Post: #1
Title: مــــــــــــايو حبيب
Author: زول ساكت
Date: 05-22-2006, 05:16 AM
والله ياحليلك ياابعاج أخوي من الهيصه النحنا فوقا دي
|
Post: #2
Title: Re: مــــــــــــايو حبيب
Author: زول ساكت
Date: 05-22-2006, 05:19 AM
Parent: #1
ياجماعه مافي حد يتجود علينا
بي نشيد من اناشيد السدنه ديل
نحنا بي اعوج بي عديل ربينا في مايو
وقرتنا مايو ملح ساي
|
Post: #3
Title: Re: مــــــــــــايو حبيب
Author: الحارث سرالختم عبد الله
Date: 05-23-2006, 00:42 AM
Parent: #2
الأخ الزول الماساهل كما يحلو لأخونا ابوالسيد ان يدعوك اليك هذة :
نقوله من الضمير والفم
نقوله نشيد نقوله نغم نقوله نعم
عشان اولادنا تتعلم
هكذا كان شعار مايو الكلنا اتعلمنا فيها ملح ساكت
والله ماكنا قايلين الملايين دى حاندفعه لى اولادنا فى يوم من الأيام
لكن لازال الأمل موجود بأن القابضين على الجمر يستشعرون الخطر وآمل العمل على
اصلاحه من الجذور والله المستعان .
|
Post: #4
Title: Re: مــــــــــــايو حبيب
Author: فيصل محمد خليل
Date: 05-23-2006, 01:04 AM
Parent: #3
السلام عليكم
اخوتي الكرام شعبا باكملة طرد نظام مايو
احترموا ارادة هذا الشعب
مع تحياتي
فيصل محمد خليل
|
Post: #5
Title: Re: مــــــــــــايو حبيب
Author: زول ساكت
Date: 05-23-2006, 02:11 AM
Parent: #4
Quote: السلام عليكم
اخوتي الكرام شعبا باكملة طرد نظام مايو
احترموا ارادة هذا الشعب
مع تحياتي
فيصل محمد خليل |
الاخ فيصل تحيه ماكنه قدر الليله وباكر
والشعب فوق راسنا لكن لو مشيت البلد اليوم ستجد الكثير من هذا الشعب
يتأسف على ذهاب مايو
وعلى كل حال
الشعب السوداني دا صعب انك تقول عندو توجه معين
ماشفت استقبالات ابعاج لمن رجع
كانت اكبر من استقبالات ناس التجمع
ومهما يكن لم يمكن لجيلنا ان يشطب مايو من ذاكرته او التاريخ
ولي سؤال
هل الشعب الذي لم يعطي سوى دائرتين للشيوعيين في الديمقراطيه الاخير
ولم يعطي اي من احزاب الفكه التي تملاء اذاننا ضجيجاً اي مقعد
رافض لهذه الاحزاب وعلى منسوبيها الصمت
ولاتنسى ان الشعب هتف سابقاً
ضيعناك وضعنا معاك ياعبود
وايام الديمقراضيه
هتف الشعب
السكر ولا العسكر
وللمعلوميه على الحرام انا ماني مايوي
واسفي للأخ الحارس للتجاوز وسأعود له
|
Post: #6
Title: Re: مــــــــــــايو حبيب
Author: الحارث سرالختم عبد الله
Date: 05-23-2006, 03:57 AM
Parent: #5
الأخ الزول الماساهل وين التجاوز وماهو الفرق بين المايوى والغير مايوى
ووينه مايو الآن ؟ انت قلت عايز نشيد اديناك النشيد وتحدثنا عن جزئية
اختلفت الآن وهى التعليم الكان مجانى ايام مايو والملايين التى تدفع الآن
وقلنا هناك فرق بين تعليمنا وتعليم اولادنا ينط ليك واحد يقول احترموا ارادة الشعب
الشعب اللى انت بتتكلم عنه دة انا واحد منووللعلم انامن آواخر الذين غادروا لبلاد المهجروللعلم مايو للآن موجودة وبى رئيسه كمان وعضو فاعل كمان اها رايكم شنو ؟
والتحيه واقراوا مابين السطور تفهموا ومش كل مايقال يفسر على كيفكم .
فيااخى لا تأسف فلن تجد منا الا مايسرك والسيرة بفضل الله حسنه وليس فيها مايخفى والتحيه.
|
Post: #7
Title: Re: مــــــــــــايو حبيب
Author: زول ساكت
Date: 05-23-2006, 04:19 AM
Parent: #6
حبيبنا الحارث
كل القصه اني تجاوزت بالرد كان من المفروض ان اشكر مداخلتك قبل ردي
على الاخ فيصل
لاتفهمونا غلط
ياشريك
|
Post: #8
Title: Re: مــــــــــــايو حبيب
Author: الحارث سرالختم عبد الله
Date: 05-23-2006, 05:26 AM
Parent: #7
اخى العزيز الماساهل مستحيل ان افهمك غلط واسف انا للرد المتسرع
ولكن انت تعلم اخى انى اناى دائما بنفسى عن الخوض فى مايثار هذة
الأيام ويعلم الله انى تداخلت بعد ان عرفت انك صاحب البوست وكنت مازحا
اكثر من ان اكون جادا لأن البوست اصلا كان خفيفا ومازحا فتداخلت من هذا
المنطلق ولكن ردى الثانى لم يكن مسئولا بل كان متسرعا فلك العتبى حتى ترضى
ومابيننا اكبر من ذلك وانت ادرى فمعذرة ثم معذرة فلازلت عندى الزول الماساهل ,
ومعذرة للأخ فيصل ايضا ولعله فهم مغزى المداخلة وله ولك التحيه وواصلوا .
|
Post: #9
Title: Re: مــــــــــــايو حبيب
Author: زول ساكت
Date: 05-24-2006, 00:03 AM
Parent: #8
| Quote: اخى العزيز الماساهل مستحيل ان افهمك غلط واسف انا للرد المتسرع |
ياحارثنا وفارسنا يابيتنا ومدارسنا الخاصه زاتو ياخ
ولايهمك وامسحا لي في وشي دا
ياشريك همي
|
Post: #10
Title: Re: مــــــــــــايو حبيب
Author: الحارث سرالختم عبد الله
Date: 05-24-2006, 01:00 AM
Parent: #9
الماساهل والله ريحتنى الله يريحك وهاك اها نشيد تانى
ياحارسنا وفارسنا يابيتنا ومدارسنا
كنا زمن بنفتش ليك وجيتنا الليله كايسنا ياحارسنا
وللأمانه الأناشيد التى تم حفظها ايام حقبة مايو كتيرة ولك الود .
|
|