Post: #1
Title: مدرسة المشاغبين ..
Author: عمر الفاروق
Date: 05-20-2006, 11:48 AM
Parent: #0
طبعاً مدرستنا مختلطة ..
وده كلللللو عشان دكين يجي يسجل معانا ..
|
Post: #2
Title: Re: مدرسة المشاغبين ..
Author: اساسي
Date: 05-20-2006, 11:53 AM
Parent: #1
دكين الايام دي الا تشرك ليهو بي برتكانة ان شاء الله حامضة 
|
Post: #3
Title: Re: مدرسة المشاغبين ..
Author: نادية عثمان
Date: 05-20-2006, 11:57 AM
Parent: #1
وبكرى الناظر حايجلدكم فى طابور الخور زى الترتيب !!!
|
Post: #4
Title: Re: مدرسة المشاغبين ..
Author: عمر الفاروق
Date: 05-20-2006, 12:03 PM
Parent: #1
ناس كنبة ورا ..
ناذر واساسي ودكين ونوبي وبدر الدين شنا والملا عمر وصديق الموج وحميدة وتمبس..
وكنبة ورا حقت الجكس فيها عجاج ونادية والحنكوشة تراجي وامنة مختار
|
Post: #5
Title: Re: مدرسة المشاغبين ..
Author: عاصم ابوبكر حامد
Date: 05-20-2006, 12:07 PM
Parent: #1
وانا هنا امثل شنو
مشاغبين على منو يا ود الفاروق
والله لو جيتكم بسوط الجمل داك الا ابقى ريحتكم طير طير
اسمعنى يعنى الواحد شرط يكون فى المدرسة بعداك يقوم يجلدكم ولا شنو ...
تسلموا يا شباب
|
Post: #6
Title: Re: مدرسة المشاغبين ..
Author: عمر الفاروق
Date: 05-20-2006, 12:11 PM
Parent: #1
الكنبة الأولى حقت الشطار فيها ناس احمد الريح ومعتز تورتسكي (صاحب الأساتذة) وابو جهينة وود العقيد ومحمد سليمان وكمال عباس وود الباوقة اما كنبة اخوات نسيبة * ففيها نهال كرار وبت الاحفاد طبعاً جماعتنا ديلك ما عندهم جكس شاااااطر كلللللللللللهم في كنبة ورا
تخريمة :
* تم تحويل كلمة كنبة الجكس إلى كنبة اخوات نسيبة بعد ما لقينا فيها بت الأحفاد وهذا ما لزم تعديله ..
|
Post: #7
Title: Re: مدرسة المشاغبين ..
Author: عمر الفاروق
Date: 05-20-2006, 12:25 PM
Parent: #1
يا سباب بكرة الطابور الساعة 7 ونص صباحاً واي زول يجي حاشي الساندويتش بتاعو ولازم تكونوا قاصين اظافركم وماف زول يجينا بي سفنجة يعني يا اساسي ما تجيني لافي كراعك وتقول لي انا مضروب اما بالنسبة للجكس فممنوع إستخدام المكياج
|
Post: #9
Title: Re: مدرسة المشاغبين ..
Author: tmbis
Date: 05-20-2006, 01:00 PM
Parent: #8
Quote: ناس كنبة ورا ..
ناذر واساسي ودكين ونوبي وبدر الدين شنا والملا عمر وصديق الموج وحميدة وتمبس..
وكنبة ورا حقت الجكس فيها عجاج ونادية والحنكوشة تراجي وامنة مختار |
..
الزول دهـ .. قومو من جمبي ، قاعد يعلم فيني ( دككــان الحصص )
|
Post: #11
Title: Re: مدرسة المشاغبين ..
Author: معتز تروتسكى
Date: 05-20-2006, 01:10 PM
Parent: #9
وحاتك عمر قايتو نحن بنجى حاشين لكن ناس ناذر ديل بشيلو ساندوتشاتنا..
قلت اكلم ليهو استاذ عبدالله ؛بقى يستنانى اخر البيوت. .
بعدين نحن عايزن الفصل مختلط ..
الصف الاول
بقال – واساسى – وحميده –وتونه-ونهال- وايزبيلا- والوالي –ود المايقوما-معتصم- نجود- فايت-بوب
الصف الثانى يكون فيه..
دكين – القلب النابض- تبلدينا-ناذر-امنه مختار –تمبس-هشام-ودعكر-نوبى-عاصم-عبدالرحمن عزاز وعبير-نميرى-عمر الفاروق
التالت..
ود العمده-بت الاحفاد-دينق-نادية- فرانكلى-جنى –بيان-دومه- نادية-تراجي.
دى رصه فى الضمنه ماحصلت ؛اها شوفو لى محله انا جيت طالب جديد. .
قايتو ده تصور سريع بدون حصر وقد يكون قابل للتعديل ..
اذا انتو شافين فى ناس كبار فوق السن القانونيه ممكن تطردوهم
ووحددو لينا المدير والاستاذه والمواد عشان نقدر نعرف..
|
Post: #34
Title: Re: مدرسة المشاغبين ..
Author: Tabaldina
Date: 05-21-2006, 06:31 AM
Parent: #11
..
.
Quote: الصف الثانى يكون فيه..
دكين – القلب النابض- تبلدينا-ناذر-امنه مختار –تمبس-هشام-ودعكر-نوبى-عاصم-عبدالرحمن عزاز وعبير-نميرى-عمر الفاروق |
ممكن اربت فى سنه اولى واخد معاى امنه مختار 
عزو وعبير خليهم فى ركن الفصل.
قرقرقرقر..
| Quote: دى رصه فى الضمنه ماحصلت ؛اها شوفو لى محله انا جيت طالب جديد |
الصف الأول كيف معاكــ 
| Quote: ود العمده-بت الاحفاد-دينق-نادية- فرانكلى-جنى –بيان-دومه- نادية-تراجي. |
دى الرصه ..دا فصل داير ليهو مدير صعب خلااص
سلام
|
Post: #52
Title: Re: مدرسة المشاغبين ..
Author: Soumeta
Date: 05-21-2006, 09:02 AM
Parent: #11
عزوز،،
زعلانين جنس زعلة،،
و كان ادوني مرادي اسع بندورها ليهم شكلة هنا ده،،
يا شريييير،، 
|
Post: #10
Title: Re: مدرسة المشاغبين ..
Author: Soumeta
Date: 05-20-2006, 01:06 PM
Parent: #1
مستمعة منقولة،،
تلزموني ياتو كنبة؟
|
Post: #12
Title: عش الطير
Author: tmbis
Date: 05-20-2006, 01:17 PM
Parent: #10
عمر عن أذنك .. عندي كلام سر مع سوميتا.. بنجي راجعين درس العصر بعدين
يا سمسم..
عندي ود اختي صغير ..
أول السنة من النقل من ( تالتة لي رابعة ) ) طبعا بيودوهم فصل تاني
عنقد وقال ما ماشي رابعة... عايز يقعد قبلو في تالتة..
لما سألو المبررات شنو؟؟
قال:
فصل سنة رابعة ما فيهو ( عش طير ) ..
جبتي معاك ( عصافير يا سمسم ) والا جايه ساكت
|
Post: #13
Title: Re: عش الطير
Author: عاصم ابوبكر حامد
Date: 05-20-2006, 01:25 PM
Parent: #12
سلامات يا تمبس
قلت
| Quote: فصل سنة رابعة ما فيهو ( عش طير ) |
يا يا اخوى مبارى عشش الطير كدة مالك كويس
اسمعنى تعالى اقعد جمبى على شان ما اعلمك الدكوك ...
نشوفك بخير انشاء الله
|
Post: #45
Title: Re: عش الطير
Author: tmbis
Date: 05-21-2006, 08:03 AM
Parent: #13
| Quote: اسمعنى تعالى اقعد جمبى على شان ما اعلمك الدكوك ... |
عاصـــم..
لكن كان قعدت جمبك .. عمر بشاكلني  ..
طوالي قاعد يقول لي ما تقعد جمب الناس الاكبر منك
|
Post: #67
Title: Re: عش الطير
Author: عاصم ابوبكر حامد
Date: 05-21-2006, 02:43 PM
Parent: #45
تمبـــــــــــــــــــــــــس
شخصيا معانا
حمدلله على سلامتك يا مان
Quote: عاصـــم..
لكن كان قعدت جمبك .. عمر بشاكلني ..
|
دى بالغت فيها شديد جدا جدا
اسمعنى يعنى انزل صورتى ولا شنو
اما قصة عمر والشكل خلى لى انا بكلم ليه واحد صاحبنا فى الخرطوم
سايق دفع رباعى بادبه ويديده فى راسه ....
او بكلم ليه واحد عمنا اسمه ود الشيخ قاعد فى الامارات داك كبيرنا
واكيد الحل بيكونوا عندوا ...
Quote: طوالي قاعد يقول لي ما تقعد جمب الناس الاكبر منك
|
افهم من كدة تانى ما اتكلم معاك ولا شنو ..
خلاص شوفوا لى زول قدرى يكون معاى ...
|
Post: #14
Title: Re: مدرسة المشاغبين ..
