أعلان قيام رابطة أصدقاء ومحبى الشاعر محجوب شريف

التجربة العظيمة لقيام جمعية أصدقاء وردى أثبتت أن الجهد الشعبى لمنظمات المجتع المدنى عمل مثمر ومؤثر ورأينا كيف تم الوقوف بجانب الفنان وردى ابان محنته الصحية ولم يقتصر الجهد على الجانب المادى بل تعداه للجانب المعنوى والثقافى .... ثم كانت تجربة أصدقاء الشاعر الدبلوماسى سيد احمد الحردلو ..
الآن ونحن فى ظرف مشابه واعنى المحنة المرضية التى يمر بها شاعرنا وشاعر الشعب محجوب شريف ولقد سمعنا عن مبادرة لتكوين رابطة لأصدقاء ومحبى الشاعر محجوب شريف بالرياض وتمت اجتماعات وجمع تبرعات ولكن الى الآن لم نسمع اعلانا بهذا الخصوص وعليه نناشد المبادرين بتنويرنا عن ماتم من خطوات

مزاحم سلام
حقا محجوب يستحق اكثر من ذلك
فبغض النظر عن شعره الزى عم القرى والحضر
محجوب انسان طيب وزول بلد ونقى ومثال للانسان السودانى البسيط
الذى يدخل البيوت كما يدخل القلوب
فيا مزاحم فالنكن عمليين اكثر
ونعلن ضربة البدايه من هنا
هيا للوقوف بجانب محجوب شريف فى محنته

هيا للوقوف بجانب محجوب شريف فى محنته


الاعزاء مزاحم

ود العجمى

هناك محاولات مبعثرة هنا وهناك حسب علمى ...تسعى بشعور انسانى نبيل المساهمة, والوقوف مع الاستاذ محجوب شريف فى ظروف مرضة الحالية, ولكن تأسيس رابطة اصدقاء الشاعر محجوب شريف ..سيضع الامر فى نصابة الصحيح لعمل مؤسس ومنظم يشمل كل الجوانب .

اسجل نفسى معكم فى رابطة اصدقاء ومحبى الشاعر محجوب شريف

ولكم التحية والتقدير

ملحوظة

من المفروض ان تكون اجراءات سفر الاستاذ محجوب للندن للعلاج قد اكتملت الشى الذى يجعل
الوقوف معة ومساندتة بصورة عملية وسريعة معنويا وماديا واجب ملح.

وانا معكم

يا شعباً لهبك ثوريتك
تلقى مرادك والفي نيتك

شكراً مزاحم .. تضامن إلى الأبد ..

أرجو أن تعلن عن المسألة وآليات تنفيذها ..

انا متاكد انو الرابطة دى ح تكون الاكبر ع الاطلاق من حيث
الاعضاء -ولا يحتاج الدخول فى الرابطة الى تسجيل

وعضويتها كل الشعب السودانى


صادق الحب وعاجل الشفاء لأبن الشعب محجوب شريف

فلندفع بالأمر إلى حيز التفعيل ..
محجوب شريف هو صوت الشعب ...
يجب أن لا يخفت هذا الصوت ...
أتقدم بطلب عضويتي ...

Quote: فلندفع بالأمر إلى حيز التفعيل .. محجوب شريف هو صوت الشعب ... يجب أن لا يخفت هذا الصوت ... أتقدم بطلب عضويتي ...

تحياتي

أميرة

السنبلايه

لما عرفتك اخترتك سعيد البال
وختّ شبابي متيقّن
عليك آمال

لا جيتك قبيله
ولا رجيتك مال
ولا مسحور
ويوم ما كنت في عيني
أجمل من بنات الحور
جيتك عاشق اتعلّم
من الأيام

ومن سأم الليالي البور
ومن أسر الولف كتّال
لقيتك في طشاشي دليل
وفي حرّ الهجيره مقيل
ركزت على ضراك عصاي

لقيتك في حياتي جذور
بنيه اتلفحت بالنور

مهجّنه من غنا الأطفال
ومن سعف النخيل والنيل
ومن وهج الشمس موّال
وأنا اخترتيني انسانا
عزيز النّفس بتمنّى
وبسيط الحال
على حرّمت زرعا
ما سقيتو حلال
وما فصّد حصادو قفاي

وبيني وبينك الضحكه
ورحيق الشاي
وطعم الخبز والستره
ومساء النور
وعمق الإلفه
بين النهر
والنخله
وغنا الطنبور

صدق العشره بين الأرض
والإنسان
وبيني وبينك الفكره
وجمال الذكرى
والنسيان
وحسن الظن

ومشوار الحياه اليوماتي
ما بين الجبل والسهل
ما بين الصعب والسهل
عز الليل
وفي سكّة مطر بكاي
فلا هما تشيلي براك
ولا جرحا أعاني براي
ولانا على بعض نمتّن

وتزعلي يوم
وأزعل
وننفعل مرّات
تقبلي منّي
واتوسّد ضراعي سكات

وفينا حنينه
تتشابك مودّه
تشابك الغابات

ونحن إذا اختلفنا سوا
بْنطيع الصاح
ولو بتنا القوا بنرتاح
إذا تمن الملح والعيش
رضا الشمّات

