Post: #1
Title: من بعيد لبعــــيد ..
Author: معتصم دفع الله
Date: 07-07-2006, 05:30 AM
|
Post: #2
Title: Re: من بعيد لبعــــيد ..
Author: معتصم دفع الله
Date: 07-07-2006, 05:32 AM
Parent: #1
ما يكون مني خوفك ..
أنا عاشق الفضيلة ..
والمثل النبيلة ..
***
من بعيد لبعيد ..
وري العين جمالك ..
لو لحظات قليلة ..
|
Post: #3
Title: Re: من بعيد لبعــــيد ..
Author: معتصم دفع الله
Date: 07-07-2006, 05:38 AM
Parent: #2
الحسن الأكيد ..
والحب المنزه ..
عن أغراض وكيد ..
***
الروح والجمال والسحر الحلال ..
هم احسن خلال ..
هم اكرم نفيلة ..
بل اعظم خصيلة ..
في السودان اصيلة ..
|
Post: #4
Title: Re: من بعيد لبعــــيد ..
Author: معتصم دفع الله
Date: 07-07-2006, 05:41 AM
Parent: #3
بس بالله فيد ..
عن هجراني ظلماً ..
ماذا تستفيد ..
يا أروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..
|
Post: #5
Title: Re: من بعيد لبعــــيد ..
Author: معتصم دفع الله
Date: 07-07-2006, 05:43 AM
Parent: #4
من بعيد لبعيد ..
لو سمحت ظروفك ..
اسمح لي أشوفك ..
***
ما يكون مني خوفك ..
أنا عاشق الفضيلة ..
والمثل النبيلة ..
***
من بعيد لبعيد ..
وري العين جمالك ..
لو لحظات قليلة ..
***
الحسن الأكيد ..
والحب المنزه ..
عن أغراض وكيد..
***
الروح والجمال والسحر الحلال ..
هم احسن خلال ..
هم اكرم نفيلة ..
بل اعظم خصيلة ..
في السودان اصيلة ..
***
بس بالله فيد ..
عن هجراني ظلماً..
ماذا تستفيد ..
يا أروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..
|
Post: #6
Title: Re: من بعيد لبعــــيد ..
Author: معتصم دفع الله
Date: 07-07-2006, 06:16 AM
Parent: #5
الكلمات للشاعر محمد بشير عتيق ..
الألحان للشاعر عبد الرحمن الريح ..
وهي من أغنيات الفنان عوض الجاك ..
رحم الله الجميع ..
بقدر ما أمتعونا ..
من كلمات وألحان وطربٍ أصيل ..
|
Post: #38
Title: Re: من بعيد لبعــــيد ..
Author: عنيده
Date: 07-12-2006, 03:25 AM
Parent: #4
Quote:
بس بالله فيد ..
عن هجراني ظلماً ..
ماذا تستفيد ..
يا أروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة
|
صباحك زين يامعتصم
يعني بتعرف تجيب المحن
مالك علينا هسي (وش محبط)
سلاماتنا يارائع
|
Post: #7
Title: Re: من بعيد لبعــــيد ..
Author: عبد الله عقيد
Date: 07-07-2006, 07:10 AM
Parent: #1
يا سلام عليك يا فنان
عندما وجدت العنوان
(تمطقت أذني) لسماع (بحة) عوض الجاك العجيبة..
ولكنني فوجئت بنغمات العود
فطاب خاطري بصوت علي السقيد
"وعلى كل حال.. هجرانك وصال.. وروحك روح جميلة".
مشكور يا حبيب
|
Post: #8
Title: Re: من بعيد لبعــــيد ..
Author: نادية عثمان
Date: 07-07-2006, 07:24 AM
Parent: #7
من بعيد لبعييييييييييييييييييد
انت زول رائع ياود عم دفع الله ياخ !!
|
Post: #14
Title: Re: من بعيد لبعــــيد ..
Author: معتصم دفع الله
Date: 07-08-2006, 01:03 AM
Parent: #8
ندوية كيفك ..
مشتاقين كتير والله ..
تسلمي إنتِ يا ست الذوق ..
بس بالله فيد ..
عن هجراني ظلماً ..