Author: Soumeta
Date: 05-20-2006, 02:05 PM
Parent: #1
و بعد إذنك يا عمر،،
بنجي الدرس بس بعد عشرة دقايق من بدايتو،،
ياخ تنبس ده كل ما يوم عندو غشوة،،
ولو إني لسع ما معتمدة،،
تننننننننننبس،،
و ود اختك مشي إستكشف،،
عليك الله شفع الزمن ده ما صعبين،،
شاف الفصل قبل اي شي و كمان حدد موقفو،،
معذور ما داير يأمن مستقبلو كمان،،
الايام دي كان شفتني عندي غرام مع اعشاش الطيور،،
روحي و نفسي اشوف لي عصفورين في عُش،،
دي حالة دي!
|
Post: #47
Title: Re: مدرسة المشاغبين ..
Author: tmbis
Date: 05-21-2006, 08:16 AM
Parent: #14
Quote: و ود اختك مشي إستكشف،،
عليك الله شفع الزمن ده ما صعبين،،
شاف الفصل قبل اي شي و كمان حدد موقفو،،
معذور ما داير يأمن مستقبلو كمان،، |
..
..
يأمن مستقبلو شنو يا سمسم؟؟
ياخي ده ولد كارثــة.. من ما هو صغير.. حسع كبر شوية طبعا
بعدين عندو حركة تانية:
بيحب ( يبلع ) أي نوع من الحبوب .. بمووووت فيها موت..
يوم لقى ليهو ( تحاميل )
قام خش فيها شمال طوالي ..
لحقتو مع آخر ( تحميله ) موديها علي ( خشمو )
قعدت اقابض فيهو ..
قلت ليهو:
( يازفت ) عارف دي حقت شنو؟؟
قال لي:
المهم بتلقى ليها حاجة تعالجه
يلالا ورحكي نوصلك
|
Post: #51
Title: Re: مدرسة المشاغبين ..
Author: Soumeta
Date: 05-21-2006, 09:00 AM
Parent: #47
يسعد صباح حلـــــتك يا تنبس،،
ياخ ده كاااااااااارثة كبيرة عديل،،
برررضو بأمن،،
لكن تأمين قدر ده ما مرّ علي،،
بعدين الود خاااال،،
ورحكاك،،
|
Post: #15
Title: Re: مدرسة المشاغبين ..
Author: DKEEN
Date: 05-20-2006, 02:35 PM
Parent: #1
| Quote: ناذر واساسي ودكين ونوبي وبدر الدين شنا والملا عمر وصديق الموج وحميدة وتمبس |
يا عمر
كلم صحبك الما بغباك انو مايجي كنبتنا دي شاكي ..
وقد اعظر من انذر.
|
Post: #16
Title: Re: مدرسة المشاغبين ..
Author: الخير محمد عوض
Date: 05-20-2006, 02:46 PM
Parent: #15
| Quote: دكين الايام دي الا تشرك ليهو بي برتكانة ان شاء الله حامضة |
او في الحـدود الالمانية الهولندية
عمـر اعمل اي حاجة بس ما تختني مع ملاسـي في كنبة واحـدة
شـفّـاف خلاس.
ودي ومحبتي.
|
Post: #17
Title: Re: مدرسة المشاغبين ..
Author: DKEEN
Date: 05-20-2006, 04:15 PM
Parent: #1
| Quote: وكنبة ورا حقت الجكس فيها عجاج ونادية والحنكوشة تراجي وامنة مختار |
عند نهاية درس العصر انا بوصل عجاج ونادية وامنة مختار بيوتم..
ام ضراع دي خليها توصل الشباب لي بيوتم ..
بعيد عنكم قالو في رباطة
ليس ثمة ماهو احسن من ام ضراع لمواجهة الدواس..
|
Post: #18
Title: Re: مدرسة المشاغبين ..
Author: Hussein Mallasi
Date: 05-20-2006, 06:35 PM
Parent: #17
| Quote: الايام دي كان شفتني عندي غرام مع اعشاش الطيور،، |
|
Post: #19
Title: Re: مدرسة المشاغبين ..
Author: Hussein Mallasi
Date: 05-20-2006, 06:38 PM
Parent: #18
| Quote: روحي و نفسي اشوف لي عصفورين في عُش، |
السخانة في الخرطوم الايام دي
لا تسمح بالتواجد داخل الاعشاش يا سوميتا!
|
Post: #20
Title: Re: مدرسة المشاغبين ..
Author: Hussein Mallasi
Date: 05-20-2006, 06:42 PM
Parent: #19
مدرستكم دي يا عمر مدرسة مشاغبين و للا مدرسة محو أمية*؟
_____
*أبجدية و سياسية!!
|
Post: #50
Title: Re: مدرسة المشاغبين ..
Author: Soumeta
Date: 05-21-2006, 08:52 AM
Parent: #19
حسين ملاسي،،
شدييييييييييد و كبير
و اي حاجة بحجم غير عادي هي شكري،،
حقيقي كنت مشتهية صور زيها،،
سألني بوردابي،، إنتي قوقل دي بتسوي في شنو؟!
اسع ده سؤال ليهو؟
إردو عليهو يقولو شنو،،
ملاسي قوول لي ديل من السودان شديد،،
عشان انا فرحت بي تفاهم القمرية و عشوشة إن ما خاب نظري!
و سعيهم الجاد في التغيير،،
|
Post: #21
Title: Re: مدرسة المشاغبين ..
Author: عاطف محمد أحمد زكريا
Date: 05-20-2006, 06:49 PM
Parent: #18
Quote: فصل سنة رابعة ما فيهو ( عش طير ) ..
|
قطع شك الجنى ده لما يجهز شنطة المدرسة بتأكد فى الاول من وجود النبلة قبل الكراريس
|
Post: #22
Title: Re: مدرسة المشاغبين ..
Author: Ahmed Alrayah
Date: 05-20-2006, 11:14 PM
Parent: #21
المنطلق الفكري بتاعنا في تطفيش الست دي لازم ينبع من احساس منعكس في الالتزام بقضايا معاصرة اللي هي دراع مرسي ومحدش يسألني عن الكلام اللي أنا قلتو ده عشان أنا مش فاهم حاجة
______________________
عمر الفاروق إنت بالذات منتش فاهم لأنك منتش قاعد كويس
|
Post: #23
Title: Re: مدرسة المشاغبين ..
Author: الخير محمد عوض
Date: 05-20-2006, 11:17 PM
Parent: #21
اميـتي اليوم سـتنام هـانئة مطمـئنة
|
Post: #48
Title: Re: مدرسة المشاغبين ..
Author: tmbis
Date: 05-21-2006, 08:33 AM
Parent: #21
| Quote: قطع شك الجنى ده لما يجهز شنطة المدرسة بتأكد فى الاول من وجود النبلة قبل الكراريس |
..
والله فعلا يا عاطف ..
برنامجو مليان خالص ..
في الصباح بيتأكد من ( النبله ) قبال الساندوتش والكراريس ..
وبالنسبة لي برنامج العصرية .. ( القلوبية ) بيكون دافنه جمب باب المدرسة
ولد ( طيرة ) بشكل
|
Post: #24
Title: Re: مدرسة المشاغبين ..
Author: عمر الفاروق
Date: 05-21-2006, 00:40 AM
Parent: #1
الطالبة المشاغبة نادية :
أول شي لييييييييه ما لابسة هدوم المدرسة وجايانا بي الملون ؟؟؟
| Quote: وبكرى الناظر حايجلدكم فى طابور الخور زى الترتيب !!! |
يا زولة المشاغبين ديل عندهم راي في وزير التربية والتعليم خليك من مدير المدرسة
الطالب المشاغب اساسي:
مش قلنا ليك احلق تفتك دي ؟؟؟؟؟
يا عاصم :
| Quote: والله لو جيتكم بسوط الجمل داك الا ابقى ريحتكم طير طير |
حدد نوع الطيرة ..طير رهو ..طير قمري.. طير يا طاير ..يا طير غني غني ..
اقعد يا ولد خلي الزول الوراك ده يشوف ..
اصطاظ عمر :
Quote: قبضتك........
شارد من هناك ... تاني الا تجي و معاك ولي امرك |
مش انت رسلتني اجيب ليك السوط من سنة تالتة ؟؟؟
|
Post: #25
Title: Re: مدرسة المشاغبين ..
Author: عمر الفاروق
Date: 05-21-2006, 00:47 AM
Parent: #1
يا تمبس:
| Quote: الزول دهـ .. قومو من جمبي ، قاعد يعلم فيني ( دككــان الحصص ) |
يا اخوي إتخيل نفسك قاعد في علي شبيكة في الكنبة الورا وبتضرع وترسل الناس جيبو لي ده وختّوا لي ده ..
والله نحن الولد ده مفروض ندخلوا الإرسالية لكن نسوي شنو
تخريمة :
مدرسة المشاغبين دي وكنبة ورا وعلي شبيكة ما ذكرتك واحد اخونا في المنبر هنا إنت مشبه عليهو ؟؟؟
قلت لي هو مالو ؟؟؟
|
Post: #26
Title: Re: مدرسة المشاغبين ..
Author: عمر الفاروق
Date: 05-21-2006, 00:54 AM
Parent: #25
دكتور تروتة(سكي):
| Quote: وحاتك عمر قايتو نحن بنجى حاشين لكن ناس ناذر ديل بشيلو ساندوتشاتنا.. |
تعرف يا قريبك نوع ناذر ده تلقاهو النوع العندو شنطة دمورية وبيجيك حاشي طعمية والزيت بي برة الشنطة.. ولابس ليك الكبك وعندو لستكة سودا في يدو ويقوم يجيك ساعة الفطور يقول ليك يا معتز تعال نفت سوا
طبعاً انا عااااارفك النوع البيكون حاشين ليهو جبنة لاباشكري (لفاشكيري)
| Quote: ود العمده-بت الاحفاد-دينق-نادية- فرانكلى-جنى –بيان-دومه- نادية-تراجي |
يا زول دي كنبة ولا ملتقى الأديان ...
