Post: #1
Title: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-30-2006, 01:06 AM
الفن خياله واسع بحر ممتد لب لب لب وعند الثوابت تأتي لكن
والخوف الاكبر من ثوابت لكن هذه!!!!!!!!!!!!!!!!!!
واي ثوابت هي
آل الميرغني
آل المهدي
أدعياء الاستنارة من حواري الجماعة ديل ردود أفعالهم لمسائل وقضايا
كان فيها خدش للإسلام لمن تكن بحجم غضبهم على جماعة الأسياد
ويأتي من يتحدث لك عن الحرية الشخصية ويجب عدم التعرض لها.... الخ من
حديث لا طعم ولا رائحة له
أي حرية شخصية تتحدثون عنها لإفراد قيادات اختارت ان تتدخل فى مصائر الخلق
وليت كان الاداء بمستوى الرغبة فى القيادة يا ليت وش حزين جدا جدا جدا
قيادات أصبحت تمسي وتصبح وهي تتقرب زلفى من جماعات الإنقاذ
ال ايه ال بنخدم ونؤدي فى رسالتنا عبر المؤسسات المدنية يا عالم اختشوا
هذا ما كشفته ريشة خالد كودي
انو المشكلة ما مع جماعات الهوس الديني
المشكلة مع عقلية جماعة سيدي
الدين نقي بفضح كل من يحاول استغلاله
لكن ناس عقلية سيدي ديل البفضحهم منو ؟؟؟؟؟
|
Post: #2
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: نادر
Date: 07-30-2006, 01:12 AM
Parent: #1
Quote: قيادات أصبحت تمسي وتصبح وهي تتقرب زلفى من جماعات الإنقاذ
ال ايه ال بنخدم ونؤدي فى رسالتنا عبر المؤسسات المدنية يا عالم اختشوا
|
السنجك الحريف ... وهل أصيبت كبد الحقيقة كما أصبتها الآن؟؟ لافض الله فوك
|
Post: #3
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-30-2006, 03:53 AM
Parent: #2
العزيز نادر
الحقيقة كثيرا ما تكون واضحة امامنا
لكن للاسف فى ناس بتتعمد انو ما تشوفها
غايتو انحسر الثوب
وظهر مكان المرض الحقيقي
والناس الكان بتتكلم عن سودان جديد
وعن حرية تعبير الفنان وعن تكميم الانقاذ
للافواه طلعوا اشااااعة سااي
غايتو ريشة خالد كودي دي شغلها رهيب ووضعت اعداد هائلة
من المستنيرين فى كريتيكال بوسيشن
دي ريشة سحرية
|
Post: #4
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: عبداللطيف خليل محمد على
Date: 07-30-2006, 04:00 AM
Parent: #3
السنجك : كيفنك ؟ انت و الشباب ؟ عساكم بخير .
مريت شان أسلم و أقول كيف الحال .؟
تحياتي ..
|
Post: #5
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-30-2006, 04:30 AM
Parent: #4
عبداللطيف سلام وكيف اخبارك
الايام الفاتت مختفي لعل المانع خير ؟
الشباب كلهم بخير والحمدلله
تحياتي
|
Post: #6
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-30-2006, 05:27 AM
Parent: #1
كدي نعمل فلاش باااك كده شوية
ونتخيل المشهد التالي
انو خالد كودي رسم لوحة للبشير عرياااان
حواريو الاتحادي والأنصار
ردود أفعالهم كان حتكون كيف؟؟؟
نخلي مشهد الفلاش بااك دا
و نقوم نغوص فى فلسفة اعمال كودي الفنية وعلاقتها بالتراث
عندي حبوبتي عندها مثل
بشبه أعمال خالد كودي الأخيرة دي
واعتقد انو خالد كودي استمد فكرة الاعمال الاخيرة
دي من المثل او كان المثل له دور فى الهامه بفكرة اللوحات
المثل :-
عريان ولابس برنيطة
كنت بعتبره مثل كيوت على لسانها ومعبر وفيه وصف
لحالة التسلق والتشعبيط بدقة متناهية
كان بتقولو لاي واحد فقران ومصر يظهر بمظهر الغني
يعني أعمال خالد كودي الأخيرة دي لها علاقة وثيقة بالتراث كمان
يعني ريشته لم تأتي شيئا فريا كما تدعون
خاصة انو العلاقة بين حالة العري وحالة قيادات الاتحادي والأنصار
فى الوضع الراهن موجودة لم يصنعها او يلفقها الفنان من بنات أفكاره
فحالهم اليوم عبارة عن تسلق وجري وتشعبيط للحاق بركب الانقاذ وتقديم
فروض الطاعة ليهم وهم لابسين البرنيطة.
