ابناء دارفور بالمنبر كلكم تعالوا بجاي الحاصل شنو يأخوانا ؟؟؟

شكل المنبر هذه الايام مخجل جداً ومؤسف جداً مشكلة وراء مشكلة
صراع وراء صراع ,, نبيذة بين تراجي مصطفي ومحمدين اسحق
ومرة اخري تراجي وحيدر حماد , انور ادم وتراجي محمد ادم
وتراجي , ايمن هارون وشدو , محمد سليمان وايمن هارون
ابراهيم بقال وعبدالفتاح ............... الخ يومياً بيكون
في مشكلة والسبب شنو الله يعلم ؟؟ يأخونا يأابناء دارفور
حكموا صوت العقل الذي جري في دارفور ومازال يجري حتي الان
اكبر من صراعاتكم ومشاكلكم بالمنبر ولا خلاص بتفتكروا بتوقيع
مني اركوي مناوي علي مهزلة ابوجا القضية انتهت ؟؟ لا لو كنتوا
بتفتكروا ذلك ظنكم خاطئ ,, كفاية مهاترات كفاية مشاكل بيننا
كفاية نبذ وتوجيه الاتهامات بيننا كأبناء اقليم واحد يعاني
ما يعاني من حروب واحتراب وقتل جماعي وتطهير عرقي وابادة
جماعية واغتصاب وحرق للقري وتدمير لكل البنيات التحية وبعد
كل هذا نحن ندور ونلف في الفارغة تراجي قالت لي وفلان عمل لي
وفلان اساء لي وهكذا ,,, بصراحة انا ما قادر افهم هل انتهي كل
شي في دارفور وتم معالجة القضية وتفرغنا للفارغة والكلام الما
بيشبهانا ؟؟؟ ان كنتم تقدرون اهل المنبر وقراء المنبر وزوار
المنبر ومن قتلهم الانتنوف والجنجويد في دارفور وضحايا الابادة
الجماعية والتطهير العرقي عليكم بالكف عن ما يجري بيننا هذه
الايام من صراعات وخلافات واتهامات ........... الخ فالقضية
لم تنتهي بعد ولسع منتظرنا اشياء كثيرة لابد لنا القيام بها
عليكم الله لو فيكم ذرة من الانسانية وضمائر حية عشان اهلنا
المشردين في المعسكرات واللاجئون والنازحون عليكم الله اتحدوا
واتركوا الصراعات جانباً واجعلوا دارفور خاصة والسودان عامة
همكم الاكبر والاول ,, فهل من اذان صاغية تسمعني وتستجيب ؟؟

الحاصل يا ابراهيم

انه (محل الرهيفه تنقد) سمعته بالمقوله دي؟؟؟؟

تراجي.

الحاصل

انه جناح عبد الواحد محمد نور قاعد يصفي حساباته مع جناح مني آركو مناوي!!!!

تراجي.

الحاصل

انه في ناس قصار وناس طوال

والقصار قصار بافعالهم و الطوال طوال بافعالهم

والموضوع ما جينات وراثيه

لكنها جينات مكتسبه

وهذا يعني انه كل منا يمكن ان يكتسبها لو ختا الرحمن في قلبه.

تراجي.

الحاصل

ان بعضنا متخلفين ولا يعرفون ماهو العمل السياسي

وفي ناس لابسه جزم اكبر منها.

والجزمه الاكبر منك بترميك .

تراجي.

Quote: دارفور أمكم وهي تحتضر والله ليؤلمها أن تسمعكم تتناحرون في من منكم إشترى لها جرعة الدواء ومن دفع في علاجها أكثر! ومن شتم منكم الآخر أو ظلمه

!

**

الحاصل

انه تراجي دخلت للمكان الخطأ

فبينما دخل الجميع عشان ابناء عماتهم وخالتهم وامهاتهم

وناس ..قبيلتي همشوها وقبيلتي كتلوها

ود عمي لازم يبقى رائيس للحركه وود خالي وعدني بنائب رئيس

دخلت تراجي لوحدها

متسلحه بمبادئها

منحازة لمن لا تعرفهم الا في الانسانيه

دخلت بلا سند قبلي ولا اسري ولا عشائري

دخلت وهي لا تطمح لمنصب او جاه.

دخلت بقدراتها وكفأتها واخلاصها.

قدرها الشرفاء

وانحاز لها المغيبون

وصفق لها المهموشون حتى في داخل الحركات

ووقف الي جانبها الشرفاء

وصار اسحاق يراسلها

وحقار يدافع عنها

وسعيد يكتب فيها شعرا

وفاطمه تستنجد بها

ومريومه تدعو لها

لان البسطاء لا تغيب عنهم المعادن الاصيله.

ولان المشريدن لا يهمهم منصب ناب رئيس او خلافه.

ولان من اغتصبن لن يعيد لهن كرامتهن المهدره تعويض ال1000 دولار.

