وزارة المراة والطفل لمجموعة مناوي بالله شوفوا المهزلة والاستفزاز

تعـــــديـــل وزاري محـــــدود في الطـــريق
علمت السوداني من مصادر موثوقة ان تعديلاً محدوداً سيجري على الحكومة الاتحادية لاستيعاب ممثلي الحركات المسلحة في دارفور حسب مانص عليه اتفاق ابوجا وقالت المصادر ان المشاورات داخل اجهزة الحزب الحاكم قطعت اشواطاً مقدرة حيث ترى بعض القيادات ضرورة إسناد وزارة الرعاية الاجتماعية والمرأة والطفل للحركات المسلحة باعتبارها الوزارة المعنية بقطاع الرعاية بينما ترى مجموعة أخرى ان تعطى الحركات المسلحة وزارة الإعلام والإتصالات بإعتبار أنها وزارة سيادية وكشفت المصادر أن هناك اتفاقاً تاماً داخل المؤتمر الوطني على إعطاء الحركات وزارة الدولة بوزارة المالية إضافة إلى احدى وزارات الدولة الأخرى، وقالت المصادر إن الحركات سترشح احد ممثليها لشغل منصب والي ولاية جنوب دارفور خلفاً للأستاذ الحاج عطا المنان الذي تطالب به جهات عديدة في المركز لشغل منصب والي الخرطوم او وزير دولة بالنقل والطرق والجسور وكان الاستاذ الحاج عطا المنان قد طالب صناع القرار بضرورة إعفائه بعد اتفاق أبوجا ليتفرغ لأعمال أخرى بينما ترى قيادات نافذة بالمؤتمر الوطني أن الخبرات التي اكتسبها الحاج عطا المنان يجب ان يستفاد منها في مواقع تنفيذية اخرى. ويتوقع أن يحدث تعديل في وزارة سيادية تابعة للمؤتمر الوطني ليتولى وزيرها منصب والي ولاية وسطية والتي من المرجح أن يتقلد واليها الحالي منصب سفير في احدى الدول العربية الرئيسة في المنطقة. وحسب اتفاق أبوجا تحصل الحركة على منصب مساعد أول لرئيس الجمهورية إلى جانب تسعة مقاعد في المجلس الوطني ومنصب والي في احدى ولايات دارفور ونائبي والي في كل من الولايتين الأخريين في نطاق دارفور كذلك تمثيل في حكومات ولايات دارفور والعاصمة القومية.

الخرطوم: رحاب طه

من يشغل هذه الوزارة ؟؟؟؟؟؟؟؟؟؟؟؟؟؟

ياربي يكون محجوب حسين ولا يكون منو وزيراً للرعاية الاجتماعية والمراة والطفل؟؟؟

بقال ماتزعل انا حاكلم مناوي يديك وزير امن المطاعم والسلخانات

وزارة الإعلام والإتصالات بإعتبار أنها وزارة سيادية
وعمى الزهاوى حيمشى وين

Quote: وزارة الإعلام والإتصالات بإعتبار أنها وزارة سيادية وعمى الزهاوى حيمشى وين

يمشي الشارع ولا يرجع لامام الصادق المهدي ولا يجيكم انتو بهناك حتقبلوه معاكم ولا
ما تقبلوه ؟؟؟ كدا شاور مبارك الفاضل

يابقال حسه اية رايك لوكان خليل ابراهيم وقع ماكان برضو حيشيل الوزارة دى
بقال انت حاسد ولا بغران

دكتور خليل ما حيوقع اصلاً وهو عارف المهازل دي

رغم اختلافي مع مجموعة مناوي الا انني لا اقبل لهم بهذه الاهانة والاستفزاز
ولكن هذا هو قدر من يأتي زليلاً لهذه الحكومة

يمشي الشارع ولا يرجع لامام الصادق المهدي ولا يجيكم انتو بهناك حتقبلوه معاكم ولا
ما تقبلوه ؟؟؟ كدا شاور مبارك الفاضل
بس بشرط يعقد مؤتمر صحفى يكشف دفعو ليهو كم

انا محتار في منو البيبقي وزير للمراة والطفل من مجموعة مناوي

انا محتار في منو البيبقي وزير للمراة والطفل من مجموعة مناوي
احتار كويس ياخوى لانو ديل لوقبلو بالوزارة دى يكونو نسو القضية الاساسية

