دي أحدا الاغاني العربية الاستعلائية التي نتغنا بها وكثيرين مننا لا يعرفون معنى أغانيها. فكيف بربك نمجد في أصل العرب ونصفهم وننسب لهم الكرم في بلاد السود؟
قد نتخلف في المفاهيم لكن حبنا للسوادن لابد يكون القاسم المشترك
احترم رأيك وأقدره ولك الشكر
Post: #8 Title: Re: انا سوداني انا Author: Deng Date: 05-19-2006, 06:02 AM Parent: #1
Quote: الاخ دينق
قد نتخلف في المفاهيم لكن حبنا للسوادن لابد يكون القاسم المشترك
احترم رأيك وأقدره ولك الشكر
عزيزي أدوس مان.
هذا أحدا الاغاني الاستفزازية التي يبثها تلفزيون جمهورية السودان والاسواء من كل ذلك هو وجود بعض أبناء الهامش الغير عرب يرقصون ويغنون على تمجيد وتقديس العرب. فمتى وأين رأينا العرب يمجدون ويتغنون لأفريقيا؟(أنا هنا لا أتحدث عن العرب المستعربة)
ده كلام مثقفاتية الجلابة الذي لا يحمل أي معنى. يعني يا نادية بي عملية حسابية صغيرة كده, دم الاقلية العربية الدخللوا السودان الافريقي. كيف بين يوم وليلة أصبح "عرب ممزوج"؟ أو لو دم العرب بيغلب على دم الافريقية العربية أنا ما عارف. لازم نمشي نشوف دم الاقلية العربية ده كيف تحول لدم أغلبية؟
.. . دينق دوماً تفسر كل شئ على هواكـ حتما !!؟ بالله عليك هل تأملت فى الكلمات جيداً ارفع الصوت .. قاعدين يقولوا انا سودانى .. انا ما قالو انا عربي ولا انا افريقي.. هل تعلم من هو الســوداني بعدين تأمل الرقصات الشعبية المصاحبة
______________
التحية لكـ عثمان وللاستاذ العطبراوى والفرقة الشعبية
Post: #14 Title: Re: انا سوداني انا Author: Deng Date: 05-21-2006, 05:14 AM Parent: #1
تبلدينا.
Quote: دينق دوماً تفسر كل شئ على هواكـ حتما !!؟ بالله عليك هل تأملت فى الكلمات جيداً ارفع الصوت .. قاعدين يقولوا انا سودانى .. انا ما قالو انا عربي ولا انا افريقي.. هل تعلم من هو الســوداني بعدين تأمل الرقصات الشعبية المصاحبة
أمشي راجع كلمات الاغنية دي كويس بعدين تعال نتناقش.
في أغنية للمرحوم إبراهيم الكاشف كان هنالك تركيز على عبارة أنا (أنا أفريقي أنا سوداني) وكان الكاشف عليه رحمة الله يصر على عبارة (أنا افريقي) ولعل في هذا وعي سياسي متقدم لأن الأغنية جاءت في زمن كانت فيه صفوة الثقافة تركز على البعد العربي في السودان (دوحة العرب كلها كرم منه العُرب تنسب الفطن أنا سوداني أنا سوداني) كما غنى حسن خليفة العطبراوي يحق لوزير الخارجية ان يغني الآن اغنية الكاشف (أنا افريقي) وذلك لأن الاتحاد الافريقي هو الذي انقذه في جنيف عندما أصر الاتحاد الأوروبي على إدانة السودان ...
المؤسف هو أن الاخ تبلدينا يعتبر من أبناء الهامش ولكنه يعاند ويريد أن ينسب نفسه للعروبة بأي شكل من الاشكال. وهو لا يريد أن ينسب لأصله الافريقي وذلك لأنه يعيش في مجتمع يعتبر أي شئ أفريقي ينسب للعبيد.
دي عشان خاطرك يا دينق سيب البتسوي فيهو دا الكتب القصيدة ما قصر ، اجتهد انت واكتب وأصل للأفريقية وخلي اللولوة دي انا سوداني فيديو
Post: #28 Title: Re: انا سوداني انا Author: الحارث سرالختم عبد الله Date: 12-12-2006, 00:46 AM Parent: #27
شكرا للأخ الدين عثمان مع تحياتى
Post: #29 Title: Re: انا سوداني انا Author: أبو الحسين Date: 12-12-2006, 03:05 AM Parent: #1
كتب د. يس...
Quote: دي عشان خاطرك يا دينق سيب البتسوي فيهو دا الكتب القصيدة ما قصر ، اجتهد انت واكتب وأصل للأفريقية وخلي اللولوة دي
والله أخطر حاجة في الإنسان يا د. يس... لولوة الحديث وميل الكلام المعدول... لو الناس صفوا النوايا أكيد حا نكون أفضل وأحسن...
ويكفي كاتب القصيدة أن قال أنا سوداني أنا...
مودتي...
أبو الحســـــــــــــين...
Post: #30 Title: Re: انا سوداني انا Author: nazar hussien Date: 12-12-2006, 03:19 AM Parent: #29
دكتور الدين عثمان....ايها السوداني...النبيل....كم هو شوقي لك...يا عصامي...
اين انت الآن....
أبقي سوداني....بنفس نبلك وكرمك....وعصاميتك... ولا عليك....من...كل ما قيل....عربي-افريقي افريقي-عربي....فهذه لولوة لن تنتهي...
