Post: #1
Title: امنة مختار الشهر القادم الي المانيا
Author: saif massad ali
Date: 05-14-2006, 09:13 AM
تشارك الشهر القادم في مؤتمر السلام بجمهورية المانيا الاتحادية الاخت امنة مختار
متمنيا لها حظا اوفر
المؤتمر في مدينة بيلفلد
|
Post: #2
Title: Re: امنة مختار الشهر القادم الي المانيا
Author: فيصل نوبي
Date: 05-14-2006, 09:15 AM
Parent: #1
مبروك يا اوثمان
|
Post: #3
Title: Re: امنة مختار الشهر القادم الي المانيا
Author: saif massad ali
Date: 05-14-2006, 09:15 AM
Parent: #2
طيب يا عثمان صالح مشكلة الفيزا وانحلت
|
Post: #4
Title: Re: امنة مختار الشهر القادم الي المانيا
Author: فيصل نوبي
Date: 05-14-2006, 09:35 AM
Parent: #3
اها و تاني !!!
|
Post: #5
Title: Re: امنة مختار الشهر القادم الي المانيا
Author: NASERELDIN SALAH
Date: 05-14-2006, 09:38 AM
Parent: #4
طيب يا سيف مساعد
ما دام جاتك ليي المانيا
م تدبل بيها انت
و اهي مشكله وا تحلت
تخلوا عثمان في حالوا
|
Post: #8
Title: Re: امنة مختار الشهر القادم الي المانيا
Author: saif massad ali
Date: 05-14-2006, 09:54 AM
Parent: #5
نصر الدين
انا راجل عجوز وامنة شباب يا اخي
الكلام تاني عند الشباب تجي هي وبعد داك الله كريم يمكن يجي ناذر الخليفه ما معروف
|
Post: #10
Title: Re: امنة مختار الشهر القادم الي المانيا
Author: Osman M Salih
Date: 05-14-2006, 10:07 AM
Parent: #8
يا أبو الأسياف تحياتي
وردت سيرتي فقلت أنصبح عليكم بي
سؤال عابر نسيت تضممينه في سياق
إعتذاري للأخت أمنة مختار عن تلبية
طلبها بالزواج ـ كم تبلغ آمنة مختار
من العمر ؟
وفي الختام سلام
|
Post: #12
Title: Re: امنة مختار الشهر القادم الي المانيا
Author: فيصل نوبي
Date: 05-14-2006, 10:11 AM
Parent: #10
Quote: وردت سيرتي فقلت أنصبح عليكم بي
سؤال عابر نسيت تضممينه في سياق
إعتذاري للأخت أمنة مختار عن تلبية
طلبها بالزواج ـ كم تبلغ آمنة مختار
من العمر ؟ |
عتيا
لوووووووووووووووووووووووووووول
|
Post: #13
Title: Re: امنة مختار الشهر القادم الي المانيا
Author: saif massad ali
Date: 05-14-2006, 10:18 AM
Parent: #10
الظريف عثمان صالح
المره الوحيده التي يعرف الناس عمرها ملكة انجلترا لانها تحتفل به علي الملأ
يعني انا ما بقدر اجاوب ليك
اسع ظهر ليك منافس ناذر الخليفة
|
Post: #6
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 09:44 AM
Parent: #4
خطرين يا خرجين مدرسة بكري
غايتو يا يا بكري ابوبكر ماشه معاك(السطه)
في ناس مراراتها حتنفقع(ناس ساره منصور)
يكتب عندك صناع التاريخ الحديث لاهل الهامش
كلام يا عوض دكام!!!!!!
سف مساعد
لاحول ولا قوة الا بالله ....انت يا سيف ماعارف (بعض) ناس البورد ديل
عينهم حاره وبتودي الآخره ذاته؟؟؟؟
امونه
ياختي شوف لك تحصين كارب
والله ديل مش تجيك فيزا
ديل يغطسوا حجر الما بيغطس
انت ما كان تبقي شاطره زي بقال وتسكتي لامن تصلي بعدين
تكتبي ليهم: slam men germany
زي ما كتب بقال.
غايتو انا كلمتك شدي حيلك.
