..
يا بدر إنت نسيت أنا هنا والا شنو ؟؟؟ والله إني لك بالمرصاد ..
المرة دي يا بدر ما (حبكتها) صاح .. هناك بعض النقلات (الخطأ) التي ارتكبتها فدمرت لك (الشغل كلو) الظاهر أنك عينت معتز مستشار ليك ..
وبذلك فقد صدق عليكم القول (واحد متردية والآخر نطيحة) ..
قاعد ليك أيها الداهية الماكر إنت ومستشارك الجديد، تمشوا مني وين ؟؟؟
وآدي قعدة ..
|
Post: #239
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-08-2006, 03:11 PM
Parent: #237
والله ياصلاح..خوفتنا يا ابوصلاح..
يعني حسي الجرسة والكواريك..والرووب ده كلوا يكون ما بدرالدين,,
الزول ده بدرالدين..واحنا عندنا دليل قاطع..انو الزول ده اتبرش
|
Post: #238
Title: Re: يا بورداب الدوحة معتز القريش متشرد
Author: Randa Hatim
Date: 08-08-2006, 03:11 PM
Parent: #236
؟
؟
؟
؟
؟
؟
يا جماعه الحاصل ده شنو ....
زول يفهمنى .... والله انا ما مصدقه ....
ضحيه ...اتاكد الزول ده صحى بى عقلو ولا كان فى الرميله ... يا جماعه اعملو حسابكم بدر الدين ده ما ليهو امان.
على العموم يفترض انو المساله دى تخضع لى دراسه وتحليل وتقصى حقائق ..... ارجو من جميع الساده اعضاء حزبنا الموقر الادلاء بدلوهم فى هذا الامر ... وانا فى انتظار مشورتكم وارائكم السديده.
اما فيما يتعلق بعضويته بعد ان تثبت لنا مصداقيته ... سنقوم بعمل تصويت عام يحق للجميع المشاركه فيه حتى الاعضاء القراء من خارج الحزب او من خارج بورد الدوحه ايضا اذا رغبو .. وذلك بعد قراءتهم المتانيه لهذا البوست وتمليكهم الحقائق ...نفتح باب التصويت للجميع :
صوتو بلا او نعم لعضوية بدر الدين الامير فى حزب الحق والمحبه والجمال
نانا ، ماهيتاب هناك اجتماع عاجل لمناقشة هذا الامر سيتم التنسيق له داخليا.
|
Post: #240
Title: Re: يا بورداب الدوحة معتز القريش متشرد
Author: ودرملية
Date: 08-08-2006, 04:56 PM
Parent: #238
سلامات
وعوافي
ياشباب لدي الكثير المثير ولكن الان انا في زحمة شديدة ماقادر احك راسي ...
لي عودة اكيدة
|
Post: #241
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-09-2006, 01:10 AM
Parent: #240
الاخوه الاعزاء:-
وصلتنى مكالمه هاتفيه من الاخ بدر الدين الامير بيقول فيها الاتى وبجديه وحليفه كمان..
والله ياضحيه انا ماموجود بالشقه والشقه فيها الاخ معتز القريش ونسبة لظروف تشرده هذه الايام انا
سايب ليه المفتاح.. وانت عارف ياضحيه انو انا عندى نت نظام الadslوبكون فاتح24 ساعه وحتى موقع
سودانيزاونلاين عندى فاتح بى اسمى وبالباص ويرد بتاعى فهذه المداخلة التى قرأتموها هى ليست لى
ومعتز القريش هو من قام بكتابتها .. وحبكها ولو ما مصدق شوف الاسلوب ده ما اسلوبى .. وراجع اخر
مداخلتين للاخ معتز ستفهم الحاصل.. والاغرب من ذلك تم تغيير الباص ويرد الخاص بى وانا ماقادرادخل
الموقع لادلى واشارك برأيى ..وايضا لمح لى بمراجعة مداخلة الاخت راندا حاتم التى اشارت فيها الاان
بدر الدين لن يتمكن من المشاركات الابعد ثلاثه ايام وهذه هى الفتره التى حددت لارجاع الباص ويردله
هذا كل ماورد فى مكالمة الاخ بدر الدين للامانه والتاريخ الرجل بينكرتلك المداخله والانبراشه جملة
وتفصيلا....
|
Post: #242
Title: Re: يا بورداب الدوحة معتز القريش متشرد
Author: بدر الدين الأمير
Date: 08-09-2006, 01:22 AM
Parent: #241
ضحية
انا ما محتاج لى تغطية من اى واحد لما كنت ما عارف الصاح وين كنت اكتب بنفسى وعن نفسى فلست بحاجه لمن يكتب عنى ومازلت امتلك زمام الباصويرد وحتى بعد انقضاء الثلاثة ايام سترى اننى مصمم على الانضمام لحزب الحق والمحبه والجمال (ارجوكم ... ارجوكم اقبلو بى).