Quote: احتار كويس ياخوى لانو ديل لوقبلو بالوزارة دى يكونو نسو القضية الاساسية

يا محمد عادل ديل نسو القضية من يوم توقيعهم علي مهزلة ابوجا

ليه ما يدوهم وزارة المالية , الطاقة والتعدين , التجارة الخاجية , وزارة مجلس الوزراء
وزارة رئاسة الجمهوية , وزارة الاستثمار ,وزارة الدفاع , وزارة الداخلية , وزارة الخارجية
ولا اي واحدة من الوزارات السيادية والاقتصادية ولا اي وزارة من الوزارات السيادية والاقتصادية
المعروفة بالبلاد ,, عندما يأتي الانسان ذليل لهذه الحكومة يذله اكثر ويستهتر به كما هو حال
هؤلاء قال وزارة المراة والطفل قال ؟؟؟ يالها من مهزلة واستفزاز

بتتسائل يا ابراهيم بقال ....التقول ما عارف الوزيره منو؟؟؟؟؟

Quote: وزارة الرعاية الاجتماعية والمرأة والطفل للحركات المسلحة

انت شايف في امرأه ضمن وفد المقدمه غير ...عروستنا سلمى التجاني....

مبروك الوزاره يا سلمى......

اولا يفترض ضمنيا انتمائها للحركه بحكم زواجها من رجل مهم بالحركه

وعشان نثبت اكثر للجلابه اننا ما عنصرين حيظهر تيار قوي ينادي

بتولي اختنا سلمى التجاني للوزراه.....

وسينبري اكثر من بوق ومطبل ليدافع عن المامها بالواقع الدارفوري

وليس اكثر من زياراتها الميدانيه وقت كان الميدان مشتعل .....

وشجاعتها ووطنيتها.....وكفأتها....

وعشان نثبت اننا ما تخلفين ولسنا ضد المرأه وقضايا الجندر.....

.....مبروك سلمى التجاني.....فهذه اقل مكأفاة تستحقينها من شعبك اقصد حكومتك....

فهذا اقل ما تستحقينه لقيادتك لتيار الحوار العقلاني...اقصد الاستسلامي داخل الحركه

الذي ادى للتطبيع ,,اقصد التوقيع مع حكومة الخرطوم.....

تراجي.

انت شايف في امرأه ضمن وفد المقدمه غير ...عروستنا سلمى التجاني....

مبروك الوزاره يا سلمى......

الصحفية العرسوها هناك ولا وحده غيره
غايتو ياناس دارفور نسكت بس ونعاين

شفته يا محمد عادل نحن كرماء كيف

بنعمل بالمثل بتاع

(يا ضيفنا لو زرتنا لوجدتنا نحن الضيوف وانت رب المنزل)

يعني تجينا زياره واحد نعرس لك مننا وكمان نديك وزارتنا الشلنا عشانها

السلاح وكتلنا الشباب زي المافي شيئ....

يا زول الكرم ماحقنا...

انت بس زورنا.

تراجي.

Quote: انت شايف في امرأه ضمن وفد المقدمه غير ...عروستنا سلمى التجاني.... مبروك الوزاره يا سلمى......

خالتي تراجي

مساءك خير

ما هو ده المحيرنا ذاتوا اكثر من ثلاثين راجل جو الخرطوم كوفد مقدمة مناوي ومنتظرين في
فندق قرين فيلدج واخيراً الحكومة قالت بديهم وزارة المراة والطفل عليكي الله ده ما مهزلة
بدأت اشفق واحن اليهم والله وزارة المراة قر قر قر قر قر قر قر قر قر قر
عموماً نقول مبروك لسلمي التجاني خطيبة محجوب حسين علي هذه المكافأة الحكومية لها

Quote: فهذا اقل ما تستحقينه لقيادتك لتيار الحوار العقلاني...اقصد الاستسلامي داخل الحركه الذي ادى للتطبيع ,,اقصد التوقيع مع حكومة الخرطوم.....

قول لي كدا الحكومة عاملة دعاية لسلمي التجاني كأول امراة تزور الاراضي المحررة وتكتب
من الاراضي المحررة بالله كان ثمنه وزارة المراة والطفل ؟؟؟

سبقتونا ياناس منى يعنى نحن اكلنا نيم هى الوزارة المتبقية الوحيدة واختوها.
الله معانا.
بس يابقال التسعة معاعد دى فى المجلس يعنى فى رفديات حا تحصل الرماد كال ناس التجمع بلو راسكم

بالله يا هاشم نوريت دي الكنتوا منتظرنها؟؟؟

طيب على الاقل والله انها مناسبه لكم

لانه على رأس المؤترم (آمنه ضرار)

وهي مهتمه بقضايا المرأه من زمان.

بقال بطل هضربه

انت قديم بشكل:

Quote: مبروك لسلمي التجاني خطيبة محجوب حسين

صارت السيده الفضلى من زمان.

تراجي.

