Post: #1
Title: أعرفوني
Author: محمد أبوعاقلة الطريفي
Date: 06-18-2006, 04:03 AM
خلوني امارس طقوس الذبح الحلال والتفريط خارج سربكم (احلي حاجه الطيران بالليل والناس نايمه) أنا خريج علاقة محرمة وتفاهة امنيات، فاشل في الكليه، الما عندها ذمه ومرتفعة التكاليف. دايركم تعرفوني. قررت اني امارس المنتديات . بما انها ما من أكلاتي المفضله. تفاصيل كتيره وهواجس بتشبه ضهر صاج العواسه (الجهة الأكثر سوادا من حيث المضمون)
كنت فاكر نفسي تعيس وبتطاول عليكم. انا عباره عن استنباط كلمة لعقلك وفكرك. ولادة مفردات غالبا بتكون متعسره للزول العندو مروه علي الكتابه.
ظنيت انو الشدر الواقف نيم. والحنضل تيراب. وضل الزير مجرد سكن عشوائ لصارقيل الوجعه الطلع عين البذره الناشفة ونشف ريق الكوز. ولم تقطع المويه. بحل محلها ضفر غيظ وحاجات ما مرتبه بتطلع في شكل شخير او ذبحه عنصريه ضدي وضدك. شنو الخلاك يا مويه تقيفي في العتبه وما تدقي االباب والنشف فينا اكبر من بلة ريق. امكن الريحه. وامكن من الوسخ الفينا. وامكن فنطاظ القدره صفيحه. وامكن نحن نخاع العفنه بتطرد. رجعت موية البحر لينه وبتتأسف علي الجيه.
لاقيني براك ..انا طوفي طرور وموجك دفر
لاقيني براك... انا في خطر
لاقيني براك...من غير مجاري وموج بحر
في الحته ديك
كان الطريق مجرد كلبه والده والزقاقات الجريوات ما بتمشي عديل زي كانها بتفتش عن قوت اليوم او عضم باكر. الشارع كان سكران وبترتح علي الفاضي ومنافذ مسدودة. الناس كانت واقفه والشارع بعاين فيني بعين حمرا.شاور الزقاق الضيق.
شاورني لو نفسك بضيق
شاورني لو مات الرفيق
شاورني في عز الحريق
شاورني لو طال الطريق
عشمي في آخر محطه
دين المحطات لو بقت لافته ومظله
لو بقت وقفه ومذله
وانتظار ساكت
http://www.geocities.com/boldman14
|
Post: #2
Title: Re: أعرفوني
Author: معتصم الطاهر
Date: 06-18-2006, 05:37 AM
Parent: #1
نشهد نحن
الموقوعون أدناه
انو الزول الباسم فوق دا .. ( لو كانت دى بسمة)
والكلام الأشتر الفوق دا (لو دى شتارة )
نشهد بقوانا العقلية الما ياها
انو الزول دا
مننا وفينا ..
|
Post: #8
Title: Re: أعرفوني
Author: محمد أبوعاقلة الطريفي
Date: 06-18-2006, 06:29 AM
Parent: #2
يا استاذ فعلا دي ابتسامه
وشتاره بطعم الليمون
خروج في سبيل ............. غير المألوف
والتحليق بجناح واحد
وبعدين
جزء من النص مفقود
|
Post: #3
Title: Re: أعرفوني
Author: Nasruddin Al Basheer
Date: 06-18-2006, 05:37 AM
Parent: #1
ظنيت انو الشدر الواقف نيم. والحنضل تيراب. وضل الزير مجرد سكن عشوائ لصارقيل الوجعه الطلع عين البذره الناشفة ونشف ريق الكوز. ولم تقطع المويه. بحل محلها ضفر غيظ وحاجات ما مرتبه بتطلع في شكل شخير او ذبحه عنصريه ضدي وضدك. شنو الخلاك يا مويه تقيفي في العتبه وهياكل والنشف فينا اكبر من بلة ريق. امكن الريحه وما تدقي الباب. امكن من الوسخ الفينا. وامكن فنطاظ القدره صفيحه. وامكن نحن نخاع العفنه بتطرد. رجعت موية البحر لينه وبتتأسف علي الجيه.
لاقيني براك ..انا طوفي طرور وموجك دفر
لاقيني براك... انا في خطر
لاقيني براك...من غير مجاري وموج بحر
في الحته ديك
كان الطريق مجرد كلبه والده والزقاقات الجريوات ما بتمشي عديل زي كانها بتفتش عن قوت اليوم او عضم باكر. الشارع كان سكران وبترتح علي الفاضي ومنافذ مسدودة. الناس كانت واقفه والشارع بعاين فيني بعين حمرا.شاور الزقاق الضيق.
شاورني لو نفسك بضيق
شاورني لو مات الرفيق
شاورني في عز الحريق
شاورني لو طال الطريق
عشمي في آخر محطه
دين المحطات لو بقت لافته ومظله
لو بقت وقفه ومذله
وانتظار ساكت
محمد أبو عاقلة الطريفي
أولاً ألف مرحب بيك في هذا الوطن البديل
ولا شك أنك إضافة قوية لقائمة الكتاب المبدعين
مفرداتك ساخرة وقوية ومتمردة ممزوجة ببعض الجنون المحبب
إلى النفس وكتابتك من النوع الذي أتوق دائماً إليه
دخلت لكي استمتع بهذا الجمال
وألف مرحب بيك يا نسيبي العركي
|
Post: #5
Title: Re: أعرفوني
Author: محمد سنى دفع الله
Date: 06-18-2006, 06:00 AM
Parent: #3
محمد ابو عاقلة
مرحب حبابك
سيد الفهم والذوق
ياتو شعار مرسوم في البلد ده ولا الخليج
ما كان وراه ابوعاقلة
من شعار الجزيرة لي اوكسنت
سيدالغرافيك
ممكن احط وجهك في راس نملة
وممكن الون احساسك بالشعر الحافظو والبكتبو
ضحكتو صافية زي قلبو
وقلبو مفتوح للناس الحلوة
ابوعاقلة حبابك
وبورداب الدوحة
بقوا الفريق القومي عديل كده
قولوا ماشاءالله
|
Post: #10
Title: Re: أعرفوني
Author: محمد أبوعاقلة الطريفي
Date: 06-18-2006, 06:42 AM
Parent: #5
أشكرك علي المقدمه اللذيذه
يا سند
في زمن الوقعات الكتيره
النمل في الراس
المشكله بشيل في الافكار لموسم الشتا
كلم النمل ما يمشي صف
واحده واحده
زي ما بتخرج واحده وتدخل
عموما
انا عضمي لسه طري
والبقيف حداك ما بقع
|
Post: #6
Title: Re: أعرفوني
Author: Emad Abdulla
Date: 06-18-2006, 06:09 AM
Parent: #3
سلام أبوعاقلة ..