انا لم افقد صوابى ولم تسرق الباصويرد منى لقد اتفقت مع معتز وقمت برشوته مقابل ان يتداخل ويقول انه استغل كومبيوترى وكتب ما كتب وذلك فى لحظة تلاعب فيها الشيطان بى مرة اخرى وحاول ان يثنينى عن الحق ولكن .. حينما خلدت للنوم رجع تانيب الضمير يقتلنى فانا لم انم قرير العين مثلما نمت بعد اعترافى وعليه فقد استيقظت الصباح وعزمت على قول الحق ولا شئ غير الحق
صلاح معك الحق فى ان تشك فيما اقول ولكن ليس العيب ان نخطئ بل العيب ان نستمر فى اخطاءنا
ذبدة كلام: معتز وضحية اشكر لكم محاولتكم اصلاح هذا الامر الذى ترونه من وجهه نظركم خطا ولكنى مصمم على الاعتذار ومن وجهة نظرى هو الصواب بعينه
انا اسف ....
|
Post: #243
Title: Re: يا بورداب الدوحة معتز القريش متشرد
Author: بدر الدين الأمير
Date: 08-09-2006, 02:17 AM
Parent: #242
انا بدر الدين الامير..وبكامل شخصيتي الاعتبارية..ونزولا عن رغبة وشروط حزب
الجمال والفن..هذا الحزب الذي اتوق اليوم للانتماء اليه..راكعا وخاضعا لشروطه..
اقدم اعتذاري للاتية اسمائهم..واثق تمام الثقة في عطفهم وحناننهم..علي شخصي
الضعيف..واتعهد امامكم ان لا عود مرة اخري لدسائسي وموامراتي التي
كنت احيكها ضد ذلك الحزب العجيب...
اولا..
1_ الريس رندوك. تلك الملهمة القائدة البارعة اعتذر لها عن جاهليتي الاولي
واقر ان مثل موامرتي العجيبة تلك لن اكررها مرة اخري...
2- كيكي.. (حبيبي) والرجل الذي نصحني منذ فترة طويلة لترك الموامرات
الا انني كنت في غي وجهل كبير..اجد نفسي اعتذر له..واطلب من الصفح..
3_ودرملية..الفنان الذي دبرت له موامرة لرشوته بكل الاصناف..ابوس راسه الان
واعذرني ايها الفنان الكبير..
4_معاوية الطيب..الان فعلا علمت صدق وعدك بمرحلة (ما بعد ما بعد حيفا)
5_ ابوساندرا..ده بركة البركات..وسوف لن اعود للمساومة بخميسه..احبه كثيرا..
واتشوق لصفحه..
6_ نانا... عفوا ان كذبت وقلت ان (صلاح) بوردابي..فانا كنت متامر لايشق له غبار..
7_صلاح عبدالله..انت الوحيد الذي كنت اخافك واخاف تحليلاتك الصائبة..(والتوبة ياصلاح)..
8_ابو عاقلة تسلم يا صديق...وتاني اخذ راحتك وقول اي حاجة..وداعا لعهد الارهاب الوظيفي..
9_اعتذاري لكل من اصابهم رشاش (اللخبطة) والجمجرة التي كنت بسويها...وتاني (توبة يا حبوبة)..
بعد كل هذا اتمني منكم جميعا ان تصوتو لرجوعي اليكم مخلصا..جنديا ..
وارحموا رئيس قوما ذل.....
كما اقدم اعتذاري للاخوة في الفصائل الاخري..عمران (حبيبي)..وضحية الذي ارسلته كذبا الي مستشفي
الرميلة..ويبدو انني انا من علي الذهاب..الي بعشر.والرميلة الاثنين معا...
