Post: #1
Title: فنان جديد معانا
Author: خدر
Date: 05-19-2006, 01:22 PM
Parent: #0
رحبوا معي رجاء .. إضافه نوعيه حقيقيه لسودانيزاونلاين الشاعر .. الراقي .. الفنان عبدالحليم خالد التلب بين قوسين ليمو
يدندن غناك أقالدك انا .. أفر الضفيرة.. شديرة الهنا اجيلك مُهنِّي اجيلك مُغني حصاد السنين .. الهريتن تمني إليكْ يا مداين مقيلي اللطاف عليك يابوارج رحيلي الظُراف عليك التحية وسلامي الهدية وسلاف الغنا ..
اهلا وسهلا ليمو
|
Post: #2
Title: Re: فنان جديد معانا
Author: Adil Osman
Date: 05-19-2006, 01:28 PM
Parent: #1
اهلا بالاستاذ الكاتب المبدع عبد الحليم خالد التلب. لقد ازدهى بوست (بحرى المدرسة والمدينة) بكتاباته وذكرياته الجميلة والمرحة. شكرآ يا خدر على تقديم هذا القلم المبدع.
|
Post: #3
Title: Re: فنان جديد معانا
Author: hatim ibrahim
Date: 05-19-2006, 04:26 PM
Parent: #1
. يا هلا بالأخ الشاعر عبد الحليم التلب حبابك عشرة في بيتك وسط أهلك وعشيرتك .. وفي انتظار مشاركاتك ..
واخونا المبدع خدر .. ترحيبك مالو ( حاف ) كده .. امسك عودك .. ودندن ليننا وليهو : بزيارتك بيتنا نــــوّر .. او نــــــــــوّر بيتنا..
او اقول ليك .. اي حاجة منك عسل.. فصوتك طروب يا فنان .. .
|
Post: #5
Title: Re: فنان جديد معانا
Author: نادية عثمان
Date: 05-19-2006, 05:54 PM
Parent: #4
الف مرحبا بالفنان صديق الفنان بيننا
ويلا ياليمو بكينا زى صحبك خدر !!
|
Post: #6
Title: Re: فنان جديد معانا
Author: بارعة
Date: 05-19-2006, 05:56 PM
Parent: #4
|
Post: #7
Title: Re: فنان جديد معانا
Author: Muna Khugali
Date: 05-19-2006, 06:35 PM
Parent: #6
مـرحـب كـبيرة وجـميلة تزهـرأيـامنا و ليالينـا...
مـني خـوجـلي
|
Post: #8
Title: Re: فنان جديد معانا
Author: احمد العربي
Date: 05-19-2006, 10:00 PM
Parent: #7
مرحب بك جميلا دوما بننا ولك الود
|
Post: #9
Title: Re: فنان جديد معانا
Author: بدرالدين شنا
Date: 05-19-2006, 11:08 PM
Parent: #1
المثل بقول الفنان البجيك من خدر أمسكو وأنتظر طبعاً تنتظر كل جميل وراقي مرحباً بالفنان عبدالحليم التلب (ليمو) أنا بـ(ليمو) بس كيف اليمو فيهو؟؟؟
أكرر ترحيبي
|
Post: #11
Title: Re: فنان جديد معانا
Author: عثمان حسن الزبير
Date: 05-20-2006, 02:49 AM
Parent: #10
ترحيب حار بالفنان الراقي عبدالحليم التلب (ليمو) إضافة حقيقية للمنبر
|
Post: #12
Title: Re: فنان جديد معانا
Author: خدر
Date: 05-20-2006, 02:55 AM
Parent: #10
(1) دي حَرجه كبيره خلاص يا لؤي ياخي كان اخوكـ دقس .. غطي ليهو وكمان اساسي جابها لي بالثابته الله يحرجكم الاتنين يا مُحرجين وانشاء الله ليمو ما يكون شاف الطبزه دي
(2) تبرير الحَرجه القصيده اعلاه استشهد بها الاخ ليمو في بوست لي واندهشت من جمال الكلمات و اعتقدت جازما انو القصيده للاخ ليمو علما بأني لا املكـ اي معلومه سابقة عن شاعريه ليمو عاد نبقي في جنس التبريرات دي يا اساسي و لؤي اها .. فليمو عندي هو صحفي و كاتب مرموق (مهنياَ) اما علي المستوي الانساني فهو عندي فوق الشاعريه رهافه فايته الحد .. حنين و ودبلد .. غنيه تبكيهو و قصيده تفرحو و اغنيه وردي لم اسمعها قبلاَ علي الاطلاق و دي مناسبه نمشي نشوفها اها باقي ليكم حرجتي لسه قاعده ولا نفست !!
