انخفاض اسعار الاراضي ..بولاية الخرطـوم ..

عفوا اخوانا بورداب السودان ..
نسمع يوميا هذه الايام بانخفاض كبير في اسعار الاراضي بولاية الخرطوم ..
خاصة في ام درمان ...

ورونا الحاصـل ...شنو ..ووين الاماكن الفيها انخفاض شديد الان ..
والاسعار لو امكن ...

مسكين البداء يامل... الرخيص في اطراف الاطراف يعني تحسب فوووووووق 80 كلم في اي اتجاه والا الموضوع يكون فوق الاربعين الف دولار للخمسمائة متر المربعه والله معاك في مشوار البناء

لؤى

Quote: مسكين البداء يامل... الرخيص في اطراف الاطراف يعني تحسب فوووووووق 80 كلم في اي اتجاه والا الموضوع يكون فوق الاربعين الف دولار للخمسمائة متر المربعه والله معاك في مشوار البناء

اسمع كلام وليم دة

وبالمناسبة المزارع زاتة الحكومة رخصته بس بشرط تشترى وتزرع وما عندك طريقة تتصرف فيها والا الخلع من نصيبك

المشكلة الكبيرة التانية يا نجود هي مشاكل الاراضي الان ..
القطعة بتكون مبيوعة لاكثر من شخص وباكثر من شهادة بحث ....
ودي طامة كبرى ..تجعل محاولة الشراء فيها مخاطرة كبيرة ..ايضا

Quote: القطعة بتكون مبيوعة لاكثر من شخص وباكثر من شهادة بحث ....

ياسيدى اوراق الارض الاصلية بياخدة البيدفع اكتر للارض وللسمسار

ويليام ...
والله محصل في جبره ب 60 مليون قطعة غير ناصية
نفس القطعة قبل سبعة اشهر دفعوا فيها 75 مليون ...
بعدين ام درمان على جهة الفتيحاب والجامعة الاسلامية قالوا الاسعار في الواطه الايام
دي ما عارف صح ولا لا ...

سلام يا لؤي ـ

ياخي انت زول متفائل خلاص ــ

أراضى شنو البتنخفط في الخرطوم مع وجود كل هؤلاء الحرامية من السماسرة عديمي الذمة مع جيوش المحامين والمزورين من اسفل طبقة الي أعلي قمة في السلطة ـ

كيف ينخفض السعر مع كل هذا السعر (بفتح السين) ـــــ

منير
وجود كل هؤلاء الحرامية من السماسرة عديمي الذمة مع جيوش المحامين والمزورين

ما اتوفقت فى التعبير عن رايك بشكل دقيق
شايفك حشرت جيوش المحامين بين عديمى الذمه والمزورين
لا اخال ان محاميا يستمتع بادخاله فى جمع الجيوش وان كنت تنوى تستخدم جيوش للكثره وليس للعسكره
المهم يقول اهل القانون الشك يفسر لمصلحه المتهم وافسر لك حسن النيه واتمنى ان تكون حسن النيه
اتمنى منك اعتذارا

الاخ فرح ـ سلامات

عذرآ يا أخي ـ بالطبع ليس الامر للتعميم ـ فزوجنا برضو من قبيلة المحامين ـ ولكن المقصود هم من ينتمون لعديمي الذمة ـ فالمعلوم أنه بقدر ما يوجد أولاد الحلال الذين يستميتون لتبيين الحق فهناك هؤلاء عديمي الذمة الذين يبذلون اقصي جهدهم لطمس الحقائق ولوي عنق الحق أو علي الأقل تأخيره ـ

فأرجو يا أخي إن كانت غضبتي اصابك رذاذها ان تقبل اعتذاري لك وللشرفاء منكم وليس لعديمي الذمة أولئك الذين كرهونا البلد زاتها !! ـ

منير اعتذارى لك اولا
واعتذارك مقبول
واشكرك على لطفك وتهذيبك
وتقديرى الشديد لك

صدقوني قبل أربعة سنوات كانت الأسعار مابين (4-5) ملايين وأنا شخصياً إشتريت هناك والحي أسمو صالحة، إتصل علي وكيلي في السودان وذكر لي بأن القطع في صالحة أصبحت من أغلى القطع الأرضية في العاصمة وخصوصاً الأطراف حيث تتراوح الأسعار مابين (45-55) مليون جنيه هذه الأيام! فسألته لماذا ؟ فقال لي ألا تدري ياعزالدين أن المطار الجديد موقعه هناك هذا بالإضافة إلى أنه تمت إجازة ميزانية كبري جديد من الشجرة إلى صالحة فهذان المشروعان قد ساهما في إرتفاع الأراضي بصالحة ولكن هبوطها في المناطق الأخرى لا أدري ماالسبب

لؤى تحياتى وللحقيقه الموضوع كله اشاعه واستبعد نزول الاراضى


والسماسره دائما عاوزين الناس تصلهم وبعدين بعد العربون يلعبوا


على المحتاح واقلها العربون ما يرجع0


يانجود اراضى الفتيحاب ما منخفضه بس يوجد ركود لان الكاش غير


متوفر والقباس للاراضى دائما فى اجازات المغتربين وفى الايام دى


لغه الجماعه الكاش يقلل النقاش0


والاماكن المنخفضة السعر هى من المربعات جنوب الشارع النازل من


اخر الفتيحاب للغرب حتى البنك العقارى لان الخدمات قليله ومشاكل


السرقات بالليل والخوف على الاسر نهارا والحفريات القديمه بالمنطقه تحياتــــــــى

Quote: ورونا الحاصـل ...شنو ..ووين الاماكن الفيها انخفاض شديد الان .. والاسعار لو امكن ...

اخي لؤي .. حدد انت بالضبط داير وين .... الخرطوم ولا بحري ولا ام درمان ...


يا حلال الشبك .....



ود الباوقة

لؤي
اهو جاك السيد ود الباوقة زي جني المصباح ..

اتمنى بس انتا عايز وين وهو بها زعيم ..

ود الباوقة زول واصل ومتين وسرو باتع..


عمر ما تشوف لي اخوك قطعة في الخوجلاب.. خفسة كده الواحد يمرقها عند نسابتو في الكدرو

ما لا خلاف عليه هو ان اسعار الاراضي قد انخفضت بالخرطوم؛
و تختلف نسبة الانخفاض من منطقة لاخرى.
و انتهى سِعار السمسرة في الاراضي؛ و انتهى عهد الشراء
انتظاراً للبيع بعد ارتفاع الاسعار. فالمشترون يشترون الان
لغرض الامتلاك و التشييد ... فقط.

ما لا خلاف عليه هو ان اسعار الاراضي قد انخفضت بالخرطوم؛
و تختلف نسبة الانخفاض من منطقة لاخرى.
و انتهى سِعار السمسرة في الاراضي؛ و انتهى عهد الشراء
انتظاراً للبيع بعد ارتفاع الاسعار. فالمشترين يشترون الان
لغرض الامتلاك و التشييد ... فقط.

فمن كانت لدية اراضي؛ فليس انسب من ان يتخلص منها الان؛
و من لم تكن لديه؛ فليس انسب من ان ينتظر قليلاً!
فان كان ارتفاع الاسعار فيما سبق غير منطقي
و لا مبرر؛ فان الانخفاض الحادث الان
- و الذي سيحدث - منطقي و مبرر.

ولبعض اسباب انخفاض الاسعار(تحديداً منطقة الخوجلاب )
يمكنك الاطلاع على الرابط
http://www.alwatansudan.com/index.php?type=3&id=378

الاخوة والاخوات تحية طيبة

شكرا على المعلومات والمشاركة ....
الان عرفنا ان هناك انخفاض في الخوجلاب ..هذا جيد ياريت نسمع المزيد
من الاخوة والاخوات ..امتلاك متر مربع في العاصمة اصبح مشكلة ..وفعلا ان شاء الله
تنتهي حكاية السمسرة دي ..بالمناسبة جهاز المغتربين قبل عام اعلن عن خطة في الجهاز
وكانت اسعاره لا بأس بها خاصة في ام درمان ابوسعد ..الان الجهاز مافيهو حاجة ..

تحياتي

الاراضي نازلة انا عندي قطعتين في ابوسعد
مربع 24 و54 كنت ناوي ابيع واحدة عشان ابدأ بنيان التانيه

مربع 24 حي الجامعةالاسعار محافظة نوعاً ما ويتوقع ان تزيد بعد وصول الخدمات والبداية في المطار وكبري العزوزاب

مربع 54القطعه الناصيه كانت العام الماضي من 30 الى 32 مليون
حالياً من 25 الى 27

المعلومات من مصادر خاصة

Quote: عمر ما تشوف لي اخوك قطعة في الخوجلاب.. خفسة كده الواحد يمرقها عند نسابتو في الكدرو

دكين انت ام ضريوة كويسة معاك يعني عندي احساس انك بترتاح فيها .. ولا اقولك تعال جنبنا في قطع فاضية ....



ود الباوقة

يا ناس امس شن قلنا السماسره نفسهم اصحاب الاشاعه



والانخفاض فى الاسعار لانهم افلسوا من الحيل وزمان



كان مرات يشتروا القطعه ويبيعوها ليك 0



يا ناس ما كان الشراء ورق فقط بدون تحويل ملكيه



وكل الموضوع محامى يكتب المبايعه ثم يرجع يكتب



المبايعه مره اخرى بموجب التوكيل الاول للمشترى



الاخير0



اخونا الزول المربعات 24 ،54 شفتهم على



الطبيعه اسعارها دى القلتها برضوا كثير لكن



لا انصحك البيع لان امدرمان الجديده كلها خلفكم


سوق امدرمان وسوق العيش وكل السوق الحالى اضافه


الى المسافه لوسط الخرطوم الحالى مع كبرى الانقاذ


ثم كبرى العزوزاب ( بدأ العمل) والمطار الجديد


والاستاد الدولى ( دا مخطط قديم والارض محجوزه)


يعنى ببساطه سوف تكون فى حى المطار0


سوف اوعدك باحضار مخطط امدرمان الجديده فى حفل


البورداب اذا ربنا مده فى العمر0


(اخوكم تخصص اسعار اراضى جنوب امدرمان)


تحياتــــــــــى


ســــــــــيد

اخونا سيد احمد تحية طيبة

Quote: (اخوكم تخصص اسعار اراضى جنوب امدرمان

طيب ما انت زولنا ذاتو البنفتش ليهو ..
اولا يا سيدي وين نحصل الان قطع كويسة في جنوب ام درمان ؟
ثانيا كم متوسط الاسعار الان في ذات المنطقة ؟

يديك العافية

الاخصائي سيدنا

وقعت لي في جرح على الاقل لقينا واحد نتونس معاهو
هنا التهبشو كلو يقول ليك الازهري الاندلس ماعارف شنو

المهم ياحبيب انا صفرت عداد العربيه من القطعة حتى بداية كبري النيل الابيض الجديد
كانت المسافه 5 كيلو و800 متر يعني الخرطوم هبشه

المشكلة مافي خدمات وحركة العمران بطيئة جداً
المفروض كما قلت انو المنطقه تكون جاذبة بعد المطار وكبري العزوزاب كمان


انا مثلك وقفت على القطعتين بنفسي وطبعا مربع 24 مميز واقرب

وماتنسى الخرط ضروري

زول ساكت تحياتي

Quote: هنا التهبشو كلو يقول ليك الازهري الاندلس ماعارف شنو

نعم انا غايتو من انصار السكن في الاطراف ..خصوصا وانو الان الطرق قايمه في كل
مكان بدل ما الناس تتكدس في مكان واحد ..يعني انت الان اقل من ستة كيلو وانت في كبري النيل الابيض ..فما بالك بالعمران الكبير اللي حينتظم المنطقة دي كلها زي ما قال اخونا سيدنا انا شايف انها اكثر منطقة واعدة

بس يا زول شايف لسه الاسعار القلتها بخصوص قطعك غاليه شويه ولا انا ما متابع ؟

تحياتي

الأخ لؤي
تحية طيبة

غايتو نحن الارض لمينا فيها بعد مروق روح

ويا ريت نوسع البوست ده شويه
وعاوزين فكره عن اسعار البناء ونصائح الأخوان الذين مروا بهذه التجربه
والواحد عاوز ليهو كم سنه عشان يخلص
وماهي نصائحهم بخصوص المقاولين ومواد البناء


الخ

مع الشكر

ابو عثمان تحية طيبة

فعلا اسعار البناء مهمة وبالمناسبة اليومين ديل حسب متابعتي مواد البناء اسعاره كويسه اظن طن الاسمنت الان ب 500 الف او 550 الف ...وايضا السيخ برضوا قالوا سعروا كويس
لكن اظن الطوب لسه غالي شويه ...

تحياتي

لؤى



انت ما عارف الاراضى درجات ذى العافيه



ونصيحتى دائما السكن فى الدرجه الثالثه



ارحم لان سكانها رحيمين والجار جزء من الاهل



ولقمه هنيه تكفى ميه0



بكل امانه امتلكت فى كل الدرجات بقروشى



لكن عمرته فى 16المربعات(ابوسعد) 0



تحياتــــى


ســــيد

لؤي
شوف يا اخوي أسمعها من مجّرب
لو ما تزوجت ألحق نفسك
انا من سنة 2000 خاطب ، ولا كملت عرس ولا كملت بنيان البيت
يعني لو انفقت التحويشة في قطعة الأرض محتاج لنصف عقد من السنين
عشان تبني ونصف عقد عشان الأثاث ونصف عقد عشان تجمع المهر والشيلة
ومصاريف شهر العصل ، يعني 45 سنة كم تبقى
20
15
10
5
وربما أقل

ايمو يا عزيز والله ضحكتني
ياخي انت قربت تلحق احد اقاربي خطب عام 87 وتزوج 93 ..
هههههههه ياخي الشيله والمهر مادايره حاجة كتيرة دا كان زمان ..
والله اسه باي حاجة بتتزوج انت كده اعزم بس وتوكل ..

انا معاك ان البناء الان غالي ومكلف وافضل منو تشتري جاهز لو امكن
المهم الواحد يمد رجليه على قدر لحافه ..والحكاية دايره شويه عزيمة وصبر

تحياتي لك وامنيات بالتوفيق ياغالي

Quote: مسكين البداء يامل... الرخيص في اطراف الاطراف يعني تحسب فوووووووق 80 كلم في اي اتجاه والا الموضوع يكون فوق الاربعين الف دولار للخمسمائة متر المربعه والله معاك في مشوار البناء

مشوار البناء

ركز معاي في حكاية مشوار البناء دي وحقو تشتري جاهز انشاء الله في صالحه

الأخوة الكرام:
ممكن واحد يزودنا بتفاصيل عن مربع اسمه الفيحاء أمدرمان ؟؟
وين موقعه ؟ وبعده عن سوق ليبيا ؟
له له اي مميزات في المستقبل ؟
اسعار القطع فيه كم تبلغ
أكون شاكرا
الشفيع
الدمام

وين الرخصة دى يا ناس
لقد عدت للتو الى ارض الوطن وكم كانت رحلة العودة مضنية للغايه لانها كانت عن طريق سواكن. والله ناس الشرق ديل ليهم الف حق يتمردوا.
تحياتى من على البعد لبورداب الرياض وعلى راسهم الاخ ود قاسم.
وبالاحضان بورداب الخرطوم، ساخصص بوست لهم.
الاراضى والله رخيييييييصة فى قطعة بى هنا جوارى فى المهندسين مربع 28 500 متر سعرها 250 مليون بس بالله الرخصة دى وين.