يازول يا فنان .
يا فنان ..
إتذكرتني ؟؟
طيب ..
يا ناس .. أبوعاقلة ده زول ما نصيح .. مجنون و مطرطش و فالت و فنااااااااااااااان .
مغالطينني ؟؟
شوفو الموقع بتاعه في اللينك الفوق .
مراحب كتيرة يا صاحبي
و مارس أقصى درجات جنك ..
منتظرنيك
|
Post: #12
Title: Re: أعرفوني
Author: محمد أبوعاقلة الطريفي
Date: 06-18-2006, 06:54 AM
Parent: #6
وهل تخفي.
الجنون مساحه بتمارس فينا قمة طبيعتنا البشرية
عيون الشارع غلط
لم نهتم بالمسافه وننسي الزلط
وننسي الزول الواقف تحت شدره
ونفووووووووت
دا ما سمو كلام
عارفك زول فنان
و رزقك في فرشاه ولون
وفكره في البال
|
Post: #9
Title: Re: أعرفوني
Author: محمد أبوعاقلة الطريفي
Date: 06-18-2006, 06:36 AM
Parent: #3
الوطن البديل
وطن بمساحة مليون ميقا مربعة
وشر غسيلنا الناشف بفعل الرغبة المحمومة
حمي السكون
كان السكون هنالك
وانا اتداعي بالسهر
شكرا يا ابو النسب
|
Post: #4
Title: Re: أعرفوني
Author: هوارى
Date: 06-18-2006, 05:56 AM
Parent: #1
انا بقول الزول دا عركي ومننا
ويمكن يطلع ود عمي او ود خالي
غايتو انا منتظروا
والنتيجة بتظهر
|
Post: #7
Title: Re: أعرفوني
Author: Sidig Rahama Elnour
Date: 06-18-2006, 06:15 AM
Parent: #4
ياهو نوع الكلام دا البخلي الشولة تتحرك جوانا ،
وينزف الفهم علامة إستفهام في قرانا
وترفع الضغط النقاط ... وترحل الكلمة السكون
تسكن الحيرة في مكانا
مرحباً بك وعرفناك والله
|
Post: #13
Title: Re: أعرفوني
Author: محمد أبوعاقلة الطريفي
Date: 06-18-2006, 06:59 AM
Parent: #7
مدخلك حلو
وخليت باب القلب متاكا
امكن تدخل تحت اي ظرف
بستقبلك بنفس الابتسامه
والجوطه الحاصله
ومرفقات .
امكن تهدد امنك
يا زول يا حزن
ما عارف والله حسيتك كدا
|
Post: #11
Title: Re: أعرفوني
Author: محمد أبوعاقلة الطريفي
Date: 06-18-2006, 06:46 AM
Parent: #4
هواري
عركي من اسمي دا
ظاهر ومفضوح
وامكن اهل
نحن كلنا اهل
لكن انا زول مشخبت
ماعندي طاقية خضرا
امكن اتحضرت
|
Post: #14
Title: Re: أعرفوني
Author: بدر الدين الأمير
Date: 06-18-2006, 07:20 AM
Parent: #11
محمدأبوعاقلة
ياضابح العاديات وافكارها
ياعقل المجانين ومجنون العاقلين
هل انت ابو عاقلة لانك لا تعقلها
ام الجنون انت والعاقلة هى افكارك يا ابوها
شهادتى فيك وعنك مجروحة مضت اكثر من ثلاثة اعوام ونحن نعمل معا
لم يرودها شى سوى تصاميمك وتصميمك على النجاح من خلال الفكرة الجديد
اهلا بيك جديد على البورداب وليس على بكرى ابوبكر بالله كيف رودك بكرى وقادك الى هنا
|
Post: #15
Title: Re: أعرفوني
Author: Tumadir
Date: 06-18-2006, 07:29 AM
Parent: #14
اها وكمان اقول ليك حاجة؟ ..على بالطلاق -كان ما اخاف الكضب- بتبقى لينا..