فما كان من الفنان الا ان رفع الغطاء بريشته لكي نرى حالة العري الحاصلة
لهذه القيادات ليس إلا
وللاسف انطبق مثل حبوبة على الجماعة الاسياد
عريان ولابس برنيطة
|
Post: #7
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: ahmed haneen
Date: 07-30-2006, 05:30 AM
Parent: #1
السنجك
سلامات
Quote: أدعياء الاستنارة من حواري الجماعة ديل ردود أفعالهم لمسائل وقضايا
كان فيها خدش للإسلام لمن تكن بحجم غضبهم على جماعة الأسياد |
Quote: انو المشكلة ما مع جماعات الهوس الديني
المشكلة مع عقلية جماعة سيدي |
وبحذرك يا سنجك
اتكلم في اي حاجة ..
بس اوعك تهبش مولانا
وابعد عن سب الذات المرغنية
|
Post: #11
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: A.Razek Althalib
Date: 07-30-2006, 07:04 AM
Parent: #7
| Quote: وابعد عن سب الذات المرغنية |
يا صاحبي أحمد حنين..
بنعصركـ هسعي..
بترجع تقول حاشاي يا جني حشاي..
بطل محاشاة..
خالد كودي مسترزق..
|
Post: #13
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: hanadi yousif
Date: 07-30-2006, 07:43 AM
Parent: #11
دي على وزن محصل
|
Post: #17
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-31-2006, 00:43 AM
Parent: #7
احمد حنين
Quote: اتكلم في اي حاجة ..
بس اوعك تهبش مولانا |
والله عندنا كبير الله بس
|
Post: #8
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: Adrob abubakr
Date: 07-30-2006, 06:32 AM
Parent: #1
السنجك سلامات
| Quote: المشكلة مع عقلية جماعة سيدي |
لأول مرة أصبت كبد الحقيقة وأفتكر ده من حسنات الفنان خالد كودي
إلا أنفض عنك الغبار عنك وودع السودان القديم...ومعا لكسر القيود لتعرية الديناصورات الظلمة والمتاجرين بمعاناة شعبنا والمستغلين لطيبتنا وبساطتنا!!!!
عرفت فالزم!
|
Post: #10
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: عبد الله عقيد
Date: 07-30-2006, 06:55 AM
Parent: #8
| Quote: لأول مرة أصبت كبد الحقيقة وأفتكر ده من حسنات الفنان خالد كودي |
تستاهل يا السنجك..
|
Post: #9
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: هاشم نوريت
Date: 07-30-2006, 06:49 AM
Parent: #1
السنجك
دبايوا
Quote: انو المشكلة ما مع جماعات الهوس الديني
المشكلة مع عقلية جماعة سيدي
الدين نقي بفضح كل من يحاول استغلاله
|
تسلم ايد السنجك طبعا ديل ناس سيدى الماعندهم فى الدنيا كبير غير سيدى صدقنى لو حصل اى شى او اى انسان مهما كتب عن الدين بسوء ما بتحركو بس سيدى دا يجى جنبو هواء السكاليب تقوم انساهم
ديل ايتام السودان القديم واصلو قالوا الفطامة صعبة.
وبعدين يتحدثوا عن الجبهة وتجارة الدين وديل ما عندهم غير تجارة الدين وتغبيش الوعى عشان
نقاطتهم تمشى صدقات ساى يبنوا قصور ربنا يهدها على رؤوسهم.
وتانى تسلم
|
Post: #20
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-31-2006, 02:00 AM
Parent: #9
الاخ هاشم نوريت
تسلم
وتأكد ان الظلام الحقيقي متحكر هنا
|
Post: #12
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: Adrob abubakr
Date: 07-30-2006, 07:40 AM
Parent: #1
عقيد
| Quote: تستاهل يا السنجك.. |
وإنت لابد مالك؟؟!!!
