رســـاله الى عــظماء الدوحــه (فقط)

Post: #1
Title: رســـاله الى عــظماء الدوحــه (فقط)
Author: يوسف سعد
Date: 05-13-2006, 07:07 AM
Parent: #0

الســـــــــــــــــلام عليـــــــــــــــــــــــكم
اليوم هو يوم ميلادى بينكم والفضل يرجع للاستاذ بكرى ابوبكر الذى اعطانى قلما جديدا ملكى انا وحدى وانا بينكم الان بكينونتى غير متطفل عليكم اليوم هو يوم ميلادى الاول وانا احدث مولود منبرى احمل جنسية( سودانيز اون لاين) لدى العديد من الاباء والعديد من الامهات والاخوان والاخوات والبيوت , وهذه خدمه يتميز بها مولودى سودانيز اون لاين فقط .
اولا الاسباب التى دفعتنى الا دخولى هذا البيت الكبير هو ان الظروف الحالكه والدروب الشائكه
جمعتنى باناس قل ان تجدهم فى هذه الايام ووجدتهم فى ليل الغربه همنا واحد ورغم اختلاف الاسباب التى ارسلتنا هناالا اننا نحمل عشقا واحدا فى حب الوطن و(سودانيز اون لاين) جمعت كل السودانيين باختلافهم العرقى والفكرى والدينى تحت مسمى( وطن ).

واسمحوا لى ان اشكر كل من قادنى الا انا اسرع بالانضمام الى اسرة (سودانيز اون لاين - بورداب الدوحه) خاصا محمد عبد الرحمن ذلك الجندى المجهول الذى تقدم لى باغلى هديه فى هذه الدوحه الا وهى عضويتى فى هذا المجتمع الراقى وماقلته عنه لايوفيه حقه ومكانته وقدره عندى ..

بدر الدين الامير (الامير) كما لقب وهذا لامتلاكه كل صفات الامراء والملوك ذلك القيادى البارز والمدير الناجح والانسان الرائع الذى يجذب الانتباه وما ان وجد فى اى مكان الا ان وجد الانظار تتجه نحو والايادى تشير اليه (حضر الامير حضر الامير )انا شخصيا اتعلم منه كل يوم ما لم ادرسه فى كتب الفن والاداره والجمال والابداع قد يكون مااكتبه عنه لايوفيه مثقال ذره من قدره فى المجتمع قبل ان يكون عندى ولاكن اعجز عن اصتياد الكلمات التى تلقيق بمقامك ايها الامير واستميحك العزر فى ان انتقل لسواك فهل اذنت لى؟؟؟.

عماد عبدالله ايها الفنان الذى ترسم يداك ولسانك فنا وجمالا وابداعا بمايعرف (شعرا) واقصد بفنان ليس الرسم والتصوير واخراج المشاعر الى شعر فحسب بل الفن الاجتماعى الذى تمتاذ به دون غير وذلك بالحضور والجاذبيه فنان فى معاملاتك ولا انسى نك استاذى فى مجال التصميم والاصرار على تحقيق المستحيل واذا اردت ان اقول فيك ما اعرفه عنك اريد خمس الف سنه ضوئيه لجمع مواهب وانسانيتك والحديث عن شخصيتك.

فيصل عباس الشاعر والناقد الرائع وملتهم صغار الدجاج ياخى مالك مع ديكى ده يعنى عشان ماقلتا ليك زح من ولا شنو داير تاكلو اون لاين كمان قدام الناس , لكن برضو من العظماء الذين عرفتهم والذى حفروا فى ذاكرتى وجودهم ولا اظن ان يمحى هذا الجمال من زاكرتى ومخيلتى .

ضحيه والاخ العزبز جدا صالح كل الجمال وكل الاخوه الصادقه والمحبه الدافئه وكما قال الباشمهندس عبدالكريم الامين (اخلاق سودانى) واظن هذا يكفى فهذا اللقب يجعلنا خير امة اخرجت للناس.

عبد الكريم الامين (كيكى) كمبو الرى , جوبا نار مندكورو فى الجيب , وووو) ليس كاتبا وحسب بل وحدة تصوير وبث لاسلكيه فضائيه فى انسان هذا كيكى الفنان اما الانسان فلايسعنى الا ان اقول عنه مالم يصفه الاسلام عن صفات المسلم الطاهرالنقى البشوش الطيب اللبق الانيق والكثير المثير ولكن لا استطيع احصائها خوف النسيان .

عبدالرحمن (ودرمليه) هذا الرشيق الانيق فى انتقاء التعابير الرائعه التى تاثر القارئ والسامع وتجعله يسبح فى جو من الرومانسيه والشاعريه وبفيض انسانيته التى قل ان نجدها هذه الايام والانسان قد تحول الا اله وتجرد من المشاعر الانسانيه التى وجدتها فيك .

ابو ساندرا اولا اقترح ان تقير اسمك بدلا من ابو ساندرا الا ابو يوسف وهذا طلب اللح فيه واستائنف اذا رفض طلبى وبجيب معاى محامى وكل هذا لما وجده فى بيته الذى لم احس يوما قط باننى غريبا فيه ومنذ ان عرفت هذه الاسره المثاليه التى لاتجمعهم تحت سقف واحد اى قانون غير الحب الذى تلقاهو( مدفق )امام باب منزلهم ويدوك حبهم ليك معا اول كباية عصير تشربها فى رياض منزلهم وبعداك بتجيبك موية السكر وجمال المكان ( طبعا الناس الجوه المكان )انتا واسرتك داير ليك بوست براااكم ايها المناضل ابو ساندرا...(ومناضل ومناضل ومناضل)تانى فى شنو...؟

ابو جقادو هذا على قول الشاعر ( مثلك يؤتى به من البلاد البعيده ليضحك ربات الخدود البواكى ) وهذا قليل من قدرك الكبير ايها الفنان واتمنى ان اراك دائما سفيرا للسودان للنوايا الحسنه....

وابشيبه ده كلام براهو طعم كتاباتهو شى وطعم الوجبات الشهيه الرائعه شى تانى واتحدى ان يجمع شخصا واحد كل هذه المواهب الانادرا ايها النادر جميل المحيا وطيب المعشر وانشاءالله يوم شكرك مايجى....

لكم الشكر جميعا فلولاكم لم احس بطعم الدنيا الرائع هذا , مهما فرقت بيننا الحدود الجغرافيه والمنافى الاختياريه والجبريه فانا منكم بورداب الدوحه....

Post: #2
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-13-2006, 01:06 PM
Parent: #1

ومرحب والفين مرحب بالشاب العالي التهذيب يوسف سعد يوسف
الذي يحط الرحال الان علي ارض الدوحة ..طالبا للعلم والمعرفة
وباثا فينا القا عالي الجمال من الزمن السمح..
دخل قلوبنا سريعا ونحن نحتفي به وبجمال خاله الاسطوري محمد السني دفع الله
الذي اهداني هذا الصديق الصغير...
مرحب يوسف ايها المسافر في ارضية الابداع الفطري
وحبابك؟؟

Post: #3
Title: Re: رســـاله الى عــظماء الدوحــه (فقط)
Author: ودرملية
Date: 05-13-2006, 04:30 PM
Parent: #1

سلامات
وعوافي
يوسف مايا ..
ياسيدي (ووقدتا) امسيات الدوحة بي ضوك ..
وفرهدتا بي خفة روحك ارواحنا ...
ياسيدي مشكورين كونك بيننا ..
سعيدين بيك يايسوف للغاية ..

Post: #4
Title: Re: رســـاله الى عــظماء الدوحــه (فقط)
Author: Salah Abdulla
Date: 05-14-2006, 01:08 AM
Parent: #1

يوسف ..

يا إبن السعد ..

تحياتي .

بما أنني من ( أقزام ) الدوحة ، وتقصر قامتي حتى تكاد لا ترى أمام من ذكرتهم أعلاه ، إلا أنها تعلو ( حد السماء ) حينما يكون الكلام عن الفن والمبدعين في بلادي .. فانت معجون بطينة ( جن الفن ) ويكفيك أنك إبن الفنانين أبيك وأمك ، وخالك .. وهل هناك فن أكثر من ذلك ..
ويكفيك ضخامة فن حتى لتكاد أن تملأ أفقك اليافع ، وأظنها قد فعلت .. لذا فحري بي الترحيب ، والإحتفاء بك أينما كنت .. في الدوحة أو الخرطوم ، أو أي مكان كان ..

والتحية عبرك لوالديك الذين شابهتهما فما ظلمت ، ولخالك الذي ينضح فناً ، وأدباً وعلماً .. (والولد خال ) ..
فهنيئاً لنا وجودك في هذا السودان الصغير .. ووجودك بيننا هنا في الدوحة ..

تحياتي

صلاح عبدالله

Post: #6
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 05:15 AM
Parent: #4

العظيم صلاح عبدالله
جله من لا يسهو عدم النسيان صفه يختص به الخالق دون غيره وانا عندما كتبيت عماد عبد الله ظننت اننى ذكرتك ايضا فلك العتب حتى ترضى.....

وشكرا على الزمن الغالى الذى خصصته لى ودخولك لى هنا شرف وتيها فلا تقطع الجيه

Post: #5
Title: Re: رســـاله الى عــظماء الدوحــه (فقط)
Author: أبو ساندرا
Date: 05-14-2006, 03:25 AM
Parent: #1

يوسف يا داقس
لو نشرنا عليك دثار ابوتنا
لضاعت عليك فرصة المهرة العنيدة
دينا

شهادتك الثلاثية كما القسم المعظم
إحتلت مكانها مع الأوسمة والنياشين

وأنت تبؤات مكانك حيث الكتابات الرشيقة
عجبني جدآ قلمك المغموس في مداد الصدق والوضوح والحب
إتوقع لك مستقبل باهر في دنيا الكتابة والفن والإبداع
ومعرفة عميقة بدقائق التكنلوجيا وثورة الإتصالات
بس أنصحك
تنكب خطى خالك
وتمايز وإختلف
و
حبي الأكيد

Post: #7
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 05:25 AM
Parent: #5

اولا: داير (الابوه وديـنا)طماع مش؟؟؟؟
ثانيا:انا لا اريد التبوء اماكن بقدر مااريد ان اتبوء اماكن
فى قلوبك ايتها( الاسره الماسيه)....
اقدم طلب عضويه واجهز للمعاينات ولا مافى طريقه ابكى بس؟؟؟؟؟

Post: #8
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-14-2006, 05:31 AM
Parent: #1

السعد يوسف
إحتفائك بالآخرين دليل على قدرات ذاتية جميلة على العطاء. وفهمك للحب هو قمة الحب وموهبة نادرة. يسعدني بعد تلفونك الطويل الجميل أن أكون ضمن نظومة هذا الحب الألهي.
رغم اني ما من عظماء الدوحة لكن مروري العابر بسماء الدوحة الذي أشكر عليهو ربنا كثير سمح لنا بالتلاقي محسن خالد وانت وأنا.
في أضانك كدة يا يوسف يا ولدي قلمك أنيق
وذوقك وادبك حيخلينا أنا وبركات في شكلة مستمرة ومقالعة إلى أن تفوز أحدا بناتنا بك.
وترويج كدة أنا نسيبة تمام
وبناتي برضو تمام وهذا ليس من باب القرد في عين أمو

ولكن قل أخطب لبنتك

أهالينا كيف؟؟
ولا لسة مصر على ليم

Post: #11
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 06:41 AM
Parent: #8

اولا ازوب من ماليس لى به صله واتلاشى فى الافق من روعة احساسكالحنان فى كلامك والجمال الفى عينيك وهذا يجعلنى فوق السحاب .....

