Post: #1
Title: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: alsngaq
Date: 06-13-2006, 02:33 AM
زيارة على مستوى قيادي عالي من حزب الامة الى غلابة الغرب
كان الله فى عونهم. حتى متى قيادات أحزابنا السياسية التي نضع على عاتقها الكثير
وخاصة تحقيق حلم ديمقراطية تصبح واقع نعيشه ونحسه ونمارسه.
حتى متى
حتى متى
من المؤسف والمحبط ان تلعب مثل هذه الأحزاب لعبة السلطة
و المشيخة دون استحياء. زيارة لجمع الشمل وتجديد عهد الطاعة والسيادة لمن ترى؟؟
لسيادة آل المهدي ام للإنقاذ؟؟؟
رغم الضنى يا يا آل المهدي وهجر الوطن الغلابة لسه بعرفوا العهد والحب فى الله
كنت سوف اسكت واكتفي بالتحديق على هذه الجموع اذا كانت القصة قصة مشيخة
وجاه والسلام فالحال كله يغني عن السؤال. لكن من اجل عيون عمر البشير وعلي عثمان
دا الشئ الوحيد السكوت عنه حرام فى كل شرائع الأرض. جمع الغلابة باسم امام قدم لهذا الوطن الكثير
ليحيا وينعم بحرية وكرامة أزلية انه لشئ مخزي ومحرج فالإمام الله يرحمه كان سيفه فى عنق كل معتدي
مجرم لا يعرف الحق والعدل. الله يرحمه لذلك أحببناه وخرجت له الجموع وكان راعي حشوده إيمانه
وليس عسكري و كوز
زيارة تحت سمع وبصر ورعاية حكومة الإنقاذ أين تصب يا عالم ؟؟؟
ما اريد ان اقوله
ان الامام المهدي برئ مما تفعلون لأنه لم يحني رأسه يوما حتى فارق هذه الفانية
فرفقا بالغلابة وبنا
أرجوكم
|
Post: #2
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: alsngaq
Date: 06-14-2006, 00:24 AM
Parent: #1
فعلا يا قيادات حزب الامة اذا لم تستحي فاصنع ما تشاء
|
Post: #3
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: othman mohmmadien
Date: 06-14-2006, 01:14 AM
Parent: #2
| Quote: فعلا يا قيادات حزب الامة اذا لم تستحي فاصنع ما تشاء |
أعتقد أنكم لو تركتمونا نتمسك بتلابيب من يتمسكون بخيارات الديمقراطية ويدفعون بمؤسسات المجتمع المدني أجمع نحو جادة خيارات خير الوطن ساعتها سوف لن نندم على مضي الإنقاذ وإلا فالقادم أسوأ،،،،
نستحي من إيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #4
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: doma
Date: 06-14-2006, 03:15 AM
Parent: #3
يا سنجوك سلوووووووووووم
كان فهمت نقدك للقاء السيد الصادق المهدي كرئيس لحزب الامه بقواعدهم بالغرب اتنطر اسه دي ؟؟
كدي اشرح لي الغلط وين ؟؟هل استنفرت قيادات حزب الامه هذه الجموع لتجديد الولاء لعلي عثمان والبشير ام استعدادا لانتخابات حره سيخوض حزب الامه غمارها ؟؟؟ بالجد ما فهمت قصدك شنو ؟؟؟!!!
يطبقوا يدينهم ويقعدوا لما تجئ الانتحابات والفاس تقع في الراس ؟؟؟!!
