الحـانوتــــي عمر الجـــــزلي ...

اخشى ان يأتي يوما على عمر الجزلي في برنامجه اسماء في حياتنا الا يجد من يستضيفه ويقوم بعد ذلك وفي الحلقة الاخيرة باستضافة نفسه لنسدل بعدها الستار على هذا البرنامج والذي ما دخله داخل الى وخرج منه الى المقابر او باقل الخسائر عاهة مستديمة او مرض يصعب شفاؤه .
بروف عبد الله الطيب رحمه الله حينما استضافه الجزلي سأله . بالله يا الجزلي انت كيف بتعرف الواحد داير يموت ؟

وهناك العديد من اناس رفضوا استضافة الجزلي لهم خوفا على حياتهم .عليكم الله دا كلام دا.

الجزلي ليه ما تمشي برنامج عالم الرياضة وتخلى اخونا كمال حامد يجي مكانك .. عشمنا فيك كبير للاستجابة ..




والله من وراء القصد ..




ود الباوقة

ود الباوقه

لك التحية

الاعمار بيد الله ياخوى

صباح اليوم حضرت له حلقة معادة وساءنى انه يتحدث اكثر من الضيف كعادة المذيعين
ولكن هذا برنامج وثائقى فيجى ان يكون دوره فى ادارة الحوار وتوجيهه فقط
ولكنه يتحدث حتى يمل المشاهد فالسؤال الذى يمكن ان يطرحه فى ثلاث كلمات يتحدث حوله حتى تزهج وتغير القناة مما اضاع حضور حلقات كثيرة جدا ...


مع كل الود

Quote: الاعمار بيد الله ياخوى

اخي الكريم قرشو .. صحيح ان الاعمار بيد الله سبحانه وتعالى وان لكل اجل كتاب بس مـــش ملاحظ معي ان القلة القليلة هي التي نفذت بجلدها سالمة من اخونا الجزلي ...
وان الكثيرين متوجسين من التوثيق لحياتهم خوفا على حياتهم طبعا نحن شعــــب يؤمــــن غالبيتنا بالكج ... مش كدا يا قرشو ..


فتك بي عافية ..



ود الباوقة

Quote: بروف عبد الله الطيب رحمه الله حينما استضافه الجزلي سأله . بالله يا الجزلي انت كيف بتعرف الواحد داير يموت ؟

رحم الله بروف عبد الله الطيب


ضـحكـت كـتير والله...

مـني

this man so called AL goozzlee should banned from the television let alone to write our history

i do believe the best thing to do is to change the television as soon as you see the face of this man
i hope one day he will be questioned for his distortion of the Sudan history

dr mustafa Mahmoud

وخاصة الحلقات التى استضاف فيها اشهر اسماء فى حياتنا عبد المجيد الزندانى وشريف التهامى كانت الحلقات فى قامة ومستوى عمر الجزلى!
جنى

Quote: اخشى ان يأتي يوما على عمر الجزلي في برنامجه اسماء في حياتنا الا يجد من يستضيفه ويقوم بعد ذلك وفي الحلقة الاخيرة باستضافة نفسه لنسدل بعدها الستار على هذا البرنامج والذي ما دخله داخل الى وخرج منه الى المقابر او باقل الخسائر عاهة مستديمة او مرض يصعب شفاؤه

الأخ ود الباوقه ( ام زهور )
تحياتى و احترامى لك ... و لأهلنا فى الباوقه ...
الحكايه مافى ضيوف الجزلى ... و لا السادن عمر ( الجزلى !!!!! ) ... و لكن فى المشاهدين !!! ضحايا تلفزيون السدنة و الإنقاذ !!! الماتو بالسكته القلبية !!!! برامج تلفزيون الإنقاذ سمجه و سطحيه و استغفاليه ... تفيح قيحا و سدانة .... و كذبا !!!!
كسره :
يجب علينا أن نسمى الأمور باسمها !!! الإنقاذ و الدكتاتوريه هما أساس المشكلة ...
فالطحالب و البكتيريا لا تعيش و لا تترعرع الا فى الوسط النتن .... فالإنقاذ هى ذلك الوسط ..
عبدالماجد

Quote: يجب علينا أن نسمى الأمور باسمها !!! الإنقاذ و الدكتاتوريه هما أساس المشكلة ...

