Post: #1
Title: نوناتو الفي وجناتو...
Author: mamkouna
Date: 06-15-2006, 05:54 AM
نوناتو الزايدة حلاتو....
|
Post: #2
Title: Re: نوناتو الفي وجناتو...
Author: mamkouna
Date: 06-15-2006, 05:58 AM
Parent: #1
سمعت بكل عمليات التجميل دي.....
إزالة تجاعيد الوجه
عملية شد الوجه و الرقبة( إزالة التجاعيد)
إعادة صقل الجلد بواسطة الليزر
عملية شد الجبين و رفع الحاجبين
شد الجلد بالخيوط الذهبية
عملية شد الجفنين
عملية تجميل الأنف
عملية تجميل الأذنيين
عملية شفط الدهون
عملية حقن الدهون
عملية شد البطن (تصحيح ترهل البطن)
عملية تصغير وشد الثديين
عملية تكبير الثديين
إزالة الوشم
إعادة الحيوية (تجديد حيوية الجلد و إزالة التجاعيد ) بواسطة الليزر
الشامات و الوحمات الدموية و الدوالي الوريدية و الشعيرات الدموية فى الوجة
عملية إزالة الشعر بشكل دائم
عمليةإعادة الشعر
حقن بالكولجين
حقن بمادة روستلين
|
Post: #3
Title: Re: نوناتو الفي وجناتو...
Author: mamkouna
Date: 06-15-2006, 06:01 AM
Parent: #1
لكن...
أُحبطت جداً جداً جداً جداً...
لمن عرفت إنو في عملية تجميل تُجرى من داخل الخد...لزرع (( نونة )) أو (( غمازة ))..!!!
|
Post: #4
Title: Re: نوناتو الفي وجناتو...
Author: mamkouna
Date: 06-15-2006, 06:04 AM
Parent: #1
الحواجب....موشومة.
الرموش...صناعية.
الخدود...منفوخة بالبوتوكس.
الشفايف...منفوخة بالكولاجين.
الصدر...منفوخ بالسيليكون.
و...
(( النونة )).....كمان صناعية...!!
لمن يتغنى الشعراء ....!!!!؟؟؟؟؟
للحسناء....
أم....
...لأطباء التجميل ...؟؟؟!!!
|
Post: #5
Title: Re: نوناتو الفي وجناتو...
Author: Adil Osman
Date: 06-16-2006, 02:46 AM
Parent: #1
موضوع ظريف يا ممكونة.
هذه الرغبة فى الشباب الدائم والجمال الدائم!
لو فى طريقة الزول يثبت فى عمر واحد وعلى شكل واحد!
ولكن الشباب والجمال الدائم قد يقود الى الدمار والخراب.
تذكرين بالطبع قصة نارسيس، ومراية البحيرة. ومن اسمه جاءت كلمة
النرجسية الشهيرة. التى تعنى فيما تعنى الزهو والغرور والانغماس
فى شئون الذات والانشداه بالنفس اكثر من اللازم!
أذكر شاب كان متضايقآ اشد الضيق من ظهور اوائل الشيب.
وهناك من لعن اليوم الذى بدأ فيه شعر رأسه للتراجع.
والمرأة بالطبع تقلق حين تبدأ بعض اجزاء جسمها فى الاتجاه جنوبآ على قول الخواجات!
when things start to go south
شكرآ على طرق هذا الموضوع. سوف اعود اليه متى ما سنحت ظروفى ومزاجى الكهل!
|
Post: #6
Title: Re: نوناتو الفي وجناتو...
Author: Hussein Mallasi
Date: 06-16-2006, 04:06 AM
Parent: #5
و أنا لي زمن أقول اليسا دي خشمها بقى مفتول كدا ليه!!
|
Post: #7
Title: Re: نوناتو الفي وجناتو...
Author: Dr. Moiz Bakhiet
Date: 06-16-2006, 04:55 AM
Parent: #6
Salam ya Mamkouna from Portugal
I will come back to you later
|
Post: #8
Title: Re: نوناتو الفي وجناتو...
Author: Hussein Mallasi
Date: 06-17-2006, 07:16 AM
Parent: #7
شفتي الفرق بيننا و بينهم ... مبالغة!!
