Post: #1
Title: دعوة غداء هسي دي طوالي ....
Author: sudania2000
Date: 07-03-2006, 08:29 AM
المتواجدون الان
جيت بدري من المكتب لمرضي بعيد عنكم و توش ع المطبخ
بعد المطبخ المرض و حرقان الروح و الزهج فتحت البورد و بقراء لي ساعتين
هسي قلت اخدت الغداء
وقلت اعزم المتواجدون الان
لقيت :
Muna Khugali
»Mustafa Mahmoud
»nour tawir
»PLAYER
»sudania2000
»TahaElham
»Talb Tyeer
»wadahmed
»بدرالدين شنا
»بشير حسـن بشـير
»بكري الصايغ
»حمزاوي
»عادل عبدالرحمن
»عصام أحمد
»قرشـــو
فمرحب بكم علي صينية الغداء بعد 15 دقيقة
اي طلبات اضافية خارج الصينية تجيبوها معاكم
و العصير موية زير
التحلية بشوف حاجة ع الطائر
مرحب
خارج النص: التواجد لغة هو تبادل كلمات الغرام 
|
Post: #2
Title: Re: دعوة غداء هسي دي طوالي ....
Author: Mustafa Mahmoud
Date: 07-03-2006, 08:38 AM
Parent: #1
thank you for the invitation
what is after dinner
what is the dessert
i do like hajat hellowa after lunch
thank you
dr mustafa mahmoud
wa al shy al sada kaman
|
Post: #4
Title: Re: دعوة غداء هسي دي طوالي ....
Author: عوض الله الفولانى
Date: 07-03-2006, 08:46 AM
Parent: #2
ألأخت سودانية
موافق على الدعوة و ان كان اسمى سقط سهوا
بالرغم من انى كنت من المتواجدين من الصباح
عموما انا (مهوى) بس لازم تكونى عاملة حساب
الناس العندهم ( سكرى ) و ( قرحة) بعيد عنك
اما بالنسبة للتحلية انا جايبة معاى طبعا
مفاجأة .
الفولانى
|
Post: #7
Title: Re: دعوة غداء هسي دي طوالي ....
Author: sudania2000
Date: 07-03-2006, 08:52 AM
Parent: #4
تسلم يا فولاني
تعرف انا طبيخي بشبه اكل ناس السكر و القرحة
لا ملح لا بهارات و لا صلصات
و بركز علي الشوربة و الخضار
ناس بينا لمن اجي بدري و اطبخ بضربوا
و بسموا الطبيخ اكل العيانين
التحلية غالبا سطلة فواكة من فواكة الموسم
حذر فزر موسمنا هنا ايه؟؟
تسلم
|
Post: #8
Title: Re: دعوة غداء هسي دي طوالي ....
Author: sudania2000
Date: 07-03-2006, 08:56 AM
Parent: #2
شكرا يا دوك
و يا مراحب
الشاي السادة و منعنع كمان بس انا من انصار القرين تي
التحلية الفواكه المتوفر من الموسم
و اكيد حبيب القرود موجود
تصدق الكيلو بقي بي 2000
التقول سقوهو بيبسي
|
Post: #3
Title: Re: دعوة غداء هسي دي طوالي ....
Author: Sobajo
Date: 07-03-2006, 08:42 AM
Parent: #1
سلامتك الف سلامة و اللستة التحت دي كلها كرامتك ...
Quote: Muna Khugali
»Mustafa Mahmoud
»nour tawir
»PLAYER
»sudania2000
»TahaElham
»Talb Tyeer
»wadahmed
»بدرالدين شنا
»بشير حسـن بشـير
»بكري الصايغ
»حمزاوي
»عادل عبدالرحمن
»عصام أحمد
»قرشـــو
|
ثانياً ...
عمو قرشو ده بي ترتيبو التحت ده ما اظنو بلحق ، اغرفي ليه براه ...!!!
ثالثا... انا مالي ...