تخريمة :
جبت قروش الدرس ؟؟؟
|
Post: #27
Title: Re: مدرسة المشاغبين ..
Author: زول ساكت
Date: 05-21-2006, 01:26 AM
Parent: #26
وانا من هسي ماداير معاكم
مدرسه مختلطة مابتنع مع اهل العوض
اهلنا قالو ابعد البيضه من الحجر والانتياه من الضكر
واحنا فطورنا بنشيلو في بستله
كسره بايته مش لاباش كيري
|
Post: #28
Title: Re: مدرسة المشاغبين ..
Author: bob
Date: 05-21-2006, 01:49 AM
Parent: #27
الالــفه منو؟
|
Post: #29
Title: Re: مدرسة المشاغبين ..
Author: ود المايقوما
Date: 05-21-2006, 02:26 AM
Parent: #1
Quote: الصف الاول
بقال – واساسى – وحميده –وتونه-ونهال- وايزبيلا- والوالي –ود المايقوما-معتصم- نجود- فايت-بوب |
بالله ودي لينا محمود الكضاب دهـ في فصل تاني ...
|
Post: #30
Title: Re: مدرسة المشاغبين ..
Author: عمر الفاروق
Date: 05-21-2006, 02:32 AM
Parent: #1
يا جماعة انا في ثلاثة اشخاص تعمدت ما اكتبهم في الفصل المشاغب ده لكن هم قاعدين في سور المدرسة ..
طبعاً ناس الأمن عندهم حركات ولازم يدسوا ليك امنجي متنكر في نص الطلاب لذا اخترت :
القلب النابض تقوم بدور الحاجّة البتبيع القونقليز والداردمة والنبق للطلاب..
حسين ملاسي بتاع البوفيه ..
وود المايقوما الغفير ...
|
Post: #31
Title: Re: مدرسة المشاغبين ..
Author: فيصل نوبي
Date: 05-21-2006, 02:33 AM
Parent: #1
اللي بيمسح السبورة منو ؟؟
جكس ولا .........
|
Post: #32
Title: Re: مدرسة المشاغبين ..
Author: ajaj
Date: 05-21-2006, 05:51 AM
Parent: #31
سلامات
| Quote: وكنبة ورا حقت الجكس فيها عجاج ونادية |
لييه تختنا في خط مية غرب ....الجماعة ديل بقرصونا ويشيلو سندوتشاتنا...خلو دكين يجي يحرسنا.....
وبعدين ننقل كيف من السبورة واساسي مغطيها كدة....ما شايفين حاجة ياخ
مدرس الحساب منو عشان من حسع نمشي انا وندوية ونهولة نفردو وبعدين نشرح لبت الاحفاد ونتغاتت علي البقية
|
Post: #42
Title: Re: مدرسة المشاغبين ..
Author: DKEEN
Date: 05-21-2006, 07:38 AM
Parent: #32
| Quote: الجماعة ديل بقرصونا ويشيلو سندوتشاتنا..خلو دكين يجي يحرسنا.. |
عجاج
كان مرقتو من ام ضراع دي القريص هين..
تلحق تديكم عين في كرعينكم دي تجيبكم واضة..
وبعدين انا احرسكم دي قصدك بيها شنو..
مالي ما بشبه ولا ما بشبه..
ولا ياربي اكون ما بشبه؟
|
Post: #33
Title: Re: مدرسة المشاغبين ..
Author: toona
Date: 05-21-2006, 06:21 AM
Parent: #1
Quote: الصف الاول
بقال – واساسى – وحميده –وتونه-ونهال- وايزبيلا- والوالي –ود المايقوما-معتصم- نجود- فايت-بوب
|
لالالالالالالالالالالالالالالالالالا ما دايرة !! تنقلوني من الفصل ده هسسسسسسسي ده !!
الوالي بيقعد يكاويني ويقلع سندويتشي الشوكولاتة !!
وبعد داك الحصة كلها يرفرف لي بي عينو الشمال الصغيرة دي !
|
Post: #35
Title: Re: مدرسة المشاغبين ..
Author: عمر الفاروق
Date: 05-21-2006, 06:42 AM
Parent: #1
يا سوميتا والله انت شكلك جاية من مدرسة إبراهيم سوميت ..!!
ولا شنو يا تمبس ؟؟؟ وما تعمل فيها شيطان لأنك يا مان كنت من النوع البيشيل السنارة ويعمل فيها ماشي يصطاد السمك هناك خصوصاً مع الفيضان ..
عموماً يا سوميتة الفصل مليان لكن خلي البنات ديل يتضايرين ليك كده وكده واقعدي ماعهم في الكنبة وبي قدر الإمكان اختي الدفارات
تخريمة :
فصلنا ده ياما حاتشوفي فيهو طيرتين في عشة ..
صو ..صو..صو..ًصو..صو..
|
Post: #37
Title: Re: مدرسة المشاغبين ..
Author: عمر الفاروق
Date: 05-21-2006, 06:45 AM
Parent: #35
يا دكين :
| Quote: كلم صحبك الما بغباك انو مايجي كنبتنا دي شاكي .. |
صديق الموج ولا قلت منو ؟
| Quote: عند نهاية درس العصر انا بوصل عجاج ونادية وامنة مختار بيوتم.. |
يا زول سيب الشبك الناس ديل ساكنين في داخلية المدرسة
|
Post: #53
Title: Re: مدرسة المشاغبين ..
Author: Soumeta
Date: 05-21-2006, 09:12 AM
Parent: #35
عمر الفاروق،،
خلي الحسد،،
عاين لي صديق الموج ده ما لمّ ليك طيرتين في عُشة؟
اما حكاية فصلكن ملان دي،، بنباصرها،،
يوم في الشباك و التاني كرسي الاستاذ،،
مش متواضعة؟
|
Post: #36
Title: Re: مدرسة المشاغبين ..
Author: Osama Ahmed
Date: 05-21-2006, 06:44 AM
Parent: #1
يوميات واحد ساكن قريب من المدرسة>>
| Quote: ومعتز تورتسكي (صاحب الأساتذة) |
بجيب الطباشير من المكتب للاساتذة ويلبت كميه في شنطتو خاصة الملون،
وديل..Quote: ناس كنبة ورا ..
ناذر واساسي ودكين ونوبي وبدر الدين شنا والملا عمر وصديق الموج وحميدة وتمبس.. |
في نهاية اليوم بيهرشوهو ويقلعوه منو ويرسموا بيه البرتكان في حيطان المدرسة والحلة
|
Post: #38
Title: Re: مدرسة المشاغبين ..
Author: ناذر محمد الخليفة
Date: 05-21-2006, 06:55 AM
Parent: #1
يا عمر وتروتسكي !!!
أنا زمان في المدرسة كنت مصاحب الغفير ولمن كنت اجي الصباح بخت سندوتشاتي عندو عشان ما في زول يا كلا .. لمن جرس الفطور يدق بمشي ليهو زي الداير اشتري منو (دنقليس) وفجاة كدة بنزغم جوة أوضتو وبمنجر السندوتشات بي مزاج لا ضهب يزعجني لا بطيخ !!
ودا المخليني هسي ما شاء الله صحتي زي (الحصان) !!
صنفرة :
والله يا عمر تشوف صحبك تروتسكي العامل زي تعشيقة النيسان (زي ما هو ظاهر في الصورة قدامك) تحلف تقول انو زمان كان بيعمل زيي وبيمسك سندوتشاتو للغفير ..
بس الفرق انو الغفير كان بياكلا منو !!
|
Post: #40
Title: Re: مدرسة المشاغبين ..
Author: Sobajo
Date: 05-21-2006, 07:25 AM
Parent: #38
يا استاظ عمر ...
انا جابوني ليكم محول ...
و بابا بسلم عليك و قاليك انو هيركبليكم مروحة للبوست ده ...
و هيضرب ليكم حيط البورد كلها بوهية ...
و هيجيب رطل سكر عشان تغسل بيهو السبورة ...!!
و بسلم عليك و قاليك انو تقعدني قدام ....
(((( أصلي نظري ضعيف )))))
و ما داير اقعد مع الشرزمة ناس كنبة ورة ديل ...
لأنو بابا قالي الناس ديل صعاليق و بسفو صعوت ...
و ملاسي بس ود ناس ... لكن كان بيئة قابلة للإنحراف ....
و حميدة اهلو مغتربين و قاعد مع حبوبتو و اتعلم السعوط و السجارير من تمبس ...
لأنو ابوه و امو منفصلين من بعض ....
ممكن تقبلوني معاكم ...
|
Post: #41
Title: Re: مدرسة المشاغبين ..
Author: عاصم ابوبكر حامد
Date: 05-21-2006, 07:36 AM
Parent: #40
سباجو
اسمعنى انت دى جبتها من وين
| Quote: و هيجيب رطل سكر عشان تغسل بيهو السبورة ...!! |
اول مرة اسمع بيها ...
واتسمعنى حكاية السعود يبقى تكلم بابا يجيب دكتور مكى على شان
نعمل كشف للطلاب ..