|
Post: #17
Title: Re: أعرفوني
Author: محمد أبوعاقلة الطريفي
Date: 06-18-2006, 07:48 AM
Parent: #15
انت عارفه
دمك دا ما غريب علي
رسمك معروف
ووشك مألوف
كنت بتجي داخله بيتنا من غير ما تدقي الباب
ومره لقيتك في بيت الجيران والناس كلهم قاعدين
لكن ما كنت بتخجلي لم يعاينوا فيك
ما عارف ليه
اهلا أس الف وتحيات تربيع
|
Post: #16
Title: Re: أعرفوني
Author: محمد أبوعاقلة الطريفي
Date: 06-18-2006, 07:32 AM
Parent: #14
الاستاذ / بدرالدين
يا جماعه الزول دا مديري
لكن هنا لا
نحن في وطن محايد
المساحه بالميغا
وتوزيع السكان لا يعتمد علي الكيلومتر المربع الواحد
عشان كدا
خليني )اتفشا ( دي بكتبوها كيف ....... وطالما الفكفكه وارده
بطش طشيش الغيم
انزل عليك شعفوفه
او بردا وسلاما
اتوقع مني اي حاجه
تنفض يدين وطنطه تحت تحت وصرة وش
وابتسامه اي حاجه زي ما تجي تجي
لكن بتحرجني بردك الناعم دايما
وبتعجبني
لم تدخل من غير سلام
وتخلي وراك علامة تعجب ومية استفهام
|
Post: #18
Title: Re: أعرفوني
Author: بدر الدين الأمير
Date: 06-18-2006, 09:15 AM
Parent: #16
حاتبقى علياانت يا عاقل المجانين ومعك عمدة المجانين عمادعبدالله
تلك هى جزاتى يا بكرى ابوبكر ؟؟؟؟؟؟؟؟؟؟؟؟؟؟؟؟؟؟؟؟؟
همسة : محمد حدث الاحباب هنا عن العشاء الاخير لمصطفى سيداحمد
ولقمته الاخيرة التى اودعها طرف الصحن والتى مازلت تحتفظ بها
|
Post: #19
Title: Re: أعرفوني
Author: Elkhawad
Date: 06-18-2006, 10:32 AM
Parent: #18
ابو عاقلة
ياااااااااه من الدموع والفرح
مرحبيتين حبابك
|
Post: #20
Title: Re: أعرفوني
Author: محمد أبوعاقلة الطريفي
Date: 06-18-2006, 12:46 PM
Parent: #19
[marquee]
الخواض ...
خوض بشويش وما تعكر المويه الأصلها عكرانه زي مزاجي
شكيت فيك
انك بتريد الهم من شكلو
وانا مهموم بيك
اعزك وما فتشتك في رغوه
انت في المانيا
يعني الخواض الأنا بعرفه في البالتوك
يجوز
تاوق وما تختفي
|
Post: #22
Title: Re: أعرفوني
Author: munswor almophtah
Date: 06-18-2006, 01:38 PM
Parent: #20
ألأخ محمد أبوعاقلة الطريفي
إسمك وشكلك قرب الصوره لناس ود الزين عمر دفع الله والجنجون والشيخ عجيب وعبدالرحمن محمد عبدالكريم وكل آل مهله وطيبه والحريز...حبابك
مارس كل محن هيلك
وجوه عيونا بنشيلك
نبارك ليك شبابيلك
نعاين ليك نشابيلك
ويا البزيت عيال جيلك
كان ما جيتنا نمشيلك
وكان فوق شوك بنحبيلك
عشان الشوق نناديلك
بنطمع فى مناديلك
بنعشق ديمه ترتيلك
بنحلم بى تفاصيلك
صدق طلانا توصيلك
سبق رشانا تأصيلك
عظيم يا إنت فوق خيلك
طفح غرقنا نيل خيرك
كتير أرقناتأخيرك
رجع فرحنا تحريرك
حرف مصقول بتقديرك
وتر مشدود بتاميرك
حبابك يا السبق خيرك
حبابك بى سلام طيرك
منصور
|
Post: #24
Title: Re: أعرفوني
Author: محمد أبوعاقلة الطريفي
Date: 06-18-2006, 01:56 PM
Parent: #22
عركي ملخبت بدم كاكاوي
وعشان جاييني بمشيلك
افتش في مدار هيلك
قبل ما تشتعل اشواق
بتلقي قلوبنا في ايدك
عشان طلت مواعيدك
بتبقي حوافنا في الفه
ونلفي الفرحه لي عيدك
انا البمرق بدون ساعه
وانا البدخل بباب بيتك
بتلقي حواسي هي الراجياك
وكل كتابتي من خيرك
هنا سوف تجدني
في نفس البنبر وخلفة الكراع
|
Post: #21
Title: Re: أعرفوني
Author: محمد أبوعاقلة الطريفي
Date: 06-18-2006, 01:09 PM
Parent: #1
بدون سم
كل المرات...
كل الدوائر المفتوحه والمشغوله تسألني عن سرك
سر الوجعه في زمن الرجعه والهم المبالغه
رجفه في وقت صعب وسوائل بتبقي ناشفه بعد ساعه
سهر ناشف ولون مغفل بدفن نفسو في نفسو
دسيني في كل الممرات والسكك
دسيني من خدعة شرك
دسيني في الخاطر صبابه
كلمه في حلق اللكك
دسيني في آخر محك
في الحته ديك
كتفت الليل بنور فيني
لمحة شعاع
وشتاره منسيه تحت السرير
ستاره ونور بعيد خافت
بديني احساس إني انسان عشره في الميه
والباقي مشتت
وزي ما بتدخل نمله بتحت الباب
بدخل نملك (نمل السكر) من كل مسام
وخلّ خشمي ملح ملح
خدر الحته وريحة دمك
قرصة همك
لون الحته وشكل الحاله
ضلام
.....
سكون شامل وصوت هارديسك
طقطقة كيبورد بتوديك هناك
وبتلقاني هنا في نفس الكرسي
وزول قاعد غلط ... مافيها حاجه
وجع الضهر لمتين
وجع السفر لمتين
نسكافيه سغيل بشرب من دمي
وبشرب في البحاري
الكرسي زي ضهر الجمل
هزاز
تلفون علي الهزاز
الرجفه زي رجفه
الرجفه في الوقفه
والعصب البشد حيلو
بدون عرفه
وبب
وقعت اصابعي العشره في الكيبورد
بتسيتبميستلنمتلليبليبليبلثصث??????مكمميبنهععخثغايتايتلا
ما بمسحه
ولا بعمل تراجع
ولا أن دو
كان مشيتي علي قفاك
وكان سكنتي مع المعاك
وكان كسحتي الساتر الله
يا بت يا ليل
.....ليلك
زي لون ليلي
كفايه
|
Post: #23
Title: Re: أعرفوني
Author: Salah Abdulla
Date: 06-18-2006, 01:47 PM
Parent: #21
أبو عاقلة ..