وتتكي سنبلايه على ضراعي
واميل
كأني غنا الطفوله العذب
كأن الدنيا طي القلب والمنديل

كأن الدنيا
طي القلب
والمنديل

في إنتظارك
في شراييني بيدمدم حس قطارك
لو أطير من سجني وأنزل في جوارك
وعنك أمسح برموش العين غبارك
وأملآ عيني من نهارك
إنتي يا صحو المدارك
أي نجمة بعيد دارك
وأي نخلة حنينة عندها من ثمارك
بإختياري وبإختيارك
كم نشارك
في المعارك
ما بنخلي فرسنا بارك
ولا بنقيف نستنى في الآخر نبارك
شيدي إيدي
وتبقي زادي
ونظرة من عينيك تنادي
يابلادي .. يابلادي .. يابلادي
يوم أجيك على جبيني وسم عنادي
إما مته وراي يجيك يعتب جوادي
والله خفتخ وفته منك غادي غادي

إنتي ما الحضن البلم من ساحة هارب
ولا البنكس راسه من الذلة شارب
ولا البدس الراية في قش المغارب
إنتي ساحل لما عاصف الموج يضارب
وانا وإنتي حدين سيف سنين وسوا بنحارب
سلميلي على البحسو بكل نبض الأرض ديه
وسلميلي على البيابو الحق هدية
وسلميلي على مهيريات شهيداً ناره حيه
وسلميلي على رفاقي
وبلغيهم إشتياقي
وعن حياتم قولي لي
وعلى حبايب في زوايا المغربية
قولي ليهم حبوا غنوا الدنيا مازالت نديه
ما بنشيل في وطنا ديه
ولا بنخلي وطن سبيه
ولا وطن زوجين وحارس وبندقية

الاخ مزاحم الضوي
سلامات

شكرا لك علي هذا البوست .

رات اللجنة التمهيدية ان نؤجل الاعلان عن الرابطة حتي يتم انجاز المهام التي اوكلت للاعضاء في الاجتماع الاول وقد شارفت المهام علي النهاية للدعوة للفعاليات والكيانات والروابط لتكوين اللجنة القومية لانتخاب اللجنة التنفيذية للرابطة .
تم تكوين اللجنة المهيدية من الاتية اسمائهم .

1- يوسف السماني يوسف
2- شمس الدين ادم .
3- حسين حمزة .
4- عبدالفتاح اسماعيل .
5- ميرغني الشايب .
6- حياة العبادي .
7- خالدة البدوي .
8- عادل عبد الماجد .
9- حسين حسن حسين .
10- صديق الجيو .
وقد عقدت اول اجتماع لها وقررت الاتي .
ا - اعداد مطوية تحوي السيرة الذاتية للشاعر محجوب شريف ومقطفات من شعرة .
وقد كلف الاخ شمس الدين بهذا القرار وقد شرع في انجاز مهمتة .
ب - طبع وتوزيع يحوي قراءات شعرية بصوت محجوب شريف .
ج _ اعادة طبع وتوزيع ديوان محجوب شريف .
د - مساهمات فردية عاجلة لانجاز بعض المهام وقد اكتملت هذة المهمة .
ه - جمع تبرعات في نهائيات كاس الاستقلال واوكلت المهمة لرابطة الصالحية .
و - اقامة يوم مفتوح .
ز - نشرة التجربة في دول الخليج والاتصال ببعض الوطنيين والمهتمبن بالشان الادبي .

وسيحدد اجتماع للجنة التمهيدية في الايام القادمة لمناقشة القرارات السابقة وتقيمها ومن ثم الدعوة لتكوين اللجنة التفيذية للرابطة القومية .

لك تحياتي

شكرا الزملاء
مزاحم الضوي ويوسف السماني
والشكر موصول لكل اعضاء اللجنة
للقيام بهذا العمل الاجتماعي الرائع
لشخص بقامة الاستاذ محجوب شريف
وسوف ندعم ونساهم بالجهد والمال والوقت
وهذا اقل واجب اتجاه اعظم شعراء السودان واشرفهم

اتمنى الشفاء الكامل والعاجل للاستاذ محجوب شريف
واتمنى لمجهوداتكم كلها التوفيق والنجاح والتقدم..
__________

