بكري ابوبكر... أديك ســـر ؟؟

مشتهيه لي مرقة عصر..
لفحة سفنجة وتوب صلاة..
وجرة كحل..
يابت تعالى..ماشه وين ؟
يابت تعالى..طايره وين؟
جايه ..جايه..
يما جايه..
و أطير ..جــــــــــــــرى..
الدمعة تسبق خطوتي..
غبيانة دي..جنك بكاء..
أهديك وردة..
مرة حمراء ..مرة بيضاء..ومرة لا..
واديك سر؟ ...خليك بعيد


مشتهيه لي كم قصة احكيهن
وكت القي البنات أتلملمن
أحكى وأزيد..لما الحكى
يوصل مدا
أحكى ويغيرن..وانتشى
أحكى وأعيد...
شي من حقيقة..
ومن خيال كمين و شي
أديك سر؟ ...خليك بعيد

مشتهيه لي صحية دغش ..
والناس نيام
تطل على نسمة خريف
صارا لي منك سلام..
صاراو شــــــــــــــديد..
في حزتا ..تطرب تزغرد..
حلة حلة .. وحارة حارة
وشفع الجيران يمرقو
لابسين جديد..
يمرقو ما يفضل نفر
خالتي سيدة تلقى مريم
يتقالدن ..بعد قطيعه..وحورب عنيد
أديك سر؟ ..خليك بعيد

مشتهيه لي لمة حريم ..وبنات كتاااااااااااار
فى ضل ضحى
راكوبة في بيتنا الكبير الفى الدويم
جبنه و بخور..فنجان يدور
أول بكر ..تانى التنى ..
يابت كفاك
يرمو الودع..
أخدر طوووويل..
يابت وليد الصرة جاك ..
أديك سر؟ .. خليك بعيد

مشتهيه لي حوليه في فسحتنا ديك
حلقة زكر ..الله.. الله حي
يــــــــا الله حي
رايات ورق ..صاجات و طار..
والنوبه ايييييييييييييك
الله ..الله ..
مجانين يا شيخ العرب..مجانين
الله ..الله..
يا شيخنا هووووى.. مجانين..
يا سيدنا البدوي .. مجانين
والناس تميل.. الناس تميل
الله .. الله..
وقلوب تميل..
الله ..الله ..
يالله صلى على الحبيب
الله ..الله..
والناس تغـــــــــــــيب..
والقلوب تغرق تذوب..
الله ..الله
ترهف تهش..
والوجوه تصفى و تبش
الله ..الله
في حزتا.. بتخيلك ..
في كل نبضة قلب دق و ارتعش
الله .. الله
في كل وش..
الله .. الله
في كل شي..
أديك سر؟ .. خليك بعيد

ما تستجيب لى دمعة خاينة .. أتمردت
ما تراعى لي اهااااات وجع .. أتجددت
بس تأكد روحي ترتاح تحتويك و تهدهدك ..
وعيون تساهر تحرسك..
تتوسد الشقاء والسهاد .. بس تسعدك ..
أديك سر؟ ...خليك بعـــــــــــــــــــــيد ..



الاخ الكريم بكري ابوبكر (اديك سر؟؟)
العزيزه حجة امنة بالخارج ..
نرجو السماح لها بالدخول.
فلتضيف لزمرة الرائعين درة ..
(((دي الرتينه النورا بق وبيها عالمنا ابتهج)))



همك بارد يا حورية ...
هم اطفال ابتدعو الفرحة ... وفوق احزان الزمن الغادر خطو اللوحة
لوحة شقية .. فيها تمازج بين الوان ... لون اشباح الخوف العشش ... ولون حرية
تاوقو من شباك الامل الطالى على النجمات ..
مدو خطاوى ... ثابتة ... قوية
همى دموع سالت فى اللوحة
رسمت معنى الفرقة ... الغربة
معنى الوحدة ... انى اشيل فوق همى همومك
اخر كلمة ... عندى وصية
ظلى ابية ... يا حورية...