اخي الكريم عبد المجيد ود عبد المجيد .. دعنا نتمحور في دائرة الاستاذ الجزلي. وهو ظاهرة سبقت الانقاذ باعوام كثيرة يعني ناس الحكومة ما عندهم ذنب في الي بيجري ... مش كدا ..


ارقد عافية




ود الباوقة

Quote: وخاصة الحلقات التى استضاف فيها اشهر اسماء فى حياتنا عبد المجيد الزندانى وشريف التهامى كانت الحلقات فى قامة ومستوى عمر الجزلى! جنى

اخي الكريم جني .. واعتقد ان الاثنين من القلائل حيث نجاهم الله من البرنامج باعجوبة( ان شاء الله كرامـــة وسلامة )



ود الباوقة

this man so called AL goozzlee should banned from the television let alone to write our history

i do believe the best thing to do is to change the television as soon as you see the face of this man
i hope one day he will be questioned for his distortion of the Sudan history



نعم اخي الكريم ..نعم يفترض خلع الرجل باسرع وقت ممكن وان يبتعد عن كل ما له شان بالتوثيق ..


لكن صدقني انا من اكثر المشاهدين ادمانا للفضائية السودانية يعني ما عندي طريقة غيرها .. بس قول ربنا يلهمني الصبر ..


تسلم ...



ود الباوقة

Quote: رحم الله بروف عبد الله الطيب ضـحكـت كـتير والله... مـني

الاخت الكريمة منى خوجلي ..

صدقيني سياتي يوما على الجزلي ليجد نفسه وحيدا في هذا البرنامج . كما اسلفت نحن نؤمن بالقـدر خيره وشره وكثيرون منا يؤمنون ايضا بالرجل الكج . واعرف العديد من الشخصيات السودانية البارزة تريد ان توثق للتاريخ ولكن يغلب عليها الخوف من هذا البرنامج . لكن اذا اصر اخونا الجزلي على عدم التنازل عن التقديم فاني اطلب منهم ركوب الصعب والتوكل على الحي القيوم ..



ود الباوقة

Quote: بالله يا الجزلي انت كيف بتعرف الواحد داير يموت ؟

و بهذه المناسبه يا ود الباوقة أهديك :

Quote: و بهذه المناسبه يا ود الباوقة أهديك :

اخي مصدق .. الهدية وصلت ويا لها من هدية رائعة .. واصل كفاحك خليك حريف ..




ود الباوقة

تسلم ود عقيد للملاحظة الذكية و يااخوانا الحكاية كان كدا المشكلة اتحلت تب.....اقترح ان يقوم عمر الجزلي باسنضافة الريس ويعده على طول علي عثمان محمد طه وهلموا جرا.....

Quote: تسلم ود عقيد للملاحظة الذكية

ود عقيد منو ؟؟؟؟

ان شاء الله ربنا يجيبو ليك سالم ....




ود الباوقة

تعرف يا عمر

الذ شي في برنامج اسماء في حياتنا ده

المقدمة الموسيقية وصوت عمر الجزلي في بداية البرنامج

(رجالا افذاذ صنعوا تاريخنا
الادبي
والفني
والثقافي
...
فخلدت اسمائهم
وصارواا

اسمااااااااااااااااااااااائا في حياتنا)
وبعد ده تجي صورة الشموع ديك والمزك الماعادي داك


والواحد نفسو ينخم من متعة الشعور
الواحد بصراحة بتوه معاها..

لذلك ارى ان المقدمة دي تشفع لاي خطا اواي شي اخر في هذا البرنامج..



بعدين عمر الجزلي يا ود الباوقة
زول شجون وذكريات
بثير شجون الضيف موش ذاكرتو..

مثلا حلقة (مامون بحيري) قبل سنين والاضواء الخافتةفي بيت المذكور لا تزال تذكرني بي الناس اللاقيتهم بعد الحلقة مباشرة في الكلية ..هاجر عوض الكريم وسلمى بت محمد صالح وميرف ابو شيبة والمعز ادم النور ..

برنامج تحضرو بوافر الذكرى والسلوان..
وده بصراحة العاجبني في البرنامج
انا لو عايز تاريخ بقراهو من حتة تانية
ولوعايز استمتع بي شجون ومحنات بنتظر الساعة تمنية كل يوم جمعة ..

رجالا افذاذ صنعوا تاريخنا
الادبي
والفني
والثقافي
...
فخلدت اسمائهم
وصارواا


وصاروا جثثا هامـــــــــــــــدة ...


