بت ابليس ... دخلت الميس ... يوم خميس

بت الذين احبهم جمّا
نامي بين هاتين السرابتين
في راس بيت ابليس ... مليس بالبارود ومشخبت بنفس خامة الورق.. في الحيطه آثار خدوش. وجوه البيت مِرِق ويحيد.. ممسوك من رقبة .. ومعطون من نفس اللياس .. بتمرق باختيار الخارش .. في لحظة الفارش همو كيمان كيمان .. وبضحك علي البت كلب ...وعٌلوِك من ا########## بيت ابليس ... تهدية لعب وخاطر ... لحين ميلاد قبلة جديدة تتبعها غمضة بكبح جماح هوا الكمبرسور الرئوي البجيب ليك الهواء .. لم تركب الهوا .. أو يصادفك هوي . لحيظات تقريش لحين اكتمال النصاب.
وضعتها في راس بيت ابليس ، بيت بدون سبلوقه ولا شباك تتاوق بيهو للنجيله القايمه ساكت، أومأت بِصرة وش وطقطقة لبانه، تدعوني لممارسة الغريزة بشتي أنواع الغنج، لِبست فستان زفافها كالمعتاد ،مبلولة الأطراف ومنشفه ريقي .. مرت علي أنفي رغم انفي وأنا لا أنفي وجودها ... فقط ذهبُ بدون اعلان مسبق... زيارة سريعة للخريف... للسحابات الجن لابسات اغراء ... ومارقات علي مهل ... للنسيمات البتتبني الدعاش شُفّع مع الترتار ... جو ماسكين سلكه وسكه ملوية ... ونفس قايم ... وباقي مخاته في اليد اليسار
من وين جايين؟
من ضغط مرتفع
ماشيين وين؟
لي حته واطيه، تدردق الترتار، وتكلكل الفرناغة
وانا في السراب مخدوع وضاع مني الزمن.
فجأة حسيت انها سقطت ... سقطت من راس بيت ابليس بإيعاز من بت ابليس الراقدة تحت ... راقده علي الضهر المحدب وريحة فضيحة. شاربه كاس الرغبه من ذاك المغيرب ... يا نار هشيم الروح كفاك ... خلي القديديم باب غروب ورغبتك جنحات سمبريه وطيرة بقر .. اديني وداع وبديك وداع ... يا مأكمتين متخاصمات ... كيف يفعل الغنج فعلته تلك وتتساحقان .. رأيت كل شيٍ بنصف عين !!!! رأيت ما ينعكس من الشبكية ... صورة مقلوبة .. وسجارة مقلوبه ... وبت ابليس تئن.
جهجهتني وجهجهة حاجة زي صاري الكباريت في سفينة. زي قريميطا ممسح بلايوق ويكه في موية دميرة... وفكرة اني ادخلك من باب المندب واردة ... باب أولي في الوقت داك كان بدون دستور ورزه
استفرغت شوف العيون الخيط .. مطيت جفون .. زعطت رمشين من نعاس ..
كيفن ألوك صبرك سخف
بي ياتو عين بتجيني خجلانه وشايله في يديك اسف
احتقرتك .... بما أسع .. يا تافهة يا حاجات غلط .. يا جزء من وازع اتهتر .. يا الكنت أم بريمبة نمل بين سرابتين وفردة سفنجة مقلوبة .. الفردة اليمين .. يا ضد قوانين اديها صنه وصهينه
ودشرت سطلتي في قفا العفاريت الجات تفجخ أم بريمبة ذلك النمل الذي لا يحتمل .. وصل مدججا علي مشارف الركبة ..
كواريكا ما كواريك .. سكلبة رغبة .. الغريزة بت كلب
والسرحان وسط السراب فعل تيراب جازم يقوم لي فوق
ياااااالله قومه
كب مع شوية تنفض وحسرة وطنطنه
خليتك يا دخانه ... يا وسخانه ... يا بت خانه ... يا خاينانا
يا بعتينا ببت ابليس
كنت ضعيفاً وشليقاً بمنتهي العبارة
خليتك للمحرات الجاي
وترتر اشتر

