إلى بورداب الرياض ...

الإخوة و الأخوات

تحية و إحترام و مودة غامرة

عطفاً على هذا البوست :

قرار ود قاسم .. أين يصب ؟

الرجاء التواصل هنا للتفاكر حول إقامة حفل وداع لائق بزميلكم محمد عبدالباقي ود قاسم الذي قرر العودة الطوعية النهائية لحضن البلد ..
و لأن الوقت ضيق الرجاء التداخل هنا بمرئياتكم.
شكراً ود الباوقة و معتصم دفع الله و محمد الشيخ و تمبس و صلاح شتات على التجاوب السريع .

يللا يا شباب .. إن شاء الله يوم وداعكم بخروج نهائي يجي ..

أكيد يا بو جهينة

أكيد,



مهما فعلنا فلن نوفي الرجل واسرته حقوقهم علينا ,

فقط نستمتع بجلسة اخيرة مع الرجل الوديع, والاسرة الحاضنـة



لك ولهم تحياتي


أحمـد الشايقي

أستاذ جلال
تحيّة عامرة بالمحبّة والإحترام

كلّي عشم من أن أتمكّن من حضور هذه المناسبة التي لا أعلم حقّاً إن كنت سأطلق عليها عبارة "التعيسة" أم "السّعيدة" .. بيني وبينك والعزيز الأستاذ ود قاسم الإتّصال ..




وُدّي لكما

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

جاهزين جاهزين لحماية التكريم،،،،

بالتوفيق للخال ودقاسم ،

جاهزين يا أبوجهينه .

سنجعلها بقدر قامة ابو طلال وام طلال وآله..


اتعهد بان ادفع لاول مرة رسوم الحفل كاملة وبالزيادة ..

متنميا لابو طلال واسرته اياما سعيدات اينما حل وارتحل..

الأخ العزيز / أبوجهينه

ود قاسم شخصية أعجب على حبها واحترامها الجميع وهو أهل لكل حب واحترام .. ومهما فعلنا لود قاسم فذلك شيء أراه قليلاً في حقه .. ولكن فاليكن ذلك جهد المقّل .. اوافق وأبصم بالعشره .. اقترحوا ما ترونه مناسباً يا أبا جهينة ونحن رهن الإشارة ..

Quote: اتعهد بان ادفع لاول مرة رسوم الحفل كاملة وبالزيادة ..

وبرضك ما حا توفي الراجل حقو .........

أطالب بتشكيل لجنة لمناقشة جمع متأخرات دكين كلها وصرفها لصالح أي مناسبة خيرية

قرار في الصميم يا أبو جهينة .. ومن يكرم إن لم يكن ود قاسم

ابو جهينة العزيز
ما تنسي بورداب الشرقية عايزين يساهمو في التكريم ليس كضيوف و انما مشاركة فعلية

انا معاكم
ونسبة للمشغوليات فانني قليل الدخول على النت

برجاء الاتصال بي في حالة اي قرار

0562941369

الاخوه الاعزاء بورداب الرياض


ارتحال ود قاسم افتكره شرخ فى جسم كيانات


الرياض او سقوط قامه من قامات الغربه التى


ستشمخ فى ارض الوطن بأذن الله0


شكرا ابو جهينه على المعلومه مع الامانى


ان تكون عوده حميده سعيده وباب فأل لنا


للعوده ايضا0


تحياتـــــــــى

ســــــــــــيد

الأنانية فيني حزينة

لاني سأفتقدهم!

وقلبي المحب لهم سعيد من أجلهم ومن أجل فادية وطلال وأسرتهم الكبيرة

فهنيئا للعائلة في السودان بعودتهم ....

ودعواتي الصادقات بان يلازمهم التوفيق أينما حلوا ونزلوا ...

احسبوني في ما ترونه يليق بأبو طلال و ام طلال ...

كل الود

بما أن أبو جهينة وجه الدعوة لبورداب الرياض فقط رغم علمه ‏بالعلاقات الأسرية الطيبة التي تربط ود قاسم بعدد من بورداب ‏الشرقية إلا أننا سنكون حضور بإذن الله وكما أشار حمد كمساهمين ‏في تكريم هذا الرجل الرقم وسط بورداب الرياض متمنيين له ‏ولزوجته الفاضلة الخالة فوزية وأبناءهم الكرام التوفيق

التحية للخال ود قاسم واسرته
وهو رجل بالفعل يستحق التكريم



جاهزين

محزن ان يغادرنا ودقاسم واسرته

لكنا نهنئ الناس هناك بهم...