اديك ســــر ؟

خلتني اسرح في القبيل ,,,في الجاي والحاضر الفتر
واحنس الزكري الامان ..ترجع تقيف... تنجد غريقه من الخطر
اصلو المقدر لي كان ...ووقعت في ريد البحر

ومن الــقدر أين المفـــر؟
مااصلو مكتوب لي مسطر,,

اديك سر؟

ياريتني ارجع طفلة.. وارمي الضفاير في الضهر
يابت عنيدة هالة جات ..ماشين علي درس العصر
واتجاري افتش مره كراس الحساب ومره لشريط الشعر
وقبل الدرس نتلم صحاب ... نتلم كتار
نلعب سوا من حجلة لام الحفر,,,
وسلوي ياسلوي مالك بتبكي عايزه ايه؟
عايزه انووووم بعد السهر,,
وهمي المكوم في البحر يتلاشي
...... لامد لاجزر

اديك ســـر؟

ياريتني ابقي المستحيل
وامسح فروقات الزمن,,
يعود الحبيب حضن الوطن
ويرجع بعد غربة الامان
شوق البعيد لناس حنان
مليانه بالود والسلام
لا كلام زعل لاحديث خصام
لاشكوك لا ظن,,,

واديك ســـر...؟

ح نتلااااااقي...
نتلاقي من بعد المدي
ماريدنا مالي الاورده,,
ساكن في شريان الغنا,,
وباقي العصب للافئده

من بدري ضيعت الخبر
وعندك لقيتو بمبتدا,,

يامنتهاي خليك قريب
عندك وجدت المبتداء


عنيدة في لحظة خرف(الله يجازيك ياأمنه)

عنيده

منك ...

مدد مدد مدد

بكري أبوبكر أديك سر ؟؟ خلي حاجة آمنة تدخل
عنيدة دي ما بتجيب من طرف
حاجة آمنة دي يا عنيدة ياها الحاجة الهناك ولا واحدة تانية ؟

عنيدة وينك ما ظاهرة بورتسودان ؟
لحظة شهيق

Quote: مشتهيه لي حوليه في فسحتنا ديك حلقة زكر ..الله.. الله حي يــــــــا الله حي رايات ورق ..صاجات و طار.. والنوبه ايييييييييييييك الله ..الله .. مجانين يا شيخ العرب..مجانين الله ..الله.. يا شيخنا هووووى.. مجانين.. يا سيدنا البدوي .. مجانين والناس تميل.. الناس تميل الله .. الله.. وقلوب تميل.. الله ..الله .. يالله صلى على الحبيب الله ..الله.. والناس تغـــــــــــــيب.. والقلوب تغرق تذوب.. الله ..الله ترهف تهش.. والوجوه تصفى و تبش الله ..الله في حزتا.. بتخيلك .. في كل نبضة قلب دق و ارتعش الله .. الله في كل وش.. الله .. الله في كل شي.. أديك سر؟ .. خليك بعيد

ســرك باتـع

يا عـنود

وأثني منح صديقتك الحاجة امنـة

أحلى باسويرد



وتحياتي

أحمـد الشايقي

Quote: مشتهيه لي صحية دغش .. والناس نيام تطل على نسمة خريف صارا لي منك سلام.. صاراو شــــــــــــــديد.. في حزتا ..تطرب تزغرد.. حلة حلة .. وحارة حارة وشفع الجيران يمرقو لابسين جديد.. يمرقو ما يفضل نفر خالتي سيدة تلقى مريم يتقالدن ..بعد قطيعه..وحورب عنيد أديك سر؟ ..خليك بعيد

الأخت الحبيبة
عنيدة
حأديك سر
و ما تكونى
بعيدة
كلماتك,
من اجمل ما قرأت
و اسلوبك,
من اجمل ما رأيت
و لكى منى
و للحاجة آمنة
كل الحب
و التحية

غادة

الغالي بكري أبوبكر (البكري) ..

حجة آمنة .. عنوان للفرح ..

---

عنيدة .. دي قلبتي فيها الهوبه ..

دمتم ..

حجة آمنة


حجة آمنة


تعالى حجينا.
وبث...

