Post: #1
Title: تخريفات حبوبة
Author: نجود حسن عبد الرحمن
Date: 06-08-2006, 04:01 AM
...
....
......
أحى انا من ناس الكهربا .. أووووف الفاسوخة كتلتنا ياود مد لى الهبابة ديك
كل يوم قاطعنها الله يقطع رقبتم ماقالو جابولنا محطة جديدى ولا دعايي ساكت غايتو
برخصتو بضوقك مغصتو هثى فى داعى بث يشترولنا محطة من بلاد العم سام عفا عليها الزمن ويقولولنا محطة جديدى عليكم الله هثى قدر البصرفوهو عليها كل يوم صيانى ماكان جاب لنا محطة جديدي ..
إمييييشش .. حكمت الله ياحليل زمن الهمبريب البارد والطراوة تلفح فينا بى جاى وبى جاى ..
كان جلقتيلك جردل ميهيه ساى الجو يبقى بارد والروح تترده..سمع اضانى دى وما قول قايل الراجل فى الردى قال قطيع الكهربا دة ماهو برنامج قعد تتقطع براها فجعه . هى لكن هو العفوا دة كل يوم من تصبح لمن تمسى يعنى هو هثى مرق زمتو من الكهربا ولا شنو لا لا لا تكون دى دعواتى للشيخ ود بدر مشت فوقم يلحقنى وينجدنى الشيخ ودبدر بركاتك ياودبدر الكهربا ماتقطع كلو كلو يجيها عطل يخليها شغالى اللربعه وعشرين ساعه بث كيتن فوقم .. استغفر الله من حقهم ..يا الله حسن الخاتمه
باقى لى الكهربا جات اللمشى افتح الكنضيشن يلحقنى وينجدنى الكونضشن
|
Post: #2
Title: Re: تخريفات حبوبة
Author: انعام عبد الحفيظ
Date: 06-08-2006, 06:46 AM
Parent: #1
| Quote: باقى لى الكهربا جات اللمشى افتح الكنضيشن يلحقنى وينجدنى الكونضشن |
نجوووووووود
حلوة دي 
مودتي واحترامي
|
Post: #6
Title: Re: تخريفات حبوبة
Author: نجود حسن عبد الرحمن
Date: 06-22-2006, 07:26 AM
Parent: #2
Quote: نجوووووووود
حلوة دي
|
يحلالك الثمح يابتى
عجبنى كلامك سمح بالحيل باقى الكلمة الطيبة صدقة
|
Post: #3
Title: Re: تخريفات حبوبة
Author: wail tagelsir abdalla
Date: 06-08-2006, 07:07 PM
Parent: #1
تحياتي نجود
إنها قصة واقعية بحزافرها
| Quote: هى لكن هو العفوا دة كل يوم من تصبح لمن تمسى يعنى هو هثى مرق زمتو من الكهربا ولا شنو |
المشكلة التسبب بالأسباب .. دائماً المسؤولون يقولون عند قطوع الكهرباء في الصيف نسبة لإنخفاض النيل .. و في الخريف زيادة الطمي ... أها الشتاء كيف ؟؟؟ أنسو بس ..
التوربينات القديمة الكلو مرة بقولو نحنا أدخلنا لكم أحدث الماكينات و التوربينات.
يعني نحن نسمع و حبوباتنا يحجونا بيها.. لكن بالجد الحر كتلنا
لك مودتي
وائل
|
Post: #4
Title: البصات
Author: نجود حسن عبد الرحمن
Date: 06-10-2006, 02:48 AM
Parent: #3
انتو تعالو هنا زول ينورنى اليورو ده جنسو شنو .. سمعت لى خبر كدى قالو (البى عافية) جا من بلاد العم سام فريحان سوالو عقد ب45 الليل بصات قالو جديدى جايبة للخرتوم شكلو كدى بعد ماسمحلنا الشوارع وسوالو زوهريات وجدعلو لمبات فى الشوارع من وال مطرة اتكسرن اللمبات وسمعت كدى اللهم اجعلو خير داير يلغى اللمجاد والهايص والروزات والكسترات غايتو كترت بيوت بتتخرب غايتو (يالبى عافية) ماعملت فيهم خير ديل قاعدين يربو فى يتامى يعنى يمشو وين هثى بث اكتر ماهم ملطشين حايتلطشو زيادة يلا احسن ليهم من الملطشة تحت الشمش .. الكوليرا حايمى ..استغفر الله من حقو .. يا الله حسن الخاتمة..اتظكرت حاجه ولا خلاس استغفر الله يالله تغفر لى
|
Post: #5
Title: Re: البصات
Author: ابوبكر يوسف إبراهيم
Date: 06-20-2006, 07:54 AM
Parent: #4
ناس ديل هما بيقولوا كهربا قطا سبب هما ما آرفنوا ذات هما لكن واحدين قال نور حق نجود كفاية عشان كدي كان كثير قوي نور هكومة قطا...