تراجي.
|
Post: #11
Title: Re: امنة مختار الشهر القادم الي المانيا
Author: saif massad ali
Date: 05-14-2006, 10:08 AM
Parent: #6
تراجي
سلام
لالا امنة محجبة ما بدوها عين ماتخافي عليها
|
Post: #7
Title: Re: امنة مختار الشهر القادم الي المانيا
Author: فيصل نوبي
Date: 05-14-2006, 09:52 AM
Parent: #1
لووووووووووووووووووووووووووول
خم و صر 
|
Post: #34
Title: Re: امنة مختار الشهر القادم الي المانيا
Author: saif massad ali
Date: 05-14-2006, 01:19 PM
Parent: #7
فيصل
اخم واصر شنو
اها زولتك ما تسجل لي زيارة شفته الكلام ده كيف
|
Post: #9
Title: Re: امنة مختار الشهر القادم الي المانيا
Author: DKEEN
Date: 05-14-2006, 10:05 AM
Parent: #1
سيف مساعد موش كان تعزمنا العرس طيب؟
|
Post: #15
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 10:29 AM
Parent: #9
ايا ناس البورد حرام عليكم
احنا اختنا نسرين (عروس سيف مساعد) دي اختنا
والاخوات شرعا حرام الجمع بيناتهم.
بعدين نسرين حتستقبل آمنه في منزلها في داعي للخرمجه دي؟؟؟؟؟؟؟
خلاص يا آمونه تمشي لناس دكتور ياسر الشريف
ناس البورد خربوه الموضع مع نسرين.
بعدين أمونه معزومه من حسه عند ناس اسامه سعيد في هولندا وناس محمدين في بلجيكا
وغايتو يا عثمان يا اخوي بقول لك لا تضيع الفرصه بان تلتقي العزيزه آمنه مختار
فهي اختا فاضله ودره من درر السودان,وصدقني بعيدا عن لخبطة البورد ونقاراته
هي انسانه مثقفه ومهذبه وصاحبة نكته ولن اتحث عن مظهرها واترك لكم الباقي
عشان ما احرق الفيلم لكم, آمنه مختار التي اعرفها كانت من اجمل وارقى بنات بورتسودان
ولاحظ لما نقول بورتسودان دي كلمه ليها وقع خاص
فبورتسودان ميناء وملتقى للحضارت ولن اتحدث عن سفيراتنا في الجامعات
اختلاط الدماء و الثقافات في بورتسودان جائنا باروع السلالات
والكلام ده بجيب لينا هوا كثير اليوم.
عثمان محمد صالح
سالت عن عمرها
في قولة للدكتوره بيان قالت (44 سنه)
وفي قولتي انا اقول لك انها اصغر مني بعامين
وارجع للبروفايل وخلي الباقي في سرك.
وانا لست كاذبه في ذلك
فاختها الاكبر منها اصغر مني
ولكن نقول شنو..البورد ومحنه.
تراجي.
|
Post: #28
Title: Re: امنة مختار الشهر القادم الي المانيا
Author: doma
Date: 05-14-2006, 11:30 AM
Parent: #15
شوفي يا تراجي ناس ياسر الشريف حاجزاهم انا امونه دي خليها لي ناس سيف شباب متلها
|
Post: #14
Title: Re: امنة مختار الشهر القادم الي المانيا
Author: DKEEN
Date: 05-14-2006, 10:28 AM
Parent: #1
عزيزتي آمنة مختار
رجاءا شيلي معاك كي بورد عربي ..
|
Post: #19
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 10:41 AM
Parent: #14
العزيز سيف مساعد
ناس بيان قايلنك بتهظر
دومة الى المانيا.......Gute Reise Doma
ارجوك (قرض على كده)
يا امونه شفي جنس الريده دي
كتب دكين:
Quote: عزيزتي آمنة مختار
رجاءا شيلي معاك كي بورد عربي .. |
شفتي الناس دي بتريد كيف
وشايفه دكين البيسميني ملك الموت بيقول لك شيلي معاك كي بورد عربي
يعني بيقرأ لك عرفته معنها للجماعه البيسمونا ظل لبعضنا قد ظلمونا
والحمد لله ان لكل منا قرائها.
لك الود.
تراجي.
|
Post: #16
Title: Re: امنة مختار الشهر القادم الي المانيا
Author: Mannan
Date: 05-14-2006, 10:32 AM
Parent: #1
سلام يا عثمان
Quote: يا أبو الأسياف تحياتي
وردت سيرتي فقلت أنصبح عليكم بي
سؤال عابر نسيت تضممينه في سياق
إعتذاري للأخت أمنة مختار عن تلبية
طلبها بالزواج ـ كم تبلغ آمنة مختار
من العمر ؟
وفي الختام سلام |
مالك بتسأل عن العمر؟ عاوز تغير رأيك واللا شنو بعد لقيت المسألة جاهزة!! شفيق يا راجل!!
كدة حتتعب يا قريبى..
قيل فى تعريف الدبلوماسى: هو الرجل الذى يحتفل بعيد ميلاد زوجته سنويا ويتذكر يوم وشهر الميلاد فقط ولا يتذكر سنة الميلاد... وطبعا تحديد السنة متروك للزوجة فإياك ان تسأل زوجتك عن تاريخ ميلادها بالكامل فقط تذكر اليوم والشهر (حبتين عند اللزوم) وكفى الله المؤمنين القتال..