مثلا حلقة (مامون بحيري) قبل سنين والاضواء الخافتةفي بيت المذكور لا تزال تذكرني بي الناس اللاقيتهم بعد الحلقة مباشرة في الكلية ..هاجر عوض الكريم وسلمى بت محمد صالح وميرف ابو شيبة والمعز ادم النور ..



دكين انت الظاهر عليك ما شفت حلقة الشاعر بازرعة ...



ود الباوقة

Quote: الجزلي ليه ما تمشي برنامج عالم الرياضة وتخلى اخونا كمال حامد يجي مكانك

تقصد ان الرياضة ميته ولا يضيرها ان تسلخ


تحياتي

Quote: اخي الكريم جني .. واعتقد ان الاثنين من القلائل حيث نجاهم الله من البرنامج باعجوبة( ان شاء الله كرامـــة وسلامة )

وهذا مما يؤكد انهما ليس من اسماء فى حياتنا!!
جنى

Quote: وهذا مما يؤكد انهما ليس من اسماء فى حياتنا!! جنى

جني اتخارج من هنا

تحياتي لك ود الباوقة

Quote: جني اتخارج من هنا

جني عشان خاطر القلب النابض اتخارج وتعال راجع . بس اقعد ساكت ..




ود الباوقة

الاخت الكريمة القلب النابض .. شكرا على الطلة البهية ...



ود الباوقة

ما زال العم مولانا محمد يوسف محمد طريح الفراش بمستوصف الفيصل رغم انه لم يكمل حلقـــــــات التوثيق ..

نسال الله له عاجل الشفاء وان يمن عليه بالصحة والعافية وطول العمر ..




ود الباوقة

البرنامج كفكرة شائع في كثير من محطات التلفزه خارج السودان كما علمت وهو كبرنامج جيد ويؤدي الدور المطلوب إذا!!

تخلى عمر ألجزلي عن نرجسيته المعتادة وإذا اقتصد في محاولة استعمال العبارات المنمقة إشفاقاً على الذين تتم استضافتهم وإشفاقاً علينا من الملل!

شخصياً اتفق مع من يقول بأن عمر ألجزلي ابتلاء من رب العالمين استمر لأربعين عام.

موقف لا أنساه أبدا يوم أن كنت واقفاً في صيدلية الملازمين وبادر رجل بسيط بجواري عمر ألجزلي بالتحية فرد علية من طرف انفه"أهلا" فتملكني الضيق حتى سألت صاحب الصيدلية "فيكتور" بصوت مسموع يطلع مين أخينا ده!!

رغماً عن محاولتي المكشوفة لرد اعتبار الرجل البسيط لكني لا زلت حانقاً على شخص "متبخِر" يتكبر على شخص بسيط نظر إليه بإعجاب لا يستحقه.

اشعر بأم كلابيش وبمغص كلوي كلما اطل على الشاشة المنكوبة في جلسته الجديدة (على جنب) حركات مذيعين كبار وكده) ويبدأ في قرأه تشرط وليس نشرت الأخبار) بصورة متقطعة ومع عدة وقفات يظنها أعلى درجات الاحتراف ولا يدري إنها لا تعدوا كون أنها "قرف"

رحم الله ضوء البيت

شخصياً اتفق مع من يقول بأن عمر ألجزلي ابتلاء من رب العالمين استمر لأربعين عام.


اخي سامي .. انت ناس التلفزيون ديل المعاش عندهم بعد كم سنة ...


اشعر بأم كلابيش وبمغص كلوي كلما اطل على الشاشة المنكوبة في جلسته الجديدة (على جنب) حركات مذيعين كبار وكده) ويبدأ في قرأه تشرط وليس نشرت الأخبار) بصورة متقطعة ومع عدة وقفات يظنها أعلى درجات الاحتراف ولا يدري إنها لا تعدوا كون أنها "قرف"



طيب انت احسن مني انا بشعر بابي كلابيش وليس امه مع تنميل في عظمة الترقوة اليمنى .. قول يا لطيف ..

رحم الله ضوء البيت


له الرحمة والمغفرة ....


ود الباوقة

الاستاذ: ود الباوقة.
لك التحية.
لا حول ولا قوة إلا بالله.
بالله قدرت تجمع ليك كل الجماعة الحاقدة الما عندها صوت زى عمر الجزلى ولا فصاحته ولا قدرته على السرد الممتع ولا القدرة على إنشاء الشعر وتشييده وهدمه كن ما عجبه مرة تانية!!؟.