ذبدة كلام... التوبة يا حبوبة.....
|
Post: #244
Title: Re: يا بورداب الدوحة معتز القريش متشرد
Author: معاوية الطيب
Date: 08-09-2006, 03:32 AM
Parent: #1
Quote: وتانى بقول
الرووووب
الروووووووووووب
الروووووووووووووووب |
التوبة يا حبوبة.....
Quote: التوبة يا حبوبة.....
واثق تمام الثقة في عطفهم وحناننهم..علي شخصي
الضعيف..واتعهد امامكم ان لا عود مرة اخري لدسائسي وموامراتي التي
كنت احيكها |
لم اجد فى حياتى مثل هذة الجرسة والانبراشة
ياخى كدة عيب ،،،،،،،،،،،،،
|
Post: #245
Title: Re: يا بورداب الدوحة معتز القريش متشرد
Author: بدر الدين الأمير
Date: 08-09-2006, 03:48 AM
Parent: #244
ايها الاخوان الاعزاء ....
اننى اتعرض الان لضغوط غير اعتيادية من ضحية ومعتز وكل واحد فيهم يتصل على (فضحتنا . ده كلام تكتبو ، انت اكيد جنيت، اسحب كلامك ده بى سرعه ) وده غير التهديدات الاخرى التى لا مجال لذكرها هنا وحاولو اقناعى بان ادعى ان الباص ويرد سحبت منى وحينما رفضت هذا التبرير بدؤوا بممارسة ضغوط اخرى.
انا اتعرض الان لتاثير صدمات كهربائيه قام بها ضحيه بعد ان زارنى فى المكتب فى محاوله منه لاقناعى بالرجوع عن هذا الامر استخدم فى ذلك شاحن جواله بعد ان طلب منى ايصاله بالكهرباء لشحن هاتفه.
وبدات الان اشعر بثقل فى راسى من جراء الصدمات الكهربائيه واشعر الان بانى سوف افقد وعيى، واثرت ان افعل كما فعل جاك سونيير فى رواية شفرة دافنشى .. قررت ان اكتب رسالتى هذه لانى على يقين بان الصدمات قد اثرت على قراراتى.. فان عدت وكتبت مثلما كنت اكتب من قبل وتامرت ودبرت .. ارجوكم اعذرونى ضحية ومعتز هم السبب ...
ااااااااااخ راااسسسى
ذبدة كلام: ضحية ، معتز منكم لله .. منكم لله
|
Post: #246
Title: Re: يا بورداب الدوحة معتز القريش متشرد
Author: ضحيه ابراهيم
Date: 08-09-2006, 04:03 AM
Parent: #245
( فلنتضامن من اجل بدر الدين الامير)
والله ياجماعه المساله بقت واضحه جدا زارنى ذا الصباح الاخ بدرالدين الامير فى مكتبى واثناء وجوده معى وردت 3مداخلات تحمل اسمه وهو موجود معى وفى مكتبى فسألته كيف لك ان تتداخل وانت معى بالمكتب؟ فقال والله يا ضحيه كما اوضحت لك انا الباص ويرد بتاعى متداول بين كيكى وراندوك والقريش..
تاكد لى من تلك المداخلات فعلا ان الباص ويرد لخاص به قد سرق منه
ثانيا اثناءوجوده معى اتته رساله على الموبايل نصه كالاتىمداخلتك التانيه رهيبه عجبتنى شديد)
اتصلت بالاخ كيكى بمكتبه لكنه لم يجيبنى وعدنى بالرد لكنه لم يفعل مع انه فى لحظتها كان يكلم
بدر الدين على الموبايل..
هنالك شىء ما؟ ايه هو؟ لا ادرى
عموما هنالك العديد من المفاجات فى الطريق اليكم..فترقبوها....
|
Post: #247
Title: Re: يا بورداب الدوحة معتز القريش متشرد
Author: معتز القريش
Date: 08-09-2006, 04:19 AM
Parent: #246
والله العظيم أنا برة الموضوع ـ أنا اتهمت زورا وبهتانا ـ شوفوا الزول دا المركب فيه مغرز منو ؟
لكنني أعلم علم اليقين أن بدر الدين انبرش للطيش .
وهذه شهادة حق لله .