ماذا تستفيد ..
شفتي الكلام دا جميل كيف ..
وهذا الطرب الأصيل ..
أجمل تحياتي ..
|
Post: #9
Title: Re: من بعيد لبعــــيد ..
Author: معتصم دفع الله
Date: 07-07-2006, 07:30 AM
Parent: #7
ود عقيد ..
كيفك يا جميل ..
تعرف ..
زي ما بيقولوا سمح الغناء في " خشم " سيدو ..
لكن مع علي السقيد وهذه الرائعة أحس بطرب شديييد ..
الزول دا غناي ومطرب متفرد ..
بعدين هجرانك وصال دي معلقة معاي طوالي ..
مرات كتيرة بقول " هجرانك خسارة " ما عارف ليه ؟..
وأنا كاتبه عندي صحيحة في ملف خارجي ..
والتعديل دا كان عشان الحاجة دي ما عارف عملت شنو وعدلت ..
بس تقول شنو العتب على " الكبر " ..
رحم الله فنانا عوض الجاك يا ريت ألقاها بي صوته نجيبه ننزله هنا ..
يديك العافية يا قريبي ..
كن بألف خير ..
|
Post: #11
Title: Re: من بعيد لبعــــيد ..
Author: Muna Khugali
Date: 07-07-2006, 08:37 AM
Parent: #10
Quote: ما يكون مني خوفك ..
أنا عاشق الفضيلة ..
والمثل النبيلة .. |
كـلام جميـل شـديد.. ماييختاره الا الجميلين..
زي السـقيـد وزيـك يامعتصـم..
مـني
|
Post: #17
Title: Re: من بعيد لبعــــيد ..
Author: معتصم دفع الله
Date: 07-08-2006, 02:23 AM
Parent: #11
كيفك منى ..
فعلاً الأغنية رائعة ..
وكلماتها حلوة وجميلة ..
وعلي السقيد أبدع فيها ..
وحضورك زاد المكان بهجة ..
شكراً ليك يا ذوق ..
محبتي ..
|
Post: #16
Title: Re: من بعيد لبعــــيد ..
Author: معتصم دفع الله
Date: 07-08-2006, 01:22 AM
Parent: #10
| Quote: ممكن أطلب أغنية بس بعاين بعيوني ؟؟ |
كما نهدي الأغنية للعصابة ..
شتات .. تمبس .. الكاردينال ..
والأهل بحلة العزابة " بكسر الحاء "ومن جاورهم ..
وكل من يعشق الطرب الأصيل ..
والله يا لول الواحد بقى قبل ما ينزل أغنية يخاف منكم ..
بس قاعدين لي كشف الحال ..
ليكم يوم يا ظلمة ..
|
Post: #12
Title: Re: من بعيد لبعــــيد ..
Author: Alsa7afa_30
Date: 07-07-2006, 05:52 PM
Parent: #1
| Quote:
الروح والجمال والسحر الحلال ..
هم احسن خلال ..
هم اكرم نفيلة ..
بل اعظم خصيلة ..
في السودان اصيلة ..
|
كلام عجيــــب!!
|
Post: #13
Title: Re: من بعيد لبعــــيد ..
Author: حسام يوسف
Date: 07-07-2006, 07:18 PM
Parent: #12
Quote: من بعيد لبعيد ..
لو سمحت ظروفك ..
اسمح لي أشوفك .. |
عزيزي الجميل معتصم
جبنا الشوق والكلام الجميل
تسلم يا زوق علي الحن المميز
|
Post: #15
Title: Re: من بعيد لبعــــيد ..
Author: Mohamed Abdelgaleel
Date: 07-08-2006, 01:10 AM
Parent: #13
ما أحلى القصائد
في الشدائد والغنا
ما أحلى الكلام الحب
أوقات الشقا
نجم
يا سلام على إنتقاء عيون الشعر والألحان والإداء يا معتصم .. بمثل هذا تصبح الدنيا أرحب
|
Post: #20
Title: Re: من بعيد لبعــــيد ..