---------------------------------- نسخه لمن يهمه الأمر
بيت ابليس يحتوي علي مرق واحد حالق نمره اتنين بارود وفي اثناء الخرشه الاولي اتقشرت فروة الراس
ميني مِرِق نخاس سنون

Quote: محمد أبوعاقلة الطريفي

عركى أصيل و مأصل.....
بس كان تكتب بره الجهلاء يمتنعون حتى تجنبنا عناء التأوبل
تحياتى

ALGARADABI

تقصد شنو ؟؟؟؟
الجهلاء ... بضم الجيم
الجهلاء ... بفتح الجيم والهاء

وبيني وبينك الاتنين واحد ... لكن الموضوع ماليه علاقة بالأندر آيدج (خت تلاته نقاط في الجيم دي بمعرفتك)

Quote: تقصد شنو ؟؟؟؟

أقصد انى من القصة ما طلعتا الا بلغة شاعرية عذبة و ابتسامة أكثر عذوبة ذكرتنى بالطيب عبدالله فى:
انتا يا الأبيض ضميرك و صافى زى قلب الرضيع
فى كلامك
وفى ابتسامك
أحلى من زهر الربيع


كلامك حلو بس ما فهمتو
يبدو اننى محتاج لأقرأ النص أكثر من مرة


برااااااااحه ممكن تكون شاعر ممتاز
بس بعدين اتذكر العبد الفقير لله

اكتر من مره واردة
وممفروض تصل لنتيجة مهمه جدا
ولازم تكون شطحتك مداها طويل
الهدف تحت التبن
تبن ناشف

وعصف دعاش الشفع ببريمبة النمل الذي وصل اعلي نقطة في الجسد الخالي ... ليبدأ ترتيب الخدر الذي لازم تلك الصلعة والرأس الناشف حتي من تلك النجيلة ... لم يكن زعطها ممكنا ... وتقليم الأظافر حتي لا يسكن المدعو ابليس مرة أخري . بعدما احترف شقوق الخريف الماضي ملاذا آمنا...
كب ... علي مهلي

ومن يخرش أخيرا ... يطنطن طويلا ... تأهبا للحرج في أية لحظة ... العاصفة خلف هذا القلب الذي لا يأوي من مروا كراما من هنا... لا ينوون الجلوس في حائط بيت ابليس ... رائحة البارود لا تحتمل ... والخوف من الغنج مرحلة توجس يلعنها من يلعنها... فيا بنات ابليس لا تقتربوا من هذه النقطه الصفر ... شكل الحبر ... ولون الظلام ... لماذا تأتينا في جل الأوقات خفية ... أوعندما تكون القزحية أقل من مائة وثمانون درجة أو ما يعادلها من بعد صلاة العشاء.
من هنا ... سكوت للحواس ... خطوط للتماس ... والخارج من بيت ابليس وحيدا ... مات ... برغم حوجتنا الماسه لمن يموتون في أحلك الظروف ... وفي أحلي الظروف ...قتلناه بأيدينا ... وبكينا عليه كثيرا كثيرا ... مراً حين يحتدم البكاء ... اللحظة لا تأويني كما اشتهيت... دقات النوبة القلبية وتكبيرات الصوت فوق المشرشر من حواف البيت المليس بالبارود .. يا لك من بيت يلفظ كل أعواد السقف ... ومرق ... خرج وحيدا... وفشل ... الفشل الكلي... والزج به وحيدا من دافع المغامرة التي لم أحسبها كما يجب ...الظن السيئ لا يحيق الا بي ... فيا آكلي الملفات التسعين درجة ... خذوا ببصركم هذا نحو تلك اللافته ... خذوا حذركم ... البنت لا تقوي علي حمل حقائب السفر .
سكوت بطعم العلقم ... ورائحة خيانة