ظلامي لكن بتاع مخابرات رهيب
|
Post: #250
Title: Re: يا بورداب الدوحة معتز القريش متشرد
Author: Randa Hatim
Date: 08-09-2006, 08:00 AM
Parent: #246
| Quote: ( فلنتضامن من اجل بدر الدين الامير) |
عايز تتضامن مع منو يا ضحيه
بدر الدين ده موش قبل كده وداك مصحة الامراض النفسية ... هسى عايز تتضامن معاهو
ده ما ليهو امان ممكن جدا يكون ادى الباص ورد لى زول واتفق معاهو انو بعد ما يديهو الاشارة داك يدخل ويكتب الكلامات دى وهو يكون معاك فى مكتبك اراهن انو فى مخطط زى ده والا ما ممكن الزول السارق الباص ورد يعمل 3 مداخلات فى فترات قريبه لانو مهما طول معاك ح يكون قعد قدر شنو ساعه .. ساعتين لو المساله مطبوخة ما ممكن زول يكتب 3 مداخلات فى وقت واحد وبى شهادتك دى يكون حقق هدفو وكده تكون انت ذاتك وقعت فى حبالو واخدك شاهد عيان .... انا الما عندى مكر ودهاء زى ود الامير ومقارنة بيهو انا مجرد برلومه ممكن اعمل حركة زى دى لو عايزة اثبت لى موضوع بالبينه... المساله بسيطه وما دايره ليها ذكاء لكن يظهر انك بلعت الطعم.
عاين تحت رجليك كويس الطريق مع الزول ده كلو حفر ....
|
Post: #248
Title: Re: يا بورداب الدوحة معتز القريش متشرد
Author: أبو ساندرا
Date: 08-09-2006, 06:23 AM
Parent: #1
Quote: واكرر الاعتذار للاخ ابو ساندرا لنعته بلعنات بدلا عن بركات وهو البركة بعينها وهنا اؤكد انه كان مثلى الاعلى واعلن اعجابى الكثير به ، وحدادا لما اقترفتة من اخطاء فى حقكم اعلن اعتصامى عن الكتابة حتى قبول طلبى ونيل رضاكم
وتانى بقول
الرووووب
الروووووووووووب
الروووووووووووووووب
|
مع إنو الحكمة علمتني أن لا أثق
في الثعلب يومآ إذا لبس ثياب المعتذرينا
فإن حكمة أخرى مضادة قالت لي :
لو الزول جاك منبرش فلا تشوته
راعي حالتو
وأمسحوا
وأصفح
يازول ماعندك مشكلة
بكرة الخميس
إستحم نضيف
وتعال
|
Post: #249
Title: Re: يا بورداب الدوحة معتز القريش متشرد
Author: ابوبكر الامين يوسف
Date: 08-09-2006, 07:57 AM
Parent: #248
Quote: يا جماعة انا بعتذر ليكم بشده واحد واحد وبقول الروووووب الرووووووووب
بعتذر ليكم كلكم
عمران
ضحية
قريش
معاوية
رندا
كيكي
ودرمليه
محمد ابو عاقله
بوب
ابوساندرا
صلاح
عماد
ماهى
نانا
معتصم
وكل الاخوان بلا استثناء
|
ودالامير انت حتما تعرف من اين تؤكل الكتف
ولكن تأكد ان لدى مفاتيح الحل وادخرها ليوم ات
وهاهو اليوم قد اتى فلا تلين ولاتنكسر
وعلى اسوأ الفروض ان تموت واقفا
تنبيه:
تلفونى مغلق لحين
*********************************************
ودرمليه ماتستعمل اسلوب المساومة عشان بتخسر كتير
وستكون الضربة الحاسمة وانت تعرف اننى امتلكها
ودى
|
Post: #251
Title: Re: يا بورداب الدوحة معتز القريش متشرد
Author: معاوية الطيب
Date: 08-09-2006, 10:58 AM
Parent: #1
كتب الاخ بدرالدين هذا البوست الجديد قبل قليل ....
مبروك معتصم .. مبروك خليل .... معكم وبكم نحتفى.
وفية كتب :-
Quote: ولاخوتى البورداب ... احبائى بحزب الحق والمحبة والجمال ... اننى اعتبر هذا الخروف عربون صداقه وصفحه جديده ... وحضوركم يشكل معيارا حقيقيا لتواجدى بينكم.