Quote: بس يا زول شايف لسه الاسعار القلتها بخصوص قطعك غاليه شويه ولا انا ما متابع ؟

الاخ لؤي وضيوفه الكرام

مربع 24 القطعة الناصيه من 25 الى 28 حسب لموقع

القطع العاديه من 20 وانت طالع
دي اخبار اليوم يالؤي من واحد قلايبنا شغال في الاراضي في جنوب ام درمان
انا في المربع دا عندي قطعة ناصيه السنة الفاتت وصلت 23 وابيت ابيعها

لو وصلت الخدمات بالاضافة لما ذكره الاخ سيد ستكون المنطقة ممتازة لقربها من الخرطوم ووسط ام درمان

المهندسين نار يا باشمهندس معروفه القطع فيها غالية وغالية جدا
وهي صراحة لا تصلح للمغتربين الان...نسبة لظروفهم المعروفة

تحياتي

يا لؤى


والله فكرت العرس اول دى احسن شىء والسكن فى البدايه مع


الاهل بيشجع العريس والعروس بالاستقلاليه لكن دائما عاوزين


قريب للاهل وبالطريقه دى تعرف وين تشترى 0


الاسعار الايام دى معقوله بالنسبه للمواد من السنه السابقه


وموضوع البناء متشعب وفيه دهاليز وداير مساحه ووقت 0


انا على وعدى باحضار خرطة لامدرمان الكبرى حسب اخر كروكى


فى لقاء بورداب الرياض0


ونصيحه كبرى لا تشترى حتى ترى باعينك المكان وتتاكد من الاوراق


ودى جزء مهم فى الدهاليز0


غدا وعد بالمرور على الدهاليز خدمه لكل الاخوان والمسأله


ليست شراء الارض وبس0


اى واحد من الاخوان يمكنه كتابة تصوره وانا على لم الشمل


فى مساحه واحده تنور الطريق للجميع0



اخى الشفيع الفيحاء شمال وغرب لسوق ليبيا واذا كنت من اهل


الشماليه تمر من خلالها حتى التفتيش ، مستفبلها هى جزء من


الامتداد الخلفى لامدرمان الجديده حتى المطار الجديد والاستاد


والان هناك طرق تربطها مع الخرطوم دون المرور بامدرمان ومن


ثمه جنوب الخرطوم بعد المشاريع المعلنه ككبرى العزوزاب ثم


الطريق الدائرى للعاصمه مرورا بالكدرو تقريبا بعد الكبرى


المقترح لبحرى والحاج يوسف ثم سوبا والخرطوم جنوب0


ويا وليم الصالحه بعد ما كانت قريه ،اليوم حاجه تانيه


ومستقبلا حاجه ثالثه بعد الكورنيش المقترح0


امسكو الخشب والخوف يوم الواحد يقول هو من سكان الخرطوم


فى منطقة الدويم او كردفان0



تحياتــــــــى

ســــــــيد

الأخوة الكرام تحياتى والله شوقتونا وفتحتوا شهيتنا بالله العندوا فكره عن بحرى يدينا ليها

اى مكان فى بحرى يكون رخيص بس لانو نحن الوليدات ماخلوا لينا حاجة الله يحفظهم ودمتم

الاخوه المهتمين تحياتــــى


قبل الوعد عندى كلمه لاخونا الزول طبعا الناس فى الخرطوم بتفضل


الخرطوم عشان كده تقول الاندلس والازهرى وناس امدرمان على الثورات


وبحرى الحاج يوسف ثم الدروشاب ودى ذى ما قلت بحكمها وجود الاهل


والمسافات والحمد لله براك شفت المسافه من الازهرى والاندلس لامدرمان


ومع المشاريع الجديده تكون المسافات حتى لو بعيد الوصول اسهل0


****************** الدهاليز ******************


طبعا لاى عمل اركان وموضوعنا دا اركانه ثلاثه وهى الاهم:ـ


الارض ـــ الماده ــــ الزمن


اولا الارض وملحقاتها ( المكان ثم الامتلاك)


اختار المكان حسب رغبتك والاسره الصغيره والكبيره لزوم التواصل


مستقبلا ثم ابحث عن التميز اذا امكن يعنى النواصى الشوارع الرئيسيه


الفسحات او اماكن الخدمات يعنى تضع فلوسك فى محلها وطبعا سعريا تكون


اغلى بنسبه بسيطه لان الشوارع الداخليه اقلبها 10 ،15 ، 20 م0


وقدر الامكان ركز على الاتجاهات شمال جنوب لاتجاه الهواء الغالب فى


كل المواسم لطبيعة السودان المناخيه0


اسأل عن الاماكن والاسعار قدر الاستطاعه الخاصه بك مع ملاحظه المزكور


اعلاءه عن التواصل0


حددنا السعر طوالى نسائل عن شهادة البحث للتأكد من الملكيه ثم


نصل الى اقرب مكتب اراضى خاص بالمنطقه واستخراج شهادة بحث لزوم


التأكد من الموانع ( يعنى ما يكون عليها حجز او بيع او ورثه)


وشهادة بحث للبيع0


ثم نمضى فى اكمال الشراء بتسديد القيمه المتفق عليها امام شهود


وفى مكتب مختص بالتوثيق وله سمعه طيبه ونرجع الاراضى تانى ونعمل


حجز باسم المشترى (اورنيك3 على مااعتقد)0


كل هذه احترازات من الغش او يظهر ليك مشكل ودا سبب الوصف


بالدهاليز لان الجماعة الشغالين فى الامور دى لهم قدرة اقناع حتى


لطوب الارض والحلف بالله والضمانه عندهم فى طرف اللسان0


وللنصيحه اراضى العاصمه كما يلى:ـ


منطقة جنوب وجنوب شرق الخرطوم اراضى طينيه زراعيه ولها


اثار مع الزمن من ناحيه حركة التربه والتشقق واحسن شىء فيها


حفر الابار( السايفون) لغرب الماء من السطح (12)م 0


منطة جنوب امدرمان وغربه وشماله تقلب عليها الطبيعه الحجريه


كلما اتجهنا غربا والارض ثابته اكثر ويطول فيها عمر البناء لقلة


الحركه الارضيه ومشكتها فى بعد الماء عن سطح الارض (للسايفون) مما


يكلف كثيرا (50)م بعض الاماكن0


منطقة شرق النيل عموما اراضى زراعيه فى بعضها ثم مناطق رمليه


فى القشره العلويه متحركه كلما اتجهنا الى الشرق بعيدا عن النيل


عدا اماكن بسيطه حجريه(حصويه) او جبليه متفرقه ثم توجد بها مجارى


السيول لشساعة المنطقه والامطار شرق السودان يعنى لازم يكون هناك


حرص من مناطق السيول لان الندفاع عالى جدا ثم اعماق الماء فيها


وسط بالنسبه للمناطق الاخرى (30 ،45)م0


الماده اها اشترينا واتيقنا وقلنا نعمر ودا الموضوع الاول والاخر والاهم


لانو قاسم مشترك فى الارض وشرائها ثم المرحله الاخرى البناء :ـ


00000000000000000000000000 تعبتوا معليش حنواصل00000000


بالله كل واحد عندو مداخله يكتبها والانسان غير معصوم من الخطأ


وربما شطحت فى شىء لكن المصلحه العامه لنا جميعا ويستفيد منها


الناس الذين يودون الدخول فى نفس المعمعه0


تحياتـــــــــــــــــــــــــى


ســـــــــــــيد

سيد محمد احمد تحياتي

متابعك وفي انتظار المزيد ..بس صراحة يا سيدي الناس مركزة على الاسعار الرخيصة يعني الاراضي اسعاره مناسبة وفي متناول اليد لان الغالبية في المنتدى مغتربين وحالهم صعب شويه ..تحياتي وفي انتظارك

الأخوة الأعزاء.. هناك منطقة اسمها جادين غرب الصالحة (جنوب غرب أمدرمان) أسعارها لازالت معقولة تتراوح حول 10 مليون أقل أو أكثر وفي حالة قيام كبري العزوزاب ستكون أقرب للسوق العربي من الرياض. كما أن المنطقة تعمرت بسرعة ووصلتها خدمات الكهرباء والاتصالات وهي واعدة.. أفضل موعد للشراء شهر أغسطس عندما تجف منابع السيولة في السودان الزراعي.

الاخ العزيز محمد الامين تحياتي

سمعت فعلا بجادين واسعاره مناسبة هي قرية على ما اظن الان وما اظن فيها اي اوراق رسمية - حتى الان .

تحياتي

الأخ لؤي وضيوفه
لكم التحية على هذا الموضوع الهام ، وتبادل الأفكار والخبرات فيه بصدق تعد فائدة قصوى نجنيها من هذا المنتدى بدل المهاترات والصراعات الوهمية التي لا تجدي نفعاً

الأخوة الذين يتداخلون (متتريقيين) عليكم الله لحظة شوية : خلونا نكون جادين في الموضوع لأنه فعلا موضوع الأراضي أصبح الشغل الشاغل، وموضوع البناء دا كمان هم +.

على كل حال أنا (موكر) في البناء لي سنتين ، ومحتاج ايضا لآراء السابقين في هذا المجال ، كما أني أدلكم (لمن أراد) على مقاول يخاف الله أهديه لمن يرجو بناء بيته بالتكاليف الحقيقية. للراغبين الإتصال على 00966505464352
------
الأسعار لم الآن هي الحقيقية ، أما الفترة السابقة فكان فيها تكالب والزيادة لم تكن منطقية.
كما ذكر بعض الأخوان فإن أسعار بعض الأماكن لا يمكن أن تتزحزح ،، وكل واحد عاد وقدرتو ،،
الله يوفق الجميع لإمتلاك المأوى فهو أحد أهم أسباب الإياب لنا ((كمتغربين))

تحياتي ،،

الاخ عبداللطيف

مشكور على التفاعل الجميل والنصائح الغاليه

والمعلومات التي استفدها بمكالمتي لك وتمنى ان يدوم التواصل

وكل من لديه معلومات او فكرة مفيدة نرجوا ان لايبخل بها

كما اتمنى ان نسمع اراء اخوتنا المهندسين

شكرا (يازول ياماساهل) موش يازول ساكت ، على إتصالك الأنيق ، وربنا يوفقك ان شاء الله

سأكون معاك على اتصال طالما الجغرافيا قربت بيننا إلى هذا الحد،،
وشكرا لؤي ،،

اخوانا الاعزاء 000000000والله للامانه انو احسن موضوع الان فى البوستات موضوع

ضمانه الاهل والاسره فى حوش والاكل ربنا بيرزق حتى الطير فى السماء وخلونا نتكاتف

ونطلع برؤى نافعه لنا جميعا ومشكورين المداخلين على التنوير0

اخوى محمد الامين موسى والله جادين منطقه كويسه مستقبلا لكن حتى الان التخطيط مافى

والجماعه هناك لازالوا عوائل ( قبيله) ومشكلة الخدمات فيها لا ترقى والماء حتى الان

من صهريج اقامه اهل المنطقه رغم انى اشجع ليها للمستقبل والصالحه للمغتربين الان

انسب للمواصلات والمدارس وشارعها مسفلت قريبه نوعا ما0

الان رجعنا للمعضله الاكبر وهى البناء ودى برضوا فيها مشاكل جمه مع المقاولين

عشان كده حنتدرج فى الموضوع وربما انسى شىء لكن برجع ليهو قدام:ـ

البدايه تصديق من الاراضى للتسوير او البناء عشان هم نفسهم بيطلعوا معاك

ويحددوا الابعاد والاوتاد لعدم الدخول على الجار تحسبا من مشاكل المستقبل خصوصا

لو طلع الجيران ما متفاهمين ودى بالذات حصلت كثير والمحاكم فيها تطلب الازاله

للمتعدى ومرات تكون هدم جزء كامل من البيت او التعويض اذا قبل الجار0

اها خلصنا من التنبيه ونعتبر اننا جاهزين للبناء لازم اولا نعرف كم الميزانيه

المتوفره ونحنا هدفنا نعمل شنو لان المواضيع اسبقيات عشان ما ننقمس ونقيف فى

النص، نشوف مهندس معمارى او الشخص الذىعمل الخرائط ولازم يكون مشترك فى هيئة

المهندسين لان نفس الخرائط لازم يكون عليها تصديق من الاراضى ، ودى فيها مواضيع

مختلفه وحسب نوع البناء ارضى ، علوى ، طوابق متعدده 0

خلصنا من كل المشاكل حنبنى ، برضوا رجعنا وشفنا الميزانيه، كل واحد عايز

يعمل قدر الاستطاعه تختلف الامور بس الهدف واحد ( بناء )

اهم شىء هنا التمرحل وهى دائما عكسيه كلماطلعنا الى اعلى تنخفض التكاليف

خصوصا المبانى العلويه او المتعدده اما الارضيه شبه متناسبه والمشكله الاصعب دوما

التشطيب ودى يحتكم فيها المزاج اكثر0

نبدأ الاساس وفيه تختلف التكلفه حسب نوع البناء ودى مفهومه وطبعا هنا سوف يدفن

مبلغ غير مستهان به عشان كده ناسنا يزبحوا لانهم شمو الهواء، ومنها نبنى طوب

اومسلح بعد الاعمده او عادى(طين) ودى غير مستحبه للمستقبل وتكلفتها لا تختلف

كثيرا وربما كلفت اكثر فى المستقبل للتحسين0

ياجماعه انا بقيف فى البناء المتوسط والعلوى لانهم انجح للمغترب وفيها مجال

لمن فتح الله عليه للتوسع وهذه تحتكم بالرمل ، الطوب ، الاسمنت ، الحديد0

اول ما فكرنا نبنى نطلب تحديد الكميات لكل مرحله من المهندس او المقاول عشان

اى شىء زياده معرض للسرقه وسوء الاستعمال غير تعبئة المكان التى تقلل الحركه لكل

شىء حتى العماله وتذيد من الزمن المحدد للانتهاء0

1ـ الطوب كلما اشتريت من الكمائن وبمعرفة شخص متخصص سوف توفر جهد ومال0

2ـ الرمل اسعاره سوقيه لكن الزام او اتفاق مع شخص بتأمين احتياجاتك عند

الطلب احسن( يعنى قبل ما ينتهى ابلاغه غدا اود كذا وخليك معاهو رسمى

خصوصا فى حقوقه لن يتأخر ابدا)0

3ـ الاسمنت طبعا سعر سوقى ايضا بس احذر الغش فى الاسمنت المعبأ او اسمنت بعض

الدول الغير مناسب لظروف السودان ودى المقاولين بقدموا النصيحه فيها0

4ـ الحديد ودا اكبر مشكله فى التخزين عشان كده نشترى لكل مرحله المطلوب

فقط او الشراء والحفظ فى مكان امن واحضار الكميه حسب العمل

##### # نجى لاهم نقطه******

لازم الاتفاق مع المهندس او المقاول يكون مكتوب في الاسعار، المواصفات

مدة التنفيذ،التسليم ، عشان كتير منهم هذه الايام يمسكوا اكثر من عمل ولا

يوفون بالاتفاق الثنائىمهما حلفوا0

وصلنا وبنينا عندنا محطة لم نتطرق اليها ودى تكون اثناء العمل وهى

تحضير الابواب والشبابيك بعد تحديد الابعاد على الطبيعه يكون احسن 0

بعد الابواب والشبابيك الدهان والكهرباء والماء والتشطيب دى

كلها اعمال اثناء البناءوقبل التشطيب النهائى0

تحياتــــــــــــــــــــــى

ســـــــــــــيد

الاخ سيد مجهود مقدر

واصل هذه المعلومات التي اعتبر نفسي امياً فيها

ارجو المواصلة كما اسئلك عن الجخيس او القرية

وايهما اقيم هي ام جنوب ام درمان

ولكم جميعاً اجمل تحية

قطعة أرض فى أمبدة الحارة 25 ..ورا سوق ليبيا 300متر
بلوك سينجل..

قبل حوالى 3 سنة كان فى أعمدة كهربا مرمية بغرض التوصيل،وماعارف اتوصلت ولا لا.
فى مشروع مستشفى تحت الإنشاء
فى مواصلات ليها من سوق ليبيا
فى شوية عمران فى الناحية
وبس


للــــبـــيع لأعلى ســعـر

..لمزيد من الاستفسار على المسنجر

وليد طه

الزول والله ذى ما قالوا القبلى انت ما ساهل وسؤالك فى محله0000000

للتصحيح ولو انت قاصد نفس المكان هى ام القرى الان، وفيها عمار لم اتخيله والكلام دا

السنه الماضيه بس انا سالت عن الاراضى الزراعيه وكانت مناسبه جدا ، وعندها مواصلات من

ابوجنزير واول الوقفات بعد شمبات الا يركب مستعجل يوقف البص(الحافله)فى الطريق يس

برضوا التخطيط الداخلى منعدم لانو الاهالى هم من قام به0

اما جنوب امدرمان هى خطه اسكانيه غير الاسباب الاخرى وهى:ـ

قرب المسافه من وسط العاصمه والدوائر الحكوميه

فى حالة انتقال اسواق امدرمان حسب ما هو مخطط له

الملاحظات الاخرى السابقه للتربه والمشاريع المستقبليه

قله مجارى السيول ، وعدم وجود نزاعات مستقبليه

رغم وجود نفس مشكلة التخطيط فى الصالحه وجادين0


تحياتـــــــى

ســــــيد

Quote: للتصحيح ولو انت قاصد نفس المكان هى ام القرى الان، وفيها عمار لم اتخيله

ابو السيد

انا الحقيقة اقصد الثورة مربع 78 و79 شمال ام درمان
لي قطعة خطة اسكانيه فئويه بعد خراج روح ادونا ليها هناك فحبينا نسأل عن الاوضاع

ثانيا حيث اني من محدودي الدخل والحمد لله
وعرفت ان البنيان بالحجر كأساس والسقف بلوك نافع في امدرمان ويمكن ان يتحمل طابق

طبعا حكاية الاعمدة دي ماعندنا ليها سنون
منتظر افادتك في هذا الموضوع وراي الجميع

واصلوااااااااااااااااا

لؤى وين الناس ولاسكنتوا خلاص


الزول الماساهل جينا خلينا الوصيه ومشينا وبعد العوده لقيناك


لسه ما رجعت اوع تكون راكب حافلة كرور(دى منطقه عامره جدا فى امبده)


اها بنتقابل وما ناسى الوصيه بس اعرفك كيييييييييف؟


تحياتـــــــــــى

ســـــــــيد

لا حولا يا جماعة الناس ديل سكنوا تب ، وبشوف البوست دا ذكوري خالص يعني يا جماعة النسوان ماعندهن حق اشترن ويعمرن .غايتو كان قبلتوني دا بوست مفيد خلاس وانا عايزة واطة قدر لحافي يعني درجة تالتة ، عندي واطة سلمتها البنك العقاري فئوية دفعت الرسوم أوراقي ضاعت اسمي في الكتيب موجود أها نكروها علي طبعا مفروض اسملموني بيت جاهز ؟؟
رايكم شنو في السكن الاستثماري ؟ حقيقي ولا سراب ؟

السلام عليكم
الأخ لؤي
شكراً للبوست الجميل المفيد
هذه مساهمة أخرى من نوع آخر أظن إنها تصب في ذات الإتجاه

الجمارك تحدد السلع المعفاة من الرسوم عند العودة النهائية
تحياتي
وما الناس إلا هالك وأبن هالك *** وذو نسب في الهالكين عريق

عندنا سؤال يا جماعة عايز واحديحددلي التكلفة الكلية لبناء ثلاثة طوابق من الحفر حتى السقف مع تشطيب الطابق الأرضي ، المساحة المبنية 197م2 وعدد الحفر 20 حفرة . أنا عايز الهيكل وتشطيب الأرضي بس

شباب سلامات

بوست مفيـد وكله جديد في جديد


عندي سؤوال عن موقع الانترنت الذي يحوي كتيبات أراضي الخطة الاسكانية للاستفسار عن اسم مستحق ورقم الاستحقاق وغيره,


لكم خالص الشكر

أحمــد الشايقي

Quote: عندي سؤوال عن موقع الانترنت الذي يحوي كتيبات أراضي الخطة الاسكانية للاستفسار عن اسم مستحق ورقم الاستحقاق وغيره

سلامات يااحمد الشايقي
وهاك الموقع

الخطة الاسكانية

الأخ / حلاوي ،،
أنت حتدخل في الوكرة الدخلت فيها أنا ، أتصل بي أحد قراء هذا البوست من غير الأعضاء ، الأخ / محمد الأمين ، والله الراجل دا مفيد جدا جدا في حالتك // الرجاء الإتصال بي علشان أشبكك معاه،،

تلفوني فوق ،،

ده بوست جميل جداً ومفيد لانو إحنا المغتربين دائماً بتواجهنا مشاكل في الاراضي والبناء


إعلان هام وفرصة
لقيت البوست ده فرصة لأعرض على ارض فضاء في شارع محمد نجيب ناصية ومساحة 780 متر ومقابله لـ TNT

دايرين لينا مشتري ا مستثمر يفيد ويستفيد (وخيركم من نفع وإستنفع).

