مــحاكمات عـــادلة جدا جدا ..اتمني سماع رأيكم وأحكامكم العـــادلة لبقية المجرمين

إزيكم؟

أثناء تفكيري في كيفية محاكمة هؤلاء المجرمين بصـــورة عـــادلة تماما توصلت الي الآتي.-


المحاكمات التقليدية ربما لن تكون عظة وعبرة لكل من تراوده نفسه الشريرة بسرقة وظلم ومحاولة قتل هذا الإنسان السوداني العظيم.

هم يقتلون ..في كل يوم ولا يتورعون في فعل ذلك !!

إذا لن نقتلهم ...لأننا لا نقتل مثلهم!

هم يعذبون ويسجنون الشرفاء ..لن نعذبهم!!

دعوني أبدأ لكم بمحاكمةهذين المجرمين
ولكم أن تحاكموا البقية بأحكام إنسانية ...


المجرم القاتل عـــــلي عثمان ثم عمر البشكير

أولا عـلي عثمان



عملا بموجب أحكامي الخاصة (وأي زول عندو أحكامو الخاصة بيهو)

وبعد التحرر من وسخ حكومتكم وعفنها


ولكي تكون عظة وعبرة لكل من يفكر في المستقبل بقتل أو سرقة هذا الشعب العظيم

ونظرا لأنه ليس هناك أحد يقدم المــاء للمواطن السوداني لذا أصدرت الحكم الآتي نصه

تقديم المــاء في أبو جنزير (في باقة بيضاء نضيفة ) وحدك مدي الحياة للمواطنين المــارة

(ومــا تشيل جنيه واحد من زول!! والتلج تستلموا من كــافتريا ...كل صباح)

إنتهي





ثـــانيا

عمر حسد أحمر بشكير




نظرا لأنه ليس هنــاك من يقدم التســـالي للمواطنين في أبو جنزير والسوق العربي ونظرا لأنك تجيد القرمشة والبشكرة لذا

إعداد التســـالي يوميا والجلوس به إبتداء من الســاعة الثامنة صباحا و حتي الســاعة الثالثة عصرا
بجوار موقف أبوجنزير مع مراعاة نظـــافة الأدوات (وسيكون هناك لجنة تشرف علي ذلك) ثم إبتداء من الثالثة المرور علي الدكاكين داخل السوق العربي لتوزيع ما تبقي من تسالي حتي الخامسة
ثم بعد ذلك لك كل الحق أن تذهب الي .... أو .... ؟ مدي الحياة


أنا شايف الأحكام دي والله عـــادلة جدا جدا وكل شخص يقدم حكم يكون رادع وتاريخي بقدر هذا الظلم وهذه المهزلة

في إنتظار أحكامكم العادلة


دي هي الطريقة الوحيدة التي سوف يأخذ كل مواطن حقه يوميا من المجرمين


قتل ما معانا

ما حيكون عندنا زول سوداني بيغسل العربات!!!!




عاوزين كمية !!
وعاوزين تكوين لجنة تشرف علي متابعة وتنفيذ الأحكام

محاكم عـــــادلة جدا جدا

أبو الجزلين..

سلامات
ياعضام
يااخي احكامك دي ما رادعة
وساهلة وما بتأدب

اولا الحكم الاول خفبف يعني
مفروض يشيل باغة الموية دي
ويقعد يشطف بيها الشفع ويبدأ من جبل اولياء
مرورا بالكلاكلة وحتى صقوع امبدة النائية
وما ينسى شفع الحاج يوسف
شافع شافع مع الاعتذار الشديد لكل الشفع واهلهم
وبعديها يغسل الزلط
ويرش ا########## ابتداءا من نمولي وحتى حلفا

اما الاخ الكبير عمر البشير
فده ربنا ساي يقدرنا على جزاه
وخليني اشرب لي كباية شاي واجيك ليهو هو والباقين