Author: معتصم دفع الله
Date: 07-08-2006, 03:36 AM
Parent: #15
Quote: ما أحلى القصائد
في الشدائد والغنا
ما أحلى الكلام الحب
أوقات الشقا |
دا كلام جميل يا محمد عبدالجليل ..
| Quote: بمثل هذا تصبح الدنيا أرحب |
وهذا ما نتمناه ..
الحبيب محمد عبدالجليل ..
كلماتك دائماً تأتي رائعة وحلوة ..
كروعة هذا اللحن الجميل ..
ودائماً بكون سعيد بطلتك وحضورك إلينا ..
متعك الله بالصحة والعافية ..
|
Post: #19
Title: Re: من بعيد لبعــــيد ..
Author: معتصم دفع الله
Date: 07-08-2006, 03:14 AM
Parent: #13
صديقي حسام يوسف ..
كيفك يا حبيب ..
حضورك دائماً يسعدني ..
ويجمل دواخلي ..
خليك دوماً في الجوار ..
محبتي ..
|
Post: #18
Title: Re: من بعيد لبعــــيد ..
Author: معتصم دفع الله
Date: 07-08-2006, 02:47 AM
Parent: #12
الصحافة 30
تحياتي يا زول يا ذوق ..
تعرف ..
الكلام السمح دا كلو موجود ..
والإبداع في أي مكان من بلادي ..
بس الله يجازي أعداء الجمال ..
شكراُ لي وجودك معنا ..
كن بألف خير ..
|
Post: #21
Title: Re: من بعيد لبعــــيد ..
Author: Salah Abdulla
Date: 07-08-2006, 03:46 AM
Parent: #18
الأخ / معتصم ..
أول ما قريت العنوان ، خطر على بالي إتنين ( مصطفى سيد أحمد ، وعلي السقيد ) ..
فكان علي ..
لا يتحسس أماكن الجمال ، إلا ( مكتولي ) الجمال يا راجل يا جميل ..
أغنية زي دي دايرة ليها زول ( تفتيحة ) وذوقو سليم ، يا ود يا ( سليم الذوق ).
علي السقيد قبل أن يستقر به المقام في أمريكا ، جاء الدوحة في زيارة قادماً من مسقط ..
وطبعاً فرصة زي دي ما بتتفوت ، بقينا كل يوم ( ونسة ) سبة بلا سبب ..
فكان أن سمعت هذه الأغنية .. زول بيهتم بالتفاصيل حتى في ( جلسات )الأنس ..
فذكر شاعرها وملحنها ، وقال أنه عمل ليها معالجة وتمنى أن تعجبنا ..
قال تعجبنا .. وحاتك المسجل أبى يفك الشريط لغاية ما بعت العربية ..
والغريبة في الونسات بيغني بس ( ما بيعمل أي حاجة تانية ) ..
شكراً يا زول يا حلو على الأغنية الحلوة .. والصوت ( الكتّال ) ده ..
وطبا مقاماً أنت وعلي السقيد ، أينما كنتما ..
ً
|
Post: #24
Title: Re: من بعيد لبعــــيد ..
Author: معتصم دفع الله
Date: 07-08-2006, 11:06 AM
Parent: #21
الحبيب صلاح عبدالله ..
كيفك يا زول يا جميل ..
مداخلتك أنعشت دواخلنا ..
حقيقي علي السقيد فنان رائع ومتجدد ..
ودائماًإختياره لكلمات أغانيه يتم بعناية ..
لذلك يأتينا بكل جميل ..
وقد إلتقيته فترة وجوده بقصر الشباب والأطفال ..
حينها كنت أدرس في القصر وكنا من أصدقاء قسم الموسيقى ..
وكان هذا في أول التسعينات على ما أذكر ..
Quote: زول بيهتم بالتفاصيل حتى في ( جلسات )الأنس ..
فذكر شاعرها وملحنها ، وقال أنه عمل ليها معالجة وتمنى أن تعجبنا ..
قال تعجبنا .. وحاتك المسجل أبى يفك الشريط لغاية ما بعت العربية ..
والغريبة في الونسات بيغني بس ( ما بيعمل أي حاجة تانية ) ..
شكراً يا زول يا حلو على الأغنية الحلوة .. والصوت ( الكتّال ) ده .. |
أها دا الكلام الحلو زاتو ..
