Post: #1
Title: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 04:21 AM
ادعى البعض من ابناء دارفور انه تراجي احتكرت القضيه,وتراجي,....وتراجي.....وتراجي.......الخ.
وكل ما تملكه تراجي اذا اخذنا المنبر مثالا:
زيها زيهم...
فلماذا كل هذه الحروب؟؟؟؟؟؟
اتواجد زمنا اكبر منهم؟؟؟؟؟
هل هذه مشكله, العطاء بالكم وليس بالكيف
الفاضل (محمد سليمان) مثالا:
يتواجد اقل زمنا بالبورد وعطائه الاكثر للقضيه.
فهل الموضوع بالكم أم بالكيف؟؟؟؟
ليس هذا هو السبب.
السبب انها لا تسمع الكلام
وكل ما يعرفه معظمهم من النساء ان يسمعن الكلام.
والله انا بسمع ,بس الحقيقه ما بسمع لاي زول.
انا بسمع للذي اعرف افعاله قبل اقواله.
للرجل و المرأه المبدأ
وللثبات على المبدأ
وللانسان المبدأ
...والي ان اعود...ان شاء الله السهرني الله يسهره.
تراجي.
|
Post: #2
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 04:24 AM
Parent: #1
اضاف سيف مساعد:
Quote:
تراجي
سلام
ما بتسمعي الكلام يعني شنو قاهر؟
نحي شوية نشوف كتير |
|
Post: #3
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: saif massad ali
Date: 06-01-2006, 04:32 AM
Parent: #2
تراجي
اسعلني صاحب تجربة كبيرة , والله لايعجبهم العجب ولا الصيام في رجب
|
Post: #4
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: 3bdo
Date: 06-01-2006, 07:57 AM
Parent: #3
FFR
|
Post: #5
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Omayma Alfargony
Date: 06-01-2006, 08:05 AM
Parent: #4
Quote: للرجل و المرأه المبدأ
وللثبات على المبدأ
وللانسان المبدأ |
ودا اهم حاجة
سفاسف الامور بتعدي.
في مثل بقول
"الكلب ينبح والجمل ماشي"
من أجل القضية...
الي الامام.
|
Post: #6
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: هشام آدم
Date: 06-01-2006, 08:17 AM
Parent: #5
_______
العزيزة تراجي مصطفى
لك التحية والاحترام المعلوم سلفاً
لدي سؤال ومداخلة
سؤالي هو: ما هو النضال؟
المداخلة:
قضيتنا نحن كسودانيين يا تراجي تجعلنا
نرى الأشياء من زاوية ضيّقة جداً .. تكاد
تكون هي في حد ذاتها السبب الرئيسي في
عدم قدرتنا على الرؤية .. وليس على عدم
وضوح الرؤية !! فاهماني؟
يعني يا تراجي .. فهمي أنا للنضال بالتأكيد
ليس كفهمك له ، ولكن في النهاية نحن الاثنان
المختلفان (حتماً) يجب أن نلتقي بشكل فعلي
وموضوعي جداً جداً عن نقطة التقاء واحدة
أما يحصل هنا فهو مزيج من الكذب
والفراغ .. والشخصانية البغيضة
إضافة إلى العنصرية .. وإلى المحاباة
والانطباعية والتفاوت (الغبي) في المفاهيم
ونسبية الاختلاف.
فقط أريد أن أضيف نقطة أعتقد
أنني كنت أنتظر الوقت المناسب
لأن أقوله لك علانية يا تراجي
نحن - السودانيين - شعب لا يستطيع
أن يعيش خارج القوالب الجاهزة
وتجسيد الشخصيات النمطية .. وبالتالي
فنحن (أغبياء) ولا نتقن التجريد
الحل هو ألا نسمح للناس بقولبتنا حسب
ما تجنيه يدينا نحن دون أن نشعر
فلان هذا بتاع شعر (قالب)
فلانة دي بتاعت أغاني وهجيج (قالب)
فلانة التانية بتاعت مواضيع رومانسية (قالب)
فلان داك جنّو سياسة (قالب)
وهكذا ....
هم من صنعوا هذه القوالب لأنفسهم
والناس هم الذين حبسوهم في هذه القوالب
هذه في حد ذاتها ليست مشكلة في مجتمع
سليم ومعافى نفسياً واجتماعياً واقتصادياً
ومتمتع بقليل من الموضوعية
ولكن في ظل مجتمع كمجتمعنا هذا فإن مسألة
المبدئية والميول الشخصية تخضعنا مرغمين
للدخول في تلك القوالب .. شئنا أم أبينا
وختاماً ..
لك التحية وأنت امرأة بـ100 راجل من إياهم
ولك التحية وأنتِ حريصة على جعل القضايا الوطنية
نصب أعين الناس ..
|
Post: #15
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 01:45 PM
Parent: #6
العزيز هشام آدم
شكرا لمرورك
وصدقني القولبه هذه هي المشكله
لم ينجح احد في قولبتي الا نفسي لذا يجن جنونهم.