قاعد من الصباح و حياتك ... لكن ماشايف اسمي ...!!
دي حركات من بكري مش كدي ..!!؟؟
انا ماداير معاكم ...!!!
و بعمل لي سندوتش و بحلي بي حلاوة كوجاك ..!!
|
Post: #6
Title: Re: دعوة غداء هسي دي طوالي ....
Author: Mustafa Mahmoud
Date: 07-03-2006, 08:50 AM
Parent: #3
خارج النص: التواجد لغة هو تبادل كلمات الغرام
like what please?
i like nazar gabbani poetry
any will do
lol
dr mustafa mahmoud
|
Post: #5
Title: Re: دعوة غداء هسي دي طوالي ....
Author: sudania2000
Date: 07-03-2006, 08:49 AM
Parent: #1
| Quote: قاعد من الصباح و حياتك ... لكن ماشايف اسمي ...!! |
يا من اري ردك و لا اراك
غلطان بعتذر و اعتذر تاني و الغداء ما ينفعنا كان فطيناك
انا قلت امن زي الماسنجر فيها اوف لاين بس انا كيشة في التكنو
تديني معاك حلاوة كوجاك
تصدق
جني حلاوة كوجاك
الحناكيش يمتنعون و ناس كيت كات
|
Post: #9
Title: Re: دعوة غداء هسي دي طوالي ....
Author: Mustafa Mahmoud
Date: 07-03-2006, 08:56 AM
Parent: #5
is it true that hallowa kojak
kufta from halal meat
or is lollypop
both will do fine for me
if you have grassa beldamma you made my day
god bless when are serving dinner?
|
Post: #11
Title: Re: دعوة غداء هسي دي طوالي ....
Author: sudania2000
Date: 07-03-2006, 09:04 AM
Parent: #9
قراصة بدمعة ممكن بس ممنوعة لزوم الحمية
يوم الجمعة خلاص وعد
|
Post: #12
Title: Re: دعوة غداء هسي دي طوالي ....
Author: كوليل
Date: 07-03-2006, 09:08 AM
Parent: #5
إنتو ضابحين ولا ريحت الابرى دى شنو؟
بعدين ياخى انا قاعد من صباح الفكى (مافاهم صباح الفكى دى شنو) لاكن قاعد
برضو سقط سهواًً ؟
غايتو شكرا ليك ...
وبعدين الزولة دى عزومتها عزومة مراكبية ساى ...
قولى كلامك دا اخر الشهر كان مابقى ليك حار
سوباجو
اخوى قوم شوف الجعلى طابخ شنو بالله طبيخ (google)
|
Post: #10
Title: Re: دعوة غداء هسي دي طوالي ....
Author: قرشـــو
Date: 07-03-2006, 09:03 AM
Parent: #1
بتنا العزيزة سودانية
لك التحية
شكرا على الدعوة
بس ان شاء الله يكون عندكم ملاح قرع وكسرة
عشان نعمل عجنة بت كلب
تعرفى زمان كنا نكب الاكل كله فى الصينية ملاحات مختلفة وسلطة وكسرة وعيش كمان
ونلخبط القصة كلها مع بعض
تطلع وجبة ولا احلى
ولازم الناس يكونوا هدافين واكالين
ويا حبذا لو تخلل الاكل خطف من الايادى
يا حليل ايام زمان ياخى
الواحد بقى ما قادر ياكل ذاته فى الغربة
بالهناء والشفاء يا بتنا انتى والمعاك
|
Post: #13
Title: Re: دعوة غداء هسي دي طوالي ....
