و أخيراً .. المانيا .. عشان تآمنوا ..

salam from germany

حمد لله عالسلامة ..

مبروك أول درجة في سلم الراحات ..

و عقبال ناس شعيرية و مهاجرية ..

و عقبال الأسايلم .. كمان ..

يازول

راحة شنو

الزول دور ندوات ومحاضرات وازيدك علم راجع البلد

يا أخونا :

Quote: الزول دور ندوات ومحاضرات وازيدك علم راجع البلد

الزول دا براهو قال عايز ياخد ليهو لفة :

Quote: iwill call you after ireached holnda because iwont to visite ** my barthere

بعدين فيها شنو لو قعد ..

ما الزيو كتار قاعدين يناضلو ..

الأخ عصام دهب
شفت آخرة النضال ؟؟ يعني نحن مضيعين عمرنا مع الكفيل والسعودية
اها الراجل اصبح مناضلا أفريقيا من طراز نلسون مانديلا، توجه له الدعوات العالمية للمشاركة في الندوات والسمنارات ؟؟ ويقول أنو الجلابة استعمروا السودان ونحن في قبيلة (......) سنطردهم مثلما يفعل شارون الآن في فلسطين ، ولن نسمح للجلابة الخارج السودان بالعودة وسنحرق قراهم على امتداد ضفتي النيل - خلاص يا عصام سنكون لاجئيين بس ما سياسين
عصام تعال نشوف سكرتارية المناضل (بقال)في أمريكا - عشان يجي السعودية يسوي لينا محاضرة في النضال والقيل والقال وبسرعة لأن الاخ سيكون مشغولا كل النصف الثاني من 2006 ومتجولا بين أمريكاوكندا وأروربا وشايف ناس هولندا حاجزين الشاب
وهنيا للسودانين بهذا الشاب المكسب ؟
أخوكم
الشفيع مصطفى

المحيرني انه ابناء دارفور عندهم كفاءات عاليه جدا ناس تحمل مؤهلات بدرجات عالميه يرسلو بقال !!!!!رساله للبورد بالانجليزي ما قادر يكتبها يا رب يكونوا جابو ليهو ناس للترجمه الفوريه؟؟!!

بقال

يقعد لقاء مطول مع وفد الخارجية

كما انه خاطب ليلة امس الاول السفراء في مقر اقامته

Quote: بقال يقعد لقاء مطول مع وفد الخارجية كما انه خاطب ليلة امس الاول السفراء في مقر اقامته

يا سيف رجاء التفاصيل ولو فيها صور تكون تمام التمام كيف مع الصيف الاوربي دا ؟؟؟

الأخ الأستاذ / الشفيع ..

شخصياً ليس لدي إعتراض على مبدأ أن يسافر بقال أو غيره لأجل المشاركة في سمنار أو مؤتمر يعني بحل أي مشكلة تعاني منها بلادنا .. إعتراضي هو أن يكون السفر و التجدع في المهاجر المخملية هو الغاية في حد ذاتها ..
بقال قال أنه سينتهز الفرصة و يزور شقيقه في هولندا و إن كان ينوي العودة كان عليه أن ينتظر شقيقه حتى يأتي لزيارته في المانيا ..
أتمنى من بقال أن يخيب توقعاتنا و أن يستفيد فعلاً من هذه الفرصة في تنمية مداركه السياسية و أن ينأى بنفسه عن المتاجرة و التكسب بقضية أهله كما يفعل و للأسف الكثيرين من أدعياء النضال ..
بقال خرج من الخرطوم بإرادته و بعلم و بموافقة السلطات لذا نتمنى إن طاب له المقام هناك أن يزوغ أو يركلس و أتمنى أن لا يخرج علينا بمقولة أن عودته للخرطوم تهدد حياته و أن السلطات إعتقلت أشقائه و أنه لا يستطيع مواصلة نضاله بالداخل .. و غير ذلك من المكنات التي يتمسك بها الساعين إلى الراحات ..
إذا أراد بقال أن يبقى ( ليواصل دراسته أو يكون نفسه و يشوف مصلحته ) فذاك حق مشروع له أن يسعى لتحقيقه بوسائله الخاصة بعيداً عن أي متاجرة و عليه حينها أن لا يقحم موضوع دارفور كسبب لبقائه ..

و نحيا و نشوف ..

في الرياضيات في عملية اسمها Extrapolation ، ويقصد بها إيجاد إحداثيات نقطة خارج نطاق نقاط أخرى تجمعها معادلة مشتركة،
أنا غايتو عملت Extrapolation لي إحداثيات أخونا بقال باستخدام معلومات وردت عنه هنا أو أوردها هو ولقيت إنو حا يمشي كندا لكن الظاهر إنو في غلط في افتراض إنو حا يمشي في خط مستقيم، يبدو إنو ماشي بي (منحنى)،
المعادلة التي بطرفي موثوقة ومجربة، عودة بقال للسودان يمكن أن تكون (نقطة انقلاب) تصعد به إلى كندا، راجع الرسم التوضيحي المرفق.

___________________________
عصام دهب
ياخي أنا ما قايلك مريخابي، بالجد أصلو ما شكلك كده، غايتو ربنا يواليك بالعافية!

سلام يا دهبنا...
شوفتا كيف المؤتمرات دي احسن حاجة للحجة والزوغة..
والغريب انا بعرف ناس كبااااااااااااااااار
قالو مارقين مؤتمر وتاني مافي زول شافهم في السودان..
ولو باقال قعد قبلو يبقا تاني الا يخلي
البورد دا...
اتمنى انه الزول ما يتخزل فيهو غايتو
ربنا يكضب الشينة
ونتمنى انه رحلتوا تكون موفقة ومليانة نجاحات..
وفيها ما ينفع البلاد والعباد..