Quote: صارت السيده الفضلى من زمان

سلمي التجاني عروسة محجوب حسين حتبقي وزيرة للمراة والطفل عشان العروسة سلمي التجاني
السيدة الاولي في حركة تحرير السودان فصيل محجوب حسين اقصد فصيل مناوي

ومازال السؤال قائم من يشغل وزارة المراة والطفل من مجموعة مناوي ؟؟؟
هناك اقتراح بأسناد الوزارة للسيدة الاولي في الحركة سلمي التجاني

Quote: بقال بطل هضربه

اميـــن يارب
ربنا اجازى الملاريا البتطلع فى الراس بطريقه دى!!!!!!!!!!!

ربنا انزلها دعوات قلبيه

يا هاشم نوريت

شوفتوا الحكومة لعبت بناس مني كيف ؟؟؟ شدوا حيلكم في مفاوضات الشرق وحددوا وزارتكم
العايزنها من هناك قبل ما تجوا الخرطوم وتدقسوا انا خايف يدوكم وزارة يستحدثوها
جديد ربما تكون وزارة (( الشئوون الزجية )) لزيجات الرئيس

مسكين مناوي , مسكين محجوب حسين , مسكين عبدالكريم السيخ (( لام اكول الجديد ))
مساكين 30 راجل قاعدين في فندق القرين فليدج واخيراُ وزارة المراة والطفل
البركة في قاعدكم في الفندق والوجبات الشهية

وصرح الاستاذ عبدالكريم الشيخ وزير المراة والطفل ,, ياراجل اخجل

بمناسبة اسناد وزارة المراة والطفل لمجموعة مناوي ذكرني زمن نميري كان رئيس اتحاد
المراة السودانية راجل اسمو منو كدا ما عارف وكان بيتكلم في الخطب الجماهيرية انا
كممثل للمراة السودانية دون خجل

1/3/1982

ده تاريخ ميلادك يا بقال

Quote: ذكرني زمن نميري كان رئيس اتحاد المراة السودانية راجل اسمو منو كدا ما عارف وكان بيتكلم في الخطب الجماهيرية انا كممثل للمراة السودانية دون خجل

ياخى بالغته فى دى يعنى
كنتا شاهد عيان على عهد نميرى !!!!!!!

1/3/1982

كــذب وادعاء سقط ...بطل كذب يا بقال

وهذا يثبت بانك بتقعد ماناس اكبر منك
لمن بتونسوا انتا بتشريب الونسة
وممكن تسمعه بعداك ذى ما حصل هنا

ذكرنى عهد نميــرى

كذب بحرفنه ذى دى ظاهره !!!

Quote: بمناسبة اسناد وزارة المراة والطفل لمجموعة مناوي ذكرني زمن نميري كان رئيس اتحاد المراة السودانية راجل اسمو منو كدا ما عارف وكان بيتكلم في الخطب الجماهيرية انا كممثل للمراة السودانية دون خجل

Quote: بقال بطل هضربه

من خشمك ياتــراجى لرب السمــا !!!

دعوة الام قوية ...اقوى من شلوت الترزى

Quote: ياخى بالغته فى دى يعنى كنتا شاهد عيان على عهد نميرى !!!!!!! 1/3/1982 كــذب وادعاء سقط ...بطل كذب يا بقال

يا بوب

لم اكن شاهد للعيان لكن هو ده تاريخ ونحن سمعنا بيها فهمت؟؟ بطل قلة ادب
يعني بمفهومك ده انت حاضر ذمن الرسول (( ص )) ما كلنا ما شفنا الرسول ولا
حضرنا ذمنوا سمعنا بيهو وصدقنا فالمسألة ليست مرتبطة بالعمر يا بوب

يا الزول البتكتب لي بقال سنه 1981 بقال ماكان موجود وقعت وقعه شييينه

Quote: يا الزول البتكتب لي بقال سنه 1981 بقال ماكان موجود وقعت وقعه شييينه

يا سلام عليك يا محمد الامين جمعة انت تفتكر كل الناس زيك ؟؟ زي ما بيكتب ليك
شقيقتك اسماء محمد جمعة انا بعرفك كويس ياراجل

وكيف يكون الحال لو اسماء ما اختي? اسماء توزن عشره رجال وكوم من الذيك انت براك عارفها لوجاتك الا تتلب من البورد

Quote: اسماء توزن عشره رجال وكوم من الذيك انت براك عارفها

والله وزنها زي الريشة وانا بعرفها كويس وهي مأجورة تكتب لصالح الاجهزة الامنية
وانت براك عارف الزولة دي لمن تكتب مقالاتها العنصرية في صحيفة العنصرين
الانتباهة ,, وانت زاتك شغال في منظمة تبادرون التابعة للكيزان (( الدفاع
الشعبي )) وقبلها كنت تعمل في منظمة دايمونت بتاع الامن والمخابرات التابعة
للخدمة الوطنية يأخوي انا بعرفك كويس وبعرف تاريخك كويس وبعرفك تعمل في
شنو في الخرطوم وكتاباتك تؤكد ذلك

