Post: #1
Title: ما هي العلاقة بين العروبة والإسلام؟
Author: Dr_Bringy
Date: 06-04-2006, 09:48 AM
Parent: #0
دائما ما يقرن المدافعين عن العروبة خطابهم بالإسلام قديما خلال حرب الجنوب كانت الشعارات التي ترفع ان الجنوبيين يستهدفون العروبة والإسلام في دولة السودان فحق عليهم الجهاد عند تفجر جبهات القتال في الغرب أيضا كان شكل الخطاب ان هؤلاء يستهدفون العروبة والإسلام ومن خلفهم إسرائيل حاليا كل ما يحتدم النقاش بين فريقين نجد ان احدهم قد تم تصنيفه بأنه يستهدف دولة الإسلام والعروبة والآخر المدافع عنها
لكن الثابت حسب الشواهد التاريخية فان اغلب علماء المسلمين من بعد عهد الصحابة الذين كان لهم دور فعال في نشر تعاليم الإسلام هم من الأعاجم. والثابت أيضا ان هناك دول غير عربية تبلغ فيها نسبة المسلمين معدلات أعلى من تلك الموجودة في بعض من الدول العربية
السؤال هو لماذا يضع المدافعين عن عروبتهم الإسلام في الواجهة؟
|
Post: #2
Title: Re: ما هي العلاقة بين العروبة والإسلام؟
Author: Mohamed E. Seliaman
Date: 06-04-2006, 09:56 AM
Parent: #1
الدكتور المختفي السلام عليكم والثابت أن أول دولة وفرت الحماية للإسلام هي الحبشة في أفريقيا.
في انتظار الإجابة معك كن بخير يا دكتور
|
Post: #12
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:33 PM
Parent: #2
الأخ محمد سليمان وعليكم السلامة ورحمة الله فعلا عندما كان أعراب قريش ينكلون بالمسلمين كانت الحبشة سندا لهم وبعد ذلك يأتيك من يصف كل من ليس بعربي انه عدو الإسلام وبالتالي عدو العروبة
|
Post: #3
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 09:57 AM
Parent: #1
.
سلامات يا دكتور
و الله سبقتني لهذا البوسـت..و أشكرك على ذلك و أحييك
برأيي أن المسألة محاولة ساذجة لتسويق العروبة البائرة وسط أقوام (سودانيين) أسماهم الأعراب بهذا الاسم (السودان) ليحافظوا على المسافة الفاصلة بينهم و بين (البيضان)..و لأن العروبة براااااها كدة تسويقها مكلف..لذا يضاف لها البعد الديني لتكسب الترهيب اللازم..لكن سيدنا محمد كان أذكى من ذلك ووضع خطوط واضحة تفصل الدين الاسلامي عن أي انتماءات اثنية و الشواهد التاريخية على ذلك معلومة و كثيرة.
.
|
Post: #6
Title: Re: ما هي العلاقة بين العروبة والإسلام؟
Author: Munir
Date: 06-04-2006, 11:00 AM
Parent: #3
الاخ الطيب بشير .. ياخي عن أي تسويق تتكلم الحكاية؟؟ ! ليست ملجة يا خوي !!.. العرب في السودان هم أكبر كتلة متجانسة في معظم اراضي السودان .. فهم نصف الشرق ومعظم الغرب وغالب الوسط ونصف الشمال !! .. وهم العامل المشترك الأعظم الجامع لشعوب شمال وشرق وغرب السودان وهم اللحمة الاساسية التي تربط ادروب مع اسحق ومحمدصالح مع كوكو !! .. وإلا فإنك تجد أن التقري هم الاقرب لأدروب من اسحق والتشاديين اقرب لأبكر من ادروب .. والعرب والمستعربة هم أقوام عظم السودان ومركزه و عماد كيانه !.. والتمردات الجهوية هي في عمومها امتدادات لشعوب جوار السودان !! .. أمسك مثلآ الزغاوة الذين يتباكون من التهميش في السودان هم اساسآ مركز في تشاد .. يعني دائرة مركزهم هناك .. في تشاد !!! ..
|
Post: #23
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 03:20 PM
Parent: #6
الاخ منير نعم العرب موجودن في كل اجزاء السودان بنسب متفاوته ولكم ان تفخروا بعروبتكم لكن كلنا مسلمين - فدعوا الاسلام جانبا ولا تملكوا صكوك للاسلام تهبوها لمن تشاؤا
فالدين لله والوطن للجميع
لا تكونوا كالذين ان ضاقت عليهم ضائقة وضعوا المصاحف فوق اسنة الرماح
|
Post: #13
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:34 PM
Parent: #3
الأخ الطيب بشير كلامك صحيح فلو كان الإسلام يخص العرب وحدهم لما تعدى حدود الجزيرة العربية انتشارا. ولو فهم تجار العروبة أساسيات الإسلام لما تاجروا ببضاعتهم هذه.
|
Post: #4
Title: Re: ما هي العلاقة بين العروبة والإسلام؟
Author: Adrob abubakr
Date: 06-04-2006, 10:31 AM
Parent: #1
بوست مناسب المسئول بصفة كبيرة عن هذا الربط هو الإسلام السياسي
جاية للإفاضة
|
Post: #14
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:35 PM
Parent: #4
الأخ ادروب الإسلام السياسي مصطلح حديث صاغه المفكرين ليجدوا تبرير لما يفعله أولائك النفر بس الواقع بيقول ان استغلال الإسلام كواجهة من واجهات الصراعات وكأداة لحشد الآراء قديم جدا منتظرين عودتك للإفاضة وإسراء النقاش
|
Post: #5
Title: Re: ما هي العلاقة بين العروبة والإسلام؟
Author: Munir
Date: 06-04-2006, 10:41 AM
Parent: #1
الاخ د. برنجي ..
ولماذا الكراهية للعروبة والتمترس ضدها من منطلق عنصري ؟؟ !! .. وإن كان الإسلام ذو قيمة ويعتبر هديه كنز ونعمة ربانية بالنسبة للمسلم ما الذي يدعونا لكراهية هؤلاء الاقوام العرب الذين ساقوه إلينا باردآ ميسرآ ؟؟ .. ثم فوق ذلك كله لماذا تكره العرب والنبي الأمي المرسل بتلك الرسالة عربي وصحابته عرب ؟؟ .. وأخيرآ ما قولك في كلام الله الذي انزله الله بلسان عربي مبين ؟؟ .. أبعد كل ذلك لا تري أن هنالك علاقة بين العروبة والاسلام ؟؟ ..
المشكلة ليست في أن العرب يرفعون لافتة الاسلام ولكنها في أن أعداء الاسلام يستهدفون العرب لأنهم في مقدمة المواجهة ضدهم في الاراضي المقدسة ـ بؤرة الصراع الديني الازلي ـ فيتم التحريض ضدهم للقوميات المسلمة الغير عربية كحال الاكراد مثلآ في العراق والأمازيق في المغرب العربي وأخيرآ الزرقة في دارفور .. وعلي ذلك قس ..
علي كل حال مررت علي حديث شريف يقول : إذا ذل العرب ذل الاسلام ..
|
Post: #7
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 11:21 AM
Parent: #5
.
Quote: العرب في السودان هم أكبر كتلة متجانسة في معظم اراضي السودان .. فهم نصف الشرق ومعظم الغرب وغالب الوسط ونصف الشمال !! .. |
كيف ذاك يا منير؟ كيف يكون العرب نصف الشرق؟؟..شرق الله البارد دة حق البجا و الهدندوة و الأمرأر و الخاسا و عداهم..ليس فيه عرب سوى الرشايدة و الزبيدية و قليل من المستعربة الشماليين الذين هاجروا لحياة أفضل أو لأسباب أخرى..لكن أن يكون نصف الشرق عرب فهذه جديدة علي و منكم نستفيد.. باقي الكلام يا منير شعرت انو فيهو نفس حار، بفتح النون و الفاء في نفس، لذلك تركته دون تعليق..و ربنا يوفق الإسلام بلا كفيل أو إقامة..