وخاصة تمبس دا عامل فنان وبتاع حنك وبيتكلم كثير فى الالمقعد الاخير ..
وعمر الفاروق بيترلب بالحيطة وبدك الحصص كلك بابا كمان .. سمح ...
وانا بجيكم صادى بعد الانتهاء من الدرس الخصوصئ ..
|
Post: #39
Title: Re: مدرسة المشاغبين ..
Author: عاصم ابوبكر حامد
Date: 05-21-2006, 07:24 AM
Parent: #1
ابو النذر
كيفك
يا ناذر انت ما قريت مدرسة خاصة ولا شنو .؟.....
على كل حال انحنا ما عندنا الكلام دا فى زمنا
كان كل واحد بيفتخر السندوتش بتاعه ...
|
Post: #43
Title: Re: مدرسة المشاغبين ..
Author: ناذر محمد الخليفة
Date: 05-21-2006, 07:43 AM
Parent: #1
كيفك يا عاصم ..
| Quote: يا ناذر انت ما قريت مدرسة خاصة ولا شنو .؟..... |
أنا قريت الابتدائي في اعرق مدرسة اللي هي مدرسة السجانة النموذجية والشهيرة بي مدرسة النور نسبة لي مديرا النور ..
أنحنا في زمنا اتخايلي كان في مدرستين خاصتين بس .. الكمبوني ومدارس التعليم الخاص في الصحافة !!
صنفرة :
لكن كلنا من أخوي الكبير لحدي الصغير اللي هو انا قرينا في درسة النور على مدى عشرين سنة تقريبا (جملة السنوات) !!
|
Post: #44
Title: Re: مدرسة المشاغبين ..
Author: عمر الفاروق
Date: 05-21-2006, 07:50 AM
Parent: #1
يا جماعة كدي خلوني النرد ليكم على الطالب النجيب سوباجو :
هيييييييييييييييييييييييييييي ترا ..
اول شي تقولو لي ابوك إنو بقا في مجلس الاباء !!!!!
وهيييييييييييييي ترا ..
لازم تجيبو قروش الجير بكرة والسبورة لازم تكون جديدة موية السكر ما بتمسك فيها ..
وهييييييييييييييييي ترا ..
انا بعد البيوت ماشي في طريقكم وصلوني بي العربية حقتكم ..
سمح ؟
|
Post: #46
Title: Re: مدرسة المشاغبين ..
Author: صديق الموج
Date: 05-21-2006, 08:11 AM
Parent: #1
Quote: ناس كنبة ورا ..
ناذر واساسي ودكين ونوبي وبدر الدين شنا والملا عمر وصديق الموج وحميدة وتمبس.. |
عمر يا اخوى دى كنبة شنو الرميتنى فيها دى ؟ هسع دى كنبة والا قعدة....
بصراحة انا داير انجح ممكن اقعد بين سوميتا ونادية؟؟؟
|
Post: #49
Title: Re: مدرسة المشاغبين ..
Author: tmbis
Date: 05-21-2006, 08:38 AM
Parent: #46
| Quote: عمر يا اخوى دى كنبة شنو الرميتنى فيها دى ؟ هسع دى كنبة والا قعدة.... |
.........
ياصديق .. ياخي في ناس صغار هنا ما يقوموا يسمعوا كلامك دا
زي دكين كدهـ مثلا ..عايز تخربو لينايعني ؟؟
|
Post: #54
Title: Re: مدرسة المشاغبين ..
Author: Sobajo
Date: 05-21-2006, 09:30 AM
Parent: #49
Quote: يا جماعة كدي خلوني النرد ليكم على الطالب النجيب سوباجو :
هيييييييييييييييييييييييييييي ترا ..
اول شي تقولو لي ابوك إنو بقا في مجلس الاباء !!!!!
وهيييييييييييييي ترا ..
لازم تجيبو قروش الجير بكرة والسبورة لازم تكون جديدة موية السكر ما بتمسك فيها ..
وهييييييييييييييييي ترا ..
انا بعد البيوت ماشي في طريقكم وصلوني بي العربية حقتكم ..
سمح ؟ |
يا استاظ عمر ...
بابا بسلم عليك ...
و قاليك ما في مشكلة .. هيجيبليكم (وايتبورد) ... عشان تكتبو عليه بي أقلام الماركر ..
لكن هو بعرف ناس تمبس .. و قال امكن تمبس يسرق الاقلام عشان كدي قاليك :
اربط الاقلام في السبورة زي الكوز في الزير ...!!
ومعليش الليلة انا طالع بدري عشان ماشي الصيد مع اصحابي ...
لكن بابا برسليلك العربية عشان تعرف بيتكم و تجي المسا عشان الدرس الخصوصي ....
و قاليك ما تتأخر عشان ماشي المطار اجيب ماما جاية من لندن ..!!
جايبة معاها الكراسات ...!!
و يا عاصم ...
انت ما عارف السكر و علاقتو الوطيدة بالسبورة ...
وكيف زمان كان بشترو رطل سكر السبورة ... ممكن عادي ينصرف من التموين ...
تجيب السكر و تحلو بي موية و بعد ما تغسل السبورة ...
تديها مسحة بي موية السكر ...
السبورة تسود تمام ... و الطباشير ممكن يمسك فيها ... بالذات طبشير زمان المتزلق و بتكسر كلو ده ... !!
لكن اصلو وكت بابا هيجيب ليكم الوايت بورد فمافي داعي لي السكر ...!!
و بااااااااااااااي ...
|
Post: #56
Title: Re: مدرسة المشاغبين ..
Author: Hussein Mallasi
Date: 05-21-2006, 09:41 AM
Parent: #49
سلامات يا سوميتا
| Quote: سألني بوردابي،، إنتي قوقل دي بتسوي في شنو؟! |
قوقل شنو يا سوميتا ياخي؛
دي صور بعرق الجبين عديل كدا؛
و الملفات – بقت ما تظهر في نظام تحميل بكري الجديد دا –
اسمها Soumeta & Soumeta1
______
الصور من الحديقة النباتية في المقرن؛
قبال شهرين كدا.
|
Post: #58
Title: Re: مدرسة المشاغبين ..
Author: Hussein Mallasi
Date: 05-21-2006, 09:53 AM
Parent: #56
شغل البوفيه براهو بقى ما بيخارج يا عمر؛
فالمعايش جبارة زي ما قال دينق
|
Post: #60
Title: Re: مدرسة المشاغبين ..
Author: Soumeta
Date: 05-21-2006, 10:29 AM
Parent: #56
ملاااااااسي،،
والالفات لزوم الفرحة الإضافية إنو الصور
من عندنا عديل،،
كنت متوقعاها تجيني كما إتمنيت،،
لكن فرش شهرين كدا و إسمها سوميتا ون و سوميتا ساي ده
بسطتها اعظم،،
شكراً،،
و من نصحني بقوقل معليش،، تراي نكست تايم،،
|
Post: #55
Title: Re: مدرسة المشاغبين ..
Author: نادية عثمان
Date: 05-21-2006, 09:37 AM
Parent: #46
| Quote: بصراحة انا داير انجح ممكن اقعد بين سوميتا ونادية؟؟؟ |
صديق الصراحة انا قعدتك مجرباها من ايام برنامجنا فى التلفزيون سمحة جدا بس لو داير تقعد جنبى هنا يكون سندوتشك محشى فول بالجبنة سمح ؟!!
|
Post: #57
Title: Re: مدرسة المشاغبين ..
Author: Sobajo
Date: 05-21-2006, 09:50 AM
Parent: #55
 
نادية ما تقعدي جنبي ... ما لايقين على بعض عليك الله ,...
خليك من كنبة ورة دي ...!!
احنا ناس جادين و دايرين نتفوق ... !!!
بعدين بوستاتك زاتها نزليها فوق ... عشان نقدر نشوف ...!!!
|
Post: #59
Title: Re: مدرسة المشاغبين ..
Author: اساسي
Date: 05-21-2006, 09:53 AM
Parent: #57
| Quote: اساسى – وحميده –وتونه-ونهال- وايزبيلا- والوالي –ود المايقوما-معتصم- نجود- فايت-بوب |
اها والدراسة بالاردية ولا كيف؟
|
Post: #68
Title: Re: مدرسة المشاغبين ..
Author: نادية عثمان
Date: 05-21-2006, 05:12 PM
Parent: #57
سباجو
| Quote: احنا ناس جادين و دايرين نتفوق ... !!! |
هى لكن انت ماشايف دكين حلف علا يطفش النساء من المدرسة دى ؟!!
المدرسة دى عندها ناظر ولا ناظرة ؟!
|
Post: #70
Title: Re: مدرسة المشاغبين ..
Author: Sobajo
Date: 05-21-2006, 07:14 PM
Parent: #68
Quote: هى لكن انت ماشايف دكين حلف علا يطفش النساء من المدرسة دى ؟!!
|
استاذ عمر قالي بابا بقى من مجلس الاباء ...
فما تشيلي هم ... بنطفشو ليك من المدرسة دي ...
و البطفشو كلهم الجنس اللطيف من كنبة ورة ...
لكن كان قعدتي قدام (جنبي) و جنب السبورة ما بتجيع عوجة تب ..!!!
السبورة الجابة بابا ...!!
حميدة
استاذ عمر ، حميدة ده قاعد جنب الشباك ... داير يدك حصص بعد الفطور ...!!