الزول الحبيب طبعا ام القرى دى كانت بمناسه زكرك القريه ودا كان اعتقادى عشان كده

سرحت وشرحت ليك، لكن الخسيس دى اول مره اسمع بيها بس عموما حسب المربعات الذكرتها لسع

المنطقه دى السكن فيها ضعيف والخدمات غير متوفره حسب استفسارى وسعر البيع سوف يكـــون

نفس الشىء0

اما موضوع الجمارك والله الجماعه دقسوا وما ادوا الناس غير العفش ولوازمه لكن زمان

كانت هناك رخصة الاستيراد من السفاره وفيها دخل للدوله وممكن الزياده يجمركوها بنسبه

معينه كان افيد للجميع ، وبرضوا فى88 كان رخصة استيرادلمواد البناء حسب الخرطه المصدقه

ونوع البناء ودى كانت ممكن توفر الجهد للمغترب وتقلل اسعار السوق هناك بس اوقفت عندما

اصبح التجار يتلاعبون عن طريق المغتربين ضعاف النفوس وباحثى الثراء، وضيعوا الفرصه على

المحتاجين0

يالحلاوى قيمة الهيكل دى لازم تكون حسب المواصفات بالخرطه لكن وما تنزعج اذا عندك

ماتين مليون بتكون فوق بدون تحديد الدور بس ما اقل من التانى مع اعمده للثالث لكن لو

عاوز نصيحه اشترى الحديد ويمكن تخزينه والعمل قدر الاستطاعه0

ممكن مؤقتا شراء 7 طن 5 لينيه16 ملم+10 طن 3 لينيه10ملم + 3طن 2 لينيه 6 ملم الكل

طول 12 متر دى براها بسعر اليوم قريب 40مليون0 ثم تتوالى الاشياء( الطوب الاسمنت الرمل

الكهرباء وملتزماتها الابواب والشبابيك ادوات المنافع البياض حقوق العاملين او المقاول)

والنصيحه اذا تقدرالان وفر الحديد واعمل مرحله مرحله حسب الاستطاعه( راجع مداخله علويه)

لانو عليك التزامات قبل البناء وهى مكلفه برضوا0

بنت فاطمه اولا مرحب بيك كتيروالبوست دا لؤى عملوا للجميع وكلنا مداخلين عشان البيت

هو امان للاسره، لكن حقك فى البنك العقارى ما تخليه ورجعى فلوسك لان بناهم فيه غش واسألى

اهل بيوت البنك فى المربعات اغلبهم كسر البيت وبناء من جديد والاستثمارى حسب حلقه فى

التلفزيون بمكن احسن وحتى السكن الشعبى الناس قاعده تشكروا، اما تشترى قطعه دائمافكرى

فى الخطط الاسكانيه واطراف الخرطوم كلها متوفر فيها وكل له ما يميزه(راجعى اعلى)0

اخوتى للفائده العامه اين المهندسين فى البورد؟

افيدونا افادكم الله؟؟؟؟؟؟؟؟؟؟؟؟؟؟؟؟؟؟؟؟؟؟

اخوكم/ ســــــــيد

مجرب ومهتم بالبناء والتشيد
ومعرفه تامه بحساب الكميات

شكرا ليك يا هندسة على المعلومات القيمة ، خاصة ما يخص السكن الاستثماري اصلا أنا ملاوز منو ووصلت لعندهم وشيلت ورقي ومرقت .ز تسلم ..

الأخ / سيد ، شكرا لمشاركتك القيمة ،

حسب معلوماتي أود أن اشير إلا أن كمية الحديد (2 لينية) أكثر مما يجب بحيث إستخدامه يقتصر فقط على الكانات ، كما أن مقاس 3 لينية كان أستخدامه أكثر ايام كان السقف يقوم على الأعمدة + الأبيام ، الآن وبعد تعميم فكرة ((الفلات سلاب)) صار الإعتماد على مقاسات 4 لينية وخمسة لينية،،

هذا ونرجو فعلا دخول المهندسين للإفتاء العلمي فهذه فقط مجهودات من واقع تجربة ،،

البيوت بيوت اللاخرة

Quote: البيوت بيوت اللاخرة

ود الجيران سلامات

ولاتنسى نصيبك من الدنيا

انت جيرانكم ديل في الفردوس

الاخ العزيزعبداللطيف بكرى احمد


طبعا كلامك فى محله بس تنقصوا فنيات شويه


الفلات اسلاب عمل لا يصلح مع المساكن لان مافى واحد بيعمل غرف وصالون ويقوم تانى

يغير ويدخل فى تقسيمات جديده لكن الفلات اسلاب مع المكاتب ممكن حسب ظروف العمل تتغير

التقسيمات وغالبا اهل المكاتب بستعينوا بالفواصل المعدنيه اوالجبصن بورد ودى ماعندها

حمولات على الاسقف ولاحظ ان المساكن الحمولات فيها اكبر والحركه فيها اكثر تحتاج الى قوه

اكبر والاهم من كده فى عمل الاعمده والابيام بتطلع فروقات فى الحديد يستفيد منها صاحب

المبنى ، والفلات اسلاب تعتمد فيه القوه على زيادة الحديد ولاتعتقد انه بدون ابيام لان

فيه الابيام مقلوبه فقط الى داخل السقف(عرضيه) غير اختلاف مقاس الحديد ويفضل هذا العمل

المقاولوت لسهول السقف لكن بضاعفوا ليك السعر وكانه عمل مختلف0

رايك ان 2 لينيه كثير، لكن ادخل السوق وقول لواحد ادينى مقاس الحديد دا، حيقوليك

2 لينيه قول ليه قيسوا؟ يطلع ليك 1.5 لينيه ودى بعملوها لغش الناس وزيادة الارباح ودى

برضوا بعملوها بتسخين الحديد ثم سحبه لذا فى هذه الحاله لازم معالجه وهى زيادة عدد

الكانات فى الاعمده والابيام بتقريب المسافات لتضمن القوه المعتمده0

للمعلومه ايضا

1ـ طن الحديد 16ملم 5 لينيه 12 متر عدد52 حبه

(6 متر 104 حبه)

2ـ طن الحديد 10ملم 3 لينيه 12 متر عدد 135 حبه

(6 متر 270 حبه)

3ـ طن الحديد 6 ملم 2 لينيه 12 متر عدد375 حبه

(6 متر 750 حبه)

توحيد الحديد فى السلم والابيام يعنى 5 لينيه الكل، ممكن يطلع حديد السلم من نفس

الكميه0

اصعب مافى العمل دا الطلوع من الاساس والقريد بيم، ولو عندك فكره لبناء العقد

الليبى احسب قبل البدايه تجد انك سوف تعمل ابيام ارضى وعلوى وهى نفس الشىء فى بناء

المسلح وعند التقفيل والحائط سوف يكون عرض الابيام والحوائط 25 سم عكس العرض للمسلح

ممكن 20 سم او 18 سم وفرق السعر المتوفر والابيام تعمل الاعمده وحتى لو دفعت زياده

شويه تضمن طوابق اكثر ، لان العقد لا يتحمل اكثر لانه شايل على بناء فقط ويمكنك ملاحظة

بعض المبانى بعد الامطار والتشققات مع حركة التربه لان القاعده معدومه0


تحياتــــــــــى للجميـــــــــــع


اخوكم / ســـــــــــــيد

رفعة بقوة قريد بيم

يازول ياماساهل 00000 طلعت قدها وقدود رفعت البوست فى نفس اللحظه


وانا ابحث عنه عشان مايدفنوه مع الاساس والحمد لله وصلنا بقوة القريد بيم


لكن وبامانه منتظر منك مشاركه لتصحيح اخطاء فيما كتبت او من الاخرين لان


الهم واحد وعاوزين نتكاتف لتحضير عش الاسره وانا شخصيا جاهز لمساعدت اى واحد


ايام الاجازه لو اجتمعنا هناك0


تحياتـــــــــــــــــــــى


ســيد محمد احمد سيدنا

ابو سعد ـ المربعات

مربع16 رقم551

محطة بخارى

للاستدلال / منزل العم محمد البخارى

الأخ سيد مشكور وأنا شخصيا كتبت عنوانك وهذا رقمي للتواصل 00971505711513

الاخوان سيد والاخوان

متابعين الحوارات والمعلومات القيمة
متابعين

أحد زملائي قدم من السودان قبل يومين وقال المساحة المبنية 204م2 كلفة أساسات وسقف الطابق الأرضي 189 مليون. اتمنى أن يفيدك هذا الرقم في المقارنة.

الأخ سيد

شكرا لمعلوماتك القيمة


لو سمحت ماهي المراحل التي تأتي بعد الانتهاء من الاسكلتون ( العظم ) يعني لو الزول عاوز يكمل المراحل البعد الاسكلتون شويه شويه والتقفيل بيكون طوبه واحده بس ولا طوبه ونص ومتي تتم اشغال السباكه والكهرباء هل مع التقفيل بالطوب ام بعده

ننتظر نصائحك بخصوص الترتيب

وشكرا

اخونا العزيز محمد الامين موسى المعلومه بجد مفيده جدا وذى ما قلت بتنفع للمفارنه

وانا شخصيا انبسطته جدا لانى طوالى دخلت فى المقارنه والمحاسبه لانى لو ملاحظ كتبت للاخ

عبدالرحمن الحلاوى لو عندك200 مليون ممكن تنتهى حتى الطابق الثانى ويمكن بعض الاعمده

للثالث، وطبعا مبعث انبساطى انو الفرق ما كبير لعدة اسباب وحعمل مقارنه بسيطه:ـ

1ـ المساحه المذكوره 204م يعنى اكبر ونحن كنا نتحدث 160 الى180 م وهنا يوجد حساب

مشتروات ( حديد، اسمنت، خرصانه، رمال،اعمال نجاره وحداده ومقاولين، قواعد اكبر)

2ـ بالنسبه لنا كنا ننصح بشراء المواد شخصيا وهنا لا اعرف طريقة الشراء لانو دى برضها

تعمل فروقات حسب معرفتى0


والله كتير مشكور لان الذى كتبته سوف يجعل الناس تستعد جيد او تحاول تعمل

بطرق ممرحله عشان ما تدخل فى مشاكل ولى مداخله جزء منها عن الظروف الماديه0


مشكـــــــور كتيــــــر مره اخــــرى

اخوك/ ســـــــــــــــيد

ابو عثمان العزيز تحيه اخوه ومحبه وشكر على الاطراء

للحقيقه انا زاتى بحتاج للنصائح وطوالى بشوف اصحابى المهندسين

والمراقبين واستفسر لنفسى ولغيرى0

بالنسبه للتقفيل فى المسلح دائما طوبه لان عرض الابيام غالبا تكون

20 سم اما المونه يستحسن حره ودى بتزيد من تماسك البناء رغم الزياده فى

الصرف ولو كان المعلم نظيف يخلى العراميس شكلهاالخارجى حلو ذى السدابيه ممكن

تعمل مستقبلا تليس او حجر زينه اوطرطشه اوتلوين للطوب لزوم المنظر0

وممكن تبنى بالمونه وتقوم تعمل تليس خارجى اسمنت قبل الامطار لانها تؤثر

فى البناء وتعمل شوية تشويه للبيت وفى الحالتين الفرق فى الصرف بسيط عشان كده

قفل بالاسمنت وريح راسك وخلى المعلم يهتم بالواجهه الخارجيه0

اما اعمال الكهرباء والسباكه كلما كانت متزامنه مع البناء ترتاح اكثر

لان التليس الداخلى مره واحده ويخرج العمال قبل الدهان، ثم انو الكهرباء والسباكه

اذا تاخرت بتكلفك اكثر للحفر على الجدران ثم التليس مره اخرى وبرضوا الحفر يؤثر

فى الجدران بالتشقق غير انه مهما عملت تظهر ليك شكل الحفريات تحت الدهان الهم الا

بعمل جبص لكل الجدران الداخليه وفيها زيادة مصاريف0

عزيزى تحيه وشكر اخرى وربنا يساعد الجميع0


تحياتــــــــــــــــــــــــــى

اخوكم / ســــــــــــــيد

الأخ العزيز/ سيد

شكرا كثيرا علي اريحيتك -ممتن لك

الف شكر

العزيز أبو السيد،،
والله أزعجناك ، معليش أحسب نسبة (إشراف)

فيما يتعلق بردك الشافي للأخ / أبو عثمان فبرضو أضيف لازم تتركب الحلوق للأبواب قبل التلييس ولازم الآن الناس كمان تلتفت إلى إتفاق جميع المتخصصين في مجال المباني والمقاولات ومصمنعي الأبواب على توحيد المقاسات (Standard Doors) وهذه الإتفاقية سهلت كثير في إختيار الأبواب المناسبة وقللت الأسعار وذلك نسبة للأنتاج الغزيز من المصانع (mass production)وقد أنحصرت مقاسات الأبواب في ثلاث مقاسات هي 70 (للحمامات) أو 80 أو 90 سم وكلها في إرتفاع 220سم ، ويمكن كما تلاحظون شراء الأبواب الآن من الهايبر ماركت أو من مراكز مثل (ساكو) أو طلبها من المصانع (الشركة المتحدة لمنتجات الأخشاب) أو (سيدكو الرياض) وتسلم لك في نفس اليوم. الشبابيك طبعا ألمونيوم وأصبح متوفر في السودان ، بس على ما أظن أن نوعية الأبواب هنا أجمل وأجود خصوصا مع توفر الأكسسوارات الراقية وأسعارها ممتازة ، ودا بقى متوفر لدينا في مجموعة المهيدب السعودية
آسف للإطالة ولكم تحياتي،،

أخي سيد محمد.. تحية طيبة
يقول صديقي أن طن الأسمنت (أسمنت عطبرة) الآن في السجانة نزل إلى 450 ألف. والتقدير الذي ذكرته سابقا قائم على نظام السقفين: سقف أرض بدل القريدبيم وسقف عادي. وقال إن الإسمنت والحديد فقط يكلف حوالي 46 مليون والفنشينغ حوالي 95 مليون، أي أن المشكلة كلها في التشطيب.
وربما يوفقكم وعقبالنا.

الأخ محمد الأمين والأخوان السلام عليكم ورحمة الله وبركاته ، أنا مخطط فقط أعمل الآتي :
في المرحلة تخليص هيكل للثلاثة طوابق على مساحة مبنية 190م2. فأرجو المساعدة في ذلك .
المرحلة الثانية ستكون المرحلة الصعبة وهي التشطيب للطابق الأرضي .أرجو الإفادة بالنسبة للتكلفة الكلية فقط للهيكل .

الأخ عبدالرحمن

في شهر سبتمبر 2005 قمت باعداد تكلفة من بعض الشركات لتشييد هيكل اسكلتون لطابقين (’عظم فقط ) كالاتي

الاساسات لعدد 4 طوابق

الهيكل يشمل طابقين زائدا سقفه ارضيه معلقه مع القريد بيم

المساحه للطابق ارضي 238 متر
مساحة السقف للطابق الارضي 252 متر ( نسبة لان الموقع ناصيه ويكون هناك طيران في السقف للبلكونات والترس للاستخدام كحيشان)

مساحة السقف للطابق التاني ايضا 252 متر


التكلفه كانت في حدود 220 مليون

الاستلام خلال سته اشهر
والسداد علي 3 دفعات
50% اولا"
25 % بعد انتهاء الطاابق الارضي
25 % عند الاستلام


ارجو ان اكون وضعتك في الصوره علما بان وقت اعداد التكلفه كانت اسعار المواد اغلي من الان
وشكرا

ياناس ياحلوين

جزاكم الله خير على هذا البوست والمشاركات القيمه
بس شايفكم بقيتوا ناس بنيان ساى
مع انو نحنا لى اسع ماستلمنا الواطه

وانا شخصيا عندى قطعه درجه ثالثه فئويه وكان مفروض اسحب القرعه
فى يونيو 2005 ولظروف خاصه لم اتمكن من السحب رغم تواجدى فى السعوديه
والان اعطونى ميعاد جديد فى مايو من هذا العام كفرصه اخيره فى اراضى بحرى

وارجو من لديه معلومات عن الخطه الفئويه فى بحرى يمدنا بيه
ولكم شكرى

الأخ أبو عثمان
تحية ود واحترام
مشكور على معلوماتك القيمة وحالياً كل تفكيري منصب من الانتهاء من العظم لثلاثة طوابق عايز أعرف من الأخوة أصحاب التجارب أن يعطوني رقم عشان أتصرف بموجبه واعتقد مسألة تحديد الأقساط بانتهاء كل مرحلة شي أساسي .