ولا يشيلو البندقيه وتراق الدماء ويحرق الضرع والزرع كما حدث في مناطق اخري اختارت الحرب؟؟؟ وفي النهايه رجعت وقعدت حول طاوله المحادثات للحل السلمي؟؟؟
كدي واحده واحده فرز لي كلامك دا.
|
Post: #5
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: alsngaq
Date: 06-17-2006, 00:53 AM
Parent: #3
| Quote: أعتقد أنكم لو تركتمونا نتمسك بتلابيب من يتمسكون بخيارات الديمقراطية ويدفعون بمؤسسات المجتمع المدني أجمع نحو جادة خيارات خير الوطن ساعتها سوف لن نندم على مضي الإنقاذ وإلا فالقادم أسوأ،،،، |
من يتمسك بخيارات الديمقراطية؟؟؟؟؟؟ ديل منو ديل يا اخ محمدين؟؟؟
منظمة شباب الوطن جمعية القرآن الكريم منظمة نداء الجهاد ....الخ
دي كلها بتدفع بمؤسسات المجتمع المدني يا اخي العزيز لكن الى اي وجهة؟؟
وكذلك انتم تدفعون بمؤسسات المجتمع المدني Using a great Name والسؤال
الضمانات ايه او قل على اقل تقدير هل الضمانات تقارب عظمة
هذا الاسم عشان تزج به في ال Slums دا ؟؟
يا محمدين تتصرفون وكأنكم لا تعرفون الانقاذ ومكرها ولا يعقل ان تكونوا
بهذه السذاجة صحيح؟
الا اذا كان هنالك اطماع اخرى ؟؟؟
|
Post: #6
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: alsngaq
Date: 06-17-2006, 01:16 AM
Parent: #1
| Quote: هذه الجموع لتجديد الولاء لعلي عثمان والبشير ام استعدادا لانتخابات حره سيخوض حزب الامه غمارها ؟؟؟ بالجد ما فهمت قصدك شنو ؟؟؟!!! |
خالتي العزيزة دوما
come on
انتخابات حرة وين الكلام دا ؟؟؟
يستحيل تكونو جاديين ؟؟؟
عمر البشير وعلى عثمان ديل ما عندهم علاقة
بالديمقراطية انتخابات البفوز فيها عمر
البشير ب 99 % حد الله ما بينا وبينها
وقاعدة عريضة بالحجم دا الواحد بأسف
لمن يتم استغلاها بالطريقة دي.
كفاية ومرة وحدة بس ادو الغلابة
ديل حقهم يا شيوخ بليييزس.
| Quote: ولا يشيلو البندقيه وتراق الدماء ويحرق الضرع والزرع كما حدث في مناطق اخري اختارت الحرب؟؟؟ وفي النهايه رجعت وقعدت حول طاوله المحادثات للحل السلمي؟؟؟ |
طاولة المحادثات دي ذاتها حضورها عندو مقايس ومعاير فى حوار زي بتاع ناس الشرق
لا بقدم ولا بأخر ولا يغني من جوع وفي حوار زي بتاع ناس الحركة مثمر عارفة ليه
لانو عمر البشير وعلى عثمان ما عندهم لغة بتخليهم يحترموا الطرف التاني المفاوض
الا بعد ما يستخدم لغتهم لغة البندقية دي فى الاول. البندقية دي الجابها منو غيرهم يا خالة؟؟
دا مش كلامكم من اول ما ظهرت الانقاذ ومن ما بديتم تكتبو فى المنبر دا؟؟
ليه يا خالة فترتو ولا شنو ؟؟ نجحوا ناس على عثمان للدرجة معقولة ؟؟؟
خلاص كفرتو بأي شئ حقيقي وأصبح لا وجود لمعارضة الا من خلال
حكومة الإنقاذ؟؟
المحتاج يفهم كلام التاني منو وحدة وحدة ؟؟؟
نقول ناس سبدرات والجماعة اياهم كانو على حق من الاول قال ليكم
نقعد مع الجماعة ديل ونتفاوض معهم وبنصل تصلو الى وين يا خالة ؟؟
لقصور المنشية ومساكن الخرطوم الجديدة ؟؟؟
|
Post: #7
Title: Re: لله درك يا كردفان : زيارة تحت رعاية علي عثمان لمصلحة من هذه الجموع ؟؟؟؟؟؟
Author: alsngaq
Date: 06-17-2006, 06:17 AM
Parent: #1
up
|
|