كل هؤلاء عرفوا قدر تراجي

فكان لابد
للمتشعبطين و المتشعبطات بالقضيه

والمنافقين و المنافقات

ان يحسوا بخطر تراجي

ويحسوا بخطر من جاءت تحمل قبلها على يدها لتقدمه قربانا

ويحسوا بخطر مكتسباتهم عندما جاء من يقدم للقضيه والانسان بلا حرصا على مكتسبات شخصيه.

كان على كل منهم تحسس عرشه الذي صنعه من احلام الفقراء و المغيبين

وهذه اليد التي بدأت بهزه,لابد ان تقطع.

هذه التي لا تنتمي لقبيله ولا تدافع عن القبليه

ووجودها في المعسكر الفلاني يهز دعاوي القبليه

ووجودها في المعسكر الفلاني يكسبه مصداقية اكثر

ووجودها في المعسكر الفلاني يطور خطاب ذلك المعسكر

ليتسع الافق لتناول اشمل لقضايا المرأه وتحديات العصر.

ليدخل الحركات في تحديات العمل بلا قبليه وتأطير للمؤسسيه.

ليفجر اسئله في الداخل لم جاوب عليها احد.

لاجل كل ذلك كان لابد لخفافيش الظلام ان تثور

ولاجنحة الشيطان ان تضطرب

وارجل المجرم ان تهتز.

وتنصب المشانق لتراجي كل يوم بشكلا مختلف.

لكن قول ليهم الرهيفه بتندمكم,عشان واحد ثاني يتشوبر.

تراجي.

تراجي
لاجل المبادى، التي ذكرتيها اعلاه رفعت لكم ذلك "البوست"!
تراجي انظل نكرر الرجا. يا اخيه؟

الاخت سلوي

شكراً لك علي المرور ورفع البوست

الحاصل يا عزيزى انو (الكيزان) طلعوا واجهة !

الاخ/ محمد الامين احمد

شكراً علي المرور الظاهر انو الشيطان لعب دور كبير هذه الايام
لتشتيت ابناء دارفور يالها من فرحة للكيزان وهم يضحكون
ويعجبهم هذا الشكل المؤسف وتشتيت وحدة صف ابناء دارفور

Quote: ان بعضنا متخلفين ولا يعرفون ماهو العمل السياسي وفي ناس لابسه جزم اكبر منها. والجزمه الاكبر منك بترميك .

للتوثيق


اخى ابراهيم اشكرك كثيرا على كلماتك التى تعبر عن مصدقيتك وولائك المفعم حيال القضية

تحياتى

ايمن هارون

ايمن هارون

لسه بتتفاصح

ما انت اول واحد داخل لك في دور اكبر منك؟؟؟؟

والجزمه الداخل فيها دي والله عثرت لك ووقعته,فحقوا اول ما تقوم لو

ممكن تقوم من الوقعه دي وتكون سالم ما اتكسر فيك عضو,حقوا طوالي

تشوف لك جزمه قدرك عشان ثاني ما تتعثر.

تراجي.

الخالة / تراجي

لك الود والتقدير والاحترام

الغرض من فتح هذا البوست ليس من اجل سرد المشاكل القديمة
بل بصدد اصحاح الخطأ الذي وقع بيننا والمشاكل التي تدور
حولنا فأرجوا ان نقف جميعاً لمعالجة الاخطاء والمشاكل
وعلينا ان نسال انسفنا من المستفيد الاول والاخير من هذه
الخلافات والمشكلات التي تدور ؟؟ اكيد كيزان المنبر هم
المستفيدون فعشان ما نفتح ليهم ثغرة علينا بتجاوز المرارات
وترك المهاترات

ابراهيم يا ابني

لاتقلق من كيزان المنبر او خلافه.

ما لم ترتب جبهتك الداخليه فانت اضعف في الخارجيه.

علينا ترتيب البيت الدافوري اولا من الداخل

علينا معرفة حدود الاختلاف مع بقاء الاحترام.

وعلينا بتر واستئصال النباتات الطفيليه

فانها تمص الغذاء ولا تجعل نبتتنا تنمو بشكل صحيح.

طبعي انه يكون هنالك خلاف
وطبيعي ان ننتمي لكل المدراس و المعسكرات الفكريه

وطبيعي ان نختلف فكريا لابعد حد.

لكن اتهامات

مثل

ارتزاق

عماله

تسلق

وغيرها من السخافات غير مقبوله

وستؤدي للكارثه.

وليس اكثر من علاقتي بك,نختلف كثيرا فكريا ولكني اثمن جدا عطائك واخلاصك لقضيتك

فهل احترمك لانك ابن عمتي او خالتي ؟؟؟؟ابدا احترمك لانك ابراهيم الذي عرفته ملتزم بقضيته.

ولا شيئ اكثر ,كذلك اخوة اخرين نتعامل باحترام بشار صقر عوض الله الفلاني عبد العظيم عبدالله

محمد سليمان شدو محمد اشرف سعيد شمت ابو كيفوا ابو القاسم شرف الدين كبويسا النسر ,جعفر

علي دينار مصطفى مصطفى ومحمد حسين آدم وآخرون, فلماذا نختلف بأدب ونعرف حدودنا مع بعضنا.