قلت إعرفوني ؟؟
وهل نحتاج الى أن نعرفك ؟؟
مرحباً بك يا صديقنا في الزمن ( السمح ) .. وألف مرحب بيك ..
زادت قبيلة الفن عامة فرداً .. وقبيلة التشكيليين ( المجانين ) خاصة ،، مجنوناً آخر ..
ليتنا نمتلك شيئاً من ( جنونكم ) إذن لملأنا الدنيا إبداعاً ..
تحية مكررة وترحيب كتير ..
صلاح عبدالله
|
Post: #25
Title: Re: أعرفوني
Author: Muna Khugali
Date: 06-18-2006, 03:50 PM
Parent: #23
كـل شـيء جميل هنا..
الأغنية جميلة بكـلماتها والحانها وصـوت مـن يـؤديها ..
لك وله الإعجـاب..
مـني خـوجـلي
|
Post: #27
Title: Re: أعرفوني
Author: محمد أبوعاقلة الطريفي
Date: 06-18-2006, 11:38 PM
Parent: #25
منى ....
مني ... لك
بعض ما املك
زخم حاجات ... بدون خاتمة مناسبه
اطلالة برلوم ببلع في الريق ببقه رد
تحت تأثيرك
لغااااااااية ما تجي
|
Post: #26
Title: Re: أعرفوني
Author: محمد أبوعاقلة الطريفي
Date: 06-18-2006, 11:24 PM
Parent: #23
صلاح
المختفي دوما والحاضر أحياناً
مرحباً بي في الزمن (المسخ) .... عليك الله اكسر لي الميم دي ....
الفرد قد يشكل علامة فراغ وقد ينفجر
فاحتمل زعري
جئتك من حرب كانت الغنيمة شعري
وبعض لقيمات اسكت بها سعري
القبيلة لا تنتمي الى الفئة الضالة
لذا .... ابعدني قدر الامكان عن المستشفى داك
وسيح
|
Post: #28
Title: Re: أعرفوني
Author: احمد العربي
Date: 06-19-2006, 00:09 AM
Parent: #26
ود الطريفي
دخلتك الملانه جمال
وموشحه بي سماحة الناس البحبهم ديل
دافع دخولي فاردا مليون ميغا مربعه
بابتسامة تشبه تماضر وعماد عبد الله
رغم اني اتأكل هذه الايام واكتفيت
بمتابعة طلال عفيفي وموازرة استاذي
عثمان حامد سليمان احسه يتوجع معي
ويريدني قويا ومعافى لكني اتاكل
اجبرتني شعلتك المتقده
الى
هذه المداخله
ولا اريد ان افرد لك مكانه في القلب
لانه يهتري هذه الايام بنمط عفيفي
ولكني
احبك وبثقه تامه
وسنلتقي إن بقى من الخلايا شئ
يصلح للتواصل
فتمدد اذا وعبئ هذه المساحه
|
Post: #29
Title: Re: أعرفوني
Author: محمد أبوعاقلة الطريفي
Date: 06-19-2006, 00:26 AM
Parent: #28
أحمد ....
التوجع فعل مباح ... أصرخ
ولكني لا أملك شهية الموت لأشتري لك ثمن التوابل ...
نريدك قويا برغم الضعف الذي لحق بنا وخلّف وراءه فحماً محترقاً ورصيف يشبهني
يا لك من فوضى مكتملة ...
أعلنت هزيمة كرياتي البيضاء ورفعت العلم الذي يشبهها ...
ما زالت الراية الحمراء بنفس اللون والقيمة المضافة ...
رغم تآكلك ...
خليك شعلة بتتكل علي الله وعلي شمعتي
اخيراً ...
مص اللالوب عشان خاطر خيط السبحه ... سخف
|
Post: #30
Title: Re: أعرفوني
Author: عبدالرحمن الحلاوي
Date: 06-19-2006, 00:37 AM
Parent: #29
دخلت لكي استمتع بهذا الجمال
أكيد تعارفنا ونحن في الهم شرق
أكيد تآلفنا وإن تفرقنا زمناً
ستلتقي أرواحنا لتعزف لحناً
وترسم رقائق الكلم وهجاً
وتغرس معرفة وعرفانا وفناً
|
Post: #31
Title: Re: أعرفوني
Author: محمد أبوعاقلة الطريفي
Date: 06-19-2006, 00:50 AM
Parent: #30
أظنك عرفت ....
شتلة الكاكاو والمويه البترجع لينه ...
أزقة الحواري والفرح البشخر في الحنفيه ...
شوارع بتشبه ضلي نص الليل ...
والبحث عن جمال تاني غير الشدره والقيفه
في الحته ديك
أظنك عرفت
واظنك وقفت
وبترقبك
|
Post: #32
Title: Re: أعرفوني
Author: عبدالحليم خالد التلب
Date: 06-19-2006, 01:49 AM
Parent: #31
أخي ود أبو عاقلة
لك التحية ، وتعظيم سلام يا أعقل العاقلين ، ومصلِّح أمخاخ المجانين ..
ياتو عقل حا يفضل فينا لمن تتلموا إنت وسجيمان في حوش واحد ؟!
وياتو فرح بكفينا منكم ، ما إنتو الفرح ذاتو ..
أخوي جنا ودالطريفي ،
نوّرت حوشنا .. وغرست عِرق الفرح في دواخلنا ، وإنت المتلك ما بدورلو تعريف ، لأن المعروف لا يعرّف .. وتكفيك يا سيد البسمة التواقيع أعلاه من تلك الكوكبة من خيرة مبدعي حوش بكري الذين دقوا لك الطبول مرحبين وحرقوا لك البخور فرحين بمقدمك الميمون .. وصدقني كم كنت أحسد ناس منبر(النيلين) ومرة مرة ناس (الدوحة)ّ؟! لاستئثارهم بك ، بس هسع الحمد لله حوشنا نوّّر كمان وكمان .