الراجل إهتدي وقلنا نبارك ليهو
إنت جاي هس تمخها ليه!
|
Post: #15
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: عصام أحمد
Date: 07-30-2006, 11:30 PM
Parent: #14
UP
|
Post: #16
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: Tragie Mustafa
Date: 07-30-2006, 11:43 PM
Parent: #15
السنجك سلام
يازول انت طلعته مسخوت مالك كل السناجك ختميه؟؟؟
حبوبتك الله يديها العافيه كان حيه ويرحمها كان متوفيه:
| Quote: عريان ولابس برنيطة |
بعدين كلمة عرى دي ما قلنا لكم خلوها اليومين ديل
دي بقت بتدوي الآخره,واحتمال تلحقنا الاستاذ محمود محمد طه.
تراجي.
|
Post: #18
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-31-2006, 00:58 AM
Parent: #1
Quote: لأول مرة أصبت كبد الحقيقة وأفتكر ده من حسنات الفنان خالد كودي
إلا أنفض عنك الغبار عنك وودع السودان القديم...ومعا لكسر القيود لتعرية الديناصورات الظلمة والمتاجرين بمعاناة شعبنا والمستغلين لطيبتنا وبساطتنا!!!! |
الغبار للأسف فى عيون قوى الاستنارة بشكل عام فى المنبر
اتمنى ان تكون الصورة اتضحت لكم جيدا بعد الدرس وعرفتو
يعني ايه أشباه وأنصاف مستنيرين يا ادروب
عندما تستقيم الاستنارة وتعتدل لن يكون الظلام قوى ابدا
وتأكد
عندها فقط سوف تكون لأعمال خالد كودي حسنات حقيقة
|
Post: #19
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-31-2006, 01:14 AM
Parent: #1
عبدالله عقيد
| Quote: تستاهل يا السنجك.. |
اها المفروض شنو اتحرج وازعل مثلا
واقول يا ريت ما قلت كلامي الفوق دا
لاني مختلف مع خالد كودي فى مفاهيم كتيرة
اها ايه رايك تعرف كل اختلافاتي مع خالد كودي
بتتضاءل امام ما كشفه بأعماله الاخيرة
ومش السنجك بس المفروض اي وطني حقيقي يقف
عندها ويفضح العقلية دي
تعرف يا عبدالله تعليقك دا فعلا بأكد لي
حاجة وحدة بس انو 90% من اعضاء المنبر
دا الواحد لمن يجي يكتب راي بفكر
يا فى فلانة او علان او جماعة فلان
ودي البخليني اقول دائما انو الادب وقصة
الحوار لا يفسد للود قضية دي مسألة صعبة علينا
لانو بنعرف نكررها كلام بس لكن ما بنعرف نمارسها
السنجك دا عندو راي لمن يقتنع بيهو بكتبو
ما بهمو يحبو منو ولا يكرهو منو
|
Post: #21
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 07-31-2006, 02:53 AM
Parent: #1
الاخ كمال عباس سلام
خليني من الشخيط العملتو تراجي
كتبت
Quote: لسنا ضد النقد أيا كانت أدواته شعرا أو نثرا وتعليقا كارو كاتيريا..... متي ما كان يحمل رسالة ويعبر عن قضية وطالما
يبتعد عن الاسفاف والابتزال والفجاجة والتسطيح ..... |
الجزء الاول من حديثك متوقع منك كممثل لقوى الاستنارة فى المنبر كما عهدتك
لكن الجزء التاني دا بصدم عديل كده وبرجعنا للمربع الاول سبب البوست بتاعي دا وبدرجك
مع البقصدهم للاسف الشديد بدون اي تحفظ
وهو
هل هنالك ابتزال واسفاف وفجاجة وتسطيح ولعب بالعقول وتسلق وسعي للسلطة
اكتر من البعملو فيهو الاتحاديين والانصار فى الوقت الراهن مع الانقاذيين؟
اخي كمال انت كمستنير من المفترض تدرك تماما سبب فلسفة الصدمة الذي اتبعه
خالد كودي فى لوحاته وكما اسلفت الصدمة حدثت قبل لوحاته حدثت عندما بدأت