السيدة تراجي
والسيدة دي لحفظ المقامات ( وجه ضاحك )

لم أقرأ هذا البوست إلا بعد أن سألني أحد الإخوة عن موضوع الترشيح لإحدى الوزارات

وما قريت البوست عشان ما قاعدة أقرأ بوستات بقال

فتشتو الليلة لقيتك رشحتيني

فكرت ماأرد زي كلامك الما قاعدة أرد عليهو

لكن لأنو الموضوع متعلق بوزارة

قلت أقول ليك شكرا ياأختي مردودة ليك في السمح

تراجي نضال الكيبورد دة كان مصدقاهو بتضحكي على نفسك

وبالمناسبة دايرة أسألك سؤال وأتمنى تجاوبيهوومنتظرة اجابتك

انتي اختاروك ممثلة الحركة في أمريكا ليه ؟؟؟؟؟؟

وكان قلتي لي عشان مناضلة بقول ليك أعد

ولمن تجي عاوزاك توريني أصول النسب زي ما قلتي لي في بوست ما متذكراهو

خلي بالك إنو نسايبك ما سودانيين عشان ما تدخلي لي الأصول في بعض

السيدة تراجي ( للمقامات ) لمن ناسك يفكروا يوقعوا بتلقي الوزارات وزعوها
بعدين ما تزعلي ( وجه ضاحك شديييييد )

سلمى لتجاني

سلام يا كوزه ويا بت جامعة القرآن الكريم منوره وحياتك.

Quote: السيدة تراجي

غصبا عنك وحياتك

سيده وسيده عندك مانع؟؟؟؟؟؟؟؟؟؟؟؟؟؟

Quote: والسيدة دي لحفظ المقامات ( وجه ضاحك ) لم أقرأ هذا البوست إلا بعد أن سألني أحد الإخوة عن موضوع الترشيح لإحدى الوزارات وما قريت البوست عشان ما قاعدة أقرأ بوستات بقال فتشتو الليلة لقيتك رشحتيني فكرت ماأرد زي كلامك الما قاعدة أرد عليهو

تردي ولا ما تردي

هو انت صدقتي انك حاجه ,عشان انا اهتم بردها.

Quote: تراجي نضال الكيبورد دة كان مصدقاهو بتضحكي على نفسك

والله نضال الكي بورد ده اخير من الجكيس في حسكنيته.

Quote: وبالمناسبة دايرة أسألك سؤال وأتمنى تجاوبيهوومنتظرة اجابتك انتي اختاروك ممثلة الحركة في أمريكا ليه ؟؟؟؟؟؟

وانتظر اجابتك ليه؟؟؟؟؟؟؟؟؟؟؟

اوع تفتكري انك اخترتني

ولا اختارني محجوبك البيميلي فيك الكلام ده.

Quote: وكان قلتي لي عشان مناضلة بقول ليك أعد

يكون يا ربي عشان عيوني كبار مثلا ولا لوني المنقاوي

احترمي روحك احسن لك.

Quote: ولمن تجي عاوزاك توريني أصول النسب زي ما قلتي لي في بوست ما متذكراهو خلي بالك إنو نسايبك ما سودانيين عشان ما تدخلي لي الأصول في بعض

طبعا بفهم النسب واحترام النسابه.

ونسابتي ما سودانين نعم,لكنهم اظنهم اولاد عم اهلك العباس المتلصقين فيهم انتو.

يعني هم الاصل فاهم ما بتجي تعيبيهم انت.

Quote: السيدة تراجي ( للمقامات ) لمن ناسك يفكروا يوقعوا بتلقي الوزارات وزعوها بعدين ما تزعلي ( وجه ضاحك شديييييد )

يكون دي البهمك في الموضع كله الوزارات..........

بس ما تنسي نحن الوزارت كان عزناها بندخلها بروحنا مش وراء رجالنا.

والموتقف اخترناها برانا وما اتسلقنا على اكتاف اواجنا.

واعرف حدودك

ويا محجوب حسين عرف مرتك حدودها.

تراجي.