الاخ العزيز محمد الامين موسى

لو رجعت فى البوست وراء شويه انا قلت ان المشكله التشطيب، والكلمه دى واسعه

برضو لان التشطيب ليس التقفيل فقط يتبعها النقاشه والاكسسوارت للكهرباء والمنافع

والابواب والشبابك والبلاط والسراميك ودوشه الاختيارات والالوان0

بس موضوع سقف ارضى وعلوى بدون قريد بيم دى يمكن من التقنيات الجديده ولو ملاحظ

الاسعار دائما فيها توافق لانى بتكلم عن قبل كم شهر وقبل التخفيض لكن بشرتنا الواحد

يضع امال لمواصل العمل0

اخونا عبد اللطيف ما فتحتوا فرع السودان، وبحق فكر فيها، لانها مفبده رغم

انى بفضل وضع الحلوق مع البناء لان التركيب تسقيط فقط ،واذا الواحد بنى لازم

يتاكد من الفتحات اولا ويصنع لان العامل يمكن يدقس يزيد او ينقص المقاس الموجود

بالخرطه وبكلفك عمل تانى0

الحلاوى شايفك ساخن واظنك جاهز، كدى لمن نتقابل فى السودان لكل حادث حديث

ويمكن ربنا يهون الامور وترخص المواد اكثر والمهم خلى 200 مليون فى الحساب للوقت

داك ، واذا بتستطيع الان جهز الابوب والشبابيك والمنافع والمواسير للكهربا والماء

وكل احتياجتهم ودى بتديك مساحه لعدم ضياع الزمن وتقلب الاسعار0

ابو عثمان الغالى يعطيك الف عافيه بالتنوير بالبناء عبر الشركات لانو دى

فيها عقود وجزاءات على الجانبين لكنها خلقت مشاكل خصوصا لمحدودى الدخل اذا

لم يوفوا وكثير من المشاكل الان فى المحاكم ودائما الحكم بالبيع عشان كده

انا بفضل العمل الممرحل حسب الامكانيات وفيها فائده اذا تحسنت الاسعار لكن

الشركات دائما حسابها سعر اليوم مع اضافه مساحه للتغير فى السوق واحتياط

لا يقل عن 15% او 20% ولا يمكن استردادها لانها جزء من القيمه الاساسيه0


اخوتى شكرا وربنا يزيد الجميع بالافكار النيره ويحقق الاهداف

ولى عود عن الدهليز الاخير وهو الزمن 0

تحياتــــــــــــــــــــى ومودتـــــــــــــــى


اخوكم / ســـــــــــــــــيد

الاحباب لؤى وسيد سيدنا

لكم الشكر الجزيل وحقا المعلومات فى هذا البوست هامة جدا

وقلما يجدها الشخص فى مكان واحد اضافة الى صدقكم وصدق معلوماتكم


لكم الشكر وليبقى هذا البوست باستمرار


فكلنا نعانى من مسالة السكن

خرجنا فرادى واصبحنا الان - ما شاء الله - جماعات


السكن معضلتنا الاولى


وهمنا الأوحد للعودى


جزاكم الله عنا خيرا

قرشــــو العزيز


جزاك الله خير ودا دليل اصاله منك وربنا يساعد الجميع


وانا شخصيا الصدق فى القول ومساعدت الاخرين هم من همومى


وربنا يقدرنا لعمل الخير للجميع ومره اخرى انا تحت الخدمه


فى الصيفيه شهر8 سنويا0


وفقكم الله جميعا ونامل التداخل بكل ما هو مفيد0


تحياتـــــــــــــــى

ســـــــــيد

ياخوانا سلام،،

متابعة لموضوع المقاسات القياسية للأبواب فإن المقاسات التي أوردتها سابقا مظبوطة ما عدا الإرتفاع فهو 210 بدلا عن 220سم ، لذا أرجو المعذرة

وعليه تكون فتحات الأبواب بالجدران على النحو التالي

ابواب مقاس 70 × 210 تكون الفتحات بالجدران 77 أو 78 × 214 أو 215
ابواب مقاس 80 × 210 تكون الفتحات بالجدران 87 أو 88 × 214 أو 215
ابواب مقاس 90 × 210 تكون الفتحات بالجدران 97 أو 98 × 214 أو 215

روعي في هذه المقاسات إرتفاع الأرضيات (البلاط أوالسيراميك) ، ويجب عن تجهيز الفتحات معرفة إتجاه الفتح للباب (شمال/يمين) وذلك لتركيب الأقفال والمقابض.

المرة القادمة أسعار الابواب ،،

وصلى الله على نبينا محمد وعلى آله وصحبه أجمعين ،،
ولكم تحياتي

أرجو من ذوى المعرفة افادتى حول أسعار الأراضى بمنطقة أمردمان الفتيحاب مربع 18 درجة اولى و17 درجة ثانية

اخوناطرقوش مرحب بيك

مالك طوالى عاوز الاسعار والافاده بدون ما تقول عاوز تبيع ولا تشترى ، عندك وقاعد


تخطط للعائد ولا شنو0



المهم وبالتقريب وقبل اكتوبر


مربع16 درجه ثالثه 40 مليون مع ملاحظه كل شىء متوفر


مربع18 درجه اولى 60 مليون واعلى وبدأ التعمير مع قلة الخدمات


مربع17 درجه ثانيه 40 واعلى لحسن الموقع والتعمير فيه متاخر لسه


( لو وجدنا افاده جديده سوف نطلعكم عليها)

تحياتـــــــــــــــــــــــــــى

ســــــــــــيد

أبو السيد (ترى حنا شركاء )

العزيز00000000000000000000000000 عبداللطيف بكرى احمد


الناس فى الواطه لسع، نحنا وصلنا للشراكه ما تخليها مع الرتم عشان عمولة الاستفاده

من البوست تكون شراء منتجاتكم ( الابواب والشبابك والاكسسوارات )0


وانا راضى شريك من الباطن ههههههههههه!


والله الواحد سعيد جدا اننا نصل لتفاهمات وننقل الافكار لبعضنا ويمكن يوم نكون نسايب


او جيران 0


كنت عاوز اعمل مداخله اخيره عن الدهليز الاخير (الزمن) وجدت الناس واحدين وصلوا السقف


المهم فيها انه قدر ما تستطيع حاول ان تكسب وقتك لزوم تغلب الظروف وباختصار هى :ـ


مجرد ان تبدأ اى مرحله خليك جاهز لتوابعهاـ واذا شعرت الامور ماشه تمام تتحرك


بتفاهم مع المنفذ للتحضير لما بعد ذلك وتخلى بالك للامكانيات عشان العتره دائما


هى التى تعطل وتجعل المنفذ يبحث عن مصادر اخرى خوفا من طفش العاملين معه لان


المغريات عند منافسيه كثيره غير ان العمال بالذات مجرد ان يجدوا حقوقهم الماليه


مستقره تجد منهم همه اكثر وخليك رحيم وكريم معهم ( بمعنى اذا وجدت احدهم يحمل


شيئا ساعده ، اجلس معهم فى الاستراحات ، تبادل الود ، شاركهم الوجبات بعض الاحيان)


تجد انك كسبتهم واخلصوا لك ، ولن تقلل من شانك بل تزيدك احتراما0



تحياتـــــــــــــــى للجميـــــــــــــــع


اخوكم / ســــــــــــــــيد

Quote: ياناس ياحلوين جزاكم الله خير على هذا البوست والمشاركات القيمه بس شايفكم بقيتوا ناس بنيان ساى مع انو نحنا لى اسع ماستلمنا الواطه وانا شخصيا عندى قطعه درجه ثالثه فئويه وكان مفروض اسحب القرعه فى يونيو 2005 ولظروف خاصه لم اتمكن من السحب رغم تواجدى فى السعوديه والان اعطونى ميعاد جديد فى مايو من هذا العام كفرصه اخيره فى اراضى بحرى وارجو من لديه معلومات عن الخطه الفئويه فى بحرى يمدنا بيه ولكم شكرى

سيد محمد احمد ( ابو السيد )

يعنى دى بس الغلبتك

الى الاخ العزيز سيد محمد


لك التحية والسلام والتقدير لهذه الافادات القيمة ,سؤالى ياتى بناء على المعطيات ادناه :




1-اساس لعدد 6 ادوار .
2-قطعة ارض بمساحة 400 متر2
3-الموقع على شارع رئيسى
4- المنطقة (راكويت - جبرة - الحتانة) او اى منطقة بمواصفات المناطق المذكورة
5- البناء يتم على مراحل تبدا بتشطيب الدور الارضى والاول ز
6- الدور الارضى يكون دكاكين



المطلوب :


1-متوسط اسعار قطعة الارض فى المناطق المذكورة
2- اقصى مساحة يمكن بناءها اذا كانت مساحة القطعة 400 م2
3-عدد الشقق (3 غرف 2 حمام) التى يمكن باءها فى الدور الواحد
4-تكلفة بناء الدور الارضى والاول (اسكلتون فقط)
5-تكلفة تشطيب الدور الارضى والطابق الاول.
6-جدوى توفير بعض مواد البناء والتشطيب فى هذه المرحلة من الخليج
7-الطريقة المثلى لنظام الصرف الصحى بالمبنى.

لك الشكر مسبقا

اخوى الغالى العزيز0000000000000000000على محمد على بشير


وحياتك ياغالى ما يغلى عليك شىء لو كان عندى فكره عن موضوعك ولو كلفنى اسافر ليك


السودان، وانا بحرى دى رغم حبى ليها الشديد ما بسأل حتى عن قيمة الاراضى الا المزارع


عشان داير اكون فى ارزل العمر مزارع واكل مما ازرع وبدون كيماويات0



بس شوف اخر مره سالت عن المزارع قالوا لى ممكن مع البحر (النيل) لحدى 15 مليون


العشره فدان وفوق يعنى شرق السكه حديد والمويه ترعه 10 مليون واقل وبالمناسبه دى


استلم قطعتك وقول لى عشان اكون جاركم والمثل ( الجار قبل الدار )



ربنا يوفقك فى واحد ملم بس ما تنسى تنور المداخلين للفائده العامه



تحياتـــــــــــــــــــــــــى للجميـــــــــــــــــــــع


اخوكم / ســـــــــــــــيد

ياخوانا مسئولين من الخير : لؤي وين؟؟
رحل ولا شنو؟؟ نغير ليك الموقع يالؤي إلى ناصية ومنتزه قدامك ، ماتزعل ،،

======

أبو السيد/ والله سيدا ومقددا ، واصل في إتحافنا بمعلوماتك ، وما تخاف حنزيدك على الأسهم نسبة إدارة ،، إنكرب بس،،

تحياتي للرائعين الذي تواصلوا معي بالهاتف ، والله يا أبو السيد فيهم ناس طلعوا أقارب ،، هكذا هو التواصل ، هكذا هو الأدب الجم في التعامل : محمد أمين (متابع بشدة منخارج البورد)وعلى فكرة كثير من أفكاره موجودة معنا / أبو عثمان / الحلاوي / عبد الله عبد الدائم / العزيز زول (ماساهل)ساكت / وجميع المتداخلين والمتصلين هاتفيا ، اقدم لكم شكري وتقديري وإحترامي الشديد لرغبتكم الصادقة في تبادل المعلوماتوالخبرات ، وهاهو الأخ أبو السيد يتحفنا كل يوم بتجاربه الشخصية الثرة دون تردد ،،

هذا البوست نموذج لكيف يكون الحوار والتبادل ،، كل له وجهة نظر مختلفة لكن دون تعصب لها إن كان هناك من أثبت العكس ،،
تحياتي،،

الأخوان الاعزاء عبدللطيف -سيد

التحايا النواضر

شكرا للاخ لؤي الذي استضافنا في هذا البوست الرائع والظاهر في الاخر عمل بمبدأ الدار داركم ومشي وخلانا في بيته ................

هذا البوست المريح البعيد عن الشد والخلاف والتهاتر يشجع علي التواصل في هذا المنتدي الفسيح

شكرا سيد علي اتصالك وساعاود الاتصال عليك في القريب وكذلك علي الأخ عبداللطيف لمزيدا من التواصل والتقارب

شكرا لللجميع ولكل الذين شاركو في هذا البوست الحميم والشكر اخيرا للأخ لؤي الذي اتاح لناهذه الفرصة الطيبة للحوار الراقي والهادف

واجعلوا الود متصلا"

مع تحياتي

متابعييييييييييييييييين

ومستفيديييييييييييييييييين


واصلوا ياجماعه

فوق ...

الاخوة والاخوات تحياتي لكم جميعا

ويا عبداللطيف انا موجود ومتابع وابو السيد ما قصر ادانا معلومات هامة
سانزل ليكم اليوم اعلان لبيع قطعة ارض بجبره ان شاء الله

تحياتي للجميع ومتابعين كل ما يكتب بالبوست وبالجد الواحد بستفيد منه بس في صمت

الدار دار الآخرة ياخوانا...





مثل من جنوب ماربيا..

Quote: مثل من جنوب ماربيا..

فوق

ف ف ف ف






و و و و




و و و و




و و و و





ق ق ق ق ق الى ان اعود


تحياتــــــــــــــــــى

ســــــــيد مســـــــى

نتابعكم بصمت

وفوق

وين با بو صلاح

منتظر مكالمتك ، وآسف لم استطع الرد عليك حينها للمشغولية،، أرجو المعذرة،،

الأخ عبداللطيف والأخوان يومياً بفتح البوست لأقرأ آخر المستجدات والتطورات في دنيا العقار . على كل حال محتاجين لمعرفة أسعار المواد طن الحديد والأسمنت والطوب الأحمر والرملة .
وأنا شخصياً ببحث عن شركة أو مهندس تنفيذي أمين وزول ودبلد عندو ذمة عشان أبدأ معه ومستعجل على التنفيذ ( الهيكل لثلاثة طوابق ) وبعدها تشطيب الدور الأرضي وتكملة سايفون .
ولكم عظيم امتناني لكل من ساعدني في ذلك ولن يضيع الله أجر من عمل خيراً,
ولكم تحياتي.

up

الا خ سيد محمد احمد ....تحياتى.
ممكن القى 250 متر مربع..بسعر مناسب...الموقع غير شرط..
اذا لم يكن لديك مانع ارجو التنسيق على العنوان التالى[email protected]
مع شكرى.
عبد اللطيف

up

اخوانا الاعزاء المكتوين بنار الغربه والبناء


اشواقنا ليكم بحور وانا حامد قدروا انو جمعنى خلال بورداب الرياض بمن كنت امنى نفسى

بلقيائهم، وكنت اطمع لعدد اكبر لانى وصلت وانا مشحون بهموم اخوتى المداخلين لنستفيد

من بعضنا، وان كانت بيننا نواقص ان نكملها لنعيش جميعا سعداء، وطبعا احضرت معى خريطة

امدرمان للذين وعدتهم وكانوا من الغائبين0

اخونا الزول والله لحدى ما ركبت السياره بسأل عنك وانا على الوعد0

اخونا الحلاوى ربنا يوفقك وتبنى ونحن نلحق الكرامه باذن الله0

اخونا صلاح الحبيب اليوم دورتك والقلم ما قصر دلانى عليك ونعمت بك اخا وصديقا0

اعزائى طلب خاص ، لكل من يجد معلومه يفيد الاخرين والهدف واحد ، ومدماك ، مدماك

بنبنى حتى السحاب0

هنيئا لى بكل من عرفته فى اللقاء وعقبال ما نجمع فى الباقين0


تحياتــــــــــــــــــــى قدر الحيشــــــــــــان


اخوكم / ســـــــــــــــــيد

الاخوه سيد
و عبداللطيف
والجميع
تحياتى

Quote: ومدماك ، مدماك بنبنى حتى السحاب0

عباره حلوه عجبتنى
وعقبال يعجبنا جميعا
استلام المفتاح
بعد التشطيب

الأخوة الكرام أرجو إفادتي برأيكم في مخطط نبتة السكني .

Quote: اخونا الزول والله لحدى ما ركبت السياره بسأل عنك وانا على الوعد0

اخوي سيد بارك الله فيك والله على السؤال

اصبت بوعكة خفيفة ذلك اليوم منعتني من الحضور

للأسف مافي حد غيرك سأل وفيك البركه ياابوالسيد ودا معدنك الاصيل
وطالما اننا في الرياض
اكيد حنتقابل تصدق امال وطول آجال ونتقابل

مؤقتاً لكزه بس هنا 0509450968

الأخوة الأعزاء تحياتنا وكفارة لك يازول ياماساهل ، وأبو السيد شوقتنا لملتقى البورداب لكن مالهم شايفهم متشاكلين تمبس وود قاسم ؟؟؟

الأخ الحلاوي أسعارنا طازة من الفرن :
الحديد 1.600.000 جنيه للطن
الأسمنت (المتواجد مصري 500.000 إلى 510.000 جنيه للطن)
الطوب : 340.000 اللوري (به 3500 يعني تقريبا الألف بمائة ألف) بس ماتسألني تقولي لي الف الطوب فيه كم طوبة!!!!!
الرمل 110.000 جنيه 6م مكعب
رملة الخرسانة 140.000 جنيه 6م مكعب
رملة الخرسانة 18م3 = 750.000 جنيه
الخرسانة : 750.000 جنيه 18م3

ياحلاوي : داير زول يبني ليك أنا كلمتك والله العظيم الشخص القلتوا ليك د1 100% ،، أقسم لك بالله الزول دا قاعد يبني لي هسي دون ما أكلمو : قال لي عاملها ليك مفاجأة : ياخوانا الراجل قفل البيت بالطوب (( طبعا أنا واقف بعد خلصت هيكل الأول)) ، ولازم أبر هذا الرجل على أمانته بأن أقدمه لكم أخوتي الأعزاء ، وعندي مهندس مشرف علي جميع أعماله ويرفع لي تقارير بصورة دورية ومرتاح جدا لإنجاز هذا الرجل ، والله على ما أقول شهيد ،،

ونتابع

ياجماعه كتر خيركم والله المعلومات قيمه نحن من المغتربين الغلابه ممكن زول يفيدنا فى

السكن الشعبى الجاهز ؟ لانة والله البناء دة مابقدر عليهو فهل من مجيب؟ وسلامى للجميع

سلامات يا لؤي، سلامات يا متداخلين يا متخصصين،

المغترب المتفلهم قال لي أهلو داير يبني أحسن بنية والجماعة بدوا البنيان لما وِصلوا العتب زولكم فنَّشوهوا ضرب لي أهلو: أها البنيان وِصِل وين؟ قالوا ليهو وِصِل العتب، قال ليهم: أسقِفوا علي كدا.