احزابنا السياسية تساوم على السلطة مع سارقها
كمال عباس انت ما محتاج اقول ليك الكلام دا لانو انت اعلم به جيدا
ولم يرتاح قلمك لدقيقة واحدة وانت تتحدث عن هذا النظام وعن قوى الظلام
اين ذهبت حرية التعبير
اذا افترضنا جدلا ان ما قدمه خالد كودي بشعا
فهذا الواقع هكذا هو بشع بن بشع
فمن نهاجم كودي ام الواقع ؟؟؟؟
|
Post: #23
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: kamalabas
Date: 07-31-2006, 06:54 AM
Parent: #1
عزيزي السنجك
تحياتي
.... أختلفت وأختلف من دون مواربة مع القوي السياسية بما فيها الاتحادي
في مسألة التعامل مع الانقاذ بهذه الصورة
وقلت أن المشاركة أو التعامل مع الانقاذ - بهذه الصورة - من قبل القوي الوطنية
يجعلها تمومة جرتق ومجرد ديكور لتزيين وجه الانقاذوأضفاء شرعية
زائفة عليها وأيهام الرأي العام داخليا وخارجيا بأن تغيرا جوهريا
قد طراء علي طبيعة الانقاذ....الخ
.....موضوع خالد كودي
.....ثبت حقه في التعبير في أطار ما يحكمنا من لوائح وقوانيين
وأحتفظت بحقي في نقد أسلوب كودي......وهو أمر أغضب أنصار كودي أو
بعضهم ....فهم قد وضعوه فوق مصاف النقد والتقييم.......
,.....
وقد قمت بحصر نقاط نقدي للعمل في بوست الشائقي ولخصتها في بوست
تراجيئ.......ومهما يكن فهي رؤيتي وقرأ ءتي الخاصة والتي قد لا تتطابق بالضرورة مع غيري.......
أرجو أن أكون قد أو ضحت موقفي بما يكفي
ولك التقدير
كمال
|
Post: #24
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: lana mahdi
Date: 07-31-2006, 07:11 AM
Parent: #1
Quote: هل هنالك ابتزال واسفاف وفجاجة وتسطيح ولعب بالعقول وتسلق وسعي للسلطة
اكتر من البعملو فيهو الاتحاديين والانصار فى الوقت الراهن مع الانقاذيين؟ |
عارف يا السنجك
كلامك الفوق دة من قبيل الما بيريدك بيحدر ليك في الضلمة
الأنصار وين تسلقوا و سعوا للسلطة؟(أظنك قاصد حزب الأمة القومي)
الغريبة تعيب على الأنصار ما لم يفعلوه بينما الحركة الشعبية شريك ثنائي في السلطة المزعلاك دي
ولم تنبس ببنت شفة ضدها
ولم توصمها بالإبتزال و الإسفاف و الفجاجة واللعب بالعقول و التسلق.
ودة هو الكيل بمكيالين:يعي لمن تجي على حبيبي أمررها(بمعنى أتساهل و أطنش)ولمن تجي على عدوي أمررها(بمعنى أجعلها علقماًمُرّة)
حزب الأمة القومي رايه في نيفاشا و في المشاركة في السلطة واضح و موثق
أرجو ألا تجرفنا أهواء النفس و الشطط بعيداً عن الحق و الموضوعية
نجي لنمرة 2
فعلاً كشفت رسومات كودي المشكلة الحقيقية
وهي أن أدعياء الإستنارة و الديمقراطية ليهم مكيالين
الديمقراطية طالما تحقق مآربهم فهم معها
حرية التعبير غير المشروطة طالما تحقق مآربهم هم معها
(زي حرية تعبير الراية و ألوان في الديمقراطية)
ولو انعكست الآية و كان من تم رسمه أحد التابوهات المقدسة لدى أدعياء الإستنارة لقامت الدنيا و لم تقعد
ودي هي أزمة السودان!!!
ثم أن الرسومات حققت مكسباً كبيراً و هو كشف اللهاث وراء الحركة باعتبارها-في ظن اللاهثين-الفرس الرابح!!ويا للتهافت!!!
جماعة (سيدي)القدام مشكلتهم مقدور عليها،الدور و الباقي جماعة (سيدي) الجدد ،قسرعان ما يكتشفون أن(سيدي) صنم عجوة سيلتهمونه عند أول بادرة جوع!!