*

انكشفت يابقال يا امنجي ياكوز تقول تعالوا شوفوا المهزلة والاستفزاز وينوا الاستفزاز وويني المهزلة طلعت انت المهزلة الكبري والناس كتار يصدقوا فيك وجارين وراك ويكتبوا ليك في البوست وانت تشيل وتلصق تقول لي مناضل

بقال بطل هضربه

الحكومة وحركة تحرير السودان يشرعان في تنفيذ إتفاق سلام دارفور

الخرطوم : اسامة عبد الماجد
شرعت حكومات ولايات دارفور الثلاث في اجراء تعديلات دستورية لتنفيذ اتفاق ابوجا في وقت انتقد فيه المسؤول الحكومي البارز اللواء عبد الله صافي النور، الطريقة التي يستقصي بها بعض المسؤولين في الدولة معلوماتهم حول الاوضاع في الاقليم.
وقال وزير الدولة بالاستثمار، السميح الصديق لـ »الانتباهة« ان لجان انفاذ الاتفاقية المشتركة بين الحكومة وحركة التحرير الموقعة على الاتفاق اعدت خططها بعد أن تم تقسيمها الى خمس لجان.
واوضح واكد الصديق استقرار الاوضاع الامنية في الاقليم بعد أن فتحت الطرق وبدأت التنمية في الانطلاق خاصة في المجال الخدمي إذ أن الحكومة حصلت على قرض تشييد 30 مدرسة بالاقليم.
وحول الخلافات القبلية التي ظهرت اخيراً بالاقليم قال السميح انها تفلتات فردية ستعالج عبر المصالحات وفق الآلية الشعبية هناك مشيراً إلى أن التصالح لا يلغي المسؤولية الفردية في الاحداث ولابد للقانون أن يأخذ مجراه.
إلى ذلك إنتقد عضو الحكومة في مفاوضات ابوجا اللواء عبد الله صافي النور، الطريقة التي يسقتصي بها بعض المسؤولين في الدولة معلوماتهم عن دارفور، واتهم النور الذي كان يتحدث لـ »الانتباهة« بعض الاحزاب واطراف داخل الحكومة -لم يسمها- بمحاولة التقليل من حجم اتفاق ابوجا بإطلاق التصريحات السالبة.
ووصف النور المنادين بضرورة التدخل الاممي بأنهم ضد السلام وقال: »ان التدخل بمنطوق الامم المتحدة يعني حريق دارفور وليس سلاماً لأهلها«.
ووجه صافي النور انتقادات حادة لبعض تصريحات قيادات حركة تحرير السودان فصيل مني اركو قائلاً: »انها لا تعبر عن رأي الحركة الحقيقي ولا تساهم في إنفاذ اتفاق دارفور«.
كشفت مصادر رفيعة لـ »الانتباهة« عن استحداث وزارة إتحادية جديدة تمنح لحركة تحرير السودان - فصيل ميناوي - الى جانب منصب مساعد للرئيس فيما بات مؤكداً ايلولة منصب والي جنوب دارفور لفصيل الارادة الحرة. وقالت المصادر انه سيتم زيادة عدد الوزارات في ولايات دارفور ورجحت استحداث ثلاث وزارات جديدة في كل ولاية. وكان مسؤول حكومي بارز قد اجتمع أخيراً الى ميني اركو ميناوي اكد له خلاله ان الاتفاق تم تصميمه لاستيعاب الحركات الثلاث، وقالت المصادر ان المسؤول الحكومي اكد لرئيس حركة تحرير السودان انه سيتم منح الحركة ثلث الاتفاق، الامر الذي فجر خلافات داخل اوساط الحركة.


يعني ناس مناوي فقط عندهم منصب المساعد ووزارة المراة والطفل المستحدث؟؟؟

وكان مسؤول حكومي بارز قد اجتمع أخيراً الى ميني اركو ميناوي اكد له خلاله ان الاتفاق تم تصميمه لاستيعاب الحركات الثلاث، وقالت المصادر ان المسؤول الحكومي اكد لرئيس حركة تحرير السودان انه سيتم منح الحركة ثلث الاتفاق، الامر الذي فجر خلافات داخل اوساط الحركة.

تراجي مصطفى ..

كتبتي ..

Quote: انت شايف في امرأه ضمن وفد المقدمه غير ...عروستنا سلمى التجاني.... مبروك الوزاره يا سلمى...... اولا يفترض ضمنيا انتمائها للحركه بحكم زواجها من رجل مهم بالحركه وعشان نثبت اكثر للجلابه اننا ما عنصرين حيظهر تيار قوي ينادي بتولي اختنا سلمى التجاني للوزراه..... وسينبري اكثر من بوق ومطبل ليدافع عن المامها بالواقع الدارفوري وليس اكثر من زياراتها الميدانيه وقت كان الميدان مشتعل ..... وشجاعتها ووطنيتها.....وكفأتها.... وعشان نثبت اننا ما تخلفين ولسنا ضد المرأه وقضايا الجندر..... .....مبروك سلمى التجاني.....فهذه اقل مكأفاة تستحقينها من شعبك اقصد حكومتك.... فهذا اقل ما تستحقينه لقيادتك لتيار الحوار العقلاني...اقصد الاستسلامي داخل الحركه الذي ادى للتطبيع ,,اقصد التوقيع مع حكومة الخرطوم.....