ما شاء الله عليكم باين سقف معلوماتكم فايت العتب بي مراحل، أمَّا نحنا فالعتب على الفهم. أكيد جايِنَّكم لكين نصيحة أخوية: الفي الخليج (خصوصاً الفي السعودية) أحسن ليهم خميرتهم يستثمروها في واحد من صناديق المتاجرة بالأسهم السعودية (الأمانة، فالرائد، وقالوا البلاد حا يكون خطير). أنا ما مسئول أنا ناصح بَسْ وغايتو يا سقفتوا (بعد سنة) السقف الدايرنو يا وِصلتوا الساس وسقفتوا علي كدا.

أقعوا الصناديق، اقعوا الصناديق. أها، قصَّرت معاكم؟ تردوها لي نصائح لمَّا أجهز (بعد خرف وقيل بعد سخف)

تحيَّاتي.

مرحبا عادل تحياتي وتقديري ،،،

ياخي شنو عايز تقطع قلبنا المقطوع اصلا

Quote: أحسن ليهم خميرتهم يستثمروها في واحد من صناديق المتاجرة بالأسهم السعودية (الأمانة، فالرائد، وقالوا البلاد حا يكون خطير). أنا ما مسئول أنا ناصح بَسْ وغايتو يا سقفتوا (بعد سنة) السقف الدايرنو يا وِصلتوا الساس وسقفتوا علي كدا.

يااخوي رأيك شنو في صندوق الرياض 2 ..؟ ونصايحك العامة اذا عندك خبرة في الموضوع لانه عايزين الناس تستفيد ..مادام في فرص انو الواحد يزيد رزقوا بالحلال

غايتو اليوم ضحكتني ضحك شديد حكاية يا وصلتوا الساس وسقفتوا على كذا

تحياتي

اخوانا وحبايبنا الباحثين عن الاستقرار والامان فى الدار


التحيات انهار والاشواق بحور


اخونا سيف النصر سالت ليك عن نبته واحد كان عاوز يشترى وقال عرضوا ليه ب64 مليون


لكن ما اشترى0


الموقع خلف كافورى وشرق مصانع بحرى0 ( حسب معرفتى للمنطقه انها كانت مزارع )



عزيزنا عبداللطيف بكرى اسعارك الطازجه دى ربنا يزيد فى استوائها وتنقص عشان


نكمل الاعمال ونعمل لقدام ( دى مرادفه لمدماك مدماك نصل السحاب)


اخونا عادل البدوى والله سعدت بالنصيحه ودى ممكن للعذابه مؤقتا، لكن ناس الحمل


ديل بدون دار احسن يبحثوا عن دار الاخره ، وتلحقهم لعنات الاطفال بعد التشرد لانو مافى


واحد بحمل اولاد غيروا الزمن دا، وخليهم فى استثمار الدنيا والاخره مؤقتا وما فاض


يشوفوا صندوق الرائد او صكوك شهامه وانا اولهم لانى خايف من بكره0


برضوا بامل نصائح عن الاستثمار وعلى ما اعتقد فى بوست مفتوح ليهوا وربنا يوفق


من فاده واستفاده ، وللحقيقه انا اول المحتاجين لنصائحك فلا تبخل وانا فى الانتظار


مع خالص شكرى وتفديرى0


تحياتــــــــــــــــــــــى للجميـــــــــــــــــــع


اخوكــم / ســـــــــــــــــيد مســــــــــــى

اخونا السيد
البوست ما شاالله وصل رقم اتنين
ونحا لسة ما بنينا ..
رايك شنو في الاقاليم
انا عايز اسيب فكرة الخرطوم
واسافر لمحلة فيها
خضرة .. ونقاء
الدمازين كيف والكرمك ؟؟

اها ياجماعة الخير
نمره واحد استلمت خريطة امدرمان من الهمام سيد ولد سيدنا
وتأكدت انو في مربع 24 قريب جداً من الخرطوم واقرب من احياء في امدرمان الجيدة


نمره اتنين في نفس اليوم استلمت خرطةو تقديرات للمواد مسعره
وساحاول ان انزل الاسعار غداً باذن الله

تسلموااااااااااااا

اسعار امس

الف الطوب=100الف
طن الاسمنت=500 الف
الخرصانة متر مكعب=50الف
حديد التسليح 10ملي=15الف للسيخة
حديد التسليح 12ملي=25الف للسيخة
الرمل متر مكعب=30الف
الحجر متر مكعب=30الف


طبعاً اسعار بالحبة للناس الزينا ماناس المسلح والاعمدة

وربنا يهون القواسي عايزين نغمض ونشرب الدواء

*

إعلان

للجادين فقط

قطعة ارض درجة اولى ناصية
مربع 54 ابوسعد
المساحة 450متر مربع

خالية من الموانع

35متر من الشارع الجنوبي(شارع رئيسي)
480 متر من الشارع الشرقي الرئيسي امتداد شارع الدويم

كل الاوراق سليمة ومضمونة

عرتضها على التجار قالوا بين 26 و28 مليون
رغم انها تعدت التلاتين قبل فترة وذلك بسسب الركود

من لدية الرغبة يتصل 00966509450968

زول ساكت تحياتي وتقديري ...

اها يا اخوي قول لينا مبدئنا عايز كم ؟ ما دامت الاوراق سليمة ومضمونة
هناك اكثر من شخص متابع للبوست جاد في الشراء وطلبوا مني ان تكتب لهم سعرك مبدئيا ..


تحياتي ،،،

Quote: زول ساكت تحياتي وتقديري ... اها يا اخوي قول لينا مبدئنا عايز كم ؟ ما دامت الاوراق سليمة ومضمونة هناك اكثر من شخص متابع للبوست جاد في الشراء وطلبوا مني ان تكتب لهم سعرك مبدئيا .. تحياتي ،،،

الاخ الفاضل لؤي
تحية طيبة لك ولمن معك

طبعاً زي ماقلت ليكم انا عرضتها على السمسار الاشتراها لي نفسو
قال لي من 16 الى 28 مليون لو عايز تبيعها

لو في اي أحد من الاخوان لديه رغبة يمكن التفاوض
بعد ان يتصل على اي واحد من طرفة يتاكد من المعلومات دي على ارض الواقع

والله القطعة ممتازة ولولا انني اتتفت مع المقاول على بنيان قطعة اخرى وقلة الحيلة
ماقطعة تتباع

اخونا العزيز الزول الماساهل

اولا شكرا اعلانك وصول الخرطه وانشاء الله عقبال خرطة البيت ونشوفك تبنى ، لان

همى الوحيد الان انو اى واحد يعمل دار لزوم الاحتياط للزمن والاسره، وبالمناسبه موضوع

الاسعار دى عندى رأى فى بعضها خصوصا الرمله والخرصانه والحجر بالمتر المكعب، لانو كلنا

بنعرف الاسعار حتى الان بالدور وربما المقصود سعر الانشاء ودى برضها فيها انه0

لكن اسمع كلام اخوك وابنى المسلح وبرضوا موجود حلول للبسطاء وعشان تكسب رأسك

فى المستقبل واولادك بعد الزواج ما يسكنوا كردفان او اعالى النيل او البطانه دا كان

ما وصلوا دنقلا وضواحى حلفا، المهم انا بكون ليك بالمرصاد واحرضك لحدى ما تعمل الفى

رأسى وتتزكرنى فى جلسات العصر بعد ما نحمل العصا، ما تشيل هم والقدم ليهو رافع والبناء

ليه مساعد بس اعقلها وتوكل0

عزيزتنا عشه بنت فاطمه والله ما اجمل الطبيعه فى بلادنا والسكن فى الضواحى وانا

شخصيا شايف نفسى من سكان كسلا ودنقلا ، والعاصمه دى كان ما المركز الادارى كان فارقناها

زمان ، المهم لو لقيتى قطعه هناك قولى عوووووك وما اجمل العشره فى تلكم ديار0

صلاح الدين الحبيب دى نقطة نظام؟ فهمنا يارجل؟ وكان نقطة التقاء تكون ما اجملها

ويمكن وجدت ضالتك فى اسعار اخونا الزول، المهم بالتوفيق وهاك هاك يالبناء جيناك0


خالص مودتى لكل المتداخلين 0000 تحياتــــــــــــــــى


اخوكم / ســــــــــــــيد

سيد محمد سيد سيدنا أخونا الشهم كلامك كله في المليان مشكور منكم نستفيد واااااااااااصل

اخونا سيد والاخوان جميعا تحية طيبة

متابعين البوست والله وناس الوجعة بجواري الان - القاعد يبني ..والناوي يبني ..والخايف من البناء وعايز جاهز ..

برضوا شكرا للاخوان الادونا اسعار المواد طازجة اخونا زول واخونا صلاح ..

تخريمة
واحد بجواري حلف قال كان كده المقاول سافيهو سف ..

طبعا ياسيدي ما اصلوا حق المغتربين دا حلال

الاخوة الكرام

السلام عليكم ورحمة الله تعالى وبركاته

شكرا على المعلومات القيمة لامر يهم كل المغتربين

ياريت تساعدونى عاوزة اعرف اسعار الاراضى السكنية التى وزعت للزراعيين

فى منطقة شرق النيل سنة 1999 ؟

طبعا الزملاء عملوا لى كل الاجراءات بعد تحويل الرسوم الخاصة بها

كلما سمعته ان كبرى المنشية الجديد زاد من اسعارها

هل من معلومات عنها؟

ولكم الشكر والتقدير

انتصار

Quote: اسعار امس الف الطوب=100الف طن الاسمنت=500 الف الخرصانة متر مكعب=50الف حديد التسليح 10ملي=15الف للسيخة حديد التسليح 12ملي=25الف للسيخة الرمل متر مكعب=30الف الحجر متر مكعب=30الف

يا سيدنا....اخوك ما فاهم التكتح في كلامكم دا بس قول لي اذا عايز ابني مسلح
طابق واساس لي طابق لي الطويله بحتاج من الكيمان ديل كم...عشان اشوف...امكن ارجع
لي راكوبة وزير وعنقريب ويا دار ما دخلك طوب....واحسب لي حساب الزول المسيكين

اخونا الغالى نزار حسين

ما يغلى عيك شىء انا ماكتبت الاسعار ودى جابها اخونا الزول ووصلته طازجه

حسب ما ورد وعلقنا عليها لكن لو مصمم تدخل الدهاليز احسن تكلف نفسك شويه وتراجع

البوست بتلقى ضالتك تحت السدابه عند الكورنر وطوالى تبنى المهم تشحذ همتك شويه

وتحضر الكنجالات وكل شىء يهون0


عزيزنا الفحل عبداللطيف اهو اسعار الاراضى براها اصبحت تقول انا هنا فهنيئنا

لك بارض معروف صاحبها وبعد كده اذا مصر بنفتش ليك تلغونات اصحابها، اها قصرنا0

اخى محمد الامين موسى افتقدناك اليومين دى ، ياراجل ما تخلينا برانا ذيدنا

ونورنا نور الله ايامك0 ( انشاء الله نطلع جيران فى جنوب امدرمان)


تحياتــــــــــــــــــــــــى


اخوكم / ســـــــــــــيد

Quote: وتحضر الكنجالات وكل شىء يهون0

الكنجالات يطيرن في السماء تراهن مغلبات المخلوق لا حدو

ومخلياتننا نظبط في المنبه في كل بلد...ويعلم الله مسّخن علينا
كأس الكؤوس الافريقية....

اها كدي انت اديني رقم تقريبي للبداية...وأوعك تطلع من المية مليون
طوالي بطرش ليكم في البوست دا...

وبعدين انا قريت البوست كلو ولقيت الارقام وما نفعنّي...داير لي حكيما
شاطر يديني وصفة ان شاء الله دواء بلدي...نوع حرجل ومحريب...

ومبلغ الميتين مليون المذكورة هناااااك دي ,هنا بتبني لي فله وتجيب لي ايجار الفين دولار
دحين ما احسن لي ابنيها هنا...كان عندي...وهنا دي بقصد المنامة...

دحين طالبكم طلب فيه يفتح الله ويستر الله تدوني رقما يجبر بي خاتري وما تحبطوني...انا براي
متحيل...بلا رقشات بلا كتاحة بلا حر بلا الكهرباء قطعت...ديل عليك الله تعمل ليهن حساب معاك


شاكر لك من اعماق قلبي في كل الاحوال ويبدو انك اخو اخوان هميم

الأخوة المتداخلون
نشكركم جزيلا على المعلومات..

هناك إستفسار وأسأله للمتنبؤون بالأسعار ومؤشرها..
ما رأيكم بالشــراء هذه الايام أم يفضل الانتظار قليلا
ريثما تنخفض الاسعار أكثر.؟؟ .....

اخي سيد .. لك الود والتقدير ...


ابو السيد الآن وبحمد الله داخل على مرحلة التشطيب وبيتي في منطقة الشهيد طه الماحي بــــــــما تنصحني .. رغم انني رأيت ان اشحن الابواب والشبابيك من هنا .. يعني التشطيب هناك كيف وماهي المواصفات الجيدة من سباكة وكهرباء وخلافه .... لك الشكر ....




ود الباوقة

اخــر العمر طويلٌ ام قصير ...كفن من طرفِ السوق وشبرٌ في المقابر...

اخوانا الاحباء واصدقائنا المكتوين بكمائن الطوب

تحية اخوه صادقه

اخونا العزيز نزار حسين زمان المقوله اطلب العلم لو فى الصين والان عمر بيت

الدنيا فى الخرطوم، ودى طبعا شرحها بسيط لانو مهما جلست فى العين لازم ترجع للقلب فهو

الحنينن، كده المائه دى باصرها وقول يارب وربنا يوفق0

عزيزنا حاتم معروف الاراضى دائما ترتفع من الناس الغير متابعه وعاوزين يشتروا

وبس، ويوكلوا ناس يشتروا ليهم لان سيادتهم غير عارفين حتى شوارع الخرطوم، والجماعه

المستريحين وللاسف هم بعض المغتربين عشان كده دائما لاتشترى فى الاجازات والان تقريبا

احسن ، بس اوعى من شهر اغسطس لان الجماعه والطماعه كلهم بهناك0

ودالباوقه العزيز مبروك الخروج من النفق المظلم، والابواب هنا اجود والاشكال احسن

ولو حسبتها حتى الوصول يمكن الفرق بسيط وستستفيد من التميز، وحتى ادوات السباكه

والكهرباء لو اشتريتها لازم تضع فى حسابك الاستاندر حسب ما يوجد فى السودان لزوم

المستقبل والصيانه0

اخوتى الاعزاء تواصلا للمصلحه العامه من يستطيع ان يوفر بعض الاشياء من بلاد الغربه

سوف يكسب وقته فى السودان من مماطلة الصناعيه وطاقبة دا مع دا وتميز الموديلات لزوم

الرفاهيه فى المستقبل0

تحياتـــــــــــــى للجميـــــــــتع


اخوكم / ســـــــــيد مســــــــى

Quote: كده المائه دى باصرها وقول يارب وربنا يوفق0

مية مليون...حتة وااااحدة كده...دي يشيلوها في كم شوال...
بي حسابنا هنا معناها170 ألف ريال تزيد أو تنقص قليلا...

يا زول دا مال كتير خلاص...كان كدي بوستيكم دا ...أعتبروني
فيه من ابناء السبيل...او العاملين عليه...

ما لينا الا ننتظر الفترة الانتقالية دي تنتهي...ونشوف...
الجبادة بتجيب شنو؟

عموما واصلو بوستكم دا...فهو اصبح حديث المنافي...فحيثما
ذهبت الناس تتونس بيكم وبي بوستكم يا سيد..ربنا يوفقك
لهداية الاعضاء والمتفرجين لبناء البيت الحلم...اما انا فقد ترجلت
لامن الم لي قريشات وانضم تاني...

الأخ سيد تحياتنا لك وعظيم امتنانا
سبق أن طرحت موضوع الهيكل لثلاثة طوابق وكنت عاوز رقم للهيكل مع تشطيب الدور الأرضي ، بعض الأخوان نصحوني بأن أعمل هيكل لطابقين وأشطب الأرضي لأن الناس في السودان ما بفضلوا يأجروا في الطابق الثالث فما رأيك ؟؟ وأديني رقم لتكلفة الهيكل لأثنين + تشطيب الأرضي . وجزاك الله خيراً ( ما حقت الكيزان ) وإنما من باب من قال جزاك الله خيراً فقد أحسن في الثناء.

اللهم بارك وزدللكل
والماعندو الله يديه



ولكن الاحظ ان اغلب الناس ناس عمارات ساكت(ماشاءالله)

طيب ناس اوضين خلف خلال والصالون فيما بعد يعملوا شنوا؟؟؟؟؟؟

ام هم من زمن مضى؟؟؟؟؟؟؟؟؟؟



وفوق
ونتابع

والله لو ما خايف نختلف كان عملت ليكم إجتماع عديل كدا واخترنا لينا شيخ حارة للتخطيط والتصديقات ، ومعقب للمشاوير الحكومية ، وشيخ غفر لحماية الحيشان التلاتة ،

سعدت كثيرا بمقابلة أخ عزيز متابع من خارج البورد وسبق أن أشرت إلى أن أفكاره دائما بيننا هو الأخ / محمد أمين ، وهو صاحب تجربة كبيرة في عمليات البناء والتأجير ، قمنا بزيارة لمصنع الأبواب فهناك خيارات عديدة وظريفة جدا توافق كل الجيوب ، بس عايزين معلومات عن الجمارك في السودان للأبواب،، فالكل يتحدث عن وجود انواع كثيرة منها وباسعار متفاوته ،،

وإلى الأعلى ،،

الأخ سيد سيدنا

لك الشكر الجزيل على المعلومات المفيدة وعلى التنوير الهام ...

طبعا يا سيدى اطمعتنا فى كرمك ولذا تحملنا للاخر

ولى استفسار

فقد وعدت بقطعة فى ابوسعد مربع 48 ولكنى اجهل اى شىء عن ذلك المسمى والبعض يقول انه قرب جبل اوليا غربا ولست ادرى ...

