Post: #1
Title: ما بين ما ... ومن
Author: toona
Date: 05-20-2006, 07:04 AM
مدخل :
القطار يتوقف في المحطة تلو الأخرى ينزل خلق ويركب آخرون ، والحديد يئن تحت وطأة الأثقال الجديدة ، فتصطك فواصله ثم تعتاد ..
وتمضي ..
عند المحطة قبل الأخيرة ، يتوقف طويلاً ، يتزود ناراً للرحلة المهمة ... والطويلة ..
رحلة الزمن الآتي ... والأخير
تتشكل جميع الظلال ، داخل القطار ، لتعتصر الوهن ، الرحيق والحلم .. تتبوتق جميع اللحظات السابقة لتشكل الفيصل ، تنكمش الزوايا وتضيق المساحات ، فما بقي لا يكفي لكثير ..
تقطع العهود المضمخة بحناء مقدسة .. وتصدر أحكام لحيوات آتية ..
في تلك الساعة ... موعد المسير
يتوقف الزمن ، عند ذاك المفترق ... يتحدث الجميع ، وتأبي الشمس غروباً ...
أغرق في خواطري ، واجفل من رهبة الاختيار ، اتمنى ان اختبئ خلف كل شئ ، تتساقط الأقنعة
ويظل التساؤل قائما ممزقاً السكون ..
ما بين ما ... ومن ...
سأشارككم ببعض افكاري ، واوجه دعوة عامة لجميع المنبريين ، وخاصة للإخوة والأخوات المتزوجين/ات للمشاركة ببعض عصارة حياتهم ..
للاجابة علي هذين السؤالين :
ما هو الزواج الناجح ؟؟
ومن هو الشريك الأفضل ؟؟؟
|
Post: #2
Title: Re: ما بين ما ... ومن
Author: عاصم ابوبكر حامد
Date: 05-20-2006, 07:23 AM
Parent: #1
الاخت
تونة
لك التحية
Quote: ما هو الزواج الناجح ؟؟
ومن هو الشريك الأفضل ؟؟؟ |
وانا معكى انتظر الاجابة
وانشاء الله قريبا سوف ندخل لهذا العالم لذلك نطلب
معلومات عن الحياة الزوجية ..
يعنى 5 الى 6 اعوام هل تكفى للبحث عن شريكة حياة جديدة ...
تسلمى ذ
|
Post: #3
Title: young lady never ask about marriage success from married couples
Author: Mustafa Mahmoud
Date: 05-20-2006, 07:32 AM
Parent: #1
hello toona
i will tell a little tale from an old friend who worked as a social worker for thirty five years
he once told me a young person should never ask about marriage success from married couples
he said marriage is successful only if it lasts for more than 25 years
i said why?
he said this is the time any couples will say marriage is like a yo -yo goes up and down and after twenty five years they will get used to going up and down like the train going from Khartoum to wadi halfa and from wadi halfa to Khartoum
if you like this story there is more to come
dr mustafa Mahmoud
|
Post: #4
Title: Re: ما بين ما ... ومن
Author: toona
Date: 05-20-2006, 07:37 AM
Parent: #1
الأخ عاصم ابو بكر .. لك التحية .. ولنا ولك الإنتظار ..
**** الشريك الأفضل ، بغض النظر عن الوصف والموصوف ، وسأدع لإخوتي الكثير مما يقال ، هو من تجعله في منزلة احد افراد اسرتك .. بمعني :
أنه غير قابل للإبدال والإحلال مهما كانت الظروف ..
أن تستمتع بالثرثرة له عن أحداث يومك بعد يوم طويل ...
أنه غير وارد في خانة الضجر ... وإن حدث ، فلا لأكثر من ساعات ..
ونواصل ...
|
Post: #7
Title: Re: ما بين ما ... ومن
Author: عاصم ابوبكر حامد
Date: 05-20-2006, 08:12 AM
Parent: #4
الاخت
تونة
لكى التحية
اها رايك شنو فى التعابير
تخـون الـذاكـرة شي من الـذكـرا
وشـي أجهـلـه لـو كنـت بـه داري
لأن الجـرح لا يبـقـى ولا يـبـرا
يطـوف العمـر ما بـه للفـرح طـاري
لقيت العشـق لا واحـة ولا خضـرا
لقيت الـطيـب لا نـابـع ولا جـاري
بغنـي للـغـدر وأكتـب غـدر وأقـرا
غـدر وأنـشـد لكـل النـاس أشعـاري
لبيـع قلـوب وأعشـق ليلـة حمـرا
بها مـن الـوجـه لحـد القـدم عـاري
وأجامـل وأبتسـم للضحـكة الصفـرا
وأطــرز بالغــدر والكـذب أعــذاري
وبكشـف كـل مـا اليـمنـى لليسـرا
وابـيـع لألـسـن الحـسـاد أسـراري
قلت ارجع شوية واعرف الحاصل بالتحديد لقيت نفسئ برة الخط ...
يا تونة اهم شئ هو الاحساس بالحياة الزوجية ..
ولكن الكثيرون يحاولون ان يضعونها على الجرح والكذب ..
تسلمى
|
Post: #8
Title: Re: ما بين ما ... ومن
Author: عاصم ابوبكر حامد
Date: 05-20-2006, 08:14 AM
Parent: #4
الاخت
تونة
لكى التحية
اها رايك شنو فى التعابير
تخـون الـذاكـرة شي من الـذكـرا
وشـي أجهـلـه لـو كنـت بـه داري
لأن الجـرح لا يبـقـى ولا يـبـرا
يطـوف العمـر ما بـه للفـرح طـاري
لقيت العشـق لا واحـة ولا خضـرا
لقيت الـطيـب لا نـابـع ولا جـاري
بغنـي للـغـدر وأكتـب غـدر وأقـرا
غـدر وأنـشـد لكـل النـاس أشعـاري
لبيـع قلـوب وأعشـق ليلـة حمـرا
بها مـن الـوجـه لحـد القـدم عـاري
وأجامـل وأبتسـم للضحـكة الصفـرا
وأطــرز بالغــدر والكـذب أعــذاري
وبكشـف كـل مـا اليـمنـى لليسـرا
وابـيـع لألـسـن الحـسـاد أسـراري
قلت ارجع شوية واعرف الحاصل بالتحديد لقيت نفسئ برة الخط ...
يا تونة اهم شئ هو الاحساس بالحياة الزوجية ..
ولكن الكثيرون يحاولون ان يضعونها على الجرح والكذب ..
تسلمى
|
Post: #54
Title: Re: ما بين ما ... ومن
Author: هشام كمال
Date: 06-01-2006, 05:22 AM
Parent: #4
الاخت العزيزة تونه
صدقينى هذا من اجمل ما قرأت نت تحليل
أنه غير قابل للإبدال والإحلال مهما كانت الظروف ..
أن تستمتع بالثرثرة له عن أحداث يومك بعد يوم طويل ...
أنه غير وارد في خانة الضجر ... وإن حدث ، فلا لأكثر من ساعات ..
