Post: #1
Title: جرد الحساب، قبل الذهاب!
Author: Bashasha
Date: 07-22-2006, 01:40 AM
مضطر مرة اخري اكسح، والمرة دي للاسف الي اجل غير مسمي، رغم ادراكي انو ده اسوأ وكت للغياب، لاننا اخيرا قدرنا نفرض خطنا كقوي سودان جديد علي المنبر وبالذات الصفحة الاولي.
الحرب اللبنانية مناسبة طيبة جدا لينا كعامل فرز متواصل للكيمان.
صراحة حتي الان بلونا بلاءا حسنا، بل تمكنا من احداث نقلة نوعية رغم محدوديتا، في التناول التقليدي للاحداث الكبيرة الذي دي، حيث تمكنا من طمس بل ردم طرح التيار العروبي التقليدي، تيار السودان القديم، كان يساري كان يميني.
طبعا كل الاحنا عملناهو اننا استفدنا من الجو العام والخط العام خارج المنبر، الكان مواتي، بسبب المتغيرات الكثيرة علي ارض الواقع في المنطقة ذاتها.
طبعا احنا علي غير العادة بنتحرك في المنبر ده كافراد، بحرية واستقلالية تامة. من دون ادني تواصل اوتنسيق من اي نوع كما يفعل الكيزان تحديدا.
من جانبي اؤمن ايمان قاطع بالمبادرة الفردية والمسؤولية الفردية، علي نحو تلقائي وطبيعي، ولااؤمن اطلاقا بي تكتيكات العمل الموجه المطبوخ والادوار المرسومة.
لانو ده فهم متخلف ديماغوغي، غير خلاق، ضار جدا في المدي البعيد.
مصداقا لي كلامنا ده، اهو بنكتب اوننشر اونناقش في الهواء الطلق البينا والعلينا من دون ادني حوجة لتداول جرد كهذا خلف الكواليس كمايفعل العقائديون من سدنة السودان القديم!
بالنسبة لي قضيتنا المحورية، جبهة دارفور، فنعترف ان كارثة ابوجا ادت الي فركشة الصف اوده طبعا طبيعي جدا اومتوقع.
فقط اتمني ان نعيد ارضيتنا المشتركة الماضية لمصلحة القضية، ومن جانبي صراحة لاادري كيف، اومتين.
احداث حمرة الشيخ كشفت عن جانب فعلا بائس قميئ في غرب السودان، يتمثل في تجذر القبلية وضعف الوعي بحقيقة الهيمنة الحاصلة للاغلبية بواسطة الاقلية، مقارنة بي انطباعنا قبل كده.
فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر.
|
Post: #2
Title: Re: جرد الحساب، قبل الذهاب!
Author: الأمين عثمان صديق محمد
Date: 07-22-2006, 01:51 AM
Parent: #1
كاسح خلاص
لا لا مامكن ياخ
اقعد شوية كمان حتى لو اسبوع
كدا المنبر فقد ابرز اعمدتو
بجيك راجع باذن الله
|
Post: #3
Title: Re: جرد الحساب، قبل الذهاب!
Author: saadeldin abdelrahman
Date: 07-22-2006, 02:06 AM
Parent: #1
| Quote: مضطر مرة اخري اكسح |
الشئ كتاحة 
| Quote: والمرة دي للاسف الي اجل غير مسمي، |
وا أمير كوشااااااااااه
----
بشبش...
حمدلله على السلامة و عليك يهون
بالتوفيق
|
Post: #4
Title: Re: جرد الحساب، قبل الذهاب!