واما الآخرين يعتقدون سودانيز اون لاين هي المشنقه لتراجي.

هؤلاء حدودهم هذا البورد ,وللاسف البورد لا يمثل الواقع الدرافوري.

تراجي.

Quote: وللاسف البورد لا يمثل الواقع الدرافوري.

حقاً صدقت فيما قلت المنبر لا يمثل الواقع الدافوري لان اهل دارفور
معروفون عبر التاريخ الطويل هم اهل التعايش والود والتسامح فيما
بينهم فأذاً لماذا نحن كأبناء لدارفور في المنبر نختلف ولا نترفع
عن صغائر وضغائن الامور ؟؟ نتمسك بأشياء صغيرة تافهة شفع الروضة
والمدارس ما بيتشاكلوا زي شكلنا ونبذنا نحن في المنبر دا ...
لماذا ؟؟؟ كل واحد فينا عليه ان يسأل ويراجع نفسه وضميره بصدق
ويجاوب علي هذا السؤال

الوريف ايمن هارون

لك التحية والتقدير يا صاحب المبادرات والساعي لوحدة صف ابناء
دارفور شكراً لك كتير علي المرور صلوا علي النبي الف مرة قبل
الدخول للنبر واستعيذوا بالله من الشيطان الرجيم وصفوا النيات
اكيد ما بتواجهنا حاجة وحالنا بيتصلح ومشاكلنا بيتعالج بأذن
الله

ذمني في النت انتهت الان ونلتقيكم غداً بأذن الله اذا امد الله في الاجال
نرجو منكم جميعاً المحافظة علي هذا البوست ودعم خط وحدتنا وتجاوز
مراراتنا وتناسي الماضي وفتح صفحة جديدة ننطلق بها للامام
وارجوكم رجاء خاص ما تشوشوا هذا البوست وتتبادلوا اتهامات ونبذ
وشتائم عليكم الله لو تخافوا الله وتعزوا النبي صفوا ضمائركم
واطردوا الشيطان واتصافحوا مع بعضكم البعض ,, لغاية ما نجي عليكم
بكرة الصباح

أخي بقال ..لك التحية

اتمني ان تكون اكثر تحديدأ هنا ..

Quote: شكل المنبر هذه الايام مخجل جداً ومؤسف جداً مشكلة وراء مشكلة صراع وراء صراع ,, نبيذة بين تراجي مصطفي ومحمدين اسحق

ارجو ان تراجع كتاباتي منذ انضمامي الي المنبر و الي اليوم و قل لي اين
نبذت تراجي ؟؟ او وجهت لها كلمة مسئية في عرضها او شرفها ..
اذا وجدت ذلك فاني سأعتذر لها عن أي شتيمة اونبذ وجهته لها ..

Quote: ارجو ان تراجع كتاباتي منذ انضمامي الي المنبر و الي اليوم و قل لي اين نبذت تراجي ؟؟ او وجهت لها كلمة مسئية في عرضها او شرفها .. اذا وجدت ذلك فاني سأعتذر لها عن أي شتيمة اونبذ وجهته لها ..

الاخ/ محمدين لك التحية والتقدير شكراً علي المرور
انا لا اعني بأن هنك نبيذة سابقة بينك وتراجي ايراد
اسمك جاءت علي سبيل المثال فقط ولك العتبي حتي ترضي

Quote: اتصل بي اخي محمدين وكان هو (خيرهم الذي يبدأ بالسلام) وطبعا لم اقفل السماعه في وجهه وتتعاتبنا وتصافينا ,اعتذرنا لبعضنا فقد التقينا ...على دربا مؤلم,وحملنا هما كبيرا معا,ونزفنا سويا وبكينا سويا,وكم واسينا بعضنا والتقارير من الميدان تذبحنا,ومزيد من الوجع اليومي والهم اليومي ,الحزن اليومي. اكثر من سنه هي معرفتنا عبر هذا المنبر,شدينا مع بعضنا وعدنا لنتحدث كأخوة,دافعنا عن مواقف لقيادات وعدنا تراجعنا عنها امام بعضنا البعض, لم ننكسر ولم نهادن يوما ولن نفعلها. اعصابنا متعبه؟؟؟؟ نعم مرهقين؟؟؟؟؟؟ نعم محبطين؟؟؟نعم ولكنا لن ننهزم وسنسير على الدرب الذي لابد من ان نسير عليه. محمدين اخي شكرا انك استعذت من الشيطان . وشكرا ربي انك نصرتني على شيطاني. ولاني اعلم ان هنالك احبة كثر,كانو مذهولين مما حدث وفاغرين لافواههم من الدهشه,وحزينين لحد الخرس كان لابد ان نزف لهم البشرى اننا بخير وان مابيننا رجع عامرا,وان ما يجمعنا اكثر مما يفرقنا. شكرا محمدين. تراجي.