زول لاصق فى التلفزيون من السبعينيات القرن الفائت شوف تراكم الخبرة !!.
وإلتزامه المنقطع النظير فى زول غيره يقدر يصبر عليكم ويقدم خدمات مجانية لمدة كم وثلاثين سنة لا سألكم أجر ولا حاجة!!؟.


هسى كن زول لفيف ومحب للقروش ما قد الخليج ولا الجزيرة او حتى إذاعة لندن وخلاكم فى رطانة بلا فهامة!!؟؟.

وبعدين داك منو القال عمر الجزلى دا زول حقار وبسلم الناس بنخرتو وبس؟!.
هووى اسمعوا!.
عمر الجزلى دا زول متواضع جنس تواضع دا ساكن فى حى البوستة جنوب البوستة خلف البنك التجارى السودانى بينو وبين البنك زقاق الحرامية بس تصدقوا؟!.


وارث له عمارة من ثمانية طوابق ومؤجرها لداخلية معهد الكليات التكنولوجية زمان (جامعة السودان للعلوم والتكنولوجيا) وما عارف هسى يا ربى مؤجرنها لناس منوا؟!.
وتحت العمارة بيت زى بيوت كل الناس العاديين يسكن مع اسرته الكريمة.
هو تحت والطلبة فوق !! فيه تواضع اكتر من كدا يا اخوانا ؟.

دا حتى اسألوا الفنان عبدالكريم الكابلى على تواضع هذا الرجل الهمام ذى الهمة العالية.
إذ هو متزوج من أخت الاستاذ: عمر الجزلى شخصيا؟!.

انتوا لمن كنتوا موظفين مفلسين ومحتاجين كان عمر الجزلى يستضيف المذيعين الفقرانين فى عمارته كن الجايين من النهود او الجايين من الرهود !!؟.
وبعدين هو زول عصامى مش إتعين بالفانوى العالى بس؟!.
وقدر يواصل بالانتساب لحدى ما تخرج من جامعة ام درمان الاسلامية يا ود الباوقة.

تلقاه دائما سكوت ومدبرس ويجلس او يقف متبحلقا المارة الطالعين من البوستة الماشيين على شارع البودى الى مستشفى التجانى الماحى!!؟.
تسلم عليه يرد عليك أحيانا برأسه وأحيانا مكتفيا بالنظرة الحادة حتى لناس حى البوستة الاصليين اولاد الحى من شدة ما هو زول قومى وما منحاز لا قبليا او جهويا مطنش حتى ناس حى البوستة لا افراح ولا اتراح .

وأخوه..... فى السعودية كل مرة يجى بعربيات زى الورد انتوا يا تمبس ما تقدروا تجيبوها ولا زولك الوهم عامل لابس النظارات وببحلق فى شنو ما عارف وكاتب ليه اسعار بتاع الكروت الاتصال معلقة فى الشدرة الوراه القاعد ببيعها للناس فى الشارع هسى تلاقيه بعاين فى البوليس جاى ولا بعيد عشان يشتت!!.
البوليس هناك بسموهم ( بوليزيا) على وزن ماليزيا؟!!.

الزول دا يا ود الباوقة بركة عديل كدا يا اخ لحدى ما جاب مولانا : عوض الله صالح عليه شأبيب رحمة الله . تصدق مات بعد فترة وجيزة من البرناج ؟!.
عشان اجل الله مش الكج؟!.

مرة يا زول اولاد الحلة طلعوا قعدوا تحت العمارة بعدما تناولوا حاجة باردة ليمون وكدا تعال انزل من العربية وقول هووى قوموا من هنا امشوا بعيد العبوا!؟.
وكان بينهم حفيد ( مبارك زروق) ؟؟.

يا عمر انت فاكر الحلة دى بتاع ابوك!؟.
القنط... ليك شنوا خليك محترم حركات الحلب دى ما تمشى معانا امشى جيب نميرى ذاتواما قايمين؟!!.

شفت قلة الادب بتاع اولاد الذوات كعب كيف؟!.

قوم خش واقعد شوية واطلع يا عمر يا جزلى!! يا شباب مفروض تعرفونا انو انتو اولاد الحلة وانتوا عارفين الحرامية وكدا !!؟.
المهم قعادكم هنا بتطمنى .
بلا زعل الرجل دخل بيتوا تانى ما طلع؟!.
شفتوا الطيبة دى؟!.