هل لك ان تنورنى عن تلك المنطقة واين موقعها وكم تبعد عن العمار ام انها بدات تعمر ؟؟

لك تحياتى

Quote: فقد وعدت بقطعة فى ابوسعد مربع 48 ولكنى اجهل اى شىء عن ذلك المسمى والبعض يقول انه قرب جبل اوليا غربا ولست ادرى ... هل لك ان تنورنى عن تلك المنطقة واين موقعها وكم تبعد عن العمار ام انها بدات تعمر ؟؟ لك تحياتى

الاخ قرشو

تحية غليدة

ومرحب بك هنا وفي ام درمان

مربع 48 درجة تانية يقع جنوب غرب جامعة ام درمان الاسلاميه
وهو مقابل لصالحة الجديده من جهة الشمال يعني اقرب من صالحة
وهي منطقة موعودة

الاخوه الاعزاء المتابعين

اتحفنا اليوم بمداخلات جميله مضمونا ومعنى وذلك ما يدفعنى ان اواصل قدر ما اتيحت لى

الفرصه لافيد واستفيد ولكننى حزين انه حتى الان لم يطل علينا اى انشائى او معمارى ليصحح

ما ابداه الاخوان وشخصى ، ولازال املى كبير0

مداخلات الاخوان تعودت وبدون مقدمات ان ارد عليها وديدنى فى هذا الفائده العامه، واصبح

البوست مع كبايه الشاى وامنياتى ان اشوفكم ساكنين0

اخونا نزار حسين شوف القروش ما بتتلم ولو ختيته وين لكن اذا دفنتها فى الارض حتذكرنا

يوما ما ودى العمليه الوحيده فى الدنيا اذا ما بديت لن تنتهى والتوكل على الله دوما يرزق

الطير فى السماء ، واذا انتظرت الفتره الانتقاليه وانت ذاتك اتنقلت قبلها بتقبل وين ؟

ياخى اعقلها وتوكل وبعدين تتذكر، وابنا السبيل دى لو ما ختيت ورائها العاملين عليها

قلنا خلاص لقينا جار ونحن ماشين سوق ليبيا نمر عليه، خلينى فى الحلم الاخير دا0

عبد الرحمن الحلاوى حاعمل ليك حسبه فى مداخله ثانيه والمهم فى الطوابق التاسيس وبعدها

كم طابق متروك لظروف الشخص واهم شىء عندى حفظ الاسره والتاجير فكره متاخره0

اخى صلاح عبدالله الاوضتين دى بتكلف كم؟ وبالجد اصبحت حتى عند المعدومين منسيه لان الاسر

كبرت والاولاد حيزوجوا ويمكن الظروف ما تسمح ببعادهم عند الكبر وامور كبيره ولا تحبط

يارجل وكل مداخلاتنا بنحاول نعمل الافضل ونشجع عليه وكل واحد يتغطى بلحافه0

قرشو العزيز مشكور على ما ذكرت لكن وصيه اصبحت ارددها كلما دخلت الموضوع هى عدم

الاعتراف باقوال الغير لانهم دائما يضللوا الواحد ومربعك دا اقرب للخرطوم من وسط امدرمان

ومن بيتك بتشوف القوز والرميله والعززاب والمقرن ، قال جبل اولياء قال0

بالضبط نهاية الجامعه الاسلاميه من الجهه الغربيه وبرسل ليك الخريطه بالبريد لكل الاخوان

بالغربيه واخونا الزول الماساهل وصفها لك كما ذكرت ، وللعلم حتكون اكثر واحد مستفيد

مستقبلا لان كل المواد تحضر من اماكن قريبه لكم(الخرصانه الرمل الردميات) وحتساعد فى رخص

المشتريات0

زولنا العزيز كده الاخوه ولا بلاش دائما ساعدنى فى التوضيحات والحمد لله انك شفت بس

انس قصة عارضها للبيع وخليك شغال بنفس الرتم السابق وخلى الارض رصيد للايام والتوفيق

بالله0

اعزائنا الاعزاء ساعدوا بالاراء يساعدكم الله وحثوا الاخوه المعارف المهندسين لمدنا

بافكارهم ولو عن طريقكم ان كانوا من غير المنتسبين0

تحياتـــــــــــــــــــــــى لكـــــــــــــــــــم

اخوكم / ســـــــــيد

يا سيدنا...يعني نتوكل ونبدأ...
طيب ما عندك خريطة جبرة مربع 18
عشان ابدأ من حتتي دي الخريطة
والتخطيط...يا زول خوفتني عديل
كده؟

وبالعدم الازهري مربع خمسة..

اي خريطة مربع فيهن بتكفي

وايميلي

[email protected]

الإخوة الكرام بالسودان أرجو الإفادة حول قطعتين متجاورتين بقرية هجليجة (بجوار الصالحة جنوب أمدرمان) بمربع واحد مساحتهما 860 مترا ومسورتين وبكل منهما مطبخ 3.5 في 3.5 متر.. كم تبلغ قيمتهما الآن في السوق؟
ولكم أجمل التحايا والتهاني بمناسبة انخفاض أسعار الأسمنت.

الأخ محمد الأمين مشكور على اتصالك وقد أثلج صدري وسأقوم بالإتصال بالأخ التوم . وتقبل تحياتي

الى الاخ العزيز سيد محمد


لك التحية والسلام والتقدير لهذه الافادات القيمة ,سؤالى ياتى بناء على المعطيات ادناه :




1-اساس لعدد 6 ادوار .
2-قطعة ارض بمساحة 400 متر2
3-الموقع ع%E

الى الاخ العزيز سيد محمد


لك التحية والسلام والتقدير لهذه الافادات القيمة ,سؤالى ياتى بناء على المعطيات ادناه :




1-اساس لعدد 6 ادوار .
2-قطعة ارض بمساحة 400 متر2
3-الموقع ع%E

الى الاخ العزيز سيد محمد


لك التحية والسلام والتقدير لهذه الافادات القيمة ,سؤالى ياتى بناء على المعطيات ادناه :




1-اساس لعدد 6 ادوار .
2-قطعة ارض بمساحة 400 متر2
3-الموقع على شارع رئيسى
4- المنطقة (راكويت - جبرة - الحتانة) او اى منطقة بمواصفات المناطق المذكورة
5- البناء يتم على مراحل تبدا بتشطيب الدور الارضى والاول ز
6- الدور الارضى يكون دكاكين



المطلوب :


1-متوسط اسعار قطعة الارض فى المناطق المذكورة
2- اقصى مساحة يمكن بناءها اذا كانت مساحة القطعة 400 م2
3-عدد الشقق (3 غرف 2 حمام) التى يمكن باءها فى الدور الواحد
4-تكلفة بناء الدور الارضى والاول (اسكلتون فقط)
5-تكلفة تشطيب الدور الارضى والطابق الاول.
6-جدوى توفير بعض مواد البناء والتشطيب فى هذه المرحلة من الخليج
7-الطريقة المثلى لنظام الصرف الصحى بالمبنى.

لك الشكر مسبقا

Quote: قرشو العزيز مشكور على ما ذكرت لكن وصيه اصبحت ارددها كلما دخلت الموضوع هى عدم الاعتراف باقوال الغير لانهم دائما يضللوا الواحد ومربعك دا اقرب للخرطوم من وسط امدرمان ومن بيتك بتشوف القوز والرميله والعززاب والمقرن ، قال جبل اولياء قال0 بالضبط نهاية الجامعه الاسلاميه من الجهه الغربيه وبرسل ليك الخريطه بالبريد لكل الاخوان بالغربيه واخونا الزول الماساهل وصفها لك كما ذكرت ، وللعلم حتكون اكثر واحد مستفيد مستقبلا لان كل المواد تحضر من اماكن قريبه لكم(الخرصانه الرمل الردميات) وحتساعد فى رخص المشتريات0

شكرا ابو السيد

حقيقة انت طمنتنى جدا جدا وعلى كلامك ده انا لازم اشد حيلى وابدأ فى البناء فورا بس بينى وبينك الواحد لو ما شاف بى نفسه ما يطمن للبناء..

دعواتك معانا نمشى باسرع مايمكن وان شاء الله نتلاقى هناك ونكون جيران ولو بالشارع

الله يديك العافية ويخليك لينا وللاحباب البورداب ..

up

صورة لوسط وجنوب ام درمان

والتي ارسلها الاخ سيد محمد احمد

تم توضيح مربعات جنوب ام درمان لكم جميعاً خاصة الاخ قرشو

الشكر مكرر للاخ سيد

الاخوة سيد محمد أحمد والمتداخلين,

حاولت أحدد المنطقة في ام درمان التي تقابل كبري العزوراب الجديد بالضبط بنمرة المربع,

وحتى الان لم أستطع التحديد بالضبط

الرجاء من الإخوة الإفادة عن المنطقة والاسعار السائدة بها.

مع خالص شكري


أحمد الشايقي

الاخوه الاعزاء المتابعين

سعدت كثيرا اليوم وانا ارى اخى وصديقى العزيز قد ازاح عن كاهلى بعض العناء فى

كيفية الوصول لاخوه بعيدين عن ديارنا ذلكم هو الزول الذى نصفه دوما انه زول ما

ما ساهل فى كل مداخلاتنا وبحق نطلب تعديل البروفايل0

الخريطه اكيد جيده للبعض لمعرفه امدرمان الكبرى ، وللحقيقه هى على الواقع الان

وربما ينقصها بعض المشاريع الجديده مثل كبرى العزوزاب والمطار الجديد وحسب ما

لدى وللفائده العامه، سيكون الكبرى مع نهاية الخريطه الاسفل بعد قرية الصالحه

بحوالى من 5 الى 6 كيلو فى اتجاه الجنوب ، اما المطار الجديد من الجهه الجنوبيه

الغربيه للخريطه خلف المنطقه المكتوب عليها مشاريع زراعيه بمساحه 80 كيلومتر مربع

ويوجد الاستاد الرياضى العالمى حسب المخطط فى المنطقه المنقطه0


شكرا كثير اخى الزول وربنا يعطيك بقدر ما تحب الخير للناس وفقك الله

مع امنياتى ان يستفيد الجميع ونحن رهن الاشاره0


مع تحياتـــــــــــــــى

اخوكم / ســــــــــيد

الاخوه الاصدقاء

نزار حسين

مشكور على البريد الاكترونى ويؤسفنى حقا اننى لا املك خريطه لجبره او الازهرى لكن

اذا محتاج معرفة شىء خافى عليك فلا يهمك ورقبتنا سداده وانا طبعا من سكان الامتداد

ولى معرفه كامله واقعيه للمنطقه 0

المهم ياراجل تبدا من وقوف الاخرين وربنا يجعلها دار امنه0

اخونا الغالى محمد الامين موسى

التحيه لك ومالك نحن نشجع الناس تبنى وانت داير تبيع ، المهم ما تنسى عمولة اخونا

الزول نزل الخريطه وسيوضح جادين وهجليجه على المخطط يعنى حيقوم بالدعايه وانشاء الله

البيع يكون لواحد من المشاركين فى البوست ، لا تنقطع0

عزيزى قرشـــــو

جاتك الخريطه براها كدى شوف الكلام القلتو امس صاح ، المهم تكون الصوره وضحت الان

والمنطقه المظلله اسود هى الجامعه الاسلاميه، واخونا الزول وعد بتوضيح الكتابات اكثر

مشكورا0

عزيزنا Reader7

موضوعك دال على انه فكره يعنى مافى ارض وسوف تشترى وانا ساحول بعض الاجابات قدر

معرفتى

مناطق اركويت وجبره وعلى الشوارع الرئيسيه، غاليه جدا فى اركويت لتميزها بشارع

الستين الرابط لجنوب الخرطوم ومدنى الى شرق النيل بكبرى المنشيه وكوبر الى اقصى

الشمال والمبانى فيها عمائر ولا استطيع تحديد سعر0

جبره من المناطق الماشه بسرعة البرق حسب علمى لانها برضوا الوصول اليها سهل مع الطرق

الجديده ومنطقه مكتظه الان ، اما الحتانه مررت بها بدون تفاصيل0

البناء فى مساحة400م لا يقل 220 او بعد تحديدك المسافات بين الجيران حسب الفكره بينك

والمهندس وناس التخطيط ، يمكنك البدء بما متوفر للدور الارضى ويفيدك ايجار المحلات فى

الطلوع اعلى المهم هنا استعمال مقاسات الحديد 16 ملم فى الاعمده والابيام فى الادوار

الارضيه تنخفض كل 2 دور اعلى، المواد من الخليج مع حساب الترحيل والجمارك مرهقه ماليا

والسودان متوفر فيه كل شىء ما دام المال موجود لكن ممكن الاكسسوارات وبرضها موجوده،

اما الصرف تحدده لجان التخطيط فى الاراضى اذا كان سايفون او شبكه حسب الموقع والصرف

الداخلى والسباكه شغل المهندس راسم الخرطه0

اتمنى ان اكون قد وفقت فى بعض الجوانب واكون قد اصبت ما تود معرفته0


تحياتــــــــى واسفـــــــى للاطالــــــه


اخوكم / ســـــــــيد

الأخ الكريم زول ساكت

على الطلاق انت ما زول ساهل

الف شكر على هذه الخرطة التى اراحتنى كثيرا ووضحت لى صورة كانت مختلفة تماما فى ذهنى وقد وضحها لى الاخ الكريم سيد شفاهة ولكن الخرطة قطعت قول كل خطيب وازاحت الظنون ...

طبعا انا فى المنطقة بتاعت مربع 48 والتى تكرمت مشكورا بتظهيرها وارى انها لا تبعد عن الكبرى كثيرا بل انها على مرمى حجر ( بقياس الخرط ) عن الكبرى وبالتالى لا تبعد عن كل المدن المحيطة والمرافق الهامة والضرورية ...

صراحة اسعدتونى كثيرا انت والاخ سيد بطمأنتى على هذا الموقع وده يخلينى اشد حيلى بقى فى حكاية التعمير والانشاء وهنالك عاوز دعواتكم معانا بقى والله المستعان ..

شكرى بلا حدود أحبتى لكم والله يديكم العافية ويجعل عونكم فى ميزان حسناتكم وقد جاء فى الحديث الشريف " أن الله فى عون العبد ما دام العبد فى عون أخيه" صدق رسول الله صلى الله عليه وسلم... اسال الله أن يكون فى عونكم دوما ...

قرشو الحبيب

Quote: على الطلاق انت ما زول ساهل

علي الطلاق انت تستاهل

يا جماعة الله عندي قطعة أرض عايز أبنيها قالوا لي تدفع 000ر825ر2 جنيه سوداني رسوم "مواقف"
Parking

سبحان الله ولا قوة إلاّ بالله.

سلامات يا لؤي ويا أهل العمار عموماً

قال العوض الطيب:

Quote: يا جماعة الله عندي قطعة أرض عايز أبنيها قالوا لي تدفع 000ر825ر2 جنيه سوداني رسوم "مواقف"

وبرضو تقول لي حال البلد ما واقف.

الحوقلة ساعدوها بي جَكَّة: اتحسبنو، البنو والما بنو.

العزيز العوض الطيب000000000000 نهارك سعيد


توضيح النقطه المذكوره مهم للفائده العامه0


تحياتــــــــــى وعقبال سفلتت ال Parking



اخوك/ ســـــــــــيد

علينا جااااااااااااااي

Quote: العزيز العوض الطيب000000000000 نهارك سعيد توضيح النقطه المذكوره مهم للفائده العامه0 تحياتــــــــــى وعقبال سفلتت ال Parking اخوك/ ســـــــــــيد

أخي سيد،

لدي قطعة أرض (تجارية) في مدينة يثرب مساحتها 125 متر مربع فقط
وأنا بصدد البناء فيها بإذن الله.
أوكلت أخي بذلك.
قال لي أنهم طلبوا سداد مبلغ "رسوم مواقف" Parking
وللأسف فقد ارتفع المبلغ الآن ليصل 000ر000ر6 جنيه
ستة مليون جنيه
فهل تصدق؟

سيد سيدنا
زول ساكت

الله يديكم العافية ويديكم الفى مرادكم

وانتوا قوم لن يشقى جليسكم ابدا

الله ينور عليكم زى ما نورتوا بصيرتنا

والله يلمنا معا هنالك فى وطن الحب والجمال

للراغبين في البناء بالعقد الليبي (بدون اعمده) ويتحمل طابق واحد

هذه تقديرات لبناء منزل عظم ثلاثة غرف وهول وصالون بصالة ومطبخ وحمام داخلي واحد
وصلتني امس كما يظهر في تاريخ الفاكس من مهندس مقاول وثقه وخبرة

يمكن تخفيض بيم العتب وذلك مايقوم به الكثيرين
ودمتم متواصلين

تحياتي للجميع

يا جماعة توجد قطعة ارض مميزة للبيع :
المكان : جبره مربع 19
المساحة : 300 متر
خلف عمارة الزكاة ..وانت ماشي على السكة حديد ..