اشعار محجوب شريف

الحان شمت محمد نور

تبتبا تبتبا تبتبا تبتب

باكر تعرف تقرا وتكتب

وياما ترتب

نحنا بنحلم وكم نتمنى

هي تحقق كل ما تحب

تبني حياتا الند بالند

اي مكانة وخانة تسد

هدهدا هدهد كل الورد ينوم ويفرهد

زي عصفورة تطير وترك

تحبا وتمسك وتاني تفك

سيبا تفكفك سيبا تلكلك عايزة تنطط

بكرة حترسم وياما تخطط

بكرة حا يبنوا مدائن ضو

ما بيعكر صفو الجو صفارة حرب

تشطب من قاموس الدنيا

الضرب الشك الخوف

ينعموا كم بالشم والشوف واغاني الحب

افتح بابك آمن تب

زي ما النهر بيلقى مصب

اي حمامة بتلقى الحب

تلقى الورده الندى في الكم

تلقى حداها جناها الام

يرضع صافي حليب الحب

نقدل نحنا الجد والعم

تملا عيونا كهارب سد

باباً جاب الهم والزم والصد ينسد

نفرح لما ندمع جد

مد البصر الامل يمتد

العمل يشتد البنا ينتم الغنا يمتد

هدهدا هدهد

اكتبي اكتبي الف المد

حمام وسلام وسعادة بجد

اكتبي اكتبي ياء المد

سرير وعصير وعبير ينشم

اكتبي اكتبي واو المد

حقول وعقول تقرا المجهول كتاب الغد

اكتبي علم وسلم

لا حد يئن لاتسمع بم

لا ينزف دم

لا يعجز رد

لا يعجز طب

لا دمعه في خد

تبتبا تبتبا تبتبا تبتب

والله هو هو هذا الجهد الحقيقى والعملى الذى يستحق الاشاده

وبصرف النظر عن شاعرية محجوب شريف الفذه ووطنيته فهو دائما يسعى فى عمل الخير وما قيادته لنفاج والهكر الا دليل واحد على ذلك

لنتكاتف كلنا يد بيد لندعم محجوب شريف ولنبين للعالم كله اننا اوفياء لمبدعينا عند الحاجه ولنثبت للرسميين ان الشعب والمنظمات الشعبيه لها دور اقوى من الحكومات وانها تحفظ للناس مقاماتهم وحقوقهم

كيف نظهر حبنا لمحجوب شريف الآن قبل بكره وقبل فوات الاوان
كيف لنا ان نشعره اننا حوله
كيف لنا ان نشعره ان وطنيته وشعره قد انبتا حبا له ودفئا ساعات الحوجه
كيف لنا ان نشعره ان كلماته شحذا لهممنا لم تضع سدى

شكرا للذين بادروا
اتمنى ان توسع هذه الرابطه فى كل دول العالم , بقية دول الخليج , امريكا , كندا , استراليا , انجلترا وبقية دول العالم
لنرسل له الرسائل البريديه
لنرسل له كروت المحبه من كل بلد عليها شعار ذلك البلد ليعرف ان السودانين فى اصقاع العالم يحبونه

عاجل يالروعة المبادره شكرا لالتقاطكم هذا القفاز الجميل كنا نعشقه ولا ندري اين نمضي بهذا الحب الكبير الان نحن نعرف ماذا نفعل شكرا ثم شكرا ثم شكرا ادناه مقنرح لجنه تمهيديه لرابطة اصدقاء ومحبي الشاعر محجوب شريف محافظة الخرطوم الجميع يبصمون بالعشره ويضعون انفسهم رهن الاشاره رالمهام العاجله
مامون العجيمي طارف الامين الهيلاهوب عصام عبد الحفيظ طلال عفيفي شمت محمد نور عقد الجلاد ابراهيم الجمل من مؤسسة حجار الخيريه محمد صالحين عاصم عثمان صحفي فاطمه الأمين رحاب عبد الرحيم اسامه ابقرجه عبد المنعم تلب عوض حسن الامام علي ابو راٍس وآخرين في الطريق اليكم هيا لنعلم العالم كيف يكون العشق السوداني الأصيل والوفاء من الشعب السوداني لشاعر الشعب السوداني

ضموني معكم


فيصل محمد خليل

هذا ماكنت اود سماعه يايوسف ياسمانى

شدو الهمه ونحن فى انتظار تكليفاتكم


أنا مجنونك

أحبك
أحبك
أنا مجنونك
ساكن فيني هواك وبريدك
جوّا القلب النبض يصونك

أحلى فصول العمر حنانك
أجمل حتّه لقيتها مكانك
أجمل سكّه مشيتها عيونك

معاك معاني حياتي بتبدا
وافتح باباً ياما انسدّ
وأشوف العالم ربوه جميله
عليها نسيم الصبح مخدّه

وبيني
وبين النهر عشانك
عشره بتبدا
وبين عينى وخد الورده
بتبقى مودّه
وأصالح روحي
وتبرا جروحي
وابشّر باسمك
أهللّ
أغني
واقيف اتحدى
أديتيني مشاعر حيّه
عوّضتيني الزمن الماضي
زمن الجرح الأكبر مني
وقاسي علىّ

وبيك صادفني
ولقى عنواني
رذاذ الفرح الخلاّ الجيّه
أريت صادفني حنانك بدري
ولو لاقيتك بدري شويّه
أحبك
أحبك
أنا مجنونك

ساكن فيني هواك وبريدك
جوّه القلب النبض يصونك

الاصدقاء الاعزاء


الاستاذ الشاعر محجوب شريف فى طريقة للعلاج فى لندن

تعالوا نتخاتت البنقدر عليهو نحن السجلنا حتى الان والجايين فى الطريق

كخطوة اولى


ثم نتبنى كل مراحل علاجة كرابطة أصدقاء..وكما قال الاخ احمد عثمان

انا متاكد انو الرابطة دى ح تكون الاكبر ع الاطلاق من حيث الاعضاء -ولا يحتاج الدخول فى الرابطة الى تسجيل
وعضويتها كل الشعب السودانى

وبهذا الفهم المتقدم رابطة الاصدقاء دورها تنظيم جهد الشعب السودانى للتعبير عن حبة واعزازة للشاعر الانسان محجوب شريف...ويا لة من دور عظيم.