شكراُ ليك يا صلاح كتير ..
وعلى مداخلتك الرائعة ..
وللزول الفنان علي السقيد ..
ونتمنى أن نسمع منه الجديد عما قريب ..
كن بألف خير ..
|
Post: #22
Title: Re: من بعيد لبعــــيد ..
Author: walid taha
Date: 07-08-2006, 03:49 AM
Parent: #1
يا وريف..
متعك الله بالصحة والعافية وانت تعهدى آذاننا هذا النغم الحميم
وليدطه
|
Post: #26
Title: Re: من بعيد لبعــــيد ..
Author: معتصم دفع الله
Date: 07-09-2006, 04:54 AM
Parent: #22
شكراً يا ولي ..
على حضورك الأنيق ..
وعلى رقيق كلماتك ..
كن بخير يا صاحبي ..
|
Post: #23
Title: Re: من بعيد لبعــــيد ..
Author: انعام عبد الحفيظ
Date: 07-08-2006, 06:24 AM
Parent: #1
معتصم
سلام من بعيد لبعيد
ياخى لكن حيرتنا ابداع شديد
وتشكر على الذوق الرفيع
مودتى واحترامي
|
Post: #25
Title: Re: من بعيد لبعــــيد ..
Author: غادة عبدالعزيز خالد
Date: 07-08-2006, 11:53 AM
Parent: #23
نسمع الاغانى
من بعيد لبعيد
و اثرها يكون
من قريب لقريب
خالص الود
يا معتصم, و لك الشكر
و للسقيد على جميل الغناء
غادة
|
Post: #29
Title: Re: من بعيد لبعــــيد ..
Author: معتصم دفع الله
Date: 07-09-2006, 09:23 AM
Parent: #25
Quote: نسمع الاغانى
من بعيد لبعيد
و اثرها يكون
من قريب لقريب |
ربنا يقرب كل بعيد يا غادة ..
ويجعل أيامكم كلها سعادة ..
تحياتي العطرات ليك يا زولة يا رائعة ..
والشكر على رقيق كلماتك ..
التي تفرحنا وتسعدنا دائماً ..
محبتي بلا حدود ..
|
Post: #27
Title: Re: من بعيد لبعــــيد ..
Author: معتصم دفع الله
Date: 07-09-2006, 06:11 AM
Parent: #23
| Quote: سلام من بعيد لبعيد |
وري العين جماله ..
لو لحظات قليلة ..
دا برضو سلام يا انعام ..
الشكر ليكم أنتو ..
عشان قاعدين تحفزونا للحاجات الحلوة دي ..
أتمنى ليك إستمتاع طيب مع هذه الأغنية الرائعة والجميل علي السقيد ..
محبتي بلا حدود ..
|
Post: #28
Title: Re: من بعيد لبعــــيد ..
Author: Dr. Abdalla Siddig
Date: 07-09-2006, 06:34 AM
Parent: #27
الاخ معتصم
سلام
والله يديك العافيه
و برضو وراك
وفي انتظار و عدك
|
Post: #30
Title: Re: من بعيد لبعــــيد ..
Author: معتصم دفع الله
Date: 07-10-2006, 02:04 AM
Parent: #28
الحبيب دكتور عبدالله ..
صباح ود ..
ويعافيك ويسلمك إن شاء الله ..
Quote: وبرضو وراك
وفي انتظار و عدك |
وأنا على وعدي إن شاء الله ..
ح يكون بوست خاص بالمجموعة ..
وإهداء خاص مني لك ..
يا زول يا جميل ..
يا عاشق الجمال ..
كن بألف خير ..
|
Post: #31
Title: Re: من بعيد لبعــــيد ..
Author: Dr. Abdalla Siddig
Date: 07-10-2006, 06:23 AM
Parent: #30
يا أخوانا
كدي حاولوا اسمعوا وركزوا معاي وراء الصوت
هل تسمعوا الذى اسمعه وتصيبكم حاله الطرب التي تصيبني
ام انه الكبر؟؟؟؟؟؟؟؟؟؟؟؟؟؟؟؟؟؟؟؟؟
لكم كلم حبي
|
Post: #33
Title: Re: من بعيد لبعــــيد ..