Author: sudania2000
Date: 07-03-2006, 09:08 AM
Parent: #1
جظك من السماء و امك داعية ليك اتفضل
تعرف القصة دي Quote: تعرفى زمان كنا نكب الاكل كله فى الصينية ملاحات مختلفة وسلطة وكسرة وعيش كمان
ونلخبط القصة كلها مع بعض
تطلع وجبة ولا احلى
ولازم الناس يكونوا هدافين واكالين
|
بابا الله يرحمو بقوم يذيدها موية من الابريق و الشباب بقوم يصرخ احتجاجا و هو بقول لزوم البركة و الهدف الاساسي بغيظنا عشان نصرخ و نضحك
الحناكيش تلقاهم بقولوا ياي بلدي خالص لووووووووووووووول
تسلم
|
Post: #15
Title: Re: دعوة غداء هسي دي طوالي ....
Author: Sobajo
Date: 07-03-2006, 09:13 AM
Parent: #13
Quote: بعدين ياخى انا قاعد من صباح الفكى (مافاهم صباح الفكى دى شنو) لاكن قاعد
|
دي على وزن حبوبة ونسيني بتاعت النضيف صحبك ...!!!
على كل حال يا سودانية ...
كان دايرة عدس بالقوقل ... كوليل ده بجيهك فيه تب ...
و بي زيت الزيتون ... عشان الكورسترول و كدة ....
و انا قبلت الدعوة ...
|
Post: #17
Title: Re: دعوة غداء هسي دي طوالي ....
Author: sudania2000
Date: 07-03-2006, 09:18 AM
Parent: #15
يا فردة ((عندنا هنا ممنوعة الكلمة دي بس انت قلت اسمك ))) انا بموت في العدس بس بشنو قلت؟؟
العدس يقدم معه كبدة ((جامعة الخرطوم زمان)) او جبنة و بالعدم شطة حارة بليمون
|
Post: #14
Title: Re: دعوة غداء هسي دي طوالي ....
Author: sudania2000
Date: 07-03-2006, 09:12 AM
Parent: #1
ضابحين ليه بت النفيدي انا ؟؟ حلة قرع بايتة و شوربة خضار حديثة مع السلطة الخضراء صحن اساسي لزوم الحمية .. لو دا ما كفا العدس رااااااااااااااااقد
و بليلة العدس مغذية
و اهو الجود بالموجود
كوليل
المراكبية كيف بعزموا؟؟
|
Post: #16
Title: Re: دعوة غداء هسي دي طوالي ....
Author: sudania2000
Date: 07-03-2006, 09:15 AM
Parent: #14
|
Post: #18
Title: Re: دعوة غداء هسي دي طوالي ....
Author: كوليل
Date: 07-03-2006, 09:26 AM
Parent: #14
| Quote: المراكبية كيف بعزموا؟؟ |
ذى عزومتك دى بس....
Quote: لو دا ما كفا العدس رااااااااااااااااقد
|
العدس دا ماتجيبى سيرتو عليك الله ... قلنا منو الرررررررررررررروب
|
Post: #19
Title: Re: دعوة غداء هسي دي طوالي ....
Author: كوليل
Date: 07-03-2006, 09:35 AM
Parent: #18
| Quote: دي على وزن حبوبة ونسيني بتاعت النضيف صحبك ...!!! |
عليك نور... سودانية فى البورد ... والنضيف بى الدرب (عز)
أمس قال داير كيكة تفاح الليلة بسويها ليه ...
اها اتفضلو معانا ... مراكبية برضو
|
Post: #20
Title: Re: دعوة غداء هسي دي طوالي ....
Author: Sobajo
Date: 07-03-2006, 10:26 AM
Parent: #19
| Quote: العدس دا ماتجيبى سيرتو عليك الله ... قلنا منو الرررررررررررررروب |
زي ما بقولو الحناكيش ...
((((ما عرفتك لكن ...!!))))
|
Post: #21
Title: Re: دعوة غداء هسي دي طوالي ....
Author: كوليل
Date: 07-03-2006, 10:34 AM
Parent: #20
Quote: زي ما بقولو الحناكيش ...
|
شبع ... إكتفاء
|
Post: #22
Title: Re: دعوة غداء هسي دي طوالي ....