أبوالشوش

هذه المرأه العدويه أعدو إليها يا بكرى بإحسان وأفتح لها الأبواب فإن ما قالت به يرفع لها الحجب فعشقت الذات وهوى عشقها لا سواه.............فيا عنيده من أين لك تلك....


فيا بكرى نثنى دخولها فإن فرشتها تغير منها ما لدافنشى ودالى وبيكاسو




منصور

عنيده تحياتى ..

جميل ما كتبتيه ..
ومرافعتك وتذكيتك لصديقتك من اجمل التذكيات .

أما الحاجة آمنة عرفتها من خلال آجمل الناس ولم اصدافها الي الان
واشهد من خلال ما سمعته عنها بانها انسانة مقتدرة وتملك من العطاء
ما يجعلنا نطمع بان تكون هنا حتى نتعلم منها .


وقولى لها اليل مظلم وحالك والروح فى غاية آخر الروح .

اتمنى أن تكون هنا الحاجة آمنة .

....

Quote: عنيده تحياتى .. جميل ما كتبتيه .. ومرافعتك وتذكيتك لصديقتك من اجمل التذكيات .

Quote: اتمنى أن تكون هنا الحاجة آمنة .

....

مباااااااااالغة

غايتو يا عنيدة دي مافي زول سبقك عليها نهائي

















بعد ده منتظرين حجه آمنة

.. بتخيل ايامى البدن بى طلتك ...

و اتخيلك زخة مطر
... تحضن ارض عطشانة يوم ما ملتك ...

و اتخيلك رنة نغم
... بتردد اجراس الفرح لمن تجود بى بسمتك ...

واتخيلك انفاس ورد
... يبداء ربيعو بى هلتك ..

و اتخيلك و اتخيلك ...

حجوج

ـــــ
عنوود !
عاش من شاف ليك حرف،،
هذا بعد الشوق،،

عنيدة
أديك سر؟؟؟


















ضميتك لل Favorites

عنود اديك سر

والله مشتاقين وبنسال عنك بشدة

واثني معك حاجة امنة ولها مني التحية والاشواق

وما تنقطعي كتير كده

وبرضو منتظرين هطولك ..

Quote: حجة آمنة .. عنوان للفرح ..

علشان كـده لازم حـاجة آمنـة تكـون معانـا هنـا ..

ممكـن يابكـري?

Please umo

دي مـن آية..

مـني

سلامات
وعوافي
والله ياعنيدة بعد هذه (الخريدة) عمو بكري مفروض يطلع عدد 2 باسويرد للشاعرة الرائعة حاجة امنة ..
ومعاك بنقول الف مليون مرحب مرحب بيك حاجة امنة ..

الرائعة العنود..

مرحبا بحاجة آمنة الأروع..

لو دى حاجة آمنة الفى عكس الريح

يبقى كنز.

عنيييييييييييييييييدة
سلامي وإحترامي وترحيبي بحجة آمنة

Quote: بكري ابوبكر... أديك ســـر ؟؟

شوف يا تدي حجة آمنة دي باسوورد ولا أنا بخليها تدخل بإسم بدرالدين شنا

هي (عنيدة) يا بكري إنت خليك أحسن منها إنت الكبير

عنود ست البنات ازيك ومشتاقين والله

تحية ليك ولي حجوج وقولي ليها برضو مشتاقين

بكري كلنا مع عنيدة وكلنا من اجل حجوج نعلن عصيان السر

ونقول مرحب بي حجوج في البيت الكبير

حاجة امنة منورة

ياربييييييييي من صباحكم..

ثااااااااابت..
ياها حجة امنة صديقةالسايبر وحبيبة القلب
ورفيقة الخرف
انت فارقت الحوش داك مالك
شكرا" لدعمك

الشايقي
عرفت اي سر الحاديهو لبكري؟
دي حجوجه وكفيالبيها بوردينا احتفي
شكرا" للتثنيه


الغـــاده الوسميه..
جيتك براها كرنفال فرح ياحبيبه
(عاجباني بسمتك دي)عيني بارده
دي كلمات رفيقة الخرف حجة امنه
امانه مابعجبك خرفا
شكرا"نبيلا"..