_____
نسأل الله السلامة.
|
Post: #12
Title: Re: نوناتو الفي وجناتو...
Author: mamkouna
Date: 06-18-2006, 02:58 PM
Parent: #7
Quote: Salam ya Mamkouna from Portugal
I will come back to you later |
عزوز..يا (( برتغالي )) اللون..
تمشي و تجي بالسلامة..
بس أحلف في الأول إنو (( غمٌازتك )) دي حقيقية و ما (( برتغالية ))
|
Post: #10
Title: Re: نوناتو الفي وجناتو...
Author: mamkouna
Date: 06-17-2006, 12:23 PM
Parent: #6
| Quote: شفتي الفرق بيننا و بينهم ... مبالغة!! |
 
ما شايفة أي فرق...
بيننا....
و...
بينهم....
|
Post: #9
Title: Re: نوناتو الفي وجناتو...
Author: mamkouna
Date: 06-17-2006, 11:58 AM
Parent: #5
الأخ الكريم عادل عثمان..
شكراً لإضافتك و ل ذات النونة الحلوة و التى أفترض - و أرجو أن يصح إفتراضي- أنها طبيعية....
بقى ما عندي ثقة في أي زول/ة 
------------------------------------
نواصل...
_______________________________________
عمليات التجميل الرجالية
سيدتي / سيدي
إذا رأيتم رجال عضلاتهم تبش...
Don't buy that
فقد عرفت أن جسد الرجل الرياضي الذي تنشده الكثيرات من النساء يمكن تصنيعه في عيادات جراحة التجميل في أمريكا و غيرها...المسترخِص ممكن يمشي تايلاند و ما شابهها
- تكبيرعضلات الصدر( سيليكون برضو) Pectoral muscles implants
- تكبير عضلات الأذرع و الأرجل( عضلات فالصو تكسو الكوارع) Biceps and triceps implants
- تكبير عضلات المؤخرة Gluteal implants
دة طبعآ غير الأنف Nose job..و زرع شعر الرأس .
يعني ممكن تجي شايل صورة أحد أبطال مسلسل Bay watch رجال على نساء و تنقي اليعجبك
قرأت في النت إحصائية عن نسبة عمليات التجميل عند الرجال...
14% حقن البوتوكس
15% شفط الدهون و جراحة الجفون
20% إزالة الشعر بالليزر( عجايب!!)
24% تجميل الأنف
إرتفعت جراحات التجميل 32% في السنة الماضية وحدها.
المصدر
http://menshealth.about.com/cs/surgery/a/cosmetic.htm
-منقول من الأخت حنينة بالقرية المجاورة -
|
Post: #11
Title: Re: نوناتو الفي وجناتو...
Author: خضر الطيب
Date: 06-17-2006, 12:42 PM
Parent: #1
ممكونة وصابرة لك التحية
بوست راقي ورائع جدا لكن دي بالغتي فيها
Quote: سيدتي / سيدي
إذا رأيتم رجال عضلاتهم تبش...
Don't buy that
|
Post: #13
Title: Re: نوناتو الفي وجناتو...
Author: mamkouna
Date: 06-20-2006, 08:34 AM
Parent: #11
Quote: ممكونة وصابرة لك التحية
بوست راقي ورائع جدا
خضر الطيب |
حسي يا خضر كان البورد كان خالي من النساء..
كنت لقيت (( بوست راقي و رائع جدا )) زي ده وين؟؟؟؟
|
Post: #14
Title: Re: نوناتو الفي وجناتو...
Author: Sawsan Ahmed
Date: 06-20-2006, 08:55 AM
Parent: #13
ممكونه!
شكرا علي البوست
وعلي:
Quote: حسي يا خضر كان البورد كان خالي من النساء..
كنت لقيت (( بوست راقي و رائع جدا )) زي ده وين؟؟؟؟ |
|
Post: #17
Title: Re: نوناتو الفي وجناتو...
Author: mamkouna
Date: 06-21-2006, 03:56 PM
Parent: #14
شكراً يا سوسن على مرورك..
شايفة زولنا جرٌ واطي..