احمد الله على ( نعمه) الكثيره التى انعم على بها هنا وانتى من اجمل هذه النعم, انتم يامن علمتونى نوعا جديدا من الحب ما كنت لاعرفه لولاكم فانتم اهلى وانى معكم احس وبانى منكم وانتو منى, وانا من غيركم كا غساء السيل .

انتم معنى الحب (الخالى من الشوائب )وانا معكم اغتسل كل يوم من الاحقاد والاحساد والضغائن .

واتمنى انو اكون من صائنى العشره (الملح والملاح) ولن اخونكم ولو كنت خائن .

شكرا على كرمكم باعطائى فلذات اكبادكم
دايرهم الاتنين معا ( دينــا _ لـيم )اى واحده احلى من التانيه, ويكفى انهم من هذا الاصل الطيب وفروعه فى السماء

ياناس من عبير الجنه

Post: #13
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-14-2006, 07:51 AM
Parent: #11

يا زول يا خاتي من كلفة
لك الثمانية بنات الفلزات الماربيناهم بالساهل ولك سيادتي ورشود أمهات وبركة أب متميز وكان داير ود النجيب برضو ليك.
وبك أكون قد نلت الولد الذي طالما تمنيت

Post: #32
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 08:26 PM
Parent: #13

والله لو سمح قانون العالم المبنى على اب وام وماسواهم من اقارب لاقتناء كل من نحب لاقتنيت هذا العقد الفريد(انتم) وقد تزينت الدنيا بوجودكم ولااستطيع انا اتخيل الدنيا بدونكم كيف ستصبح.....
ومن ناحية الولد الذى حلمتى به فهاذا شرف كبير لى وانا لك .....

Post: #9
Title: Re: رســـاله الى عــظماء الدوحــه (فقط)
Author: معتصم الطاهر
Date: 05-14-2006, 05:42 AM
Parent: #1

?

و مرحب بيك

اناما من ناس فقط ..

لكن بتجى شترتك دى وتقع فى دربى المحفّر ..

انا هيّن ..

فى ناس صنفوك ( ك ت )

Post: #10
Title: Re: رســـاله الى عــظماء الدوحــه (فقط)
Author: wadalzain
Date: 05-14-2006, 06:11 AM
Parent: #9

اخى حبابك عشره بلا كشره

جيتا جيت

حللت اهلا ونزلت سهلا

من الخور لى مسيعيد

ومن ام باب لى جزيرة السافليه

ومن هنا من دوار البراشوت مرورا بدوار المجنون الى دوار السودان ظاتو زى ما بقول هبانى ظاتو

Post: #17
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 04:52 PM
Parent: #10

ود الزين الراجل الزين

شكرا لترحيبك الجغرافى الجميل
الذى ان دله انما يدل على انك تريد ان تقول لى كان ماشالت الارض........
وخليك معاى .....

Post: #12
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 06:46 AM
Parent: #9

معتصم الطاهر

هو فى عظمه اكتر من انك تتنازل وتستقبلنى
جل من لايسهو

Post: #14
Title: Re: رســـاله الى عــظماء الدوحــه (فقط)
Author: Emad Abdulla
Date: 05-14-2006, 09:19 AM
Parent: #12

يوسف الصديق مايا ..

شايف الحكاية جابت ليها مداعي ( شادية ) ..
وإغراءات و فطور العريس و الريشه الريشه و النقده فوقكن .
أيووووووووووا !!!!
أبو ساندرا غايتو إن ناسبتو مقدور عليهو .. يشبكك : آآآآ .. ياتو ؟؟ .. آآآآآ .. وده بعد ما تشغل ليهو أناشيد أكتوبر كلها يقوم يسرح مع الأناشيد في ملكوت الله الواسعات مع الشهداء و الصديقين و الـ زز الرفقه الحسنه ؟؟؟( طبعا الأضان بتكون ديم تقلي الوكت داك ) يعني ما عندك مشكله في إنك تتجنبو وتحيدوا تماما .. لأنو نضارتو طبعا المايكروسكوب الفضائي هالي بتاع كوكب المريخ داك .. يعني ممكن توقفو قدام المرايه و يخش ليك حنك في فقه الثورة و متطلبات المرحلة مع الزول الفي المراية اليوم داك بمزااااااج ..
رشيده ( أم العروس ) طبعا زوله حبوبه شديد .. زوله براااااحة . وخاته الرحمن في قلبها ( أنا قت الرحمن ولا عبد الرحمن ؟؟ .. ) وح تكون خلصت رمي الطعمية و بتوزع في العشا لأهلك ناس مدني الجايين بي سبعتاشر باص ديك ( قايلنها حولية .. يمكن ) .. وقرفانه من الرجة الفي البيت لامن كملت الطرشي بتاع الكوكتيل كله .. و ما فاضيه ليك .
لكن ...
يا يوسف يا خوي ..
.. علي الله يا يوسف تلحق شادية دي تعرس ليك بنتها .. تلم فيك يوم العرس .. تكبك نقه عن الإدراك و سيسيولوجي الفكر العلماني و بروسترويكا العولمة و تداعيات اللغة عند إدوارد ألبي والبيان الشيوعي و رأسمالية بريخت .. وتلف ليك على أدب الصوفية و إنعكاساته على غنا البنات .. تجيك بيجاي ( وده كلو إنت تقوم تبشر و .. زيطك تلقاها جرتك تااااني صنقرتك في الكرسي ) ودقه سريعه كده تحوم بيك على الشعر عند الحلنقة و أثر التداخل الإثني في بنيان اللغة .. تلفحك بيجاي ( و إنت طيييييب .. تقوم تهز .. وتترزع مصنقر في الكرسي داك .. و هي مكنكشه في يدك ) لمن حنتك تهد في يدها من المسكه .. و انحنا - واقفين بعييييد - نبكي : الولد كان طيب .. يا حليلو ، بقى فك الجزر .. و السني يكورك وهو هايج : القوازه دي مش ممكن تتم .. ده على رأبتي ( بالمصري ) . و حاجه سوسن : الليله كُر عليك يا ولدي .. يا السغير و جاهل ، و عمك دكتور سعد ينهر شادية ( اللسه شغاله نقة عدوك ) و الشنبات ترجف : مين هناك ؟ آآآآآ .. فكي الزول يا حاجه .. ولا علي الطلـــــــــ ... هسه كع في راسك الملان شنكبات ده .. فكيهو قلت ليك .
و شادية في عالم تاني : نقنقنقنقنقنقنقنقنقنقنقنقنقنقن ....
: أبشر يا عريس .. تقوم تهز و تترمي تقعد تاني ( تكون هي طبعا جاراك من يدك وهي قاعده تحت ) ..
يقوم طوالي يجيك شلل أطفال و كساح عظمي و لوثه فكريه .. ( تودي وشك وين تاني ؟؟؟ )
والله يا يوسف .. إلا حمار الوادي يهنق حتى شادية تفكك ..
يعني اليوم داك .. عرس سكو يا فرده ..
نونو ببح ..
صنقيره لي صباحات ربك .. ومنها التيجاني الماحي

قت ليك يا يوسف ..
والله يا ولدي طبعا ..
خلاصة الموضوع : أنا والله الحقيقة يعني .. بدور أقول ليك .. المعني يعني أنا زااااااتو بنياتي سميحاااااااات
وعمك طبعا - اللي هو أنا - زول سكووووووت .. و عاقل ..
ولا بنقنق .. ولا بطرطش الكلام .. وزاتو ما بحب أناشيد أكتوبر ..
و مرتي ديك .. ديك الطيبة ديك !! و الله جنها وجن النسيبة النقناقه ..
وكمان زاتها و الله طباخه خلاس .. شفت .
قت ليك ..
يوسف ...
يوسف !!
تعال لعمك عماد بي هنا .. ما بتندم .. ( كل يوم وجبة رئيسية تركين - ملوحة - ) لامن تبقى اسماعين أبوعفان .
وسيبك من المسغافاتيه الإتنين ديك ..
( أى مسغف بالمناسبه نهايتو كشكوش علبة صلصة في اليد .. و سفنجات كل فرده من بلد .. و كيس صعوط .. ودُرِابات بتاعت رقيطه في الجيب ) ..
أها .. كده كويس ؟.. يقول عليك مناسب الجُندُبانات ؟؟؟

أوعك .

Post: #15
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-14-2006, 10:30 AM
Parent: #14

حفاظا علي مصالح صديقي الاصغر ..اخي وحبيبي يوسف
قررنا نحن (كيكي) الامين تعيين انفسنا مستشارا
وخبيرا اجنبيا لموضوع..(حرب اليوسف) هذ!
وهجمة الاخوة والاخوات الشرسة من اجل الفوز بصديقي..
لذا نقول..(مادايرين اي عنكبة..وشنكبة)..
وكلام زي ده قولهو لمستشار ما (اندو هديدة)..
وعليه..
الرجاء ارفاق طلب رسمي مستوفي الشروط
ودفع رسوم دمغة(122)ريال قطري لاغير..
ودفع78 ريال..رسوم دون ابداء اي اسباب

Post: #18
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 06:27 PM
Parent: #14

ايها الفنان ....

عملتا لينا فليم هندى عديل كده ماخليت اى حاجه من نوع ( الدلوكا ) الفى العرس واسم الفنان, لصيوان العرس مؤجرنو من منو انتا جبتو... وانا ادهشنى هذا الرسم البيانى الرائع زى الكانو العرس ده انا خشيتو قبل كده....
بعدين انتا داير توقعنى معا نسابتى مالك ياخ عندك( بت) قدم الـ( C.V) بتاعتها وانشاءالله يصير خير.....
بعدين انتا عارف والله انا محتار بين الاتنين ( دينا- ليم)والله العروض كلها مغريه
فى وحدها مدينى معاها ضمان ضد عيوب التصنيع وضمان مدى الحياه وفى وحده مدينى معاها عرض خاص اتنين بى تمن وحده.....

بعدين انا زاتى كلام التبلور والتمحور وايدلوجيت الفكر وشلل المؤلف وموت الضان مابينفع معاى , انا بتاع نبض الشارع والدارجيه والله احلى من الفصحى ذاتا (معبره )
حسع عليك الله كان داير تقول لى زول( زح لى ) دى بالدارجيه , بالفصحى (افسح لى) شفته زح لى دى معبره كيف بتطلع من جوه ومن هنا اناشد واشجب واستنكر العدوان الامريكى على العراق.....
شفتا من حسع بقينا بره الشبكه.