بهذه المناسبه الكبيره ادعوكم على وليمه (خروف بى حالو) مع جميع مستلزماته فقط حددو الزمان والمكان .. وانا حاضر
ذبدة كلام: اكبر خروف فى السوق مع كل مستلزماتو ... تستاهلو واكتر. |
وهذا خير دليل ان اشاعات فقد الباسورد اشاعة مغرضة ويثبت صحة ما اوردة
الاخ بدر الدين فى المداخلات السابقة ،،،،،
يسقط كل المرجفين والهتيفة والضحايا ،،،،
وهكذا يظل بدر الدين صادقا وشجاعا كما عودنا دائما ،،،،
وشكرا للخروف يافردة ،،،
|
Post: #252
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 08-09-2006, 11:29 AM
Parent: #251
وهكذا انهمرت سماء بدرالدين الممراحة..
وبعد جملة الاعتذارات التي سكبها هنا ورضينا جميعا عنه
والصفح من شيم النبلا..
هاهي سماء بدر الدين تنزل غيثا اخرا..فهذه المرة (خروف)..
عربونا وقربانا للعفو الشامل الذي اطلقته الملهمة (رندوك)..
وعلمنا ان هناك عفوا سيشمل كل المارقيين القدامي..
عمران
ضحية
معتز قريش...
والقصة بقت فيها خروف...وكل خروف وانتم طلقاء..
|
Post: #253
Title: Re: يا بورداب الدوحة معتز القريش متشرد
Author: معاوية الطيب
Date: 08-09-2006, 11:32 AM
Parent: #1
بعد اعتذار الاخ بدر الدين لكل الناس وندمة على مافعل وتقديم خروف كامل بمستلزماتة
عربون قبول اعتذارة
يسر قيادة مركز العمليات الاتى :-
تعليق العمليات الحربية بعملية ( مابعد ما بعد حيفا )
| Quote: ودالامير :تلك هى اللحظات الحاسمة واللبيب بالاشارة يفهم |
تاجيل العمليات الحربية بعملية ( تل ابيب يا لبيب ) الى اجل مسمى ....[/U]
|
Post: #254
Title: Re: يا بورداب الدوحة معتز القريش متشرد
Author: عمران بابكر بدري
Date: 08-09-2006, 12:18 PM
Parent: #253
بداية اشكر جميع اعضاء سودانيز اونلاين
لوقوفهم معي في محنتي بصوره عامة
واخص بالشكر كل اعضاء بورداب الدوحه
وعليه اعلن هدنه حتي تنجلي الامور
وشوية زمن
لدراسة الملفات في الايام السابقة
وعمل التحريات اللازمة.. حتي نعرف
ماذا اصاب الكهل الاربجي .. وماهية الضغوط
التي يتعرض لها في الخفاء
وتقول
مجالس الونسة
انه قد احتلت كل قنواته الاعلامية لاسباب
مجهولة حتي الان
ولكن الان
الفريق حاتم
والعميد ريم
والمقدم مريم سوف يفيدونا باخر التطورات
فترقبوا بيان منتصف الليل
هام جدا جدا جدا
ونحن نعلن مرة اخري ولمصلحة الشعب
ووقف اطلاق النار
لابد من تقاسم السلطة
تقاسما فعليا والا
لاتلمون الا انفسكم حزب ...............؟؟؟!!!!