Author: معتصم دفع الله
Date: 07-10-2006, 04:15 PM
Parent: #31
سمعنا وطربنا يا دكتور ..
ولا يزال الصدى يردد من بعيييد ..
بس بالله فيد ..
عن هجراني ظلماً ..
ماذا تستفيد ..
يا أروع مثال ..
في الحياء والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..
| Quote: ام انه الكبر؟؟؟؟؟؟؟؟؟؟؟؟؟؟؟؟؟؟؟؟؟ |
بل روح الجمال الفيك ..
شكراً جميلاً يا دكتور عبدالله ..
محبتي بلا حدود ..
|
Post: #32
Title: Re: من بعيد لبعــــيد ..
Author: oudenoord
Date: 07-10-2006, 09:09 AM
Parent: #1
معتصم اخوي سلام
وجع الضرس تاورك تاني ياجميل? يديك العافيه علي هذا الجمال والسلام موصول لباقي العقد الفريد والأهل بحلة العزابة " بكسر الحاء "ومن جاورهم ..
|
Post: #34
Title: Re: من بعيد لبعــــيد ..
Author: معتصم دفع الله
Date: 07-10-2006, 04:25 PM
Parent: #32
oudenoord
كيفك يا جميل ..
تحيات المحبة والسلام ..
| Quote: وجع الضرس تاورك تاني ياجميل? |
المشلكة ضرس صاحبي يوجعني أنا المسكين دا شفت جنس الحالة دي ..
شكراً ليك إنت يا ذوق ..
وسلامك وصل لحلتنا وما جاورها من الحلال الموغلة في العزوبية ..
محبتي وتقديري ..
|
Post: #35
Title: Re: من بعيد لبعــــيد ..
Author: ادريس خليفة علم الهدي
Date: 07-10-2006, 05:33 PM
Parent: #34
معتصم أحيييييييييييييييي انا منك (مع مراعاة عض السبابة)
|
Post: #36
Title: Re: من بعيد لبعــــيد ..
Author: معتصم دفع الله
Date: 07-11-2006, 04:45 PM
Parent: #35
| Quote: معتصم أحيييييييييييييييي انا منك (مع مراعاة عض السبابة) |
بس سبابتك دي ما تقوم تقطعه يا إدريس ..
تقوم تعمل لينا مشكلة ..
يجونا ليك ناس حقوق السبابات يعملوا لينا قضية ..
ونحن ناس مساكين ساي ..
شكراً ليك يا زول يا ذوق ..
رطب دواخلك هنا مع علي السقيد ..
بعد هزيمة فرنسا الما درناها ليها ..
خليك بخير ..
|
Post: #37
Title: Re: من بعيد لبعــــيد ..
Author: خالدة البدوي
Date: 07-11-2006, 05:30 PM
Parent: #1
الشفيف معتصم
بقدر ما تحمل من شفافية تخفف بها
من رتابت الزمن الحالي ...
وتحلق بنا عبر بوستاتك الرائعة ..
عليك الله واصل حتى لو كانت اشيئا من
بيت الكلاوي وبتنكش حاجات ناس متخبية
ما عليك بس واصل ..
مودتي ،،،
|
Post: #40
Title: Re: من بعيد لبعــــيد ..
Author: معتصم دفع الله
Date: 07-12-2006, 04:18 AM
Parent: #37
الزولة الجميلة خالدة ..
كيفك يا ذوق ..
جنس كلماتك دي هي البتخفف علينا وتسعد دواخلنا ..
ووجودكم معنا هو نوع آخر من السعادة ..
دوماً خليك قريبة ..
Quote: عليك الله واصل حتى لو كانت اشيئا من
بيت الكلاوي وبتنكش حاجات ناس متخبية
ما عليك بس واصل .. |
لكن ناس كشف الحال ديل بخلونا ..
بس الواحد ما يخت ليهو أغنية هنا ..
يجو يشيلو حالنا ..
والله بحبكم كلكم ودا من باب الدعابة ..
وسعيد بوجودكم هنا ..
شكراً ليك يا خالدة كثيراً ..
