ياناس بقال ده يختلف عن بقال النت

تحدثت اليه اكثر من ساعة , يختلف في تماما عن بقال المنابر الاسفيرية,والله الراجل فاهم وطرحو طرح قومي , حتي حديثة عن حركات دارفور يختلف تماما عن مانقراء له , وهو رجل هادئ شديد
سوف اقدم ليكم حديثة في محاضرة ليلة امس في المرة القادمة


يالعندليب

مفروض تغير اسمك للغراب , لانك ماكتبته عن بقال ودهشته من المانيا كلام فارغ الزول طابق هدومو وراجع السودان ما عندو قعدة في المانيا, معظم الذين اوفدتهم الدولة لم يرجعوا مش , بقال

اللجؤ السياسي حق مشروع لكل انسان مطارد في بلدو , واكثر السودانيين طلبا للجؤ السياسي هم الكيزان ومناصري النظام في السودان,

واواصل

كلهم كدا..

قبل كدا قلنا كدا عن تراجى الناس ما صدقونا


مشاكل البورد دى خليناها عشان الحكاية دى ..

الناس بتختلف..عن المطروح هنا دة ..

وما فى زول يستاهل المنابيذ دى كلها ..

الا اللئيم اللئيم.

سيف مساعد

بما ان الكلام جاب الكلام
فان الحكاية اصل وصلة ..
بصراحة شديده لم تكن انت من الذين تستهويني ملامسة حروفهم اذا ماسنحت لي عيوني
صدفة ان اتواجد هاهنا .. لله في لله .. وربما لبداياتك ..
كثيرا ما كنت الوم نفسي على هذه العادة الشريرة " الانطباعية المستعجلة" ..
وفعلت ذلك معك ومع كثيرين في هذا العالم الساييبري ..
الا ان ..
تحدث صديق لي خارج هذا العالم ، لم اكن اتوقع انه يملك هذه العادة الشريرة
عادة متواقة البورد من حين اذ توفر ..
وسألني عن احوال البورد ..
وكونك خارج هذه التشكيلة وخارج عن البال كله
لم اكن اتوقع ان اسمك سيرد لا احد غيره ...
اسمك انت فقط ..
ربما لانك كنت مريض ..
ولكن ليس لهذا الامر علاقة
فالرجل .. سالني بالله كيف سيف مساعد انشاء الله بلغ العافية
وخدش حضوري كامل اندهاشي
__ سيف مساعد ؟؟؟؟
_ ايوه ياخي سيف مساعد
_ سيف مساعد ؟؟ بتاع المنبر
_ ايوه ياخي سيف مساعد ليه مستغرب
_ عليك الله في حد عاقل يقرا لسيف مساعد وبعدين كمان يسال عنو؟
_ ياخي والله الزول دا مكيفني شديد
_ والله فعلا كل فوله وليها كيال
ذلك ما قلته تماما ولست ادري ان كان هذا القول مناسبا لمثل تلك الحالات ام لا
المهم قلت ذلك ..

وانا الان ملزم بان اوصل اليك امانة ذلك الصديق ان تقبل سلامه وتهانيه الحاره بان سلمك الله وعافاك .

هذا ما كنت عليه ..
وبعيدا من كل ذلك ما انتهيت عليه ..
ان لا تخدعنك اقوال المنابر يافتي ..

فتقبل سلامي انا ايضا
وتحياتي الحارة الى بقــال

شرير والبرتفالة

اولا شكرا ليك يا اخوي , وانا لا صحفي ولا اديب ولا ولا

في ناس بتكره شعر المتنبي وتمجد نزار قباني

وفي ناس بتمجد روايات الطيب صالح وبتكره روايات احسان عبد القدوس

ولايهمك يا اخوي

وشكرا ليك ولي صاحبك بلغو تحياتي وشكري الجزيل ليهو بشان سعال عني

طماطم

كلامك والله صاح ,تحدثت اليه وسمعت حواره مع الاخرين , الرجل حبوب وبقول المشكلة الحالية مشكلة كل السودان ليست دارفور وحدها التي تعاني , وسالناه عن العدل والمساواة وعلاقتها بالجبهة المؤتمر الشعبي اجاب بكل وضوح واترك له الامر عشان يعمل بوست توضيحي بعد عودته

الي المنبر

الاستاذ/ سيف مساعد

لك التحية والتقدير ,, الاخ بقال رغم استهدافه وملاحقته داخلياً في الخرطوم
ومحاولات استهدافه هنا في المنبر الا انه استطاع ان يشق طريقه دون ان يلتفت
لهؤلاء فالتحية للاخ ابراهيم بقال سر وعين الله ترعاك لا تلتفت للوراء
الاستهداف لشخصك ومحاولات النيل منك دلاله علي انك تسير في الطريق الصحيح

العزيز سيف
التحايا الكبار

لي قناعة تامة انه تربة هذا الوطن تمدنا بنوع من الحب لم اجد لها تفسيرا
ليست لي معرفة بالرجل لكن الاكيد انه نهل من نفس التربة ويحمل نفس جينات الحب
مهما كانت اختلافاتنا الا اننا نحمل هذا الحب في دواخلنا
وما هذا البوست الا جينة من جينات هذا الحب

التحية لكما

Quote: واكثر السودانيين طلبا للجؤ السياسي هم الكيزان ومناصري النظام في السودان,

الأخ العزيز سيف كيف حالك..

ما قلت الا الصدق .. الكثير من الكيزان هنا وفى كل مكان

سافروا عن طريق اللجوء السياسى والان هم مجاهدوا كيبورد

ومجاهدوا منافى لا يشق لهم غبار ويعيبون على الناس ما يحلونه

لأنفسهم ..هكذا الكيزان فى كل زمان ومكان ..

بقال شاب صنديد وشجاع ومثال مشرق لشباب السودان الجديد

رغم أنف الساخرين والمهرجين .

الاخ/ سيف مساعد وبقية الاخوة الشرفاء

السلام عليكم ورحمة الله شكراً جزيلاً لكم علي هذه الكلمات الطيبات
وانتم ايضاً تستحقون ذلك وتستحقون كل الود والتقدير والاحترام
علي مواقفكم النبيلة والمشرفة تجاه الوطن عامة ,
الشكر لكم مجدداً
وصلت الخرطوم بسلام مساء الامس سيف مساعد بلغ سلامي وتحياتي الاخوة هناك