بدون رسائل.. سيف الدين الدسوقي .. احمد الجابري

الرائع
سيف الدين الدسوقي
والفنان
احمد الجابري
اهداء
لكل الوان الطيف
مني
عمران بدري
وخميسكم .....زيييييييييييييييييييييييييييييين

الرسائل

مافي حتي رسالة واحدة
بيها نصبر شوية
والوعد بيناتنا
انك كل يوم تكتب الي
لما اخر مرة شفتك
قبل ما اودع اسافر
كنت حاسس اني خائف
اني متردد وحائر
دايلا اصبر امامك
داير اضحك وماني قادر
بس دموعك لما فاضت
ضيعت صبري الشوية
انا صحت موعدنا
الرسائل
وين رسايلك وين كتاباتك
الي
صرت بعدك يا حبيب
زرة في بحر الزمن
بعت للالام مواهبي
بعتها بارخص تمن
دي وحشة مابتعرف رسائل
وغربة عن ارض الوطن
بس امل واحد بعيشو
لو رسالة تصل الي
بيها اطمن عليكم
بس حرام تبخل علي

العزيز عمران
التحايا الكبار

هناك ابيات سقطت منك سهوا
والقصيدة حسب سيف الدين الدسوقي كالآتي:


مافي حتي رسالة واحدة
بيها اتصبر شوية
والوعد بيناتنا
انك كل يوم تكتب الي
هل يجوز والغربة حارة
وبالخطاب تبخل علي
لما اخر مرة شفتك
قبل ما اودع اغادر
كنت حاسس اني خائف
اني متردد وحائر
داير اتصبر امامك
داير اضحك وماني قادر
بس دموعك لما فاضت
ضيعت صبري الشوية
وصحت موعدنا
الرسائل
وين رسايلك وين خطاباتك
الي
صرت بعدك يا حبيب
ذرة في بحر الزمن
بعت للالام مواهبي
بعتها بابخس تمن
وحشة مابتعرف رسائل
وغربة عن ارض الوطن
بس امل واحد بعيشو
لو رسالة تصل الي
بيها اطمن عليكم وتنقذ الموقف شوية
من خطابي اظن عرفت ايه مكانتك في فؤادي
انت يا فجر المحبة تستحق شوقي وسهادي
بس حرام تبخل علي
وتنسى ما ترسل هدية
حتى لو كلمة احبك
في خطاب مسرع الي

العزيز
الرائع
طارق جبريل
لك التحية والمودة واشكرك للتعديل
وحيث انني اثناء رجوعي من عملي كنت استمع لعمار السنوسي
وكان بيغني في هذة القصيدة الجميلة
احسست بالغربة فعلا وتوجهت مباشرة قبل
ان اغير ملابسي وكتبت ماسمعت
ولك حبي وتقديري
وامل من جميع الاخوة بسودانيزاولاين
تصحيح اي معلومة اوخطا ورد مني او قد يرد مستقبلا
ولك التحية طارق
عمران بدري