*اقترح ان يتولى الاصدقاء مزاحم ويوسف عملية تنسيق الدعم العاجل


*اقترح اذا وافق الاخوان فى السعوديةان يعتبرونا اعضاء معهم حتى تكتمل كل اجراءات
قيام الرابطة ثم يساعدونا لتكوين روابطنا فى كل مكان .

ونحن حتى الان

مزاحم الضوي
ود العجمى
عمر ادريس
مامون احمد
محمد عبد الجليل
احمد عثمان
ود قاسم
اميرة احمد
يوسف السماني يوسف
شمس الدين ادم
حسين حمزة
عبدالفتاح اسماعيل
ميرغني الشايب
حياة العبادي
خالدة البدوي
عادل عبد الماجد
حسين حسن حسين
صديق الجيو
طارق عبد اللطيف نقد
عادل عثمان

ولكم الود

ود الزين

طارق الامين

فيصل محمد خليل

صورة للشاعر الانسان النبيل

محجوب شريف... فى نهاية السبعينات



هدية لكل الأصدقاء

ما بركب السرجين
وماني زول وشين
يا والده دينك كم
ودين الوطن كمين

شفاك الله يا محجوب

اقترح ان ان يكون البورداب هم النواه لتكوين فروع لاصدقاء ومحبي الشاعر محجوب شريف في كل مدن العالم كما اقترح علي سودانيز اون لاين تبني مشروع علاج الشاعر وذلك بان تكون الخته المقترحه علي الهواء مباشرة وبالاسماء الصريحه او المستعاره حسب رغبة المتبرع وان ينشر مبلغ كل متبرع واشعار الخصم ورقمه لصالح حساب مريم محجوب شريف ولو ماعندها حساب نعمل ليها حساب وهي بالمناسبه ستكون مراقه لوالدها في رحلة علاجه واقول ليكم بوضوح شديد لو تحفظ محجوب واظنه سيفعل لاتتراجعو فمحجوب ليس ملكا لنفسه واسرته محجوب ملك الشعب السوداني والوطن والانسانيه ارجوكم افعلو ذلك وانشروا اخبار التبرعات لحظه بلحظه علي ان يتم تأكيد استلام كل مبلغ او عدمه علي البورد مباشرة حتي ينجذب الصادقون ولا يدخل بيننا المنافقون والمدعون ارجوكم افعلو ذلك ارجوكم اتشروا الامر اكتر انها لحظات الجد محجوب يحتاجنا ونحن نحتاجه لاوقت للاطاله هذا الملائكي لن يسأل أحدكم مالا حتي الممات التقيته بالأمس احدثه عن العلاج فيحدثني عن اطفال الفشل الكلوي أسأله عن اجراءات سفره الي لندن فيجيبني بالحديث عن نفاج ومشروع الهكر لرعاية المشردين لافائده اسنحلفكم لا تسمحو له بالتسرب من بين يدي شعب السودان الله معنا لان الله يحب محجوب ويرعاه هيا هيا هيا هيا هيا هيا انا افتح الباب بواحد مليون جنيه كدفعه اولي واضمن لكم تبرعات مماثله من الهيلاهوب ومامون العجيمي والكثيرين لكني افضل ان تأتي منهم مباشرة فقط فلنفتح الباب وسوف نري جميعاتحياتي لكم ومحبتي وعاجل الشفاء محجوب الشريف

اقترح ان ان يكون البورداب هم النواه لتكوين فروع لاصدقاء ومحبي الشاعر محجوب شريف في كل مدن العالم كما اقترح علي سودانيز اون لاين تبني مشروع علاج الشاعر وذلك بان تكون الخته المقترحه علي الهواء مباشرة وبالاسماء الصريحه او المستعاره حسب رغبة المتبرع وان ينشر مبلغ كل متبرع واشعار الخصم ورقمه لصالح حساب مريم محجوب شريف ولو ماعندها حساب نعمل ليها حساب وهي بالمناسبه ستكون مراقه لوالدها في رحلة علاجه واقول ليكم بوضوح شديد لو تحفظ محجوب واظنه سيفعل لاتتراجعو فمحجوب ليس ملكا لنفسه واسرته محجوب ملك الشعب السوداني والوطن والانسانيه ارجوكم افعلو ذلك وانشروا اخبار التبرعات لحظه بلحظه علي ان يتم تأكيد استلام كل مبلغ او عدمه علي البورد مباشرة حتي ينجذب الصادقون ولا يدخل بيننا المنافقون والمدعون ارجوكم افعلو ذلك ارجوكم اتشروا الامر اكتر انها لحظات الجد محجوب يحتاجنا ونحن نحتاجه لاوقت للاطاله هذا الملائكي لن يسأل أحدكم مالا حتي الممات التقيته بالأمس احدثه عن العلاج فيحدثني عن اطفال الفشل الكلوي أسأله عن اجراءات سفره الي لندن فيجيبني بالحديث عن نفاج ومشروع الهكر لرعاية المشردين لافائده اسنحلفكم لا تسمحو له بالتسرب من بين يدي شعب السودان الله معنا لان الله يحب محجوب ويرعاه هيا هيا هيا هيا هيا هيا انا افتح الباب بواحد مليون جنيه كدفعه اولي واضمن لكم تبرعات مماثله من الهيلاهوب ومامون العجيمي والكثيرين لكني افضل ان تأتي منهم مباشرة فقط فلنفتح الباب وسوف نري جميعاتحياتي لكم ومحبتي وعاجل الشفاء محجوب الشريف