امبارح حلمان بانو راكب حصان اخضر ماشى فى فسحه خضراء وبدخن فى سجاره خدرا لمستنى يد على كتفى قلتا ياولد دا البوليس اصحى من الحلم الضارب ده صحيت لقيتا يد السنى وشايل ليهو خدره قال لى (ورررقه) احلام عيانه وعرفته روحى ماكنتا مسطول بالسجاره كنتا مسطول بريحة الخدره....

انا بفكر بصوره جاده فى اختراحاتك بانو انتظر (بنتك )الجميله وعرضك العادل لانو بيدينى مساحه من التفكير لحدى ماتكبر( بتك) ونعرف شناته من حلاته فى المستقبل الغريب واسمح لى يابو النسب (اس 4) بان اشاور مستشارى الدكتور الباشمهندس كيكى وما خاب من استشار, والراجل ليهو العرس كان شينات تسعه مابيوقفنو وكان سمحات اعقد وعد واسكت ....

ان العيون التى فى طرفها حور
قتلننا ونحنا ماشين درس العصر ..

( شفتا تانى مرقتا بره الشبكه الموبايل ده لازم اغيرو...)

واذا عدت عدنا.....

Post: #19
Title: Re: رســـاله الى عــظماء الدوحــه (فقط)
Author: Rasha Hatim
Date: 05-14-2006, 06:43 PM
Parent: #18

يا يوسف,

مالك جاي مسخن من برة, عظماء الدوحة (فقط). اتلومت معاي, اها كان ما رسلت لي دعوة خاصة باحرد

ليك بوستاتك كلها. هسي الواحد جاي يرحب بيك ونفسو مفتوحة, تجي تسدها ليهو بالفرز حقك دة,

يعني وبسطاء الدوحة يقبلوا وين؟؟؟؟

Post: #21
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 07:00 PM
Parent: #19

اللطيفه رشـــا

انتى ورينى مكانك وين بس حسع بقلب ليك من عظماء الدوحه لعظماء الحته بتاعتك ولاتزعلى اصلو اى حته عندها العظماء بتاعنها وبعدين انحنا مش مفروض نعمل دويتو سوا ونفتح لينا بوست مال وعيال كلو حب وريده مافيهو( فلان عمل سوا)

ولا انتى نطيتى؟؟؟؟؟؟؟

خليك معاى دربى البطلعنى السما

Post: #23
Title: Re: رســـاله الى عــظماء الدوحــه (فقط)
Author: يوسف سعد
Date: 05-14-2006, 07:14 PM
Parent: #19

بعدين يارشا بعد مامشيت جيت تانى !!!!!!!

انتى (بتك) دى مالا بطنها طامه كده,
وديها الدكتور شوفى مالا ماتقوم تستفرق لينا هنا
والله البوست بتاعى ده جديد (بنات عمو ما سمعو بيهو...)
يقوم يتبله نجيب ليهو هندى من وين ينضفو........

وخليك معاى دربى البطلعنى السما
وايدى البترسم ضحكتك على صفحت العشق النما

Post: #16
Title: Re: رســـاله الى عــظماء الدوحــه (فقط)
Author: فيصل عباس
Date: 05-14-2006, 01:55 PM
Parent: #1

مرحبا
ايها اليوسف
((شايف المنبر فرحان بيك قدر شنو،وكرشو كبرت كيف))
هذا المكان (كرش المنبر) لك وانت اهل له
بك كثيرا من ما نشتهتي (ابقى عليهو 10000000000000000000000)
وباقي لي كده حركت في اعمامك الفوق ديل حاجات كتييييييييييييره (زهرتين من شبابهم)
يا حليلهم فيها,,,,
بقى يشحدو لي بنوتهم لمن ذكروني بي حقتي (ايمي) عليك الله دخلها معاك
ودي طبعا ممكن اقايطك بيها بسفه او اديها ليك زياده فوق بنية عماد (وهي طبعا حاجه كده وبت كلب خالص
وطالعه لخالها (وطالعة الشجره ومابتجيب البقره)
بتجيب الصدمه ولمن تلاقي النهره تجيك بالبسمه المليانه بالبوس التقول (ياسر عرفات الله يرحمه من اهلها)
و تخمك بالضحكه وتسييك
الفكره (بتنفع معاك ولا لا)قول وما تختشي (داير مني فيهن)

ولا اقول ليك ممكن ترضي كل الخلق
وترجع زمن رجال الاربعات (الله يطراهم بالخير)

ويطراك بالجمال
وتحياتي
شكرا لما كتبته عني بالرغم من انه مجافي للحقيقه
نعمل شنو لكن اصلو الجميل بيوسم الناس بالجمال
شكرا جدا ياود يا جميل

Post: #20
Title: ( القطراب ) طاعمين
Author: tmbis
Date: 05-14-2006, 06:58 PM
Parent: #16

..

فيصل عباس .. وعماد عبد الله .. ومنو ومنو ومنو .. وكل ( القطراب )
ديل ناس طاعمين جدا ..
و
اصحاب
..

مرحب بيك يا يوسف . اهلا ..شديد

انا مركز معاك على المستطيل الاحمر دا

فاهمني ؟؟

Post: #22
Title: Re: ( القطراب ) طاعمين
Author: Rasha Hatim
Date: 05-14-2006, 07:11 PM
Parent: #20

Quote: انا مركز معاك على المستطيل الاحمر دا

فاهمني ؟؟

تمبس يا فردة, انت شلاقتك دي هي البتوقعك. ما تبت من الكاميرات وشيل الحال يا سيد الريد

Quote: انتي بس وريني مكانك وين

يا ود سعد ما قلنا " بسطاء الدوحة " يللا انكرب وافتح البوست الوعدت بيهو " الله يكفينا شر

كاميرتك الشايلة دى"

Post: #24
Title: الكلاكلة
Author: tmbis
Date: 05-14-2006, 07:20 PM
Parent: #22

Quote: هي البتوقعك

والله يارشـــا لا بتوقعك ولا حاجة..
لكن
شكلك كدا لما كترتي لي في ست الريد .. عايزه تنطي من السيك .. سيك .. معلق فيك

انا قلبي ماكلني

يا سعد .. ما تستغرب .. الحركة دي عادي .. والبوست دا ممكن ردين انا ورشا دي نوديهو ليك الكلاكلة

Post: #25
Title: Re: الكلاكلة
Author: Rasha Hatim
Date: 05-14-2006, 07:27 PM
Parent: #24

Quote: انا قلبي ماكلني

اليمين والا الشمال؟؟؟؟

" معليش يا سعد, استلمنا ليك بوستك, اعفي لينا النبي "

Post: #26
Title: Re: الكلاكلة
Author: يوسف سعد
Date: 05-14-2006, 07:30 PM
Parent: #24

هوى خلاص ماتتشاكلو !!!!!
نتقاسم الكاميرا دى بيناتنا

كل يوم على زول و(رشا) نديها زياده يوم الجمعه لانو( بت )ومابتمرق من البيت لانو اهلها صعبين وبابا علا البوابه

ويلا كلنا بصوط واحد حنانه النسى اهلو مانسانا ووووب (ايادى مرتفعه الى السماء فى حفله قربت تنتهى).......

Post: #27
Title: Re: الكلاكلة
Author: tmbis
Date: 05-14-2006, 07:35 PM
Parent: #26

يا رشا
انا قلبي باليمين .. من يومو..
عشان كدا يايوسف بقترح انكم .. تدوني الكاميرا دي وتدبرو حالكم انتو الاتنين .. بي طريقتكم

Post: #28
Title: Re: الكلاكلة
Author: Rasha Hatim
Date: 05-14-2006, 07:44 PM
Parent: #26

Quote: حنانه النسى اهلو مانسانا ووووب (ايادى مرتفعه الى السماء فى حفله قربت تنتهى).......

لالالالالالالا طلعت ماااا هين, النبق النبق النبق النبق.

اها قصرت معاك في حفلتك القربت تنتهي دي

تخريمة:

تمبس شوف ليك كاميرا تانية, شكلها دي تصوير حفلات فقط, والنسائي علي

Post: #29
Title: Re: الكلاكلة
Author: يوسف سعد
Date: 05-14-2006, 07:52 PM
Parent: #28

والله شكر الله سعيكم و(مانقيلكمش فى حاقه وحشه) بالمصرى

والله بى زيارتك بيتنا نور
وبيك اذدانت ديارنا
واوعه تبعدى من عيونا
كانو تايهين وانتى مرسا

رايك شنو انفع اكون شاعر......؟؟؟

بى حمى.......

Post: #30
Title: Re: الكلاكلة
Author: ودرملية
Date: 05-14-2006, 07:54 PM
Parent: #29

سلامات
وعوافي
من الفنان الكبير والمبدع القدير ودرملية الي يوسف مايا ..
لعلك امسيت طيب يازول .. والليلة وريتنا سنون المنبر (كناية عن الابتسامات العريضة) ..
واهو ياسيدي بوجودك طل علينا (الجزء الثاني من المسالة)..
تقبل تحياتي ..(شفتا اخوك متواضع كيف)..
قدرك يايوسف ود سعد ما تجي وتتكبكب لي في الرد عشان اوريك المايا عز الفوتوشوب..
بعدين ياشادية شنو يعني من الندوة ولبدتي ...
البروفات بتاعت شتات دي ماعلي مرمي حجر منكم ...
فيصل عباس بي جاي والله يايوسف ماك هين قلعتا بي (خالنا) فيصل ..
يوسف انت امبارح ما قلت بتجي تحضر البروفات غايتو اخوك وقع ليهم في المسرح وشتت ..
اصلو التمثيل دا نحن بنجضمو كما الفتة تماما ... يعني هسي خالك السني وعمك ابجقادوا ح اصنع ليك منهم فنانين كبار ماهم اصلوا لو بارونا كدا بيصلوا ...
اها انا ماشي لانو بعد ساعتين عندي تصوير في فيلم (ختفوها مني) وهو بيعتمد علي قصة واقعية لشاب غاب عن مسرح الحي لبعض الوقت فغابت معه احلامه وكدا ...
عماد عبدالله ياخي مشتاقين انعن زيتك زاتو ...
مستشارك كيكي والله غرقتا غرق ... اسحن ليك انا منو

Post: #31
Title: Re:
Author: يوسف سعد
Date: 05-14-2006, 08:13 PM
Parent: #30

ايها العملاق
انا لا استطيع ان الملم الحروف لكى اكون كلمه والكلمه تكون جمله والجمله توصل الاحساس الى الاخر لكى يسعد بمقامه عند الاخرين......
( فى حضرت جلالك يطيب الجلوس مهذب امامك.....)

خليك معاى دربى البطلعنى السما.....

Post: #33
Title: Re:
Author: عبدالكريم الامين احمد
Date: 05-14-2006, 10:27 PM
Parent: #31

مرحب...وحباب يوسف

حبابكم كلكم ..وخاصة رشا الزولة الطاعمة الجاي ترش لينا يوسف
بالعطر والمحلب والصندل...لكن شكلها كده دايرة تجازف الكاميرا
التقيلة العاملا ليوسف (فلايت دي)..
نورتي رشا ومرحب بيك بين (بسطاء الدوحة) الاولهم اخوكي المسكين
كيكي..