لك التحيه
هشام كمال
|
Post: #5
Title: Re: ما بين ما ... ومن
Author: toona
Date: 05-20-2006, 07:39 AM
Parent: #1
| Quote: he said this is the time any couples will say marriage is like a yo -yo goes up and down and after twenty five years they will get used to going up and down like the train going from Khartoum to wadi halfa and from wadi halfa to Khartoum |
في انتظار بقية الحكاية د.مصطفى
|
Post: #6
Title: Re: ما بين ما ... ومن
Author: أحمد الشايقي
Date: 05-20-2006, 07:40 AM
Parent: #1
تونا سلامات
Quote: ما هو الزواج الناجح ؟؟
ومن هو الشريك الأفضل ؟؟؟ |
الزواج الناجح هو الذي يستمر فيه الحب,
الشريك الأفضل هو الاكثر قدرة على التكيـف والتفهـم والقادر على العطاء باستمرار.
ينطبق هذا على الاثنين معا
تحياتي
أحمـد
|
Post: #12
Title: Re: ما بين ما ... ومن
Author: Waly Eldin Elfakey
Date: 05-20-2006, 08:30 AM
Parent: #6
العزيزة تونة سلامي في هذا البوست الجاد...
انا متزوج و لي عامان من الزواج بعد قصة حب استمرت
من جانبي لمدة ست سنوات.... و من جانبها لمدة.... (سوف استاذنها اولا لاخبرك)
حتي الان سعداء في كل شئ متفقين الي الحد البعيد و الحمد لله
و انا معك في هذا البوست بالرغم من قصر تجربتي لا انني اعتقد ان زواجي ناجح
و ساعمل كذلك ليستمر ناجحا سوف ارد عليك
ولكن عندي اقتراح بسيط حتي لا نغرق في الانشاء حبذا لو سالت ... و انا اجيب
و سوف ادعو لمياء زوجتي حفظهاالله ايضا لتجيب و بقية المتزوجين يمكن ايضا ان يحكو
تجاربهم بالاخص القدامي
انا حاسي انك ممكن تعملي من البوست ده حاجة جميلة جدا يستفيد منها الجميع
بدل
Quote: ما هو الزواج الناجح ؟؟
ومن هو الشريك الأفضل |
لان السؤال هنا اكثر عمومية فقط يمكن ان اجيب عليه كالاتي
الزواج الناجح هو المبني علي الحب الاحترام المتبادل و الالتزام بالواجبات
و القدرة علي تحمل هنات الطرف الاخر و التفاهم بهدؤ....
الشريك الافضل هو الشخص الذي يستطيع ان يحبني و يتحملني و احبه و اتحمله
خالص ودي و تحياتي
|
Post: #9
Title: Re: ما بين ما ... ومن
Author: toona
Date: 05-20-2006, 08:20 AM
Parent: #1
الأخ عصام :
يا تونة اهم شئ هو الاحساس بالحياة الزوجية ..
ولكن الكثيرون يحاولون ان يضعونها على الجرح والكذب ..
ده كلام كبير .... سؤال : ماذا يعني الاحساس بالحياة الزوجية ؟؟
|
Post: #13
Title: Re: ما بين ما ... ومن
Author: عاصم ابوبكر حامد
Date: 05-20-2006, 08:34 AM
Parent: #9
الاخت تونة
لكى التحية
| Quote: ده كلام كبير .... سؤال : ماذا يعني الاحساس بالحياة الزوجية ؟؟ |
هو العيش من غير قلل نفسئ
اولا فبل كل شئ
وهناك اشياء كثيرة فى الحياة الزوجية يجب ان تتوفر بعقلية متفتحة بعيدا عن التعصب الاسرى ...
ونحنوا جيل اليوم نطمح فى ذلك ...
تسلمى
|
Post: #10
Title: Re: ما بين ما ... ومن
Author: toona
Date: 05-20-2006, 08:27 AM
Parent: #1
أحمد الشايقي
Quote: الزواج الناجح هو الذي يستمر فيه الحب,
|
وهل يستمر الحب ؟؟ وهل هناك من هو قادر علي العطاء باستمرار بلا حدود ؟؟
انا اعتقد ان الشريك الافضل هو من يتقبل الآخر وهو يعطي ..
ويتقبل الآخر وهو عاجز ..
يحب الأخر وهو في كامل صحته وقوته وجماله ..
ويحبه في قمة ضعفه ومرضه ..
يحبه حتى عندما يظن انه قد كف عن الحب ..
والزواج الناجح هو القادر علي تجاوز العقبات بكل اشكالها ..
المرتكز علي الحوار الراقي في كل مراحله ..
الرافع لشعار : "لكل مشكلة حل"
الغير معترف بالنهايات الا عندما تصبح بداية ..
قولوا لي ياخوانا ، الكلام ده كتير علي الواقع؟
ولو الاجابة بنعم ، وين المشكلة ؟؟
|
Post: #11
Title: Re: ما بين ما ... ومن
Author: bamseka
Date: 05-20-2006, 08:29 AM
Parent: #1
انت يا راجل أنا ما قلت ليك لما تمرق من البيت دا تكلمني
الزواج والشريك (( محبة وتسامح وتعاون ))
البيت السعيد لا يقف على المحبة وحدها، بل لابد أن تتبعها روح التسامح بين الزوجين، والتسامح لا يأتي بغير تبادل حسن الظن والثقة بين الطرفين، والتعاون عامل رئيسي في تهيئة البيت السعيد، وبغيره تضعف قيم المحبة والتسامح، والتعاون يكون أدبياً ومادياً، ويتمثل الأول في حسن استعداد الزوجين لحل ما يعرض للأسرة من مشكلات، فمعظم الشقاق ينشأ عن عدم تقدير أحد الزوجين لمتاعب الآخر، أو عدم إنصاف حقوق شريكه.
|
Post: #14
Title: Re: ما بين ما ... ومن
Author: toona
Date: 05-20-2006, 08:37 AM
Parent: #1
الاخ الدكتور والي الدين
اشكر لك المبادرة الراقية واللطيفة ..
برغم انو عوامل استمرار نجاح الزواج مهمة ، لكن انا عايزة ابدا من الألف
منذ مرحلة الاختيار .. وهي الاصعب علي الاطلاق
بالتاكيد وجود الحب "العقلاني غير الاعمي" (ان وجد) يساعد كثيرا ، لكن غير الحب كيف اختار بحيث ارفع نسبة احتمالات نجاح هذا الزواج ..
واتحمل مسؤولية اختياري كاملة بنفس راضية ؟؟
وخلونا من النقاش في الثوابت ، الدين والاخلاق اساس كل شي وبعدين ؟؟
|
Post: #15
Title: Re: ما بين ما ... ومن
Author: حمزاوي
Date: 05-20-2006, 08:38 AM
Parent: #1
يا دكتورة تونا
مسكاقمي
يا اختي وين القطار هو لسع في قطار في السودان
يا حليل زمن القطر والسفر بالقطار
Quote: أغرق في خواطري ، واجفل من رهبة الاختيار ، اتمنى ان اختبئ خلف كل شئ ، تتساقط الأقنعة
ويظل التساؤل قائما ممزقاً السكون .. |
شعور غريب ماهي مبعث هذا الشعور ؟
أما عن السؤالين تأكدي سوف لا تجدين إجابة
تخريمة
وين الصورة الكان في البروفائيل حقك ؟
ليه شلتي الصورة
|
Post: #16
Title: Re: ما بين ما ... ومن
Author: toona
Date: 05-20-2006, 08:41 AM
Parent: #1
الاخ العزيز بامسيكا ..