لمحت فيك راحة المشاوير البعيدة ..
ونفحة النسمة الحنينة ..
الجاية من جوف المضيق ..
وألف مرحبتين حبابك أيها المبدع الباسم الساخر ، في دارك وبين أحبابك ..
و ..
Quote: كتير أرقناتأخيرك
رجع فرحنا تحريرك
حرف مصقول بتقديرك
وتر مشدود بتاميرك
حبابك يا السبق خيرك
حبابك بى سلام طيرك[/QUOTE]
و.. شكراً ليك كتير يا رائع على تلك الخلفية الجميلة بصوت المبدع الراحل معز .. رهيبٌ أنت يا هذا .. له الرحمة والمغفرة .. وليك القومة والتجلة .
( ليمو )
|
Post: #33
Title: Re: أعرفوني
Author: محمد أبوعاقلة الطريفي
Date: 06-19-2006, 02:05 AM
Parent: #32
ليمو ...
ايها الراحل في الليل وحيدا ...
جئتك هاهنا..
فرارا من كتاحة أمس وزهج اليوم داك ...
ليمو...
هنا الكراسي مريحة والراس اتفتح من المخاته الكتيره
والجوطه البلا صالح
كنت مزرزر ومزرزر ...
ما تخليني براي انا برلوم ...
وبخاف من الهجمات الانتحارية والناس المفخخه
-------------
وفجأة كدا
طليت متلب
-------------
|
Post: #34
Title: Re: أعرفوني
Author: إدريس محمد إبراهيم
Date: 06-19-2006, 02:47 AM
Parent: #33
Quote: خلوني امارس طقوس الذبح الحلال والتفريط خارج سربكم (احلي حاجه الطيران بالليل والناس نايمه) أنا خريج علاقة محرمة وتفاهة امنيات، فاشل في الكليه، الما عندها ذمه ومرتفعة التكاليف. دايركم تعرفوني. قررت اني امارس المنتديات . بما انها ما من أكلاتي المفضله. تفاصيل كتيره وهواجس بتشبه ضهر صاج العواسه (الجهة الأكثر سوادا من حيث المضمون)
كنت فاكر نفسي تعيس وبتطاول عليكم. انا عباره عن استنباط كلمة لعقلك وفكرك. ولادة مفردات غالبا بتكون متعسره للزول العندو مروه علي الكتابه.
ظنيت انو الشدر الواقف نيم. والحنضل تيراب. وضل الزير مجرد سكن عشوائ لصارقيل الوجعه الطلع عين البذره الناشفة ونشف ريق الكوز. ولم تقطع المويه. بحل محلها ضفر غيظ وحاجات ما مرتبه بتطلع في شكل شخير او ذبحه عنصريه ضدي وضدك. شنو الخلاك يا مويه تقيفي في العتبه وما تدقي االباب والنشف فينا اكبر من بلة ريق. امكن الريحه. وامكن من الوسخ الفينا. وامكن فنطاظ القدره صفيحه. وامكن نحن نخاع العفنه بتطرد. رجعت موية البحر لينه وبتتأسف علي الجيه.
لاقيني براك ..انا طوفي طرور وموجك دفر
لاقيني براك... انا في خطر
لاقيني براك...من غير مجاري وموج بحر
في الحته ديك
كان الطريق مجرد كلبه والده والزقاقات الجريوات ما بتمشي عديل زي كانها بتفتش عن قوت اليوم او عضم باكر. الشارع كان سكران وبترتح علي الفاضي ومنافذ مسدودة. الناس كانت واقفه والشارع بعاين فيني بعين حمرا.شاور الزقاق الضيق.
شاورني لو نفسك بضيق
شاورني لو مات الرفيق
شاورني في عز الحريق
شاورني لو طال الطريق
عشمي في آخر محطه
دين المحطات لو بقت لافته ومظله
لو بقت وقفه ومذله
وانتظار ساكت |
ود الطريفي .. أنا عن نفسي احترت حقاً من روعة الغناء .. ومدى عبقرية الكلام .. فأنت رجل معجون بصدمة الدهشه .. ووهج الانبهار .. أي أودية عبقر يا صديقي قد رماك علينا .. وأي رحم للأبداع بالله عليك عاناك مخاضاً وإنجاباً .. حقيقة ما أجهلنا لولا هذه السودانيز أونلاين بهؤلاء العباقرة الصعاليك .. وحقيقة كم يذخر بلد المليون ميل مربع بملايين الأفذاذ الرائعين ...
سلمت أخي .. وألف مرحب بيك ملاحاً ماهراً لهذه السفينة المترعة بالفن والمحقونة بنداوة البوح الجميل ...
|
Post: #35
Title: Re: أعرفوني
Author: محمد أبوعاقلة الطريفي
Date: 06-19-2006, 03:45 AM
Parent: #34
إدريس ...
القلب الجميل لا يري مواطن القبح فينا ... ربما
اما الأحداق فتري كل شئ ماثلا ...
كصدر الحقائق الذي يتعري أمامي بكل انوثته المفرطة والموغل في النباح
كانت الغريزة بذات التوقيت تحتضر ...
دايما نهرب بنفس ملابس النوم وننتعل الجراءة ...
أحتاج إليكم ...
دون أن أخدش خد اللغة وحسابات الضمير.
دون أن أقرأكم لفت انتباه أو حالة عابرة أو دورة شهرية.
او لصا يأخذ ما تبقي من فتات .
خبئني فأنا اليوم أحول عن معرفة الثوابت والمتغير فينا
يا إدريس ...
كنت أتمنى ان أشهد تاريخ ميلادي وانا في كامل قواي.