Author: Adrob abubakr
Date: 07-22-2006, 02:43 AM
Parent: #1
أنا زيك يا بشاشة كنت مقرر بسبب الزنقة لأجل غير محدود لكن أرجو يا حبيب مع المطاوقة من وقت لآخر علي الأقل عند الضرورة لمان تشوف المعركة إحتدمت ويحصل التكالب
أتمني لك كل التوفيق وأنا واحد من الناس بيشهد ليك أنو نضالك في المنبر سطرته بالحديد وظهر تأثيره وآتي أكله وده كله بإجتيازك المواقف الصعبة لأنو يا بشاشة شوفنا كتيرين من المناضلين حتي الكانو بيدعوا الإنتماء للسودان الجديد سقطوا من أول إختبار ليهم عشان كده المنبر ده عبارة عن غربال يعري حتي مدعي الثقافة الكانوا يخاطبو الناس من أبراجهم أو من وراء حجاب
أناشخصيا أعتبر المنبر مقياس مفيد لأي مثقف لمناقشة الخواص والعوام والقدرة علي النقد او حتي الأذي ممن يشخصن النقاش وهذه ضريبة المثقف وأمر لا مفر منه لأنه الناس بطبعها مفاهينها ما واحدة علينا أن نتحمل بل نبحث عن أسلوب أمثل للتعامل مع مثل هذه الظواهر لآ الهروب منها كما يفعل البعض
والنجاح هذا أيضا يدل من أخري علي القناعة الراسخة بالفكرة والإتزان النفسي لأنو بدونها تلقي الواحد في مواقف متناقضة حتي ولو ما حس بيها
ما عايز أكتر ليك لكن أقولك موقع يظل فارغ إلي تعود...
وفي الليلة الظلماء يفتقد البدر!
|
Post: #5
Title: Re: جرد الحساب، قبل الذهاب!
Author: معتصم دفع الله
Date: 07-22-2006, 02:49 AM
Parent: #1
الأخ بشاشا
تحياتي ..
أعتقد بأن ما يحدث هنا في المنبر حوار يغلب عليه تصفية الحساب ..
ياخي محاولة إننا نطرح فكرة ونريد لها أن تكون على أرض الواقع ..
يجب أن نصبر عليها ونطرحها بالشكل الذي يتقبله الجميع ..
دون أن نفرضها عليهم أو نصادر أرائهم ..
وهذا ما لم يحدث على الإطلاق ..
طابع الكتابات هنا عنيف وبأسلوب مستفذ لذلك لا يجد من يتقبله ..
وهناك الكثير من المصطلحات جاءت على لسان أعضاء المنبر من المتصادمين ..
لذلك ظهر كل هذا الذي يحدث الآن والذي يضر كثيراً بالوطن وبانسانه وقضاياه ..
والخلافات التي تحدث هنا لن تفيد أحد إنما تعمق الجراح وتزيد الحريق ..
لكي يتعايش الجميع في وطن واحد يجب أن نزيل هذه الأحقاد وهذه العنصرية البغيضة التي طفحت على السطح ..
وأخذ الجميع يلوح بهذه الألفاظ كأنها كره نتقاذفها ونتلاعب بها كيفما أردنا ..
شخصياً أنا ليس ضد صدام وصراع الأفكار التي تخدم ..
ولكن ليس للدرجة التي نتضرر منها جميعاً ..
|
Post: #6
Title: Re: جرد الحساب، قبل الذهاب!
Author: adil amin
Date: 07-22-2006, 02:54 AM
Parent: #1
بشاشا كسح...
يا حرررررررررررام.....(ودي ثقافة خديوية مصرية)
اكيد الرايزوبس وصل عنك مرحلة اللون البرتغالي(السيفير)..كالمعتاد
لمن ترجع المرة الجاية عايزك تكون قريت(السودان حروب الموارد والهوية د.محمد سليمان وركز علي الهوامش)
وبعدين واخبار الامم للمسعودي.. واعتقد الملل والنحل للشهرستاني
عشان تعرف اصول الجعليين والشايقية النوبية...وتجاوب سؤال الشلوخ
والباب يفوت جمل...وانا لاحكسر عليك قلة ولا زير(لازالت الثقافة الخديوية المصرية مستمرة) في التعبير عن فاجعةرحيلك..وذى ما قال النعام
يا حليلا بلا عدد
قالو شالا قطار الاحد
*******************
وانت يا ادروب في شنو
انت في هذا البورد
كانك بعرة في است كبش مدلاة وذاك الكبش يمشي
(نوادر الاصمعي من كتاب المستظرف من امر مستطرف)
ولي .....خفت من المفراكة الكوشية
|
Post: #7
Title: Re: جرد الحساب، قبل الذهاب!