الي الاعلي حتي يسمعنا الجميع هيا

استاذ مزاحم أخبارك والاسرة الكريمة




ايام الخرطوم خرطوم والحفلات الملهلبة،،، من اليمين جلوسا الاخ شاكر عازف الجيتار ثم الاستاذمحجوب شريف وعازف البيكلو اسامة وعازف الكمان المرحوم عبد الرحمن ثم العبد لله

ويظهر إنو الاستاذ محجوب صلعتى كانت عاجباهو - والتحية من خلالكم للصديق محجوب شريف

أنا زول قروى.. الأنترنت ...حتى الأن مالاقى لى معاه صرفه.. لكن عارف تماما قيمة إهتمام الناس ...وده يساوى عندى الدنيا بى حالها ... وأضع.. الإهتمام فى مكانه الأيجابى ...انا تمام جدا .. مشيت قبل كم يوم للأخصائى ....وطمنى ...بس قال لى.. كميه من ألمحازير ..جيت مارق منو أضحك.. قلت الأبيات دى... عليك الله تهديها عنى على سبيل ألتحيه وألشكر لكل أعضاء.. وقراء سودانيز اون لاين ...ولهم جميعا ألتحيه والتقدير.




أمى الأن لاتشكو من الأسنان
ولا أبتى من الأحزان
ولا أختى من القولون
ولاجدى من ألسلطان
عليهم رحمة الله
كل من عليها فان
إذن بالله ما تجننى بالممنوع
إذا اتكلمت بتكلم بصوت مسموع
إذا أتالمت بتألم بدون إزعان
إذا إظلمت بتظلم براس مرفوع
أموت بالجوع
ولا تزله فى جواى لحظه كرامة الإنسان
لسانى حصانى
ضد ألظلم كم لاواى
هادى ألطبع حيث مناطق الكتمان
بالله ماتجننى بالممنوع

محجوب شريف

الشاعر الكبير....محجوب شريف ....يشكر أعضاء وقراء سودانيز اون لاين.

Quote: إذا إظلمت بتظلم براس مرفوع أموت بالجوع ولا تزله فى جواى لحظه كرامة الإنسان لسانى حصانى ضد ألظلم كم لاواى هادى ألطبع حيث مناطق الكتمان بالله ماتجننى بالممنوع

كم حاولت إصارحك ياما
إلا العزة بقت مانعاني

جميلة ومستحيلة

يا جميله ومستحيله
إنت دايما زي سحابه
الريح تعجل بي رحيله
عيوني في الدمعات وحيله
اسمحيلا تشوف عيونك
اسمحيلا

أنا لا الصبر قادر علىّ
ولا عندي حيله

يا مراسي الشوق تعالي
لا الليالي تمر بدونك هي الليالي

من ضواحي الدنيا جيت
وعلى رحالي
لي مداين في عيونك يا محالي
ريحيني
استري حالي
فرّحيني

عيوني في الدمعات وحيله
انا لا الصبر قادر علي
ولا عندي حيله

حدثت عنك نجمه جارة
وزرعت اسمك
حاره حاره

في مناديل العذارى
في مشاوير الحيارى
في لحى الأشجار كتبتو
نحتّو في صم الحجاره
وبحت للشمس البتقدل
في مدارها

عيوني في الدمعات وحيله
اسمحيلا تشوف عيونك
اسمحيلا
انا لا الصبر قادر علي
ولا عندي حيله

إنت منك لا بدايه
عرفت لسه ولانها يه

مره اسرح
مره افرح
مره تغلبني القرايه
ولمن اكتبلك وداعا
قلبي ينزف في الدوايه

يا صبيّه
الريح ورايا
خلي من حضنك ضرايا

عيوني في الدمعات وحيله
اسمحيلا
تشوف
عيونك
اسمحيلا

انا لا الصبر قادر على
ولا عندي حيله
1975

الاستاذ يوسف
تحية طيبة
سيسعد كتير من الاهل فى كندا
اتاحة الفرصة للتعبير عن المحبة العالية لمحجوب
ارجو ان ترسلوا لينا المادة المذكورة اعلاه
عشان تكون محور لبناء جسم رابطة الاصدقاء
سلامتك يامحجوب
واريتك بكل العافية

