استهبال محجوب شريف!!!!!

يعنى شاعر الشعب (عياهو) شنو غير (مناتلة) الظلاميين واصحابين (الأحذية والأدمغة الثقيلة)!!!!!! والعيون الوقحة التى لا (ترف) حينما ( تبجل) وتتمسح بشاعر الشعب اعلاميا وهى فى الحقيقة تخبىء السم وبين طيات الملابس (خناجر) مسمومة لأستخدامها فى اول سانحة,,,
بالله تمعن تلك ألآسماء من زبانية النظام وحملة المباخر وهى تتمنى الشفاء العاجل للشاعر الشفيف وتدبج الكلام المعسول وتنسى ان للناس ذاكرة وانهم يتذكرون (تهليلاتهم) لكل شىء اوجع الشعب وصادر خياره فى الديمقراطية والحرية,,,
اصلا انت كيف ممكن ( تقنعنى) بانك ( بتستسيغ) كلام محجوب شريف وانت (دموى) وطفيلى وراسك مليان( هوس) من كل شكل وشايف الدنيا (بالمشقلب) ..
انك لايمكن وان تكون الشىء وضده فى آن واحد!!!!ولايمكن وان (تتاجروا) حتى بشاعر الشعب بعد ان (تاجرتم) بدمائة واشلاء (طلائعه)!!!!
لايمكن وان يكون خيارك الديمقراطية وان تمد حبل الود للشموليين واهل الآنقاذ؟؟؟
ولايمكن كذلك ان (تبيض) وجه الانقاذ فى سلوك عنصر او تمجيد شىء تعتبره انجاز !!!
فالحكمة الأبدية تقول (مابنى على باطل فهو باطل),,,,,
اتركوا شاعر الشعب ( فتهليلكم) سياتية (بالنقمة) لا محال ,,,,
ترجع بالسلامة يا صاحب القلب الأبيض واليد النظيفة واللغة الحصيفة والتعبير القوى والصور الملهمة والشعر ( للقضية ),, قضية الشعب السودانى العظيم,,,

سلام .. واللهي لو جرايد الانقاذ هللت للشريف يكون يا ما فاهين الحاصل شنو او نايمينلهم فوق راي ..
ربك يستر ..
تسلم

بالمناسبة كلمة استهبال دي عاملة نشاذ مع الاسم الجنبها..

حبيبنا كوفى
تقريبا انا معاك . وانت فاهم وانا فاهم واختلاف الراى لا يقسد للود قضية.
مع تحياتى

اخى متوكل
اكيد انت خبير بالاعيب الكيزان ,,,والقصة ماشة وحتشوف بلاوى,,,
اكيد انت ومن يقرا لى لا يفوته مباشرة عنوان الموضوع ومافى طريقه غير كدى ومحجوب اسم محجوب موش؟

اخى قلقو

الموضوع من وحى المنبر العام والصحف السيارة واعلام الدوله ونحن على اتفاق فى الفكره وهذا هو الأهم
ولك تقديرى الخاص

**********
ل .... فوق ...
طوبة .....
حنبنية البنحلم بيهو ...





**********