مشير/ عمران بابكر بدري
|
Post: #255
Title: Re: يا بورداب الدوحة معتز القريش متشرد
Author: عمران بابكر بدري
Date: 08-09-2006, 12:21 PM
Parent: #254
جأنا البيان التنالي
حدد جهاز الكمبيوتر الذي تمت منه
اخر مداخله للكهل الاربجي
وما زالت التحريات جارية
عميد حاتم
|
Post: #256
Title: Re: يا بورداب الدوحة معتز القريش متشرد
Author: معتز القريش
Date: 08-09-2006, 03:47 PM
Parent: #255
[
اسف
|
Post: #257
Title: Re: يا بورداب الدوحة معتز القريش متشرد
Author: معتز القريش
Date: 08-09-2006, 04:35 PM
Parent: #256
كم وكم تحملتنا يا ود الامير
|
Post: #258
Title: Re: يا بورداب الدوحة معتز القريش متشرد
Author: معتز القريش
Date: 08-09-2006, 04:40 PM
Parent: #257
وتعلمت يا ود الامير ان سمو اخلاق دوما يجعلك فوف الصغاير
ياكبير وكم نحن صغار
امام انسانيتك
لقد خدعنى رندا وكيكى
|
Post: #259
Title: Re: يا بورداب الدوحة معتز القريش متشرد
Author: معتز القريش
Date: 08-09-2006, 04:59 PM
Parent: #254
عمران الله يقدرك والله يصبرك
رندوك جنون ملسطة ومعها كيكى
|
Post: #260
Title: Re: يا بورداب الدوحة معتز القريش متشرد
Author: ودرملية
Date: 08-09-2006, 05:51 PM
Parent: #259
كتب ودالقريشQuote: لقد ايقنت كم وكم ان الاستاذ- ضحية رجل وقيم وحسن سلوك
لله مك يارنودك وكيكى
وتعلمت يا ود الامير ان سمو اخلاق دوما يجعلك فوف الصغاير
ياكبير وكم نحن صغار
امام انسانيتك
لقد خدعنى رندا وكيكى
عمران الله يقدرك والله يصبرك
رندوك جنون ملسطة ومعها كيكى
|
لاتعليق
|
Post: #261
Title: Re: يا بورداب الدوحة معتز القريش متشرد
Author: Randa Hatim
Date: 08-10-2006, 02:49 AM
Parent: #260
صدقت والله يا ود رمليه اذ اوجزت واوفيت
لا تعليق ....
|
Post: #262
Title: Re: يا بورداب الدوحة معتز القريش متشرد
Author: بدر الدين الأمير
Date: 08-10-2006, 03:14 AM
Parent: #261
يا جماعه ...اعذرونى انا اليومين ديل تركيزى ضعيف بسبب جلسات الكهرباء العملها ضحية
ود قريش قاعد معاى فى البيت ... وجيت الصباح قبل ما امشى الشغل لقيتو ناسى الكمبيوتر شغال وما طلع من المنبر قمت دخلت وعملت 3 مداخلات بى اسمو اتهمت فيها كيكي ورندا بالتورط فى الموضوع ده ...
ارجوكم اعذرونى مرة تانيه ...
لو فى زول بيعرف ليهو عنوان طبيب امراض نفسية سمعتو كويسه ادينى العنوان بى سرعه انا جد محتاج مساعدتكم فى المرحلة دى ..
انا هسى بتعالج عند دكتوره فاطمة لكن هسى هى بره قطر وانا حاسس انو الحاله اتفاقمت ارجوكم ساعدونى لغاية ما ترجع ..
ذبدة كلام: انا تعبت شديد من حالة انفصام الشخصية العندى لازم اتعالج
|
Post: #263
Title: Re: يا بورداب الدوحة معتز القريش متشرد
Author: عمران بابكر بدري
Date: 08-10-2006, 03:56 AM
Parent: #262
لقد عز علينا
ان نجد الكهل الاربجي مكتوف الايدي
نعم
انه كهل ولكنه يعز علينا فعلا
اقوم الان ببعض الاتصالات لحل هذه المعضله
وسوف يتم الاتصال.. بالجناة
وفي خلال ساعة اذا لم ترجع باص ورد بدرالدين
هناك بيان فضائح تام لاصوت والصورة
مشير عمران
|
Post: #264
Title: Re: يا بورداب الدوحة معتز القريش متشرد
Author: معتز القريش
Date: 08-10-2006, 04:47 AM
Parent: #263
| Quote: ودالقريش دا الليلة مالو ياجماعة ؟!!!!! |
والله ود القريش ما كتب اي حاجة من المداخلات الفاتت دي .
فقد قام المدعو ود الأمير الشيطان الأكبر باستغلال وجودي معه في شقته وكنت أكتب مداخلة أبين فيها كذب الكهل ود الأمير على العزيز معاوية (قام المدعو بمسحها) . ونسيت أن أخرج من البورد وقام الشيطان الأكبر بكتابة تلك المداخلات الغريبة باسمي .
زبدة الكلام : هل أنا جنيت عشان أشكر ود الأمير ـ هل الراكوبة تشكر في الخريف .