تمبس ياخي ..احبك واحب غناك البتجيبوا ..واحب سفنجتك الجابوها
في النت ذاتتتتتتتتو...
نورت البوست واضفت ليهو ازدواجية قراية..ودوزنت عصب زمن
بسطاء الدوحة الاشتر...
وعليك الله(كب لينا)..اي مزيكا لعثمان حسين هنا..وياريت تكون (اوعديني)...

لا زلت انا المستشار المعتمد من الفيفا..في هذا الامر..امر (زهرة اليوسف)
التي يتقاطر عليها (البلوم) زي المطر..

يوسف هدي اللعب .وادي بت (رشا ) فرصة..وممكن نفاوض فيصل عباس
يدينا (ايما) زيادة قبل ما تقوم (حرب ايما)...ويقوم ابوها
لدرابه العجيب...
قف
كمستشار احتاج الي روية صور..ونماذج..فانني في (الفوتو شوب) لخبير

تسلموا..شادية وعماد...لا زعل ولاحنبكة فانت لا زلتم داخل المنافسة
بس يا عماد ادفع الرسوم ...ويا شادية بيني وبينك اللقيمات..

Post: #34
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-15-2006, 01:03 AM
Parent: #1

عبد الكريم يا كيكي المستشار الأعظم والقائد مدى الحياة.
خليك من عماد عبدالله الفيهو اتعرفت عايز يروج لي بناتو خاصة المزاجها من تسنيم
لكن قول ليهو أنا زااااتي ما برد أليك أنا بس برسل ليك أتنين وهم يطلأوا ليك الفكرة من هنانك.

بعدين يا خوي السغافة براها وعرس البنوت براهو أنت جنيت؟؟
أم النسب تجر واتي وتجر التوب زاتو
لزوم أهترام الأريس

لكن يا اماد أنا برسل ليك البيخليك تفهم هاجة
والله لو ما أشان خاتر أخوك السغير والمدام زاتها كنت أديتك بالكيماوي.
لكن أشان أين تكرم...ألف ... لسان طالق
دي من عندي

يا مستسار الزلابية في النار ما تلاوز.

يا فيصل عباس والله ايما حلوة لكن سغيرة ما بتنافس دينا وليم

أنت يا معتصم الطاهر قاعد تهدد بي شنو؟؟
يا خ نحنا ما فرد

ود رملية
يا زول شنو عامل معاي
الكديسة والفار
امس ما جيتكم في مرمى الحجر وقالوا غايب في ركايب
بعدين يا عظماء الدوحة الختيتوها رقدت
كنتو عبرتوني ولا عبرتوني
كثر خير محمد الربيع ومعاوية والسني وأحلام وصلاح عبدالله ووجدان ولما وفيصل عباس والمدام والعيال
وأبو النسب يوسف أن شاء الله يوم شكرهم ما يجي
والله الناس الما عبروني ديل الا يدخلوا السودان ثاني عبر مطار دنقلا
وينادوا أهلهم الفي الخرتوم على الحدود المصرية
معليش يا يوسف
قلبنا ليك البوست مصفى حسابات

Post: #35
Title: Re: رســـاله الى عــظماء الدوحــه (فقط)
Author: أبو ساندرا
Date: 05-15-2006, 01:36 AM
Parent: #1

Quote: لكن أشان أين تكرم...ألف ... لسان طالق
دي من عندي

هسع يابت انا سألتك واللا جبت سيرتك
واللا قلت نقناقة
وبتحرق الحلة كل يوم
وماسوت اللقيمات لشتات بقيادة النجم الساطع كيكي

جايبة سيرتي ليه ؟

مالك ومال لساني المتبري مني
ياريت يطلقوك بالتلاتة
وتقعدي تصاقري سودانيز والراكوبة

ما خاتي عليك إماد أبدالله

Post: #36
Title: Re: رســـاله الى عــظماء الدوحــه (فقط)
Author: أبو ساندرا
Date: 05-15-2006, 01:41 AM
Parent: #1

أمسك يا عمدة
مدام نقنق
عملتك { فلايت } وكده

لو مارديت عليها
آلي
و
واتي

بتكون { فولتير } بالجد

يا إماد قدس

Post: #37
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-15-2006, 01:49 AM
Parent: #1

أنت يا أبو ساندرا
في بتنو هرقس؟؟

أسة أنا جبت سيرتك؟؟
ولا ساكت جاري شكلي؟؟

ما قلنا ليكم وصفة الزلابية عند خالتو ناهد الله؟؟

يعني هي تبصصنا ونحنا نأكلكم

بعدبن ما تغلت

نهنا ناس تهالفات مسيرية
قبل كدة أختك جمعت الثمانية بنات في قفة واحة

عشان نوسع دائرة الترويج
ونضيق دايرة الخيارات على الديامي النص مكنة أماد ود ابد الله ده

بعدين يا فردة
اي زول لسانو طلق ما انت
روق المنقة

ده كدة اسمو
النحل جاري واتي
خايف من قصة
جامي الشيئة وكدة

Post: #38
Title: Re: رســـاله الى عــظماء الدوحــه (فقط)
Author: ودرملية
Date: 05-15-2006, 04:07 PM
Parent: #37

سلامات
وعوافي
عاد ياشادية ما اتلومتا فيك ...
خجلتيني والله من روحي يازولة ...
بعدين والله انا في سؤال شديد عنك انتي وماهي ...
المهم بنتلاقا اكان ربنا هون ...
تحياتي
بعدين تخريمة سغيرونة :-
يوسف حدد مستشاريك والا ستفقد المعي واحوزي صلنقح من كتيبة مكتبك الخاص (شخصنا الضعيف).. كيكي مستشارك والله هانت .. وانا موجود.. الغريب في الامر اني موجود ..
علي كل مازعلان شديد زعلان شوية كدا ...

Post: #39
Title: Re: رســـاله الى عــظماء الدوحــه (فقط)
Author: محمد عبدالرحمن
Date: 05-15-2006, 04:23 PM
Parent: #38

يايوسف

حبابك والف مرحب مرة تانية ..والدارت نورت بمقدمك ..
وتشكر على كلماتك الانيقة ..

لكن الصراحة لله سويتوها ظاهرة يا(اسياد العدة ) ..
يعنى نحن قاعدين لينا ززمن فى الدوحة دى ..يوم
واحد مااتقدم لينا عرض زواج ..يجى يوسف الليهو
شهور ..تقوموا كلكم ترموا اوراقكم بالطريقة دى ..
ودرملية دا اعمى ماقلنا حاجة ...بكرى الامين (اروش )
والقطر قرررب يفوتوا ..عذرناكم ...طيب انا مالى؟

ولا اقول ليكم انا ذاتى هين ليكم ..زوجة مابتقبض
اخر الشهر مرتب اكتر من 5000 ريال مابتلزمنى ..
دا شرطى الاساسى ...والمستوفى الشروط يقدم العرض
بتاعو ..
سلاااام ..

Post: #40
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-15-2006, 04:44 PM
Parent: #39

الاخوة..المتنافسون

لقد جعل تنافسكم هذا..مجلس الاستشاريين بقيادتنا الواعية والمهمومة بقضايا
المبدعين الجدد مثل يوسف واخريين..جعلنا في اجتماعات ومشاورات لايجاد
الية لفض هذا النزاع المسخن..فعليه..نوصي بالاتي مكرر بالاتي..

شادية عبدالرحيم قفزت الي اعلي التصنيف..استنادا علي هجمتها الشرسة
ودفاعها المستميت من اجل الحقوق...وعينها الحمراء التي اخافت سادة البورداب
(ابو ساندرا_ عماد عبدالله),,

ايما فيصل عباس ايضا طرحت للنقاش..ولكن اللجنة تتخوف من(لسان) ابوها..
وتوصي بوضعه تحت الرقابة لمدة 3 ليالي,,و 5 مداخلات..

ظهور محمد عبدالرحمن بهذا الصورة وتلك الشروط العجيبة,,تجعلنا نرفع سقف
المساومة علي (عرش يوسف)..علي ان يوفر ابو العروس (شقة) مفروشة
في اي حي في الدوحة مافي اي مانع..بس تكون ايجار..

وشكرا...

يوسف لاتعطي ود الرملية فرصة للدخول بين البصلة وقشرتها..

Post: #42
Title: Re: رســـاله الى عــظماء الدوحــه (فقط)
Author: يوسف سعد
Date: 05-15-2006, 05:37 PM
Parent: #40

اولا

اشكر الجميع على اهتمامهم بشخصنا الضعيف ......

ثانيا محمد عبد الرحمن لااستطيع ان اقول ليك (تلت التلاته كم....) وذلك لانك صاحب الفضل فى وصولى الى هنا , لكين خلينى اقدم شويه بس وانتهى من الانتخابات دى وممكن (البت) البتفضل اشوف مستشارى ( د. كيكى) اذا مافى اى مانع قانونى اديك واحده مقاسك .....

ود رمليه والله (د. كيكى ) المستشاريه دى ما جابه بالساهل ( الـc.v) بتاعتو مليانه انتا حاول قدم بتاعتك وبرضو يصير خير........

شاديه انتى مامحتاجه تدافعى حسب تصريحات المستشار (د.كيكى) المختصه بالجوله الاوله تبين انو
Quote: شادية عبدالرحيم قفزت الي اعلي تصنيف..استنادا علي هجمتها الشرسة
ودفاعها المستميت من اجل الحقوق...وعينها الحمراء التي اخافت سادة البورداب
(ابو ساندرا_ عماد عبدالله),,

نقلا عن راديو bbc

Post: #43
Title: Re: رســـاله الى عــظماء الدوحــه (فقط)
Author: يوسف سعد
Date: 05-15-2006, 06:52 PM
Parent: #42

ياسعادة المستشار (ايما)
دى عديتا ولا ماداخله
كاس العالم ده؟؟؟؟؟؟

Post: #41
Title: Re: رســـاله الى عــظماء الدوحــه (فقط)
Author: خضر عطا المنان
Date: 05-15-2006, 04:54 PM
Parent: #38

عزيزي : سعد يوسف

أولا : ألف مرحب بيك ومليون حبابك ..

ثانيا : حينما قرأت كلمة ( عظماء).. منيت النفس التواقة لرؤية

( عظماء ) حقيقيين ..فهذه الكلمة لا تنطبق على أحد من هؤلاء مع كامل

احترامي الاخوي لهم واني اعرف بعضا منهم منذ سنين الصبا الباكر ..

والتقيت بعضهم في شهر نوفمبر الماضي هناك في الدوحة .. ولكني أقولها

دون مواراة أو خجل وانني بالفعل أعني ما أقول أن ( أعظمهم) جميعا

حاضر/ غائب .. وهو زميلي الحبيب المغيب قسرا خلف القضبان في غوانتامو سيئ

السمعة .. أنهم لا يعرفون غير اسمه رغم أنه قابع هناك منذ نحو خمس سنوات

وزوجته وطفله الصغير محمد يعيشان بينهم وفي نفس المنطقة التي يقطنها بعض

من أسميتهم أنت ( عظماء) .. ويمكنك أن تسأل أحد أعضاء المنبر ( صاحب جلابية

تحت الركبة !!!!) لا أذكر أسمه تماما الآن ولكنه كان حضورا في ندوتي التي شاركتني

فيها قناة الحزيرة هناك وزوجته الكريمة الشاكية حد البكاء من تجاهل السودانيين

لزوجها السوداني الأصيل وكان موضوعها سامي الحاج .. أنهم (عظماء ) فعلا !!!!!!!