نورى جليلة (نورالدين منان)
|
Post: #23
Title: Re: امنة مختار الشهر القادم الي المانيا
Author: Osman M Salih
Date: 05-14-2006, 10:56 AM
Parent: #16
ياقريبي الأستاذ نور الدين منان
أحييك من البعيد البعيد شاكراً لك
طيب التعليق
كان جوابي على السؤال الذي تقدمت
به الأخت آمنة مختار واضحاً لا لبس
فيه : لا أقترن إلاّ بإمرأة أعرفها كما
أعرف خطوط كفي وتجمعني بها محبة
متبادلة وهذه لعمري صفات لا تتوفر
في آمنة مختار فضلاً عن أنه يستحيل
أن تصير شريكة لدربي من تحرض الناس
على العنف بإسم النضال في سبيل
الهامش و يذخر حبرها بالبذاءة
و اللعنات
كن دوماً بخير
|
Post: #25
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 11:09 AM
Parent: #23
الفاضل عثمان محمد صالح
يا اخوي ما تفكها في روحك
وتصدق هظارنا معاك
آمونه دي اختي الصغيره وبتحترمني جدا وبعرف انها تسمع راي بذات في مسألة الزواج دي
اه ياللخو الزيك زمان كتبت لكم بوست سمته:
دونا السيوف هاكم رحاطتتنا
يعني هي ذاته راجل ماهو فارس بمقايسها هي( حتى لو خطأ) ما بتعاين ليه,واضح.
ومبروك عليك من اختارها قلبك ممن يرفضنا النضال المسلح
ونحن يا زول زفاف آمونه لك علي نخلي الرصاص يلعلع للصباح
لانها فارسه وبطله
ومثلها تزف للفرسان (على طريقتنا الخاصه)
ويا ناس المانيا واروبا عموما شدوا حيلكم من تاجوجنا القادمه
اي زول ما بقدر على الهبباي وقليبه ضعيف يتلم طوالي وقد اعذر من انذر.
كوستاوي اين انت بوست بيستاهل روحك المرحه.
تراجي.
|
Post: #17
Title: Re: امنة مختار الشهر القادم الي المانيا
Author: فيصل نوبي
Date: 05-14-2006, 10:35 AM
Parent: #1
سيف
أمسك ..
|
Post: #26
Title: Re: امنة مختار الشهر القادم الي المانيا
Author: saif massad ali
Date: 05-14-2006, 11:15 AM
Parent: #17
نوبي
الله لا تاجرك ادق النوبتين
انا واحده قادر عليها راقد عيان شهر
|
Post: #18
Title: Re: امنة مختار الشهر القادم الي المانيا
Author: Osman M Salih
Date: 05-14-2006, 10:35 AM
Parent: #1
ياأبو الأسياف
حذاء الطنبوري شقاق المحن وعبار الفـيافي و الثلوج والمبجل عندي
حتى بعد تقاعده عن العمل وإنسحابه إلى رف الذكريات الحبيبة خدمني
بالأمس خدمة مقـدرة لأنو قـنـّع آمنة مختار
سليل عائلة الطنبوري حذاء غير عادي وقد ذاد مقامه رفعة على رفعة
لأنه فعل ما عجزت عنه الكلمات الطوال : حرّرني وبقدرة نقـولتي
من مأزق !
|
Post: #21
Title: Re: امنة مختار الشهر القادم الي المانيا
Author: NASERELDIN SALAH
Date: 05-14-2006, 10:47 AM
Parent: #18
الاخ عثمان
غايتوا ال شبكك يخلصك
لكن كدي شوف الكلام ده
و نجي نسألك بكره
ما تستعجل
Quote: هي انسانه مثقفه ومهذبه وصاحبة نكته ولن اتحث عن مظهرها واسترك لكم الباقي
عشان ما احرق الفيل لك آمنه مختار التي اعرفها كانت من اجمل وارقى بنات بورتسودان
|
نصرالدين
|
Post: #20
Title: Re: امنة مختار الشهر القادم الي المانيا
Author: saadeldin abdelrahman
Date: 05-14-2006, 10:45 AM
Parent: #1
والله ما فاهم
مرات احس بيكي انك طيبة شدييييد و على نياتك.. بس ابعدي من ساس يسوس
ديل ما بأهلوك
Quote: هي انسانه مثقفه ومهذبه وصاحبة نكته ولن اتحث عن مظهرها واسترك لكم الباقي
عشان ما احرق الفيل لك آمنه مختار التي اعرفها كانت من اجمل وارقى بنات بورتسودان
ولاحظ لما نقول بورتسودان دي كلمه ليها وقع خاص |
لكن ما قلتي ما راح تتحدثي عن مظهرا 
اها كدا حرقتي الفيلم و المخرج و الاستديو
=====
باقي الكلام ده فكاهة ارجو يتقبلا الجميع بصدر كويس كدا يعني..