.
|
Post: #9
Title: Re: ما هي العلاقة بين العروبة والإسلام؟
Author: Mohamed E. Seliaman
Date: 06-04-2006, 02:05 PM
Parent: #7
الأخ الطيب سلام نرجو أن تعيد صياغة سردك لقبائل الشرق وأعراقه بطريقة أطيب مما هي عليه الان
كن بخير ---------------- دكتور برنجي الله يعينك على منهج الحوار شكلو الموضوع ماشي لي غير وجهتك
|
Post: #15
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 02:36 PM
Parent: #9
.
Quote: الأخ الطيب سلام نرجو أن تعيد صياغة سردك لقبائل الشرق وأعراقه بطريقة أطيب مما هي عليه الان
|
مرحب بالسلام يا أخ محمد سليمان و يا ريت تنوّرنا.. أنا قلت البعرفو..لا أدّعي الإحاطة، و لكني ذكرت تلكم القبائل في إطار نفي مسلّمة تفضّـل بها الأخ منير و هي أن نصف الشرق عرب! نسمع إفادتك يا أخ محمد سليمان ..
خليتك عافيـة
.
|
Post: #28
Title: Re: ما هي العلاقة بين العروبة والإسلام؟
Author: Munir
Date: 06-04-2006, 06:39 PM
Parent: #7
وبالنسبة لتعبير نصف الشرق الذي تستغربه ياالطيب ـ وجعل مثل العنصري ادروب يصرح بكراهيته للعرب ـ يظل صحيحآ لأن الشرق ليس فقط كسلا وبورتسودان !! ـ لأنه لو حصرناه في ديل فالأريتريين بالمناسبة عندهم رأي في كسلا ذاتها ومعتبرينها اريترية !! .. أقصد بالشرق: كل الشرق من شرق الخرطوم حتي البحر !! .. أو إن اردت فارسم دائرة مركزها سنتر السودان ليلامس محيطها حدوده ـ واعتقد ان المركز سيكون الابيض ـ وانظر عند ذلك اين مواقع العرب وغير العرب من هذه الدائرة !!! .. يازول انت ما عارف ان البطانة دي كلها شرق ؟؟ !!.. وياريت يا الطيب بشير لو لقيت طريقة تسأل شيوخ طابت عن موضوع البوست : علاقة العروبة بالاسلام !!.. و سبب تهكمك انت علي عروبة بعض السودان !!..
|
Post: #16
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:38 PM
Parent: #5
الأخ منير اذا كان سؤالك هذا موجه لي بصفة شخصية فانا لا اكره العرب ولا أتمترس ضدهم اما اذا كان السؤال بشكل عام فان الصراع بين العرب وغيرهم يأتي في نطاق الصراع الطبيعي بين الحضارات وهذا شيء موجود قبل الإسلام. لكن انتم من يحشر الإسلام في تلك الصراعات. والإسلام لم ينتشر لان الرسول (ص) كان عربي بل انتشر بتعاليمه الجاذبة للبشر. وحتى الآن لا أرى أي رابط بين العروبة والإسلام صحيح ان لغة القران هي اللغة العربية لكن العروبة لا تنحصر في اللغة، العروبة جنس وسلوك بشري وحضارة قائمة بذاتها. والحكمة في نزول القران بلسان عربي مبين هو ان يكون حُجة مبينة للأعراب المشركين. وما ينفي ربط الإسلام بالعروبة هو ان القران احتوى في أكثر من موضع على زم صريح للأعراب.
اما الصراع في ارض المقدس فهو لا شك انه صراع ديني لكنه لا يستهدف القومية العربية بدليل ان هناك عرب إسرائيليين وما كان الأمر سيختلف اذا كان هؤلاء الفلسطينيون أفارقة او أي جنس آخر طالما كانوا مسلمين. فقضية فلسطين هي قضية دينية بحته. اما قولك بان هناك تحريض للمسلمين الغير عرب ضد المسلمين العرب فهو يعكس تناقض ادعاءك. فلو كان استهداف العرب من اجل إسلامهم فلماذا لا يتم استهداف القوميات الأخرى من اجل إسلامهم أيضا؟ هل العرب أكمل إسلاما منهم؟ هل العرب أكثر إيمانا من باقي القوميات المسلمة؟
اما الحديث القائل: (اذا ذل العرب ذل الإسلام) فهذا كلام موضوع لا سند له. فالعرب فيهم اليهودي وفيهم المسيحي وفيهم عابدي الأصنام ومنهم المنافقين فكيف يتم ربط كل أولائك بديانة التوحيد وخاتمة الرسالات؟ فليس للأعراب فضل على الإسلام انا يقع فضل الله على الأعراب ان بعث إليهم بالإسلام دينا فهو ليس ملكا لهم لكي يحتكروا صفة الإسلام لهم ويصفوا غيرهم بأنه متآمر.
|
Post: #30
Title: Re: ما هي العلاقة بين العروبة والإسلام؟
Author: Munir
Date: 06-04-2006, 07:36 PM
Parent: #16
الاخ د.برنجي .. الحكاية ليست تفاخرآ بالعروبة ولم أقل بفضل العرب علي العجم ولا يمكن القول بذلك .. ويا أخي طبعآ لا جدال حول أن الاسلام ليس حكرآ علي العرب ولكن لماذا السعي الحثيث علي محاولة عزلهم عنه والمداومة علي ذكر نقائصهم ومحاولة الانكار والجحود لفضلهم في نشر الاسلام بحجة فسادهم ونفاقهم و .. أليس كون نسب الرسول (ص) لهم كافيآ للنأي عن بغضهم وشتمهم .. أليس كون القرآن بلغتهم كافيآ للبعد عن كراهيتهم علي الاقل .. انهم لا يتسولون التعاطف بالاسلام ولكنهم كما ذكرت لك رأس الرمح في الدفاع عن الاراضي المقدسة بؤرة صراع الاديان ـ وذكرك لعرب إسرائيل (فلسطين 48 ) فيه كثير من عدم الموضوعية !! .. لذلك تري اعداءهم يشجعون حلفاءهم المسلمين علي بغضهم ومعاداتهم كما يحدث في العراق والمغرب العربي والسودان .. بنفس القدر الذي يشجعون به الاقليات غير المسلمة في بلاد المسلمين علي الثورة والتمرد والانفصال كما حدث مثلآ في تيمور الشرقية !! ..
|
Post: #8
Title: Re: ما هي العلاقة بين العروبة والإسلام؟
Author: luai
Date: 06-04-2006, 01:55 PM
Parent: #1
دكتور برنجي تحياتي ،،،
تشرفت امة العروبة بتلقي رسالة الاسلام لها وللناس كافة .. .. وشرفها الله ايضا بان كافة الرسالات السماوية نزلت على ارضها .. وشرفها الله ايضا بالمقدسات ..وحمايتها ولم يقل الاسلام انهااي امة العروبة انها (شعب الله المختار) ولم يقل ابدا ان للعربي فضل على اعجمي ولا للابيض على اسود .. لذا الاعتزاز بالانتماء اليها ..يأتي بالاعتزاز بالانتماء للاسلام ..
ولي عودة
|
Post: #11
Title: Re: ما هي العلاقة بين العروبة والإسلام؟
Author: Bakhaf
Date: 06-04-2006, 02:22 PM
Parent: #8
زياده على كلام لؤى
الكتاب الذي فيه اساسيات الاسلام نزل بلغتهم ( القرآن) العرب هم من كان لهم شرف نشر الاسلام في بداياته
يعني العاوز يبقى مسلم لاذم يكون فيه جزء عربي في وقت من الاوقات لسانه
لان الصلوات لاتكون الا بقراءة قرآن والقران لا يقراء الا بالعربية
العلاقات بين الاسلام والعروبة قائمة صحيح ان ليس هناك افضلية للعرب او غيرهم من ناحية علاقتهم بربهم لكن هذا لا ينفي ان العروبة متمثلة في اللغة اقلها جزء اساسي من الاسلام فالصلاة عماد الدين الاسلامي ولا صلاة بدون لغة عربية
|
Post: #19
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:56 PM
Parent: #11
الاخ بخاف نعم لغة القران هي اللغة العربية وكان للعرب فضل كبير في بداية نشر الاسلام كما لغيرهم من الاثنيات الاخرى التي اتت لاحقا
اللغة العربية التي نزل بها القران لا تمثل القومية العربية تحديدا، بل كانت لغة القوم الذين هبطت عليهم رسالة الاسلام. فليس للغة العربية او القومية العربية اي امتيازات على القوميات واللغات الاخرى. فلا نزول القران باللغة العربية يجعل من القران ملك للعرب ولا نزول الرسالة المحمدية على القومية العربية يجعل الاسلام حكرا على الاعراب. فلماذا يدعي العرب بانهم مستهدفون في اسلامهم بينما القوميات المسلمة الاخرى هي التي تستهدفهم؟
|
Post: #17
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 02:43 PM
Parent: #8
الاخ لؤي اتفق معك تماما في ما قلته فالاسلام تشريف للامة العربية وليس حكرا لها فكما هم مسلمون غيرهم ايضا مسلمين ووصفهم لكل من يختلف معهم بانه عدو الاسلام هذا استغلال سيئ للتشريف الذي حباهم به الله
في انتظار عودتك
|
Post: #24
Title: Re: ما هي العلاقة بين العروبة والإسلام؟
Author: Salwa
Date: 06-04-2006, 03:34 PM
Parent: #8
تحياتي دكتور برنجي موضوع هام اذا سار الحوار في مجراه الصحيح.