ولكن زميلي سامي أعظمهم كلهم وهم يعرفون ذلك ولكن صدقني أنا موقن من أن واحدا منهم

لن يقر لك بذلك ولن يعترف اذ ان ( العظمة ) لديهم لهامفهوم لا يعرفون غيره !!!!!!!..

انهم لا يهابون شيئا مثل خشيتهم سامي الحاج رغم أنه الآن خلف قضبان السجون !!!!!..

وهنا تكمن (عظمة !!!)هؤلاء الذين عنيتهم يا سيدي الحبيب سعد ..

ولتعذرني فتلك تفصيلات عشتها حية وبنفسي وليس حكاية على لسان راو ..

ولي في مقبل الأيام حديث طويل في الموضوع خاصة وأن الحبيس سيصبح طليقا

قريبا ان شاء الله كما يقول محاميه الجسور صديقي مستر كلايف سميث الذي سيلتقي

زميلنا سامي يوم 3 / 6 / 2006 في داخل سجنه التعيس في غوانتامو ..

وعفوا للاطالة .. وأكرر الترحيب بك مجددا ..

خضرعطا المنان
[email protected]

Post: #44
Title: Re: رســـاله الى عــظماء الدوحــه (فقط)
Author: ودرملية
Date: 05-15-2006, 07:19 PM
Parent: #41

سلامات
وعوافي
استاذ خضر ..
اولا :-
عظماء هذه من باب السربعة فالعظمة لله جميعا...
ثانيا :- سامي محي الدين لو كان (انا اتحدث عن نفسي) هناك طريقة لمساعدته لفعلتها ولكن كيف ؟اضعف الايمان وقعنا في المذكرة التي تشجب اعتقاله وتنادي باطلاق سراحه ... ولم يصل الي مسامعنا ان هناك مواعين اخري فتحت لمجابهة معتقل غوانتانامو عبرها .. ثم اتمني من كل قلبي ان يطلق سراحه ويعود الي اهله سالما.. ثم الاستاذة الصحفية ليلي صلاح (وهي من بورداب الدوحة) وصلت لزوجة الاستاذ سامي في دارها واجرت معها حوارا صحفيا قراته الدوحة والوطن العربي كله .. هذا كل مانعرفه عن هذه القضية اما كيفية مواجهتها والسعي لاطلاق سراحه لم نعرف غير البيتشن سبيلا ..
ثالثا:- هل تري ان مداخلتك هذه تناسب هذا البوست ؟
وان كنت بهذه الجرأة لماذا لا تفتح قضيتك في بوست كبيـــر بدلا من دفقها في محرابنا المتواضع فهي قضية اكبر من ان تكون ضمن بوست الحس الكوميدي فيه طافر في وشو.. بل يجب ان تكون في بوست منفصل ..
ثم مرحب بيك بكل حالاتك في بوست عظماء الدوحة
ولك المودة
عبدالرحيم عبدالله عبدالرحيم ودرملية
......
هذا الرد لاعلاقة له اطلاقا بموقفي تجاه قضية سامي الحاج فساظل اتمني (اتمني) ان يطلق سراحه في اقرب وقت.. وهل املك غير التمني وسيلة ؟!!!
تخريمة:-
يوسف قلتي لي الـc.v بتاعت كيكي نجيضة وعاوز ليك زول في عظمتي كدا يجي يقدم برضو سي في يازول شوفتنا زاتا سي في والكيكي دا اكان ما غتس حجرك مابترتاح
اوووووووووووك الانصاري دا قلع من وين الليلة
محمد عبدالرحمن يازول الحاصل عليك شنو انت غااااااتس في محرابك الجميل
اطلع لينا برة كدا شوية خلينا نسمعك ونتوضا بي شوفتك

Post: #45
Title: Re: رســـاله الى عــظماء الدوحــه (فقط)
Author: Rasha Hatim
Date: 05-15-2006, 07:24 PM
Parent: #41

سعد

انا قلت حليفتك دي اصلي ما بوقعها ليك واطة, اها جيتك كدااااااري

لكن اسمع, بيت البكا حقك بوين ؟؟؟ شكلي غلطت في العنوان!!!

ويا كافي البلا مالكم ناشفين كدة, لا هزة كانون لا موية ليمون, غايتو المهم الزيارة وصلت.

النبي ما تلومني تاني القدم ليهو رافع يا بلدياتنا.

تخريمة,,

ما جيت تعوم معانا بهناك مالك, شايفاها مصيفة الايام دي

Post: #46
Title: Re: رســـاله الى عــظماء الدوحــه (فقط)
Author: يوسف سعد
Date: 05-15-2006, 07:34 PM
Parent: #45

وانا بقدر ارفض ليك امر
وحاتك حسع امشى اطلع الشورت
من الدولاب ومعدات القطس وجايك يارشا

Post: #48
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-16-2006, 03:09 AM
Parent: #41

السيد خضر عطا المنان

أنا ما عارفة المزاج شنو في حشر قضايا في مكان غير مكانها؟؟
عندما طرح الإبن يوسف هذا البوست قصد منه الأمتنان لناس احبهم بطريقته الخاصة
وله أن يراهم عظماء ايضاً بمعاييره الخاصة
ونحن كلنا في هذا البوست لا يهمنا أصدقاءك في أي مكان في العالم
وكون أن الزول سوداني لا يفرض أنو يكون صديقنا
والبوردات في العالم موضوعة ومعمولة لأغراض شتى
منها الصداقة والحوار والنشر والتضامن وهذا ما فعلناه مع سامي الحاج وتيسير علوني وسجناء الرأي
وهذا لمواقف مبدئية وليس لأجل خاطر أنو صديق زول فهذا لا يهمنا كما أسلفت
ولماذا لم يتضامن البوسنيين مع زوجة صديقك الباكية أليس هم أهلها وأولى بتضامنهم معها؟؟

على فكرة أشكر الإبن يوسف كثير على رؤيته لعظمتي
الحقيقة يا يوسف أنا ذاتي حاسة بي عظمتى ومبسوطة منها
ولا تهمني معايير الأستاذ في العظمة

يا ود رملية الليلة الزلابية الماخمج لزوم رشوة الحكام في موضوع ليم
وأسقاط تسنيم من اللائحة كية في أماد ابدالله الوهم

كيكي نشكر ليك المواقف الصلبة رغم التمويه
أما الأنصاري
ما تزعل أنا وأبو ساندرا عندنا تماينة شايف تماينة دي؟؟
تماينة بنات
وعندنا مستشار
وما تطلع في الكفر روق المنفة وعدد مواهبك
ما ضروري مايا ولا أي برنامج كمبيوتر ممكن شعر ممكن قصة
ما بيناتنا أن شاء الله تنشر ديوان واحد من صفحتين
وما ضروري أبوك وأمك وخالك يكونوا فنانيين يعني ممكن يكونوا عظماء زينا ساكت
أها قصرنا معاك؟؟

Post: #47
Title: Re: رســـاله الى عــظماء الدوحــه (فقط)
Author: ALMURADABI
Date: 05-16-2006, 01:57 AM
Parent: #1

الاخ يوسف

مليون مرحب بيك في الدوحة

اشرقت الانوار بجيتك

واتمنى مقابلتك ونيل شرف مصافحتك

زقاق تمبس ود حلتى الشوق بالقندرانات

Post: #49
Title: Re: رســـاله الى عــظماء الدوحــه (فقط)
Author: أبو ساندرا
Date: 05-16-2006, 05:31 AM
Parent: #1

خضر عطا المنان
يازول كان انت عايز تزبط السي في بتاعتك عشان تشتغل في الجزيرة
فقد إخترت الوسيلة الناجعة البتوصلك لهدفك ومبتغاك
ونتمنى ليك الوصول
مع إنك ممكن تصل بغير هذه الوسيلة
بتصل بإمكانياتك العالية التي أعرفها جيدآ

أما نحن هنا فبنتونس ونسولف مع ولدنا يوسف خطيب بناتنا
{ انا وعماد وشدوية وفيصل عباس وقد يلتحق بنا معتصم الطاهر
وصلاح عبدالله ببتو البتشبهو الخالق الناظر لو ركبو ليها شنب
ومسكت عود وغمضت عيونها }
وماعايزين نشتغل في الجزيرة

عشان كده بتوع القاعدة ما بيلزمونا
ومابنخسر فيهم حرف

ويا خدر وخوتك جيت مع المدام لإصطحابك انت والوسيمة
التي تعمر دارك بالجمال والحب
وصلنا تحت العمارة وإتصلنا تلفونيآ وما حد رد علينا
وفهمنا انو الحالة { بالخارج }

Post: #50
Title: Re: رســـاله الى عــظماء الدوحــه (فقط)
Author: Emad Abdulla
Date: 05-16-2006, 06:13 AM
Parent: #49

غريب .. !!!!

من يريد الهتاف فليهتف حيث يجب .. كما قال ودرملية ز
لا استجداء هنا لمشاعر هي موجودة - دون بهرج و ضجيج -
و سامي الحاج منا شاء صاحبك يا أبو ساندرا أو ..
ولا تستعرض الناس ( عظمتها ) هنا .. يوسف يعظم الناس حبا .. ليس إلا .
ماذا فهم ( صديق سامي الحاج و الأوحد على وجه البسيطة و فارس الحوبة ) ؟؟؟
فهمها يوسف الجميل فأسبغ على من يحب عظمة .
صاحبك يا صاحبي يحب سامي الحاج .. و ( يعظمه ) .. أترى ؟؟
ويوسف يحب من يحب و أيضا يعظمه ..
لا محل لمزايدات ( سخيفه ) هنا و إتجار في غير فلاح لتجارة .
و نعم لإطلاق سراح كافة سجناء الرأي و السجناء السياسيين ..
ونعم لإطلاق سراح خضر عطا المنان من ربقة سؤ الظن و ..

غريبه !!! مش ؟؟

Post: #51
Title: Re: رســـاله الى عــظماء الدوحــه (فقط)
Author: يوسف سعد
Date: 05-16-2006, 07:43 AM
Parent: #50

Quote: ونعم لإطلاق سراح خضر عطا المنان من ربقة سؤ الظن و

قوووووووووون قووووووون

وكوره جميله ملعوبه من شاديه بينيه لـ ابوساندر المحاور بطريقه حلوه خالص ويلعبا باص طويل ل المحترف الكنقولى عماد عبدالله الذى يسكنها شباك المرمه وباخلاق رياضيه يدى الحارس كف فى وشو .....
هدف جميل
والله انا كنتا داير اللعب لكين لقيت الميدان مليان نجوم وفعلا ماخزلونى العبو بس انا قاعد اتفرج بس الدايرنى يقول يوسف بس.... ايها العظماءءءءءءءء جدا جدا فى نظرى وفى نظر المجتمع ......