Author: Bakhaf
Date: 07-22-2006, 03:55 AM
Parent: #6
متعوده دايما
ترجع بالسلامة
وبالتوفيق
سلامات
|
Post: #8
Title: Re: جرد الحساب، قبل الذهاب!
Author: Osman M Salih
Date: 07-22-2006, 03:55 AM
Parent: #1
لايوجد من يُراد إستئصال شأفتهم عرقـياً
في السودان حتى في ظل السلطة الحالية
و التي تمثل ذروة الإستعلاء الإسلاعروبي .
في إستعلاء و في assimilation .
( الإستعلاء ليس بين المركز والهامش
وحدهما , في إستعلاء متبادل بين عناصر
المركز نفسه ، وبين عـناصر الهامش
ايضاً ، أما تعريفك لما يحدث في السودان
" بمحارق التطهير العرقي" و " نازية
القومية العربية" الخ فلا يعدو كونه
تحريض للهامش وتجييشه ليس ضد سلطة
" الإنقاذ" بل ضد الشمال في حرب
أنت أول الجاهـلين بمآلاتها
يقيني أن إعتداء جبهة الخلاص على " حمرة الشيخ "
وحوادث القتل و الإغتصابات التي نجمت عن إحتراب
فصيلي أركوي وعبد الواحد * ـ كل هذا يمثل مأزقاً
حقيقياً لكل مقال منطوق أو مرسوم يهدف لتشكيل رأي
عام محلي وعالمي بأن أفارقة دارفور يراد إبادتهم
عرقياً .
الحاجة ماسة لإعادة قراءة الوضع في دارفور بعيداً عن
الملصقات التأليبية الجاهـزة و التي تراجعت عـنها
المؤسسات العاملة في مجال إغاثة الدارفـوريين مكتفـية
بتوصيف حال الإقليم بالكارثة الإنسانية ( الحرب في
جنوب السودان وهي الأطول عمراً لم تعرّفها الحركة
الشعبية لتحرير السودان ولا المنظمات الحقوقية
والإغاثية بأنها حملة شمالية إسلاعربية لإبادة أفارقة
ذلك الجزء من القطر! .
نحتاج إلى تحليل متوازن ترد فـيه اصوات الضحايا
و المجرمين من مختلف الإثنيات . تحليل يرّد الصراع
الدائر ـ دون أن يغفـل العامل الاثني ـ إلى جذوره
المادية في الحاكورة و شح الموارد في إقليم ضربته
موجات من الجفاف دفعت حتى أبناء العمومة من قبائله
العربية( هبانية ومسيرية ) للدوس على قدسـية صـلة
الرحم في معمعة صراع البقاء . تحليل يرد فيه دور
الدولة في الصراعات القبلية و تاريخ الإنفلات الأمني
في الإقليم وعصابات النهب المسلح . تحضر فـيه جرائم
الجنجويد كما تحضر فيه كيفاً بكتف جرائم " الثوار" .
وحتى ذلك الحين يظل الوضع في دارفور كارثة إنسانية
لن يرد ماردها إلى القـمقـم غـير قـوات أممية تعمل
على بسط الأمن و تؤمن عودة النازحين واللاجئين إلى
مواطنهم الاصلية.
* هامش عن الإغتصابات في دارفور
ــــــــــــــــــــــــــــ
معلوم أن حوادث الإغتصابات التي شهدتها دارفور على
يد الجنجويد وقعت خارج معسكرات اللاجئين حين ينفرد
المغتصبون بالضحايا الجامعات لحطب الوقود لأسرهن
وعيالهن !
وبرغم إدراك الدارفوريات لمخاطر الخروج فإن وضعهن
كجنس وظيفـته إطعام الاسرة كان يدفعهن للخروج من
المعسكرات ومواجهة المصير المجهول !
المؤسسة الحربية سواء كانت مليشيات قبلية أو جيشاً نظامياً
أو حركات معارضة هي في الصميم مؤسسة ذكورية بإمتياز لن
تغير في طابعها المكرس عبر قرون من السيطرة البطرياركية
مناصرة النساء لها أو حتى إنتظامهن في سـلكها !