كنت احتاج للصراخ في وجه تلك التي كانت تتمشي في الممرات خلسة.
مررت عليك ذات لحظة ووجدتك من نفس الفصيله التي تحمل نفس الزخم .
فقط احتفظ بقواي التي تشدني إليكم بقوة الجاذبية والخطى الممغنطه.
أكتبوني في دفاتركم القديمة إرث ...
وفي دواخلي المحمومة بحب البعثرة ذرات أكسجين ربما احتاجها في شهيقي اللذيذ
وقفت ...
وأنا أصرخ في وجهي مفرود القامة ومقطب الجبين
امارس العنف العفوي وما تمليه الهواجس
أمزق ما تبقى من ستارة السكون والشوف الأعمى
دعني بكل بساطة ...
أن أقتحمكم عنوة ...
وأن أتدسدس مفتوح الجرح
ومكشوف الدواخل ....
في اللحظة التي أبحث فيها عن أزقة انسان وسلطة عنفوان بغض النظر عن هياكلنا العظمية
ممنونك بالكلمات الرائعة حقا والتي قرأتها أكثر من مرة ....
ما زال احساسي بها فظيعا
حقيقة ... بعثرتني
|
Post: #36
Title: Re: أعرفوني
Author: طلال عفيفي
Date: 06-19-2006, 04:13 AM
Parent: #35
محمد السني ، عماد ، تماضر :
واحد تاني 
|
Post: #37
Title: Re: أعرفوني
Author: محمد أبوعاقلة الطريفي
Date: 06-19-2006, 04:38 AM
Parent: #36
عفيفي
ازيك
اسمعني او اقراني
المره الجايه جيب معاك ترمومتر الراس
عشان تعرفني
والله يا جماعه بطريقتكم دي انا بصدق وبتلبسني الحاله رقم صفر
دايما لم امشي بخلي سفنجتي تلحقني
|
Post: #38
Title: Re: أعرفوني
Author: msd
Date: 06-19-2006, 05:08 AM
Parent: #37
Salam Ya Wad Elkashmeir Mohamed
It is very nice to see you here
Mohamed Salih Dafalla
|
Post: #39
Title: Re: أعرفوني
Author: محمد أبوعاقلة الطريفي
Date: 06-19-2006, 05:47 AM
Parent: #38
mohammed saleh dafalla mohammed babiker
yep
where r u man
we r suffering here...
without any hope & Stride
i know u r lookung to the future, Superhumanness
keep in touch
waiting 4u
salam kateeeeeer
|
Post: #41
Title: Re: أعرفوني
Author: Elkhawad
Date: 06-19-2006, 06:08 AM
Parent: #38
عفيفي ده ما واحد تاني
ده واحد كامل
--
واحد
مهموم
بقيام
الليل
عشان
كلمه
------
انا ياني انا
من المانيا ولي نص البحر
|
Post: #44
Title: Re: أعرفوني
Author: محمد أبوعاقلة الطريفي
Date: 06-19-2006, 06:34 AM
Parent: #41
أففففففففففففف
تاني ....
خليتني أحك في راسي
ياالله يالخواض
ما ممكن
لا ....
رغبة تافهة وقوية في الشتيمه ... وانحلال لهجه
ما قادر أسب ...
والمفردات ما بتخليني
اعمل شنو ...
رغبة وزفير ساخن
احساس بالصراخ لأبعد مدي
خليني ... اتلفت
واستوعبك
|
Post: #40
Title: Re: أعرفوني
Author: محمد أبوعاقلة الطريفي
Date: 06-19-2006, 06:02 AM
Parent: #1
يا جماعة انا قلت ليكم برلوم في اللخبته دي
الاغنية الخلفية دي جات من وين
مافي غيرك يالخواض
انا قلت شاكي فيك مما شفتك
مالك ما داير تجنني
انا سمعتها من شويه
السماعات كانت مقفوله
والغريبه ليمو حيرني بكلامو
من دي
انا ما عندي
وكدا الموضوع بالنسبه لي بقي مشكله
اتعقدت ومافي اي قابليه تفكير زياده
يا سناير شوفوا الموضوع دا
يا بكري ....
طبعا انت كفيلي الجديد
انا مرات بدقس ودقستي بتكسر الكبابي والسوني القدامي دا (دي) sony مذكر والا مؤنث يا ناس عربي
|
Post: #42
Title: Re: أعرفوني
Author: msd
Date: 06-19-2006, 06:12 AM
Parent: #40
Salam Mohamed
You are still wonderfull, convey my greeting to family, I enjoyed your wonderfull texts, and remebered a very far days when we try to put somethings in our mind in our village, of course I will be in contact, now I am in Germany
|
Post: #43
Title: Re: أعرفوني
Author: يازولyazoalيازول
Date: 06-19-2006, 06:19 AM
Parent: #42
كلام
|
Post: #47
Title: Re: أعرفوني
Author: محمد أبوعاقلة الطريفي
Date: 06-19-2006, 09:08 AM
Parent: #43
أشكر طلتك عزيزي:
ما أصغر الكلمة
وما أكبر ما وراء ذلك
|
Post: #45
Title: Re: أعرفوني
Author: Mohamed Abdelgaleel
Date: 06-19-2006, 06:54 AM
Parent: #1
أبو عاقلة
اشهد انك عندك مروه على الكتابه .. فأكتب والرهيفة التنقد .. خاصة أن:
Quote: دين المحطات لو بقت لافته ومظله
لو بقت وقفه ومذله
وانتظار ساكت |
|
Post: #46
Title: Re: أعرفوني
Author: محمد أبوعاقلة الطريفي
Date: 06-19-2006, 07:13 AM
Parent: #45
محمد عبد الجليل ...
زمان كان بقولو جري وطيران ما ببقن ...
و الجري والطيران وارد ...