خال فاطمه..
تسلم يابا علي تثنيتك
وتحياتي للحنينه السكره


شوقي ياابوالشووش
تشكرات يامان علي الدعم



منصور المفتاح
زيارتك فيها تشريفنا مزاجنا وتكملة كيفنا
.. واديك سر؟
حجة امنة رفيقة سدار ممتازه جدا"
شكرا" مطر.


غمرتوني بالفرحه..
لكم السعد يارايعين..

سفيان نابري
يقولو ليك شنوبعد جميل(قولك) دا
ياصديق(اجمل الحلوين)
شكرا" مطر يارايع لتثنيتك..


الفاتح وديدي
تشكر علي دعمك..
شكرا" جزيلا"


نوووووبي
قلت احسن كده
حجوجه جاياك يابشرا
خرف بمزاج
شكرا" لانك هنا صديقي


سوميتاااااااااااا
يابت شوق الشوق والله
امس كنت بقرا مداخله لخالتو سلمي
لقيتك فيها وقفتااااااااا..بث
وبجد طولنا..
وعاش من شافك

ALGARADABI تحياتي .. وتشكرات لانك هنا
لكن الـــ Favorites عديييل كده

اديك سر,,,,

دا كلام خرف مااابنحملو
تسلم ياملك


حسام يوسف
يسأل منك الخيييير.. وصلني سؤالكم وسلامكم
ليكم اصفي الود
,,,
شكرا" لتزكيتك يارايع


بكري الامين.. ماتنتظر ساي قوم بالواجب


مني خوجلي
تسلمي كتير علي تزكيتك
ومني ومن حجة امنه محبة وتحيه ليكي ولايه


عمو ودرمليه
(عمدة عشاق كوستي)هنا(عيون مقلعه)
ليك مودتي ولاحباب هناك..


امنه مختار يابت بلدي يابت سوداني
دباكتيوا
ياها زااااااااتا حجة امنه
شكرا" لدعمك ياروعه
وليكي مني اشواق وتحايا كميات


بدرالدين شنا
تسسسلم ياالبدرررررررررري
حجة امنه قالت ماعندها مانع
تدخل بباسوردك وتزيدو(حـــلا)
شكرا" لتزكيتك.. شكرا" مطر يارايع




عبدالله وداعه..منورين بيك والله
مشتاقين..
مالك حتي في ال msnماظاهر
تسلم ياملك علي التزكيه
وشكرا" كثييييييييييف



لكم السعد
لكم السعد
لكم السعد
لكم السعد

اووووووووووه عندند اديك سر ؟؟؟

بالغتي عديييييييييييييل كده

الله على الاثنين لو اتجمعوا ..

حجة وعنيدة لكما التحية ..

يا سلام عليك يا عنود ..
وجود حجة آمنة سيزيد المكان روعةً ..
يلا يا ريس همتك معانا ..

تعرفى يا عنيدة الصورة دى بتزكرنى حبوبتى ، كان مشلخة كنت قلت دى هى فى شبابا.

ما شفتوها يا خلاني
امنه الفي الضمير
قاتلاني ما شفتوها
عنود روعة وبهجة ومسرة
زيدي في ابداعاتك
لكي مني الف وردة حمرا

:

:

العزيز بكرى تحياتى

(ساظل اجلب كل يوم وردة... )


هذا توقيعهادوما


ودوما ترتسم عليها ملامح الفرح المقيم


وبرضو منتظرين هطولك

Quote: فلتضيف لزمرة الرائعين درة .. (((دي الرتينه النورا بق وبيها عالمنا ابتهج)))

عنيده

سلام وود

نتمنى ان يستجيب بكرى


مقدماً مرحبا بالدرة في البورد




مودتي واحترامي

معتصم فع الله
تسلم يالامير..


ودجبريل..
عشان كده صاري؟

عن الشلوخ.. عاين كويس
اها انشالله بنياتك يطلعن بشبهن حبوبتن


حمزاااااااااوي
وليك مني ومن امونه تحايا
بالكوم وورود ردوم
تسلم يارب


انعام الحبيبه
شكرا" لتزكيتك


لكم السعد

:

:

وننتظر ...