الأعزاء آمنة و الاستاذ عثمان
امااانة في ذمتكم كان مااتقابلتوا و حبيتو بعض كدا (بعد عداوة)
و اتزوجتوا و خلفتوا ليكم بنية او ولد و سجلتوه هنا..
عشان بكري زاتو يقوم جاري من حوشوا دا 
|
Post: #22
Title: Re: امنة مختار الشهر القادم الي المانيا
Author: NASERELDIN SALAH
Date: 05-14-2006, 10:51 AM
Parent: #20
استاذنا عثمان
Quote: الأعزاء آمنة و الاستاذ عثمان
امااانة في ذمتكم كان مااتقابلتوا و حبيتو بعض كدا (بعد عداوة)
و اتزوجتوا و خلفتوا ليكم بنية او ولد و سجلتوه هنا..
عشان بكري زاتو يقوم جاري من حوشوا دا
|
خلي بالك الناس ديل لاعبنك رااااااس عدييييييييل
|
Post: #27
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 11:22 AM
Parent: #20
سعد الدين
انت ذاتك احيانابتديني احساس انك شاب طيب ولكن ساعات
بتبقى عجيب
نرجع للمهم:
Quote:
لكن ما قلتي ما راح تتحدثي عن مظهرا
اها كدا حرقتي الفيلم و المخرج و الاستديو |
الفيلم لازم يترحق لانه في ناس بعيده زيك كده نديها الفيلم نظري لانه ما حيشوفا بتنا الغاليه آمونه.
الشيئ الثاني,البورد ده يا اخوي دخلنا في على ناس لا بعرفونا لا بعرفوا ساسنا من رأسنا,وسمعنا فيه
العجب العجاب,عشان كده لما تجيئ المناسبه لابد ان نعرف بعض من نعرف,وىمنه مختار انسانه احبها كثيرا
واعتز بها وقد تعرضت لسخفا كثير بهذا البورد,لذا لابد من التعريف بها وبقدرها ومكانتها وملامحها لو اقتضى الامر.
اما يا اخي عن هذا:
Quote:
الأعزاء آمنة و الاستاذ عثمان
امااانة في ذمتكم كان مااتقابلتوا و حبيتو بعض كدا (بعد عداوة)
و اتزوجتوا و خلفتوا ليكم بنية او ولد و سجلتوه هنا..
عشان بكري زاتو يقوم جاري من حوشوا دا |
لا اتفق معك فعثمان مرتبط ونحن ضد الشواكيش ما ذنبها تلك أميرة قلبه)
الارتباط شيئا مقدس عندنا انا وآمونه,لذا ارد بالنيابه عنها.
شكرا لمرورك.
تراجي.
|
Post: #29
Title: Re: امنة مختار الشهر القادم الي المانيا
Author: Osman M Salih
Date: 05-14-2006, 11:32 AM
Parent: #27
الأخت الفاضلة تراجي مصطفي
لا تعلمين مقدار الراحة التي شعرت بها
بعد مطالعتي لتعليقك الأخير فبه
تنفست الصعداء كما لم يحدث من قبل
أتمنى للأخت آمنة مختار أن تجد السعادة
التي تنشد مع رفيق تقترن به عن معرفة
ومحبة متبادلة و توافق في الخصال
والخيار السياسي إلخ
تحياتي
|
Post: #24
Title: Re: امنة مختار الشهر القادم الي المانيا
Author: عمر الفاروق
Date: 05-14-2006, 10:56 AM
Parent: #1
الرداحة تراجي :
يا زولة إنتي مستجدة نعمة ولا شنو ؟؟؟؟؟؟؟؟؟؟؟؟؟
Quote: لاحول ولا قوة الا بالله ....انت يا سيف ماعارف (بعض) ناس البورد ديل
عينهم حاره وبتودي الآخره ذاته؟؟؟؟ |
يا زولة انتي قايلة السفر ده بيخلع الناس ؟؟؟؟؟؟؟؟؟
يعني عشان إنتي إتخلعتي أول ما ركبتي الطيارة وإندهشتي أول ما شفتي البيرقر قايلة كل الناس زييك ..!!!!
بتديني إحساس يا تراجي إنك كنتي من نوع ناس امممممممممممممك ولّع ..اممممممك طفا ..
واظنك النوع اللمن كان بيفتح باب التلاجة بيقول التلاجة أوقدت ..!!!!
معقولة بس في ناس كده !!!!!!!!!!!!!!!!!!
المانيا دي يا اللخت الأيام دي فيها كاس العالم واي زول عندو 2000 دولار بيقدر يخشها وصدقيني شيتاً مشاهو ابراهيم بقال وفي الطريق امنة مختار معناها بعد كده اي زول بيمشيهو ...