و بقى في خطيبتي قالت..و خطيبتي عادت..
داير يحنن قلوبنا..
تفتكري نسامحو ؟؟؟!!!
|
Post: #15
Title: Re: نوناتو الفي وجناتو...
Author: Tabaldina
Date: 06-20-2006, 09:04 AM
Parent: #1
..
.
فى البداية
خضر يتخارج من هنا
وما يتحاوم جنب الجكس تانى 
تانى شئ طعموهو البوست دا
باحمد المصطفي عليكم الله
ممكنونة
ما وريتنا نوناتكـ !!
|
Post: #16
Title: Re: نوناتو الفي وجناتو...
Author: عشة بت فاطنة
Date: 06-20-2006, 09:27 AM
Parent: #15
البوست ممتع يا ممكونة ..
بالامس شاهدت برنامج جابوا فيها النساء الموهومات بعمليات التجميل ، اي مدمنات عمليات التجميل وترى عالم الاضواء فيه البدع ، أدخلو ليك الواحدة زي العربية من غرفة لغرفة شى شد وشي شفط وشي لحم وشي حشي أشيلو من هنا وأكردموا هنا ، الالسنان شغالين تلميع وتفليج ، ونحت شديد وتطويل ، منهن ممثلات ومقدمات برامج وعروض ازياء ، المأساة أن هذه العمليات عاقبتها وخيمة وقد أتت المذيعة في (القناة الرابعة) بأن معظم الائي استعملن السليكون هاجمن السرطان في الوجه والثدي حتى الوفاة ، واماكن أخرى ، حتى الرجال بقوا أتجاروا للصيانة ، ومايلك جاكسون مثل واضح ، ومن أكثر الشعوب حبا في عمليات التجميل الامريكان واللبنانيين ضربوا رقم في تعديل اشكالهن كبير التلاليش وصغير النخرين ، واحدة عاملة عملية في انفها أكثر من عشرة مرات لحدي ما نغمة صوتها بقت زي البعاتية وهي ندمانة على تلاشتها ، وما قادرة ترجع صورتها الاولى ولا صوتها بس تبكي ، ووهذه هي غربة الانسان أصبح عالم الرأسمال و الازياء يستهلك المرأة ويأتي لها بالامثلة ويجعلها تركض نحو الكمال والكمال لله ، يجعلها جسد بلا روح فهي جسد أذا تمشكل هذا الجسد فلا توجد قيم أنسانية أو فكرية تميز الانسان عن سائر االمخلوقات والعقل نعمة ، هذا غير ما نراه من أدمان المرأة لكريمات التبيض التي تجعل النساء والفتيات يركضن نحو الكريمات الرخيصة خاصة السودانيات لان المثل العالمي قائم على أحتقار الاسمر ووصفه بالقبح وسيادة اللون الفاتح ولله في خلقه شؤؤن وربنا يهدي الجميع ...
|
Post: #21
Title: Re: نوناتو الفي وجناتو...
Author: mamkouna
Date: 06-28-2006, 05:44 PM
Parent: #16
| Quote: الواحدة زي العربية من غرفة لغرفة شى شد وشي شفط وشي لحم وشي حشي أشيلو من هنا وأكردموا هنا ، الالسنان شغالين تلميع وتفليج ، ونحت شديد وتطويل |
دي عَمرة كاملة يا عشة...و الظاهر العَمرة حسب موديل السنة...
يعني السنة دي الموضة التلاليش..السنة الجاية الموضة العنقرة ...السنة البعديها الموضة الكرش و غيره...
فعلاً زي ما قالوا...رزق الهُبُل...على المجانين..!!
|
Post: #19
Title: Re: نوناتو الفي وجناتو...
Author: mamkouna
Date: 06-23-2006, 01:10 PM
Parent: #15
Quote: البداية
خضر يتخارج من هنا
وما يتحاوم جنب الجكس تانى
تانى شئ طعموهو البوست دا
باحمد المصطفي عليكم الله
ممكنونة
ما وريتنا نوناتكـ !! |
تبلدينا...
البداية...موافقين عليها..
تاني شيء...ما لقيت غنية أحمد المصطفى دي كلو كلو..