ود الأمير : أنا مستعد للطرد .
|
Post: #265
Title: Re: يا بورداب الدوحة معتز القريش متشرد
Author: عمران بابكر بدري
Date: 08-10-2006, 05:44 AM
Parent: #264
بيان
هام
رجعت باص ورد ود الامير
مبرك
مشير عمران
كلام في السر: انا غيرتا الباص ورد خاصتي
خوفا عليها من غيرة الاشرار
مشير عمران
|
Post: #266
Title: Re: يا بورداب الدوحة معتز القريش متشرد
Author: بدر الدين الأمير
Date: 08-10-2006, 06:22 AM
Parent: #265
هلا ..هلا .. هلا وغلا
شو اخباركم
اشلونكم والله الكم وحشه
الك وحشة يا ابو ضحكة حلوه ... تعودنا عليك اشلون بلوى
ترى والله ياها الربع دريت انكم فقدتونى .. ما تفقدون عزيز ان شاء الله
بس الواحد شو يقول ربنا على الظالم والمفترى
ديرو بالكم ترى ها الدنيا مالها امان ...
واشوفكم ان شاء الله باكر بدارى واهلا وسهلا فيكم كلكم.
ذبدة كلام: المهلى ما يولى ... المهلى ما يولى
|
Post: #267
Title: Re: يا بورداب الدوحة معتز القريش متشرد
Author: ودرملية
Date: 08-10-2006, 04:36 PM
Parent: #266
سلامات
وعوافي
هلا هلا يا الامير الليلة انا عارفك مركب مكنة "فينيقيين" وكدا ..
عقبالينا ياحبيب ..
|
Post: #268
Title: Re: يا بورداب الدوحة معتز القريش متشرد
Author: Randa Hatim
Date: 08-13-2006, 07:01 AM
Parent: #267
معتز القريش يا اخوانا ما في ليهو امان
جهازنا ضربو فيروس وخلاهو جد تعبان
قلنا دايرين زولا خبير يسوي ليهو اسكان
واتبرع الغدار قال انا خبير فنان
وانا واقفه اضيف فوقو بى طيبة اهلنا زمان
قام اللئيم غدرنى واستعجل الزوغان
اتارى غير الباسوورد من بروفايلى بالخفيان
وصبحت بلا ID ومافى لنك كمان
والليله ساومنى قال لى تكتبى بيان
او قصيدة جميله تقولى ود القريش فنان
لكن ابد والله ما بمدح الشيطان
الشاورما ما تنفعك وتسوى ليك غثيان
والطعميه تقيف فى حلقك وتحلف من البلعان
والميرندا تسمك سم يودوك حمد تعبان
تفضل دوام متشرد ما تلقى ليك اسكان
وعلاجك الوحيد ترجع باسووردى زى ما كان
|
Post: #269
Title: Re: يا بورداب الدوحة معتز القريش متشرد
Author: معتز القريش
Date: 09-10-2006, 01:29 PM
Parent: #268
يا ناس هوووووووي
أنا لسة متشرد والريس ما فاضي الا لكتابة الشعر الهجائي
خلاص أنا ح أطلّق وأفقد جميع الحريم اللي في عصمتي
واللي لسه ح يبقو في عصمتي
أنا في ورطة أرجووووووووووكم ساعدوني
|
Post: #270
Title: Re: يا بورداب الدوحة معتز القريش متشرد
Author: عبدالكريم الامين احمد
Date: 09-10-2006, 02:06 PM
Parent: #269
هلا بالتشرد..
وهل لازلت متشردا..اذن خم وصر قالوا قبل الاسياد (الاولمبياد الاسيوية ) بشهرين
مافي قطري سكن ليهو زول...
شوف ضحية مابقصر معاك..رندوك في العمرة وبدرالدين بقي بتاع زبدة كلام ساكت ودرملية
في بيات..صلاح عبدالله في السودان ..في واحد جاء اليومين ديل اسمو فيصل عباس
|
Post: #271
Title: Re: يا بورداب الدوحة معتز القريش متشرد
Author: معتز القريش
Date: 09-18-2006, 02:05 AM
Parent: #270
| Quote: شوف ضحية مابقصر معاك.. |
ضحية يا سيدي سفر أولاده اجازة وأجر البيت لمنو والله ما عارف
لكن سواها شينة صاح
لو كان عاوز مقدم كان يقول وانحنا حاضرين
لكن اسويها بالدس كدي
عليك الله ما شينة منو؟
|
|