سلامات
وعوافي
يابكري حاجة امنة من اللائي تحتفل بهن المحافل والمنابر ... وهي كاتبة رصينة تشهد لها الاسافير بالروعة والحرف الندي ... اول ما قرات لها كان في عكس الريح .. تكتب وكان كلماتها تمشي ..
فهلا منحتنا هذا الضياء عله يسحر عيون المساء ....
الف مرحبتين حاجة امنة ..
ومنتظرين
تخريمة:-
ياجماعة رسلتو ايميلات تزكية لي بكري ابوبكر ...؟

العزيزه ععنيده
حقيقه جعلتينى اسرح واعيش فى لوحتكى ففعلا ما كتبتيه لوحه حقيقيه بتفاصيلها البسيطه العميقه لبت بلدى ف ايتانينا ودانيتا بحاجه امنه فالسيد بكرى باذن الله لن يرد اى جميل
امانينا

Quote: ياجماعة رسلتو ايميلات تزكية لي بكري ابوبكر ...؟

العزيز ودرملية تحياتى ياجميل تحياتى

نعم رسلت للاخ بكرى

وننتظر دخول المبدعة حجة امنة

ودى

ود رمليه ليك التحيه
وشكرا" نبيلا"

بازرعــه .. شكرا" لانك هنــا يارايع
مودتي واحترامي


بكري الامين شكرا" لــ(حراسة) البوست


وفي انتظار الغيث

الشكر لكى لاهتمامك والرد علينا فانتت الرائعه فالى الامام
امنياتى الطيبه

مرحب بالاخت حاجة أمنة
فى رحابة هذا البيت ...




عنيدة أديك سر ؟؟؟

الجماعةبيسالو منك !!!!

بكري الامين تعبت نساعدك شويه ولي فوق

فدياس (انشالله يكون كده صاح)
شكرا"مطر للتزكية .. واديك ســر
قول للجماعة يسأل منكم الخييييير ..

بازرعـــة...
اولا" سعيدة بانضمامك يا(سلالة الروعــة)
وتانيا" القصايد دي لصديقتي المخرفةحجة امنة
اجمل مافي الامر اني اوووول من يستمع لحروفا
وبين قوسين اريتو خرف البنيات
شكرا" نبيلا"

حسام .. الهمااااام ..
تسلم ياذوق

الريس بكرى: المنبر العام حيكون أجمل بحضور حاجة آمنة

الاخت عنيدة: الف تحية وباقة ورد

تحياتى

اكيد بكرى المبدع

ما ح يرفض انضمام المبدعين الى موكب الابداع
وتحياتى لى عنيده ولى صديقتها الشاعره الشديده ولضيضه

بت بلدى عنود
دبايوا
لكى الشكر على التواصل والرد العطر الجميل الذى يجبر الخاطر دائما
وين الحجه امنه طولت ما طلت راجنها عبرك نرسل تحياتنا لها
ودى

العزيزة عنيدة

بضم صوتي لصوتك

ونرجو من الاخ بكري أن يضم حجوج الغالية

لركب سودانيزاونلاين

تسلمي

تحياتي وودي لكما

أضم صوتي للعنيدة، زينة البنات،بقول مموسق، وحس يباهي ببنت بلدي الدنيا بأكملها قائلاً لها، أنت :

رويانا من صحية دغش ..
والناس نيام
متمني لي ثورة وكلام،
معسول لذيذ، منك سلام
منك سلام، رعشة دعاش،
منك سلام ..
والناس نيام،
منك سلام

" سأظلّ أجلب كلّ يوم وردة ". " سأظلّ أجلب كلّ يوم وردة ". " سأطلّ أجلب كلّ يوم وردة ".


نحتاجها يا بكري !

نحتاج بشدّة زارعة الحبّ في و طننا الاسفيري العزيز.


طارق الفزاري

ود زينب

مهيره
تشكري ياراقيه..



علي محمد علي بشيرتسلم يارايع علي تزكيتك
وحجة امنة+عنيدة = ريدة شديده



هووووووزي الجميله
واحشاني ...
مودتي



..حيدر بدوي صديق
كان عارفاك بتجي
كان (ضبحت )ليك بوست تاني
تسلم..