الحمد لله كنا منتظرين هذه الخطوة شكراً لكما تراجي مصطفي ومحمدين اسحق

الجاسر: بقال ازييك

في تقديري المتواضع قضية دارفور مسألة ألم.. والالم لا يحتكر لأنه مؤلم
و على اقل التقدير غير محفز للاخر..... لذا من المضحك نعت بعض الناس
باحتكار القضية.

الوطن عند البعض لا يتجاوز حدود السرير الذي يرقد عليه
وعند الاخرين الاسرة او القبيلة- ولكن الوطن بعيون تراجي هو الخير كله وليس للخير حدود او انتماء غير الخير نفسه
دعوها تقاتل لاجل اخواتها المغتصبات بدارفور- انها تراجي السودان

شكرا د. حامد برقو

Quote: انها تراجي السودان

مشكلة اخوتي الدارفورين

دخلوا السياسه بحكم المأساة التي حدثت.

وصارت السياسه مفروضه عليهم.

كثيرين منهم غير سياسين

وبعضهم مخه تخين في السياسه...

العمل العام يجمعنا بكل الاشكال حتى في داخل دارفور

المشكله كل واحد جاي بتصور انه دارفور هي قريته التي آتى منها.

في سنة ال1976 قادت اختي تغريد عمر ابوطالب مصطفى اشهر اعتصام في الفاشر الثانويه

ضد ناظرهم الاسلامي (مبارك اسماعيل) الذي منع الطالبات من ممارسة الرياضه ,بحجة ان مدينة

الفاشر بطبيعتها الجغرافيه الخاصه التي نعرفها من مرتفعات ومنخفضات في داخل المدينه,

وادعى ان رجال المدينه يتطلعون على الطالبات,وبالتالي على الطالبات الامتناع عن الرياضه

الا ان يجمع اموال (بالعون الذاتي )لتعلية السور,وكان هذا معناه ان يقضوا كل المرحله الثانويه

بلا رياضه,فقادت اختي ضده الاضراب وكانت من بنات الداخليه حيث لم يكن هنالك مدرسه ثانويه للبنات

بنيالا,فقبلت داخليه بالفاشر الثانويه بنات,ومشكورين بنات الخارجيه في الفاشر تضامنوا وصمدوا

مع بنات الداخليه اللائي دخلنا في اضراب عن الطعام ,الي ان تراجع الناظر وسمح لهن بممارسة الرياضه.

مثل اختي هذه التي تقود اضراب سن 1976 ,ترى كيف تتصرف الآن؟؟؟وهل تقبل مثل هذه الممارسات

من ابناء دارفور من ظلم وتحرش ومصادره للمقدره على التفكير واتخاذ القرار.

التحيه لها وهي من حصدت الميداليات في رمي الجله ,والقفز العالي بالزانه والجري,ورفعت

اسم مدرستها الفاشر الثانويه بنات عاليا في الدوره المدرسيه.

هؤلاء يا سيدي..صدقوا فرياتهم ودعاي الكيزان ان كل من يقترب من قضية دارفور متسلق او انتهازي.

ما كان لي ان اقف موقف المتفرج لاهلي وهم يقتلون واكرر اهلي,لاني لست قبليه,وكل اهل دارفور اهلي.

ولهم اقول :سنمارس السياسه كما نعرفها,بشخصية تراجي الدارفوريه الشرقيه الكنديه,هذا المزيج

يجعلني ارفض كل الوصايه والمحاولات المعلنه و المستتره لتحجيم القدرات ومصاردة استقلالية قراري.

فلك الود استاذي(د.حامد برقو)

ولهم( مصل الموضوعيه) كما يقول اخونا ايمن هارون

تراجي.

الاخ/ الدكتور حامد برقو

لك التحية والتقدير وشكراً جزيلاً علي المرور والطلة يجب علينا جميعا ان
نتوحد جميعاً في صف واحد ضد الاستهداف الذي يمارس ضدنا في المنبر فالعدو
واحد وهي حكومة الخرطوم