Post: #52
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-16-2006, 08:41 AM
Parent: #51

الاخ..يوسف والاخوة العظماء...

اسمحي لي ان اغرد خارج البوست واحاكي السيد خضر الذي
قذف حجرا في هذه الواحة الظليلة...ويريد ان يشكلنا ويطوعنا كما الحديد
ولكن حاشا..السيد خضر
فانا اعرف اولوياتي جيدا...وحتما صديقك سامي الحاج ليس في جدولها
فهذا ليس بشاني..
فانت اردت ان تدافع عنه وانت في محطة الدوحة فانني اري ان في الدوحة
مكانا ومتسع لك..فعندها يمكنك ان تقيم في الدوحة وتاتي بصديقك من (غونتامو)..
اما العظمة فهي لله وحده...

وصديقنا يوسف شاب ملي بالفرح والابداع ونحن نشاركه الفرح بقدومه الينا..ونيله شرف
هذا المنبر الذي اتمني ان يعي الجميع دوره.ولا ينطون في الناس استخفافا وعدم موضعية...

وان اردت العودة فاتمني ان لا يكون هذا البوست هو المكان المناسب...

Post: #53
Title: Re: رســـاله الى عــظماء الدوحــه (فقط)
Author: فيصل عباس
Date: 05-16-2006, 04:29 PM
Parent: #52

شاديه عبد المنعم

مش حرام عليك تشبهيني بمعتصم الطاهر الشين ده
انا قدرو ولا لحم سدرو,,,,,

وبعدين لو معتصم اسمو بيشبه اسمي ولا حاجه قريبة منو
بتغلطى فى الاسلوب؟

أها كان اتحليتى منو
البحلّلك من ...... شنو ؟

بعدين الحاجه السمعتها انو معتصم ده دفعة الاستاذ فضيلى جماع وفضيلي ده لعلمك اكبر من الكسره
واضخم من حنين امي,,,,
وطبعا مافى زول غير ود بركات دة الاكبر من الكسرة غير زولك المخرف والطالق والعاوز يلمع بيت الجالوص دة بعد عمايلو ديك كلها ،،،،

الشكر لكل من ساهم في كتابة هذا الرد
معتصم الطاهر
معاوية الطيب
ضحيه ابراهيم

Post: #54
Title: Re: رســـاله الى عــظماء الدوحــه (فقط)
Author: يوسف سعد
Date: 05-16-2006, 04:57 PM
Parent: #53

يافيصل
الحاصل شنو ده رد ولا رساله لقناة الجزيره
مشتركين معاك فيهو دسته
ولا (لكى يتفرق دمه بين القبائل)...

Post: #55
Title: Re: رســـاله الى عــظماء الدوحــه (فقط)
Author: بدر الدين الأمير
Date: 05-16-2006, 07:14 PM
Parent: #54

عفوا كنت مغيب

عظماء يوسف سعد وخونة سامى وخضر

وازلاه يالحزنى سكلتنى صديقاتى ورملنى رفاقى ويتمنى اولادى وشمت فينى بهاء بكرى

لو لم اكن من ضمن الخونة

Post: #62
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 11:41 AM
Parent: #55

فخامة الامير .....

شكرا لتواضعك واهتماتك بالعامه ( امثالنا).....

Post: #56
Title: Re: رســـاله الى عــظماء الدوحــه (فقط)
Author: فيصل عباس
Date: 05-17-2006, 04:16 AM
Parent: #54

اوفو يايوسف يا ولدي
وابو (النصب) كمان
Quote: ولا (لكى يتفرق دمه بين القبائل)...

انا ابوك يا موج (بنمسك مرخي)
انا ازرق كحل الشيطان
انا الابنوس المطعم بالزان
وانا المدهون بالصندل كمان
وانا البدسو مني اولاد الجيران
وانا الطارح بتي ايمي في منبر السودان
شايف كده ولا ازيد ليك كمان
وعنك احسن تحدد موقفك عشان تتفرز الكيمان
وقبل ده نصيبك انت غصبا عنك كان (راضي ولا زعلان)
وانا اسع نعسان,,,,,,

ممكن انوم شويه

Post: #57
Title: Re: رســـاله الى عــظماء الدوحــه (فقط)
Author: Siddig A. Omer
Date: 05-17-2006, 05:40 AM
Parent: #56

يوسف سعد يوسف أبن أخت محمد السنى الذى شرفــنى و أسرتى بزيارة ود وحب...

مرحب بك وسط أهلك.....وأكيدأضافة كبيرة لهذأ الابداع الممتد.......

Post: #65
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 12:01 PM
Parent: #57

Quote: يوسف سعد يوسف أبن أخت محمد السنى الذى شرفــنى و أسرتى بزيارة ود وحب...

مرحب بك وسط أهلك.....

والله لا يسعنى الا الحمد لله بهذه الصحبه واذا قلت فيكم احلى الكلام ( للصباح) لن اوفيكم جزء من حقكم ايها الكرماء العظماء ....

( انا لقاية الليله ما عارف بيتكم بابو بيتقفل و لا....)

Post: #58
Title: Re: رســـاله الى عــظماء الدوحــه (فقط)
Author: معتصم الطاهر
Date: 05-17-2006, 05:46 AM
Parent: #56

شفت كيف ..

كل مرة ناطة لى .. يا فيصل يا فيصل ..

أسع شناتى دى بتشبه قباحة فيصل ؟

Post: #59
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-17-2006, 09:12 AM
Parent: #58

حبابك يا فيصل عباس حبابك عشرة بلا كشرة وجيداً مرقتني من شكلة تنظيم القاعدة.
أول عشان أنا فنجرية وزايدة في الحريم مية
أعتذر بشدة على الخطأ لكن والله أقول ليك الجد مكنتك بتشبه معتصم في جتة فيصل والعكس
حتى أسأل معتصم أمس جانا وأنا شابكاهو ليك فيصل فيصل
لما أفتكرني كاسرة ركبة في ( فيصل قطامة ) بتعرفوا؟؟
على أي حال ليك الاعتذار أو رفقاً بالجلاكين (على وزن القوارير) أتبادلوا الأسامس (بس الأسامي)
بعدين أنا ردك ابو الرابع مشترك ده ما بشتغل بيهو الشغلة
حرم أنا ما برد على الرجال لمان يتلموا إلا لما يبقوا نص دستة
يعني لازمكم نفرين (أتنين يا آسيا) ودي عندها حكاية

وقول لي معاوية وضحية يدكم فيها الحنة؟؟ ما تكتبوا براكم

أما أنت يا كيكي ذنبك على جنبك ورزقك في كرعيك
أمس ظبت ليكم الدونات الما خمج ( دي لقيمات بالانجليزي)
وجات من نصيب السني ويوسف والعرش ومعتصم النمر
السني قال حلوة لكن عايزين لقيمات (كضم شافع)
ودي قابلة للترجمة والتبسيط

وقول لي ود رملية البروفة الجاية كان ما جيت حتى كضم الشافع ما حتلم فيهو

بعدين اي زول بحب القاعدة يمشي بي غادي أي زول بحب الدوحة يجي بي جاي

غايتو أنا بحب قناة الجزيرة

غايتو قلت لي يوسف كمرتك ولساني ووش ماهي وتعال نعمل قناة جزيرة تقليد

Post: #60
Title: Re: رســـاله الى عــظماء الدوحــه (فقط)
Author: ضحيه ابراهيم
Date: 05-17-2006, 09:24 AM
Parent: #59

شاديه عبد المنعم والله عال..

ده يوسف سعد ولا اميتاب باتشان ...

المسأله بقت فيها لقيمات بالانجليزى ..ونحنا ما لينا فى الطيب نصيب

بعدين ياشاديه انا لا قدر فيصل ولا معتصم ولا معاويه ولا اسمى بشبه اساميهم دى اسماء حناكيش و

نحن اسماء الجلابه الحناكيش دى عندنا معاها عدواه الجابنى فى نصهم شنو انا ماعارف؟

ابو ساندرا خروف تخرج البنت ويينوو ولا لحق سمايتنا ( الدلفرى)؟

Post: #61
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-17-2006, 10:25 AM
Parent: #60

شادية...العظيمة

والاخوة التانيين المطعون في عظمتهم...سلامي..

وانا كل حسرة وندم علي تلكم الدونات التي التي ضاعت
وعموما انها فرصة اختبار حقيقية يا شادية
لي زول خبير عشان كان طوالي ..لو عجبتني ممكن نعمل (عرس الزين) للود يوسف
ونقفل الموضوع..
ولكن عندك فرصة يوم الاحد المقبل,,وارجو تقليل الزيت لانو السني قال لي اللقيمات
لذيذ لكن (زيتو كثير)!!!!!!!!!!

عماد اين انت ايها العظيم...لا ادري لماذا انت الان علي راس القائمة
ثم شاديةثم فيصل وبنته(ايما)...

Post: #69
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 12:24 PM
Parent: #60

Quote: ده يوسف سعد ولا اميتاب باتشان ...

وانتا قايل الحكايه حلا.....

الحكايه اعمق من كده كان عرفتها بتكره روحك وترجع السودان
فى اول كارو قصدى (كروه) ماشى السودان ده كان ما انتحرته وهذا اضعف الايمان....

ماتزعل كنتا معانا فى الكامير الخفيه......

Post: #89
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-18-2006, 05:52 PM
Parent: #60

والله يا ضحية أنا قدمت أسبابي
وهي أخطب لبنتك ولا تخطب لإبنك
وأنا ضارية في فرص بناتي وكدة
يعني الحركة كلها من باب الضراوة ساكت.

بعدين دايرني أعمل ليك لقيمات بالعربي كدة؟؟
شايفني سمينة ولا مشلخة وكاسرة مسيرتي؟؟ ده ما برضو جزء من البروباقندا
أمال نقنع أبو النسب الفنانين ديل بي شنو؟؟

أما قصة الحناكيش دي
القصد منها تفرق الدم بين القبائل ما عارفني القبايل دي أنا ممكن أسكها لغاية المضارب
أنت بتلعب ولا شنو
ولا حرم كان مش كان بقو جلابة حناكيش متخفين وراء أسود والله لو كانوا شنو داك
وراهم لحدي المضارب

لكن بارك الله فيك الكشفت لي العدد الحقيقي للمقاتلين
يعني اسة أنا لا بحتاج كيماوي
ولا سلاح فرسان

أما بخصوص اللقيمات
يا زول تجيك لحدي عندك

ولك المودة والعظمة

Post: #67
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 12:17 PM
Parent: #59

ايوه شاديه....

انحنا مابنشتغل بالتوكيلات والsharing (امشى ناس فلان وقول ليهم قال ليكم فلان كده .....)

وبعدين موضوع القناة الحنعمله ماصالح للنشر ....
حسع ناس الجزيره يشمو خبر يجو يلقطو مننا ماهى ونقعد من ساى
يعنى نجيب منو ؟؟؟؟؟

Post: #63
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 11:45 AM
Parent: #56

(النوم بيجيب اللوم)

Post: #64
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 11:52 AM
Parent: #52

Quote: ونحن نشاركه الفرح بقدومه الينا..ونيله شرف
هذا المنبر الذي اتمني ان يعي الجميع دوره

لى عظيم الشرف بانضمامى لهذى العقد الفريد......