تخريمة :
يا دكين لو سمحت مفروض توصي امنة مختار تشيل معاها Keport
|
Post: #30
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 11:58 AM
Parent: #24
الفاروق
المكجني وانا ذاتي مكجناك
قلت لي مخلوعين ياولد يا رهيب
يا ساذج المانيا دي لما مشت ليها امونه اظنك كنت تتسكع في اذقة استادك داك القلته كنت بتلعب فيه
فاهم,ولما كنا بنصيف في اثيوبيا ومصر كنت انت بتلعب بلي في خور ابو عنجه,لانك لا تعرف كلمة نصيف
ودي بيعرفوها ناس بورتسودان بس.,ولما كنت بتلعب (بلي) كنا نحنا بنلعب تنس واسكواش....واسأل
ناس بوتسودان الجدجد من جيران نادي التنس وناس نادي التنس فاهم.
وكان تقول مهمشين ولا غيره نحن الحمد لله عملية لوز ما بنعملها في السودان فاهم.
ولكن كل هذا لم يمنعنا ان نحس بالآخرين ونتضامن معهم,ونعرف مرارة ان تجبر للتعامل مع مستشفيات
لا تتوفر بها حتى المياه ناهيك عن الدواء وناهيك عن مناطق كنا نجمع الادويه ايام الجامعه
ونذهب لمناطق دورديب وماجاورها وسنكات وماجاورها لاقامة ايام علاج مجانيه كما تفعل معظم
القوافل الجامعيه.
المهم تحياتي للفاروق ومخلوعين وحاتك
امك طفا ..امك ولع....
وعليك معزة ود المايقوما عندك كان ما كتبته النكته دي سمعتها من قبل ولكني ناسيه الآن.
شكرا لك المخلوعه تراجي مصطفى.
|
Post: #31
Title: Re: امنة مختار الشهر القادم الي المانيا
Author: bayan
Date: 05-14-2006, 12:30 PM
Parent: #30
تراجي شايفة قلت انه آمنة اصغر منك بسنتين..
انا ماشة انوم اسع
لكن بجي بكرة عشان اشوف
كيف آمنة بقت اصغر منك
وزمان كانت اكبر منك..
يعني بكلامك عمرها 38
سنة الان..
اصغر ب6 سنوات من الاربعة واربعين
عايزة اعرف اتخرجت متين ؟
عشان اصدقكم وكدا.
|
Post: #33
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 12:55 PM
Parent: #31
بيان سلام
والله حيرتيني عديل كده,ضحكتيني كمان
يازوله انت عايزه تناسبينا ولا شنو؟؟؟؟؟؟؟؟؟؟
Quote:
يعني بكلامك عمرها 38
سنة الان..
اصغر ب6 سنوات من الاربعة واربعين
عايزة اعرف اتخرجت متين ؟
عشان اصدقكم وكدا. |
والله يا بيان انت حكاية تصدقينا دي ما وارده
لانك يوم ما صدقتيني.
المهم يا زوله انا اتخرجت سنة 1990
وآمونه كانت سابقه دفعتها
ومع اختها الاكبر منها في سنه واحده
وخليتهم بوراي لكن خلصت 1991 او 1992 ماعارفه
العارفاه انا سنير وهم برالمه,واستقبلتهم وسكنوا معاي.
ثانيا:
حقيقي عيب تفضلي تزرزري في موضوع العمر ده كده
وامال وين قضايا الجندر ونحن ما بنقبل التمييز العمري ده.
وهل تعني انك بهذا تضطهدي امرأة ال 44 سنه او تستنكري حقها في الحياة؟؟؟؟؟
والله حاجه مؤسفه يا بيان
وصدقيني لو انتبهتي ليها ما كان خضتي فيها
لانها ليست محرجه لآمنه وانما توضح مدى سخفنا كنساء
وضيق افقنا...
بالله شفتي لك عضو اختلف مع آخر من زملاء البورد
وقام نبذه قال ليه يا عجوز او يا عمرك 44 سنه؟؟؟؟؟؟؟
غايتو يا بيان الله يهدي
وصدقيني تحروا الصدق ان جاءكم فاسق بنباء ...صدق الله العظيم).
تراجي.
|
Post: #41
Title: Re: امنة مختار الشهر القادم الي المانيا
Author: bayan
Date: 05-14-2006, 10:31 PM
Parent: #33
احبك وانت تركبين مكنة الواعظ
موضوع العمر دا جابتو صاحبتك يا تراجي
انا ما عندي مشكلة عمر
قلت ليك...
الحمدلله كلوعملنا في وقته..