ويستحقون كل جمال

الأستاذ/ أبوجهينة
لك التحيات الطيبات .. وللأستاذ/ ودقاسم
حاضرين .. ومشاركين .. وجاهزين .. للتكريم ..
خالد الأرباب

انه الخال ود قاسم كلنا لك ود قاسم
انا جاهز يا جماعه با كل ما املك فدا الخال ودقاسم
حبيبي وفراقك حار

Quote: جاهزين

وليد طه

جاهزين دي إلا يكون قصدك بيها :
اي حاجة اي حاجة

عزيزي أبو جهينة

حقا الرياض ستفتقد الرجل القامة ودقاسم

وخاصة نحن أهل المسرح سنفتقد هذا العملاق

الذي ما بخل علينا بفكره ومساندته ودعمه

لفرقة المسرح السوداني ..

نحن جاهزين يا أبوجهينه وتحت الطلب وكل الفرقة

على أتم استعداد للمساهمة في حفل التكريم

مع مودتي ..

انشاء الله نسعد بحضوركم


عمر مهدي

العمدة ابوجهينة وبقية العناقيد الذهبية .. جاهزين جاهزين بعون الله . سنجعله احتفالا تاريخيا يليق بعظمة الخال وعائلته الكريمة نسال الله ان يوفقهم ويسدد خطاهم..

تعالوا البيت اليوم احضروا الكورة ونتفاكر .... طبعا اتفقت مع م ود دفع الله على ذلك..

بورداب الشرقية لازم تجوا سايرين من هناك يعني تجونا ( بي دلاليكم ) سمح ..




ود الباوقة

تشد الرحال اليكم في ثلاتة...
1- .............
2- .............
3- وداع شخص في قامة الشقيق ودقاسم....

التحية لك أخي أبو جهينة ..


في هذه الحالة على أنفسنا أن تتحمل أمرين نقيضين::

الأول هو أن تسر أن قرر هذا الرجل وضع عصا الترحال عن كاهله، وتخلص من كابوس قرب انقضاء الإجازات السنوية بين الأهل وودع بلا عودة ألم لحظات الوداع لأحبابه ساعة السفر ..

الثاني الحزن الذي سيلف هذا المجتمع البديل .. مجتمع الغربة في الرياض .. فرحيل شخص دائم الحضور والتفاعل في شتى المناسبات سيمثل بلا شك نقصاناً كبيراً ..

ويبقى علينا للأخ الكبير ود قاسم الدعاء له بالتوفيق والسداد وأن يقدر الله له الخير حيث كان ..

رهن إشارتكم وطوع أمركم ..

ونسأل الله التوفيق لأستاذنا/ ودقاسم

احترامي

التكريم واجب حتى ولو لم يكن ود قاسم مغادراً لأنه أهل للتكريم وكم تمنيت لو أنه كان قبل هذا القرار، عموماً شخصي والصديقين عمار السنوسي وإيهاب النميري قررنا تكريمه بطريقة خاصة جداً وجاهزين.

وداعاً ود قاسم

عزالدين آدم علي

الاستاذ ابو جهينة
ود قاسم قامة سامقة في سماء الرياض
وعلي قدر اهل العزم تأتي العزائم
فلابد ان يكون التكريم يليق بهذا الرجل المعطاء الغيري
جاهزين 0000 جاهزين 00وحاضرين
والمباراة عندي اليوم يا ريس
الاستاذ عزالدين ادم علي لازم يكون هناك تنسيق مع لجنة التكريم والحفل

أبشر ياود نقد ، وعموماً أنا في حالة تنسيق دائمة مع الأخ / معتصم دفع الله

التحية للجميــع في مجموعة بورداب الرياض
والتحية للخــال ودقاسم واسرته .. وهم يشدون الرحــال
اتمنى لهم اقامة سعيدة .. وتواصلنا مستمر..
..
كالعادة وعند وداع كل عزيز علينا يعز الفراق .. والخال ودقاسم وأم طلال رقم مميز في مسيرة تجمعنا وتواصلنا..
سنحتفل بالخال واسرته بالطريقة التي تليق بمكانتهم فينا..
تم أمس اجتماع تحضيري للمناسبة بمنزل الأخ الزميل طارق نقد وتم وضع ترتيبات وتقسيم لجان العمل . واتمنى من الجميع التنسيق والتواصل مع اللجنة لإنجاح البرنامج الموضوع .. وألعشم في مشاركة جميع البورداب واسرهم .. وضيوفهم..
..