Quote: شكل المنبر هذه الايام مخجل جداً ومؤسف جداً مشكلة وراء مشكلة صراع وراء صراع ,, نبيذة بين تراجي مصطفي ومحمدين اسحق ومرة اخري تراجي وحيدر حماد , انور ادم وتراجي محمد ادم وتراجي , ايمن هارون وشدو , محمد سليمان وايمن هارون ابراهيم بقال وعبدالفتاح ............... الخ يومياً بيكون في مشكلة والسبب شنو الله يعلم ؟؟ يأخونا يأابناء دارفور حكموا صوت العقل الذي جري في دارفور ومازال يجري حتي الان اكبر من صراعاتكم ومشاكلكم بالمنبر ولا خلاص بتفتكروا بتوقيع مني اركوي مناوي علي مهزلة ابوجا القضية انتهت ؟؟ لا لو كنتوا بتفتكروا ذلك ظنكم خاطئ ,, كفاية مهاترات كفاية مشاكل بيننا كفاية نبذ وتوجيه الاتهامات بيننا كأبناء اقليم واحد يعاني ما يعاني من حروب واحتراب وقتل جماعي وتطهير عرقي وابادة جماعية واغتصاب وحرق للقري وتدمير لكل البنيات التحية وبعد كل هذا نحن ندور ونلف في الفارغة تراجي قالت لي وفلان عمل لي وفلان اساء لي وهكذا ,,, بصراحة انا ما قادر افهم هل انتهي كل شي في دارفور وتم معالجة القضية وتفرغنا للفارغة والكلام الما بيشبهانا ؟؟؟ ان كنتم تقدرون اهل المنبر وقراء المنبر وزوار المنبر ومن قتلهم الانتنوف والجنجويد في دارفور وضحايا الابادة الجماعية والتطهير العرقي عليكم بالكف عن ما يجري بيننا هذه الايام من صراعات وخلافات واتهامات ........... الخ فالقضية لم تنتهي بعد ولسع منتظرنا اشياء كثيرة لابد لنا القيام بها عليكم الله لو فيكم ذرة من الانسانية وضمائر حية عشان اهلنا المشردين في المعسكرات واللاجئون والنازحون عليكم الله اتحدوا واتركوا الصراعات جانباً واجعلوا دارفور خاصة والسودان عامة همكم الاكبر والاول ,, فهل من اذان صاغية تسمعني وتستجيب ؟؟

أهه يا بقال الشهادة في خالتك جات منك دون أن تدري.

يعني الإدانة جات منك دون وعي.. "زي الدب الذي أراد أن يبعد النحلة عن وجه صاحبه النائم لكي لا تزعجه فضرب النحلة بصخرة هشمت جمجمة صاحبه المسكين"

لاحظ أن كل الذين ذكرتهم ضد الخالة هم من أبناء دارفور ...

كذلك الآخرين كلهم دارفوري ضد دارفوري؟؟؟؟

فهل ترغب في القول بأن كل هؤلاء على خطأ وأنهم يضرون بقضية أهلهم وأن الخالة هي الوحيدة الحادبة على مصالح أهل دارفور ضحايا الحرب الدائرة بالإقليم؟؟؟؟

أم أيضاً الآخرين يضرون أيضاً بالمصالح وأنت ومن شايعك المخلصين للقضية؟

والله يا بقال يا إبني طريقتك في النضال هذه بكل أسف تضر بمصالح أهل دارفور من حيث تدري أو لا تدري، ألهم إلا إذا كان لديك أجندة أخرى خفية لا ندري عنها؟؟؟

فأنت وخالتك ومن شايعك بشر تصيبون وتخطئون ولستم منزهين ولا معصومين.

أما الخالة العزيزة فواضح أن لها أجندة ومصالح لا تمت لقضية دارفور بأي علاقة سوى أن قضية دارفور وبقية القضايا شماعة ووسيلة لتحقيق هذه الأهداف والأجندة، تقفز من قضية إلى أخرى بحسب أتجاه الريح وإتجاهات المصالح.

دريت أم لا فهذا لا يعفيك من المسؤولية.

أعرض على كيفك فكله محسوب عليك وعلى تاريخك النضالي وأنت في مقتبل العمر . وتراه زمان المناضلون يخطئون ويصيبون وفي النهاية تتعدل مساراتهم وتختفي أخطائهم وكان التوثيق ضعيفاً والذاكرة أضعف. أما الآن وفي عصر الفضاء الإسفيري فكله مسجل وموثق حتى ما تكتبه وتمسحه لا يمسح للأبد وتظل منه نسخ باقية فالحريف في البحث يمكنه إستخراج كل ما يمسح.

أتمنى أن يكون نضالك خالص ليس لأهلك الزغاوة فقط ولا لدارفور فقط بل لكل السودان الوطن الكبير الذي يسعك ويسع الجميع إذا تضايبت النفوس.

إنتبه لأن تعمل من أجل تاريخك وليس لردود الأفعال الوقتية.

الشايقي
_______________
فاوضني بلا زعل

يا الشايقي

نحن قلنا ابناء دارفور انت المحشرك شنو ؟؟؟

Quote: يا الشايقي نحن قلنا ابناء دارفور انت المحشرك شنو ؟؟؟

تعرف يا وليدي دارفور البتتغنى بيها دي أنا عندي فيها أكثر مما عند وولائي لها أكثر منك ورغبتي في المحافظة عليها وعلى أمن أهلها أكثر منك.

خلي نص الفصاحة التعلمتها جديدة دي وإنتبه لما تريد أن تفعل.
الحرب أشتعلت والناس قتل من قتل تشرد من تشرد.
سكان المخيمات يعانون ويلات الحرب وذل التشرد واللجوء.
أتفاقية السلام جاءت حتى لو ما كانت بقدر الطموح والتضحيات ولكنها على الأقل ستوقف الحرب، وفي ظل السلام يمكن إكمال النواقص وإنتزاع الحقوق.

وأنت قاعد لي في المكيف تاكل لي في البطيخ الساقط وتنظر وتعرض وتتهم ده خاين وده عميل.