وفي إستخدام دعاة السودان الجديد جناح مناوي لإغتصاب
نساء الفـور سلاحاً أشد فـتكاً من الرصاص في مسلسل تصفـية
الحسابات مع جناح عبد الواحد تذكرة .
إذا أستثنيت شريحتا الأصوليات المرتبطات بالمؤتمر
الوطني و نصيرات الحركات المسلحة في الأطراف أعتقد بأن
نساء السودان على إختلافاتهن عمرياً ، أثنياً ، سياسياً إلخ
لهن مصلحة في السلام لكونهن والأطفال الأكثر تضرراً من
نتائج الحرب : فقدان للمعيل ، دمار للبنية الأسرية ،
إغتصاب ، تشرد وتيتم الأطفال وتعرضهم لمخاطر التجنيد
http://us.moheet.com/asp/show_g.asp?pg=12&lc=334&lol=1787760
ـــــــــــــــــــــــــــــــ
في الحل والترحال تتبعك السلامة يا كمال بشاشة حتى تعود
|
Post: #9
Title: Re: جرد الحساب، قبل الذهاب!
Author: عثمان حسن الزبير
Date: 07-22-2006, 04:18 AM
Parent: #1
المعقد بشاشا
| Quote: الحرب اللبنانية مناسبة طيبة جدا لينا كعامل فرز متواصل للكيمان. |
أكيد مناسبة لإفراغ كل عقدك تجاه العروبة لكن يا السمح قضية لبنان الآن قضية إنسانية بالدرجة الأولى وعقدك في السودان ذو الهوية المزدوجة العربوإفريقية رغم أنفك لا يوجد رابط بينها وما يدور في لبنان ومحاولة الربط هنا دليل واضح على فراغك العقلي ومحاولة لخلط القضايا والغريب هنا أنه لا يوجد أي كسب في تأييد إسرائيل سوى كسب كره وبغض جميع دعاة السلام وخروجك من أي دعوة إنسانية مستقبلا قد تخدم قضيتك هذا إذا كان لك قضية فعليا ..
| Quote: طبعا كل الاحنا عملناهو اننا استفدنا من الجو العام والخط العام خارج المنبر، الكان مواتي، بسبب المتغيرات الكثيرة علي ارض الواقع في المنطقة ذاتها. |
المعقد
العالم كلوا بدين في الإنتهاكات الإسرائيلية وضرب المدنين الذين لا ذنب لهم وتدمير البنية التحتية للبنان ده كلو على أرض الواقع حاول تصحى من أوهامك الماسونية دي ..
| Quote: فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
المعقد السمح
قول بس كيف يمكن للغرب ان يتولى الدور الأكبر في صياغة السودان الجديد إذا كان نوعية كتابه أمثال بقال وأيمن هارون هم الذين يحاولون الإضلاع بمسؤولية أكبر من قدراتهم المحدودة وفهمهم العنصري المشروخ الذي يغذيه البعض هنا وأنت منهم بل الدور الحقيقي هو دور المثقفين الدارفوريين الحقيقيين التقدميين فهما وفكرا وممارسة وهؤلاء مسجلين غيابا كليا عن قضيتهم الأولى دارفور..
ما تطول الغيبة يالمعقد
الجميل معتصم
كل التحايا
Quote: أعتقد بأن ما يحدث هنا في المنبر حوار يغلب عليه تصفية الحساب ..
ياخي محاولة إننا نطرح فكرة ونريد لها أن تكون على أرض الواقع ..
يجب أن نصبر عليها ونطرحها بالشكل الذي يتقبله الجميع ..
دون أن نفرضها عليهم أو نصادر أرائهم .. |
هل تدري أن من تخاطبه هذا هو أول من صدر ثقافة فرض الرأي مهما كان ولا تستطيع مواصلة أي حوار هادف معه فهو يصم أذنيه عن كل ما هو منطقي وواقعي ويجر من يحاوره إلى اللا موضوع ..
أتمنى حقيقة أن يستوعب ما ذكرته في مداخلتك وإن كنت متأكد من النتيجة مسبقا ..
|
Post: #10
Title: Re: جرد الحساب، قبل الذهاب!