[email protected]

ياشعبنا
يا زالدا أحبنا
يامن وهبت قلبنا ثباتك الاصيلا
اليك هذه الرسالة القصيرة الطويله
اليك من زنزانة تخاصم الفصولا
اليك رغم انف كل بندقية
وكلمة شقيه
وحقد بربريه
اليك الحب والسلام والتحيه
ودمت ياحبيبنا، وبعد

سجل عندك ... عادل الطيب الوسيلة- كندا تورنتو

العزيز مزاحم
تحياتي
معاكم

Quote: يا اللي بتسمع .. والما بتسمع .. لازم تفتح اضانك .. وتسمع صوت الشارع لمن يدوي.. كل قلاع الخونة بتهوي.. وكل جباه الكهنة بتركع وشمس الحق السرقو شعاعها بكرة بامر الشعب .. بتطلع ياللي بتسمع .. والما بتسمع .. نحن اسودا ما بتدجن ونحن سدودا ما بتهدن ونحن جبلا ما بتصدع .. لملم ناسك .. ولحمة راسك .. وارفع ايدك عننا.. ارفع يا اللي بتسمع والما بتسمع لو بي بنادقك ما بترهبنا ولو بى خنادقك ما بترعبنا

وتنتكى

سنبلاية

على

ضراعى واميل

كانى غنا الطفولة العذب

كان الدنيا ضى القلب و المنديل

الاخوة المتداخلين الاعزاء

سلامات

مزاحم الضوي
ود العجمى
عمر ادريس
مامون احمد
محمد عبد الجليل
احمد عثمان
ود قاسم
اميرة احمد
يوسف السماني يوسف
شمس الدين ادم
حسين حمزة
عبدالفتاح اسماعيل
ميرغني الشايب
حياة العبادي
خالدة البدوي
عادل عبد الماجد
حسين حسن حسين
صديق الجيو
طارق عبد اللطيف نقد
عادل عثمان
طارق الامين
امبدويات
عصام علي
خالد العبيد
محمد عبد الجليل
ادريس
لكم التحية
اقترح عليكم الاتي
1- تكوين الروابط الاقليمية لاصدقاء محجوب شريف
طارق الامين الخرطوم
خالد العبيد
ومجموعة كندا
علي ان يتم التنسيق بيننا في كثير من الامور وسنحاول مع اللجنة التمهيدية كيفية مدكم بالمواد المتوفرة لدينا .
واحيطكم علم انني في اجازة الان وسوف اسافر الي قطر للتنسق مع بورداب الدوحة ثم بعد ذلك للامارات للتنسق مع البورداب والوطنيين بها وساحاول الاتصال بمجموعة البحرين . د. معز عمر بخيت وكذلك ساحاول التنسيق مع مجموعة الصحفيين السودانيين بالامارات بواسطة الاخ خلد عويس .

العزيز يوسف السمانى

انت الآن أمام مسئولية تاريخية

التنسيق مطلوب فى هذه المرحلة

الخرطوم /كندا/الأمارات /الرياض / جدة /البحرين

قطر التنسيق مع الزميل الحبيب أبوساندرا

سوقنى معاك يالحمام

انا جاهز للقيام معك فى هذه الرحلة




حلـم

مرّه شفتك في المنام
وانت بين سربين حمام

نازله سكّة وادي أخضر
شايله سلّة ورد أحمر
وحزمتين أحلى الكلام

يتبعوك طفلين حلاوه
طاروا عصفورين علىّ
ركّوا في أسود عينىّ
ورحت في غمرة نداوه
كنت مجهد
قلبي فرهد
ورشّ أيامي الغمام

صحيت وقفت

مشيت أعاين
ألقى بيني وبين عيونك
كم ضواحي
وكم مداين
وانطوت كل الجناين
في غيابك
وفي الظلام

انا معاكم غايتو..

انت ليه "مزاحم" ابو ساندرا فى نفس الفكرة؟؟ مش كان احسن تكونوا سوا..؟؟


مجرد نظر

والزيادة برضو خير

غنى ياخرطوم وغنى ..
وشدى اوتار المغنى ..
ضوى من جبهة شهيدك ..
امسياتك واطمئنى ..
نحن منك ريح وهبت ..
نار وشبت ..
فى وجوه الخانوا اسمك
ياجميلة...

سجلونى معكم عضوا ..وجاهز لكل ماهو مطلوب ..

الاخ مزاحم الضوي

سلامات

Quote: العزيز يوسف السمانى انت الآن أمام مسئولية تاريخية التنسيق مطلوب فى هذه المرحلة الخرطوم /كندا/الأمارات /الرياض / جدة /البحرين قطر التنسيق مع الزميل الحبيب أبوساندرا

اذا تضافرت الجهود وصدقت النوايا سنبادل حب محجوب شريف للسودان بوفائنا لة .
وسنسعي حتي نحقق هدفنا.

Quote: سوقنى معاك يالحمام انا جاهز للقيام معك فى هذه الرحلة Quote: [/QU ياريت بامزاحم تصبح رفيقي في هذة الرحلة لانك صاحب تجربة وخبرة بالاضافة لوعيك الذي لا يختلف حولة اثنان . الدعوة لك وللاسرة وغدا ساسافر ورقمي معك .