وانا مني ليك ..مليون سلام
حيدرنا ياحلو الكلام
وبتمني جيتك لي دوام

ود زينبتسلم يالاصيل
,,,
شكرا" نبيلا"علي تثنيتك

Quote: الغـــاده الوسميه.. جيتك براها كرنفال فرح ياحبيبه (عاجباني بسمتك دي)عيني بارده دي كلمات رفيقة الخرف حجة امنه امانه مابعجبك خرفا شكرا"نبيلا"..

الحبيبات
عنيدة,
و حجة آمنة

الخرف ما عندكم
لاكن
ممكن نخرف معاكم

كل الحب
و كامل الود
غادة

بنية فجة نور في ضُلمة،،




اها بكري لسع ما جا؟

عنود الحقينا بي عُمري،،

سلامات
وعوافي
ياعنيدة ويابكة الحاصل شنو ياجماعة ..؟
نقوم نعمل مظاهرات في المنبر دا والا كيف ...
ااااي والله حاجة امنة تستاهل انتفاضة موش مظاهرات ..
وياشباب خليكم مصحصحين ما معروف وقت الانتفاضة متين ..

Quote: حاجة امنة اتصبري عارف الوجع في الجوف شديد عارفك كمان مابتقدري حاااااااجة امنة حاااااااااااااجة امنة

ما تخليك عنيدة و أدينا معاك سر
حاجة آمنة لازم نفكّ عنّـهــا الأسر
نقيف معاها و لى بكر ما بننكسر
و لو قال أبيت تلقينا ناس كسر
لازم تكون بيناتنا بى رضا أو قسر
الما بساندك فى رجاك هو الخسر

Quote: بكري الامين شكرا" لــ(حراسة) البوست

عنود ام راسا زى البوت ( اصبرى ساى )

حارس البوست ده انا وحارس ستو زاتها

بس متين تجى ...

بكرى فى انتظارك

عنييييدة إتصبري

وحاجة آمنة..إتصبري

عارفة الوقوف بيزهج كتير

لكن عارفنك إنتي بتقدري

إتصبري لحدي ما اللورد يفتح الباب





مرحبا بحاجة آمنة..

وشكرا عنيدة



عصام

ــــــــــــــــــــــــــــــــــ
عنيدة ..كل ما أقرأ إسمك بتزكر (مفيد وعنيدة) المسلسل بتاع الأطفال الجميل

بكري البوست نزل كتير

الـ غاده الوسيمه
اديكي سر؟ دي يابتي ((( لوحة جمال موكب عطر)))
اتفضلي يالحبيبه خرفي براحتك


سوميتااااااااااا
عمري بعدو بالساعات عشان خاطر مواعيدو
جبناها

دي حتي عيوني ياغالي بقت ولهانه بتريدك
سومييييتا
يقطع الريده وسنينا ولا شنو(وش محبط)



ودرمليه .. صدقني السر زاع وعم البوردات المجاوره
لكن بكري في (اضان طرش)
تخريمه:
ابو الحروف او كما يحلو لك(بكه)لم يجتهد بما فيه الكفايه



علي الحلاوي
حبااااااااااااابك
مادام شرفتنا بجيتك واديتنا(صوتك) تب ماخسرانين
سلمت....شكرا" نبيلا"


بكري الامين
زول وااااحد بقول راسا اقوي من الـــ(نقط نقط نقط)وش شرييييير

دي حجة امنه,,,,,,, ياابو الحروف


عصام احمد
تسلم علي التثنيه ياذوق
تخريمه
مسلسل عنيد ومفيده
كبابي البيت بكسرا والراديوهات يخسرا
وبرضو عنيده البنيه رشيده تراترالللم لم تراترم



حسام يوسف
تسلم ياولدنا
(يعليك مايدليك)

عنيدة
صباح الخيرات حسب الجغرافيا
حاجة آمنة أدوها الباسورد ؟؟
.
.
أم
نغني ليها حاجة آمنة إتصبري
أدينا خبر

سلامات
وعوافي
يابكري ما ادوك السر تاني فضل شنو ..
تجي والا نجي

شنو يابكرى ورينا الحاصل شنو ...