معك حق في كل القلتو ، اغلب المشاكل تنشا من عدم الانصاف ..
وبعض المشاكل تنشا من الفروقات الواضحة في فهم الحياة وطريقة التعامل واشياء اخرى من غير الاساسيات المعروفة ..
كيف الحل ؟ وهل محاولة تغيير الطرف الاخر تجدي ؟؟؟
وان لم تجدي ، هل توجد حلول بديلة لنقاط الاختلاف ؟
|
Post: #17
Title: Re: ما بين ما ... ومن
Author: أحمد الشايقي
Date: 05-20-2006, 08:42 AM
Parent: #1
تونا
| Quote: وهل يستمر الحب ؟؟ وهل هناك من هو قادر علي العطاء باستمرار بلا حدود ؟؟ |
نعم, لكن الوضعية الافضل هي استمرارية العطاء من قبل الطرفين, لأنه معظم الناس يفكرون بطريقة تبادلية , ولأن معظم الناس أيضاً يتوفعون المقابل , لا يمكن أن نسبح ضد قيم مجتمع وأطر العلاقات فيه.
Quote: انا اعتقد ان الشريك الافضل هو من يتقبل الآخر وهو يعطي ..
ويتقبل الآخر وهو عاجز ..
يحب الأخر وهو في كامل صحته وقوته وجماله ..
ويحبه في قمة ضعفه ومرضه .. |
هذا صحيح وهذه نظرة لا شك أحييك عليها وأمل أن توفقي في شريك بنفس هذه الاريحية,
لكن الواقع لا يحمل ذات المؤشرات. فمؤشرات الواقع مختلفة تماماً عن هذه الطريقة في التفكير والتعامل.
بالطبع يوجد من يعذرون الطرف الشريك في حال الضعف والعجز ولو كان مزمنا إلا أن الشريك الذي يقدم الكثير أولا هو الأولى بتوقع أن تتم مجاملته وحسن معاملته حين العجز.
| Quote: يحبه حتى عندما يظن انه قد كف عن الحب .. |
لا , لا أتفق.
العلاقة هي علاقة حب تنشأ على الحـب وتنتهي عمليا وواقعيا بتوقف أي من الطرفين عن منح الحب, واستمرارها بعد ذلك إنما يكون استمرار صــوري لا أساس واقعي له.
دمت طيبة
أحمـد الشايقي
|
Post: #18
Title: Re: ما بين ما ... ومن
Author: فيصل نوبي
Date: 05-20-2006, 09:17 AM
Parent: #1
دكتورة نونة
سؤال منطقي .. و اي مننا سأله لنفسه .. و الاجابة شيء و تطبيقها شيء ..
في نظري و حسب خبرتي .. المتواضعة .. تجاوز الروتين .. يجعل الحب مستمرا .. و الارتباط اقوي ..
|
Post: #19
Title: Re: ما بين ما ... ومن
Author: toona
Date: 05-20-2006, 09:23 AM
Parent: #1
أحمد :
من دون اريحية كتلك ، كيف نحيا ؟؟ وكل منا معرض في اي لحظة لكل شئ ؟
المشكلة تبدا عندما يتصور طرف انه الاجدر بكل التعامل الطيب ...
مسمى اخر ... الانانية
شكرا سيدي علي التعليق المفيد
|
Post: #20
Title: Re: ما بين ما ... ومن
Author: toona
Date: 05-20-2006, 09:26 AM
Parent: #1
| Quote: في نظري و حسب خبرتي .. المتواضعة .. تجاوز الروتين .. يجعل الحب مستمرا .. و الارتباط اقوي .. |
انا زاتي خبرتي بتقول كدة !
لكن عارف الاصعب شنو ؟ كيف يتم تجاوز الروتين وهو جزء من حياتنا ، حتى التغيير بالتكرار يصبح روتين .. ؟؟
|
Post: #21
Title: Re: ما بين ما ... ومن
Author: toona
Date: 05-20-2006, 09:29 AM
Parent: #1
Quote: يا دكتورة تونا
مسكاقمي
يا اختي وين القطار هو لسع في قطار في السودان
يا حليل زمن القطر والسفر بالقطار
|
حمزاوي ، لسة قاعد كل يوم يصفر جنب بيتنا ، بقى الواحد ما بيقدر ينوم من غير ما يسمع صوتو !! متهالكا هده العمر ، متأرجحا بين كفي القدر !
تخريمة : اسال عمو والي الدين من الصورة !
|
Post: #22
Title: Re: ما بين ما ... ومن
Author: Waly Eldin Elfakey
Date: 05-20-2006, 03:08 PM
Parent: #21
الصورة قاعدة بنطلعها عند اللزوم
او لمن يجي زول جادي
ارجو ان يتفائل الناس بالزواج
و ارجو ان لا ياتي الفرد للزواج و هو يفكر في ان ياخذ فقط
بل ان يعطي اكثر من ما ياخذ و عندئذ يتفاني كل طرف مكن اجل
العطاء ... فتستمر الحياة جميلة و سعيدة...
انا ادعو كل العذابة... للتفكير الجاد فالزواج المبني علي اسس
قويمة... مكسب عظيم
|
Post: #23
Title: Re: ما بين ما ... ومن
Author: toona
Date: 05-21-2006, 05:40 AM
Parent: #1
Quote: الصورة قاعدة بنطلعها عند اللزوم
او لمن يجي زول جادي |
وعلي هذا تم اعلان العم العزيز والي الدين ولي امر شرعيا ، وعليه سيتم دراسة كل الطلبات المقدمة وتفحص فحصاً طبيا لائقا ، والما جادي الله قال بي قولو !!
عمو ويلي الله يجازيك ، البوست ده كان مفروض يكون جادي وكدة ، كدي نرجع لي موضوعنا
وسؤال للزوجين والي الدين ولمياء :
هل معايير الاختيار الافضل تخضع لحكم القلب فقط ام العقل فقط ، بالتقرير انه من الصعب للغاية الجمع بين الاثنين في معظم الحالات !!
تخريمة :
Quote: انا ادعو كل العذابة... للتفكير الجاد فالزواج المبني علي اسس
قويمة... مكسب عظيم |
يازول ما تطلق دعاوي تعسفية ساي ، العزابة ديل هسي خليهم في حالهم ! ما يبقى عليهم البقى عليك !
|
Post: #24
Title: Re: ما بين ما ... ومن
Author: Waly Eldin Elfakey
Date: 05-21-2006, 05:44 PM
Parent: #23
| Quote: وعلي هذا تم اعلان العم العزيز والي الدين ولي امر شرعيا ، وعليه سيتم دراسة كل الطلبات المقدمة وتفحص فحصاً طبيا لائقا ، والما جادي الله قال بي قولو !! |
للتوثيق يا جماعة اوعى اي واحد جادي يقدم اوراقه عن طريقنا
اما بخصوص السؤال انا اعتقد ان القلب اولا ثم بعدذلك قد يقبل لعقل او قد يرفض
يعني لو احببت احداهن و لكن اتضح لي ان هناك من سلوكها ما يتعارض ما قناعتي
الامر الذي قد يضر بزواجنا لاحقا فانني ساحاول بالتاكيد اثناء القلب اما اذا كان امرا يسيرا فيمكن تجاوزه.....