Author: رأفت ميلاد
Date: 07-22-2006, 05:29 AM
Parent: #9
العزيز بشاشا
دى أول مداخلة معاك
لكن متابعك طواااالى
أنا كوشى عديل ما تريقة
وكوش مزكورة عندنا فى الكتب ومفخرة
وفى شعوب أخرى بتماطل وبقولوا هم المقصودين
المهم إنت الكاسح ليها شنو
نحن هنا زاتو ما كسحان
وبى فايدة!
يعنى الواحد لما يلم فيه زول زي الحبشى يمرمط بيه الأرض
برضه ظاهرة صحية.
أنا قاعد فى بلد 11 سنة ماشفت لى زول أدى أخوه كف.
فضربه من هنا ضربه من هناك أهو الواحد يصحى
وبمناسبة الصحيان
| Quote: بالنسبة لي قضيتنا المحورية، جبهة دارفور، فنعترف ان كارثة ابوجا ادت الي فركشة الصف اوده طبعا طبيعي جدا اومتوقع. |
ممكن زول ينزل لينا نص أبوجا
عشان أنا كنت نايم . (بدون تعليق سياسى)
يمكن قراءة تانية تجيب فايدة
الكاسح ليها شنو
طبعآ كان شئ فرضته ظروف خاصة دى جاجة تانية
ووفقك الله
أخوك
رأفت
|
Post: #11
Title: Re: جرد الحساب، قبل الذهاب!
Author: AMNA MUKHTAR
Date: 07-22-2006, 06:06 AM
Parent: #1
Quote: من جانبي اؤمن ايمان قاطع بالمبادرة الفردية والمسؤولية الفردية، علي نحو تلقائي وطبيعي، ولااؤمن اطلاقا بي تكتيكات العمل الموجه المطبوخ والادوار المرسومة.
لانو ده فهم متخلف ديماغوغي، غير خلاق، ضار جدا في المدي البعيد. |
Quote: احداث حمرة الشيخ كشفت عن جانب فعلا بائس قميئ في غرب السودان، يتمثل في تجذر القبلية وضعف الوعي بحقيقة الهيمنة الحاصلة للاغلبية بواسطة الاقلية، مقارنة بي انطباعنا قبل كده.
فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
|
Post: #13
Title: Re: جرد الحساب، قبل الذهاب!
Author: Ali Alhalawi
Date: 07-22-2006, 07:06 AM
Parent: #11
و لا تنسى أخى بشاشا أن تتزود فى غيابك بهذا المقال
دعونا نبتدع شكلاً جديداً للإختلاف!!!
و كما قلتها أنت من قبل "قشة ما تعتر ليك"
|
Post: #12
Title: Re: جرد الحساب، قبل الذهاب!
Author: حسن الجيلى سعيد
Date: 07-22-2006, 06:59 AM
Parent: #1
العزيز بشاشا,
بالرغم من كتاباتك الاستعلائية ضد الشريحة العربية فى السودان والقسوة التى ابتدعتها فى كتاباتك ,والمتاجرة بقضيتنا المقدسة دارفور.الا اننى احترم فيك الروح الوطنية لانك تحب هذا الوطن من غير حدود الخطاء الوحيد الذى كنت تقع فيه دوما العنصرية ضد الشريحات العرقية التى تكون مجتمعنا السودانى وهذا الخطاء وللاسف مستمر عند الطبقة التى نعتبرها مثقفة الحاجة ماسه للوحدة والاجماع الوطنى الان بغض النظر عن ميولنا السياسية او انتمائاتنا السياسية.
ابق هنا من اجل وحدة السودان والسودانيين
مودتى
|
Post: #14
Title: Re: جرد الحساب، قبل الذهاب!
Author: أحمد الشايقي
Date: 07-22-2006, 07:13 AM
Parent: #1
الأمير الكوشـي,
Quote: والمرة دي للاسف الي اجل غير مسمي،
لاننا اخيرا قدرنا نفرض خطنا كقوي سودان جديد علي المنبر وبالذات الصفحة الاولي. |
بالله ؟
بشاشا, الأثـري , حامل الحنوط الكوشي,
بقى ســودان جديد؟
صـراحـة دا كلامـك ؟
Quote:
صـراحة حتي الان بلونا بلاءا حسنا،
بل تمكنا من احداث نقلة نوعية رغم محدوديتا، في التناول التقليدي للاحداث الكبيرة الذي دي،
حيث تمكنا من طمس بل ردم طرح التيار العروبي التقليدي، تيار السودان القديم، كان يساري كان يميني.