الله اكبر ...

ولله الحمد ....

حمدلله بالسلا مه يا حجه آمنه
مرحب بيك
رأفت ميلاد

تسلمى يا ست البنات ...

على الكل شى ...

انك حبيبة ...الاقرب ...

وشكرا لى ضيوفك الجميلين ...

حقيقة استقبال سر بالى واسعدنى حد السعادة ...

شكرا العزيز بكرى ابو بكر ...










هوووووى

تانى شكرن ..

سمح ؟

اعوذ بالله


خلاص قشوا الدرب






...
...

حمد لله على السلامة

يا بنية
ــــــــــــ

عنيدة ما عملتى فينا خير تبــ

سلامات
وعوافي
عنيدة .. سرك ما خلاص .. انكشف ..
مبروك يا حاجة امنة
عنيدة انتي مشيتي وين يازولة ..ليك زمن غايبة ..

حلويين ...

يا عنيدة

سرك جميل ..

وموهوب ..ومبدع للغاية

والله اعجبتنى حجة آمنة ولغتها السلسة ..وموهبتها الفذة ..

وحلاوة كلامها وطراوة دخلتها على البورد ..
وخفة دمها الواضحة


بسحروك يا حجة آمنة ..وكمان اسمك جميل ومميز ..

يا مرحبا ...

بكرى اديك سر اخطر من سر عنيدة..
اشطب عنيدة وحجة امنة
لانهم اكبر من مساحة الفرح الهنا
واجمل من اى وردة شفتها
وحلوات حلاتا بلا السكر
وشقيات شقاوة الارانب
اطردهم خلى اى بستان يحتضنهم
احبهم فرادى ومجتمعات،،،

سلامات
وعوافي
ياود الموج كدي شوف لينا معاك عنيدة دي طارت وين ..
ياعنيييييييييييدة تحضري يا يما ماتغيبي ..
انتي طرتي وين يازولة ماتجي حاجة امنة الفقرية ياهدي قاعدة في نص البيت ..
والبيت محروس وستو تكوس

عنيده
حاجه آمنه
حضوركم البهي ..
هذا المقام محتشد باسرار الروعة والاندهاش
دمتم ودامت اسراركم الحميمة

ثابت
.. شفتها جات من غير ميعاد


ود رمليه
...اولا اعزر خرفي واني كنت بقو ليك ياعمو
قرقرقرقر.. ياخي احرجتني علي قول ... طلعت انا المخرفه



ابوبكر
.. قادر الله علي اجتهادك يابو الحروف هي هي هي هي
شكرا"



رأفت ميلاد
.. شكرا" علي الترحيب بصديقتي


الملك
... زمممممممممن وين ياانت
هسي السربعه الماسكو ليك منو قال خير
ولا طير في الباقيروتب ولا طب ساكت


تماضر....
حباب السمحه..سري باتع موش
.. شكرا" لمرورك المبهج


ودالموج...
الكلام انتهي..
لكن ملعون المابحبك ياخي
وشوق الشوق ياخالنا وعمدتنا
دا بالاجماع


ود رمليه
...كلاكيت تاني مره
طرت بعيد وجيت وتاني طايره
سودانيه ولرسولنا قوماك بيّّّّّا


ايمن طابير
الروعه في جيتك دي
تسلم اخوي


حجه امنه الحنينه السكره
بركه الجيتي واتدفقتي فيضان عمار
وسربعات وكده.. اها شفتي ترحيب الناس دي كيف
حلوين جدا


تسلموووووووووووو

سلامات
وعوافي
عنيدة بي ملاح ويكاب ..
اسمعي انتي ماتجي تسربعي معانا بي هناك ..
اسالي الملك او حاجة خايفة من بوست السربعة خليهم يوصفوا ليك عشان انا وصفي مابيكون مزبوط..
بركة الشفناك ياعنيدة ..

ودرمليه
الف سلام ومليون تحيه
ياخي النيه في السربعه في


هي زااااااااااتا وينا حاجه خرف

عنيده
وحات بت المنى مشتااااااااااااقون
تحياتي
ودالسودان