ويمشي لي ستنا بتاعت البوفيه ... عشان ياخد منها السجاير ..!!
|
Post: #61
Title: Re: مدرسة المشاغبين ..
Author: عمر الفاروق
Date: 05-21-2006, 10:37 AM
Parent: #1
يا ملاسي:
Quote: شغل البوفيه براهو بقى ما بيخارج يا عمر؛
فالمعايش جبارة زي ما قال دينق |
خلاص يا زول امسك معاهو فريق الكرة الطائرة
|
Post: #62
Title: Re: مدرسة المشاغبين ..
Author: عمر الفاروق
Date: 05-21-2006, 11:41 AM
Parent: #1
يا شبـــــــــــــــــــــــــــــأب :
في زول حلّ تمرين 7 ؟؟؟؟؟؟
|
Post: #63
Title: Re: مدرسة المشاغبين ..
Author: Rakoba
Date: 05-21-2006, 12:00 PM
Parent: #62
ودالفاروق
(البدنية) الجاية ( هلال × مريخ)
|
Post: #64
Title: Re: مدرسة المشاغبين ..
Author: عمر الفاروق
Date: 05-21-2006, 12:20 PM
Parent: #1
| Quote: (البدنية) الجاية ( هلال × مريخ) |
عاد تلعب براك ؟؟؟؟؟؟؟؟؟؟؟؟؟؟
حا نضطر نتمكم بي واحدين من الهلالاب ولّا التمرين حا يبقا بايخ !!!!!
تخريمة :
حصة البدنية يوم الخميس الحصتين الأولى والتانية وما تنسى تخت هدومك بتاعت الكورة في الشنطة وتعال مكدّر..
|
Post: #65
Title: Re: مدرسة المشاغبين ..
Author: DKEEN
Date: 05-21-2006, 02:07 PM
Parent: #1
نوبي
انتا المدرسة دي ابتدائي ولا متوسط؟؟
الواحد عايز يفرز احوال البرتكان في الفصل ده..
نبدا بي منووووووووووووووووو؟؟(وجه دنجل بتاع مجلة ميكي)
حرم المدرسة دي كان ماخليت ليكم فيهاانا وود الموج بس ..شنبي ده يقوم في ست ميمومنة..
|
Post: #66
Title: Re: مدرسة المشاغبين ..
Author: نهال كرار
Date: 05-21-2006, 02:14 PM
Parent: #1
Quote: الصف الاول
بقال – واساسى – وحميده –وتونه-ونهال- وايزبيلا- والوالي –ود المايقوما-معتصم- نجود- فايت-بوب |
تروتسكي , أنا عاوزه أكون مع بت الأحفاد في نفس الصف
يا تنقلوني لصفها , يا تنقلوها لصفي
ملييش دعوه
وبعيدن الناظر منو بالضبط ؟؟ بكري ولا عمر الفاروق ؟؟
|
Post: #69
Title: Re: مدرسة المشاغبين ..
Author: Soumeta
Date: 05-21-2006, 05:52 PM
Parent: #1
شِدّيق ما معانا،،
|
Post: #71
Title: Re: مدرسة المشاغبين ..
Author: نادية عثمان
Date: 05-21-2006, 07:15 PM
Parent: #69
معليش ياجماعة بس دايرة اوريكم انى بقيت اعرف انزل صور برررررررررررراى !!
|
Post: #72
Title: Re: مدرسة المشاغبين ..
Author: نادية عثمان
Date: 05-21-2006, 07:21 PM
Parent: #71
اها الحصة رسم وجبت ليكم السبورة
وجاية بقميص ابيض يااستاذ عمر !!
|
Post: #73
Title: Re: مدرسة المشاغبين ..
Author: Sobajo
Date: 05-21-2006, 08:05 PM
Parent: #72
مبروك النزلتي الصورة ...
لكن ما فتلتي البوست عديل كدة ...ََ
Quote: اها الحصة رسم وجبت ليكم السبورة
|
سبورتك مغسلنها بي موية دقيق عديل كدة ....
و دمت ...
|
Post: #74
Title: Re: مدرسة المشاغبين ..
Author: نادية عثمان
Date: 05-21-2006, 08:09 PM
Parent: #73
سوباجو
| Quote: سبورتك مغسلنها بي موية دقيق عديل كدة .... |
موش اخير من موية السكر البتلم النمل ؟!!
انت شفع المدرسة ديل مشوا وين ؟!!
|
Post: #75
Title: Re: مدرسة المشاغبين ..
Author: Sobajo
Date: 05-21-2006, 08:20 PM
Parent: #74
| Quote: انت شفع المدرسة ديل مشوا وين ؟!! |
يكون استاذ عمر ساقهم مشو رحلة ...
اكيد وداهم المتحف ...
اقعدي اتحاومي و جيبي الصور ...و الجماعة خانونا .... !!
|
Post: #76
Title: Re: مدرسة المشاغبين ..
Author: نادية عثمان
Date: 05-21-2006, 09:38 PM
Parent: #75
سوباجو
| Quote: اقعدي اتحاومي و جيبي الصور ...و الجماعة خانونا .... !! |
اها قول انا بى سببى بجيب فى الصور انت مامشيت الرحلة ليييييييييييييه ؟!!
|
Post: #77
Title: Re: مدرسة المشاغبين ..
Author: عمر الفاروق
Date: 05-22-2006, 00:38 AM
Parent: #1
قيااااااااااااااااااااااااااااااااااااااام ..
صباح الخير ...
دكين تعال لي برة هناوقبل على الحيطة ويدينك فوق ..
ويا معتز امشي جيب لي الخرطوش الاسود من ست فلة ..
جلووووووووووووووووووووووووووووووووس..
|
Post: #78
Title: Re: مدرسة المشاغبين ..
Author: عمر الفاروق
Date: 05-22-2006, 04:02 AM
Parent: #1
زولنا الساكت :
صحي والله انت زول ساكت ..
أسة المقعدك مع الوليدات الصغار ديل شنو ؟؟
قوم امشي فصلكم هنوووووووووووك حق ناس محو الأمية ...
وتعال شيل معاك مخلياتك دي ...
|
Post: #79
Title: Re: مدرسة المشاغبين ..
Author: Sobajo
Date: 05-22-2006, 04:11 AM
Parent: #78
استاذ عمر .....
ماما بتسلم عليك و قالتليك تاني ما تتأخر على الدرس ..!!!
تجي تكبكب و تشرب في الشاي و تمشي ...!!
و السواق قاليك وين شريط فرفور ..!!!
نادية ...!!
انت ما عارفاني قاعد انوم في الحصص انا ...
عشان كدي ما جبت خبرهم لمن مشو ..!!
|
Post: #80
Title: Re: مدرسة المشاغبين ..
Author: معتز تروتسكى
Date: 05-22-2006, 04:30 AM
Parent: #79
عاد شكيتكم على الله..
ده شنو ده البتسو فيهو ده والله صحى مدرسة المشاغبين..
ياخ افرزو ديل من يديلك وافرزو لينا الفصول عشان نعرف راسنا من كرعينا بتاع سنة سادسه تلقاهو مع بتاع تانية ده شنو ده..
تربويا ما صاح..
فصل اولى..
مافى زول
الصف التاني..
سوميتا – ناصر البطل – نوبى –عنيده -الملك-بوب- نهال – عاصم – بقال -عبدالفتاح
الصف التالت..
تروتسكى –ايزبيلا – فايت – نجود – ود العمده-معتصم- ajaj- راكوبه
رابعه..
نادية –ودعكر – ودالمايقوما- سوباجو –عمر الفاروق –حميده –احمد الريح - عبدالرحمن عزاز وعبير
خامسه..
تمبس –القلب النابض – نميرى – دكين- امنه مختار – تبلدينا – بت الاحفاد- اساسى - الخير
سادسه...
ملاسى – صديق الموج – ناذر –عمر عبدالخالق - فرانكلى- جنى – بيان- دومه- تراجي- شتات
فصل الاعاده..
تونه -الوالى
يلا بعد ده كل زول بجى يسجل جديد تودهو محل مناسب معاهو ..
ويجب تعين لكل فصل الالفه
المدير وعرفناهو بكرى طيب ورونا ادارة المدرسه ومدرسين المواد
عشان نشمى لى قدام ونستعدل المدرسه من المخمج الفيها دا..
حقضى السنه كلها لعب ....
------------------------------
Tabaldina
انت قرقر كويس لمن يقرقور ليك زولك تانى وقع معاك الليله الا تطير ..كاااااااااااااااااااك
ماقلو ليك خلى حركات الطعين بتاعتك دي..
-------------------
Soumeta
انتى اصبرى لى بعد البيوت والله الا تخلى ناذر يوصلك للبيت ولا ماما تجيك بالعربيه قدام باب المدرسه..
بعدين انتى ناس تانيه البجيك لى ناس خامسه شنو خلى بلا تمبس بلا بطيخ معاك. .
------------------------------------------
اساسى..
| Quote: اها والدراسة بالاردية ولا كيف؟ |
اكيد ؛ ومافى زول يجى شايل ليهو بنطلون فى شنطتو عشان الاستاذ حيفتش الشنط بالنسبه للناس البلسو بناطلين بعد البيوت. .
---------------------------------
عمر الفاروق
صباااااااااااااااااااااااااااااااااح النور..