نجي لقصة العمر
انتي اتخرجتي سنة 90
يعني عمرك 24 سنة اتخرجتي
وارا طوالى آمنة
سنة 91 او 92
الزمن داك انا عندي ماجستير و3 بنات
ومتخرجة لي 7 سنوات.
حسبتك دي ما لافقة تب
هل دخلت تراجي الجامعة االعام الاكاديمي
1985 و 1986
؟
بعدها دخلت آمنة
موش
طيب البخلي آمنة تقولي سنك سنك سنك
شنو؟
اسع انا من جيل وهي من جيل يعني؟
يعني هي جيل الابناء وانا جيل الامهات
موضوع العمر دا انا ما شاغلني لكن شاغل صاحبتك
وشاغلها شديد...
لانه لو ما شاغلها ما بتباريني
سنك لا تسمح لك وسنك لا تسمح..
ولا يوجد فرق يذكر.
عاملانيي ستين
شكرا لها يبدو ان انجازاتي تشبه انجازات شخص في
الستين من كترتها..
لو يا تراجي نصحتي صاحبتك النصائح
القلتيها لي دي كنا اسع
شغالين في قضايا مهمة شديد
قبل هى تنصب نفسها راس حربة
في الفريق المعادي...
واقوليك قولة في كلام
ان جاءكم فاسق بنباء ...صدق الله العظيم).
برضو وجهي لي نفسك...
لانه جنكم انباء كاذبة
|
Post: #32
Title: Re: امنة مختار الشهر القادم الي المانيا
Author: عمر الفاروق
Date: 05-14-2006, 12:52 PM
Parent: #30
الرداحة تراجي :
| Quote: يا ساذج المانيا دي لما مشت ليها امونه اظنك كنت تتسكع في اذقة استادك داك القلته كنت بتلعب فيه |
ولحدي أسة بتسكع في الأزقة دي وكان ما مشيت إستاد الهلال بي زقاقات حي العرب ما برتاح وكان ما دقيت الكدراوية من الإستاد لحدي المواصلات برضو ما برتاح ..
انا زول مسكين وغلباااااااااان يا تراجي لكن عيني مليانة وما اظن يجي اليوم البقول لي بتاع الإيسكريم هاك عبي لي دي تاني !!!!!
| Quote: ولما كنا بنصيف في اثيوبيا ومصر كنت انت بتلعب بلي في خور ابو عنجه, |
تعرفي يا تراجي العاجبني في الموضوع شنو ؟؟؟ إنك قاعدة تهتمي بي ادق تفاصيلي وبتعرفي ساكن وين وهواياتي شنو والله لو ما كنتي قدر حبوبتي والله كنت فهمت الموضوع غلط وسرحت كما سرحت امنة مختار في استاذنا عثمان محمد صالح ...
وبعدين يا تراجي بالله ياها دي قدرتك في التصيف !!!!!!!!!!!!!!!
مصر ؟؟؟؟؟؟؟؟؟ لأ وفرحانة أوي ..
والعجب لمن قلتي لي الحبشة !!!!!!!!!!!!!!!!!!!!!
كان لي مصر لو مشيت المسالمة زي المشيت مصر ..
وكان للحبشة احسن تمشي الجريف غرب ولا نمرة 3 وصدقيني ما بتحتاجي للسفر ...
والله زكرتيني زول صاحبنا مشى زيارة لي صاحبنا ارستقراطي وكده وكان عازمو غدا ..
جاني مخلوع ونظام عايز يوريني إنو هو كان معزوم مع زول حنفولي وكده ..
قال لي يا عمر ياخ شدة ما الزول المشيت ليهو ده مرتاح والله يا عمر جايب لي الجبس ده بدون عيش
اسة انتي يا اللخت خلاااااااااااص لمن اتخلعتي وقلتي عايزة تورينا الصيف تقولي لي مصر والحبشة !!!!!!!!
| Quote: ولما كنت بتلعب (بلي) كنا نحنا بنلعب تنس واسكواش.... |
يااااااااااااااااااااااااااااااي ..
ووووووووب علي خالص ...وكر علي جداً ....
لا حنكوشة لكن ...
والله ووالله يا تراجي الحجلة ما فايتاك شبر ..!!!!
والله تلقيك بنتّي الحجلة لمن الله غفر ليك ..
ولعبتي نط الحبل وانتي لابسة سفنجة كل فردة من بلد لمن قلتي بس..
ووقعدتي في الــــــواطة دي عشان تلعبي ام الحفر لمن قلتي كفاي...
بعدين يا اللخت هي اسمها اسكواش ولا اسكواتش ؟؟؟؟؟ لكن نسوي شنو مع إنجليزيك انتي وبقال ده لأنو عااارفك بتكوني قايلة الT سايلنت !!!!!!!!
ياخ كدي قوليها صاح بعدين اللعب ده هيييييييين ..