اجابة لمياء التي لا تملك باسويرد.... قالت لك قبل كل شئ هي لا ترضي ان تقولي
لي عمو... (هذا كلامها) ثم اجابت علي سؤالك بي كلمتين فقط
القلب طبعا.....
قالت بناء علي تجربتها ما عندها اي اضافة
و بعدين بتسلم عليك
فيه حاجات تانية قالتها عن الكتابة اونلاين هي ما في صالحي ....
وما عندها علاقة بموضوع البوست عشان كده ما بكتبها
|
Post: #27
Title: Re: ما بين ما ... ومن
Author: معتز تروتسكى
Date: 05-22-2006, 04:11 AM
Parent: #25
| Quote: حمزاوي ، لسة قاعد كل يوم يصفر جنب بيتنا ، بقى الواحد ما بيقدر ينوم من غير ما يسمع صوتو !! متهالكا هده العمر ، متأرجحا بين كفي القدر ! |
اضبط خالتو فى حالة اندياح 
حوار اذاعي:
كتبت تونه
| Quote: تخريمة : اسال عمو والي الدين من الصورة ! |
رد الوالى
Quote: الصورة قاعدة بنطلعها عند اللزوم
او لمن يجي زول جادي |
كتبت تونه
| Quote: وعلي هذا تم اعلان العم العزيز والي الدين ولي امر شرعيا ، وعليه سيتم دراسة كل الطلبات المقدمة وتفحص فحصاً طبيا لائقا ، والما جادي الله قال بي قولو !! |
رد الوالى
| Quote: للتوثيق يا جماعة اوعى اي واحد جادي يقدم اوراقه عن طريقنا |
فى هذه الحاله ماذا يقول تروتسكى..
الفكي الحقلنى انا خايف على روحي وداير اقرا لسع. .
وكذلك وبلسان الوالى منقول..
Quote: اجابة لمياء التي لا تملك باسويرد.... قالت لك قبل كل شئ هي لا ترضي ان تقولي
لي عمو... (هذا كلامها) |
معناها الحوادث قربت
قايتو اتمنى لكي نوما هنئيا فى الجبص ياتونه..
ملحوظه:
هوى دى اخر مداخلاله لى معاكم لانو اصلو ماقادر اتخيل انك جاده فلو جيت بخرمج وحاقضيها كلها ضحك ؛
لانو الايام دى انا مافاضى للمواضيع الجاده شغال نظام (تيك اوي)..
منها الواحد يغير جو ويضحك ويرجع ينخمد..
فا اتمنى ليكم حبا سعيدا. . .
|
Post: #26
Title: Re: ما بين ما ... ومن
Author: Mayada
Date: 05-22-2006, 02:50 AM
Parent: #1
العزيزة تونا...
ماعايزة اكون زولة بتنظر ساي ولكن وعلى حسب معايشتي لتجاربي الشخصية وتجارب المقربين ومن حسب وجهة نظري الخاصة جدا جدا...
اعتقد ان الزواج مسألة معقدة للغاية لا يتسطيع الاستمرار فيها الا طرفين لديهم مواصفات نادرة مثل...
القدرة على العطاء من غير انتظار المقابل من الطرف الآخر او مقارنة عطاءه بعطاء شريكه
مثال...
يجيب ليها توب العيد من غير مايكون عندو مآرب اخرى...
أو
عشان ابى يفوت معاها ناس امها هي كمان تأبى تمشي معاهو ناس امو...
تونة...
أرجو ان تسمحي لي بالعودة مرة اخرى، إذ مازال للحديث بقية...
ست البنيــــــــــــــات
|
Post: #28
Title: Re: ما بين ما ... ومن
Author: Waly Eldin Elfakey
Date: 05-22-2006, 06:05 AM
Parent: #26
الاخت ميادة لو سمحت لي تونة اود التعليق علي بعض ما كتبت
Quote: يجيب ليها توب العيد من غير مايكون عندو مآرب اخرى...
أو
عشان ابى يفوت معاها ناس امها هي كمان تأبى تمشي معاهو ناس امو... |
بناء علي تجربتي القصيرة جدا.... اعتقد ان الاهتمام بمثل هذه الاشياء
بين الازواج يدل علي الاهتمام باشياء سطحية خالص.....
و لو اهتم لازاج بمثل هذه الاشياء السطحية و افردوا لها وقتا للنقاش و اعطوها اهمية
فان العلاقة الزوجية سوف لن تستمر و لو استمرت فانها.... ستكون تعيسة
اليك هذه لحادثة البسيطة التي حدثت لاحد اصدقائي السعداء
في زيارة له لاقاربه في الاقاليم في احدي الاعياد
وجد ان زوجته قد احضرت معها هدايا لكل الاهل وعندما تقدم الهدية تقول لهم انه
زوجي اشتراها لك....
و عندما سالها صديقي قالت انت مشغول وانا كنت اوفر من مصاريف البيت
فالعلاقة يجب ان تكون تكاملية لا تنافسية
|
Post: #29
Title: Re: ما بين ما ... ومن
Author: Mayada
Date: 05-22-2006, 06:49 AM
Parent: #28
الزميل Waly Eldin Elfakey
| Quote: الاخت ميادة لو سمحت لي تونة اود التعليق علي بعض ما كتبت |
جداً اتفضل...
Quote: Quote: يجيب ليها توب العيد من غير مايكون عندو مآرب اخرى...
أو
عشان ابى يفوت معاها ناس امها هي كمان تأبى تمشي معاهو ناس امو...
بناء علي تجربتي القصيرة جدا.... اعتقد ان الاهتمام بمثل هذه الاشياء
بين الازواج يدل علي الاهتمام باشياء سطحية خالص..... |
أولاً انا قلت من وجهة نظري الخاصة الخاصة جداً...
ثانياً قلت مثال...
ثالثا ودة الأهم انه ولولا يقيني التام بان مثل هذه المواقف تحدث في كثير من البيوت لما ذكرتها...
رابعاً لولا السطحية واشياء اخرى لما حدثت المشاكل...
نجي لخامساً...
Quote: اليك هذه لحادثة البسيطة التي حدثت لاحد اصدقائي السعداء
في زيارة له لاقاربه في الاقاليم في احدي الاعياد
وجد ان زوجته قد احضرت معها هدايا لكل الاهل وعندما تقدم الهدية تقول لهم انه
زوجي اشتراها لك....