يا وليد الفي قلب المعمعة والواصلاه نار الحرب ومكوي بها غير القاعد في قلب العاصمة يتبجح نظيف ظريف مستحمي ومتريح وآخر وجاهة وكرفته حمراء كمان.

يا وليد عاين لي معاناة أهلك وحس بيها ولا من حسي جلدك بقى تخين من الدنانير والدولارات.
بالمناسبة وضعت حجر الأساس للقصر العشوائي ولا لسه؟؟؟
وعملت كم دكان في سوق ليبيا؟؟؟

يا وليد يا تناضل كما يكون نضال الرجال أو تترجل وتشوف ليك زحلقة على أي بلاد في جليد وبيره ساقطة وريح نفسك من السك الما ماشي يجيب ليك البدقوها في قعر الخوسه.

الشايقي
________________
فاوضني بلا زعل

يا الشايقي

هذه هو عنوان البوست نكرره لك للمرة المليون ابناء دارفور
بالمنبر كلكم تعالوا بجاي الحاصل شنو يأخوانا ؟؟؟

لو سمحت ممكن تتخارج من غير مطرود

الشايقي

متفسح في البوست,وقايل روحك (جبت الديك من ديله) قرقرقرقرقرق

Quote: أما الخالة العزيزة فواضح أن لها أجندة ومصالح لا تمت لقضية دارفور بأي علاقة سوى أن قضية دارفور وبقية القضايا شماعة ووسيلة لتحقيق هذه الأهداف والأجندة، تقفز من قضية إلى أخرى بحسب أتجاه الريح وإتجاهات المصالح.

طبعا عندي اجنده وخطيره جدا,ومنها كنس السودان وتنظيفه من امثالك وامثالهم,ايه رأيك؟؟؟

و من كل انصاف الرجال ...وانصاف المواقف.....وانصاف المبادئي!!!!!

تراجي.

Quote: طبعا عندي اجنده وخطيره جدا,ومنها كنس السودان وتنظيفه من امثالك وامثالهم,ايه رأيك؟؟؟

قول لي يا كناسة السودان العاوزة تكنسيني منه متخيلة أنك عندك فيه أكثر مما عندي؟؟؟
أنا شايقي بي بلدي وقريتي وسواقي أهلي، عارفة معني سواقي ؟؟؟
أنت عندك شنو غير عقل طالق ولسان فالت زي جمل أم الحسن اللا قيد لا رسن.
وأقول ليك يا تراجي يا بت مصطفى: علي بالطلاق أنتي ما تكنسي حوش بيتكم خلي مجرد التفكير بأن تكنسي ليك شايقي عارفه يعني شنو شايقي ولا أفهمك يا عديمة الفهم.

Quote: و من كل انصاف الرجال ...وانصاف المواقف.....وانصاف المبادئي!!!!!

لكن الأدب عندك !!
ما عارف أتعلمتي في يا تو مدرسة !!!
مدارس الشارع بتخرج ألفاظ أحسن من هذه...
شكلك كدة من ذلك الصنف الذي ينصح الحكماء بألا تكلمه ولا تخليه يكلمك؟؟؟

الخطأ ما خطأك ... المشكلة في الدنيا الودتك لي كندا وأدتك كي بورد تتفاصحي بيه وتشتمي خلق الله شمال يمين ، والمره لامن تطلق ما بتتلام ...

وبعدين أخير تلزمي حدود الأدب . لأن الأدب زينة المرأة ولا أنت راجل متخفي في زي مرأة؟؟
الأدب يا تراجي ما عشاني أنا ولا غيري فلا أنا بعرفك ولن أتمنى أن أعرفك ولن أتشرف بمعرفتك في يوم من الأيام، وإنما لك أنت ولأولادك فكل حرف تكتبيه هنا هو تاريخ لك فإجعلي تاريخك مشرفاً لأولادك.

تخيلي ولدك بعد عشرة عشرين سنة كدة يفكر يقرأ لأمه ما كانت تكتبه أيام طفولته وعمل Search على القوقل ولا أي محرك بحث يظهر في أيامه؟
هل سيجد ما يشرفه؟؟؟
ألهم إلا إذا كان هذا ما يتعلمه ويتشربه منك؟؟؟؟

إني لأرثي لحالك يا أميرة يا مرويه آل (كل يوم تتلصقي في ملة: يوم زغاوة ويوم برنو ويوم كوشية بس عمرك ما ح تقدري تبقي شايقية).

الشايقي
_______________
فاوضني بلا زعل

الاخ / ابراهيم بقال

الاخت / تراجي


كدى يا جماعة , نتفق انو من حق اي انسان انو يزعل , ولكن الى متي يحق له ان يستمر في غضبه ؟

يا جماعة لازم نفقعد ونتفق , لانو الزعل ما بيخدم قضية ولا بحل مشكلة , المهم هو انو الناس المتخاصمة , تجى وتقعد وتناقش خلافاتها بى هداوة وروية , ونامل فى ذلك لاسيما انو قضية دارفور مستهدفة من النظام وزبانيته فى المنبر , عشان كدا , لازم نحل الاشكال دا فى اقرب فرصة ممكنة , ومن ثم الالتفات الى العدو والى ما يحيكه ويدبره من مكائد ومؤامرات فى الخفاء , واول حاجه نعملها نوقف الملاسنة , ونهدا شوية , ونجى نتصافى ونتسامح , ونرجع زي ما كنا واحسن .