مع حق كودي في التعبير بحيث لا يتعارض مع حقوق الآخرين
لنا
|
Post: #25
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: أحمد الشايقي
Date: 07-31-2006, 07:16 AM
Parent: #1
كدي شــوف دا يا ابن العــم,
الرسام السودانى الطفل المعجزة!
|
Post: #26
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: gamal elsadig
Date: 07-31-2006, 07:32 AM
Parent: #25
..
ريشة كودي الرديئة كشفت وعرت من يتفق معها فقط ....
لافكر لا افكار تبدو عندهم
سوى تل من الحقد القديم و الخواء
رغم الخروج على الادب و الاحترام سيظل الحزب الاتحادي وقيادته متمسكا بكل مبادئه الوطنيه وستظل جماهيره تدافع عن هذه القيم و المبادئ بكل قوة ....
وليذهب دعاة العري و التعري الى (نادي العراة) ....
وسيظل السيد محمد عثمان الميرغني متدثرا بثوب العفة و الفضيلة يحمل هم هذا الوطن ومواطنيه متمسكا بالسيادة الوطنية التي صنعها الجيل الاول في هذا الحزب العريق جيل الاستقلال جيل التضحيات و البطولات ...
وسنظل نحاور ونجادل في هذا المنبر من اراد الحوار بادب و احترام متمسكين ايضا بمبادئنا وللاخرين الحق في الاختلاف معنا (بادب واحترام)
..
|
Post: #27
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: عبد الله عقيد
Date: 07-31-2006, 07:42 AM
Parent: #1
الأخ السنجك تحية
طبعا ما عايزك تزعل ولا تندم علي الكتبتو ولا حاجة..
ولا متوقعك ترد على تعليقي..
لأنو أنا كتبتو لي أدروب أكثر مما كتبتو ليك..
وأدروب فهمها ورد علي.. فقد كان شكره لك نوعا من
(الذم فيما يشبه المدح)..
وقد لخص كل أفكارك (أعلاه) باعتبارها نتاج للدرس الذي تفضل عليك
به الفنان خالد كودي..
الأخ السنجك
كلامك صاح
العبارة الصغيرة دي.. أنا قصدت منها الإشارة
لمفهوم انت اتوصلت ليهو (والحمد لله) في ردك علي..
وهو أن الطرح في هذا المنبر، في الغالب يرتبط بالنظر
للعلاقات والارتباطات، ولا ينطلق من الفكرة المجردة.
رؤيتك التي طرحتها في مقدمة البوست صحيحة
أنا أتفق معها (وإلا لانتقدتها).. ولكن فيها مفارقة
تطرقت لها الأستاذة لنا مهدي وآخرون..
وهي أن (الرموز) في النهاية (رموز) لو كانت رموز دينية أو سياسية
أو (خزعبلاتية).. ومن حق أي زول يكون عندو رمز يقدره ويعتز به
وليس من حقنا (تعرية) هذا الرمز (إلا بالحق)..
وأنت شخصيا لديك رموزك التي لن ترضى أن يعريها احد
(احتمال) يعني..
تقديري
بالمناسبة
عبارة (تستاهل) دي، سمعتها في نكتة.. وهي أن بعض الزملاء
في الجامعة من أبناء الخرطوم (الوجيهين) ولهم صديقهم من (الأقاليم)..
كان أحدهم غاضبا منه، فلقيه ذات مرة وبرفقته ابن عم له (شين ومعشكب).
فسأل ود الخرطوم زميله ود الأقاليم (دا منو المعاك دا؟) فرد عليه
بانه ابن عمه.. فسارع ود الخرطوم قائلا له (تستاهل..)
|
Post: #28
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: هاشم نوريت
Date: 07-31-2006, 07:50 AM
Parent: #27
السنجك الشايقية والبجا ضحايا تجار الدين المقدسين من قبل بعض بقايا السودان القديم ولكن ما صدمنى والمنى ان يقف كمال عباس مع هذا التخلف كنت واضع له صورة افضل وحتى الان اتهرب من مداخلة له لاننى مصدوم فيه ان يقف مع تقديس البشر ويكون فى فريق دعاة تقبيل الايادى والزحف على الركب تحت الاسياد واعتقد بعد هذا لن ينفع كمال منطقة ولا عقلانيته سبحان الله مقلب القلوب.