أنا ما عارفك ليه بتحاولي تحشري سيرة سلمى التجاني في اي بوست وبدون مناسبة !!
غايتو سلمى التجاني دي يفترض غنك تفخري بيها على الاقل إنها زيك إمراة (ولا إنتي ما زيها ما عارف) !! وإنها عملت أشياء ما في إمرأة غيرا عملتا وما اظن في دا عي اذكر ليك العملتو عشان ما أهيج غيرتك وأفش الحبة السوداء الخاتاها في قلبك تجاها ..

وعلى كل حال كدي جا وبي لينا على السؤال السألتك ليهو سلمي :

Quote: وبالمناسبة دايرة أسألك سؤال وأتمنى تجاوبيهوومنتظرة اجابتك انتي اختاروك ممثلة الحركة في أمريكا ليه ؟؟؟؟؟؟

شنكل :

إتخايلي السؤال واضح !! يلا ادينا غجابة واضحة !!

..
.
فوق للثــوار . ولي إبراهيم بقــال شخصيــــا.. مع .. صورة ( للتمرجي ) وممكن يعمل منها نسخ مجانية

الاخ بقال
ارشح الاستاذة المناضلة مريم تكس عضو وفد مناوي الذي زار امريكا الشهر الماضي لانها مؤهلة لو ما كان في قبليات و بعض العنصرية

***
*

تعرف يا بقال الأيام دى شغالين فى عمل لقيادة ;فاح مسلح فى االجزيرة لكل أهل العوض .. و أول ما نطالب به ليس هو وزارة المراة والطفل لأننا نعتبرها كتيرة .. يكفينا فقط وزارة الطفل لأننا نراها أكثر أهمية من المالية و البترول و الخارجية .. الطفل هو مستقبل هذا البلد فكيف بها لو كانت وزارة المراة والطفل معا؟!!!

نكتة يرويها العراقيون .. قيل أن بوش خاطب الكونجرس بخصوص قضية العراق .. قائلا أننا سنقتل مليون عراقى وبقرتين .. تسائل أعضاء الكونجرس: و لماذا بقرتين؟

و هكذا تفكر معارضتنا كما يفكر الكونجرس فى النكتة

شرح: يعنى أن المعارضة تنسى جميع الأسباب التى أدت لمعارضتها و تنسى جميع من وقفوا خلفها و التضخيات التى قدموها لتفكر فى جمال الكراسى

حكمة: اعطنى وزارة طفل .. أعطك امّة

الاخ وليد العوض

سلام

Quote: الاخ بقال ارشح الاستاذة المناضلة مريم تكس عضو وفد مناوي الذي زار امريكا الشهر الماضي لانها مؤهلة لو ما كان في قبليات و بعض العنصرية

الاستاذا مريم تكس اكثر من مؤهله فعلا,وخبرتها منذ ايام ناس نميري وشاركت بتميز ايام الديمقراطيه

من خلال حزب الامه,ولولا التمييز ضد النساء فأمراه مثل مريم تكس تستحق رئاسة الحركه نفسها,

لكننى في مجتمعات تظلم المرأه كثيرا,المهم نحمد للحركه دعوتهم لها ضمن وفد واشنطون والعافيه

درجات ورجالنا بحوجه لمن يدرجهم لسه لمعرفة قدرات اخواتهن.

لكن الموضوع ليس قبلي بقدر ما هو موضوع بتاع (جندر).

تراجي.

المناضلة تراجي و لو كره المطبلون

نعم الاستاذ مريم فخر لنا في غرب السودان و قريبا سوف تبرز قائدات حرائر. وسوف ننتصر عندما نفسح الطريق للاخوات و الامهات و لما لا هن بنات رابحة الكنانية

شحتو

كتبت تراجى:

Quote: وعشان نثبت اكثر للجلابه اننا ما عنصرين حيظهر تيار قوي ينادي بتولي اختنا سلمى التجاني للوزراه.....

هل نفهم من ذلك انو سلمى النجانى من أندنا؟؟؟
على أعتبار اننا جلابة حسب مفهوم الجلببة فى البورد(أهل شمال الخرطوم)
يعنى ناسبنا الحكومة؟؟؟
نفرح ؟؟؟
















بس لو سمحتو سلمى دى من جلابة وين ؟؟؟
يارب تكون من شندى....
عشان نعلن السودان مملكة

Quote: والله نضال الكي بورد ده اخير من الجكيس في حسكنيته.