اخي Luai
صحيح ان ديننا الحنيف تشرفت جزيرة العرب بان نزل على ارضها لكن اصحيح ان كافة الرسالات السماوية نزلت على ارض الامة العربية ؟
|
Post: #26
Title: Re: ما هي العلاقة بين العروبة والإسلام؟
Author: luai
Date: 06-04-2006, 05:09 PM
Parent: #24
الاخت سلوى تحياتي ،،،
Quote: اخي Luai
صحيح ان ديننا الحنيف تشرفت جزيرة العرب بان نزل على ارضها لكن اصحيح ان كافة الرسالات السماوية نزلت على ارض الامة العربية ؟ |
معظم الرسل والانبياء اما عاشوا واما ماتوا واما بعثوا من هذه الارض مع اختلاف القوم الذين بعثوا لهم ما ان يذكر عيسى عليه السلام الا ونذكر بيت لحم في فلسطين ما ان يذكر موسى عليه السلام الا ويذكر جبل الطور في سيناء ما ان يذكر ابو الانبياء ابراهيم الا وتذكر الكعبة وتذكر فلسطين التي دفن فيها وهكذا دواليك اسماعيل ونوح وشعيب وغيرهم من الانبياء والرسل عليهم الصلاة والسلام .. هذه ارض الاديان بلا شك ..
تحياتي
|
Post: #10
Title: Re: ما هي العلاقة بين العروبة والإسلام؟
Author: Adrob abubakr
Date: 06-04-2006, 02:15 PM
Parent: #1
Quote: العرب في السودان هم أكبر كتلة متجانسة في معظم اراضي السودان .. فهم نصف الشرق ومعظم الغرب وغالب الوسط ونصف الشمال !! |
كده بجرت قلم بس! لا حول ولا قوة إلا بالله
كل يوم بتكرهونا العرب زيادة!
|
Post: #18
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 02:52 PM
Parent: #1
.
Quote: يعني العاوز يبقى مسلم لاذم يكون فيه جزء عربي في وقت من الاوقات لسانه |
سلام يا بخاف برأيي أن هويّـة الأمّـة لا يمكن حسمها بعامل ثقافي وحيد، و هو اللغة هنا، ذلك أن الشعب الأمريكي لا يتحدث سوى اللغة الإنكليزية في غالب ولاياته لكن لا أحد يتحدّث عن بريطانيّة الأمريكان على سبيل المثال!
.
|
Post: #20
Title: Re: ما هي العلاقة بين العروبة والإسلام؟
Author: Bakhaf
Date: 06-04-2006, 03:00 PM
Parent: #18
مرحب الطيب بشير سلامات كتارات
ده السؤال المختوت في عنوان البورد
ما هي العلاقة بين العروبة والإسلام؟
ايا كان نوعه استفهامي او استنكاري ، فهو يسال عن العلاقة بين العروبة والاسلام فقط ، ما بسال عن الهوية ، مع انو اللغة عامل اساسي في تحديد الهوية
ضربك الامريكان واللغة الانجليزية كمثل لم توفق فيه البته لانو ده كلام فيه قولان كتير ، الانجلوسكسون ويدهم العليا في امريكا وهو السايقين الناس على هويتهم ، وده ظاهر في الرؤسا الامريكان الما مارق منهم ( حسب ما اعلم لو غلطان صلحوني عشان نتأكد من المعلومه دي ولو صاح اكدوها لي عشان نقشر بيها ) حتى الان لم يات رئيس من خارج الاصول البرطانية
تتصور دي مصادفه ؟
مع الود
|
Post: #21
Title: Re: ما هي العلاقة بين العروبة والإسلام؟
Author: Dr_Bringy
Date: 06-04-2006, 03:10 PM
Parent: #20
الاخ بخاف لم يكن لزاما على كل من يريد ان يعتنق الاسلام بان يتعلم اللغة العربية وهذا قائم حتى الان هناك من يحفظ أجزاء كثيرة من القران دون ان يفهم منه حرفا وحتى اللذين تعلموا اللغة العربية، تعلموها ليفهموا معاني القران وليس ليصبحوا عربا
وما يزال السؤال قائم: لماذا يضع المدافعين عن عروبتهم الإسلام في الواجهة؟
|
Post: #45
Title: Re: ما هي العلاقة بين العروبة والإسلام؟
Author: Bakhaf
Date: 06-05-2006, 04:11 AM
Parent: #21
Quote: الاخ بخاف لم يكن لزاما على كل من يريد ان يعتنق الاسلام بان يتعلم اللغة العربية وهذا قائم حتى الان هناك من يحفظ أجزاء كثيرة من القران دون ان يفهم منه حرفا وحتى اللذين تعلموا اللغة العربية، تعلموها ليفهموا معاني القران وليس ليصبحوا عربا
وما يزال السؤال قائم: لماذا يضع المدافعين عن عروبتهم الإسلام في الواجهة؟ |
سلامات يا دكتور خالص التحايا
اختلف معاك ، القرآن يدعو الى التدبر في معانيه كيف يكون ذلك بغير معرفة اللغة العربية ؟
Quote: وحتى اللذين تعلموا اللغة العربية، تعلموها ليفهموا معاني القران وليس ليصبحوا عربا |
اذا لتفهم معاني القران وتتدبرها يجب عليك تعلم اللغة العربية وهذا هو سر العلاقة بين الاسلام والعروبة
قلتو اللغة راها ما كفاية اها نظيف ليها المقدسات ـ اليست مقدسات الاسلام الرئيسية كلها في اراضي العرب
بني الاسلام على خمس
اثنين من هذه الخمس مربوطه بالعرب الصلاة مربوطة باللغة العربية والحج مربوط بالاراضي العربية
ولاحظ انو الاتنين ديل من الخمسة الوحيدات المربوطات بالجماعة ، فالشهادة و الصوم والزكاة اعمال يكلف بها الانسان وحده والمجموعة ليس من شروطها،
لكن الصلاة عمل جماعي في الاساس ، الا في حالات وهذا استثناء والحج عبادة جماعية خالصة
المعني ان العبادت المرتبطة بالمجموعة في الاسلام مرتبطة بالعروبة نوعا ما، لغة او مكانا
وهذا فضل لم يمنح لغير العرب
|
Post: #22
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 03:16 PM
Parent: #20
.
يا بخاف بنفس القدر..(عرب السودان) لهم اليد العليا و لم يرأسنا، بعد، حلفاوي و لا شلكاوي و لا هدندوي و لا تاماوي - و لو غلتان صححني - .. لكن ..(عرب السودان) لم يكتفوا بدور الأنجلوساكسن فقط بل أرادوا فرض هيمنتهم الثقافية على الآخرين و تعريبهم..ظهر التميز في علاقات السودان مع الدول العربية من تكامل مع ليبيا الى وحدة مع مصر..لاحظ نشرة الأخبار الزام المذيعين بالجلباب و العمامة..تقديم النموذج العربي على أنه الأصل و عداه تابع/رطانة/هامش/الخ.. المثال الأمريكي قصدت به أن (عامل اللغة) لم يجعل الأنجلوساكسن يدّعون ان الأمريكان بريتيش..و ذلك ردآ على كلامك أعلاه عن اللغة العربية كعامل حاسم للإنتماء! عذرآ دكتور برنجي و القراء لم أقصد حرف النقاش.