والله يا تراجي الظاهر نحن خليناك تاخدي راحتك فقلتي تتجدعي فينا وبعد شوية تجي تقولي لينا ده غير ركوب الخيل والسباحة ...
ياخ عارفة انتي يتزكريني بي شنو ؟؟؟؟؟
مش مرات كده في ناس عايزة تعمل فيها مميزة تقوم تشطح وتعمل فيها عندها إستايل يقوم الواحد يجي يقول ليك :
والله انا ما باكل ملاح بامية بايت ...
معليش ياخ انا ما بحب نومة العصر ...
اسف ياخ انا بشرب نص معلقة سكر ..
وتلقيهو هو والله بيلهط اي شي وبينوم في اي وقت وبيشرب شوال سكر ...
اها شفتي ده إستايلك انتي ....
| Quote: وكان تقول مهمشين ولا غيره نحن الحمد لله عملية لوز ما بنعملها في السودان فاهم. |
طيب ياخ وقت عملية اللوز ما بتعملوها في السودان ما كان تمشوا تقروا في كوبنهاجن ولا طوكيو ..مالكم ماشين لي مصر البينكم وبينا حلايب ؟؟؟؟
وأووووووووووووعك تجي تقولي لي الأزهر ومصر يا اخت بلادي يا شقيقة و و و و و ..
| Quote: وعليك معزة ود المايقوما عندك كان ما كتبته النكته دي سمعتها من قبل ولكني ناسيه الآن. |
والله معزة ود المايقوما عندنا كبيرة لكن المشكلة طلبتيها انتي ...كدي النشوف ود المايقوما رايو شنو ؟؟؟
|
Post: #35
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 01:31 PM
Parent: #32
ود الفاروق
يعني ابيت تحكي النكته
Quote: تعرفي يا تراجي العاجبني في الموضوع شنو ؟؟؟ إنك قاعدة تهتمي بي ادق تفاصيلي وبتعرفي ساكن وين
وهواياتي شنو والله لو ما كنتي قدر حبوبتي والله كنت فهمت الموضوع غلط وسرحت كما سرحت امنة مختار في
استاذنا عثمان محمد صالح ... |
كيف يا اخي
وهل يخفى القمر
ما انت عمدة الجماعه ناس السعوديه المكجنني.
يازول
نحن نسميه (اسكواش) وانتو اكتبوه (اسكواتش)
نحن نلعبه وانتو اقروا عنه واكتبوه صاح سمح
تراجي.
|
Post: #36
Title: Re: امنة مختار الشهر القادم الي المانيا
Author: AMNA MUKHTAR
Date: 05-14-2006, 02:13 PM
Parent: #1
ده شنو ده يا جماعة !!
مولد وصاحبه غايب ؟!
أولا المانيا دى ما أول مرة نمشيها
وتانيا ولا أول ولا آخر ( معتمر) باذن الله
تالتا الموت من الحياة ما معروف
ويحلنا لغاية آخر الشهر .
العزاز تراجى وسيف مساعد
شكرا والى اللقاء فى بوست آخر ...
|
Post: #37
Title: Re: امنة مختار الشهر القادم الي المانيا
Author: Tragie Mustafa
Date: 05-14-2006, 02:23 PM
Parent: #36
آمونه صح النوم
انت نايمه
ونحن نعافر وندافر بجاي.
جاني تلفون حسه
من امريكا في زول قال يقولوا لك
هو معجب جدا بقلمك المقاتل
ويفخر انك سودانيه وتكتبي من الداخل بهذه الشجاعه
وقال لك الذ بوست قرأه لك عندما كتبتي :
ادونا السيوف هاكم رحاطتنا
وقال لك الزيك ده لو جاء امريكا يفرشوا له البساط الاحمر في المطار
وقال لك السودان ده كل يوم بيبهر ما بجيو منه الا الناس الحلوين
ويكفيك رغم القهر و الاضطهاد قادره تقفي وتقولي انا هنا ولن تقهرونا يا كيزان.
شكرا للرائع (م.ب)
وما على الرسول الا البلاغ.