Author: Sobajo
Date: 07-03-2006, 10:54 AM
Parent: #21
Quote: أمس قال داير كيكة تفاح الليلة بسويها ليه ...
|
اتحدااااااااااااااك .....!!
|
Post: #23
Title: Re: دعوة غداء هسي دي طوالي ....
Author: Alshafea Ibrahim
Date: 07-03-2006, 10:56 AM
Parent: #1
يا سودانية
لك التحية والتقدير علي الطلاق زي الأكلنا غداكم رغم إنني لست من المعازيم لسبب عدم تواجدي بالمنبر لكن الفضول ورائحة شوربة خضار (ملجة ودمدني) جابنا على البوست- لكن اتوقع الشهور ( يونيو ويوليو وأغسطس ) موسم (المنقة) والبيع (بالكوم)أو بالقطعة - وفعلا الموز بكون غالي جدا اليومين ديل
سؤال ممكن : شنو أخبار المدراس والرسوم الولائية والاتحادية ؟؟ باقي نحن اصحاب وجعة مع مدارس الأساس بودمدني
تقديري ومودتي
الشفيع مصطفى
|
Post: #24
Title: Re: دعوة غداء هسي دي طوالي ....
Author: Mustafa Mahmoud
Date: 07-03-2006, 11:02 AM
Parent: #23
ya sudania I am still waiting
where is your lunch
is it a rumour
by the way are from wad madnee??
lol
dr mustafa mahmoud
|
Post: #25
Title: Re: دعوة غداء هسي دي طوالي ....
Author: sudania2000
Date: 07-03-2006, 12:10 PM
Parent: #24
Quote: ya sudania I am still waiting
where is your lunch
is it a rumour
by the way are from wad madnee??
lol
dr mustafa mahmoud
سؤال ممكن : شنو أخبار المدراس والرسوم الولائية والاتحادية ؟؟ باقي نحن اصحاب وجعة مع مدارس الأساس بودمدني |
الغداء و اتغدينا و انتو ما جيتو
احلي شئ قلت لاختي انا عزمن ناس للغدا
قالت من كمان ؟؟ و ليه ما صلحتي الاكل و ذتي الحاجات؟؟
قلت ليها ناس البورد
قالت لي يا النبي نوح البت جنت و حاة سيدي شواطينك ديل بجننونكي
السؤال ممكن
الاجابة قالوا السنة دي مجاني
و لسة يومين و ما قالوا حاجة و عيالنا نحنا في المجلس الافريقي و ادوهم طبعا
لكن انا برضو مستنية قرار المدارس و هل هم جادين عشان انا في جمعيتي بكفل ايتام الاساس في بعض المدارس و بوفر ليهم اللبس و بجمع كتب برضو
لو عندك مشكلة قول عوووق نساعدك
التحلية شمام (ابو الرخا)) المنقة تصدق القطعة ب 3000
التفاحاية ب 1000 و الايراني 1500
اما القريب 1000 للقطعة
و البرتقال 6000
و يعني سلطة فواكه بدون عنب و ما فوق تكلف 20000
احسن الشمام
الشاي جاهز و مدور
|
Post: #26
Title: Re: دعوة غداء هسي دي طوالي ....
Author: Muna Khugali
Date: 07-03-2006, 12:45 PM
Parent: #25
Quote: هسي قلت اخدت الغداء
وقلت اعزم المتواجدون الان
لقيت :
Muna Khugali
»Mustafa Mahmoud
»nour tawir
»PLAYER
»sudania2000
»TahaElham
»Talb Tyeer
»wadahmed
»بدرالدين شنا
»بشير حسـن بشـير
»بكري الصايغ
»حمزاوي
»عادل عبدالرحمن
»عصام أحمد
»قرشـــو
فمرحب بكم علي صينية الغداء بعد 15 دقيقة
اي طلبات اضافية خارج الصينية تجيبوها معاكم
و العصير موية زير
التحلية بشوف حاجة ع الطائر
مرحب
خارج النص: التواجد لغة هو تبادل كلمات الغرام
(عدل بواسطة sudania2000 on 03-07-2006, 08:32 ص) |
بتسـتعبطـي صـح?