.
|
Post: #25
Title: Re: ما هي العلاقة بين العروبة والإسلام؟
Author: luai
Date: 06-04-2006, 04:53 PM
Parent: #22
جنابو الطيب تحياتي
Quote: يا بخاف بنفس القدر..(عرب السودان) لهم اليد العليا و لم يرأسنا، بعد، حلفاوي و لا شلكاوي و لا هدندوي و لا تاماوي - و لو غلتان صححني - .. لكن ..(عرب السودان) لم يكتفوا بدور الأنجلوساكسن فقط بل أرادوا فرض هيمنتهم الثقافية على الآخرين و تعريبهم |
هل تقصد ان (عرب السودان) كانوا هم المتسببين مباشرة في مشاكل السودان ..؟ ام تتحدث عن النخب السياسية ! والتي تفعل في كل العالم ما يحلو لها .. ثم مالمقصود بالهيمنة الثقافية يالطيب ؟ نحن مجتمع متسامح رغم كل شيء.. واذا كانت النخب السياسية قد ارتكبت اخطاء فظيعة وهي نخب فسيفسائية لا تستطيع نسبها للعروبة فقط ..فهذا لا يعني محاولة اظهار العرب كانهم مجرد مهيمنين غزاة غلاظ ..يحاولوا مسح الاخرين من الخريطة ويحاولوا فرض دينهم وثقافتهم على الاخرين بالشدة ما احاول قوله لا ترمي اخطاء الساسة على العامة والذين هم مظلومون ايضا .. ولا تحاول ان تجردهم من انسانيتهم وقيمهم لانهم ينتسبوا لامة العرب .. ومعروف حال امة العرب الان من الضعف والهوان ولاسباب عديدة ان (عرب السودان ) هم اول من تحمل كل اخطاء الساسة منذ الاستقلال ويبدو الان ان التحامل عليهم سيصل لدرجة محاولة اقصائهم تماما وهذا هو الجزء الصعب من القضية .
|
Post: #27
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 05:09 PM
Parent: #25
.
مراحب يا لؤي
هل لي أن أتمنى علـيـك؟
إرجع مشكورآ للسياق الذي ورد فيه الإقتباس ..و الرد على بخاف..و سؤاله السابق..إرجع البصر كرّتين ..
بعدها اسأل ما بدا لك..ممكن؟
.
|
Post: #29
Title: Re: ما هي العلاقة بين العروبة والإسلام؟
Author: سيد أحمد خليفة
Date: 06-04-2006, 07:08 PM
Parent: #27
Quote: لاحظ نشرة الأخبار الزام المذيعين بالجلباب و العمامة..تقديم النموذج العربي على أنه الأصل و عداه تابع/رطانة/هامش/الخ..
|
هذه ثقافة الاغلبية واسلوب حياتهم!! حتى انت يااخى الطيب باسمك العربى الجميل صنيع هذه الثقافة تتزيأ بجلبابها وتتعمعم بعمامتها فلماذا ينكر الانسان قدره ليجارى موجة الرافضية الثقافية الجديدة ولماذاتجحدون فضلها وتحاولون طردها واستبدالها بثقافة الاحتجاج العدمية انصياعا لهاجس الاقلية التى تشربت هذه الثقافة وتكونت داخلها ولاتملك اى بديل حضارى لها ثم ماهو سر هذه النزعة ضد العروبة والهوية السودانية ومحاولة هدمها وتشكيلها من جديد!! انه امر موضوعى ان الثقافة العروبية هى الاقوى فى السودان مثلما الثقافة الغربية هى الاقوى فى العالم اليوم
|
Post: #31
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 08:10 PM
Parent: #29
.
أهلين سيدأحمد خليفة إسمك يتطابق مع الصحفي الكلس العاجبني
Quote: ثم ماهو سر هذه النزعة ضد العروبة والهوية السودانية |
أهاااا..دي طريقة الشروة الواحدة اللي أنا رافضها طـب.. العروبة والهوية السودانية! خليها كالآتي العروبة (فـل سـتوب) بعد داك الهوية السودانية لأنهن ما شيء واحد أنا لست ضد العرب و لا العروبة، عليهم يسهل و علينا يمهل،..لكن زي ما قلت لصاحب قبلك في موضع آخر..من الظلم أن نقول إن المرحوم صديق أحمد حمدون كان يحفظ البقرة و نصمت..ذلك أن السامع الكريم سيفهم أن المرحوم كان يحفظ البقرة فقط..بذلك نكون قد ظلمنا النساء و آل عمران و المائدة و التوبة و الأنفال و تنازلآ حتى الناس (الترتيب هنا قد لا يكون دقيق) ! ..العبرة أن نسبنا العربي مختلط بالقبائل المحلية و يظهر ذلك في اللون و محبة النقارة ذات المزاج الخماسي و سحنتنا بملمحها الأفريقي و ما إلى ذلك..هذه السور غير البقرة تظل تطالب بحقها في نسبنا .. عبدالله بن أبي السرح و شوية التجار العبروا البحر ما جابوا معاهم حريم..ياهو عرّسوا خالاتنا ديل و نكروا زنوجة أبنائهم لاحقآ!! نحن لسنا عرب ناقصين..و لسنا أفارقة كاملين..نحن سودانيين..فاقترب مني بالحق آتيك هرولة .. و بالمناسبة في بروفايلي تبدو صورة عمي الراحل الفنان أحمد الطيب..بالجلباب و العمامة العربية. لك تقديري
.
|
Post: #64
Title: Re: ما هي العلاقة بين العروبة والإسلام؟
Author: Dr_Bringy
Date: 06-05-2006, 08:04 PM
Parent: #29
Quote: ثم ماهو سر هذه النزعة ضد العروبة والهوية السوداني |
Quote: هذه ثقافة الاغلبية واسلوب حياتهم!! |
الاخ سيد احمد خليفة
كما قال الاخ الطيب بشير ان العروبة شيء والهوية السودانية شيء آخر ربطكم للعروبة بالهوية السودانية هو كربطكم للاسلام بالعروبة والحالتين مرفوضات
العروبة ليس لغة حتى نفرض على كل السودانيين الهوية العربية او على كل المسلمين الهوية العربية انتهى زمن بيع الناس بالجملة تماشيا مع رغبة (الاغلبية) ان كانوا كذلك فحتى الاقليات لها حقوقها ويجب مراعاتها
|
Post: #44
Title: Re: ما هي العلاقة بين العروبة والإسلام؟
Author: Bakhaf
Date: 06-05-2006, 03:51 AM
Parent: #22
Quote: يا بخاف بنفس القدر..(عرب السودان) لهم اليد العليا و لم يرأسنا، بعد، حلفاوي و لا شلكاوي و لا هدندوي و لا تاماوي - و لو غلتان صححني - .. لكن ..(عرب السودان) لم يكتفوا بدور الأنجلوساكسن فقط بل أرادوا فرض هيمنتهم الثقافية على الآخرين و تعريبهم..ظهر التميز في علاقات السودان مع الدول العربية من تكامل مع ليبيا الى وحدة مع مصر..لاحظ نشرة الأخبار الزام المذيعين بالجلباب و العمامة..تقديم النموذج العربي على أنه الأصل و عداه تابع/رطانة/هامش/الخ.. |
!!!!!!!!!!!!!!!!!!!!!!!!!!!!!!!!! الجاب عرب السودان هنا شنو ؟ البوست ده غرضو ثقافي ولا سياسي عشان لو سياسي نمرق منو لانو حا يدور ويلف في محلو
بالمناسبة انت من ذكر ضرب مثل بامريكا اولا
Quote: المثال الأمريكي قصدت به أن (عامل اللغة) لم يجعل الأنجلوساكسن يدّعون ان الأمريكان بريتيش!.. |
اختلف معاك
وده ظاهر في السياسة الامريكة المتفقة تماما مع السياسة البرطانية وختلفة مع باقي الدول حتى الدول الاقرب اليها جغرافيا ومربوطه معاها جغرافيا وتاريخ
Quote: عذرآ دكتور برنجي و القراء لم أقصد حرف النقاش. |
وانا ايضا اعتزر
بالمناسبة
البلد دي مر عليها كم رئيس دنقلاوي ولا كمان الدناقلة عرب
الصادق المهدي براه ماسك كم مره نميري سوار الدهب ( الفترة الانتقالية )
|
Post: #46
Title: Re: ما هي العلاقة بين العروبة والإسلام؟
Author: ابوالقاسم ابراهيم الحاج
Date: 06-05-2006, 04:23 AM
Parent: #44
Quote: سوار الدهب ( الفترة الانتقالية ) |
؟؟
|
Post: #47
Title: Re: ما هي العلاقة بين العروبة والإسلام؟
Author: Bakhaf
Date: 06-05-2006, 04:30 AM
Parent: #46
اها ده خليه شوف التانين
|
Post: #72
Title: Re: ما هي العلاقة بين العروبة والإسلام؟
Author: Dr_Bringy
Date: 06-05-2006, 09:31 PM
Parent: #44
Quote:
عذرآ دكتور برنجي و القراء لم أقصد حرف النقاش.