كل الاحنا عملناهو اننا استفدنا من الجو العام والخط العام خارج المنبر، الكان مواتي، بسبب المتغيرات الكثيرة علي ارض الواقع في المنطقة ذاتها. |
إحنا وإحنا وإحنا وإحنا, ..................................
بعـد دا كلـه , يا بشـاشـا , تقــول,
Quote: احنا علي غير العادة بنتحرك في المنبر ده كافراد، بحرية واستقلالية تامة.
من دون ادني تواصل اوتنسيق من اي نوع كما يفعل الكيزان تحديدا. |
خــلاص صـدقناك, ............................
ياخ انت أكبر تمــومــة جـرتـق في المنبـر دا,
زمان يا بشـاشـا كنت بتتكلم في التاريخ القديم رصيف الهيروغليفي, الايام دي شكلك موعود بي حاجة سمينة بقيت تقول (ســودان جديد...) , أما غريبة,
Quote: مضمن جانبي اؤمن ايمان قاطع بالمبادرة الفردية والمسؤولية الفردية، علي نحو تلقائي وطبيعي، ولااؤمن اطلاقا بي تكتيكات العمل الموجه المطبوخ والادوار المرسومة.
لانو ده فهم متخلف ديماغوغي، غير خلاق، ضار جدا في المدي البعيد.
مصداقا لي كلامنا ده، اهو بنكتب اوننشر اونناقش في الهواء الطلق البينا والعلينا من دون ادني حوجة لتداول جرد كهذا خلف الكواليس كمايفعل العقائديون من سدنة السودان القديم! |
والله يا بشاشا زمـن,
انت فعلا ما جزء من أي قائمة بريدية,
لأنك يا بشاشا ديكوريشن جاهـز تلفق في اي موضــوع حتى لو ماكان ليهو علاقة بالجريدة المكررة بتاعتك , على طول عكاز جاهـز مشقوق ومضـبب (لو بتعرف دي..)
ليه تدخل في قائمـة بريدية ياخ انت أكبر (نافـع)
| Quote: بالنسبة لي قضيتنا المحورية، جبهة دارفور، فنعترف ان كارثة ابوجا ادت الي فركشة الصف اوده طبعا طبيعي جدا اومتوقع. |
يا راجـل ما تخرمج يقوم الثوار يدوك كرت أحمـر
بـس جبهة دارفور والجنوب وين, وجبال النوبة ضمير السودان , وين؟ والشــرق يا بشـاشـا وين؟
محورية بأي فهــم , ما بتقدر تشرح كلامك دا, أحسن تلجأ للتعميم .... دي نصيحة خالصة أقبلها...
Quote: احداث حمرة الشيخ كشفت عن جانب فعلا بائس قميئ في غرب السودان، يتمثل في تجذر القبلية وضعف الوعي بحقيقة الهيمنة الحاصلة للاغلبية بواسطة الاقلية، مقارنة بي انطباعنا قبل كده.
فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
شوف يا بشاشا على الرغـم من خلافاتي معاك إلا إنه اعترافك دا شــجــاع,
أهنئك عليه, أولاً
وأطلب لك العـذر من الثوار في لحظة صدق مع النفـس, ما تلوموه يا شباب , بشاشا تداعى واعترف....
بـس الإعتراف المطلوب منك بعـد دا إنك تحمل الثوار (الجــزئية) التي لهــم من أوزار كلامك السابق دا,
أكيد ما كل الواقع الإعترفت بيهــو بســبب (الجلابة وزنوجـة الشمال....)
على أية حال ننتظـر عــودتك يا بشبش يا كوشــي..
أحمـد الشايقي
|
Post: #15
Title: Re: جرد الحساب، قبل الذهاب!