Quote: تخريمة :
جبت قروش الدرس ؟؟؟ |
ابوي قال لى امشى قول ليهو مافى قروش اسى ...
| Quote: ويا معتز امشي جيب لي الخرطوش الاسود من ست فلة .. |
قالت عايزو اسى عندنها ناس مشاغبين ؛ مشيت المكتب مالقيت سوط..
اموت فى بكار ياعمر وطارق. .
ياناس فيكم واحد قرا الابتدائى فى المدراس دي..
التاسعه مدرسة عبدالباسط- التامنه- المورده- امبده. .
|
Post: #85
Title: Re: مدرسة المشاغبين ..
Author: عاصم ابوبكر حامد
Date: 05-22-2006, 05:28 AM
Parent: #80
ترتوسكى
يا زول
| Quote: سوميتا – ناصر البطل – نوبى –عنيده -الملك-بوب- نهال – عاصم – بقال -عبدالفتاح |
سنة تانية يا زول ما حرام عليك
لكن مقبولة منك
نشوف الامتحان نشف من منو بالتحديد ...
انا بقعد جنى فى الكنبة
نوبى _ نهال_ عاصم _ سوميتا
الباقى خليكم ورانا
رايك شنو فى الرصة دى ...
Quote: المدير وعرفناهو بكرى طيب ورونا ادارة المدرسه ومدرسين المواد
عشان نشمى لى قدام ونستعدل المدرسه من المخمج الفيها دا..
حقضى السنه كلها لعب .... |
انا شخصيا بعين حنين اخوى استاذ تربية اسلامية
ومحد حامد جمعة استاذ عربى
وابوزرقة استاذ احوال جوية
ومادة جديدة اسمها ابواب العنصرية استاذها بريمة وممكن يكون ( ...)
|
Post: #81
Title: Re: مدرسة المشاغبين ..
Author: عمر الفاروق
Date: 05-22-2006, 04:38 AM
Parent: #1
| Quote: تجي تكبكب و تشرب في الشاي و تمشي ...!! |
انتو امبارح وديتو الريموت بتاع الشو تايم وين ؟؟؟ قدر ما قلت احول القنوات ما لقيتوا واتشحمت بي السودانية لحدي ما طلعت ..
بعدين يا حمودي يا شاطر شايف ماما جات من لندن وما شفنا الهدية ...
فااااااااااااالح حمودي..
تخريمة :
بكرة جيب معاك جنيه الإسبوع سمح ؟؟؟
|
Post: #82
Title: Re: مدرسة المشاغبين ..
Author: عمر الفاروق
Date: 05-22-2006, 04:54 AM
Parent: #1
Quote: الصف التاني..
سوميتا – ناصر البطل – نوبى –عنيده -الملك-بوب- نهال – عاصم – بقال -عبدالفتاح |
في استاذ ودوهو فصل زي فصل سنة تانية بتاعك ده في الغرب قام قال يتعرف على الطلاب قام سأل الطالب الأول : إسمك منو يا ولد ؟؟؟
الطالب قال ليهو : ادم ..
الأستاذ سأل التاني : وانت ؟؟؟؟
التاني قال ليهو : ادم ...
عاين لي التالت وقال ليهو : وانت اسمك منو طيب ؟؟؟
الثالث قال ليهو : ادم ...
قام الأستاذ اختار ليهو واحد عشوائياً كده من الصف الورا وقال ليهو : انت إسمك منو ؟؟
الطالب قال ليهو : ادم ...
الأستاذ عاين كده وقال ياخ طيب يا جماعة في زول هنا ما إسمو ادم ؟؟؟؟؟؟
الفصل كلو ما رفع إيدو إلا واحد بس هو الرافع إيدو ..
الأستاذ إتكيييف منو شديد وقال ليهو : أيوة إنت اسمك منو يا فالح ؟؟؟
الطالب قال ليهو : ادمو
تخريمة :
يا عاصم ما تجي تقول لي يا عنصري الأستاذ قال لينا اي زول عندو نكتة يحكيها
|
Post: #88
Title: Re: مدرسة المشاغبين ..
Author: عاصم ابوبكر حامد
Date: 05-22-2006, 06:04 AM
Parent: #82
يا ود الفاروق
انت عارف الفصل الفيه انا والشباب من الغرب ديل
احسن فصل رايك شنو ؟؟؟
رايك شنو فى ان ادمو وادم ديل انشاء الله بدرسوك حصص بتاعت وطنية
يعنى دروس خصوصية لو طلبت ...
يا ود الفروق نسيت اقول ليك شئ مهم خلاص
ان ادمو دا جاى يحكم السودان يعنى قاعد فى قلب ناس
ما عارف هم بقبلوا ولا ما بقبلوا ....
Quote: تخريمة :
يا عاصم ما تجي تقول لي يا عنصري الأستاذ قال لينا اي زول عندو نكتة يحكيها |
يا ود الفروق اخوى
عنصريتك دى عادية يعنى درجة اولى بس
يعنى لو قللت منها ما مشكلة ...
والاستاذ القال ليك احكى النكتة دا استاذ منو؟؟
|
Post: #83
Title: Re: مدرسة المشاغبين ..
Author: فيصل نوبي
Date: 05-22-2006, 05:01 AM
Parent: #1
دكين
عشان كده قلنا الحيمسح السبورة منو
تروتوسكي
انتظرني بعدين بعد الحصص وراء البوفيه هناك
عامل لي عجلتك السمحة دي ..
ناذر مش قال ليك ركوب العجلة ما بيتنسي
|
Post: #84
Title: Re: مدرسة المشاغبين ..
Author: عمر الفاروق
Date: 05-22-2006, 05:10 AM
Parent: #1
| Quote: دكين- امنه مختار – تبلدينا – |
اقسم بالله دي كنبة !!!!!!!!!!!!!!!!!!!!!!!
مبااااااااااااااااااااااااااااااااااااااالغة ...
وفي رواية :
قرقرقرقرقرقرقرقرقرقرقرقرررررررررررررر
|
Post: #86
Title: Re: مدرسة المشاغبين ..
Author: زول ساكت
Date: 05-22-2006, 05:53 AM
Parent: #84
Quote: زولنا الساكت :
صحي والله انت زول ساكت ..
أسة المقعدك مع الوليدات الصغار ديل شنو ؟؟
قوم امشي فصلكم هنوووووووووووك حق ناس محو الأمية ...
وتعال شيل معاك مخلياتك دي ... |
سمح ياعمر
مخلايتي وقبجتي وبستلتي شن دخلكن فوكن
هسي كان قلنا ليكم تعالونتصابق
شن بسووا آجناهه
|
Post: #87
Title: Re: مدرسة المشاغبين ..
Author: Sobajo
Date: 05-22-2006, 06:00 AM
Parent: #86
| Quote: بكرة جيب معاك جنيه الإسبوع سمح ؟؟؟ |
يا استاذ عمر ... بابا قاليك مافي جنيه الاسبوع ...
ممكن اسكراتش الاسبوع ..!!
يا تركساوي ... شنو توزع الفصول على كيفك ...
بكري هو اليوزعها ..!!
|
Post: #89
Title: Re: مدرسة المشاغبين ..
Author: DKEEN
Date: 05-22-2006, 07:12 AM
Parent: #1
الريحة الفي الفصل دي شنو يا عواليق؟؟
عمر الفاروق انتا امس ماكل شنو ؟؟
قذعتم نخارتنا الله لا عادكم ..
نجيكم بي كماماتف يفصلكم ده ولا كيف؟؟
|
Post: #90
Title: Re: مدرسة المشاغبين ..
Author: ajaj
Date: 05-22-2006, 11:31 AM
Parent: #89
يا جماعة ما تخلو الحركات....شنو في نص الحصة تفلعو الجكس بورق...بحبك...وين يا غزال.. واقف براك ما تكتبو قصيدة لنزار او محمد الموجي ان شاء الله. ..
بعدين اهم شئ الورقة يكون فيها الاسم عشان الجكس ما تشاكل دي حقتي وما حقتي هذا اولا ... ثانيا كلام زي حق بستان دكين ما ينفع الجكس للجكيس فقط
|
Post: #91
Title: Re: مدرسة المشاغبين ..
Author: القلب النابض
Date: 05-22-2006, 12:13 PM
Parent: #90
لقيت ليكم اولاد سنة رابعة وخامسة قاعدين في الدكان بياكلوا بوش.
وقاعدين في الأرض.
مع انه الاستاذ قال ليهم ما تاكلوا في الشارع.
يلاكي بعيد يا بت الاحفاد لانه لو عرفونا شفناهم بكرة بيكتلونا في المدرسة.
نكلم ولا لا تفتكري ما تقولي لي القوالة حرام يا بت الاحفاد.
انا بكلم ليهم لانه المرة الفاتت هم فتنونا مع الأستاذ.
|
Post: #93
Title: Re: مدرسة المشاغبين ..
Author: Sobajo
Date: 05-22-2006, 12:32 PM
Parent: #91
Quote: رابعه..
نادية –ودعكر – ودالمايقوما- سوباجو –عمر الفاروق –حميده –احمد الريح - عبدالرحمن عزاز وعبير
|
القلب النابض هووووووووووووي ....
Quote: لقيت ليكم اولاد سنة رابعة وخامسة قاعدين في الدكان بياكلوا بوش.
|
ده شنو التلبط ده ... متين لقيتيني باكل في بوش ...
بطلي حركات بتاعتك دي ...!!!