للاتصال والتنسيق مع اعضاء اللجنة:
- اسماعيل وراق هاتف 0557620569
- محمد الشيخ سليمان هاتف 0509444356
- معتصم دفع الله هاتف 0507909071
- طارق عبد اللطيف نقد هاتف 0551415258
- يوسف السماني يوسف هاتف 0502129715
- خالد سعيد إدريس هاتف 0504474755
- تمبس هاتف 0568371878

الاخ العزيز أبوجهــينة ،، وضيوف البوست الكِرام ،،


ســـــــــــــــــــــــــــــلام ..


وأصدق الأمنيات للأخ " ود قاســم وأسرته الكريمة " بســـلامة العودة الطّوَعية

والإقامة المُنتجة ، والسعيدة في الوطن الحبيب ..



نردف شكرنا معكم للإخوان ود الباوقة و معتصم دفع الله و محمد الشيخ و تمبس و صلاح شتات على التجاوب السريع ، وكذلك لكل الإخوة المشاركين لإحياء ليلة تجمع
بين البورداب بهدف تكريم الأخ " ودقاسم " ..

بيننا التنسيق .. وسنكون حضوراً بإذن الله ،،
---------------------------------------

Quote: يللا يا شباب .. إن شاء الله يوم وداعكم بخروج نهائي يجي ..

وداك اليوم ، الرّاجينـُّو كُـلَّنا ..

عسى ان يكون قريبا ..

مع وافر التحايا ،،

فقد ما بعده فقد ولكن نقول أيه غير تمنياتنا ليهو والاسرة
الكريمة بالتوفيق.

Quote: وألعشم في مشاركة جميع البورداب واسرهم .. وضيوفهم..

حاضرين أخي تمبس ..


والشكرالمقدم لجهود اللجنة ..


جاد

الأخوة الكرام :

لم التقى بالرجل ربما لحداثة الأنضمام ولكن لم يمر يوم الا ورايت الرجل كاتبا ومتداخلا

ومنكم ايضا عرفت قدر الرجل الذى اتمنى له التوفيق والسداد وشخص فى قامته جدير

بالأحتفاء به اتصل بى نفر عزيز منهم المواصل والصديق تمبس جزاة الله عنا كل خير

ونحن معكم وبكم ومنكم واليكم ومستعدين للمشاركة لأتجاح المقصد والله الموفق .

...
الشكر للجميــع .. ولكل من يسعى لإنجاح هذا العمل الضخم في وداع الخــال ودقاسم
لكل من أتصل أو .. تابع من على البعد ...
..
تــم تحديد يوم الأربعاء القادم الموافق .. 21/6/2006 يوم الاحتفال ..
لاحقــا ينوافيكم بموقع الاستراحـــة + الرسم التوضيحي ..
..
لمزيد من التنسيق والتواصل وتأكيد الحضور .. الاتصال على الارقام الموضحة اعــلاه ..
..

المنسق العام..
..


المنسق العام دي كيف معاكم ؟؟

سلام عليكم جميعا

اتمني لكم التوفيق في تكريم الرجل

Quote: + الرسم التوضيحي

ما تنسى يا تمبس خرائط المسار الجوي
ود قاسم يستحق أن تشد اليه الرحال لمشاركته
الوداع البهيج .....
لو ختاني ابورزقة سأكون حاضرا بإذن واحد أحد
سلام ليكم وعليكم ...
خلو نومكم خفيف