محبتي وتقديري ..
|
Post: #39
Title: Re: من بعيد لبعــــيد ..
Author: JAD
Date: 07-12-2006, 03:46 AM
Parent: #1
أخي معتصم ..
تحية عطرة ..
ما سمعت شيء لكني حفظت اللوحة الجميل دي عندي .. يعني ما طلعت ملوص ..
الغروب ..
لم أحفظها من أجل تلك الشمس الخجولة ..
ولكن من أجل ذلك الشعاع الذهبي وذلك الحجر الجميل الذي يجسم وحيداً يرقب أفول الضياء ..
شكراً لك ..
وأكون "أشكر" لو وضعت لي رابط الحفظ ..
جاد
|
Post: #41
Title: Re: من بعيد لبعــــيد ..
Author: معتصم دفع الله
Date: 07-12-2006, 04:50 AM
Parent: #39
الحبيب جاد ..
تحياتي وسلامي ..
Quote: الغروب ..
لم أحفظها من أجل تلك الشمس الخجولة ..
ولكن من أجل ذلك الشعاع الذهبي وذلك الحجر الجميل الذي يجسم وحيداً يرقب أفول الضياء .. |
تعرف يا جاد أنا عندي غرام عجيب جداً مع الغروب ..
من زمان بمشي أنتظر الشمس لغاية ما تغرب وفي أماكن معينة شئ جميل وبديع ..
بعدين الحجر دا كان لونه مائل للأصفر ..
ولكن شكله تغير ..
هل كل الأشياء تتغير ؟..
هل الأحجار تحزن أيضاً مثلنا وتذبل كالأزهار ؟..
هذه اللقطة أخذتها تمعناً في هذا الحجر ..
لأنه كان وحيداً ..
فهل يظل وحيداً هكذا ؟..
أتمنى أن لا يكون كذلك ..
شكراً لي حضورك وكلماتك الرائعات ..
ودا لنك الحفظ ..
من بعيد لبعيد
محبتي وتقديري ..
|
Post: #42
Title: Re: من بعيد لبعــــيد ..
Author: JAD
Date: 07-12-2006, 08:20 AM
Parent: #1
يا سلام ...
مشكور .. الآن أخوك يقرمش في دندنات العود وآخر استمتاع .. (قرمشة بالإنضنين
Quote: تعرف يا جاد أنا عندي غرام عجيب جداً مع الغروب ..
من زمان بمشي أنتظر الشمس لغاية ما تغرب وفي أماكن معينة شئ جميل وبديع .. |
الغروب يا ظريف بيرفع درجات الحميمية ..
ويستدعي الذكريات ..
وخاصة ذكريات الحب الغابر ..
فهو محبب للناس الماكلين شواكيش .. بس ما يكون متعارضليك ليك "همر"
روحك روح جميلة ..
من بعيد لي بعيد وري العين دلالك ..
يا سلام عليك ..
المشكلة يا معتصم أن الحب "عكليتة" لو غربت شمسه برضو تلقاه قاعد ..
متل الحجر الفوق دا .. لا يبلى ويبلينا ..
تحياتي،،
جاد
|
Post: #46
Title: Re: من بعيد لبعــــيد ..
Author: معتصم دفع الله
Date: 07-16-2006, 09:19 AM
Parent: #42
| Quote: الآن أخوك يقرمش في دندنات العود وآخر استمتاع .. (قرمشة بالإنضنين |
أعمل حسابك يا جاد أخوى من قرمشة العود دا ..
لأنها بتعمل فعل السحر في القلوب ..
الله يعينك بس ..
Quote: الغروب يا ظريف بيرفع درجات الحميمية ..
ويستدعي الذكريات ..
وخاصة ذكريات الحب الغابر ..
فهو محبب للناس الماكلين شواكيش .. بس ما يكون متعارضليك ليك "همر" |
أها دا الكلام البخوف زاتو ..
والله الشواكيش دي ما بنقدر عليها ..
رأسنا دا ما بستحمل زي الحاجات دي ..
للغروب شكل جميل ..
وحياة لها معانٍ تجعلك تبحر فيها ..
وتعيش ولو جزء بسيط في أحلامك وسط كومة من الأحزان ..