انا ولا بقعد معهاهم ديل ...
|
Post: #94
Title: Re: مدرسة المشاغبين ..
Author: عاصم ابوبكر حامد
Date: 05-22-2006, 12:34 PM
Parent: #91
القلب النابض
انا شفتك
لمن كنتى بتحاول تاشرى لبنت الاحفاد...
الفته فى الدكان طولنا منها لان خالتى تماضر شيخ الدين بترسل لينا السندوتشات
من امريكا بالـــDHL
لكن ديل ناس دكين والشماسئ تمبس
وبتاع الجكسئ سوباجو وعمر الفاروق انا ما معاهم سمح يعنى انا براة الموضوع ...
يعنى ما تكلمى الاستاذ على شان انا وناذر ما بنخليكى بعدين وما بنوصلك بعربيتنا الكامرى ...
فاهمة ....
|
Post: #100
Title: Re: مدرسة المشاغبين ..
Author: القلب النابض
Date: 05-22-2006, 03:26 PM
Parent: #94
Quote: الفته فى الدكان طولنا منها لان خالتى تماضر شيخ الدين بترسل لينا السندوتشات
من امريكا بالـــDHL |
سندوتش تماضر دا حيقعد ليك كم دقيقة الجماعة اتخاتفوا قبل عربية الدي اتش ال تمشي...
ياكا الراجع لى بوش الماحي بتاع ناس دكين دا.
بعدين بت الاحفاد ونهال كرار جابو ليهم شكلاته من لندن ..ما ينوموا بيها.
Quote: يعنى ما تكلمى الاستاذ على شان انا وناذر ما بنخليكى بعدين وما بنوصلك بعربيتنا الكامرى ...
فاهمة .... |
الملح الملح يكاد عقلي يذهب
|
Post: #92
Title: Re: مدرسة المشاغبين ..
Author: عمر الفاروق
Date: 05-22-2006, 12:28 PM
Parent: #1
عاين صحبتك لابسة إسكيرت مورّد زي حق ناس الأقاليم ...(دكين بيقطع مع تمبس في واحدة من الجكس)
|
Post: #95
Title: Re: مدرسة المشاغبين ..
Author: معتز تروتسكى
Date: 05-22-2006, 01:26 PM
Parent: #92
عاصم ابوبكر حامد
قلت لى
Quote: سنة تانية يا زول ما حرام عليك
لكن مقبولة منك |
ياخ انت ماعارف فهمك ده كيف قايتو اسى نتكلم تجو تقولو ان..
انا لمن عملت الفصول دى مابالفهم بتاعك داك ولا تصغير لى زول بس نظام خته كده او يمكن اقرب لكل فئات عمريه متقاربه
شنو ياعمك ماتعملها ظاهره كده ولا اقول ليك خليك كده ومافى اجمل من كده. .!!
| Quote: نشوف الامتحان نشف من منو بالتحديد ... |
ماجبنك بقال وعبد الفتاح شف كويس انا بضمنك ليك الاول (شور كده). .
Quote: انا بقعد جنى فى الكنبة
نوبى _ نهال_ عاصم _ سوميتا
الباقى خليكم ورانا
رايك شنو فى الرصة دى ... |
يازول ده فصلكم شكوها زى ماتشكوها وعينو الفتكم كل زول حر فى (لقا ليقو)...
----------------------------------------
فيصل نوبي
Quote: تروتوسكي
انتظرني بعدين بعد الحصص وراء البوفيه هناك |
مامشكله لانى سنه تالته وانت تانيه لو انتظرتك بتطلع انت الخسران فى نظر الناس حتى لو الايه مقلوبه. .
Quote: عامل لي عجلتك السمحة دي ..
ناذر مش قال ليك ركوب العجلة ما بيتنسي |
انتو عجلتكم الدايرين تركبونى فيها بالقوه زى حصان ناذر داك اصلو ماواقعه لى فى راسى. .
------------------------------
Sobajo
السنير العثل (لانو انت السنير الوحيد اليقدرو يقولو ليهو عثل). .
Quote: يا تركساوي ... شنو توزع الفصول على كيفك ...
بكري هو اليوزعها ..!! |
لالا بكرى عليهو تحديد الاساتذه والحاجات الفوق ؛
هى دى الفصول ياباشا..
انتو جوه الفصل اقعد جنب من تحب وعلى كيفك..
---------------------------------
دكين
نفسى اعرف ام ضُراعات دي منو البتقول عليها دي؟؟!!..
دى طالبه معانا فى المدرسه دى ولا واحده من النسوان الببيعو بره المدرسة باقى لي انت لامى البشريه دى كلها بس ماتشوف ليك طرحه ولا توب . .
-------------------------------
ملحوظه:
ناس سنه تالته انتو مدعون لحفل صغير جانا طالب جديد اسمو (ابقوته). .
وناس فصل ناس عمر (رابعه) جاكم طالب جديد اسمو (طارق) عمر بعرفو ود جيرانهم. .
|
Post: #97
Title: Re: مدرسة المشاغبين ..
Author: Sobajo
Date: 05-22-2006, 02:32 PM
Parent: #95
Quote: انتو جوه الفصل اقعد جنب من تحب وعلى كيفك..
|
سامعين يا جماعة .. اونكل تركساوي اداكم التصريح ...
بعد ده الشكس المكسرين ... بالصف ... كل يوم تقعد واحدة جنبي ...
ولو سمحتو بالدور ... ما تجو تتكبو كلكم فيني ...
انا داير استفيد ..!!!
|
Post: #98
Title: Re: مدرسة المشاغبين ..
Author: عاصم ابوبكر حامد
Date: 05-22-2006, 02:38 PM
Parent: #95
تورتسكى اخوى
قلت لى
| Quote: ياخ انت ماعارف فهمك ده كيف قايتو اسى نتكلم تجو تقولو ان.. |
لا الفهم ما مشكلة
لكن المشكلة فى الكلام العاوز تتكلم فيه ده ...
Quote: انا لمن عملت الفصول دى مابالفهم بتاعك داك ولا تصغير لى زول بس نظام خته كده او يمكن اقرب لكل فئات عمريه متقاربه
شنو ياعمك ماتعملها ظاهره كده ولا اقول ليك خليك كده ومافى اجمل من كده. .!! |
يا مان الناس ديل فى زول قدرى يعنى والله ما شاء الله اخوك يعنى عبر عديل
على كل الف مبروك ...
| Quote: ماجبنك بقال وعبد الفتاح شف كويس انا بضمنك ليك الاول (شور كده). |
انا لاقيهم وين الشباب الحلوين ديل ...
لكن البحر ما برفض الزيادة رايك شنو ...
لكن يا عزو الاول مرة واحدة دى صعبة خلاص ..
| Quote: يازول ده فصلكم شكوها زى ماتشكوها وعينو الفتكم كل زول حر فى (لقا ليقو)... |
اه دى اجمل من العبارة والفصل زاتو
انا بختار اللافة يكون بقال او فتاح على شان الواحد لو غاب
بيكون عادى ونظام اصحاب اصحاب وادم ادمو على قول ود الفاروق رايك شنو لهم منى كل
الاحترام والتقدير ( غرب غرب ) على قول ود الفاروق ...
اما عمر الفاروق ما ينفع معانا لانه بجيب علاء الدين وتبقى الحكاية بايظة
يتلما علاء وعمر وتروتسكى يبقى مشكلتنا مشكلة ....
اه رايك شنو ؟؟
|
Post: #96
Title: Re: مدرسة المشاغبين ..
Author: DKEEN
Date: 05-22-2006, 02:24 PM
Parent: #1
| Quote: ثانيا كلام زي حق بستان دكين ما ينفع الجكس للجكيس فقط |
عجاج
كان كده ده طرفي من مدرستكم دي...
انتو جايبننا هنا نقرا ولا نتعلم؟
|
Post: #99
Title: Re: مدرسة المشاغبين ..
Author: ود الباوقة
Date: 05-22-2006, 02:50 PM
Parent: #96
| Quote: بصراحة انا داير انجح ممكن اقعد بين سوميتا ونادية؟؟؟ |
عمي ود الموج .. اذا قعدت بينهن اضمن لك الطيش مشترك مناصفة مع دكين ..
ود الفاروق انا شايل معاي سبعة مواد الحل شنو ؟؟؟
ود الباوقة
|
Post: #101
Title: Re: مدرسة المشاغبين ..
Author: luai
Date: 05-22-2006, 03:54 PM
Parent: #99
هاااي استاذ عمر الفاروق ..
انا اسمي لؤي وشهادة عربية ...وجاي لمدرستكم بتوصية من ابوظبي ..
قالوا طلابكم ما عندهم دفاع شعبي ...صح الكلام دا عشان اطمن بابا وماما ..
|
Post: #102
Title: Re: مدرسة المشاغبين ..
Author: DKEEN
Date: 05-22-2006, 04:09 PM
Parent: #1
نوبي
تخيل عجاج رسلت قات لي ردا على موضوع الريحة وقالت لي :
يا دكين الشماها سواها...
|
Post: #103
Title: Re: مدرسة المشاغبين ..
Author: Sobajo
Date: 05-22-2006, 05:36 PM
Parent: #102
| Quote: يا دكين الشماها سواها... |
و الله ما كضبت ...
شكلك المدرسة دي الا تفضل فيها انت بس ...
|
Post: #104
Title: Re: مدرسة المشاغبين ..