مع تحياتى
ومودتى

للجميع

دخلت تراجي لوحدها

متسلحه بمبادئها

منحازة لمن لا تعرفهم الا في الانسانيه

دخلت بلا سند قبلي ولا اسري ولا عشائري

دخلت وهي لا تطمح لمنصب او جاه.

دخلت بقدراتها وكفأتها واخلاصها.

قدرها الشرفاء

وانحاز لها المغيبون

وصفق لها المهموشون حتى في داخل الحركات

ووقف الي جانبها الشرفاء

وصار اسحاق يراسلها

وحقار يدافع عنها

وسعيد يكتب فيها شعرا

وفاطمه تستنجد بها

ومريومه تدعو لها

لان البسطاء لا تغيب عنهم المعادن الاصيله.

ولان المشريدن لا يهمهم منصب ناب رئيس او خلافه.

ولان من اغتصبن لن يعيد لهن كرامتهن المهدره تعويض ال1000 دولار.

كل هؤلاء عرفوا قدر تراجي


والله يا تراجى عرفناكى انتى تراجى السودان ومهما قالوا عنك او اختلفنا معك فى النهايه انتى تراجينا

ويا ابناء دارفور والله تراجى ما تستاهل منكم الا كل خير لانها تقاتل من اجل قضيتكم

باكاش

لك التحية والتقدير اخى بقال

الخلاف بين ابناء دارفور خلاف سياسى وليس هناك اى خلافات شخصية وكل له منطلقاته وفلسفته لحل القضايا القومية .

هناك خلاف فى وجهات النظر والخلاف فى الراى لا يفسد للود قضية

هناك من يعتقد بان قضية السودان فى دارفور حصرى لابناء دارفور وهذه القضية قد تجاوز ليس حدود دارفور بل تجاوز حدود السودان واصبح قضية عالمية وخصصت لها منبر عالمى

هناك من يحاول جاهدا توحيد ابناء دارفور وهذا عمل صعب لكن لا مستحيل تحت الشمس فقط المسالة يحتاح الى افق واسع وشوية حكمة وخبرة ودراية وقلب مفتوح ومقدرة فى تحمل اراء ووجهات نظر الاخرين .

هناك قضايا خلافية ومن الصعب الاتفاق حولها يجب ان يكون لنا فلسفة ورؤية فى تناولها

دون الدخول فيها ، وهناك الكثير التى يجمعنا يجب التركيز عليها

يجب ان يكون هناك شفافية ونية صادقة لمناقشة ما يراه البعض خلافات خاصة بابناء دارفور بالمنبر ، فلا يعقل ان نفتح بوستات فى ظاهرها شئ وفى باطنها شئ اخر

الاخ/ شدو

لك التحية والتقدير والاحترام

نعم خلافات ابناء دارفور بالمنبر خلاف سياسي ولكن بعضها شخصي
جزء من ابناء دارفور لديهم خلافات سياسية مع فلان الفلاني ولكن
سرعان ما يتم تحويل الصراع السياسي الي خلاف شخصي واثني وهذا
مرفوض بتاتاً علي الاقل يجب علينا ان نتفق في الحد الادني طالمنا
جميعنا معترف بأن لدارفور قضية عادلة يجب حله بالحوار وما ممكن
يأخوي نحن دائماً ننشر غسيلنا الوسخات لناس المنبر وهم يتفرجون
وبعضهم يضحك علينا وسعي سعي دؤوب لتفرينا وتشتيت شملنا ولكنه
فشل والان نحن نشتت شملنا لوحدنا اليس هذا عيباً ؟؟ يجب علينا ان
نتوحد جميعناً في صف واحد فالعدو الحقيقي هي حكومة الخرطوم وليس
تراجي مصطفي ولا ايمن هارون ولا محمد سليمان ولا بكري عبدالله ولا ابراهيم
بقال ......... الخ ,, يجب علينا ان نطعن الفبل بدلاً من الطعن في الظل

الاخ/ باكاش

لك التحية والتقدير وشكراً ليك كتير علي المرور والمشاركة

الاخ/ شرف الدين

لك التحية والتقدير وشكراً علي المشاركة القيمة
اقل شي نحن كابناء لدارفور يجب علينا ان نتفق
بالحد الادني ولا شك في اننا جميعاً قلباً وقالباً
مع القضية

لما تتصالحوا مع انفسكم كلموني

Quote: لما تتصالحوا مع انفسكم كلموني

كويس

شوفتوا يأخوانا جنس ديل بيشمتوا فينا كيف ؟؟؟؟

بقال انت خاتي في راسك قصه المؤامراه المفتعله انا شخصا امثل روحي فقط ميه مره الف مره لما تتصالحوا مع انفسكم كلموني انا ما عندي مشكله مع زول ولو كلامي ده نبذ انا اااااااااااااااااااااااااااااسف يا سيدي ولك العتبي حتي ترضي

Quote: يا الشايقي نحن قلنا ابناء دارفور انت المحشرك شنو ؟؟؟

يا ولد أنت حتصحى متين من الوهم ده...