أعـزمينـا قبلها بشـهر وشـوفينـا "بنتواجـد" ولا لأ..
حـبي
|
Post: #27
Title: Re: دعوة غداء هسي دي طوالي ....
Author: sudania2000
Date: 07-03-2006, 01:04 PM
Parent: #26
الجميلة مني
تردي و لا ما تردي بكتب ليك يوماااااااااااااااااااااااااااااااااااااااااتي
انا بستعبط و عيانة و حاجات كثار انتي ما جيتي الغداء ليه؟؟
|
Post: #29
Title: Re: دعوة غداء هسي دي طوالي ....
Author: خضر الطيب
Date: 07-04-2006, 03:36 AM
Parent: #1
الاخت العزيزة /سودانية
لك التحايا العاطرات
بالمناسبة ذي ماقال ليك كوليل ..دي عزومة مراكبية ..اتذكر ايامنا الكنا في السودان
وتحديدا في ابوروف ..كنا بنمشي البحر ( النيل ) وتلاقي المراكبية كثيرين في وسط النيل
على جهة شمبات ..بنسلم عليهم طبعا بحكم المعرفة وكده .. وبنكون شايفين دخان طالع من
المركب ..دا معناها حلة قراقير مزبوطة شقالة تجقجق ..والقراقير داخل الحلة
الماخمج يقوموا يقولوا لينا ..اهلا ياشباب اتفضلوا ..اتخيلي ..يعني نتفضل كيف وهم في
نص البحر نطير ولانعوم عشان نغرق ولانحصل الحلة ولانحصل روحنا ...فهي دي قصة عزومة
المراكبية .. وتسلمي على البوست ..الدسم
كت ...اوووت ::
عذبة انتي ........................... شكرا جميلا على الاختيار
|
Post: #30
Title: Re: دعوة غداء هسي دي طوالي ....
Author: قرشـــو
Date: 07-04-2006, 03:59 AM
Parent: #1
Quote: بابا الله يرحمو بقوم يذيدها موية من الابريق و الشباب بقوم يصرخ احتجاجا و هو بقول لزوم البركة و الهدف الاساسي بغيظنا عشان نصرخ و نضحك
|
رحم الله والدك يا ستى
ولكن يبدو انه كان فردة لاننا كنا بنعمل كده دائما
من الابريق وللصينية مباشرة
تصدقى ما كنا بنقرف ابدا
رعى الله ايام الصبا يا بتى
|
Post: #31
Title: Re: دعوة غداء هسي دي طوالي ....
Author: sudania2000
Date: 07-04-2006, 07:21 AM
Parent: #30
| Quote: شكرا جميلا على الاختيار |
تسلم يا خضر و سؤال: كيف ارفعها عشان تشتغل بالريل بلير
|
Post: #32
Title: Re: دعوة غداء هسي دي طوالي ....
Author: sudania2000
Date: 07-04-2006, 07:25 AM
Parent: #31
Quote: ولكن يبدو انه كان فردة لاننا كنا بنعمل كده دائما
|
الله يرحمو الف رحمة رجل من الزمن الندي و ملون
فريد متفردا في كل شئ و بسيط و حبيب الكل
لك الله يا ابي و لنا الذكريات
قرشو
تسلم يا فردة الفريد
|
Post: #33
Title: Re: دعوة غداء هسي دي طوالي ....