Post: #66
Title: Re: رســـاله الى عــظماء الدوحــه (فقط)
Author: ضحيه ابراهيم
Date: 05-17-2006, 12:06 PM
Parent: #64

احم احم احم

Post: #68
Title: Re: رســـاله الى عــظماء الدوحــه (فقط)
Author: Emad Abdulla
Date: 05-17-2006, 12:24 PM
Parent: #64

Quote: أول عشان أنا فنجرية وزايدة في الحريم مية

قولوا واحد ..
والعندو نعلات يختهن تحت أباطو .. الليله الدق .
Quote: حرم أنا ما برد على الرجال لمان يتلموا إلا لما يبقوا نص دستة

في زول هنا حافظ موسيقة THE GOOD , THE BAD AND THE UGLY ؟ بتاعت الكابويات ديك ؟ ..
Quote: أمس ظبت ليكم الدونات الما خمج ( دي لقيمات بالانجليزي)

الله يرحمك يا بوي عثمان دقنه .. بتك بتعمل لقيمات بالإنجليزي ..
متأكده دونات .. ما دانات ؟؟؟
و أنا أقول ياربي أبو ساندرا مالو طواااااالي عندو نُفاخ ؟؟ أتاري ممكون و مقطعه في حشاهو ..
يستاهل .. قلنا ليهو شادية دي بتجيب ليك ( الهوا ) ..
( يلتفت الراوي , فإذا .. الطاره كلها فرتقت جاري كوبر , و النعلات مجدعه و .. يسقط في يده و يقوم يجر واطي )
: بعدين يوسف ده زاتو هو كلامو كتير ياخ .. و كمان ُفلسكاب ..
وزاتو ده طرفنا منو .. أها .
( يرجع الراوي خطوات إلى الوراء .. يترتر زي الماقاصد و عينو على الطبنجة أم لسان ) ..
: حرم إنتي المرفعين أب قدله .
و الفنجري أبو بدله
و الحيطه بجاي .. تكله
( يقفز الراوي .. تُللُبُت , و يطلق ساقيه للريح ) .
ويكورك بعدما يضمن سلامتو ..
: تسقط تسقط العين الحمره ..
بس .

Post: #70
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-17-2006, 12:52 PM
Parent: #68

Quote: بعدين يوسف ده زاتو هو كلامو كتير ياخ .. و كمان ُفلسكاب ..
وزاتو ده طرفنا منو .. أها .

عماد...هوووووي انقرعي ..

معقول يوسف الظريف ده يطلع فلسكاب..

الله يسترك من السني..

شادبة

الدونات البتنفخ ابوساندرا دي ده طرفي منها...!!!!

Post: #71
Title: Re: رســـاله الى عــظماء الدوحــه (فقط)
Author: Siddig A. Omer
Date: 05-17-2006, 04:13 PM
Parent: #70

أنـــا فى البعيد.....ســـاكن فى الخـــور..........و متابط نسيم (هواء) الخريف...خليتكم عافية.......

Post: #72
Title: Re: رســـاله الى عــظماء الدوحــه (فقط)
Author: يوسف سعد
Date: 05-17-2006, 06:00 PM
Parent: #71

والله
لقاية الان.....

تلك العزومه الملكيه الفاخره

لا تبرح الراس .....

Post: #73
Title: Re: رســـاله الى عــظماء الدوحــه (فقط)
Author: saif massad ali
Date: 05-17-2006, 07:02 PM
Parent: #72

ابني يوسف

لايعرف قدر الرجال الا الرجال

انت ابن العظماء

ربي يسدد خطاك

Post: #79
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 06:08 AM
Parent: #73

والله انا عظيم
بمعرفتكم فقط لاغير....

Post: #74
Title: Re: رســـاله الى عــظماء الدوحــه (فقط)
Author: Randa Hatim
Date: 05-18-2006, 04:03 AM
Parent: #72

يوسف يا ود اختى

شابكنا خالاتى ... خالاتى

طيب ما تضرب تسلم على خالاتك ديل وكت وصلت الدوحة

المهم ..... كلام جد ما هزار

يوم السبت تعال اتعشى مع خالاتك ... طبعا ح اتصل عليكم بالتلفون

السنى والسر وعصام وسيف حامد.. ح اتصل عليكم وااكد العزومة

لكن انت عنوانك بقى سودانيزاونلاين .... هلا.. هلا كلام زى العجب

Post: #75
Title: Re: رســـاله الى عــظماء الدوحــه (فقط)
Author: Emad Abdulla
Date: 05-18-2006, 04:21 AM
Parent: #74

Quote: السنى والسر وعصام وسيف حامد.. ح اتصل عليكم وااكد العزومة

؟؟؟؟؟؟؟؟؟؟؟؟؟
و أنحنا ؟؟

Post: #76
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 05:15 AM
Parent: #74

قبلته العزومه....

Post: #77
Title: Re: رســـاله الى عــظماء الدوحــه (فقط)
Author: ضحيه ابراهيم
Date: 05-18-2006, 05:18 AM
Parent: #76

انا غايتو سيف حامد ده صاحبى ........

Post: #78
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 05:26 AM
Parent: #77

Quote: انا غايتو سيف حامد ده صاحبى ........

سيف زاتو فى السودان مامعزوم!!!!!

هههههههههها.......

Post: #80
Title: Re: رســـاله الى عــظماء الدوحــه (فقط)
Author: Emad Abdulla
Date: 05-18-2006, 09:08 AM
Parent: #78

يوسف ..
تعال هنا .

شابكنا عظماء و طياره و مكنات ما مقسمة ..
هسه خلاص .. و كت بقى فيها عزايم عملت نايم ؟ ..
قصه عجيبه ياخ .
Quote: يوم السبت تعال اتعشى مع خالاتك

هو زاتو الحندقه مافي ليها داعي .. أنحنا و الله شفت شبعانين لمن زاتو الأكل ده بطلناهو .. شفت كيف !!
و الزارعنا غير الله اليجي يقلعنا .. بس .
قال يوم السبت تعال إتعشى قال , و ما يجي كان جه .. يعني شنو ..
و زاتو ح يكون فول و طعمية و بيض .. شنو يعني ..
هسه كده كويس أنا أتجارى من أعمامك ( العظماء ) ديل .. أمخت ده و أمسح دموع ده و ألولي ده ؟ ..
Quote: انا غايتو سيف حامد ده صاحبى ........

شفت .. شفت .. يعني زي ضحية ده يجوبو ليهو مناديل من وين ؟؟ .. غايتو إلا ملاية السرير .
Quote: أنـــا فى البعيد.....ســـاكن فى الخـــور....و متابط نسيم (هواء) الخريف...خليتكم عافية.....

وعاين جنس ده !! .. طوالي عمك صديق جاتو ليك العزة و العبره خنقتو .. المسكين عامل ما شغال بالموضوع , قام فشاها شعر .. كده كويس ؟؟ .
والله يا يوسف .. طلعت زول أي كلام .
خسارة الآيسكريم فيك ..
Quote: قبلته العزومه....

.. قبلت العزومة ؟؟
و كمان تتكلم ؟
فرحان أوي يا خويا ؟؟؟
Quote: يوم السبت تعال اتعشى مع خالاتك

أمشي اتعشى .. أمشي .
وان شا الله ( اعمامك ) ياكلو نيم زاتو .

وإتفضل أطلع بره من البيت ده لو سمحت ....
عامل صورتك الكبيرة دي ..

Post: #88
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 12:50 PM
Parent: #80

الاستاذ عماد عبدالله(احد العظماء) الموقر

انا قلتا قبلته العزومه مبدائيا
النهائيه بعد مباحثات بيننا واكيد رايك الحاسم.....

Post: #92
Title: Re: رســـاله الى عــظماء الدوحــه (فقط)
Author: Randa Hatim
Date: 05-19-2006, 04:34 AM
Parent: #80

اسمعو يا شباب

كلكم معزومين ......!!!!!!!!!!!!!!!!1

لكن عشان تكونوعارفين .... فى كشف !!!

ما كشف حساب ... عشان ما تتذاكو على

ونظرا لانو الكشف بتاعنا بالقطرى ... فالدفع ح يكون من فئة 500 ريال كحد ادنى!!!! لا نقبل الفكه

وبعدين يا عماد .. شويه شويه على الوليد ده

والقال ليك منو فول وبيض وطعمية .... دقست

صحى ديل اطباق لا غنى عنهم ... نظام توسعه وكده

لكن كمان والله فيها جنس عضه.. وسماحة لمه ..... تبكى بس ....كتر المناديل

Post: #81
Title: Re: رســـاله الى عــظماء الدوحــه (فقط)
Author: بدر الدين الأمير
Date: 05-18-2006, 09:11 AM
Parent: #78

يوسف عشاء اليوم هم من عشاك يوم داك

فى الفورسيزون مع عمك عماد وصديقك بدرالدين

ماتنسى الكمره

Post: #82
Title: Re: رســـاله الى عــظماء الدوحــه (فقط)
Author: Emad Abdulla
Date: 05-18-2006, 09:19 AM
Parent: #81

Quote: وصديقك بدرالدين

عاين الراس عامل كيف ..
أم قيردون ما عندها راس زي ده .
قال صديقك قال ..

Post: #83
Title: Re: رســـاله الى عــظماء الدوحــه (فقط)
Author: بدر الدين الأمير
Date: 05-18-2006, 09:25 AM
Parent: #82

عماد

انت زعلت يادكتور

Post: #84
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-18-2006, 10:23 AM
Parent: #83

يوسف شنو الخيانات القصة جابت ليها عشاء وعضة كمان
اسمع طبعا اخوك المستشار معزووم (مش كده)
ايوه انا السبت معاك كتف بالكتف ومن حسي انا (صائم)...

وانا كخبير اجنبي اخير ليك دس الموضوع ده من (الجحمانيين) ديل
ويلا يا زول علي العشاء...

Post: #86
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 11:48 AM
Parent: #84

يلا على العشا.....

Post: #93
Title: Re: رســـاله الى عــظماء الدوحــه (فقط)
Author: Randa Hatim
Date: 05-19-2006, 04:38 AM
Parent: #84

عبد الكريم .... حبابك

لكن الرسول فيك كان تصوم ... يا راجل ما تخرب لى الميزانية

Post: #85
Title: Re: رســـاله الى عــظماء الدوحــه (فقط)
Author: يوسف سعد
Date: 05-18-2006, 11:46 AM
Parent: #81

Quote: عشاك يوم داك

فى الفورسيزون

والله كانت ليله!!!!!
لن تنسى ابدا.....
ويالهو من مكان ساحر

Post: #87
Title: Re: رســـاله الى عــظماء الدوحــه (فقط)
Author: فيصل عباس
Date: 05-18-2006, 12:16 PM
Parent: #85

Quote: السنى والسر وعصام وسيف حامد..