هاهاهاهاهاهاهاهاهاهاهاهاهاهاهاهاهاهاها
ههههههههههههههههههههههههههههههههههههه
والله ضحكتني يا تراجي

** قالت مشيت لحسكنيتة لمهمة صحفية فأخيراً طلعت انها مشت حسكنيته
لمهمة جكيس (( العروسة سلمي التجاني و العريس محجوب حسين )) مبروك

Quote: تمسكت بجيشها لحماية مناوي داخل القصر حركة مناوي ترفض وزارة الشؤون الاجتماعية وتسمى مرشحيها للوزارات الاتحادية Aug 12, 2006, 12:18 سودانيزاونلاين.كوم Sudaneseonline.com تمسكت بجيشها لحماية مناوي داخل القصر حركة مناوي ترفض وزارة الشؤون الاجتماعية وتسمى مرشحيها للوزارات الاتحادية الخرطوم : محمد عبد الكريم كشف محجوب حسين الناطق الرسمي برئاسة حركة تحرير السودان جناح مني أركو مناوي انهم لن يقبلوا وزارة الشؤون الاجتماعية ولن يتقلدوا أي منصب فى وزارة هامشية لا تلعب دوراً سيادياً. وأكد حسين في تصريح (للوحدة) أن حركته ستسمي مرشحيها للوزارات الاتحادية في الاسبوع المقبل معلناً عن حوار يجري بينهم وحركة التحرير الإرادة الحرة ,وحركة العدل والمساواة جناح السلام خلال هذا الاسبوع, بغرض التشاور .وأعتبر تقديم الترشيحات من قبل الفصائل الاخرى بأنه خلط للاوراق. وفيما يختص بالحرس الشخصي لمني أركوي مناوى, كبير مساعدى الرئيس قال حسين أن جيش الحركة له الحق في حماية وحراسة الشخصيات الدستورية رافضاً أي قوات أخرى لحماية كبير مساعدي الرئيس داخل القصر. وأوضح الناطق الرسمي برئاسة حركة التحرير جناح مناوي للوحدة ان وفداً من حركته سيصل الى جمهورية مصر العربية الاسبوع المقبل بغرض المشاركة في الاجتماعات الخاصة بصندوق إعمار دارفور المطروح من قبل الجامعة العربية، وأضاف ان وفداً آخر سيتحرك الى ليبيا وتشاد مشيراً الى وجود تحسن في العلاقات تشادوخاصة بعد زيارة رئيس الجمهورية مؤخراً

الاخ بقال والاخوه ، هذه اخطر وزاره ، وهى التى بدأ منها السيد على عثمان شوفوه الان وين ، كنت اتوقع ان تفرح الاخت تراجى لهذه الوزاره ، بعدين يا جماعة انتو ما قريتو تموت العديد من النساء من اجل انجاب الرجال ، هل فعل ذلك رجل فى التاريخ ، الوزاره دى هى التى تنجب السودان الجديد ، يعنى برمجة الامهات والله رايكم شنو. لكن النصيحه الجماعه ديل وصلوا وما فارقه معاهم ياتو وزاره المهم العلاوات ومعرفة المداخل والمخارج .

الاخ هجو الاقرع

تحياتي

اهمية المرأه و الطفل لا خلاف حولها.....ومش هنا مربط الفرس مربط الفرس

انها حكومه بتاعت مستهبلين.

Quote: لكن النصيحه الجماعه ديل وصلوا وما فارقه معاهم ياتو وزاره المهم العلاوات ومعرفة المداخل والمخارج .

والله يا هجو يا اخوي كان هذا مبتغاهم مبروك عليهم

وكان ده العيزين يصلوا ليهم ما اتفه غاياتهم.

ومبروك عليهم العلاوات ومعرفة المداخل و المخارج.

تراجي.

الاخت تراجي ،ا صبرى شويه وبتشوفى ، سبقوهم ناس الحركه سوى شنو اولادهم بيدرسوا فى الخارج وهم ساكنيين فى ارقى احياء الخرطوم وناس جنوب ليهم الله، بالله عليك شوفتي حكومة الجنوب سوت شنو يوم حولت ملايين الريالات فى حسب شخص سوداني لشراء سيارت من السعوديه وحجزت الاموال هناك، ده تصرف زول عاقل ، بعد شويه ميناوي يحول لليبيا عشان الزي والسيارات، الناس ديل كلهم بيضحكوا علينا.

Quote: وزارتنا الشلنا عشانها السلاح وكتلنا الشباب زي المافي شيئ....