لكن الموضوع شاق ومتعب وانا ورطت نفسي
غايتو باقي الميغا الفي راسي
ح أكتبو في فلوبي
في الحته ديك
كلها ستمية kb
والباقي بخلي للظروف البتمسك في اليد
خليني ازورك
|
Post: #48
Title: Re: أعرفوني
Author: sudania2000
Date: 06-19-2006, 10:01 AM
Parent: #46
الطريفي زوول النصيحة
رحلت زمان و جيت هسي بس بترجع بتين
قلت السلام امان
امك بتبكي
اختك حنان
زاهر دخل المدرسة
ام اليمن مماتت زمان
جدك ولدن بقراتوا
خالك فقد احد بناتو
اخوك عرسوا ليهو خطيبتك زمان
فطومة الانت أبيتها
وهي كانت بدورك زمان
رحلت
و خليتها بدمعة فوق خديديها
عارف ولدت كم بطن عيال
سمت الاول محمد
و الثاني أبو عاقلة
و الثالث الطريفي
هسي بدور تلد
عارف اسمو الجاي منو
قالت اسمو الثلاثة في واحد
محمد أبوعاقلة الطريفي
عرفتك
أبوسنينة بلدك
الوراك لعبك
الطلحة دراستك
مدني طريقك
الخرطوم اخرجتك الي اللا عودة
اها انا عرفتك
|
Post: #49
Title: Re: أعرفوني
Author: محمد أبوعاقلة الطريفي
Date: 06-19-2006, 12:54 PM
Parent: #48
سودانية ....
والله الدخله جنوب
وأنا ساكن شمال
كل الأماكن ما شفتها
مرات في عناوين غلط ممكن تكون صاح
ومعقل العركيين ما غريب عليهو
لكن رسمتي صوره شخوص ما عرفتها
انا زول تاني
وموضوع الأسماء خلتني كل مرة اراجع وزارة الداخلية
وكل مره إنزلوني من الطيارة
عموما .... مراحب كتيره
|
Post: #50
Title: Re: أعرفوني
Author: غادة عبدالعزيز خالد
Date: 06-19-2006, 01:17 PM
Parent: #49
الأخ محمد-
مرحبا بك معنا هنا,
بدأنا ان نعرفك..
واصل كتاباتك,
لنتعمق
فى معرفتنا لك اكثر
خالص الود
غادة
|
Post: #51
Title: Re: أعرفوني
Author: محمد أبوعاقلة الطريفي
Date: 06-19-2006, 01:43 PM
Parent: #50
غادة
....
اعتقلت نفسي عندما أحسست بأنني سريع الذوبان في الروح
كان شجر المواعيد أهبل عندما احترف الصمغ وسيلة للبقاء. الشجر الناشف اختزن ظله لموسم الصيف، لعل شمس هذا اليوم لا تنذر بظلٍ كالمعتاد
كان وجهي في وحل الكلمات مكفهراً، وأنا أمارس نفس الاسلوب في المراوغة، ودغدغة الذات
. قرعت مخي وأنا استسلم للوجوم بكل بساطة
من الذي وضع القدمين في الصاج ونسي طايوق الفكرة التي أبكتني غصبا عن الحاجة
ما كنت قويا كفاية حتي أغلق شبابيك البال
كان البال مفتوحاً علي مصرعيه ... شاهدُ علي مصرعي
كيف تقتلني الهواجس بجرة حلم ... فاشل
كيف يسرقني ظني في وضح الفكرة وأمام البؤبؤ.. وخذتني حتة )الشوف بالقلب( واستسلمت رغماً عني وعنك
يا شجر الامنيات الذابل .. خذني لقاح
------------------------------
شيليني ما تخلي شي
الكلمة نعلات للمشي
الكلمة بتفلي الرويح الطالعة فيك من أي شي
أغسل دواخلك بالدميعات تبقي شي
------------------------------
مشيت بعيد
مسافة أشتري شهية واشخبت في واطه
مسافة اني اشتهيك ديناميت وانا بركان
كان الشوف عباره عن طرد بريد مقفول بالشمع البنفسجي
وفي جواي فضول تافه وحقارة رصيف
انا قاعد هنا في كرسي تاني
كرسي نضيف
وكيبورد وسخان
وانا حفيان بحك في راسي قبل ما اعمل أضف رد
|
Post: #52
Title: Re: أعرفوني
Author: sudania2000
Date: 06-19-2006, 03:18 PM
Parent: #51
يا شفيف تتكرر الشخوص و تختلف الاسماء لوحة خيالية طلعت اووت
ما عرفتك
انت عرفتني؟؟؟
لوووووول
خوطر عن اي مغترب ممكن تكون و لا انت باقي بارض المليون رحول الخرتوم ماهو بعرضو سفر
تسلم يا رصين الكلمة
|
Post: #53
Title: Re: أعرفوني
Author: يوسف سعد
Date: 06-19-2006, 04:46 PM
Parent: #52
المابعرفك نص عمرو ضايع.......
|
Post: #55
Title: Re: أعرفوني
Author: محمد أبوعاقلة الطريفي
Date: 06-19-2006, 11:13 PM
Parent: #53
يوسف سعد أو ...
يوسف مايـــــــــا ....
انت شديد ...
الخفاش اللابس كاميرا ومخاوي الليل
لسه بطبز في عين الضلام بالضو
والا الحاصل عليك شنو ...
المابعرفك نص عمرو ضايع.......
ياخي الناس دي هنا كلها لقيته شغاله بنص عمر
فضلت فيهم شنو .... هاهاهاهاهاهاها
اول مره أضحك في سودانيزاونلاين
|
Post: #54
Title: Re: أعرفوني
Author: محمد أبوعاقلة الطريفي
Date: 06-19-2006, 10:58 PM
Parent: #52
يا شفيف تتكرر الشخوص و تختلف الاسماء لوحة خيالية طلعت اووت
ما عرفتك
انت عرفتني؟؟؟
لوووووول
والله ما فاهم أي حاجه
وانا شطحتي شينه ...