فانت تعرف نفسك أكثر من هؤلاء....ولا تحتاج ان يصبغوك...علي اهوائهم...ولن يستطيعوا
لك مني كل التجلة والانحناءة....واشواقي بلا حدود...
Post: #31 Title: Re: انا سوداني انا Author: محمد فرح Date: 12-12-2006, 03:54 AM Parent: #30
يكفي الشاعر أن قال أنا سوداني أن .....
لايمكن أن نأخذ الأشياء بهذه الحساسيه الزائده ........
الأخ دينق الشماليون يفتخرون بالعروبه وحتى لو كانت نسبة العروبه في دمائهم 1% وهذا نسبة للإسلام كما نعتز جداً بدمائنا الأفريقيه وإذهب لدول الخليج ترى أبناء السودانيين الشماليين لايصاحبون أبناء الدول العربيه كأبناء دول الشام ومصر لكنهم يجدون أنفسهم مع أبناء الدول الأفريقيه مثل السنغال وكينيا .......... حتى في الأغاني تجد الشباب يميلون للأغاني الزائيريه وهكذا فنحن نميل للعروبه بدواعي الدين ولأفريقيا طبعاً بدواعي الدم .......
يجب أخذ الأمور ببساطه فلا يمكن لأحد أن يقف في كلمات الأغنيه اللا لو وكان سوء الظن أصلاً موجود في نفسه أو أنه زرع صورة في عقله ولايريد تغييرها مهما حصل .......
أتمنى أن تنتشر ثقافة السلام وحسن الظن وأن تنعدم هذه النعرات العنصريه في السودان فوالله لقد كرهنا الحديث في هذا الموضوع .....
أتمنى من إتحاد الفنانين السودانيين إصدار كاسيت وياريت لو كان بالجيتار أو بموسيقى الجاز ويكون الكاسيت تعاون مشترك (فنانين شماليين وجنوبيين) ويكون الكاسيت على حساب الحكومه ويوزع على جميع الناس .....
معاكم سلامه
Post: #36 Title: Re: انا سوداني انا Author: Deng Date: 12-12-2006, 11:36 AM Parent: #29
Quote: والله أخطر حاجة في الإنسان يا د. يس... لولوة الحديث وميل الكلام المعدول... لو الناس صفوا النوايا أكيد حا نكون أفضل وأحسن...
أبو الحسين.
لولوة شنوا وبطيخ شنوا, أنتوا بتقتلوا في الناس ليكم سنين ودنين وجاي تقول لي "نوايا"؟ أنت يا زول عاقل؟ تعرفوا يا جماعة أن سبب إشتعال الحرب في السودان هو الاستخاف بمظالم الناس وعدم التعامل معها بجدية. بلاش أستهبال معاكم لقد كشفنا هذا اللعبة منذ زمن بعيد.
دينق.
Post: #32 Title: Re: انا سوداني انا Author: Deng Date: 12-12-2006, 08:51 AM Parent: #1
الاخوة الكرام.
يجب أن تفهموا أن القصة ليس مجرد قصيدة أو أغنية يتغنا بها العطبراوي أو غيره. المشكلة الاساسية هي نحن نمجد ونفتخر بالعنصر العربي في السودان على حساب العنصر الافريقي (الاغلبية) في السودان. وعندما نقول السودان مثلا, فيعتقد البعض أن السودان المعني هنا هو السودان العربي الاسلامي. نعم أنها مجرد أغنية ولكنها تعبر عن أستعلاء عرقي ثقافي ديني منذ زمن طويل, تسبب في صراع ودمار وقتل عدد كبير من السودانين خصوصا أبناء الهامش.
يجب
Post: #33 Title: Re: انا سوداني انا Author: nazar hussien Date: 12-12-2006, 09:03 AM Parent: #32
Quote: على حساب العنصر الافريقي (الاغلبية) في السودان[/
Quote:
والعنصر الافريقي (الاغلبية) الحاميها تمجد نفسها شنو ؟
Post: #34 Title: Re: انا سوداني انا Author: Deng Date: 12-12-2006, 10:31 AM Parent: #33
Quote: والعنصر الافريقي (الاغلبية) الحاميها تمجد نفسها شنو ؟
نزار حسين.
الحامينها هم أمثالكم الذين يسيطرون على كل شئ في السودان. ولكن يا عزيزي كل هذا المكتسبات التي حصلتم عليها في غفلة من الزمن في طريقها للزوال.
Quote: يجب أخذ الأمور ببساطه فلا يمكن لأحد أن يقف في كلمات الأغنيه اللا لو وكان سوء الظن أصلاً موجود في نفسه أو أنه زرع صورة في عقله ولايريد تغييرها مهما حصل .......
أتمنى أن تنتشر ثقافة السلام وحسن الظن وأن تنعدم هذه النعرات العنصريه في السودان فوالله لقد كرهنا الحديث في هذا الموضوع .....
الكلام المقتبس دا ، أنا بوجهه ليك عديل يا دينق ، لان سوء الظن بل العقيدة السيئة تتضح في الأقتباس الثاني الوارد أعلاهارجوك اتصلح معانا شوية ، مش تكون "زي الجو يساعدوه دس المحافير" وترجعنا الى مربع واحد مرة تانية
Post: #35 Title: التقول شنو؟؟؟ Author: أبو الحسين Date: 12-12-2006, 10:45 AM Parent: #1
Quote: والعنصر الافريقي (الاغلبية) الحاميها تمجد نفسها شنو؟