Author: A.Razek Althalib
Date: 07-22-2006, 08:05 AM
Parent: #14
بشاشا..
| Quote: فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
صورة الشهيد الخليفة عبدالله (ود تور شين) وصحبه الكرام..!!
شهداء أم دبيكراتالخليفة عبدالله التعايشي الأمير علي ود حلو وبقية العقد الفريد
تعرف يا بشاشا..
والله ما كان العشم فيكـ بأن يكون الغرب مسرح تصفية حسابات محلية ودولية..
أحسن تنزل هنا.. وحقكـ بنرجعو ليكـ عشان أنت راكب من أول محطة غلط..
بس غيب وتعال..
|
Post: #16
Title: Re: جرد الحساب، قبل الذهاب!
Author: محمدين محمد اسحق
Date: 07-22-2006, 02:29 PM
Parent: #15
Quote: من جانبي اؤمن ايمان قاطع بالمبادرة الفردية والمسؤولية الفردية، علي نحو تلقائي وطبيعي، ولااؤمن اطلاقا بي تكتيكات العمل الموجه المطبوخ والادوار المرسومة.
لانو ده فهم متخلف ديماغوغي، غير خلاق، ضار جدا في المدي البعيد. |
أخي الحبيب بشاشا ..
سأفتقدك ..رغم انني ايضأ سأغيب
عن المنبر آخر الاسبوع القادم..و لفترة غير محددة ..
|
Post: #17
Title: Re: جرد الحساب، قبل الذهاب!
Author: bob
Date: 07-22-2006, 02:37 PM
Parent: #1
bashasha
what's up with you white boy, any ways I will miss you..
طريقك زراعــى يا مان , لو لقيتن قشه عترت ليك شايل زحها
|
Post: #18
Title: Re: جرد الحساب، قبل الذهاب!
Author: Faisal Al Zubeir
Date: 07-23-2006, 03:33 AM
Parent: #17
كتاحة شبشب !
|
Post: #19
Title: Re: جرد الحساب، قبل الذهاب!
Author: hatim
Date: 07-23-2006, 05:09 AM
Parent: #1
| Quote: مضطر مرة اخري اكسح، والمرة دي للاسف الي اجل غير مسمي، رغم ادراكي انو ده اسوأ وكت للغياب، لاننا اخيرا قدرنا نفرض خطنا كقوي سودان جديد علي المنبر وبالذات الصفحة الاولي |
تمشي وتجي بالسلامة...
لكن (سودان جديد) ..و( صفحة أولى ) ما باقيلك كترت فيها التوم شوية ..
| Quote: الحرب اللبنانية مناسبة طيبة جدا لينا كعامل فرز متواصل للكيمان. |
وانت مالك ومال لبنان ..يمكن عندك بعض الكوشيين والزنوج هناك..والكيمان ديل موجودين وين..؟؟ ما أنت اصلك عندك موضوع واحد بتسهب فيهو بإخلاص وشايف نفسك فيهو ..هو الهوية السودانية المختلطة والمجهولة المصادر ..والعيب فيك أنك بتنتهك قانون الاحترام بين الأثنيات عايز تفرض واحدة على الاخرى..
| Quote: طبعا كل الاحنا عملناهو اننا استفدنا من الجو العام والخط العام خارج المنبر، |
| Quote: طبعا احنا علي غير العادة بنتحرك في المنبر ده كافراد، بحرية واستقلالية تامة |
أنتو ناس نحنا ولا شنو ..ما قلتو أفراد..!!!
| Quote: فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
عديلة عليك ... بس ما تطول الغيبة..!!!
|
Post: #20
Title: Re: جرد الحساب، قبل الذهاب!
Author: حيدر حسن ميرغني
Date: 07-23-2006, 01:10 PM
Parent: #19
تتبعك السلامة
وللسودان الأمن والأمان
|
Post: #21
Title: Re: جرد الحساب، قبل الذهاب!