Quote: ما تنسى يا تمبس خرائط المسار الجوي

يا احمد عبد الله ...
طبعا زي ما عارف الايامات دي الرياض الجو فيهو شوية سخونة مع غبار عالق ... وبما أنو وجودك مهم جدا جدا ح نقوم نراجع بتاعين الارصاد ونخليك في الصورة أول بأول المهمة دي ح نكلف بيها عبد الرازق .. طبعا هو متبرع بتذكرة ذهاب واياب على الخطوط السعودية من مطار الزهران إلى الرياض المهم أنت خلي نومك خفيف طبعا الدنيا اجازات والرحلات الداخلية نص الاسبوع صعبه شوية...
قرط على كدا

الغالي ابوجهينة
سلامات

عودة ابا طلال للوطن احدثت فراغ كبير بمجتمع الرياض فالرجل شعلة من المحبة تضيء دروب العلائق الاجتماعية . لكن ودقاسم سيشكل اضافة حقيقة للوطن بمايملك من خبرات وتجارب علي جميع المستويات .

لكم التحية علي الدعوة ونوحد الجهود من اجل مناسبة تليق بمكانة ودقاسم في نفوسنا .

كل التحايا للخال ود قاسم ولأسرته الكريمة ..
وكل التمنيات لهم بالتوفيق في سودان خير..
إنه القرار المناسب في الزمان المناسب..
والرجل فقد لي كل ناس الرياض لما يقوم به من مجهودات جبارة في مجالات شتى ..
والعفو والعافية يا ود قاسم ..

تخريمة :
كدي بس ابقا راجل وامشي اسكن امدرمان كان ما جيت فلقتك في بيتكم اضحك علي

حاضرين..
وودنا في هذا الوداع أن يليق بمقام من سنفتقده..
وكم سأفتقد جاري الشقيق ود قاسم..

نمضي وإن عز لقاؤونا..











فوعد اللقاء في السودان سلوانا..

آمييييييييييييييين ابوجهينة

يعذ علينا أن نفارغ احبابنا واصدقاؤنا

ودقاسم وفوزية واولادهم انا ما عارفة كيف

لكن بقدر ما نتمنى نحن هذة الامنية سعدنا بتحققها

لاحبابنا امنياتنا الصادقة لهم ..

انا ما مصدقة بعد ما نفسي اتفتحت للغربة

اصبت بالغثيان مرة اخرى بس نقول شنو الله يصبرنا

ساكت على فراق احبابنا وجيرانا ورباطنا الاسري القوي

غيرنا عديييييييييييل من السودان

مصائب قوم عند قوم فوائد

امنياتنا القلبية ..

معكم بورداب الرياض قلباً وغالباًونحن جاهزين

عهدناكم دائماً اصحاب مواقف

على اتصال للتنسيق ..

دمتم ،،،،

Quote: المنسق العام دي كيف معاكم ؟؟

زى العسل والله

Quote: زى العسل والله

..
اشــان كـــدا يامصدق .. ( رفعت توصياتي ).. بتشكيل لجنة .. تعفيك من مسالة الكراسي دي

تمبس جاهزين بس ان شاء الله خالكم ده يكون ماشى معتوق..ما نقوم نودعو ساكت ويقوم يغترب فى
امدرمان تانى،،،

بسم الله الرحمن الرحيم

الكل للفرد والفرد للمجموعة

امانه ما حتفقدوا رجل والرجال فى النائبات قليل

وده سر أرجو الحفاط عليه :

جيت مار وسمعت لي كلام كده من اللجنة التنفيذية للملتقى

السودانى الاجتماعى الثقافي الرياضى أنهم وبكل كياناتهم

سوف يساهمون بفاعلية فى إنجاح هذا اليوم لهذا الرجل المقدام

الذى فاح عبق تفاعله الاجتماعي وعطر المنتديات بافكاره ورؤاه

انا ذاتي شميت الريحة! لكن نقول ايه تجمع لتفرق وتفرق لتجمع .

الا حغظ الله بن قاسم والعيلة ورد غربتهم الى الوطن سالمين غانمين .

اخوتي الكرام اعضاء اللجتة الموقرة ..

نسال الله ان يعينكم ويسدد خطاكم فتكريم رجل بقامة الخال ود قاسم ليس بالامر السهل ويحتاج لمجهود ضخم ارى انكم اهل له . وفقكم الله ونحن تحت امرتكم في كل ما تحتاجونه من دعم مادي ومعنوي من اجل انجاح حفل التكريم ..




ود الباوقة