|
Post: #30
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: Tragie Mustafa
Date: 07-31-2006, 03:09 PM
Parent: #29
Quote:
اها ايه رايك تعرف كل اختلافاتي مع خالد كودي
بتتضاءل امام ما كشفه بأعماله الاخيرة
|
تراجي.
|
Post: #31
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 08-01-2006, 00:52 AM
Parent: #1
Quote: عارف يا السنجك
كلامك الفوق دة من قبيل الما بيريدك بيحدر ليك في الضلمة
الأنصار وين تسلقوا و سعوا للسلطة؟(أظنك قاصد حزب الأمة القومي)
الغريبة تعيب على الأنصار ما لم يفعلوه بينما الحركة الشعبية شريك ثنائي في السلطة المزعلاك دي
ولم تنبس ببنت شفة ضدها
ولم توصمها بالإبتزال و الإسفاف و الفجاجة واللعب بالعقول و التسلق.
ودة هو الكيل بمكيالين:يعي لمن تجي على حبيبي أمررها(بمعنى أتساهل و أطنش)ولمن تجي على عدوي أمررها(بمعنى أجعلها علقماًمُرّة) |
العزيزة لنا
حابدا من قولك
Quote: الغريبة تعيب على الأنصار ما لم يفعلوه بينما الحركة الشعبية شريك ثنائي في السلطة المزعلاك دي
ولم تنبس ببنت شفة ضدها |
الكلام دا للسنجك بالغتي عديل يا لنا
السنجك مسألة الكيل بمكيالين دي ما بعرفها وما حصل اتعرف عليها
راجعي اي بوست عندو فيهو مشاركة فى المنبر دا وخاصة بوستات الاخت تراجي
والاخ دينق
تحديدا
ولا اقول ليك راجعي بوست بتاعي بعنوان ما الفرق بين دينق ومحمد حامد جمعة
الهدد فيهو محمد حامد جمعة الاخ بقال وتوعده
وهذا قليل من كثير يعكس موقفي الصارم جدا فى تقديم اي نوع
من انواع التنازل لحكومة الانقاذ وتحت اي مسمى
لنا دي بالغتي فيها والله واراهنك لو واحد بس من كل اعضاء المنبر اتفق
معاك فى الحتة دي ناهيك عن انو يثبتها. دي قووية يا لنا
كتبت
| Quote: الأنصار وين تسلقوا و سعوا للسلطة؟(أظنك قاصد حزب الأمة القومي) |
عزيزتي لنا
فى ادبياتي وقناعتي انهم توأم سيامي اي محاولة للفصل بينهم ومهما كانت مهارة
الجراح نتيجتو فى النهاية واحدة وهي تشويه اكثر مما هو عليه وزوال للجسد الروحي
الرابطهم ببعض وللابد
تحياتي عزيزتي لنا
|
Post: #32
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: alsngaq
Date: 08-01-2006, 02:47 AM
Parent: #1
اللينك لعزيزة لنا
الفرق شنو بين الاخ دينق و الاخ محمد حامد جمعه ؟؟؟؟
ودا لاني ما بحب اعاين للفيل واطعن فى ظله
وجهت سهامي مباشرة للاخ دينق تحديدا كممثل ومدافع عن الحركة الشعبية فى المنبر
تحياتي
|
Post: #33
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: lana mahdi
Date: 08-01-2006, 06:32 AM
Parent: #32
| Quote: السنجك مسألة الكيل بمكيالين دي ما بعرفها وما حصل اتعرف عليها |
أنا ما بتكلم عن خطك في المنبر يا حبيب
لأن خطك أصلا عديل وواضح
أنا بتكلم في البوست دة بالتحديد ظلمت الأنصار و حزب الأمة في جزئية نقدك لهم في ناحية التكالب على السلطةوهو ما يجافي الواقع
وتركت مقاسمي الإنقاذ السلطة في حالهم
بل و تركت حتى المشاركين في السلطة التشريعية من بقية أحزاب التجمع
فكلامي حدوده هذا البوست
لنا
|
Post: #34
Title: Re: هذا ما كشفته ريشة خالد كودي - المشكلة الحقيقة ليست جماعة الهوس الديني
Author: Adrob abubakr
Date: 08-01-2006, 02:00 PM
Parent: #1
يا سلام يا السنجك!!!!!!!!!!!!
الآن أنام قرير العين!
|
|