حكمه اليوم اشوف فيكم يوم يا لؤي و اساسي
|
Post: #14
Title: Re: فنان جديد معانا
Author: نادية عثمان
Date: 05-20-2006, 10:08 AM
Parent: #13
يابارعة
سلام
يختى ليمو ده انا ماسامعاهو والله انتى سامعة ؟!!!!!!!!!
|
Post: #15
Title: Re: فنان جديد معانا
Author: Elmosley
Date: 05-20-2006, 10:15 AM
Parent: #1
Yasalaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaam
You are very welcome and your poem is great
|
Post: #16
Title: Re: فنان جديد معانا
Author: بارعة
Date: 05-21-2006, 06:11 PM
Parent: #15
انا سامعاهو يا نادية
خدر............
الله يحرجك
|
Post: #17
Title: Re: فنان جديد معانا
Author: عاصم الطيب قرشى
Date: 05-21-2006, 10:14 PM
Parent: #16
طارق
إنتماء لهذه الرحابة والترحاب
بالشاعر ليمو.
فرصة كمان أحيى هذه البارعة أم لقاء
(لاعبةمعاك باصات 1×2 هادية ولذيذة)
ٍٍِ{عينى باردة]
|
Post: #18
Title: Re: فنان جديد معانا
Author: ابوعسل السيد احمد
Date: 05-21-2006, 10:26 PM
Parent: #17
مرحبا بالتلب بن التلب . . . . تحايا يا خدر يا مرهف
|
Post: #19
Title: Re: فنان جديد معانا
Author: خدر
Date: 05-24-2006, 02:45 AM
Parent: #18
يا (تلب) .. تعال رحب بي ضيوفكـ ديل افوووو
|
Post: #20
Title: Re: فنان جديد معانا
Author: محمد سنى دفع الله
Date: 05-24-2006, 02:51 AM
خدر الشوق والريد شكرا لتقديمك لنا ليمو ليموا علينا جاي ومعاك لييموووو كل سنة وانت طيب وتقطع البوست بي حبر الصين مودتي
|
Post: #21
Title: Re: فنان جديد معانا
Author: عبدالحليم خالد التلب
Date: 05-24-2006, 04:02 AM
Parent: #1
الاخوة والأخوات الأحباب والأساتذة الأفاضل الأعزاء :
عادل عثمان
حاتم إبراهيم
لؤي
نادية عثمان
منى خوجلي
أحمد العربي
أساسي
بدر الدين شنا (حلا )
عثمان حسن الزبير
يوسف الموصلي
عاصم الطيب قرشي
أبو عسل
ود السني دفع الله
وبقية المتداخلين
شكراً ليكم كتير بهذا الترحيب الحار بشخصي الضعيف ، وأرجو أن أكون عند حسن الظن بي دوماً
وأن أكون إضافة ثرة و يُعتد بها في هذا المنتدى ، والذي أدمنت الابحار فيه منذ عدة سنوات قارئاً
نهماً لكل ما يخطه يراعكم ، وكنت كمن يحوم حول الحمى ولا يسقط فيه ، فلست سوى إنسان يتعلم
ومازال يحبو في دروب الحرف والكلمة ، وبكم ومنكم ننهل ذلك العلم .
علماً بأنني لست بفنان أو شاعر ، ولم أقرض الشعر يوماً مثلما لم أغنٍ يوماً (اللهم إلا لنفسي
وداخل الحمام فقط و أحيانا !) ً، ولكنني ذواقة للشعر بمرتبة شاعر ، إن جاز التعبير .