هل تعلم كم مرة انتقد بعضهم ما اسموه (دخولي وهظاري مع ابناء الجلابه)
هل تصدق انهم يطبعون يويما كل ما اكتب ويرسلونه لمن لا يملك انترنت
لمواصلة الحرب ولاحظ بنفس الصيغ المبتروه زي عمايل احمد الريح.
هل تصدق ان من يفعل هذا رجل عنده قضيه؟؟؟؟؟
Quote: لك التحية وأنت امرأة بـ100 راجل من إياهم
ولك التحية وأنتِ حريصة على جعل القضايا الوطنية
نصب أعين الناس .. |
تشكر يا غالي
وصدقني هي شهادة اعتز بها.
لك الود,وان شاء الله ما نجيكم في بوست زي ده.
تراجي.
|
Post: #14
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 01:39 PM
Parent: #5
اميمه الفرجوني
شكرا لمرورك يا غاليه
Quote: "الكلب ينبح والجمل ماشي"
|
ان شاء الله دائما.
ومن اجل القضيه كما قلت يهون القاسي.
لك الود.
تراجي.
|
Post: #11
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Bakhaf
Date: 06-01-2006, 01:10 PM
Parent: #4
الترجمه على الشريط
فاكيها في روحو
ملحوظة :
_________
الترجمة لا تعني ان المترجم يتبني موقف الكاتب الاصلي ورائيه
|
Post: #13
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 01:36 PM
Parent: #4
اللخو 3bdo
قلت لي:
وكثر الله خيره (بخاف) قال ترجمتها:
Quote:
الترجمه على الشريط
فاكيها في روحو
|
وانت الحاميك تفكها في روحك شنو؟؟؟؟؟؟
ما تفكها في روحك كان بتقدر ولا برضك من
تراجي.
|
Post: #12
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Tragie Mustafa
Date: 06-01-2006, 01:31 PM
Parent: #3
سيف مساعد لك الود كله
وهي ما قلت يا اخي واكثر.
والله ما سألتهم يا سيف
ممكن يكتبوا ويفنوا المختلفين فيه معاي
لكن للاسف لايوجد ما نختلف عليه.
هي فقط تصفية حسابات شخصيه.
سمعت انه بعضهم بيقول تراجي عامله فيها كأنها ناطق رسمي في المنبر
طيب ما زمان قالوا الحشاش يملأ شبكته.
ما عندهم باس ورد زي مايردوا ويكتبوا زي العامله ناطق رسمي دي؟؟
عارف الناس دي ينطبق عليهم المثل:
(لابجدعوا ولا بجيبوا الحجار)
وهم ايضا ينطبق عليهم المثل:
(جو يساعدوا في قبر ابو دسى المحافير)
لك الود.
تراجي.
|
Post: #8
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: hamid brgo
Date: 06-01-2006, 12:39 PM
Parent: #2
الحرة: تراجي: سلامات
لا عجب لان الوطن عند البعض لا يتعدى حدود السرير الذي ينام عليه
وعند الاخر اسرته او قريته او قبيلته.
لكن الوطن عندك يا تراجي: الخير كله...... كيف لا تكونين طويلة؟؟
|
Post: #7
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Sabri Elshareef
Date: 06-01-2006, 08:29 AM
Parent: #1
تراجي بت الوطن
اجنده خفيه للجبهجيه ومن والاهم الي يوم الدين وهي العداء
للانسان اينما كان
المجموعه هدفها اسكاتك عن التصدي للخزي والعار الذي قاموا به
في دارفور تقولي اغتصبن النساء يقولون هذا اعلام غربي
تقولين دمرت اربعه الف قريه يسمونها فتنه يهودية
وتتحسرين علي قتل اكثر من 400000نسمه يساوي عدد سكان دوله
بالخليج يقولون هذه فرية واطماع غربيه في المنطقه
الغريبه ان عقل الطفابيع والكلمه لبشري الفاضل لا تستطعين
امساكه ولا اخلاق لهم انظري لجميع تيارات الجماعات الاسلامية
عندما يضبط السويركي وعثمان خالد مضوي يبعدونهم عن الانتساب
للتنظيم واذا اتي منهم فعلا ترن له اذانهم يجلبوا لك ولي بالخطب
الرنانه ولا يعتزروا
لا تصرفي طاقاتك في حوار لاذان صماء وقلوب غلف النضال لا زال مشتعلا
لانصاف من ضاعت نفسه لمشروع انساني يساوي الانسان باخيه الانسان
ويرد الحقوق لمن استضعف من قديم الزمان المراة الانسان
لك حبي وشوقي والسلام يا بت من زمن صعب اتيت لنا لتغيير الفهم الكعب
|
Post: #9
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: عبداللطيف خليل محمد على
Date: 06-01-2006, 12:58 PM
Parent: #7
إبنتي تراجي :
لا أتفق معك في كل آرائك ؛ ( لأنها ضيقة ) و ( حتاتية ) _ من حتة _ و لا طرقة طرحك للرأي ..