ودا كلام

أنا سأترك السياسة جانباً فهي لاتعنيني في شيء
ولكن سادتي 00
أنا اعتبر هذه الوزارة أرفع بكثير من وزارة الطاقة أو المالية أو الخارجية
يعاني أطفالنا الكثير من الحروب
والكثير من الويلات
والكثير من المصائب
هناك أمهات ثكلى
وأرامل
ومعذبات
هناك تهميش لقضايا الأطفال والمراة في السودان
هناك اغتصاب للأطفال
وقوانين غير رادعة لحمايتهم
هناك اصحاب كروش مترهلة يأخذون ماطاب لهم من النساء
دون أن يسألهم اي أحد
يتسكعون كما يريدون
نريد وزارة بهذا المعنى
لتعيد صياغة المراة وحقوقها
لتحمي أطفالنامن التشرد والمخدرات والضياع
هناك لقطاء كثيرون خاصة بعد انتشار الموبايل
وهناك ذوي احتياجات خاصة من الأطفال
هذه وزارة فيها الكثير من المعاني الإنسانية
ولماذا تسخر يابقال من المراة
فهي الأم
وهي الأخت
وهي الزوجة
وهي التي حملتك في بطنها تسعة اشهر
وأرضعتك عامان
وحملتك في حضنها مدى الحياة
لهذا لابد أن تكون لها وزارة
لرعايتها
ورعاية أطفالها
يا أخي 00 هناك الكثير من النساء بلا مأوى
وبلا دواء
وبلا علاج
هناك الكثير من النساء الصامدات المكافحات اللائي فقدن ازواجهن
فقدنهن في حروب سودانية لامعنى لها
نريد لكل نساء بلادي أن ينهضن
نريد للأطفالنا ان يتعلموا
نريد المدارس والمستشفيات في دارفور
لانريد وزارات لاتخدم قضايا المهمشين والبؤساء
أقول لهم هنيئاً لكم هذه الوزارة
وإن كنتم لاتريدونها فإني على استعداد تام لاستلامها
وصدقني
لو شعرت بعد استلامها أن كرشي قد ترهلت
وأن بيتي قد تغير
فسوف أتركها وأقرأ عليها الفاتحة
أريد فقط أن أغير خارطة الطفل البائس
وخارطة المراة الفقيرة
حتى لاتمد يدها لأحد
ولاتعطي جسدها لأحدمن أجل لقمة العيش

بالمناسبة وزارة المراة والطفل هي من أكثر الوزارات إحتكاكا وعملا مع منظمات العمل الإنساني والأمم المتحدة ونقاط التلاقي هي العمل على تحقيق وتنفيذ إتفاقيات حقوق الطفل من صحة وتعليم وإلخ من الحقوق وللمرأة من ناحية الحقوق و المساواة. يعني it is a powerfull ministry if it is really well managed
ما فاهم حتة إنو في وزارات سيادية ووزارات مهمشة دي ؟؟؟؟
انا في نظري إنه: الخشبة والمسمار والمفصل هم في النهاية البيعملوا باب وأهمية كل واحد فيهم لا تقل عن التاني في صنع الباب.
انا لست مع أو ضد ابوجا

الاخ ابراهيم بقال
لك التحية

ومن ناحية اخرى مناوى الذى فرط فى حقوق اهل دارفور يستحق هذه الوزارات التى
لا تغنى ولا يستفيد منها اهل دارفور ...

اتمنى ان يصنعوا له وزارة اخرى تدعى وزارة مرضئ السوق العربى
ووزارة اخرى وزارة الشاحدين فى الاماكن العامة حتى يجنى اهل دارفور حقوقه بالكامل ..


يلعن ابوكى يابلد

وفوق لمزيد من النقاش.

تراجي.

هذا البوست المقرف
فيه اكثر من تجاوز اخلاقي وبوردي..

...
جينا نشوف سبب بوستك داك والحقيقة ليك يا الله سلمى دي ما جابت سيرتك
وما كان ممكن تجي لوما جبتي سيرتها..ويشهد الله كانت مهذبة في ردها..
وانت ردتي ليها بعنف غير مبرر وقلتي تجكيس في حسكنيتة
الحمدلله التجكيس انتهى بزواج سعيد.. واي زول جكس وعرس وما فيها حاجة
بس اختلفت الاماكن ربما في الجامعة او المكتب او البنطون او الحلة او حسكنيتة


والبقال
جبت سيرة اخت محمد اسماء وهي ما عضو في المنبر واتهمتها بانها في الامن..
وشغالة شنو وشنو..
دا كلو كلام توضع فيه ماركة يخصي..
بعداك عرضت بسلمى التجاني مجاريا حديث تراجي والمحت تلمحيات ما حميدة
تهبش العرض..
يا شافع انت تعمل ليك شخصية متين وتخلي مبارية الجكس والانبراشة
ذي كلامك لي في نصرة ام اربعة واربعين داك.وكلامك لهنادي عني في القاهرة.
عشان تطمنهم انه بيان دي مضحكة ساكت. مجاملة بائسة من زول بائس..فاقد حنان
اعقل يا وليد..

تنشيبة
احييييييييييييييييا لو بكري شغلني الفة واداني طباعة فيها مــــــــــاركة
يخصي يكون حقق لي حلم حياتي..

لانه مناضلين الكي بورد ديل مرات جدا بتروح ليهم..