و عندما سالها صديقي قالت انت مشغول وانا كنت اوفر من مصاريف البيت |
اذا كان صديقك سعيد الحظ وربنا وفقو بزوجة زي كدة ففي (ودعني اكون متفائلة واقول) العشرات مما رزقهم الله بزوجات يصرو على ان يشترو كميات مهولة من المجوهرات كل سنة بس من فكرة انو انا مغتربة ما ممكن امشي بنفس الدهب السافرت بيهو السنة الفاتت...
وشكرا على تعليقك...
ست البنيــــــــات
|
Post: #30
Title: Re: ما بين ما ... ومن
Author: toona
Date: 05-22-2006, 08:36 AM
Parent: #1
| Quote: للتوثيق يا جماعة اوعى اي واحد جادي يقدم اوراقه عن طريقنا |
| Quote: فيه حاجات تانية قالتها عن الكتابة اونلاين هي ما في صالحي .... |
النصيحة لي الله معاها حق !!
شكلو زي ما قال تروتسكي الحوادث قربت وحظا سعيدا في الجبص !!
Quote: قالت بناء علي تجربتها ما عندها اي اضافة
و بعدين بتسلم عليك |
شكرا لي لمياء ، وربنا يسلمها ، حقيقي الواحد بيكن ليها كل حب واحترام
"اللهم جيب العواقب سليمة !! " :
Quote: ملحوظه:
هوى دى اخر مداخلاله لى معاكم لانو اصلو ماقادر اتخيل انك جاده فلو جيت بخرمج وحاقضيها كلها ضحك ؛
لانو الايام دى انا مافاضى للمواضيع الجاده شغال نظام (تيك اوي)..
|
تروتسكي : مرحب بيك في اي وقت وفي اي بوست
|
Post: #31
Title: Re: ما بين ما ... ومن
Author: toona
Date: 05-22-2006, 08:50 AM
Parent: #1
Quote: تونة
سلام
سعيد لعودتك للمنبر وللقلم من جديد ..
|
تسلم يا ذوق ، وبرضو شكرا ليك
Quote: هي في رأيي الشّخصي خمسة أعمدة لو إهتز أحدها إهتزّت العلاقة ولو سقط أحد الأعمدة ساهم بشكل مباشر في سقوط العلاقة ..
الحُب ، الإحترام ، الثـّقة ، الصّدق ، والوضوح .. |
ممكن اضافة ؟
الرحمة ...
|
Post: #32
Title: Re: ما بين ما ... ومن
Author: toona
Date: 05-23-2006, 07:01 AM
Parent: #1
وكمان : الصداقة ... وفيها يدخل التفهم الكامل لاحتياجات الطرف الآخر وعدم الضغط علي مواطن الضعف ..والتشجيع والانتقاد الهادف باسلوب جميل والوجعة .. وقت الوجعة ..
|
Post: #33
Title: Re: ما بين ما ... ومن
Author: toona
Date: 05-23-2006, 07:12 AM
Parent: #1
كتبت ميادة عن تجربة شخصية احترمها جدا :
Quote: العزيزة تونا...
اعتقد ان الزواج مسألة معقدة للغاية لا يتسطيع الاستمرار فيها الا طرفين لديهم مواصفات نادرة مثل...
القدرة على العطاء من غير انتظار المقابل من الطرف الآخر او مقارنة عطاءه بعطاء شريكه
مثال...
يجيب ليها توب العيد من غير مايكون عندو مآرب اخرى...
أو
عشان ابى يفوت معاها ناس امها هي كمان تأبى تمشي معاهو ناس امو...
|
رد والي الدين :
Quote: بناء علي تجربتي القصيرة جدا.... اعتقد ان الاهتمام بمثل هذه الاشياء
بين الازواج يدل علي الاهتمام باشياء سطحية خالص.....
و لو اهتم لازاج بمثل هذه الاشياء السطحية و افردوا لها وقتا للنقاش و اعطوها اهمية
فان العلاقة الزوجية سوف لن تستمر و لو استمرت فانها.... ستكون تعيسة
|
، اعتقد ان الحادثة التي حدثت لاحد اصدقائك السعداء تنم عن فهم راقي رفيع للغاية ، قلما يتميز به الطرفان في آن واحد ..
ميادة :
Quote: رابعاً لولا السطحية واشياء اخرى لما حدثت المشاكل...
|
اتفق مع كلا الرأين : رجوعا لكلام الاخ فيصل نوبي ، واستنادا علي ايماني بان الملل، الروتين والرتابة هم من اعداء اي علاقة خاصة الزوجية ، فالسطحية تنتج من الروتين "عندما تفرغ جميع المواضيع ، ولا يبقى الا السطحية لعمل برنامج منها ، بالاضافة للاهتمام بالشكليات والاجتماعيات بصورة مبالغ فيها ...واعتقد انو دي برضو طريقة لسد الفراغ الناتج من قلة الحديث بين الزوجين ، ولتجاوز كل هذا يحتاج الزوجان للحديث المتحضر والنقاش البناء في طريقة او طرق لكسر الروتين ، والاهتمام بالاجتماعيات المفيدة فقط من غير التركيز علي وجهة نظر هذا او ذاك ...وخلق البرامج التي يمكن ان يزاولها الزوجان معا ، مما يخلق بينهما نوع مختلف من التواصل ، والصداقة
|
Post: #34
Title: Re: ما بين ما ... ومن
Author: عوض محمد احمد
Date: 05-23-2006, 07:17 AM
Parent: #33
زواج ناجح هو رفقة بلا ملل.
اول علامات فشل الزواج شعور اى من طرفيه بالملل
|
Post: #36
Title: Re: ما بين ما ... ومن
Author: إدريس محمد إبراهيم
Date: 05-23-2006, 07:32 AM
Parent: #33
الأخت العزيزه / تونا ...
تحية الود والتجلة ....
جميل جداً توخي أقصى درجات الحذر قبل الدخول في تجربة الزواج ... والتوافق مهم في عدة نواحي وخاصة التوافق الفكري ... ويجب مع توفر الحب أن تكتمل قناعاتك الشخصية بالطرف الآخر .. وما دمت تحاولين بناء حياة زوجية مستقرة فتأكدي أن لا أحد يتعمد أن يهدم حياته بيديه ... ولكني أقول لك شيئاً في غاية الأهميةوهو أنه أبداً لا توجد حياة زوجية بلا مشاكل .. توقعي أن تحدث وليكن ديدنك الصبر ومعالجة الأمور بحكمة ورويه ... وشويه شويه تسير المركب إلى بر الأمان ... يكفي الإحساس بالأمان .. وأن يوفر لك الزواج إشباع الرغبة المتأصلة في كل سيدة بالأمومه والحنان والحب ..
أتمنى أن أراك قريباً جداً في عش الزوجية السعيد ....
مع خالص المودة والتقدير ؛؛؛؛
|
Post: #37
Title: Re: ما بين ما ... ومن
Author: Waly Eldin Elfakey
Date: 05-23-2006, 04:43 PM
Parent: #36
شنو يا تونة ما تلخصي لينا النتائج عشان نواصل
اقصد نتائج الاراء و التجارب هنا
|
Post: #38
Title: Re: ما بين ما ... ومن
Author: toona
Date: 05-24-2006, 09:46 AM
Parent: #1
شكرا د.عوض علي المداخلة ..