يعني الناس الداخلين عليك وبقدمو التعازي ديل كلهم من دارفور..



وأولهن خالتك...

الجماعة ديل مفتكرين انهم وصين علي دارفور ونحن ناس سسساي ما عندنا موضوع

Quote: يعني الناس الداخلين عليك وبقدمو التعازي ديل كلهم من دارفور..

خلاص يا حاتم كتر خيرك رفعنا الفراش تانى ما تجونا؟؟.

ديك عشان خالتها وجات وانت ما خاله زعلان مالك جاى تدخل بين الزول وخالته كمان


محن!!.

الاخ/ ابو القاسم

لك التحية والتقدير وشكراً علي المشاركة والرد علي حاتم الجاء
العزاء بدون دعوة ومحشر نفسوا ساكت .

Quote: خلاص يا حاتم كتر خيرك رفعنا الفراش تانى ما تجونا؟؟.

ياليته يفهم

Quote: يعني الناس الداخلين عليك وبقدمو التعازي ديل كلهم من دارفور.. وأولهن خالتك...

بالله شوفوا العوارة دي

طالما هي خالتي اذاً ليها الحق بالدخول هنا واي مكان انت والشايقي
المحشركم شنو ؟؟ كشي مشي مش كدا؟؟ ديل الناس البيجوا المناسبة بدون
دعوة اهل العروس بيفتكروهم من اهل العريس وبالعكس ديل انو زاتكم
بالله شوفوا ليكم شغلة نحن بصدد ترتيب بيتنا الداخلي

جميعها معارك مُفتعلة في غيرما مُعترك ، تُحركها الأيادي المُغرضة

Quote: جميعها معارك مُفتعلة في غيرما مُعترك ، تُحركها الأيادي المُغرضة

نحن الان بصدد معالجة لكل الاخطاء

Quote: جميعها معارك مُفتعلة في غيرما مُعترك ، تُحركها الأيادي المُغرضة

زي معاركك يا عبد الفتاح

هو الجاب الكفوة لدارفور غير الزيك ديل منو؟؟؟؟

اسأل قريبك يوسف ابكر من تراجي بعدين تعال اتفاصح.

فاهم,سلم لي عليه بالله,وقول ليه تراجي بتقول لك وين الحي بك؟؟؟

تخريمه:

بعدين ابدأ راجع مسنجرك بانتظام لانه اول ما اهاجمك بيتصلوا بك (شلة كندا )ويضموك ليهم

وما تنسى (نثر ونثار ومنثور وينثر ...بتاعتك ديك!!!)

تراجي.

Quote: وما تنسى (نثر ونثار ومنثور وينثر ...بتاعتك ديك!!!)

اول مرة اسمع بلغة زي دي فتشت عشان اعرف المعني غلبني

شكراً للابن ابراهيم بقال علي هذا البوست الداعي لوحدة صف ابناء دارفور بالمنبر وشكراً لكل من ساهم في وحدة الصف ودعاء له فالوحدة مهمة جداً في هذه المرحلة تحديداً وجميعكم لاحظتم كيف استغلت الحكومة عدم وحدتنا وضربنا مع بعضنا البعض ولو كنا متحدون منذ بادئ
الامر لما تلاعبت بنا الحكومة لهذه الدرجة ولما سلحت الحكومة مليشيات قبلية ضدنا لنقاتل بعضنا البعض والحكومة تتفرج وتدعم الخط علينا بالوحدة اخوتي واخواتي ابناء دارفور بالمنبر توحدتنا يعني قوتنا تفرقنا يعني ضعفنا والمستفيد هي حكومة الخرطوم
مع خالص ودي

علي حقار

الاخوة الاعزاء
الاخ العزيز ابراهيم بقال
والله خطوة ممتازة وتجد مننا جميعا كل التأييد والتشجيع، والمفروض ان تتواضعوا وتجلسوا على الارض وتشوفوا وين مكامن الجروج وتعالجوها..
ومن هنا أقول للاخت العزيزة تراجي بكل الصراحة أرجو ان تخففي لهجتك شوية في الحوار مع أخوانك حتى ترسو السفينة على بر الامان والكثير من الاخوة لا يقبلون بهذا الاسلوب من الكلام..
وأعتقد ان مبادرة الاخ بقال والله تستحق من الجميع التنازل عن كل (حاجة) في الدواخل تجاه الاخرين اذا كانت موجودة فعلا.. واذا لم نصبر على سماع وجهات النظر الداخلية لا يمكن ألبته ان نسمع وجهات النظر الاخرى..
ودمتم ودامت الألفة بينكم ..
وأسال الله ان يوفقكم جميعا لمافيه المصلحة

**