|
الاوخوان بخاف والطيب بشير وكل المتداخلين كلنا سعيدين بحوارنا مع بعض ولا اظن ان القضية بهذه البساطة لنرسم لها مسار واحد في اعتقادي ان كل النزاع الدائر في السودان الان لا يخرج عن نطاق العروبة والاسلام فلكم التحية وانتم تثرون النقاش بارائكم
|
Post: #32
Title: Re: ما هي العلاقة بين العروبة والإسلام؟
Author: Bashasha
Date: 06-04-2006, 08:27 PM
Parent: #1
Quote: العرب في السودان هم أكبر كتلة متجانسة في معظم اراضي السودان .. فهم نصف الشرق ومعظم الغرب وغالب الوسط ونصف الشمال !! |
عييييييييييييك!
هولوكده، فضل منو الماعربي في الكون الفسيح ده يالكوز منير؟
هسي عايز تورينا انو "الغرابي" عربي في نظر الجعلي مثلا، ذييو كده بالضبط؟
قبل ماتغرق في شبر موية يامستعلواتي، ناس تشاد او كل غرب افريقيا بقولو نفس كلام الطير بتاعك ده، الانت ذاتك مامقتنع بيهو، خليك من العرب الفي نظرم انت خال والسلام!
ذي تهربك اوتنكرك لي اصلك الزنجي الواضح في صورتك العلي اليمين دي، بادعاء هوية الغير، بدل فقط علي انك زنجي ذي بتاع زنجبار داك، القال هو فارسي!!
دكتور برنجي سلام، اولا مافي عرب في بلاد السودان بي عضمة لسان العرب ذاتم كما تفضلت، بخلاف شويتين الرشايدة، والدبلوماسيين العرب!
نمرة اتنين لوملاحظ مفردة عربي متي مااتت مقترنة مع مفردة اسلام، دايما بتجي في الاول، والدلالة هنا عميقة جدا!
اولا في السودان العروبة اضحت هي الركن السادس للاسلام، بدليل اسلام النوباوي اوالفوراوي، غير معترف بيهو، بل رغم شهادة لااله الاالله، ظل هؤلاء عرضة للاسترقاق بل الابادة منذ مئات السنين لانهم ماعرب، اي عبيد!
علي كده، نجد الاسلام مجرد وعاء في مرجعية الثقافة العربية، بل اداة لامبريالية هذه الثقافة وعدوانها المعروف!
يعني الاصل هو الثقافة العربية، والاسلام بجي معاها، صحبة راكب اين ماحلت، كاداة تدجين واستعمار ولاغير.
مش الاسلام كده، ولكن طرح القومية العربية بالضبط كده!
بالعدم وكمثال، ليه مفردة اسلام بتجي في الدرجة التانية، كمرادف لي مفردة عربي؟
ليه اسلام غير العرب في العالم العربي لايعتد اويعترف به؟
يكفي كيف الخلافة الاسلامية ذاتا غزت ديار مسلمين، واسترقت مسلمين يشهدون ان لا اله الله في السودان!
ليه اسلام السودانيين لم يشفع لهم بجعلهم مساويين لمسلمي العرب في الادمية؟ احنا رغم اسلامنا، نظل اخوال، ودون!
كلمة عربي او غير عربي في السودان شفرة عند تفكيكها نجد انها تعني حر في مقابل عبد ولاغير!
|
Post: #33
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 08:36 PM
Parent: #32
.
بشاشا لو سمحت لي في الجزئية دي
Quote: يكفي كيف الخلافة الاسلامية ذاتا غزت ديار مسلمين، واسترقت مسلمين يشهدون ان لا اله الله في السودان! |
حدث في الحروب الصليبية إجتياح كنائس و سلبها و قتل مسيحيين كثيرين، الشاهد أن الغزوات لها (قوانين) تحكم حركتها ليست مثل حال الدولة و هي مستقرة، حتى لا نصوّر الإسلام كأداة تفريق إثني.
.
|
Post: #34
Title: Re: ما هي العلاقة بين العروبة والإسلام؟
Author: سيد أحمد خليفة
Date: 06-04-2006, 08:52 PM
Parent: #32
Quote: عبدالله بن أبي السرح و شوية التجار العبروا البحر ما جابوا معاهم حريم..ياهو عرّسوا خالاتنا ديل و نكروا زنوجة أبنائهم لاحقآ!! نحن لسنا عرب ناقصين..و لسنا أفارقة كاملين..نحن سودانيين..فاقترب مني بالحق آتيك هرولة .. |
شيخ الطيب الحكاية ليست فى بيولجى الشخصية السودانية مختبر ثقافةالشعوب الفكر والسلوك والقيم المجتمعية يعنى حكاية الدم والجينوم دى كلنا كبشر من اصل واحد مافى فرق بين نانسى عجرم او بشاشا نفس المكونات فى الدم واللحم والعظم الهوية السودانية مترعة بالثقافة العربية نتكلم لغتهانحدو حدوهاونغنى غناها ونرقص رقصها ونؤمن فى غاليتنا بدينها ونبيها هذه الشرايين والاوردة المشتركة مع العروبة وهى امتن من صلتنا باى كجور آخر على الاقل على مستوى الاغلبية اما الاقلية فلقداندمجت طواعية فى هذا الكل عبر الاف السنين ومحاولة اخراج ثقافة السودان وهويته من اصلها العربى وتعبئتها فى الاتجاه المعاكس هى مجرد شنشنة نظرية لن تقلب هذا الهرم
|
Post: #35
Title: Re: ما هي العلاقة بين العروبة والإسلام؟
Author: الطيب بشير
Date: 06-04-2006, 09:10 PM
Parent: #34
. سيدأحمد أخوي يا كافي البلا..نحن العرب رفضوا انضمامنا لجامعة الدول العربية في الميكريفون (موقف رسمي)..و متجاهليننا في دعم قضايانا و حروبنا (موقف شعبي) .. و يسخرون منا في برامج ترفيه تلفزيوناتهم (موقف اعلامي) .. و ينادوننا بالعبيد سرآ و الخال علانية (مواقف شخصية) .. ليه نحن (ميتين في دباديبهم) و تعني بالمصري نحبهم شديد؟!
Quote: ونؤمن فى غاليتنا بدينها ونبيها هذه الشرايين والاوردة المشتركة مع العروبة وهى امتن من صلتنا باى كجور آخر
|
سر حماسي للبوست دة، زي ما قلت للدكتور في بدايتو أنني كنت اليوم أنوي انزال واحد بعنوان (فك الإرتباط بين العروبة و الإسلام)..شوف هنا انت بتقول دينها و نبيها تنسبه للعرب و ربنا لمن رسلوا قال ليهو(للناس كااااافة)..فلماذا تضيق واسعآ؟..و ع شان المقابلة تكتمل كتبت كجور في النهاية لتوحي بأن رفض العروبة يقابله تعميد الكجور..لا يا أخي الكريم ..أنا عن نفسي دين الله دة ما شايف زول أحق بيهو مني..و لا بسمح لقصير جبة أو كثير تبسم أثناء التكشيرة أن يحتكر حق التواصل مع الله..لكني سأفعل كل ذلك و أنا سوداني أخدر تجمعني مع العرب صلة الإنسانية التي تجمعني مع الصينيين و صلة الجوار التي تجمعني مع اليوغنديين و مع المسلمين من العرب صلة الإسلام التي تجمعني مع الفرس. فلا تدعوننا للعروبة لأننا مسلمين و لا تنكروا علينا حق رفض الإنتماء لها لأن ذلك لا يعني أننا نرفض الإسلام.