د.والي الدين ، كدي لما نلم كل الآراء بعدين نلخص ، ولو عندك زيادة ، البحر ما بيابى الزيادة
الأخ إدريس :
Quote: جميل جداً توخي أقصى درجات الحذر قبل الدخول في تجربة الزواج ... والتوافق مهم في عدة نواحي وخاصة التوافق الفكري ... ويجب مع توفر الحب أن تكتمل قناعاتك الشخصية بالطرف الآخر .. وما دمت تحاولين بناء حياة زوجية مستقرة فتأكدي أن لا أحد يتعمد أن يهدم حياته بيديه ... ولكني أقول لك شيئاً في غاية الأهميةوهو أنه أبداً لا توجد حياة زوجية بلا مشاكل .. توقعي أن تحدث وليكن ديدنك الصبر ومعالجة الأمور بحكمة ورويه ... وشويه شويه تسير المركب إلى بر الأمان ... يكفي الإحساس بالأمان .. وأن يوفر لك الزواج إشباع الرغبة المتأصلة في كل سيدة بالأمومه والحنان والحب ..
أتمنى أن أراك قريباً جداً في عش الزوجية السعيد |
اشكرك علي الرسالة الراقية جدا ورايك محل كل التقدير ..
|
Post: #39
Title: Re: ما بين ما ... ومن
Author: toona
Date: 05-24-2006, 09:53 AM
Parent: #1
شكرا د.عوض علي المداخلة
د.والي ، لسة لما نلم كل الآراء ونجردها
الاخ ادريس اشكرك علي الرسالة الراقية جدا ومحل اعتبار رابك اكيد ...
|
Post: #40
Title: Re: ما بين ما ... ومن
Author: layon
Date: 05-24-2006, 02:07 PM
Parent: #39
تونتي الغاليه..سلام وتحيه
وا ح ش ا ن ي
رأي انو
الزواج الناجح..هو المبني على التوافق المشترك بين الطرفين في كل/اغلب اتجاهات الحياه
اما الشريك الافضل فهو المرن المحب المتفهم
بوستك لزيز وحلو يا حلو
محبتي
ليون الصوماليه
|
Post: #41
Title: Re: ما بين ما ... ومن
Author: toona
Date: 05-25-2006, 06:14 AM
Parent: #1
عزيزتي ليون :
شرفتي البورد والبوست والدنيا كلها ...
ياخوانا عندي سؤال ، التفهم غير التفاهم، ايهما افضل لصحة الزواج ؟؟؟
ممكن تتفهم لي زول حاجاتو لكن ما تقدر تتفاهم معاهو حولها ، ولا تقدر تتقبلها ويورثك هذا شعور بالحزن الدائم لعدم قدرتك علي التفاهم بالرغم من تفهمك لدوافع واسباب الطرف الاخر ...
تكلة !!
|
Post: #42
Title: Re: ما بين ما ... ومن
Author: معتز تروتسكى
Date: 05-25-2006, 08:30 AM
Parent: #41
|
Post: #43
Title: Re: ما بين ما ... ومن
Author: غادة عبدالعزيز خالد
Date: 05-25-2006, 10:31 AM
Parent: #42
العزيزة تونة
ذكرتينى بصديقة, استمرت علاقها بزوجها حاليا اكثر من ستة سنوات ما بين ارتياط و خطوبة, و بعد فترة كان تعليفها "نفسى اعرف منو القال اول سنة هى احلى سنة, دى ازفت سنة".
-معلسش للناس المتزوجين حديثا و الذين على اعتاب الزواج-
لكن حقيقة, الزواج فى اولى فتراتة صعب, و يتضمن الكثير من التفاهم. و اعتقد ان السبب يعزى لان كل من منزل مختلف, و بيئة مختلفة, و عادات مختلفة, و طبيعى ايضا ان يكون كثير من النقاش عن كيفية التأقلم على الوضع الجديد و خلق ثقافة جديدة تتضمن توجهاتهما المختلفة معا. و اهم ما فى الزواج ان يبدى كل من الطرفين استعدادة للتنازل –و لو بقدر- ليسعد الآخر, و هكذا
تحياتى
غادة
|
Post: #44
Title: Re: ما بين ما ... ومن
Author: Muna Khugali
Date: 05-25-2006, 10:44 AM
Parent: #43
Quote: ما هو الزواج الناجح ؟؟
ومن هو الشريك الأفضل ؟؟؟ |
الزواج يين أمي وابي وآخـرين...غـير كـده مابعرف ياتونة!
مـني
|
Post: #45
Title: Re: ما بين ما ... ومن
Author: معتز تروتسكى
Date: 05-25-2006, 12:42 PM
Parent: #44
خالص التحايا
الزميله العزيزه تونه (نظام زول جادي وكده). .
حقيقه بالجد حسيت بى بوستك ده بعد الاغنية دى (THE POWER OF LOVE) وفعلا ادتنى طاقه لكى ابوح وافتفض ...
نحص ماوصلنا خلاصة التجربه التى تقنن بالزواج..
احكى ليك عن شبه التجربه التى تراوحت مابين الاعجاب والحب ..
نحن فى هذه العمر تراودنا تلك الاحاسيس مره مابين الاعجاب ومرة مابين الحب..
وفى النهاية عنى بقول خلاف ماهو معروف(اجمل انواع الحب المابنتهى بالزواج)..
عندى فهم كتير مر بى فى حياتى ..
ما اقدر اقول مريت بتجربه خالصه..لكن كانت هناك لدغات لقلب لحظتها يتاور (القليب) وتهيج اشجانو..
لكن مره من المرات قعدت عشان اقيم شكل العلاقات من تجاه المراءة والرجل وسالت نفسى سؤال
ايهما اكثر وفاءا ؛الرجل ولا المراءة؟
انا عن شخصى اقول الرجل ..
من مشاهد كثير ظاهره وغير ظاهره..
لانو اثر الصدمه والخيانه بكون تاثيرو فى الرجل اقوى من المراءه اى يعنى هذا بان الرجل عندما يحب يحب بعمق ..
لااقول ان المراءة لاتحب بعمق لكن الاغلبيه الوفائيه تكمن فى الرجل .
هذا من وجة نظرى...
الشى الاخر كانت لدى نظرة سلبيه جدا تجاه المراءه لااقول انتهت نهائيا لكن توجد رواسب من خلال ما اعيشه ليس بالضروه ان يكون قدر مر بى ؛لاننى كما ذكرت لك لم امر بتجربه كاملة الدسم لكى اقيم تقيما صحيح..
لكن المشاعر بالتاكيد تتحرك ...
عموما الكلام كثير واكثر مايدفعنى للكتابه طاقة (celine dion)..
وهذا تجربه شخص فى منتص العقد الثالث ..
لكن ما استطيع ان الخص به حديثى ودائما اردده للاصدقاء..
(شاعر انى حاتزوج لى المراءة احبها حب فظيع)..