تالت حاجة...نوناتي (( تايوانية ))..
تنفع ؟؟؟!!!
|
Post: #18
Title: Re: نوناتو الفي وجناتو...
Author: Samau'al Abusin
Date: 06-21-2006, 10:34 PM
Parent: #1
ممكونة..
بوست ممتع
في جانب مهم في الموضوع، وهو إنو بعض المجتمعات لا ترحم الإنسان (رجل كان او إمرأة) لمجرد أن شكله ليس جميلا حسب معايير الجمال السائدة، لذا يقع الجنسان في مآسي و أمراض نفسية وعقد لا حدود لها، و من تيسرت أحواله يجري نحو عمليات التجميل.
في جانب تاني مهم، وهو الحالات النادرة التي تعكس تشوه حدث مع الولادة أو نتيجة حادث وعلاجها يرد ايضا في إطار عمليات التجميل وقد شاهدت جزءا منها في برنامج Extreme Makeover وهي بالفعل تساعد هؤلاء الأشخاص في إستعادة ثقتهم بأنفسهم و تصالحهم مع ذواتهم، وخصوصا في المجتمعات التي أشرت إليها.
المزاج السوداني كان رائعا في هذا المجال، إذا زادت العروس في يوم عرسها من الأصباغ والمكياج تجديها تحت وابل النقد و التعليقات، ناهيك عن عملية تجميل حتة واحده. أما الآن فتيار البياض والإستبياض يكتسح كل شئ للأسف الشديد.
إقرأ لعشة بت فاطنة بت رفاعة..
| Quote: أصبح عالم الرأسمال و الازياء يستهلك المرأة ويأتي لها بالامثلة ويجعلها تركض نحو الكمال والكمال لله ، يجعلها جسد بلا روح فهي جسد أذا تمشكل هذا الجسد فلا توجد قيم أنسانية أو فكرية تميز الانسان عن سائر االمخلوقات والعقل نعمة ، هذا غير ما نراه من أدمان المرأة لكريمات التبيض التي تجعل النساء والفتيات يركضن نحو الكريمات الرخيصة خاصة السودانيات لان المثل العالمي قائم على أحتقار الاسمر ووصفه بالقبح وسيادة اللون الفاتح ولله في خلقه شؤؤن وربنا يهدي الجميع ... |
عليكم بعشة بت فاطنة، تديكم وعي و معاهو كباية شاي كمان..
|
Post: #23
Title: Re: نوناتو الفي وجناتو...
Author: mamkouna
Date: 06-29-2006, 02:47 PM
Parent: #18
| Quote: في جانب تاني مهم، وهو الحالات النادرة التي تعكس تشوه حدث مع الولادة أو نتيجة حادث وعلاجها يرد ايضا في إطار عمليات التجميل وقد شاهدت جزءا منها في برنامج Extreme Makeover وهي بالفعل تساعد هؤلاء الأشخاص في إستعادة ثقتهم بأنفسهم و تصالحهم مع ذواتهم، وخصوصا في المجتمعات التي أشرت إليها. |
الأخ الكريم سموأل...
صار- أيضاً- لعالم الجمال و التجميل فتاوى دينية...
فقد صرٌح أحد شيوخ (( الفتوى-كليب )) أن عمليات التجميل جائزة في حالة التشوه أو الحوادث أو حالات التشوهات النفسية..
حسي أليسا و ملحم زين و مادونا ديل تبع ياتو فتوى يا ربي؟؟؟!!
|
Post: #20
Title: Re: نوناتو الفي وجناتو...
Author: خضر الطيب
Date: 06-23-2006, 01:20 PM
Parent: #1
لكن مابالغت ياتبلديهم
اتخارج انا ..؟ انا متخارج بس ان شاء الله يضون ليك , وبدل اطعموهم باحمد المصطفي ماياهو انت قاعد .الطعم انشاء الله طعم السمك
|
Post: #22
Title: Re: نوناتو الفي وجناتو...
Author: نادية عثمان
Date: 06-28-2006, 05:52 PM
Parent: #20
ممكونة الحنونة
الرسول فيك عملية النونات دى بتوجع ؟!!
نفسى فى نونات ياخ !!
|
|
|