Author: عمر الفاروق
Date: 05-23-2006, 00:29 AM
Parent: #1
يا ولد يا ود الباوقة :
ربّع يدينك وعاين قدامك ..
يا زول مش براج جيت مدرستنا دي ..أها إتحما البيجيك ..
بالنسبة لي موضوع السبعة مواد امبارح جانا عمك هنا وفهمناهو إنو انت ممكن تمتحن اربعة مواد ملحق والتلاتة الباقيات ممكن تدفع بدلهم قروش !!!!
بالنسبة لي موضوع القروش ده كدي اسأل اخوك سوباجو ماشاء الله من دخل المدرسة لحدي اسة ما شال مادة والغريبة بيجمعا فاااااااااضية ..
يا لؤي الكوز
يا زول انت نسجلك اسة تقوم تخرب لينا الشفع ديل وتشبكنا عايزين إتحاد للمدرسة وجمعية قرأن كريم وحركات الكيزان ديك ..
اها بابا وماما ما ادوك معلبات لي الفترة دي ... الأكل في السودان ما صحي..
|
Post: #107
Title: Re: مدرسة المشاغبين ..
Author: عاصم ابوبكر حامد
Date: 05-23-2006, 05:16 AM
Parent: #104
فى شنو تانى يا جماعة
ما قلنا الناس تمشئ للبيوت
وما القى واحد حايم فى الشارع البيت عدل فاهميين ؟؟
والناس البيقعدوا فى الشارع بيحرسوا البنات وبيقول (كسكس) و ( يا انتى ) و الباقين
اعملوا حسابكم فاهمين
رسالة من استاذ (...ادمو...)
|
Post: #105
Title: Re: مدرسة المشاغبين ..
Author: ABUHUSSEIN
Date: 05-23-2006, 03:33 AM
Parent: #1
ديل التلاميذ!!!!!!!!!!!!!!!!!!
يعني الأساتذه كــيـــــف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #106
Title: Re: مدرسة المشاغبين ..
Author: صديق الموج
Date: 05-23-2006, 05:02 AM
Parent: #1
| Quote: حرم المدرسة دي كان ماخليت ليكم فيهاانا وود الموج بس ..شنبي ده يقوم في ست ميمومنة.. |
دكين هو منو العوير البقعد معاك براهو ??
يمكن تخلص البرتقال تقبل على البطيخ حلاة دقدق!!!
|
Post: #108
Title: Re: مدرسة المشاغبين ..
Author: عمر الفاروق
Date: 05-23-2006, 09:16 AM
Parent: #106
| Quote: يمكن تخلص البرتقال تقبل على البطيخ حلاة دقدق!!! |
والله يا دكين بعد ده إلا تقعد انت وكلاب الغفير في المدرسة دي!!!!
|
Post: #109
Title: Re: مدرسة المشاغبين ..
Author: Sobajo
Date: 05-23-2006, 09:37 AM
Parent: #108
Quote: والله يا دكين بعد ده إلا تقعد انت وكلاب الغفير في المدرسة دي!!!!
|
قفلها يا عمر ...
و اقلبها طاحونة .. و فتريتة ما تتدقق ..!!
رايك شنو؟؟
|
Post: #110
Title: Re: مدرسة المشاغبين ..
Author: عمر الفاروق
Date: 05-23-2006, 10:34 AM
Parent: #109
سوباجو :
Quote: قفلها يا عمر ...
و اقلبها طاحونة .. و فتريتة ما تتدقق ..!!
رايك شنو؟؟ |
يا زول هيييييي المدرسة دي جايبة دخل كويس ...
السنة بي خمسة مليون للطالب ده غير العطايا البتجينا من ناس لندن
بعدين يا اخوي الطواحين بتجيب العجايز ...
طيب ما تقترح علي اقلبا محل تركيب عطور يا حاسد ..
|
Post: #111
Title: Re: مدرسة المشاغبين ..
Author: نادية عثمان
Date: 05-23-2006, 02:18 PM
Parent: #110
ياخ خلاص مادايرة معاكم !!
انا مستغيلة ياعمر وليس مستقيلة !!
|
Post: #112
Title: Re: مدرسة المشاغبين ..
Author: DKEEN
Date: 05-23-2006, 05:53 PM
Parent: #1
| Quote: والله يا دكين بعد ده إلا تقعد انت وكلاب الغفير في المدرسة دي!!!! |
كويس الماقتا كلبات المدرسة ..
كنتا حافهمك غلط..
من ناحية اخرى
ود الموج ماجادي ياخوانا بطلو جرسة ..
اصلا لو فيكم فايدة ما كان خلاكم حايمين في الرياض لي هسي يا عمر ..
|
Post: #113
Title: Re: مدرسة المشاغبين ..
Author: Ahmed Alrayah
Date: 05-23-2006, 11:28 PM
Parent: #112
ناس الكنبة الورا...
تحشـّـموا يا قـُـللات الذوق
يا مجرمين المستقبل
هامشي بنص شنب محلوق
إن ما دخلتم أبو زعبل
يااااااااااااااا
سبب صداع المدرسة
|
Post: #114
Title: Re: مدرسة المشاغبين ..
Author: عمر الفاروق
Date: 05-24-2006, 00:50 AM
Parent: #1
الطالبة النجيبة نادية :
| Quote: ياخ خلاص مادايرة معاكم !! |
اول شي إنتي من دعامات المدرسة ونحن مرشحنك تدخلي في العشرة الأوائل بتاعين السودان وترفعي اسهم المدرسة وانتي براك عارفة إنو انت الطالبة الوحيدة البتقرا مجان في المدرسة
بعدين يا زولة دخول المدرسة مش زي خروجها ..يعني اول حاجة جيبي لينا خطاب من ولي امرك ويكون مختوم من اللجنة الشعبية وعليهو دمغة وبعد داك تمشي البلدية تدفعي رسوم العتب ومنها تمشي وزارة التربية والتعليم تجيبي اورنيك 9 ومنها تمشي وزارة الداخلية وبعد داك لي مجلس الوزراء ولازم تمشي المغتربين للضرائب وبعد داك جيبها لينا المدرسة نشوف الحاصل ...
سمح ؟
|
Post: #121
Title: Re: مدرسة المشاغبين ..
Author: نادية عثمان
Date: 05-27-2006, 11:14 AM
Parent: #114
استاذ عمر
ابوى قال ليك مافى داعى للحركات دى !!
| Quote: وانتي براك عارفة إنو انت الطالبة الوحيدة البتقرا مجان في المدرسة |
بى عرق جبينى واجتهادى يااستاذ ورافعة ليك اسم المدرسة فى السماء وكل سنة بطلع اولة جمهورية السودان الديمقراطية وكمان دايرنى ادفع ؟!!
والله ياهو !!!
|
Post: #115
Title: Re: مدرسة المشاغبين ..
Author: فيصل نوبي
Date: 05-24-2006, 02:38 AM
Parent: #1
دكين
حددتو نوع المدرسة ولا لسه !!!
في اجازات مرضية ولا مافي
في ناس دايرين اسبوع اجازة الاورنيك وين :
|
Post: #116
Title: Re: مدرسة المشاغبين ..
Author: عمر الفاروق
Date: 05-24-2006, 02:53 AM
Parent: #1
احمد الريح :
Quote: تحشـّـموا يا قـُـللات الذوق
يا مجرمين المستقبل
هامشي بنص شنب محلوق
إن ما دخلتم أبو زعبل
يااااااااااااااا
سبب صداع المدرسة |
يا زول انت الليلة ما عايز ترجع البيت ولا شنو ؟؟؟؟؟
بيوووووووووووووووووووووو يووووووووووووووووووووووووت ..
بيووووووووووووووووووووووووووووووووووووووووووووووووووووووووووووووت ..
هوووووووووووووووووووووووووووووووووو ..وووووووووووووووووووووووو ... وووووووووووووووووو
|
Post: #117
Title: Re: مدرسة المشاغبين ..
Author: ود المايقوما
Date: 05-24-2006, 03:17 AM
Parent: #1
| Quote: والله يا دكين بعد ده إلا تقعد انت وكلاب الغفير في المدرسة دي!!!! |
اولاد الغفير ( حميدة ـ ناذر ) قصدك ...
|
Post: #118
Title: Re: مدرسة المشاغبين ..
Author: الملك
Date: 05-26-2006, 03:41 AM
Parent: #1
...
...
النتيجة المتوقعة للفصل الدراسى الاول
لم ينجح أحـــــــــــــد
...
...
العام الدراسى اللى بعدوا يبدأ من تاريخ 26-5-2006
!!!
|
Post: #119
Title: Re: مدرسة المشاغبين ..
Author: عمر الفاروق
Date: 05-27-2006, 00:33 AM
Parent: #1
طاااااااابوووووووووووووووووووووووووووووووور صفـــــــــــــــــــــــــأ ..
إاااااااااااااااااااااااااااااااانتبـــــــــــــــــــــــــــــــــــــاه ..
نشيييييييييييييييييييييييييييييييييييييييييييد العلم ...
عالفصوووووووووووووووووووووووووووووووول دووووووووووووووووووووووووووووور..
|
Post: #120
Title: Re: مدرسة المشاغبين ..
Author: صديق الموج
Date: 05-27-2006, 07:35 AM
Parent: #1
المدير ازيك...امى قالت ليك لو نادية استغالت ..ادونى استغالتى برضو،،،،
|
|