---

Post: #37 Title: Re: أعلان قيام رابطة أصدقاء ومحبى الشاعر محجوب شريف Author: عمر ادريس محمد Date: 04-28-2006, 06:51 PM Parent: #1 Quote: انت ليه "مزاحم" ابو ساندرا فى نفس الفكرة؟؟ مش كان احسن تكونوا سوا..؟؟ ياتماضر ابوساندرا هو المزاحم مزاحم البوست دا لية لية يومين هنا ابو ساندرا نظرو ربع على ستة ما لاحظتى حتى عنوان البوست حاول يعمل تكبير تهليل بعدين انت بى كتابتك الدقاقة دى كان قايلاوهو شايفك تكونى بالغتى وفووووووق عشان محجوب

---

Post: #39 Title: Re: أعلان قيام رابطة أصدقاء ومحبى الشاعر محجوب شريف Author: طارق الأمين Date: 04-28-2006, 07:11 PM Parent: #37 يا سلام علي الروح شكرا مزاحم وعمر وابوساندرا وتماضر كلو عشان محجوب وعشان محجوب الف بوست غي انتظار مبادراتكم لكم الحب

---

Post: #40 Title: Re: أعلان قيام رابطة أصدقاء ومحبى الشاعر محجوب شريف Author: Arbab Date: 04-28-2006, 07:39 PM Parent: #37 سجل..... بهاء ارباب و ارجو ان تتابعو بوست الاستاذ ابو ساندرا هو لا هو هو نحن و البلاد هي التي هجسته هو انت ...انا... ونحن.. لا نبيل في عشيرتنا سواه ...... حتي يكونه هو ....نبي جراحنا... و هو الرسول... لنقول : لا

---

Post: #38 Title: Re: أعلان قيام رابطة أصدقاء ومحبى الشاعر محجوب شريف Author: abcde Date: 04-28-2006, 07:05 PM Parent: #1 الإلتفاف حول الرموز والأعلام والتمسك والإحتفاء بها, هو من تباشير بقاء الوطنيه على قيد الحياة وبالتالي بقاء ما سمي بي وطن والدعوة أبدا إلى خطوات عمليه

---

Post: #41 Title: Re: أعلان قيام رابطة أصدقاء ومحبى الشاعر محجوب شريف Author: امبدويات Date: 04-28-2006, 08:01 PM Parent: #38 اتصلت المهندسة نبره تيسير محمد احمد تلعن انضمامها فسجل نبره تيسير محمداحمد -كندا

---

Post: #42 Title: Re: أعلان قيام رابطة أصدقاء ومحبى الشاعر محجوب شريف Author: عشة بت فاطنة Date: 04-29-2006, 00:25 AM Parent: #41 معاك يا محجوب وربنا يقويك واديك العافية ايدي في ايدكم من اجل صوت الشعب وضميره الصاحي ,, هذا الانسان الذي كنا نستد منه الثبات ومن اغنياته النابعة من القلب الى الشارع القوة ومواجهة الطغاة .. يطول عمرك يا محجوب شريف يا شارع الاطفال والغلابة ويا وهج الحرية وربنا يطول عمرك وتشوف شمسنا ودك الطغاة ..

---

Post: #43 Title: Re: أعلان قيام رابطة أصدقاء ومحبى الشاعر محجوب شريف Author: Mohamed Abdelgaleel Date: 04-29-2006, 04:58 AM Parent: #42 وأعاف الصديق اللي ما بهم بيك

---

Post: #45 Title: Re: أعلان قيام رابطة أصدقاء ومحبى الشاعر محجوب شريف Author: مزاحم الضوي Date: 04-29-2006, 04:41 PM Parent: #43 العزيز عمر ادريس تفتكر بوستين كتيرة على شاعر الشعب الحملة تستمر شحذ الهمم مطلوب اعلان التضامن مهم التنسيق التنسيق لتنزيل الحملة لأرض الواقع وعمل ملموس ونطلع للحياه أنداد أحبك... وحبّك النادر يشرفني وبي نفسي بيعرّفني وبالزمن اللّي ضاع مني بيصادفني والاقيه على الحلم اللّي غالي كان أحلم بى صحّاني على استسلامي عصّاني ووصاني أغنّي أغنّي وصاني وخلاّ ني أحس لو جودي في عيونك طعم تاني وللفرح البعيد من عمري طول أيامي ودّاني طلعت على متحمّل عذاب الأرض طالع من جرح قاني تعالي تعالي نتماسك على الروعه وتنجاسر على اللوعه ونتقاسم سوا والهجعه ونطلع للحياه أنداد زي سيفين مساهر فيهن الحدّاد ونطلع من بذور الأرض زرعاً فارع الأعواد حبابك يا سما الأعياد أحبّك يا ضحى الميلاد ويا وطنا بدون أسياد ويا إنشاد عصافيراً ببالن ما خطر صيّاد