والتحيا النواضر..
|
Post: #46
Title: Re: ما بين ما ... ومن
Author: ناجي عز الدين الصديق
Date: 05-25-2006, 03:52 PM
Parent: #1
الأخت الفاضلة/ تونا
تحية طيبة
الزواج الناجح والشريك الجيد لابد من توفر مجموعه من العناصر من ضمنها
الحب ... الحنان ... الثقة وغيرها معان جميلة نعيشها في حياتنا لكننا
للاسف وفي غالب الأحيان لا نتذوق حلاوتها ولا نستطعم جاذبيتها الحقيقية , إذ
لا يتم ذلك إلا بتوفرنا على المفتاح الذي يفتح لنا أبواب الصدق والإخلاص فيها
ذلك الكنز المفقود الذي بضياعه ضاعت كل المعاني والقيم الجميلة في حياتنا
وإلى الملتقى
|
Post: #47
Title: Re: ما بين ما ... ومن
Author: shazaly gafar
Date: 05-26-2006, 10:48 AM
Parent: #46
الأخت د. تونا
تحيــاتى
Quote: برغم انو عوامل استمرار نجاح الزواج مهمة ، لكن انا عايزة ابدا من الألف
منذ مرحلة الاختيار .. وهي الاصعب علي الاطلاق
بالتاكيد وجود الحب "العقلاني غير الاعمي" (ان وجد) يساعد كثيرا ، لكن غير الحب كيف اختار بحيث ارفع نسبة احتمالات نجاح هذا الزواج .. |
| Quote: هل معايير الاختيار الافضل تخضع لحكم القلب فقط ام العقل فقط ، بالتقرير انه من الصعب للغاية الجمع بين الاثنين في معظم الحالات !! |
هذا الكلام يُلقى ظلالَه على مُتَّكَئٍ هجعتُ عنده فى قيلولةٍ غائظة ..
وهذا المصطلح (الإختيار العقلى) أو (الحب العقلانى) - كما تفضَّلت -
آلمنى يوماً ما فشكوتُه للمنبر .. أرجو أن ابسطه هنا عسى أن ..
ماهو الفرق بين زواج المصلحة وما يُسمى بالاختيار العقلى؟؟
Quote: لمَّا كان الاختيار هو الخطوة الاولى فى رحلة الحياة الزوجية اكتسب أهميةً ليس من الحكمة تجاوزها بمكان,ولكن جواد الحياة الجمَّاح الذى علك الشكيمة وأطلق رجليه للريح فى دروب المتطلبات الحياتية والضغوط المعيشيةالصعبة خلَّف وراءه غبار العزوف عن الزواج وبالتالى العنوسة وغيرها من المعضلات التى تؤرق الجنسين حيث بدت فى كثير من الاحيان صورة فارس/ة الاحلام على ارض الواقع لا تتطابق مع صورته/ها المحفورة فى الوجدان قبل الزواج.
فأخذت تطفو على السطح كثير من الزيجات غير المتكافئة مع قناعة الطرفين بذلك -مثلاً-ان يتزوج شاب صغير من امرأة كبيرة فى السن ولكنها بما تملك من ثراء ومركز اجتماعى و..و..تجعل هذا الشاب يحقق قدراً كبيراً من النجاح فى ضروب الحياة المختلفة والعكس صحيح ونجد هؤلاء الشباب يستخدمون مصطلحات لست ادرى ان كانوا يزينون بها هذه الزيجات او يواسون بها انفسهم او يفلسفونها على طريقة فقه الضرورة مثل قولهم( كان اختيارى عقلياً)فالسؤال هو هل الاختيار العقلى هو الاسم الحركى لزواج المصلحة؟؟والى أى مدى تتناغم العاطفة مع العقل فى هذه الحالات ؟؟ وما هى الفواصل بين النجاح والفشل بعد ان تبحر سفينة الزواج فى خضم المعترك الحياتى؟؟ وما هى نسبة توقع هطول امطار الحب -بأثر رجعى -بعد الزواج؟؟وكيف يتم تعديل صورة فارس الاحلام التى تتراقص فى الاعماق؟؟.
انها أسئلة تصول وتجول بين العقل والعاطفة والواقع المعاش فعلاً رغم قناعتنا التامة بان ديننا الحنيف لا يعارض هذه الزيجات وهو الذى أبان زواج المرأة للجمال والمال والحسب والدين كيف لا ورسولنا الكريم وسيد المرسلين(ص)تزوج من خديجة بنت خويلد وهى تتوكأ على الاربعين بفارق خمسة عشر عاماً بين عمريهما وهى سيدة اعمال-بلُغة العصر-وحاشا لرسولنا الكريم(ص) ان يكون طامعاً فى مالها.
كم وددت ان اجد اجابات على الاسئلة اعلاه من منظور اجتماعى وفق ما يتقلقل فى اعماق الشباب من احلام وفى عقولهم من افكار وبرؤية صادقة للواقع المعاش.
|
|
Post: #48
Title: Re: ما بين ما ... ومن
Author: toona
Date: 05-27-2006, 05:37 AM
Parent: #1
العزيز تروتسكي ، الف الف شكر علي الاغنية الجميلة للغاية ، والتي أعشقها ..
Quote: وسالت نفسى سؤال
ايهما اكثر وفاءا ؛الرجل ولا المراءة؟
انا عن شخصى اقول الرجل ..
من مشاهد كثير ظاهره وغير ظاهره..
لانو اثر الصدمه والخيانه بكون تاثيرو فى الرجل اقوى من المراءه اى يعنى هذا بان الرجل عندما يحب يحب بعمق ..
لااقول ان المراءة لاتحب بعمق لكن الاغلبيه الوفائيه تكمن فى الرجل
|
اوافقك في اغلب الحالات ، نسبة لانو علميا مثبت ان المرأة نتيجة للتغيرات المستمرة للهرمونات داخل جسمها ، وارتباط ذلك بالحالة المزاجية العامة الكثيرة التقلبات ، والملل السريع لكن الوفاء كصفة لا تقتصر علي جنس محدد ، في نساء وضعوا بصمة في جبين الزمن في كل ما يختص بالوفاء وكل القيم النبيلة .. والامثلة كتيرة
بعدين ما شايف رجالنا عينهم طايرة كيف ؟؟ الواحد ما صدق جابوا في القرآن سيرة التعدد من قبل ما يفهم الحاصل شنو تلقاهو جاب الرابعة !