.
|
Post: #37
Title: Re: ما هي العلاقة بين العروبة والإسلام؟
Author: Munir
Date: 06-04-2006, 10:09 PM
Parent: #32
يا بشاشا روق يازول شوية واديها صنة
Quote: هولوكده، فضل منو الماعربي في الكون الفسيح ده يالكوز منير؟ |
كما ذكرت آنفآ شيل ليك برجل وخت سنته في الابيض .. وارسم دائرة يمس محيطها حدود السودان الجفرافية !! .. أها شفت الناس الجوة الدائرة دي أغلبهم الغالب عرب .. رضيت أم ابيت .. وما تتوقع أن زول عنده اصل ممكن ينكر اصله !!.. والبنكر أهله ده إلا يكون عديم أصل !! .. وانا قانع بعروبتي الممزوجة بزنوجتي ولا انكر أي منهما ـ لا احس بدونية امام ابيض ولا استعلاء امام اسود .. الاحساس بالأصل دي شئ يحسه المرء ويتذوقه ويعرفه زي جوع بطنه .. لا يمكن أن تكون شبعانآ ـ مثلآ ـ فيقوم يجيك أحد الاغبياء وينتلحك ويحلف بدينه ويصر علي أنك جعان !!! .. وبالمناسبة: هل انت عقدتك اللون ؟؟ !.. لماذا لا تستنكر عروبة اللبنانيين والسوريين الشقر ذوي العيون الخضر ؟؟ .. أو عروبة العمانيين وأهل اليمن السمر ؟؟ .. واللا بس حاكينك الشوايقة والجعليين ديل ؟؟ !! .. شغال تحرض الجنوبيين والفور عليهم وداير بأي طريقة تفتنهم مع عرب الغرب .. حكايتك شنو انت معاهم ؟؟ !! .. وبعدين قصة عربي وزنجي دي جدليه بهيمية وضيعة كان يجب أن نسمو بإنسانيتنا عليها إلا أننا بسبب هذه العقليات المتعنصرة المتخلفة مثل ذهنيتك المتحجرة هذه وجدنا انفسنا مضطرين علي الاعتراك في هذا الحضيض الذي اقعد بنا قروننآ وما يزال !! .. الناس وصلوا المريخ وانتوا تجرجروا فينا لتحت ومقومنها شمطة في انت عربي وانت زنجي !! ..
وايوة اقول ليك الرزيقاتي عربي زيه وزي الجعلي وإن اسودت بشرتهما ـ وانت لست عربي رغم لونك الاصفااااار ـ وهم ليسوا افضل منك بعروبتهم وانت لست افضل منهم بلونك ـ لا يسلبونك عجميتك فلا تزنزن ليهم في عروبتهم ساعيآ بالفتنة بين اقوام السودان كما الشيطان !!! .. لماذا تنكر عروبة قبائل السودان بلا سند وتغالط الناس في روحهم !!! .. والله قرادة زيك كده من الله خلقني ما لاقاني !! .. أمال متمردي دارفور ديل مالين العالم زعيق ونعيق : العرب اغتصبونا .. العرب حرقونا العرب ابادونا فوق كم ؟؟ !! .. نكورك ليكم ما تجونا نجيكم تكوركوا ؟؟ !!! ..
|
Post: #67
Title: Re: ما هي العلاقة بين العروبة والإسلام؟
Author: Dr_Bringy
Date: 06-05-2006, 08:34 PM
Parent: #37
Quote: شغال تحرض الجنوبيين والفور عليهم وداير بأي طريقة تفتنهم مع عرب الغرب .. حكايتك شنو انت معاهم ؟؟ !! .. وبعدين قصة عربي وزنجي دي جدليه بهيمية وضيعة كان يجب أن نسمو بإنسانيتنا عليها إلا أننا بسبب هذه العقليات المتعنصرة المتخلفة مثل ذهنيتك المتحجرة هذه وجدنا انفسنا مضطرين علي الاعتراك في هذا الحضيض الذي اقعد بنا قروننآ وما يزال !! .. الناس وصلوا المريخ وانتوا تجرجروا فينا لتحت ومقومنها شمطة في انت عربي وانت زنجي !! .. |
الاخ منير لماذا اصبحت حكاية عربي وزنجي هنا جدلية بهيمية وفي مواقع اخرى هي حفظ انساب وتفاخر بها. عندما يتكلم الاخرين عن العرب والافارقة فهم عنصريين وعندما يرفض الاخرين ان يتحدث العرب بلغة هذا زنجي وهذا عربي فهم بالتالي فيهم احساس دونية!!!!!!!!!!!!
|
Post: #66
Title: Re: ما هي العلاقة بين العروبة والإسلام؟
Author: Dr_Bringy
Date: 06-05-2006, 08:24 PM
Parent: #32
Quote: اولا في السودان العروبة اضحت هي الركن السادس للاسلام، بدليل اسلام النوباوي اوالفوراوي، غير معترف بيهو، بل رغم شهادة لااله الاالله، ظل هؤلاء عرضة للاسترقاق بل الابادة منذ مئات السنين لانهم ماعرب، اي عبيد!
علي كده، نجد الاسلام مجرد وعاء في مرجعية الثقافة العربية، بل اداة لامبريالية هذه الثقافة وعدوانها المعروف!
يعني الاصل هو الثقافة العربية، والاسلام بجي معاها، صحبة راكب اين ماحلت، كاداة تدجين واستعمار ولاغير.
مش الاسلام كده، ولكن طرح القومية العربية بالضبط كده!
بالعدم وكمثال، ليه مفردة اسلام بتجي في الدرجة التانية، كمرادف لي مفردة عربي؟
ليه اسلام غير العرب في العالم العربي لايعتد اويعترف به؟
يكفي كيف الخلافة الاسلامية ذاتا غزت ديار مسلمين، واسترقت مسلمين يشهدون ان لا اله الله في السودان!
ليه اسلام السودانيين لم يشفع لهم بجعلهم مساويين لمسلمي العرب في الادمية؟ احنا رغم اسلامنا، نظل اخوال، ودون!
كلمة عربي او غير عربي في السودان شفرة عند تفكيكها نجد انها تعني حر في مقابل عبد ولاغير! |
الاخ بشاشا سعدنا بمداخلتك هنا فعلا هذا هو واقع الاسلام العربي في السودان وحان الان فك الاحتكار المفروض من العرب على الاسلام لقد عمل العرب الاوائل الذين دخلوا السودان على تثبيت ان العروبة والاسلام هم مترادفتين فتجد الان اغلب القبائل السودانية تسعى جاهدة لربط نسبها بالدم العربي و(العباس) جد كل الناس. لا اقصد بالقبائل تلك التي تسمى عربية بل حتى القبائل المعروف بأفريقيتها مثل الفور والزغاوة والبرقو وخلافهم تجدهم اليوم لهم اشجار نسب ترجع للاصل العربي حتى يصلوا لمسمى المسلم الكامل. وبدلا ان تكون العروبة شيء مكتسب اصبحت شيء يمنح فاليوم يفرض عليك ان تكون عربي لانك مسلم وتتحدث بلسان عربي وغدا انت افريقي او (عب) عندما لا تكون هناك حاجة لاسلامك. لذلك نطالب بان يكون الاسلام بعيدا عن الصراع الدائر بمختلف مسمياته.
|
Post: #36
Title: Re: ما هي العلاقة بين العروبة والإسلام؟
Author: Bashasha
Date: 06-04-2006, 09:48 PM
Parent: #1
الطيب بشير تحياتي،
ابدا ماسمعنا بالخلافة البابوية تغزو دولة مسيحية بغرض استرقاق مسيحيها عديل كده اوبيعم في السوق لحلحة ديون دولتم، كمافعلت الخلافة الاسلامية معنا.