ود الباوقة بطل كلام على عمر الجزلى ؟!.
اجيب ليك البوليسولا نميرى ذاتوا!!؟؟.

تمبس والله بحبك مش من ام درمان انت!!.

مع التحية.

واقسم بالله من أسباب التخلف السوداني هذا المدعو عمر الجزلي
سمعت من احد المخرجين اختلافه مع احد المذيعين الشباب الذين هاجروا كعادة المبدعين في البلاد انه قال للمذيع (انا تجربتي 22 سنة)..قال ليه تجربتك سنة واحدة ومكررة 22 مرة.
ياخي ده فقاع جدا يتكلف في الكلام....
والعجب لما يقرأ اخبار ....
التلفزيون السوداني مؤسسة مؤسسيتها اسوأ من مطاعم القراصة.
شخص يذكرني بأن هذا الوطن يضع الرجل المشاتر في المكان المناسب.
وربنا يجعله آخر الاحزان...

Quote: ما زال العم مولانا محمد يوسف محمد طريح الفراش بمستوصف الفيصل رغم انه لم يكمل حلقـــــــات التوثيق .. نسال الله له عاجل الشفاء وان يمن عليه بالصحة والعافية وطول العمر ..

قول ليهو قرط على كدة وكشح باقى الحلقات ولا ود الجزلى دا يخلى أولادك الشهر الجاى يسوو ليك سبيل او مظلة!
الجزلى دا سرو باتع والله قرب يسكن سيد الصادق المجلد الاسبوع الماضى!
جنى

القمر بوبا ..

Quote: والعجب لما يقرأ اخبار ....

والعجب لما يكون قاعد جنباوي . ويبدا ب تحتسب رئاسة الجمهورية ............



ود الباوقة

عمر انت فاكر الحلة دى بتاع ابوك!؟.
القنط... ليك شنوا خليك محترم حركات الحلب دى ما تمشى معانا امشى جيب نميرى ذاتواما قايمين؟!!.



اخي الكريم ابو القاسم ..

عندما طرحنا موضوع عمر الجزلي كان تركيزنا على البرنامج ومن استضافهم حيث منهم من قضى نحبه ومنهم من ينتظر . لم نتطرق الى عمر الجزلي في اصله او فصله رغم انه سوداني ابا عن جد ويفتخر بسودانيته مثلنا جميعا ...

زول لاصق فى التلفزيون من السبعينيات القرن الفائت شوف تراكم الخبرة !!.


صحيح خبرات متراكمة والنتيجة فتاكة ...



ود الباوقة

اسماء في حياة عمر الجزلي

Quote: شخصياً اتفق مع من يقول بأن عمر ألجزلي ابتلاء من رب العالمين استمر لأربعين عام.

يللا...يعـني جـات عليهـو!

صـباحكـم خـير...

مـني

Quote: يللا...يعـني جـات عليهـو!

منى خوجلي ...

لا والله جات علينا نحن هو يحمد سيدو قااااعد وفي كل حلقة بيزداد حلا ...

Quote: اسماء في حياة عمر الجزلي

اخي يحي الشريف .. فعلا بعضهم ما زال يصارع الموت واخرون رحلت اجسادهم فصاروا اسماء في حياتنا..



ود الباوقة

ود الباوقة

الكلام كتير،،،

الراجل دا ما حصل شوفته ليهو موقف سمح!
مرة وأنا ماشي جم بيتو في أمدرمان خلف البنك التجاري زي ما ذكر أخونا أبو القاسم وشفت واحد راكب تيكو بشاكل في بتاع دفار ماشي من بحري لسوق ليبيا والسب واللعن،،، عاينت لقيتو ليك عمر الجزلي راكب التيكو ووشو متغيير! بس جاني إحساس كتير أنو عمر الجزلي هو الغلطان!!

وطبعا لمن يطلع مأمورية ويرجع بجيب الدولارات يبيعا عن طريق صاحبو (متولي) في بنك النيلين ويجي يقعد معاهو ويعاين للناس من فوق فوق!! ومرة جانا في بكاء قريبنا وقدمت ليهو الموية قال لي شكرا، قلت دا خلاص لحقني المرحوم.