لكن من حقك أن تعتقدي زي ما عايزة و تقولي أي كلام .. و تكتبي ..
ما تتعصبي ..
ما تنغعلي ..
ما تكرهي الناس لمجرد الخلاف في الرأي .. لأنه ليس من الضرورة أن يتفق كل الناس في رأي ..
ما ( تتعنصري ) ..
عايني للبلد بعينيك الاتنين ..
أحلى شيء نعاين للبلد ( كلاتها ) زي ما بقولوا قرايبك المصريين ..
ناضلي لأجل الشعب السوداني من نمولي لحلفا و من نيالا لكسلا ..
ليس للمراة السمع و الطاعة .. بل من حقها ان تفكر و تبتكر و تبدع و تشارك في البناء الوطني .
و بعدين يا تراجي يا بتي خلي ( الشلاقة ) الكتيرة .. ترا انت شليييييييقة ..
و ما تسمعي كلام الشباب : يا مناضلة .. يا جسورة .. يا حلوة .. يا ما تعرف ايه ..
ديل بحفروا ليك .. تعرفي الحفر ؟؟؟؟
و لما تقعي حيشمتوا عليك يا بتي ..
انا بوصيك ..
ما بتفق معاك .. لكن قولي اي شيء .. من حقك ابداء الرأي ..
انا عارف أرائك متخلفة .. لكن ماملين فيك تنصلحي في في يوم و تبقي مناضلة و جسورة بجد .
عارفك تركية و قلبك مع استنبول _ الاستانة _ و محمد علي باشا و نجدت سيزار و الجماعة ..
و كمال اتاتورك ..
لكن بلدنا اكلتك و شحمتك و ودتك كندا الما هنا ..و الما هينة ..
أديها شوية من زمنك و عنفوان نضالك ..
تسلمي ..
تحياتي ..
|
Post: #10
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: عبداللطيف خليل محمد على
Date: 06-01-2006, 12:58 PM
Parent: #7
|
Post: #16
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: Bakhaf
Date: 06-01-2006, 01:48 PM
Parent: #10
| Quote: وانت الحاميك تفكها في روحك شنو؟؟؟؟؟؟ |
غايتو لو مقصود انا بالكلام ده
فالاجابة هي :
بخاااااااااااااااف
|
Post: #17
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: AMNA MUKHTAR
Date: 06-01-2006, 02:57 PM
Parent: #1
وانا غايتو الكنت قايلة نفسى ما بخاف الا من الخلقنى...
بعد الشفتو ده ...بصرخ بعلو صوتى وبقول بخااااااااف
ما من الكيزان ..والانقاذيين
فديل اتضح ان التعامل معاهم سهل جدا..
ولكن صرت مرعوبة من أصحاب المواقف الغرضية المجهولة
والأحقاد المجهولة..حمانا الله من شرهم
أناس تعتقد أنهم فى نفس معسكرك
وتعتقد أنهم يعرفونك حقا كما أنت ويعرفون دوافعك
وتعتقد انك تعرفهم ..وتثق فى دوافعهم
وفى لحظة ...
تجد من هم معك - ضدك ..ويطعنونك من الخلف
بكل لؤم وغدر ..
حتى تصاب بحالة طمام جسدى وذهنى ونفسى
وتصل الى نفس الحالة التى وصل اليها زميلنا
الفاضل فى هذا المنبر العجيب لؤى عندما صرخ
قائلا ( انا ما راجل )
فتجد كيانك كله يصرخ ( انا ما سودانى )
تراجى لسان حالك الان يقول ( من منكم يريد ان يضح
حجرا على قبر الشهيدة )....
لك الله يا أختاه
وابشرى بطول سلامة يا انقاذ..
طالما هذا حال معارضيك .
كم هذ مقرف ...!!
.
|
Post: #18
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: ابوالقاسم ابراهيم الحاج
Date: 06-01-2006, 05:03 PM
Parent: #1
العزيزة تراجي مودتى
اذا كنت على قناعة تامة بما تقومين به من عمل اتجاه شعبك ومجتمعك فواصلي في عملك ولا تلتفتى
فالكفاح دربه طويل من اراد اللحاق بالركب فالطريق امامه ومن لم يشاء فهذا شانه
اختى اخشي عليكي كثبرا
فكل عين يمكن ان تحسد ماعد التى تقول ماشاء الله
حفظك الله ومتعك بالصحة
ابوالقاسم
|
Post: #19
Title: Re: قالوا لها لماذا انت طويله؟؟...فردت عليهم بل لماذا انتم اقزام!!!!!
Author: AMNA MUKHTAR
Date: 06-01-2006, 05:28 PM
Parent: #1
ابو القاسم أخوى..
فعلا حقيقى صرنا نخشى على تراجى
فالصراعات تعدت مرحلة الفجور فى الخصومة
الى ماهو أخطر...
شئ مخيف أن يتم التبليغ عنها والادعاء بانها
تعذب أطفالها ...
اذا وصلت الأحقاد الى مرحلة محاولة حرمانها
من أطفالها , فماذا يتبقى بعد هذا .
|
|