حتي لو المسيحيين عملو كده ده مابغير حقيقة ان الاسلام في مرجعية الثقافة العربية مستخدم كاداة استغلال امبريالي، بل الاسلام في مرجعية هذه القومية مجرد واجهة لهذه القومية البتفتكر الاسلام بعض منجزات حضارتها او ده دجل.
ده الموضوع بالنسبة لي، لانو الارتباط العضوي بين العروبة والاسلام المدمر للاخير ماشي عابر، وانما ثيمة اساسية عميقة الدلالة.
العرب او اسلامم بي طريقتم اوهم احرار، اونحن احرار برضو نعتنق اسلام نابع من واقعنا او معبر عنو.
الاسلام العروبي او الاسلام السياسي، خطر او مدمر للنسيج الاجتماعي في بلدنا، واحتضار مشروعو الحضاري في بلدنا اوموتو الطبيعي ما صدفة اطلاقا!
ده انتخاب طبيعي، حديد لاقا حديد، انبرش طرور الاسلام الغازي الاجنبي الوافد، ليثبت صنديد اسلام ثقافتنا الصوفي المتسامح، اساس شخصيتنا كسودانيين!
|
Post: #38
Title: Re: ما هي العلاقة بين العروبة والإسلام؟
Author: Mohamed Suleiman
Date: 06-04-2006, 10:23 PM
Parent: #36
دكتور برنجي سلام
منير :
Quote: أمسك مثلآ الزغاوة الذين يتباكون من التهميش في السودان هم اساسآ مركز في تشاد .. يعني دائرة مركزهم هناك .. في تشاد !!! .. |
يا أخي البوست موضوعو: ما هي العلاقة بين العروبة و الإسلام .
واحد زغاوي
|
Post: #51
Title: Re: ما هي العلاقة بين العروبة والإسلام؟
Author: Munir
Date: 06-05-2006, 06:20 AM
Parent: #38
ود سليمان
طيب ما تزوغ .. في حد حايشك ..
|
Post: #39
Title: Re: ما هي العلاقة بين العروبة والإسلام؟
Author: Bashasha
Date: 06-04-2006, 10:56 PM
Parent: #1
Quote: . لماذا تنكر عروبة قبائل السودان بلا سند وتغالط الناس في روحهم !!! |
منير،
ياخي عروبتكم دي وينا، لمن انكرا؟
انت ماممكن شايل برجلك ده اوحايم، بكان مادرت تروح مدور اوتقول ديل عرب مزاج كده، اولمان نقول ليك ده شغل وين، تسوي لينا لماذا تنكر عروبة قبائل السودان!
انت في الاول اثبت لي الرزيقات عرب لانو البينة علي من ادعي مش من انكر.
بعدين البخلي الرزيقي عربي شنو ذي الجعلي، اما التشادي لا؟
الفرق شنو بين التشادي والرزيقي؟
ماهم زيك بقولو احنا عرب!
اما حكاية الرزيقي عربي ذي الجعلي، فما فاهم انت بتقول كلامك ده لي منو؟
هم بقولو "جنا غرب مابسر قلب" او انت تقول لي الرزيقي عربي؟
كلام الضحك علي الدقون ده، لزومو شنو؟
|
Post: #41
Title: Re: ما هي العلاقة بين العروبة والإسلام؟
Author: doma
Date: 06-05-2006, 00:46 AM
Parent: #39
النبي يا بشاشا متل ما قال ليك منير دا موضوع انت عربي وانا افريقي دي غير ما تبشتن البلد وتقوم الحروب وتبهدل الحال ما بتفعنا بي شئ وانت الامريكي الاسود وانا الالمانيه ام عيونا خدر الاتنيين قاعدين برا وايدنا ما في النار ما نبقي ننظر ساكت الناس الجوا ديل كان شفتهم متالفين كيف تحتار!!! تصدق يا بشاشا نحن جعليين بنات اهلي عرسن من الزغاوه والفور اسع وليداتهم وبنياتهم حلاه الدنيا عليهم زرقتهم بنفسجيه وزول قاعد يقول لي زول انت عربي ولا انت زغاوي ما في. انا كان عرفت انت الكلام دا بتجيبوا من وين كنت بكون مرتاحه؟؟؟!! زمان كان في الرق في السودان جدك وجدي الاتننين استعبدو الناس والحمد لله جوا الانجليز منعوا الرق والناس بقوا احرار وتساوت الكتوف والوليدات والبنيات اتعلموا وبقوا دكاتره ومهندسيين ومدراء وغيره واتزاوجوا حتي مع بنات وابناء الناس القبيل كانوا عاملين فيها اسياد. ما تبقي لي متل اليهود تمسك الموضوع متل الهلوكوست بيقوم يمسخ ويؤدي لنتائج عكسيه
|
Post: #50
Title: Re: ما هي العلاقة بين العروبة والإسلام؟
Author: Munir
Date: 06-05-2006, 05:59 AM
Parent: #41
دومة يا أختي العزيزة .. بشاشة دا حالة ميئوس منها .. نافخ الكير .. لن يرتاح إذا شاف السودان دا مولع من أوله لآخره !! ..
والغريبة هو عامل فيها الفارس الابيض الذي انضم الي الزنج لتحريرهم والدور عاجبه وشغال فيهم نبز مستفرغآ فيهم كل مفردات عقله الباطن عينك عينك بإعتبارها ما يقوله العرب عنهم !! .. مافي زول في البورد دا شغال نبذ في الجنوبيين والغرابة بدم بارد زي هذا البشاشة !! .. مفردات يفكها فيهم زي الماحصلت حاجة وهو عامل فيها مستنكرها !! .. وهم زي الهبل يحتفون بها ويمتلئون ويزدادون كراهية ولا يؤاخذونه بحكم أنه منحاز إليهم !! .. وبل متوجنه كأمير !! .. شفتي لك ذهنية اسذج من كده !! .. وعقدة اضطهاد العبيد هذه التي ينفخ فيها ليله ونهاره سببها ما رآه من صغره ـ كما ذكر في الارشيف ـ من أن أهله كان عندهم عبيد وتحديدآ فور ـ وجايينا هنا عامل فيها فارس تحرير ـ طيب ما دام ما قادر يمشي زي الرجال لأرض معارك التحرير في الجنوب أو دارفور ما يمشي يناضل في أهله الدناقلة ـ وتحديدآ اسرته التي يرمي بجريرة استعبادها للناس علي الجميع !!! .. هو يعلم أن إقطاعيي القرون السابقة الذي استعبدوا الناس كانوا ظلمة لم ينحصر ظلمهم في الاستعباد فقط بل أنهم غالبآ ظلموا حتي اهلهم فنجد أن ارضهم وسواقيهم أكبر السواقي لأنهم يستقطعون وينتزعون اراضي الضعفاء من حولهم بالقوة .. وياما في الشمالية مظاليم !!! ..
|
Post: #52
Title: Re: ما هي العلاقة بين العروبة والإسلام؟
Author: ابوالقاسم ابراهيم الحاج
Date: 06-05-2006, 06:23 AM
Parent: #50
Quote: مافي زول في البورد دا شغال نبذ في الجنوبيين والغرابة بدم بارد زي هذا البشاشة !! |
والله العظيم دى بالغت فيها عديل يا منير !!.
الزول دا هو ذاتو كبير الزنوج انت مستكثر عليه انه هو زنجى أمال السودان مسمى بلاد النوبة على الفارغة ؟.رضينا بالمهدى منصفا فلم لا نقبله هو ايضا منصفا!!.
تصدق جنس كلامك دا فيه ناس صدقه ومشى عليه وقالوا ليه يا زول انت مالك ومالنا خلينا فى حالنا وامشى شمالية بتاعتك دى.
يعنى إذهب انت وربك فقاتلا إنا ههنا قاعدون؟. البراء والولاء باللون؟!. طيب ما انت كن كدا اقرب لينا ( الزنوج) بس ناكرنا مالك!!.