وفري علي زمن ووضحي .....
loooooool
|
Post: #56
Title: Re: أعرفوني
Author: محمد أبوعاقلة الطريفي
Date: 06-20-2006, 12:59 PM
Parent: #54
الخواض ....
طمني عليك ....
انا ما فاهم حاجه
|
Post: #57
Title: Re: أعرفوني
Author: محمد أبوعاقلة الطريفي
Date: 06-21-2006, 07:11 AM
Parent: #1
الآن سوف امارس غلطي بكل صدق
|
Post: #58
Title: Re: أعرفوني
Author: Elkhawad
Date: 06-21-2006, 10:24 AM
Parent: #57
عارف
بجيك بالليل بعد
حس الصباح يكمل
|
Post: #59
Title: Re: أعرفوني
Author: محمد أبوعاقلة الطريفي
Date: 06-21-2006, 01:02 PM
Parent: #58
بجيك بعد حس الصباح يكمل
بعد حس النواح يرحل
ونقعد في حزن كامل
بدون مدخل
بدون ما تلدغك كلمة
بكون راجيك
بعد لون الصباح يبهت
|
Post: #60
Title: Re: أعرفوني
Author: محمد أبوعاقلة الطريفي
Date: 06-22-2006, 01:48 PM
Parent: #59
WAITING
|
Post: #61
Title: Re: أعرفوني
Author: أيزابيلا
Date: 06-22-2006, 03:01 PM
Parent: #60
(all people are born mad,but some remain so)
S. Beckit
|
Post: #62
Title: Re: أعرفوني
Author: أيزابيلا
Date: 06-22-2006, 03:01 PM
Parent: #60
(all people are born mad,but some remain so)
waiting for Godot
S. Beckit
|
Post: #63
Title: Re: أعرفوني
Author: ابوبكر الامين يوسف
Date: 06-22-2006, 03:17 PM
Parent: #62
:
:
لقيتك فى حضن ساقية وجروف ....
لقيتك....
محمد ابوعاقلة الطريفى ... ومااروعها من لقيا,,,
الموقع قمة الروعة ...وكمان لقيتك ,,,
|
Post: #64
Title: Re: أعرفوني
Author: Elkhawad
Date: 06-23-2006, 11:05 AM
Parent: #63
ابوعاقلة
المسافات
شالت حفيف الريح
كل ما اتلافي البوست
تتلافني العبرة
وتخنق
تتتخنق
تخنققققققققق
وبرضي بجيك صاد
بس النفك الزردة
|
Post: #65
Title: Re: أعرفوني
Author: محمد أبوعاقلة الطريفي
Date: 06-24-2006, 01:18 PM
Parent: #64
وشالتني نسمه للنيمه الهناك
انا في سفر
جواي وفيك
حافظ مواعيد السهر
والكلمه القبيل
داخرك وتر
شداني ليك
|
Post: #66
Title: Re: أعرفوني
Author: ودرملية
Date: 06-24-2006, 01:58 PM
Parent: #65
سلامات
وعوافي
محمد ابوعاقلة..
انت ماك داير عرفة ...علي الاقل معروف لينا عرفة شديدة ..
منذ (رحيل) وانا احس بانني التقيتك في زمن بعيد ..
بعدين تعال هنا انت رحيل دي راجي بيها الري والا شنو ..
ماتطلع حاجاتك ياكرور انت داسيها لي متين يعني .. لامن نموت ..
انعل زيتك زول سمح وجميل ..
ياملعون جيب (رحيل) والا بوريك المابتعرفو ..
البوست دا عمرو اسبوع يادوب لميت فيهو وتاني يحلو الحلا بلة..
مشتاقين يافقر..
|
Post: #67
Title: Re: أعرفوني
Author: محمد أبوعاقلة الطريفي
Date: 06-24-2006, 02:52 PM
Parent: #66
انا برضو لاقيتك في ارض محايده
عارفك هنا
وطليت
رحيل ......... تعجب كبيره وصنه
وانتر بعد مسافه
معليش .... سرحت
سرحت بي
جاييك وانا في الفراغ ممسوك
قاعد اشخبط بقلم رصاص
B5
|
Post: #69
Title: Re: أعرفوني
Author: محمد أبوعاقلة الطريفي
Date: 06-25-2006, 00:28 AM
Parent: #68
الخواض ....
أنا لسه ما قادر أبلع الفكرة ...
فكرة إنك هنا ...
ياخي صورتك ... غريبة
أي حاجة فيها بتحكي عن مأساة ...
مأساة بتشبهك وحقتك براك ...
كل مره بدخل بقيف فيها كتير قبل ما أقول أي حاجه ...
ردودك بتوحي بزول نفسو قايم وتعبان ...
مفروض احتفظ بالملاحظات دي لنفسي ...
أو حتي في الماسنجر ...
لكنك ... مفضوح ...
بس في ناس ما بتحب تقول احساساتا بعفوية ...
أعذرني ... إذا حبيتك ...
ونحن قبل كدا فرطتنا في بعض وتاني ما ح نعملا
كفاية ... داخرك لليوم داك
يوم ألاقيك في المسطبه ونشرب من هوا توتي لغاية الصباح
كيتا علي الغربة والسفر السخف
تحكي عن صاحبك واحكي ليك عن خطواتي البتفرمل كتير
وانا لسه ماسك فرملة اليد عليك
بخاف منك تبوح
بخاف منك تبدأ لي
بهرب كتير منك
من حاجه عارف انها مأساة
ما تخليني في بالك عشان ما أحسك شديد
|
Post: #70
Title: Re: أعرفوني
Author: محمد أبوعاقلة الطريفي
Date: 06-26-2006, 01:57 PM
Parent: #69
غايتو ......
الناس تدافر
وصفي طويل
|
|
|