|
Post: #8
Title: Re: تخريفات حبوبة
Author: نجود حسن عبد الرحمن
Date: 06-22-2006, 08:00 AM
Parent: #3
Quote: المشكلة التسبب بالأسباب .. دائماً المسؤولون يقولون عند قطوع الكهرباء في الصيف نسبة لإنخفاض النيل .. و في الخريف زيادة الطمي ... أها الشتاء كيف ؟؟؟ أنسو بس ..
|
انت يا وايل ياوليدى من زمن الخريف والصيف والشتى زمنا دة الفصول اللربعه بتجيك فى السنة ستين مرة تخليك مافاهم حاجة زاطو غايتو الليام دى كتاحة ومطرة وبالليل برد وبالنهاريى فاسوخه وكهربا تضرب براها غايتو لىنا الله والفصول اللربعه
Quote: التوربينات القديمة الكلو مرة بقولو نحنا أدخلنا لكم أحدث الماكينات و التوربينات.
يعني نحن نسمع و حبوباتنا يحجونا بيها.. لكن بالجد الحر كتلنا |
نعلك صدقت كلام توربينات جديدى دى
ديل فى بوكانن صلاحيتم انتهت
ماشايف العفوا دة كتير كيفن
|
Post: #7
Title: Re: تخريفات حبوبة
Author: مصدق مصطفى حسين
Date: 06-22-2006, 07:43 AM
Parent: #1
حبوبه نجود
يا حليل الهبابه و بالمره يا حليل المشلعيب !
|
Post: #9
Title: Re: تخريفات حبوبة
Author: bashir adam abdalla
Date: 06-23-2006, 05:44 AM
Parent: #1
| Quote: أحى انا من ناس الكهربا .. أووووف الفاسوخة كتلتنا |
ان شاء الله تكتل الكان السبب
اتمنى ليكم جو جميل
|
Post: #10
Title: Re: تخريفات حبوبة
Author: محمد الامين محمد
Date: 06-23-2006, 08:30 AM
Parent: #1
حبوبه نجود انت طيبة سلاااااااااااااااااااااااامات
|
Post: #11
Title: Re: تخريفات حبوبة
Author: نجود حسن عبد الرحمن
Date: 07-13-2006, 09:07 AM
Parent: #1
وب على من المعلمبن مغصتم تحرق فى الحشا ملطشينهم كان فى مرتبات ولا ترقيات ولا ملفات اللخيرة دى ما لامين فيها زاتو عشان يترقرقو بيها يسعلنى الله بعرف لى واحدتن مشت تسأل من ملف ليها فى وزارة التربية والتعليم الولائية ساعتين يفتشولة فى الملف الليلا واخرته قالولا تعاليلنا بعد عشورت ايام فيها تلقيهو وفيها عوضك الله
هى هى هى ظكرونى دكاطرة الامتياظ يدخلوهم عملية غسيل معده يقدولون رئه ولا جدار معده ويقولولك اامو كملن غايتو الدنيا دى فيها جنس محن قدر ماعشت قدر ماشفته غايتو الله يمد فى الليام ماعارفه حا اشوف شنو اكتر من الشوفتو فى الزمن الماجايب حقو ده استغفر الله العظيم غايتو عدم الشغله بخليك تجيب فى سيرة الناس وتشيل ذنوبون يالله حسن الخاتمه
بث المحيرنى كلام وزير الماليه قال عليهو بيو هو القال ما انا ..ماف مبرر عشان المرتبات تتاخر اربى الشوارع زحمه ولا اشارات المرور عطلانه اصلها الشى البتنور وتطفى دى ماعاجبانى من يوم سووها بينى وبينكم بكونو ناس المرور مشو الفطور باقى الفول بخلص من تسعه , لا لا لا ما اظن ياربى استغفر الله من حقهم يمكن عندهم ضربة شمش ياالله تغفر لى من ذنبهم بالله حسن الخاتمه
|
Post: #12
Title: Re: تخريفات حبوبة
Author: أحمد الشايقي
Date: 07-15-2006, 06:32 AM
Parent: #1
متابـع
ومستـمـتـع,
أحمـد,
|
|