أما حكاية فنان التي ذكرها أخي الحبيب الفنان طارق ( خدر ) فهو يقصد (كما أظن) أنني فنان في
الأدب أو الكتابة والتي أعشقها ، وأحاول أن أكون شيئاً فيها ، أي أنني لست فنان تطريبي أو
غنائي ، ومؤكد لو حاولت ذلك لاعتزل أستاذنا (الموصلي) الغناء والموسيقي ، ولانتحر (خدر) "
نكايةً في بارعة"! ) ولأضربت أستاذتينا (نادية ومنى) عن الطعام حتى الموت (ياساتر!) ولرميت
أنا الفنان المزعوم بتهمة الإرهاب الغنائي ، ولوجدت لي موطئاًً في جوانتينامو !؟
ولأنني يا أستاذ لؤي أتذوق الشعر ولا أقرضه ، كما أسلفت ، لذا جاءت تلك الكلمات الشاعرية
الغنائية من مقطع (سلاف الغنا) للشاعر محمد عبدالله في مداخلتي في بوست أخونا خدر ، وحاشا لله أن
أدعي ما ليس لي ، أو أتغول على إبداعات الآخرين . ولو كنت أكتب مثل ذلك الشعر أو أقرضه إذن
لفتحت لي (منتدى ناصية على شارعين ) خاص بي ، ولنافست به أخونا بكري و(حوشه) الرهيب والرحيب
هذا . جالك كلامي ؟
ويا أختي الأستاذة نادية ( بارعة سمعت غناي في الورق من خلال القلم فقط ) ويا ريت لو كنت فنان
بحق مثل صنو روحها ، أخي خدر ، إذن لتفوقت على ذرياب و(الموصلي) .. بس كيف يا حسرة ؟؟!!
ويا أخي خدر .. لك الشكر مثنى وثلاث ورباع وأنت تدعو قبيلة المنتدى والتي أعرفها فرداً فرداً
ومنذ سنوات ، من خلال إطلاعي على كتاباتهم الرفيعة وإبداعاتهم الراقية ومداخلاتهم التي تتسم بكل
ماهو مفرح ومبهج وموضوعي ، وفي قوالب متنوعة ، مابين طارف وتليد . فلك من الشكر أجزله ولهم
مني مثله ، ولا تثريب عليك ، يعني ( ما حرجه ولا طبزة ) ولا حاجة .
شكراً ليكم تاني ، يا من أخجلتم تواضعي بحق . لكم التجلة ، والقومة ليكم ناس المنتدى .
ودمتم لأخيكم :
( ليمو )
|
Post: #23
Title: Re: فنان جديد معانا
Author: عبدالحليم خالد التلب
Date: 05-24-2006, 05:54 AM
Parent: #22
أخي العزيز لؤي ، يا نسمة المنتدى :
شكراً ليك تاني وتالت ورابع ، وأنا زيك كمان في البعيد مشتاق لهمسة من الوطن ، ومشتاق لكلمة
حلوة ومداخلة أحلى زي حروفك الفوق .. إذن لا تثريب عليك ولا عليّ ، ومؤكد لم يجنح خيالي لما
تفضلت بتوضيحه ، بس بصراحة خفت الأبيات الحلوة ديك (تتشربك) فيني بفضل (طبزة) حبيبنا خدر
وأروح أنا في التخشيبة ؟!. لك مودتي وتقديري وألف أهلا بيكم معاي في منتداكم العامر بكم
ولكم .
وأشكرك مجدداً حتى تستغيث . وتسليم لأخيك ( ليمو )
|
Post: #25
Title: Re: فنان جديد معانا
Author: بارعة
Date: 05-25-2006, 06:37 AM
Parent: #24
لالالالالالالالالالالا ما تعتذر ليهو
هو طباااااااااااز
وبركة الاحرجتو لى يا لؤى عشان هو هنا
لو مر اسمكـ في البعيد
كاوانى
ليمو معليش انا اسنغليت بوستك للتعبير عن شماتة قديمة
التوقيع :
بارعة الشمتانة
|
Post: #26
Title: Re: فنان جديد معانا
Author: عبدالحليم خالد التلب
Date: 05-25-2006, 07:35 AM
Parent: #25
بارعة يا روعة ، أو البت الحديقة :
وزي ما قال أبو سامر على لسان نجاة محمد عثمان : ونكرر ذلك نحن كمان مع حبيبنا خدر :
لمن يجي الزمنى الفلاني .. سمانا بتقطِّـِّــر مطر .. ذُرِّى وتمازج برتكاني .. نسطِّر إسمك يا (بارعة) .. في رموش غيم أرجواني .. ندمن الضحك المعافى .. نحيا في الفرح المورّد .. ياسميني وأقحواني .. يا بارعة .. ..
وعشان كده بردد أنا بلسان (خطاب) مع الراحل مصطفى وأقول ليك :
حا تجي البت البريدها .. ضاحكة منتصرة وعنيدة .. آملة مزدهرة وجديدة .. ناقشة في (خدر)أغنيات ..
شكراً ليك و(لخدرك) الشفيف .. وكليكما، وكذا بقية الأحباب أكبر من كل اعتذار .
|
|