تراجي.
|
Post: #38
Title: Re: امنة مختار الشهر القادم الي المانيا
Author: DKEEN
Date: 05-14-2006, 02:48 PM
Parent: #1
Quote: وشايفه دكين البيسميني ملك الموت بيقول لك شيلي معاك كي بورد عربي
يعني بيقرأ |
الكي بورد عشان عزيزك بقال يام ضراع..
|
Post: #43
Title: Re: امنة مختار الشهر القادم الي المانيا
Author: Tragie Mustafa
Date: 05-15-2006, 00:04 AM
Parent: #38
دكين اللميض
شكرا لك:
| Quote: الكي بورد عشان عزيزك بقال يام ضراع.. |
هو بقال ده قاعد للوقت داك ؟؟؟؟؟
يا زول يعني طلعته ما بتقرأ لامنه مختار؟؟؟؟
الكي بورد لبقال وصدقناك
و دي لمنو؟؟؟؟؟
لآمنه مختار ولا لبقال ايضا؟؟؟؟؟
تراجي.
|
Post: #39
Title: Re: امنة مختار الشهر القادم الي المانيا
Author: خالد العبيد
Date: 05-14-2006, 04:28 PM
Parent: #1
العزيز سيف
تحياتي
محظوظين ان تكون بينكم انسانة مثل امنة
اتمنى ان تكون رحلتها موفقة وناجحة
وتحياتي يا امنة
|
Post: #40
Title: Re: امنة مختار الشهر القادم الي المانيا
Author: Kostawi
Date: 05-14-2006, 07:04 PM
Parent: #39
Al Karampa!
ده شنو ده?
ناس بتعرس و تطلق و حفلة و عجاج كارب و كمان ألمانيا و الرياض و أبوعنجة و سيوف و مهيرة و الجفيل و كندا.
كدي أحكوا لي من جديد, الحاصل شنو?
|
Post: #42
Title: Re: امنة مختار الشهر القادم الي المانيا
Author: Mannan
Date: 05-14-2006, 11:43 PM
Parent: #1
المانيا نورت يا فارسة الشرق..
دعى الاقزام يقذفونك بالحجارة فلن يطالوك ايتها الفارسة الشامخة شموخ تلال البحر الاحمر .. ستجيئهم احجارهم مرتدة من عل.. لتصيبهم..
قولى لهم ماقاله الشاعر..
انت عندى كثعالة
رام عنقودا فلما
ابصر العنقود طاله
قال هذا حامض لما
رأى الا يناله
والما بتحصلو جدعو...
وتحية ومديح للظل العالى والقامة السامقة تراجى وهى تقارع الازلام وتلقمهم حجرا..
شفتى كيف بقينا نحكى العربى .. رغم العجمة.. سبحان الله.. ده ربنا لو (حاقات)!!!!!!
نورى جليلة (نورالدين منان)
|
Post: #44
Title: Re: امنة مختار الشهر القادم الي المانيا
Author: عمر الفاروق
Date: 05-15-2006, 00:57 AM
Parent: #1
| Quote: كدي أحكوا لي من جديد, الحاصل شنو? |
اصلو الحصل ما بتوصف .. لا بي حرف لا بي غنا ..
صابر سنة .. وفي لحظة بس نلقاك هنا ...
بالله شوف ..سمحة الصدف ..حلوة الظروف ..
أخيراً يكاد يكون العدد إكتمل مرتين وراجل !!!!!!!!
وللرجل مثل حظ الأنثيين ..
|
Post: #45
Title: Re: امنة مختار الشهر القادم الي المانيا
Author: alsngaq
Date: 05-15-2006, 01:21 AM
Parent: #1
تراجي
انت حكايتك شنو مع ناس السعودية دي بس انا عايز افهمها؟
ناس السعودية ناس السعودية
والكلام الفاضي بتاع الموقع بتحجب وشنو ما عارف دا انسي لانو ما بحصل
يلا ورينا مشكلتك شنو ؟؟؟؟
|
Post: #46
Title: Re: امنة مختار الشهر القادم الي المانيا
Author: Tabaldina
Date: 05-15-2006, 01:31 AM
Parent: #1
..
.
قرقرقرقر
والله يا فاروق؛
لو عرفت ســر القرقرة دى برسل
ليكـ 3 رباطاب ..
ياخى البورد دا بقي كلو رباطاب..
انتو عسل لمن تتماسخو ..
|
Post: #47
Title: Re: امنة مختار الشهر القادم الي المانيا
Author: doma
Date: 05-15-2006, 01:37 AM
Parent: #46
تبلدينا الزول دا يوم بقتل ليهو زول
|
Post: #48
Title: Re: امنة مختار الشهر القادم الي المانيا
Author: alsngaq
Date: 05-15-2006, 02:31 AM
Parent: #1
| Quote: ياخى البورد دا بقي كلو رباطاب.. |
بمناسبة الرباطاب دي
امس واحد ارسل لي نكتة
من بداية النكتة ضحكت رباطابي نصيح بكون مسلط طيب مسطول حيكون كيف
رباطابي مسطول
فى عيد الضحية شاف جماعة واقعين خطف شديد فى اللحم
قال ليهم والله سيدنا ابراهيم لو شاف المنظر دا
كان عملها مرطبات
|
Post: #49
Title: Re: امنة مختار الشهر القادم الي المانيا
Author: saif massad ali
Date: 05-16-2006, 01:36 AM
Parent: #48
اين دكين؟
|
|