Author: ابوحراز
Date: 07-05-2006, 00:56 AM
Parent: #32
سودانية أطباقك كلها جميلة وشهية
لكن خربتيها بالقرع
أكره ما أكره في حياتي ملاح القرع
منذ أن قال لي أحد المدرسين عندما لم افهم سؤاله
اقعد ياقرعة
ومن يومها كرهت ملاح القرع
ومربى القرع
وحتى ذلك التسالي الذي يستخرج من القرع
وأذكر أنني زرت معرضاً للفنون بكلية الفنون
وعلقت على كل لوحات الفنانين المعروضة هناك
عدا لوحة واحدة عبارة عن طفل وهو يحمل في يده { قرعة }
وعلى الرغم من أن صاحبتها أتتني تمشي على استحياء
وتبكي لأنني لم أعلق على لوحتها
وسألتني بعمق 00 لما أنا الوحيدة لم تعطيني مثل هذه الكلمات
فقلت لها : غيري في المرة السابقة الى بطاطس
وسوف تجديني أول المعلقين
على الرغم من أننا قريبون اليك
ومن أهل العوض
وانا على مرمى حجر من من مدني
لكن الغتاتة جعلتك لاتعزمينا
عموماً استمتعت برائحة الشواء
ونكهة الليمون
لكن أجمل طبق من بين أطباقك عجبني جداً واستمتعت به
كان : | Quote: التواجد لغة هو تبادل كلمات الغرام |
الطبق الجميل دا هو التحلية الرائعة التي قدمتيها بطبق اليوم
|
Post: #34
Title: Re: دعوة غداء هسي دي طوالي ....
Author: الخير محمد عوض
Date: 07-05-2006, 01:23 AM
Parent: #33
| Quote: خارج النص: التواجد لغة هو تبادل كلمات الغرام |
الواحـد ما علرف ليـه دايما بكـون في حالة عـدم تواجــد 
|
Post: #35
Title: Re: دعوة غداء هسي دي طوالي ....
Author: الخير محمد عوض
Date: 07-05-2006, 01:32 AM
Parent: #34
المتواجدون الان بالمنبر العام 370 شخص » (32 )عضو و(33 زائـر
»ABDELMAGID ABDELMAGID
»ahmed haneen
»ali elhassan
»ALMURADABI
»Dr.Abbas Mustafa
»Faisal Al Zubeir
»Gaafar Ismail
»garjah
»Haytham Abdulaziz
»Inaam Saad
»mohmmed said ahmed
»munswor almophtah
»Osama Ahmed
»Saifeldin Gibreel
»Sakotaweya
»wadahmed
»wesamm
»أحمد الشايقي
»الخير محمد عوض
»الفاتح وديدي
»انعام حيمورة
»انعام عبد الحفيظ
»بكرى ابوبكر
»حيدر حسن ميرغني
»سامي عبد الوهاب إدريس
»عادل محمد الصافي
»عبدالغني كرم الله بشير
»عصام الطيب حسن
»عمر عبد الخالق سعيد
»فيصل محمد خليل
»مبيوع
»محمد صلاح
دعـوتي لله خـالصـة ان يتواجـد الزوار بهـذا المسـتوى المشـرق
|
Post: #36
Title: اتكاءة الاسبوع
Author: sudania2000
Date: 07-07-2006, 04:45 PM
Parent: #1
الاعزار الخير و ابوحراز
لكم الشكر علي التواجد هنا
و اليوم الغداء مندي بالروابي و احلي جمعة علي الاطلاق
الحضور قمة الاشراق
و الاكل دسم ووداء للحمية
الجمعة متعة الايام
و اتكاءة الاسبوع
جمعة سعيدة و اسفة جدا للغياب
و لكم كل الحب و التقدر و الاحترام
و حبابكم عشرة
اي طلبات نحن جاهزين
|
Post: #37
Title: Re: اتكاءة الاسبوع
Author: waleed500
Date: 07-07-2006, 05:15 PM
Parent: #36
جيت حسى دى لقيت وجبة الغداء اصبحت عشاء
اسوى شنووووووو؟؟؟؟؟؟؟
|
Post: #38
Title: Re: دعوة غداء هسي دي طوالي ....
Author: sudania2000
Date: 07-12-2006, 04:31 PM
Parent: #1
.
|
Post: #39
Title: Re: دعوة غداء هسي دي طوالي ....
Author: sudania2000
Date: 09-25-2006, 06:44 PM
Parent: #1
؟
|
|