اليومين ديل صاحبنا مشى لي الصادق المهدي في بيتو!!!! ( الله يستر) !!!

وعمر دا لمن نحنا كنا صغار وكان تلفزيونا أبيض وأسود وكان الوحيد في الحلة 1972، كنا انا واخواني الكبار بنتغالط قبل النشرة منو المذيع؟؟؟ وكنت دائما ما أرشح عمر الجزلي. وكان دائما يخذلني!

والراجل دا عندو طقم جلابية لونها ما تعرفه! أخضر ؟ سمني؟ بس لون قاطعو من راسو! وعندو بدلة زي لون الجلابية العجيبة دي وكان يلبسها يوم الجمعه معاها قميص بيجي. ما لايقه عليهو أبدا.


هشام

Quote: وقدمت ليهو الموية قال لي شكرا، قلت دا خلاص لحقني المرحوم.

ما تخاف قديم الموية ما بسوي ليك شيء بس اوع تكون قعدت قدامو ..

Quote: والراجل دا عندو طقم جلابية لونها ما تعرفه! أخضر ؟ سمني؟ بس لون قاطعو من راسو! وعندو بدلة زي لون الجلابية العجيبة دي وكان يلبسها يوم الجمعه معاها قميص بيجي. ما لايقه عليهو أبدا.

موضوع جلاليبه المزركشة وعمامته المفزلكة سبق ان كتبنا عنها بوست بعنوان ( الجزلي عمامــــة معصوبة وجلباب بلون الحرجــــل )

Quote: دي وكان يلبسها يوم الجمعه معاها قميص بيجي. ما لايقه عليهو أبدا.

يعني هو شغال عكس يوم الجمعة يلبس البدلة وفي نشرة الاخبار جلاليب عجيبة والله يا هشام ..



ود الباوقة

الاخ ود الباوقة

** اشكرك على اتاحتك لى هذ البوست ، لاقدم شكرى وتقديرى لاستاذنا عمر الجزلى - متعه الله بالصحة والعافية - على ما جهده المقدر فى توثيق رموزنا الوطنية في كل مجالات الحياة ، وللامانة ما يفعله الجزلى يستحق منا الاحترام والشكر
بفضل الله - ثم بجهد الجزلى- امتلات مكتبة الفضائية بقاماتنا الثقافية والفكرية والادبية موثقة تستفيد منها الاجيال القادمة
له التحية
ولك اخى ود الباوقة

Quote: اشكرك على اتاحتك لى هذ البوست ، لاقدم شكرى وتقديرى لاستاذنا عمر الجزلى - متعه الله بالصحة والعافية - على ما جهده المقدر فى توثيق رموزنا الوطنية في كل مجالات الحياة ، وللامانة ما يفعله الجزلى يستحق منا الاحترام والشكر

اخي الكريم الطاهر . اتفق معك ان فكرة البرنامج جيدة وان كانت تتكرر في كثير من الفضائيــات الاخري مع الاختلاف في طريقة التقديم .. الجزلي يتحدث كثيرا اكثر من الشخص المستضاف ويضحك بين الفينة والاخري ضحكات في غير موضعها ضف على ذلك ارتباط البرنامج بالنهاية الماسويةلمن يستضيفهم رغم ايماننا التام بقضاء الله وقدره والتسليم به .


ود الباوقة

Quote: المكان العنايه الوسيطه بمستشفى امدرمان, حيث سجلت زياره ظهر اليوم لكروان الحقيبه الاستاذ الفنان بادى محمد الطيب . ووجدنا بالمستشفى عدد كبير من معجبى الفنان بالخارج وعدد كبير من اهلنا فى حلة عباس جاؤا للاطمئنان على صحة الكروان غير انهم لم ينجحوا فى الدخول لزيارته.

للمبدع الفنان بادي محمد الطيب عاجل الشفاء وارجو ان تطمنوننا على صحته وان تبلغوه تحياتنا واشواقنا له ولسماع صوته الجميل ..


تصبيرة

شاهدته يوم الجمعة الفات في برنامج اسماء في حياتنا وكانت الحلقة له قبل الاخيرة . دعوت له من قلبي ان يخرج منها سالما حيث انها قاصمة الظهر لكل من شارك في هذا البرنامج . نحمد الله انها جاءت خفيفة .. وكل شيء بيد الله تعالى . وما بخاف من شئء وبرضي صابر المقدر لا بد يكون ..



ود الباوقة