مع خالص التحايا.
|
Post: #53
Title: Re: ما هي العلاقة بين العروبة والإسلام؟
Author: Munir
Date: 06-05-2006, 07:11 AM
Parent: #52
يا ابو القاسم ابراهيم .. عليك أمان الله الناكر التاني فينا منو ؟؟.. شفتنا يوم قلنا اننا ما زنوج ؟؟!! .. نحن قلنا اننا عرب ممزوجة بدم الزنوج !! .. انتو كلمة عرب دي حاكاكم بلا مبرر !! .. ليه كده ؟؟ .. يوم تقولوا لينا انتو ما عرب !! تاني يوم عشان سوق الدعم بتاعكم يمشي تقولوا علينا عرب شغالين فيكم تطهير عرقي .. ياخي اركزوا علي راي واحد !!.. يازول نحن الواحد جاء البورد ده لقي الدنيا دي فايرة: ياعرب يامندكورو يا جلابة ويا .. حاجة كده زاتها ما مفهومة والواحد بدون ان يدري لقي نفسه مستهدف وسط معمعة كنا ظنينا انها بس في كتاب التاريخ .. يعني بدل نفتح عيوننا ونمشي لقدام لقينا نفسنا في دوامة عنصرية محتاجة لدهور عشان نتخلص منها !!! ..
انا بشاشا ما عندي قضية مع زنوجته او عروبته أو حلوبيته .. بس هو الشغال زنزنة في الفارغة دي وقايل نفسه فارس زمانه !! .. وهسه هو لو جينا للملامح الخلقية لا يشبه الزنوج زاتو !! .. دا هسبانك ياخي !!.. مكسيكي عديل كده!!.. ولو حاول يشق ليه حي زنوج معاد للهسبانك في امريكا بتاعته دي حيأخد طلقة في راسه زي الترتيب .. ولو هو راجل وصادق في ادعاءاته الكارهة للعروبة البتموت في الافريقانية خليه هسه يمشي يعيش شهر في الجنوب (جنوب السودان ) بدون حماية !! .. ياخي قول ليهو فكنا وما يعمل لينا فيها جيفارا !! ..
|
Post: #55
Title: Re: ما هي العلاقة بين العروبة والإسلام؟
Author: ابوالقاسم ابراهيم الحاج
Date: 06-05-2006, 08:50 AM
Parent: #53
يا ابو القاسم ابراهيم .. عليك أمان الله الناكر التاني فينا منو ؟؟.. شفتنا يوم قلنا اننا ما زنوج ؟؟!! .. نحن قلنا اننا عرب ممزوجة بدم الزنوج !! .. انتو كلمة عرب دي حاكاكم بلا مبرر !! .. ليه كده ؟؟ .. يوم تقولوا لينا انتو ما عرب !! تاني يوم عشان سوق الدعم بتاعكم يمشي تقولوا علينا عرب شغالين فيكم تطهير عرقي .. ياخي اركزوا علي راي واحد !!.. يازول نحن الواحد جاء البورد ده لقي الدنيا دي فايرة: ياعرب يامندكورو يا جلابة ويا .. حاجة كده زاتها ما مفهومة والواحد بدون ان يدري لقي نفسه مستهدف وسط معمعة كنا ظنينا انها بس في كتاب التاريخ .. يعني بدل نفتح عيوننا ونمشي لقدام لقينا نفسنا في دوامة عنصرية محتاجة لدهور عشان نتخلص منها !!! ..
انا بشاشا ما عندي قضية مع زنوجته او عروبته أو حلوبيته .. بس هو الشغال زنزنة في الفارغة دي وقايل نفسه فارس زمانه !! .. وهسه هو لو جينا للملامح الخلقية لا يشبه الزنوج زاتو !! .. دا هسبانك ياخي !!.. مكسيكي عديل كده!!.. ولو حاول يشق ليه حي زنوج معاد للهسبانك في امريكا بتاعته دي حيأخد طلقة في راسه زي الترتيب .. ولو هو راجل وصادق في ادعاءاته الكارهة للعروبة البتموت في الافريقانية خليه هسه يمشي يعيش شهر في الجنوب (جنوب السودان ) بدون حماية !! .. ياخي قول ليهو فكنا وما يعمل لينا فيها جيفارا !! .. |
الاستاذ:منير لك التحية. على الرغم من ان كلامك مباشر تهمة وفيه ناس انتو وكدا لكن فيه ايضا قفشات وخفة دم جميلة .
[QUO يا أخى الاستاذ: كمال بشاشا ما متعقد من لونو زى ما انت شايف وهو ليس له منطلقات عنصرية بقدرما انه اخوته( الزنوج) فى السودان الناس ( التانيين) قايدين يدخلوهم فى مواقع ومواضع حرجة جدا .
هسى زى كلامك الجزافى داك فى معرفة مدى كثرة العرب على غير العرب بإحضار مسطرة ومرجل ورسم دائرة من وين الى وين لحدى البحر الاحمر تجد انو ديل كلو عرب وبالتالى اغلبية ؟!.
شايف انت اللى قايد تقلينا اخونا وزنجى تحش من تحتنا وتكبر كومك كيفن!!. يعنى لو جيت من البداية وقلت دا ما مقياسك للامور ولا فهمك للوحدة السودانية مشينا معاك بناء على هذه الفرضية وان مقياسك للسودان بمفهوم العموم وليس بتخصيص قوم على العام وان هذا العام بالتالى الرجرجة والدهماء من اهل الهامش الثقافى وتشتيت بقية الخيارات .
معليش كلامى غارق فى التعميم بس متأكد انت حتفهموا.
يعنى انت مصر فى بلد الفسيفساء العرقى والثقافى والدينى تجعله ذى اتجاه عرقى واحد ودينى واحد وثقافى واحد بينما الوحدة فى التنوع دا شىء مهمل خالص . ووجود الدكتاتوريات والمظالم كلها هين ما دام الناس البيحكموا يحققوا الشرط الجزافى دا وبالتالى سيطرة عرقية معينة على مقدرات البلد كله وطرح بقية المعايير لانها بتجيب كفوة زى الديموقراطية القائمة على اساس المواطنة والفردية فى المعيار القانونى.
مش بالكم !!.
وانا زى زيك فى رفضى لنقطة الهجوم بإعتبار ان محمد احمد هو السبب بل اقول ان النخبة هم السبب وما محمد احمد الا آلة او اداة يستخدمها النخبة للتعبير له عن ما يحتاجها النخبة احيانا بتخويفه من عدو متوهم؟!!. واحيانا صب سياسة الكراهية تجاه فئة معينة . وما يحدث فى دارفور الا حلقة من حلقات النخبة الشريرة التى تتبنى عقيدة العروبية الاسلامية اسما ومزجها بكل ما هو ممكن لتحقيق مبتغاه.
ولكن بوعى وادراك او بإتباع فطرى جلب عليه اهل السودان لسياسة الحكومات وبالتالى التخندق فى صف الحكومة ووصم المظلوم من قبل الحكومة بكل صفات التخوين وزرع الكراهية وقلب الاية بحيث يبدوا المظلوم ظالما ولاحتكار النظام لكل الاعلام المرئى والمسموع والمقروء تجد قد تحقق غرضه بغسل ادمغة الناس وتلويثه بكاذب القول وتصنيف الناس على هذا الاساس لدرجة انه السودان البلدالوحيد الذى يسألك الامن من قبيلتك فى حالة ارادتك لقضاء جميع حوائجك الوطنية او السفر فى المنافذ والموانىء السودانية ز
مما فيه ضبط امنى بإتخاذ القبيلة وسيلة للتمييز السلبى بين المواطنين!!؟؟. يعنى يا استاذ منير وقوفكم مع نظام هذه صفاته مخالفا كل التشريعات السمائية والارضية ولاتخاذ وسائل وتدابير هى العنصرية ذاتها لكن يعطى مفهوم غريب للعنصرية بأنها قيام امراة من الزغاوة مجهولة بشتم رجل مجهول فى محطة للسفريات لينشر لتناقش على انها من افرازات الفكر العنصرى المريض للمتمردين وتسويق هذه الطريقة وبأستمرار؟!.
إذن التحكم والتمييز السلبى والعنصرية تمارس على مستوى الدولة ولحساب ايديوجية معينة فى النهاية ما تنتجه من مهالك تحسب على من يقاوم الظلم بالله عليك كن فى موضع المسؤلية واجبنى بربك وبتجرد كيف يمكن لك معالجة نظام هذا ديدنه؟!. مع التحية.TE]
|