وسوسة الاربعاء بالليل
غدا في انتظار ... انتظار ما يجئ متأخرا نصف ساعه بعد منتصف العتمه

أبوعاقلة
لذيذ والله
شكلو كدة في زي توارد خواطر حاصل
الفكرة راودتني كتير بس ما لقت ليها سكة
وفضلت معلقة في حيطة الروح
زكرتني مرة كدة كتبت حاجة تشبه
وان كان كلامك فيه الكتير المحشور جواة السطور

بحلم ياناس لو أبقي عريس
والشيلة تكون أنتاج باريس
الود فرحان قاشر دسـيس
وضوق الدلكة شقوق كرعي
الفرحة تعم الزمن الصي
عزابة الحلة يبشروا لي
مبروك يا عريس مبروك يا عريس
دخل القش ما قال كش
يا ناس دة شنو ؟
ما تقولو كديس
دة الزول الرمة الباع الزمة الباقي رئيس
كيف أبقي عريس ودقيق الكسرة الفي الخرتوم
ما بتجازف من غير تحنيس؟
لو كان الخايب لينا رئيس
ما أظني أعرس بت أبليس!!!ـــــــــــــــــــــــــــــــــــ
يعني دي زي حاجة كدة أتزكرتها
وقلت أحشرها ليك في البوست
عموماً تسلم يا حبيب

الحبيب ... حبيب نوره
انت عارف انا تيراب البوست جبتو منك ... هاهاهاهاهاهاه
ياخي انت خليتي تلاته يوم اي حاجه في البال لم الصبر بال عديييييييل كده

انت عارف الناس دي كلها ما فهمت الموضوع ...
وعشان اريح العالم دي
المسأله ما ليها علاقه مباشره ببت ابليس
لكن لم تجي مافي زول بمنعا ... النوم سلطان ورفعة القلم تكيف

كل المسأله سجارة وكبريته فيها قشه واحده وما ولعت (عليك الله خت لي شده في اللام)

بارك الله فيك
جزاك الله خير
انا بجيب ليك التيراب
وانت أزرع الهيلاهوب
واهو كلو محصل بعضو

خليتني ازرع في الوهم
باريت الوهم ...
انت قايل عملت فيني خير ...
تورت نفسي ... اتذكرت نفسي ... يا ربي بلقاها مولعه
والا تشاها ود حرام في موية بلاعة

حبيب
خش في الخاص ... لكن ما هنا
في المخزن المطرف

الصديق محمد أبوعاقلة
وبالمناسبة جميلة المفارقة بين العقل الحاضر في إسمك (أبوعاقلة)، والغيبوبة في نصك (السطلة).
بالجد جميل هذا الحوار أو التداعي بين الحضور والغياب،
ونشوة الغيبوبة،....

عزيزي / عبد الجليل

انا ما عندي اي علاقه بالبطاقات الشخصيه واحد
اتنين ... الكتابه عن الغيبوبه في حد ذاته هروب من الجدل المسمم في رفوف الغربه
او ... ارضاء نزوه لا تنتمي للواقع بصله قرابه
جميله النشوه ... وانت بتبعد الف خطوه من الخطايا
باراسيكولوجية التعايش مع الروح المشحتفه بذكريات بتلكز فينا

بس ابو عاقلة انت نسيت ورق اللف.

وما الغربة يا صديقي
إلا سجارة أخرى، أدمنا (جبيدها)، دون (تظبط) رأسنا.

Quote: انت عارف الناس دي كلها ما فهمت الموضوع ...

الحمد لله القصة دي ما عن الـ (WET DREAM)

لكن كل مأأشوف

Quote: يوم خميس

أقول .... الله يكضَب الشينة






سردك جميل

عن واقع يابس ... بتشاف بمكان المفتاح الضائع مره مره
متاورة جرح ... بنتح لم العصب يشتاق
لسه بتعاطي حبوب الصهينه
لا جل مسمي
والله يكضبا ... امكن اهنضبا
وامكن تاح تراح
غيبوبه

شكرا ليك حيدر