Quote: المشكلة يا معتصم أن الحب "عكليتة" لو غربت شمسه برضو تلقاه قاعد ..
متل الحجر الفوق دا .. لا يبلى ويبلينا .. |
يا ريت كل الدنيا تكون ملانة بالحب ..
لكفتنا ما يحدث من حولنا الآن من أشياء تميت الواحد ..
ولا صرنا مثل هذا الحجر يعيش العدم والحرمان ..
شكراً أخي الحبيب جاد على مداخلاتك القيمة ..
محبتي ..
|
Post: #43
Title: Re: من بعيد لبعــــيد ..
Author: جورج بنيوتي
Date: 07-13-2006, 09:32 AM
Parent: #1
و ... كفك غنا الوردة..
|
Post: #44
Title: Re: من بعيد لبعــــيد ..
Author: Dr. Abdalla Siddig
Date: 07-16-2006, 06:09 AM
Parent: #43
Quote: ما يكون مني خوفك ..
أنا عاشق الفضيلة ..
والمثل النبيلة ..
|
|
Post: #48
Title: Re: من بعيد لبعــــيد ..
Author: معتصم دفع الله
Date: 07-16-2006, 09:43 AM
Parent: #44
الحسن الأكيد ..
والحب المنزه ..
عن أغراض وكيد..
وينك يا دكتور عبدالله ..
مفتقدنك اليومين ديل ..
دم بخير ..
|
Post: #47
Title: Re: من بعيد لبعــــيد ..
Author: معتصم دفع الله
Date: 07-16-2006, 09:37 AM
Parent: #43
يا سلااااااااام يا جورج ..
أنا لو عارف الأغنية دي بتجيبك ..
كنت نزلتها من زماااان ..
وينك يا حبيب ..
نفتقدك بشدة ونفتقد كتباتك الجميلة ..
ليتك تعود ..
بكفك الممدود ..
وغيمتك الظليلة ..
ليعود للمكان ألقه ..
ولو من بعيد لبعيد ..
شكراً جورج ..
دوماً خليك في الجوار ..
محبتي ..
|
Post: #45
Title: Re: من بعيد لبعــــيد ..
Author: انعام عبد الحفيظ
Date: 07-16-2006, 06:32 AM
Parent: #1
معتصم
سلام وود
المتواجدون الان بالمنبر العام 202 شخص » (1 )عضو و (201) زائرا
»انعام عبد الحفيظ
هذه الصفحة يعاد تحديثها كل 120 ثانية.
ده طبعا برضو من بعيد لبعيد 
|
Post: #49
Title: Re: من بعيد لبعــــيد ..
Author: معتصم دفع الله
Date: 07-16-2006, 09:56 AM
Parent: #45
لا لا يا انعام ..
دي قوية شديييييد ..
يعني قاعدة في المنبر ولوحدك كده ..
مع أنغام علي السقيد ..
ومن بعيد لبعييييد ..
دي عايزه ليها بحث ..
تسلمي ..
محبتي وتقديري ..
|
Post: #50
Title: Re: من بعيد لبعــــيد ..
Author: Dr. Abdalla Siddig
Date: 07-17-2006, 01:39 AM
Parent: #49
العزيز معتصم
سلام وتسأل عنك راحة البال
الايام ديه بقفل في بعض الملفات(العمليه و العلميه) العالقه لزوم الاجازة بين الآهل في السودان
وان شاء الله يوم الخميس 20/7/2006 نكون في :
البلد الطوال نخله وجزايره وهـــــات
طرابأ جنيــــــنه لكن الحظوظ نايمات
امانه عليكم بتدوا النصيــــحه ان جـــات
حلوه المنــــــــقه وألا البوسه في عاجات
والي ان نالقاكم عبر هذا المنتدي من السودان لك ولكل الآحباب الف تحيه
|
Post: #51
Title: Re: من بعيد لبعــــيد ..
Author: معتصم دفع الله
Date: 07-17-2006, 02:28 AM
Parent: #50
الدكتور عبدالله
سلام يا زول يا جميل ..
خبر ذهابك للسودان أسعدني جداً ..
نتمنى ليك قضاء إجازة سعيدة بين الأهل والأحباب ..
