Post: #1
Title: ما غريبة يا صلاح غريبة ز أشباهه...حجة الوداع ما بين طلائع مايو و عفن الإنقاذ
Author: Murtada Gafar
Date: 05-27-2006, 04:49 AM
كتب المدعو صلاح غريبة بلا خجلة ممتهنا كرامة الشعب السوداني و كل أسر الشهداء الشرفاء الذين سالت دمائهم الطاهرة الذكية خلال حكم الدكتاتور المخبول جعفر نميري، كتب ما يلي:
هذا هو جعفر نميري المواطن البسيط الذي يحب وطنه ... جعفر...قياً طوال فترة حكمه
بنقول ما غريبة يا غريبة
لي عودة أكيدة له و لأشباهه أمثال الإنصرافي حسين ملاسي و الأمنجي محمد حامد جمعة
مرتضى جعفر
|
Post: #2
Title: Re: ما غريبة يا صلاح غريبة ز أشباهه...حجة الوداع ما بين طلائع مايو و عفن الإنقاذ
Author: محمد الامين احمد
Date: 05-27-2006, 05:10 AM
Parent: #1
تحية طيبة للجميع
السيد مرتضى جعفر
ارحمونا من الجعجعة الفاضية دى، السيد غريبة كتب العندو
و كذلك كل من السادة حسين ملاسي و محمد حامد جمعة
عندك توثيق لجرائم النميرى اكتبها عشان نعرفها و يكون نقاش
موضوعى بدلا من تراشق الالقاب و ترديد الهتافات
و بعدين الرئيس الاسبق جعفر النميرى قاعد فى السودان ما سمعنا
انو فى حزب او فرد رفع عليهو دعوة
و ده موقع محكمة العدل الدولية للما عارفو
http://www.icj-cij.org
|
Post: #3
Title: Re: ما غريبة يا صلاح غريبة ز أشباهه...حجة الوداع ما بين طلائع مايو و عفن الإنقاذ
Author: حامد بدوي بشير
Date: 05-27-2006, 05:43 AM
Parent: #1
الأستاذ محمد الأمين أحمد،
صحي الإختشو ماتوا.
دا سؤال يا راجل؟ بتسأل من جرايم الدكتاتور؟؟ إت كنت عايش وين؟؟؟
الإنقلاب والتمرد على الشرعية مش كفاية؟
بيع قبيلة الفلاشا لإسرائيل وقبض التمن، مش كفاية؟
قتل المفكر محمود محمد طه، مش كفاية؟
تدمير إقتصاد البلاد إلى حد المجاعة، مش كفاية؟
|
Post: #4
Title: Re: ما غريبة يا صلاح غريبة ز أشباهه...حجة الوداع ما بين طلائع مايو و عفن الإنقاذ
Author: محمد الامين احمد
Date: 05-27-2006, 05:55 AM
Parent: #1
الاستاذ حامد بدوي بشير
اظن من حقى اعرف تفاصيل الـhead lines دى مش كده
صدق او لا تصدق فانا لا اعلمها!
فممكن تتفضل و تدينا التفاصيل لنكون رآى واضح .
سؤال برة الموضوع
ما هى قصة هذا المثل
و شكرا
|
|