عموما طالما انو السني جاي
انا ضمنت عشاي
لاني ح ادس في كرش السني

Post: #90
Title: Re: رســـاله الى عــظماء الدوحــه (فقط)
Author: بدر الدين الأمير
Date: 05-19-2006, 03:15 AM
Parent: #87

بس يايوسف حفلة امس كانت ليلة عمر

وعماد عبدالله كان ريحانة السهرة

وبينى وبينك رأيك شنو جدو فيصل مش كان رقاص

وودرملية كان حافظ الدور كويس ويايوسف انت كيكى كان خجيلان مالو

المهم تلك تفاصيل تحكيها الصور فى بوست اخر

Post: #91
Title: Re: رســـاله الى عــظماء الدوحــه (فقط)
Author: Randa Hatim
Date: 05-19-2006, 04:26 AM
Parent: #76

اسمع يا ولد

شنو مبدئيه ومباحثات ونهائيه

انت مفروض تقول لى يا خالتىتحبى اجيك من الساعة كم عشان اقيف معاك

ولا تقول كدى تجى من يوم السبت الصباح عشان تقيف على المعازيم

انت ما وروك ود البيت بيعمل شنو

عجايب ... اولاد الا يوروهم يسوو شنو

Post: #94
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-19-2006, 06:02 AM
Parent: #91

رندا ...سلام

خلاص انا ما ح اصوم لكن قربيكم السني ده ح تعملوا ليه شنو..!!!

Post: #95
Title: Re: رســـاله الى عــظماء الدوحــه (فقط)
Author: يوسف سعد
Date: 05-19-2006, 04:58 PM
Parent: #91

Quote: انت مفروض تقول لى يا خالتىتحبى اجيك من الساعة كم عشان اقيف معاك

اولا
انا بحب انو اكون انسان محبوب
وخاصة لمن عرفته انو عندى اهل هنا
مع انو كونته كميه من الاهل احمد الله عليها
واقربهم الى قلبى(عظماء الدوحه) وانتو منهم
وانا صادقتكم من خلال كتابات رشا
قبل ان اعرف انها خالتى
فماذا بعد ما عرفت انها من لحمى ودمى

انتو تامروا وانا لكم

Post: #96
Title: Re: رســـاله الى عــظماء الدوحــه (فقط)
Author: saif massad ali
Date: 05-19-2006, 05:56 PM
Parent: #95

ده

شنو

يا يوسف

عوازيم ساكت

ايامكم دوحات

برضو تقول لي القطينة ما نجلوها

Post: #99
Title: Re: رســـاله الى عــظماء الدوحــه (فقط)
Author: يوسف سعد
Date: 05-20-2006, 10:25 AM
Parent: #96

و الله شكلها اتنجلت .....

Post: #100
Title: Re: رســـاله الى عــظماء الدوحــه (فقط)
Author: يوسف سعد
Date: 05-20-2006, 10:28 AM
Parent: #91

اولا
اقدم طلب تاجيل العشاء
نسبا لانو الكفيلة بتاعتى جايه الليله
وانتى عارفه كان ما مشيت ليها المطار البحصل شنو ......

Post: #101
Title: Re: رســـاله الى عــظماء الدوحــه (فقط)
Author: يوسف سعد
Date: 05-20-2006, 10:44 AM
Parent: #91

مكرر

Post: #97
Title: Re: رســـاله الى عــظماء الدوحــه (فقط)
Author: معاوية الطيب
Date: 05-20-2006, 07:50 AM
Parent: #1

الابن يوسف
الف مرحب ووجودك معنا اضافة حقيقية لبورداب الدوحة وايضا سنحتفى
بك بما يليق بروحك الجميلة وقلمك الانيق ،،،

---------------------
اسف للترحيب المتاخر وذلك للمشغوليات الكثيرة فى الايام السابقة .

Post: #98
Title: Re: رســـاله الى عــظماء الدوحــه (فقط)
Author: يوسف سعد
Date: 05-20-2006, 10:23 AM
Parent: #97

اشكرك على هذا الاطراء

واتمنى ان اكون بقدر مقامكم
ايها السادة بورداب الدوحه

Post: #102
Title: Re: رســـاله الى عــظماء الدوحــه (فقط)
Author: بدر الدين الأمير
Date: 05-20-2006, 02:27 PM
Parent: #98

يوسف

مليون مرحب بوصول الوالدة والخالة والخال والاخوان

يالسنى الناس ديل جاين للعقد وله00000

Post: #103
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-20-2006, 02:32 PM
Parent: #102

حمد الله السلامة .ومرحب بالفنانة سوسن دفع الله في الدوحة..
..واها يا عماد جهزوا الصيوان احنا جايبين قولة خير..

ومرحب بكل السناب في الدوحة ونورت الدوحة والله

Post: #104
Title: Re: رســـاله الى عــظماء الدوحــه (فقط)
Author: Emad Abdulla
Date: 05-20-2006, 02:47 PM
Parent: #103

Quote: ..واها يا عماد جهزوا الصيوان احنا جايبين قولة خير..

كريم ..
سوسن دفع الله حبابها ألف ..
لكن نحنا كلامنا مع الرجال بس يازول .. هااااااع

سوسن يا أم يوسف ..
مليون مراحب و الدوحة عمرت بجيتك .

واحد أمسكي ولدك ده ..
إتنين أمسكي ولدك ده ..
تلاته .. كوفاااا

Post: #105
Title: Re: رســـاله الى عــظماء الدوحــه (فقط)
Author: عبدالكريم الامين احمد
Date: 05-20-2006, 03:02 PM
Parent: #104

Quote: كريم ..
سوسن دفع الله حبابها ألف ..
لكن نحنا كلامنا مع الرجال بس يازول .. هااااااع

خلاص يا عماد كن ده كلامكم..

ياشادية جهزوا الصيوان جاينكم بكرة بقولة خير...

Post: #106
Title: Re: رســـاله الى عــظماء الدوحــه (فقط)
Author: محمد عبدالرحمن
Date: 05-20-2006, 03:24 PM
Parent: #105

الحمد لله امو جات ..ياخى ولد لسه
بقرا (الشلاقة ) ليهو شنو ؟ ..يعنى
فى داعى يحرجنا كدا ...وبالذات انو
نحن (واقصد بنحن دى السادة ..عباسية ..
بكرى الامين ...ودرملية ) موقفنا حرج
جدا جدا ..

ياعماد ..

ياخى بينى وبينك كدا ..وبدون حرج
حاول اشترى ليك (شوال ) كمون ..,و(اتكلو )
فى البيت ..يازول الناس دى عينة حارة..
وانا ذاتى مابضمن ليك نفسى ..كنت سامع ساكت ..
لكن لما شفت اقتنعت واتشهدت واستغفرت ...وسبحان
الذى صور ...

(هووى ياناس النصيحة انا مابموت بيها سجن سجن
غرامة غرامة )

Post: #107
Title: Re: رســـاله الى عــظماء الدوحــه (فقط)
Author: ودرملية
Date: 05-20-2006, 03:29 PM
Parent: #105

سلامات
وعوافي
يايوسف حمد لله علي سلامة (يما سوسن) وانشاء كل ايامكم سعادة وحنين ..
وقول لي ساريا قال ليك عبدو منتظرك بي غنية كاظم الساهر ..
واقعد في حنان الكون الذي سيحتويك ..

Post: #108
Title: Re: رســـاله الى عــظماء الدوحــه (فقط)
Author: Salah Abdulla
Date: 05-20-2006, 04:25 PM
Parent: #107

يوسف يا ابن السعدين ( أبيك وأمك ) ..

يبدو أن عقد الفن الفريد سينتظم هنا في الدوحة ..

فأهلاً ومرحباً بأمكم الغالية ، وصحبها الكرام ..
وبختك يا السني .. ونسة ( سسسسسسسساي ) علي كيفك الأيام دي .. أخبار السودان وشماراته كله عندك ..

ويا ناس شتات شكلكم كده ح تشتتوا .. الرئيس ما فاضي ليكم الأيام دي .. عايش في جو عائلي وأسري حقيقي .. يسوي بيكم شنو إنتو يا فارات ؟؟؟

تحياتي

صلاح عبدالله

Post: #109
Title: Re: رســـاله الى عــظماء الدوحــه (فقط)
Author: شادية عبد المنعم
Date: 05-20-2006, 05:02 PM
Parent: #108

يا كريم
خليهو يرجى الرجال
أما أنتو وسوسن دفع الله حبابكم عشرة بلا كشرة
ونحنا جاهزين موية ونور وصيوان وزهور

حمدلله يا أم النسب وبركة الشفت العز يا يوسف يا جناي

الأم والخيلان عقبال يتلموا الأعمام

Post: #110
Title: Re: رســـاله الى عــظماء الدوحــه (فقط)
Author: ضحيه ابراهيم
Date: 05-22-2006, 12:16 PM
Parent: #109

الحبيب يوسف ود سعد سلامات

اولا حمد الله على سلامة وصول الاسره الكريمه وزياره سعيده انشاء الله

صالح بيقول ليك (ما تنساه من طيبات السودان وخاصة فسيخ القطينه) وما تعمل نايم بباقى الخيرات

اناطبعا لى اجر المناوله..

Post: #112
Title: Re: رســـاله الى عــظماء الدوحــه (فقط)
Author: يوسف سعد
Date: 05-22-2006, 04:45 PM
Parent: #103

كنت جميلا انت واميرتك الجميله نورتو البيت
شكرا ليكم

(سوسن دفع الله)

Post: #111
Title: Re: رســـاله الى عــظماء الدوحــه (فقط)
Author: يوسف سعد
Date: 05-22-2006, 04:42 PM
Parent: #102

شكرا لك
وافتقدناك منذ المطار
اين انت ايها الامير

(سوسن دفع الله)

Post: #113
Title: Re: رســـاله الى عــظماء الدوحــه (فقط)
Author: ضحيه ابراهيم
Date: 05-22-2006, 06:07 PM
Parent: #111

الاستاذه سوسن دفع الله تحياتى ايتها الفنانه القديره الدوحه نورت وازدادت بهاء بمقدمكم السعيد

كنا نود ان نكون اول المستقبلين الا ولدك يوسف عزل ناسو السمحين ونحنا دسو مننا خبر جيتك

يطرشنى شفتو الا فى البوست واتارى الناس تطاقش على المطار وبيت ناس السنى وانا على ليل

وناس كيكى شغالين مداعى وليموزين وجايين البروفه متأخرين ورشونا بى (زلابيه)

لكن بعد ده كلو حقنا من طيبات البلد ما بنخليهو...

Post: #114
Title: Re: رســـاله الى عــظماء الدوحــه (فقط)
Author: nadus2000
Date: 05-23-2006, 01:36 AM
Parent: #113

أعلم أنه حتى في قبيلة البورداب فإن أحلى وأجملهم يأوتون لاحقاً، ويوسف سعد أول الغيث وبشارة خير، وأول هذا الجيل الجميل.

فأهلا بيوسف وأهلا بالأخت سوسن والوفد المرافق ليها.

ويا سني عاد ما اتلومت!!!!
شابكني قريبنا وأبوالنسب، وبعدين يا أخي تفطنا عديييل كدة..
على الأقل إذكر قريبتكم دي، وخاصة أن سوسن مغرقاها بجمايلها.