ونتمنى عودتك لمقر عملك سالماً باذن الله ..
أهديك كلمات الراحل إسماعيل حسن .. بلادي
بلادي أنا
بلاد ناسا مواريثهم في أول شئ
كتاب الله ،وخيل مشدود،وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره 00 وسط الداره00
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي00 لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا00 معايا زي ضلى
لو ما جيت من زي ديل..
كان 000أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟
أتمنى أن تكون بلادنا كما هي وكما صورها الشاعر إسماعيل حسن ..
شكراً يا دكتور ..
لك خالص محبتي ..
|
Post: #52
Title: Re: من بعيد لبعــــيد ..
Author: معتصم دفع الله
Date: 07-20-2006, 11:17 AM
Parent: #1
ما يكون مني خوفك ..
أنا عاشق الفضيلة ..
والمثل النبيلة ..
***
من بعيد لبعيد ..
وري العين جمالك ..
لو لحظات قليلة ..
الخوف من المجهول ..
ما أصعبها هذه الكلمة ..
هل ندعه يسيطر على حياتنا ..
أم نقهره بالحب واليقين ..
ليتنا ما عرفنا هذه الكلمة ..
وأنا أتأمل في هذه اللحظات ..
هذا الغـــروب وهذه الشمس..
أتساءل ..
إلى أين تتجه هذه الشمس ..
وأي الأمكنة ستحتضنها ..
سأظل أرغب هذه اللحظات ..
أو أرحل معها ..
أو يرحل خوفي ..
|
Post: #53
Title: Re: من بعيد لبعــــيد ..
Author: Omayma Alfargony
Date: 07-20-2006, 12:01 PM
Parent: #52
Quote: وأنا أتأمل في هذه اللحظات ..
هذا الغـــروب وهذه الشمس..
أتساءل ..
إلى أين تتجه هذه الشمس ..
وأي الأمكنة ستحتضنها ..
سأظل أرغب هذه اللحظات ..
أو أرحل معها ..
أو يرحل خوفي .. |
الان الشمس تغرب وهي ترقبنى من ورا الشرفة
وأناأرقبها على هذه الشاشة في تأمل وأسالها
عن سر الامكنة وعن ذكرياتي الجميلة،الحزينة التي تركتها عندها ذات
غروب...
أسالها عند كل شروق ان تبعث الاشواق وتدغدغ بها كل الوجوه الساكنة
في القلوب الوفية.
وأن تغنيهم مع على السقيد...
ياأروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..
معتصم يا جميل الروح
شكرا
ولك من المحبة
أعمقها.
|
Post: #54
Title: Re: من بعيد لبعــــيد ..
Author: معتصم دفع الله
Date: 07-23-2006, 01:06 AM
Parent: #53
سأذهب لأرتاح قليلاً ..
علني أجد مكاناً أكثر دفئاً ..
قالتها الشمس وهي تاركة لذلك المكان ..
وهناك بعض أنات وحنين ..
ويخيم صمت وشرود .. وبعض أمل ..
وحين شروق ..
نسألها ..Quote: ان تبعث الاشواق وتدغدغ بها كل الوجوه الساكنة ..
في القلوب الوفية .. |
شكراً أميمة ..
على هذا الكلام الجميل ..
وحضورك الذي يضيف للمكان رونقاً ..
محبتي ..
|
Post: #55
Title: Re: من بعيد لبعــــيد ..
Author: انعام عبد الحفيظ
Date: 07-23-2006, 01:49 AM
Parent: #1
Quote: وهناك بعض أنات وحنين ..
ويخيم صمت وشرود .. وبعض أمل .. |
معتصم
سلام وود
ولولا انتظار الامل لما كان هنالك دافع للحياة
مودتي واحترامي
|
Post: #56
Title: Re: من بعيد لبعــــيد ..
Author: معتصم دفع الله
Date: 07-24-2006, 09:51 AM
Parent: #55
| Quote: ولولا انتظار الامل لما كان هنالك دافع للحياة |
وهذا يمثل لنا الحياة ..
شكراً لكلامك الجميل يا انعام ..
محبتي بلا حدود ..
|
|