الله يخليها سيلين ديون الخلتك تطلع لينا بالدرر !!
|
Post: #49
Title: Re: ما بين ما ... ومن
Author: toona
Date: 05-27-2006, 05:46 AM
Parent: #1
غادة العسل : 
| Quote: حقيقة, الزواج فى اولى فتراتة صعب, و يتضمن الكثير من التفاهم. و اعتقد ان السبب يعزى لان كل من منزل مختلف, و بيئة مختلفة, و عادات مختلفة, و طبيعى ايضا ان يكون كثير من النقاش عن كيفية التأقلم على الوضع الجديد و خلق ثقافة جديدة تتضمن توجهاتهما المختلفة معا. و اهم ما فى الزواج ان يبدى كل من الطرفين استعدادة للتنازل –و لو بقدر- ليسعد الآخر, و هكذا |
أوافق ، مئة بالمئة ! وحتى يعتاد كل طرف علي الآخر ، طباعو ، ميولو ، أفكارو،
الصبر مدوا حبل الصبر !!
|
Post: #50
Title: Re: ما بين ما ... ومن
Author: toona
Date: 05-27-2006, 05:53 AM
Parent: #1
الأخ ناجي :
Quote: الحب ... الحنان ... الثقة وغيرها معان جميلة نعيشها في حياتنا لكننا
للاسف وفي غالب الأحيان لا نتذوق حلاوتها ولا نستطعم جاذبيتها الحقيقية , إذ
لا يتم ذلك إلا بتوفرنا على المفتاح الذي يفتح لنا أبواب الصدق والإخلاص فيها |
في رأيي الصدق والإخلاص هي قيم شخصية ، ولا نفقدها الا اذا قررنا نحن ذلك
الأخ شاذلي :
الشكر الجزيل لمشاركتي في البوست التساؤلي المضمون ، العذب الأسلوب والكلمة ، ولا يزال التساؤل قائما ... ما هي اساسيات الاختيار؟ ماذا نعني بالتكافؤ ؟
|
Post: #51
Title: Re: ما بين ما ... ومن
Author: toona
Date: 05-27-2006, 06:04 AM
Parent: #1
العزيزة منى خوجلي :
ربنا يخلي ليك والديك ، ويرزقك حياة مستقرة ناجحة كحياتهم .. شكرا علي التعليق
|
Post: #52
Title: Re: ما بين ما ... ومن
Author: انعام عبد الحفيظ
Date: 05-29-2006, 06:43 AM
Parent: #1
Quote: ما هو الزواج الناجح ؟؟
ومن هو الشريك الأفضل ؟؟؟ |
عزيزتي تونا
سلام وود
عارفه يا تونه الشريك الافضل هو الذي يقود للزواج الناجح
والشريك الافضل هو من يحب ويحترم من يحبه ويثق فيه ويتوافق معه
اذا كان الطرفين يتبادلان هذا الاحترام وهذه الثقة ويوجد هذا التوافق
بالتأكيد سيسعيان لحياة حلوة وجميلة
والاهم هو التجديد والتجديد يأتي في حالة وجود الحب والتوافق
لان بالحب والتوافق نستطيع ان نعيش حياة حلوة ومتجدده
لي عودة لموضوعك الشيق هذا
مودتي واحترامي
|
Post: #53
Title: Re: ما بين ما ... ومن
Author: toona
Date: 06-01-2006, 05:01 AM
Parent: #1
الأخت انعام شرفتينا بي طلتك وشكرا علي مشاركتي وجهة نظرك ... ولي وقفة في جزئية من تعليقك ... يتوافق معه ..
التوافق انواع ، فكري ، اجتماعي وعاطفي .. ونادر جدا يحدث توافق كامل في كل هذه الجوانب ، فاي واحد هو الأهم من وجهة نظرك ، او اي نوع لا يمكن الاستغناء عنه في الحياة الزوجية . ؟
|
Post: #55
Title: Re: ما بين ما ... ومن
Author: saif massad ali
Date: 06-01-2006, 05:28 AM
Parent: #53
الدكتورة
سلام
ماهو معيار قياس الزواج الناجح
تزوجت وطلقت بعد 11 سنة
اولادي صاروا اكثر حبا لي من الاول فهم الان معي شبه يوميا
زوجتي السابقة صارت اكثر احتراما لي
الثانية ولا حرج بعد الطلاق لا تلفون ولا سؤال
الثالثة
اكثر حلاوة وحبا
اسأل الله ان يديم الحب بيننا
|
Post: #56
Title: Re: ما بين ما ... ومن
Author: shazaly gafar
Date: 06-01-2006, 07:42 AM
Parent: #55
العزيزة د تونا
ســـــلام
مدخل هذا البوست ينعش الروح ..
أملى أن تبسطى مساحة استراحة - مثل المدخل - بين المحطات ..
لأنو الكلام عن الزواج بحتاج لى كفتيرة شاى أحمر (يعنى ساده) ..
نسكت نشرب مثنى وثلاث ورباع ..
|
Post: #57
Title: Re: ما بين ما ... ومن
Author: toona
Date: 06-03-2006, 09:46 AM
Parent: #1
الأخ سيف :
يعني داير تقول لينا الزواج الافضل هو اللا زواج ؟؟
ربنا يديم عليك السعادة والراحة يا رب ..
شاذلي ، انا لغاية ما اعمل ليك الفواصل الوردية ، بديك حق الفيتو في انك تعملها بدالي ، رايك شنو ؟؟ لكن بالغت ، في الشاي دايرن اربعة ؟؟؟
|
Post: #58
Title: Re: ما بين ما ... ومن
Author: toona
Date: 06-15-2006, 07:49 AM
Parent: #1
وقفة :
هل ترى تلك الحياة الواقفة بين أعشاب الخريف الوليدة ؟
هذي أنا ..
تعابثني رياح الشرق ..
وعمق التكون والبدايات ..
فتركعني حيناً ... وترفعني حينا ... وتمضي ..
يحتار قصدي أين يغرس قلبه ..
يحتاج أرضاً أبدية ..
يتلظى في أتون الإحتمال ..
يا لجنون هذه الروح الفتية ...
حين تحتدم الأشياء ..
تعلو قسمات وجهي دهشة الوافد لمدائن النور ..
يراها ولا تراه ..
ولا إجازة .. لنبضي المرهق ... وساعتي العتيقة ...
إعتدت أني حين أخطئ ..
يثقل كاهلي وحدي ..
يسقط عالمي وحدي ..
وحين ألملم ذاتي أبنيه من جديد ..
فكيف إن أخطأت يوماً ..
فألقيت ذات مساء بتعويذة الألم ..
ومتلازمة الغرابة العمرية المدى ..
علي أجنحة طير صغير يتلمس خطوه في الأرض القاسية ..
هل لأدمع هؤلاء دية ؟؟
*****
تقتات أفكاري علي وهج الدنا عند المغيب ..
فلا تنام ...
ولا أنام ...
|
Post: #59
Title: Re: ما بين ما ... ومن
Author: shazaly gafar
Date: 06-16-2006, 10:00 AM
Parent: #58
اتِّكــــاءة :
أن يتوسَّد التأمُّلُ ثنيةَ
ذراعِه اليسرى على تلك المروج الخضر ..
ليخربش بسبَّابة اليمنى على شفقِ الغروب ؛
لا ليمتشقَ الخيالَ كيما يطارد -عنوةً -
خيطَ الحقيقةِ نحو غابات الغياب ...
انما يُرخى لعينيْه العنانَ ،حتى يتمعَّن
خصرَ تلك الوقفةِ العجيبة ..
والشمس ترقص كرنفالاً للأفـــول ..
خوفى اذا قطع الدُّجى (رحَط ) التى
نرجوها فجراً للإيـــاب ..!!
جدعـــة :
يلاَّ بعد ده اتكلَّموا عن الزواج ،
الاَّ ما تصعبوه بالحيل ؛ لأنّو الناس
ديل براهم متحيّلــين ..!!
|
|