Author: Alshafea Ibrahim
Date: 07-23-2006, 03:47 PM
Parent: #1
بشاشا
معاك مليون سلام وربنا يسهل عليك وعليها حاول أقنعها كمان تترك البورد
ما ناقصين فتن محتاجين نلم الشمل ونشوف مستقبل بلدنا
انت أكبر فتنة وهي كمان
الشفيع إبراهيم
الدمام
جلابي عربي كوز وكل شي
|
Post: #22
Title: Re: جرد الحساب، قبل الذهاب!
Author: waleed500
Date: 07-23-2006, 04:59 PM
Parent: #21
مركب عجيب تودى ما تجيب
|
Post: #24
Title: Re: جرد الحساب، قبل الذهاب!
Author: Tragie Mustafa
Date: 07-24-2006, 00:28 AM
Parent: #21
بشاشا
يا اخي نحن لسه ما شبعنا منك تقوم تقول مسافر؟؟؟؟
وتخلينا نغني:
(القطر الشايلك انت يتكسر حته حته....يا آميري...
يتكسر حته حته وتسلم لي انت....)
.....وبلدا ما فيها تمساح يقدل فيها الورل....
تسيب لينا كل (الورلS) ديل قادلين وتمشي وين؟؟؟؟
الله يغطي عليك ,ويفتحها بوشك يا بشاشا
وحتما سنلتقي في سوداننا الجديد...مهما طال الزمن او قصر...
Quote: معاك مليون سلام وربنا يسهل عليك وعليها حاول أقنعها كمان تترك البورد
ما ناقصين فتن محتاجين نلم الشمل ونشوف مستقبل بلدنا
انت أكبر فتنة وهي كمان
الشفيع إبراهيم
الدمام
جلابي عربي كوز وكل شي |
يا الشفيع اعمل حسابك من الحب ما قتل
ومافي داعي تحبني بالطريقه دي
لانه دمك بيتحرق...وبيجرك ضغط وسكري....
انا قاعده لك عشان طالبته بمغادرتي...
اعمل حسابك من الحب الكثير بودي الآخره...
تراجي.
|
Post: #25
Title: Re: جرد الحساب، قبل الذهاب!
Author: Alshafea Ibrahim
Date: 07-24-2006, 02:15 AM
Parent: #1
تراجي
البورد ملئ (بهن) كيف عرفتي أنا قصدتك إنتي تحديدا ؟؟
ومع ذلك أنا لا أخشى لغة التهديد والوعيد ومنتظرين
|
Post: #26
Title: Re: جرد الحساب، قبل الذهاب!
Author: adil amin
Date: 07-24-2006, 03:22 AM
Parent: #25
Quote: تسيب لينا كل (الورلS) ديل قادلين وتمشي وين؟؟؟؟
|
الاخت تراجي
تحية طيبة
اها تمساحك شرد(اللدر الفوق ضهرو الخبوب والطين)..شرد بعد ما قال في ناس دارفور ما لم يقله مالك في الخمر
احسن ليك تشوفي ليك ورل زينا كده..خاصة انى قاعد في اجازة الايام ديل..وفاضي شديد
بعدين شن عرف ناس دارفور بالتمساح...هل موجود في وادي ازوم او كتم او منليط
زولك ده ضب كبير...بس العتب علي النظر(اخر مرة فحصت النظر بتين)
|
Post: #27
Title: Re: جرد الحساب، قبل الذهاب!
Author: بكري الصايغ
Date: 07-24-2006, 03:44 AM
Parent: #1
الاخ الـفاضـل
بشــــاشــا،
احــتـرم وأقــدر ظـروفـك الـخاصـة فـي الغـياب عـنا،ولا املك ازاء غـيابك الـمـحزن، الا وان اتـمني لـك السـلامة فـي الـحل والـترحـال، متـمنيـآ لك الصـحـة الـوافـرة والسـؤدد والـتوفـيـق.
وزي مابيـقولوا آهـاليـنا فـي آخـر لـحظات الـوداع..( مـاتقـطع الـجوابات)!!.
كلـمة آخـيـرة: فـرصـة انتـهزها لاشـكرك عـلي مسـاهماتك واشـتراكك في مـاكتبتـة انـا سـابقآ. ويحـزنـني وان نفقـد(مـؤقـتآ) لـون مـن الـوان طيـف المــنبــر.
وحــتي تعــود لك مـودتـي.
|
|