والبيع بالطبع لاعلى سعر ..

up

الاخوه الاعزاء الاصدقاء 0000000000000000 صباحكم نور

دائما منورين البيت قبل ما نمشى ندخل الكهرباء ودا العشم فيكم نور الله طريقكم مادمتم

خير نور للاخرين 0

اخونا الزول الماهين ( غيرناها لزوم الطلب الجديد) والله اكثر من الشكر ماعندنا ياحماد

والموضوع بتاع البناء والاسعار دى فكتنى من ورطات كثيره للطالبين اسعار اهو جاهم بيت

كامل ومبنى والباقى العفش فالف شكر وانت عارف اخوك عاوز يقتبس ويضيف شويه عشان نبنى

بيت اخوى وحسب امكانياته ولو عاوز تكمل الجميل حاول ان تطلب كروكى من الخرطوم وبذلك

تكون قدمت اكبر خدمه لكل اعضاء البوست(دا تنظيم جديد داخل المنبر)0

عزيزنا الكريم قرشـو والله قدر ما رتبت ما عرفت اقف على ياتو ناصيه الا فى نهايه سور

الجامعه عشان اصرخ باعلى صوت واقول لناس 48 جاكم عزيز فعزوه بقدر مقامه وافخروا بذلك

الفادم لحيكم لانه يستاهل الفخر، شكرا للحروف المنظومه فى حقى والزول الماهين وربنا

يساعدنا وان نكون اكثر التصاقا وجيره واخوه0

الغالى لؤى صاحب البيت تحياتى عبر الحروف لهذا الحوش الذى جمعنا باعزاء لم نراهم

قبلا واليوم اصبحوا اصدقاء الغد فلك الشكر اجزله0

مما يسعد الان قد وصل البوست الى ضالته من حيث الاجراءات الاوليه الى الخرائط والتصاديق

الى البناء والتعمير ومن خلاله تعرف الناس وتبادلوا الافكار والاسعار والاماكن ولم يبخل

اى شخص بما يعرف ولعمرى كانت هذه اكبر متعه لشخصى واكبر رصيد لصداقه مستدامه باذن الله

اامل من الله ان يوفق الجميع ولنتواصل فى الموضوع وان يتواصل معنا المهندسون للفائده

العامه ودمتم اصدقاء الغد0

تحياتــــــــــــــى بقدر حبى لكم جميعـــــــــــا

اخوكم / ســيد محمد احمد سيدنا

Up




For





All



تحياتــــــــــــــى

ســـــــــــــــــيد

سلامات

ورد معلومة بان العقد الليبي يتحمل طابق واحد بدون اعمدة

هذه المعلومة غير صحيحة

والقعد الليبي غير مناسب في المساحة او الطول الذي يزيد عن اربعة امتار

في نوع تاني من المباني يسميب(load bearing)

هو الذي يتحمل طابقين

ممكن العقد بالكمر يتحمل طابق خفيف(jack arch)

مع فائق الشكر مهندس خليل محمد خليل

Quote: مهندس خليل محمد خليل

وين يازول انت من زمان
نحن كايسين المهندسين ديل كواسة
معلومة قيمة فلاتبخل بالمزيد

ماقصدته انا هو فعلاً ال( load bearing)
بس الاسم رايح لي من الامية وكدا

ياخي محتاجنكم في حاجات كتيرة
ماتاوقوا ساكت

المهم ياراجل تبدا من وقوف الاخرين وربنا يجعلها دار امنه0

آمين يا سيدنا....لكن انا ما معاها والله شنو؟

أخي الفاضل زول ساكت.. نهارك سعيد أشكرك على المعلومات التي وردتك في الفاكس أعلاه.. أتمنى أن تمدنا بوسيلة للاتصال بالأخ المهندس المقاول الذي بعث الفاكس حتى نستفسر عن مزيد من التفاصيل، فيما يتعلق بالمساحة وفترة الانتهاء وغيرها..
ولك ألف تحية.

الاخ المحترم محمد الأمين موسى

لك اجمل تحية
وارجو مراجعة بريدك الخاص

وللجميع السلام والتحايا

آخر اخبار جنوب ام درمان
وصلت الموية لمربع 24 حي الجامعه والكهرباء في الطريق

أخي الفاضل زول ساكت نهارك سعيد.
التقديرات الواردة في الفاكس أعلاه بالجنيه السوداني أم بالدينار؟

Quote: أخي الفاضل زول ساكت نهارك سعيد. التقديرات الواردة في الفاكس أعلاه بالجنيه السوداني أم بالدينار؟

الاخ محمد الامين موسى
التقديرات بالدينار يعني اضرب في عشره

اخونا الزول الماهين 00000000 صباحك عسسسسسل


مبروك عليكم المويه وانشاء الله تاخذوا دش الهناء


والعقبال ليكم بالمويه الساخنه بعد وصول الكهرباء


اها شفت الحركه فيها بركه والمهم ان تبدأ الان وانا وراك وراك


ما بخليك الا تكون جارى ، وانت عارف من بيتك او بيتنا


نعملى رياضه احتياطيه للعجز0


تحياتـــــــــــــى

ســــــــــيد

Quote: ما بخليك الا تكون جارى

جري اكتر من كدة يابوالسيد
انا غايتو جايييييك بي ركشه ساي

(6) مليارات جنيه قيمة أراضٍ بيعت بالخرطوم أمس
الخرطوم: صلاح حبيب

أعلن المهندس محمد الشيخ محمد، مدير الإدارة العامة للخطط الإسكانية بولاية الخرطوم، أن أكثر من 35 قطعة أرض بمنطقة الخرطوم بيعت أمس في مزاد علني، بفندق القراند هوليداي فيلا، بمبلغ ستة مليارات جنيه سوداني.
وقال الشيخ في تصريح لـ(الوحدة) إن أعلى سعر للقطع المعروضة 305 مليون جنيه، وتبلغ مساحتها ألف متر بمنطقة الجريف، مشيراً إلى أن أسعار البيع كانت معقولة ولم تتأثر بما يجري من انخفاض في أسعار الأراضي الحالية. وقال إن المزاد المعلن لقطع الأراضي بمنطقة أم درمان سيكتمل في وقت لاحق

نقلا عن جريدة الوحده السودانيه www.alwahada.com


تحياتــــــــــــى

ســــــــــــــــيد

السلام عليكم ورحمة الله وبركاته .
الأخ سيد محمد أحمد
أسعار الأراضي في مدينة الواحة غرب كم الآن يا جماعة ؟ المساحة 480م2

الحلاوى العزيز

كيفنك يارجل مالك انقطعت ، الواحات دى ما بقت كثيره وما بقينا


نفرق بينها لان السوق العربى اول الواحات غير واحات الشماليه الما


عندها عدد كدى حدد عشان نسال ليك وربما تجى براها من المتداخلين


تحياتــــــــــــــــــــــــى


اخوك / ســــــــــــــــــــيد

اها ياجماعة الخير

صبحكم الله بالخير

ادونا رايكم فى كافورى مربع 8: الاسعار- الخدمات وصلتوا ولا لسة؟

يديكم الصحة والعافية

تحياتى

لكم التحية جميعا

اسال عن مدينة الفاتح مربع 15 درجة ثانية اسعارها في حدود كم , ووضع المنطقة الحالي

والمستقبلي ..ولكم الشكر

الأحباب ابوالسيد
وزول ما هين
وبقية الأحباب

والله ده البوست الوحيد الفيه فائدة مادية ومعلوماتيه وبنلقى فيه معلومات تخص البلد بكل صدق

الله يديكم العافية

الأخ أبوالسيد تحية طيبة وبعد
صدقني أول ما أفتح النت على طول في هذا البوست وأتابع كل ما يكتب فيه والواحة المقصودة هي الواقع بعد الخوار ، شارع الوادي أم درمان . ولكم جمبعاُ الشكر .

متابعين بشدة

عبد اللطيف بكرى احمد

ياراجل خليتنا مالك ذى صاحب البيت لؤى كلكم اصبحتوا متابعين من بعيد


انا شخصيا اتمنى انكم تحركوا المهندسين عشان يقولوا رايهم ذى اخونا


البعيد جدا المهندس خليل محمد خليل من امريكا صحح طريقه بناء العقد


الليبى وفقه الله وجزاه عنا خيرا0


وشدة شنو دى متابع بيها عاوزينك تلبس تموت تخلى وتدخل الطين شويه


عشان نكسب البناء والبيوت ونقفل خشم الابواب من الزمن0


تحياتـــــــــى وشوقــــــــــــــى


اخوك / ســــــــــــــــيد

الغالي السيد أبو السيد ،،

والله متابعين ، وبعدين ياخوي طين شنو أنحنا خلاص تمينا السريقة الاخيرة وبقينا على المحارة ،، وعلى فكرة والله العظيم أخوك ايام الثانوي كنت معلم بتاع محارة زي السم ،، (بس ما تسألني كنت بتمحر شنو))

جار علينا الزمن واتملينا دهون ، الكلام دخل الحوش ، وبقينا على الأبواب يا أبو الأمين ،،

عملت أبواب حديد للمداخل شكل الحديد زي الخشب وياخد دهان نفس لون الابواب الداخلية والأكسسوارات مع كيلون 3 لسان و3 طقات أو تزيد،،
المزيد من التفاصيل عن الشبابيك لاحقا،،

عالياً

Quote: والله متابعين ، وبعدين ياخوي طين شنو أنحنا خلاص تمينا السريقة الاخيرة وبقينا على المحارة ،، وعلى فكرة والله العظيم أخوك ايام الثانوي كنت معلم بتاع محارة زي السم ،، (بس ما تسألني كنت بتمحر شنو))

الاخوه الافاضل
لكم تحياتنا
نعود

لنتابعكم بشده
وانقطاعنا الفترة الماضيه
بعد ماكملنا (السراريق)
وانشغالنا ( بالزباله )

هذا الموقع اهداه لنا الاخ الفاضل

محمد الامين
وهو من المهتمين والمتابعين لهذا البوست من قراء سودانيز اون لاين
فله خالص الشكر والتقدير
http://www.rssudan.com/

اخوانى الاعزاء

محمد الامين موسى والزول الماهين


اقسم بالله غمرتنى فرحه شديده جدا فى انزالكم لهذا الرابط الذى سوف يكون

خير معين لأسئله كثير تدور بخلد كثيرين خصوصا المشاركين من خارج سودانيزاون

لاين ودائما يتصلون لمعرفه بعض الامور وهذا ان دل على شىء فهو على حسن النيه

عندكم لمساعدت الاخرين ولعمرى ضاع ذاك الزمن الذى يهتم الواحد بالاخر، والحمد

لله الذى جمعنا بهذا البوست لنتكاتف من اجل الزمن0


********** وفقكم الله لكل خطوه فى الصالح العام ********

تحياتــــــــــــــــــــــــــــى


اخوكم / ســـــــــــــــــــــــيد

اخوانى الاعزاء صباح الخير

نقلا عن جريدة الوطن السودانيه هذا الموضوع لزوم الاحترازات عند


استخراج التصاريح بخصوص البناء والاراضى اتمنى ان اكون موفقا فى


نقله اليكم للفائده العامه0


قيادة جديدة للمباني بالأراضي
الخرطوم : «الوطن»


علمت «الوطن» أنّ الإجراء الذي تم بوزارة التخيطيط العمراني في الفترة الماضية قد أدي بعد التحقيق ومجلس المحاسبة إلى إيقاف اثنين من مديري المباني بالوزارة نتيجة للتجاوزات في لوائح تصاريح مراقبة المباني .


وقد أعقب إجراء الإيقاف قرار من وزير التخطيط العمراني المهندس عبد الوهاب محمد عثمان بإنتداب دكتور أحمد صيام الأستاذ الجامعي المرموق للعمل كمدير لإدارة المباني بالوزارة خلفاً للمديرالسابق الموقوف رهن التحقيق .


كما نص القرار على تعيين المهندس بدر الدين عثمان نائباً للدكتور صيام ومسؤولاً عن الرقابة والتفتيش وهو مشهور بأدائه المتميز في مجال عمله.


مع خالص تحياتـــــــــــى

اخوكم / ســــــــــــــيد

Quote: استخراج التصاريح بخصوص البناء والاراضى

يبدو ان الحكاية معقدة يابوالسيد
نحنا بدينا وكل يوم رسوم جديدة

لم نخلص سنوافيكم بالتفاصيل

Quote: اسهل وأكفأوارخص طريق لبناء البيت: اولا: الافضل ان يكون لك تصور لما تريد ان تبنى حسب ميزانيتك. ثانيا: ان تكون هذه الميزانية متوفرة عند بداية البناء او يمكن توفيرها حسب عقد المقاول وزمن التنفيذ الذى يجب أن يكون محددا فى العقد. ثالثا: إختيار احد المكاتب الهندسية المشهود لها بالكفاءة للقيام بأعمال التصميم و الاشراف على التنفيذ وذلك حسب الخطوات الآتية: 1- القيام [إنجاز التصميم المعمارى بالتشاور مع المالك وذلك حسب رؤيته بما يريد أن يكون عليه منزله و فى حدود ميزانيته. 2- بعد موافقة المالك على التصميم المعمارى يقوم المكتب بعمل التصميم الانشائى الصحيح و تحديد المواصفات و عمل جداوال الكميات وبقية مستندات العقد. 3-يقوم المكتب باستخراج تصاريح البناء. 4- يقوم المكتب بتحضير لائحة قصيرة من عدد من المقاولين المشهود لهم بالكفاءة و النزاهة من الذين يتعاملون مع المكتب بمعرفة و موافقةالمالك. 5- يقوم المكتب بطرح المناقصة على المقاولين ويتم أختيار صاحب العطاءالاقل ففى هذه الحالة كل المقاولين الموجودين على الشورت لست يكونون من المقاولين الجيدين. يقوم المقاول بالتمفيذ حسب شروط العقد ومواصفاته والزمن المحدد للتنفيذ وتكون هناك غرامات منصوص عليها فى العقد فى حالة التأخير. يقوم المكتب الاستشارى بتعيين مهندسين أكفاء للآشراف على التنفيذ ويتحمل كل ماتطلبه قواعد ال proffessional indemnity المعمول بها فى مثل هذه الحالات للتصميم والتنفيذ. يجب أن يكون هناك عقد موقع أيضا بين المكتب الهمدسى والمالم يحفظ حقوق الاثنين ويضمن حسن التنفيذ

Quote: سوف اوضح الصورة أكثر ما ذكرته هو نصيحة لكل من يريد بناء منزله. يضن السودانيون على المكاتب الاستشارية و يفضلون التعامل مع المهندسين كأفراد. لا أقول ان المهندسين كأفراد سيخطأون ولكن غياب المؤسسة هنا واستعمال صلات مثل القرابة والمعرفة هى التى تأتى بنتائج غير مقبولة. وجود المؤسسة الاستشارية سوف يساعد فى تحمل المسؤلية الهندسية من ناحية التصميم وهى أهم المراحل وأولها حتى مرحلة اختيار المقاول والتنفيذالتى يقوم المكتب الاستشارى بالالتزام بها التزاما كاملا. لذلك نصيحة للذين يودون بناء منازلهم لا تضنو بمبلغ غالبا ما يساوى 4 أو 5% من قيمة المنزل لا تضنوا به على المكاتب الهندسية حتى تحصلون على عمل جيد تطمأنون إليه ولا تضيع فلوسكم فى عمل به الكثير من العيوب وغالبا ما لايكتمل فى زمنه. ذكرت أعلاه ضرورة وجود الميزانية كاملة قبل البناء او فى زمن البناء المنصوص عليه فى العقد حسب دفعيات المقاول وهذا شىء مهم جدا لاحظنا ان فى الخرطوم بيوت وعمارات غير مكتملة تقدر قيمتها بمليارات الدولارات اى والله مليارات الدولارات ضائعة بسبب سوء التخطيط من قبل الدولة و المواطنين على حد السواء. مثلا مغترب يكون لديه 20 او 30 الف دولار من قيمة منزل يمكن أن يكلفه 130 الف دولار يقول ليك احسن ابدأ فى العمل عشان ما أضيع الفلوس ويبدأ فعلا ولكنه ينتهى بعد 7 او 10 او حتى 15 سنة حسب التساهيل وفى هذه المدة تكون التكلفة قد تضاعفت و يكون البنيان غير المكتمل واقفا مشوها لوجه المدينة ومصدرا للقلق الامنى. الدولة اهملت كل مسئولياتها وتركت سوق البناء مفتوحا لمن هب ودب فصرت ترى العمارات المكلوجةأى نعم المكلوجة و الخرصانة المسوسةو البياض الذى يمكن ان تحلف ان الاسطى استعمل زجاجة مكسورة فى عمله بدلا من المسطرين اما فى سوق المواد فحدث ولا حرج. مواد من كل البلدان وكل الانواع بدون مواصفات مع انها غالية الثمن ولنضرب مثلا بالطوب المصنوع فى السودان. خذ الف طوب مثلا وقارن بين مقاسات كل طوبة واخرى التى من المفترض ان تكون واحدة أكاد أجزم أنك لن تجد طوبتين متساويات فى المقاس!!! المفترض ان تفرض الدولة ككل الدول المتحضرة على الذين يودون البناء أن يتعاملوا مع مكاتب هندسية معترف بها وعضو فى اتحاد المكاتب الهندسية. الصحيح أن لا يسمح لمقاول بأن يزاول المهنة ما لم يكن لديه رخصة من الدولة ومسجل فى اتحاد المقاولين وهذه الرخصة تفرض على كل المقاولين تعيين مهندسين من ذوى الكفاءة للأشراف على تنفيذ الاعمال الموكلة اليهم. الصحيح ان تراقب الدولة مواد البناء الداخلة للسوق مراقبة لصيقة وتتأكد انها حسب الجودة و المواصفات التى تصدرها هيئة المواصفات السودانية بعد الرجوع للمجلس الهندسي أو الاستعانة بمعهد البناء بجامعة الخرطوم أو كلية الهندسة. الصاح كتير وغير معمول به ولذلك تقع أخطاء كثيرة وهذه الاخطاء يا أخ ايمن يمكن تقع فى اى مرحلةبدأ من مرحلة التصميم وحتى أكتمال التنفيذ وليس من السهولة على شخص غير متخصص اكتشاف تلك الاخطاء و انا لا أنصح الناس بمحاولة القيام بعمل المتخصصين فقط ارجو اتباع النصيحة التى أوردتها أولا لكى تحصل على بيت جميل ومتين ومناسب لجيبك.

هذه نصائح من المهندس /هشام المجمر خلال هذا البوست

Re: مظلة المريخ و محنة العمل الهندسى فى السودان

الاخ سيد محمد احمد سيدنا

شكراً على الزيارة التي عبرت فعلاً عن مدى حبك للناس

بارك الله فيك ونزورك في الافراح

الاخ العزيز صلاح عبدالله


والله كفيت ووفيت وكل ما جاء فى هذه الرساله هى الحقيقه المفروض تكون على الواقع

كما نراها هنا فى السعوديه لكن هذا التنظيم غير موجود فى السودان او قل قليلا والمفروض

من الدوله تفعيل نمط المكاتب الهندسيه والاشراف لان فيها ضمان اكبر0

اما المكاتب الموجوده الان لاتدخل الا فى المشاريع الكبيره فقط ولاتتدخل فى مبانى ذوى

الدخول البسيطه وهم عامة الناس والاسباب الجوهريه معروفه وهى عدم استطاعة المواطنين دفع

مبالغ مشجعه لهم علما بان المهندسين العاملين فى هذا المجال الان يطالبون ب10% من جملة

المدفوع للمقاولين 0

شكرا كثير لهذه الرساله واتمنى ان يتفاعل معنا المهندس هشام المجمر بمداخله تفيد

المتابعين وتوجيه النصائح علما بان ظروف الجميع تكاد تكون متناسبه0

تحياتـــــــــــــــــــــــى

ســـــــــــــــيد

الاخ العزيز الزول الماساهل


اخجلتنى يارجل والكلمات تعجز عن التعبير لكم وهذه الزياره انا اضعها فى مكان الواجب



والمفروض ،الذى لابد ان اقوم به لشخصك وكثيرين بعيدون عنا، ومن لم نستطع سوف نتصل



به، وهذا ديدن التربيه التى خلفناها من وطن الجمال والانسان السودان الذى جعل الجار



مع الجار اهل للزمان0


وفقك الله فى مابدأت وعقبال الانتهاء والاحتفال ونأمل ان يحزوا حزوكم الاخوان0



تحياتــــــــــــــــــــى


اخوك/ ســــــــــــــــيد

العزيز / ابوالسيد

تحياتي وارسلت ليك عبر الماسنجر ولم ترد-لانني فقدت رقم جوالك

وصلتني رساله علي جوالي من احد الاصدقاء بالسودان رأيت انزالها ادناه لانها تندرج ايضا ضمن مشاكل البناء وهمومه:-


اقاوم ريدي بالاسمنت واشيلك في سطوح الحب

حبل الريده سيخه طويلة ما بتتهز

بيم الحب مسلح بحديد الشوق

مونة اللهفة والحرمان طوابق قلبي كلها ليك


( مهندس مسطول بيعبر عن مشاعره )

الاخ العزيز ابو عثمان


الشوق بحور والتحايا من كل الثنايا


اولا شكرا على الابيات الشعريه المسطوله مع صاحبنا المهندس وزى دا رغم السطله


بكون فنان فى الشغل لكن ما تأخر عليه الدفعه وتخرب المساء والقعده لزوم السطله


وطبعا كلما تطلع بالبناء اعلى يكون احسن حالا مع الهمبريب 0


اما الماسنجر كدى راجع يمكن كان ارور، لانى لم استلم اى شىء وانا ابدأ الصباح


بالماسنجر اذا وجد، ثم الموقع الهام لنا جميعا ثم انتقل على البوستات الاخرى،


ومرات كثير لا استطيع متابعة البوستات الخاصه بى، وبالمناسبه دخلنا الان بيت


القصيد للمشاريع الصغيره والاستثمار لزوم الاستفاده العامه، اما تلفوناتى موجوده


على البروفايل واهلا بك اخا وصديقا وجار انشاء الله0


تحياتــــــــــــــــــــى


اخوك/ ســـــــــــــــــيد

إخوتي الأعزاء الكرام.. ما هو رأيكم في مشروع ساريا الجديد الذي أعلن عنه قبل أيام والذي سيتضمن 500 فيلا؟ أهناك أي تفاصيل عن المواصفات والأسعار، وهل هو مخصص لناس قريعتي راحت الزينا أم لأثريا مزيج النيل وما جوارهم؟

فووووووووووووق







فووووووووووووق






مع خالص تحياتـــــــــــــى


ســـــــــــــيد

Quote: مشروع ساريا الجديد

?????????????????

فوق لي وين يابو السيد ؟؟؟ بعد دا السكان بطالبو بأسانسير،،

نأسف للإنقطاع ،،

دخلت في معترك سياسي : اساءوني : قررت مقاطعة البورد : تذكرتكم ، رجعت،،

هذا البورد اللعين : عايز لياسة وإعادة تصميم داخلي حتى يكون مشرفاَ

تحياتي ،،

عبد اللطيف
سلامات

الودااااااااااااااااك شنو لناس السياسة ومناضلي الكيبورد الاشاوس !!!!!

خليك معانا بجاي
وجيب معاك محارتك وطوريتك


مع التحية

أبو السيد والحبان


لما اقرا البوست ده


مره اضحك ... ومرة ابكى


مره اشوف الحلم قاب قوسين أو أدنى فاضحك

ومرة اشوف انه المستحيل بنفسه بالنسبة لى فأبكى


الله يديكم العافية


وما اجمل الالمام بكل اطراف الواقع

[تخفيضات تشمل 90% من معاملات الاراضي
"بدء الاقتراع لمستحقي الخطة الإسكانية بالسبت وتخفيض نقل الملكية بنسبة50%
الخرطوم: الوحدة
أعلن مولانا عصام الدين عبد القادر، مدير مصلحة الأراضي بولاية الخرطوم، عن تمديد فترة الاقتراع لمستحقي الخطة الإسكانية للذين لم يتمكنوا من الاقتراع والبالغ عددهم أكثر من 20 ألف مستحق، ويبدأ الاقتراع لمستحقي الدرجتين الثالثة والأولى من الحالات الخاصة صباح بعد غد السبت، على أن يستمر الاقتراع لبقية الدرجات حتى 30 أكتوبر.
وكشف مدير الأراضي، في مؤتمر صحفي عقده أمس، عن تخفيضات في رسوم تسجيل الأراضي تشمل نحو 90% من المعاملات. وتشمل التخفيضات تخفيض رسوم فرق السعر في نقل الملكية بنسبة 50%، فرق التحسين في تغيير استخدام الغرض بنسبة 40%، تخفيض تجديد رسوم الاحتكار الصناعية وتسجيل ملكية الأراضي في القرى بنسبة 50%.
واقل عبد القادر إن الاقتراع لمستحقي الدرجة الثالثة في الفئات المختلفة يبدأ في الرابع من مارس ويستمر حتى الثامن والعشرين من أغسطس، ولمستحقي الدرجة الأولى من ذوي الحالات الخاصة في الرابع من مارس وحتى الحادي عشر من أبريل القادم، ويبدأ الاقتراع لمستحقي الدرجة الثانية من 15 أبريل وحتى 3 مايو، ويستمر الاقتراع لبقية الفئات من 27 مايو وحتى 30 أكتوبر القادم.
ويتم الاقتراع لكل المستحقين الذين فاتهم الاقتراع في 6 مراكز هي مكاتب أراضي الخرطوم وأم درمان وبحري وأمبدة والمغتربين وكرري. وأوضح مدير الأراضي أن التخفيضات التى تم إعلانها أمس تأتي إضافة للتخفيضات التى أعلنت العام الماضي.
وأكد عبد القادر التزام مصلحة الأراضي بتوفير كافة الخدمات للخطط الإسكانية التى سيتم الاقتراع عليها.
وفي رده على سؤال لـ(الوحدة)، حول احتجاج أصحاب مكاتب توكيلات وبيع الأراضي على إلغاء نظام التوكيل، نفي مدير الاراضي أن يكون هناك تعارض مع الدستور والقانون في إجراء المصلحة بطلب حضور الأصيل في البيع، وأشار إلى أن هذا الإجراء لا يعني إلغاء التوكيل الذي منحه القانون للمواطن في التعامل. وقال عبد القادر إن مصلحة الأراضي لا تملك الحق في إلغاء التوكيل، ولكن لها الحق في تنظيم العمل لسد كافة الثغرات التى تقود إلى تزوير توكيلات الأراضي

سلام يا جماعة

بمناسبة قطع الاراضى والله نحنى عندنا قطعة زهجانين منها عاوزين نبيعها فى جبرة مربع 15 على الشارع مساحتها 340 متر جنب جامع بلال والسماسرة كرهونا فلوا واحد عندوا الرغبة يكتب لينا تلفونوا وبنتصل بيه.

اها الموضوع التانى عندنا بيت تمام فى الخرطوم 3 قرب حديقة القرشى عاوزين ناجروا اوصافوا كالاتى :

بيت مسلح تانى ناصية قرب الباب الغربى للحديقة القرشى .
فيه 3 غرف و3 حمامات داخلية كلوا تشطيب ديلوكس ( يعنى سرميك اسبانى ) فيه هول كبير فى شكل الـ والشبابيك المونيوم بزجاج عاكس والابواب مستورده فيها تأمين وفيه حوشين كبيرات وفيه غرفة للخدامة وحمام خارجيات .

عاوزين ناجروا لانوا ما رجعين السودان قريب وعاوزين نبنبى شقق فوق .

اها العندوا فكة كويسة يخشخش جيبوا ويجى بياجى

ويدينا تلفونوا نتصل بيه .

وكتر خيركم وبارك الله فيكم وما قصرتوا.

Quote: العزيز العوض الطيب000000000000 نهارك سعيد توضيح النقطه المذكوره مهم للفائده العامه0 تحياتــــــــــى وعقبال سفلتت ال Parking اخوك/ ســـــــــــيد

أخي سيد،

لدي قطعة أرض (تجارية) في مدينة يثرب مساحتها 125 متر مربع فقط
وأنا بصدد البناء فيها بإذن الله.
أوكلت أخي بذلك.
قال لي أنهم طلبوا سداد مبلغ "رسوم مواقف" Parking
وللأسف فقد ارتفع المبلغ الآن ليصل 000ر000ر6 جنيه
ستة مليون جنيه
فهل يعقل ذلك؟

Quote: بيت مسلح تانى ناصية قرب الباب الغربى للحديقة القرشى . فيه 3 غرف و3 حمامات داخلية كلوا تشطيب ديلوكس ( يعنى سرميك اسبانى ) فيه هول كبير فى شكل الـ والشبابيك المونيوم بزجاج عاكس والابواب مستورده فيها تأمين وفيه حوشين كبيرات وفيه غرفة للخدامة وحمام خارجيات . عاوزين ناجروا لانوا ما رجعين السودان قريب وعاوزين نبنبى شقق فوق . اها العندوا فكة كويسة يخشخش جيبوا ويجى بياجى

وضاحة يا برجوازية

ياخى نحن نسال من الامتدادات القصية ياخى

تقولى لينا الخرطوم 3 وجنب حديقة القرشى كمان ؟؟؟؟

الله كريم علينا يا ستى

قرشـــو

انا اسفة والله ما قصدى اجرح حد او اورى انى برجوازية والله انا ابوى بدى من الصفر لحدى ما قدر عمل البيت دا.

انا اسفة لو جرحت حد .

وامسحوها لى فى وشى الشين دا.

الاخت العزيزه وضاحه 000000 اولا مرحب بيك كثير

وشكرا كثير انك ترفعى الروح المعنويه للمشاركين بان يسكنوا الخرطوم 3 وكمان مع

حديقة القرشى ، يعنى برجوازيه ومعاها شم هواء وحدائق ونتمنى انك تجدى السعر

المناسب وبدون سماسره0

همسه ( نحنا المواصلين فى البوست يادوب عاوزين نتساعد نبنى )

اخونا الغالى العوض الطيب 000 يازول كملت كم لفه وبعدين جيت ، المهم الموضوع

عشان فيه تجاره ناس المجلس الشعبى وتوابعهم قالوا القبه حيكون تحتا كنز لكن على

ما اعتقد واذا كنت جاد، ان هذا استقلال اكتب للمسؤلين وتظلم لان الاسواق والمواقف

عمل بلديات وربنا ينصرك0

عزيزى قرشــــو

اهم حاجه انا حسيت انك عايش صح لان الضحك والبكاء دليل عافيه انك انسان تتحرك

جوارحه، وهذه سنة الحياه وفقك الله0

تحياتــــــــــــى

ســــــــــــــــيد

معاكم حتى السقف

سيد محمد احمد سيدنا


والله العظيم وربنا يكسرنى ما قصدى حاجة .

بث كنت فاكرة البوست دا بحل مشاكل البناء ولاجار .

وانا اسفة تانى .

الزول العزيز الماهين



السقف دا سقف العقد ولا العماره ولا سقف سوق اوبيك



والاسهم0




لك معزتى ( لزوم المعاكسه عشان نضحك ونبكى ذى ما قال قرشـو)


تجياتـــــــــــــى

اخوك / ســـــــــيد

العزيزه وضاحه


عزيزتنا والله انا المتأسف وشديد جدا ، والمداخله العملتها للترويج اكثر


من انى زعلان ، لتحديد المكان والحديقه وكدا ، والكسر والشر بعيد عنك


وفعلا بكتب فى البوست للمعرفه العامه وفائدة الجميع ، واذا اتباع البيت


نحن لنا اجر ايضا نسعى اليه بكل الطرق ، وواصلى ونحنا معاك0


وفقك الله مع انى من غير الناصحين بالبيع ، ومكان بيتكم الشركات والسفارات


تبحث عنه، وافيد لكم، واعلان بسيط فى جريده سودانيه يحل المشكله0


تحياتـــــــــــــــــى


ســــــــــــــــــــيد

يا أخونا ..


كديه بالله خليني من أراضي الخرطوم رأيك شنو في انخفاض الصناديق في السعودية ..

اتبعنا وصيتك ..

والآن فقدنا الأرباح .. وبدأ النخر في العضم ..

وين البوست بتاع الصناديق ؟؟

الاخ العزيز جاد

مالك يازول بتدور على صاحب البيت لؤى ... دا رحل وكلما يتذكر الحله يرجع


يسلم وبوست الصناديق فى الرابعه او الخامسه، ومعليش ربنا يعوض لكن لمعلوميتك


رغم انى كنت فى البنك اليوم عشان الصناديق والموظفين اصحابى قالوا خلى الامور


تهدأ، لان ناس كثير اشتروا فى الايام السابقه ولسؤ حظهم نزلت اكثر وخسروا لكن


فى دخولى لموقع الاسهم السعوديه ومنها الى المنتديات ( منتدى الصناديق) قرأت


مداخلات حللت الخسائر فى الصناديق وكيف يكسب اصحاب الصناديق بعد عودة المؤشر


واتمنى ذلك وربنا يجعلك من الرابحين 0


الوصيه بمتابعه منتدى الصناديق ايضا من لؤى صاحب البيت الراحل0


تحياتــــــــــــى

اخوك / ســــــــيد

وينكم ياناس

اخونا الغالى صلاح عبدالله


نحنا قاعدين بس انتوا المشغولين، وتعرف الجرى وراء المعلومه


للفائده العامه ، وكمان قلنا نذيد البيت بمشروع صغير تاميننا


للواقع المعاش فى السودان ، واذا ما لقيتنا فى البيت نكون فى الغيط0


تحياتـــــــــــــى


ســـــــــــــــيد

اخوانى المتابعون

هذا مثال حى عن موضوع المواد المخزنه او الغير صالحه للبناء حسب افادة


مجلس البناء بجامعة الخرطوم للاحتياط ودائما يتأكد الشخص من فترة التخزين


وصلاحية الانتهاء0



محكمة البيئة تستمع لشهادة مهندس في قضية الإسمنت الفاسد

الخرطوم: عائشة صالح

اسمتعت محكمة البيئة بالخرطوم برئاسة القاضي الطيب علي بخيت إلى شاهد الدفاع المهندس

الخير علي عبد الله، الأستاذ المساعد بقسم الهندسة المدنية بجامعة أم درمان الإسلامية،

الذي أدلى بشهادته حول مستند قدم أمام المحكمة عبارة عن نتائج الفحوصات الميكانيكية

والفيزيائية لعينات إسمنت فاسدة متحجرة تم ضبطها في ثلاث حاويات بمخازن شركة ليبودان.

حيث كانت نتائج الفحوصات متضمنة الخواص الفيزيائية التي تشمل الفحص وزمن الشك النهائي

والفحوص الهايدرولوجية، وهي تشمل قوات الرباط الإسمنتية. وقد اتضح من نتائج المعمل

تطابق الخواص الفزيائية للإسمنت للمواصفات العالمية، أما الخواص الميكانيكية فهي غير

مطابقة للخواص المنصوص عليها، ومن ثم تمت التوصية بعدم استخدام الإسمنت في الأعمال

الخرصانية بغرض التحميل

تحياتــــــــــــــــــى

ســــــــــــــــــــيد

تسلم ياسيد
وربنا يكفينا واياكم شر الفاسدين

الاخوه الاعزاء



لقد طلبنا من اخونا عبداللطيف بكرى

تزويدنا بصور للابواب والشبابيك نأمل

ان يستفيد الاخوه المتابعون0


تحياتـــــــــــى

ســـــــــــــيد


ق

====== ف



=========ووووو



==============ووووووو



======================ق ق ق ق


تحياتــــــــــــــــى


ســـــــــــــــــــيد

فوقين
بدينا ياابوالسيد
ساعدونا بالدعوات

Quote: قرشـــو انا اسفة والله ما قصدى اجرح حد او اورى انى برجوازية والله انا ابوى بدى من الصفر لحدى ما قدر عمل البيت دا. انا اسفة لو جرحت حد . وامسحوها لى فى وشى الشين دا.

العزيزة وضاحة

أولا : اعتذر فانا لم اقرأ ردك سوى اليوم فقط اعتذر للتأخير فى الرد

ثانياً : يسلم وشك الجميل المشرق من كل شر يا ستى

ياخى انا بهظر معاك والله العظيم

أقسم بالله العظيم حاولت مداعبتك قليلا ياخى

ياخى نحن لاقينك وين عشان نزعل منك ؟؟؟؟

خذى الامر ببساطة عزيزتى ونحن هنا بنفرق على بعض

تسلمى لينا يا امورة والله يديك العافية

اخونا الزول الماهين


الف مبروك والف تحيه وربنا يساعد



العزيز قرشــــو



الشوق بحور وشايفك لافى فى قناة الرساله(البوست)


ربنا يوفقك0


تحياتـــــــــــى

ســـــــــــــــيد

للمتابعين




والمهتمين




فووووووووووووووووق



تحياتـــــــــــــــــى


ســــــــــــــــــــيد

up