---

Post: #46 Title: Re: أعلان قيام رابطة أصدقاء ومحبى الشاعر محجوب شريف Author: امبدويات Date: 04-29-2006, 05:00 PM Parent: #45 وأجمل الاطفال قادمون ساعة فساعة عيونهم اشد من عيوننا بريقا صدورهم بما وهبت اكثر اتساعا لقد وصلتى اتصالات من المهندسة نبره تيسير محمد عبد الله نقد د/ ابراهيم عبد الماجد د/ عمار تاج الدين سوف يكونون فى الحندق لدعم شاعر الشعب محجوب شريف وشخصى عادل الوسيلة

---

Post: #47 Title: Re: أعلان قيام رابطة أصدقاء ومحبى الشاعر محجوب شريف Author: عمر ادريس محمد Date: 04-29-2006, 07:10 PM Parent: #1

---

Post: #48 Title: Re: أعلان قيام رابطة أصدقاء ومحبى الشاعر محجوب شريف Author: مزاحم الضوي Date: 05-01-2006, 10:59 AM Parent: #1 امس الأحد كان هنالك اجتماع بالرياض للجنة التمهيدية افيدونا بماتم عما قريب عما قريب الهمبريب يفتح شبابيك الحبيب والحال يطيب يا محمد أحمد تستجم والبيت يتم تتلم تلم تفرح فرح تحلم حلم كم تطمئن حقك يجيك لافيهو شك يمكن واظن ويفوتوهم والعدل يعم وتغني أم كادت تجن كبر الولد جوّا السجن فاقداهو هي داكلو كلو ينتهي داكلو كلو ينتهي زولا تريدو وتشتهي تلقاهو في لا في السجن لا مختفي لا يقولوا ليك ما تمشي لي داكلو كلو ينتهي داكلو كلو ينتهي داكلو كلو ينتهي كوبر – 1984

---

Post: #49 Title: Re: أعلان قيام رابطة أصدقاء ومحبى الشاعر محجوب شريف Author: يوسف السماني يوسف Date: 05-02-2006, 09:43 AM Parent: #48 الاخ مزاحم سلامات امس الأحد كان هنالك اجتماع بالرياض للجنة التمهيدية افيدونا بماتم عما قريب انا في انتظارك في الدوحة وياريت توضح لنا مادار في الاجتماع

---

Post: #50 Title: Re: أعلان قيام رابطة أصدقاء ومحبى الشاعر محجوب شريف Author: فيصل محمد خليل Date: 05-02-2006, 03:28 PM Parent: #49 محجوب شريف مكانك صميم الفواد وأعاف الصديق اللى ما بهم بيك فيصل محمد خليل

---

Post: #51 Title: Re: أعلان قيام رابطة أصدقاء ومحبى الشاعر محجوب شريف Author: مزاحم الضوي Date: 05-03-2006, 07:58 AM Parent: #50 فى افادة من السيدة حياة عبادى عضوة اللجنة التمهيدية تقرر قيام يوم مفتوح باسم محجوب شريف التفاصيل ستناقش فى اجتماع السبت القادم المكان منزل الشاعر حسين حمزة والسيدة حياة عبادى أحـبك أحبك حب شديد بالحيل كأني ولد كبر يادابو واتنفّس هوا العشرين وشدّ الحيل يخربش في الكراريس ليل وفي الخاطر بنيه شديدة اللمعان يفكر فيها ويتذكر مشيها قيبل قريب من لفّة الشارع رمت في قلبو حنيّه، وزي نعسان وما نعسان وما هين عليهو النوم يغمّد صاحي يتخيّل بأنو معاها في طرف البحر قيّل وبحلم أنو شدّ الحيل وكف...! من حارس البستان وباللهفه الجنونيه ختف وردة البكت في حضنو بالفرحه وغطّت وشّو بالطرحه ونزل جيها ما بهدم مكانا السيل، إذاهدّم ولا بجيها بتتوسّد ضراع النهر صافي القلب والنيّه نصب في ضفّتو الخيمه اللّي شدّت وردة أوتادا وربت فيها أولادا.. وأمانيها... ويصحى على الشمس شرّت على كتف المدن شالا ونعست في ضواحيهن فوانيس المزارعيه وبحزن.. لما لا ورده بتهبّب جنبو شاييها ولا الخيمه القميريه بترك فيها ولا النهر اب صديريه ولا الجيها.

---

Post: #52 Title: Re: أعلان قيام رابطة أصدقاء ومحبى الشاعر محجوب شريف Author: Mohamed Abdelgaleel Date: 05-06-2006, 07:30 AM Parent: #51 يا شعباً لهبك ثوريتك تلقى مرادك والفي نيتك

---

Post: #53 Title: Re: أعلان قيام رابطة أصدقاء ومحبى الشاعر محجوب شريف Author: فيصل محمد خليل Date: 05-06-2006, 03:12 PM Parent: #52 إنني أحس على وجهي بألم كل صفعة تُوجّه إلى مظلوم في هذه الدنيا، فأينما وجد الظلم فذاك هو وطني الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن لا يهمني اين و متى ساموت بقدر ما يهمني ان يبقى الوطن الثوار يملئون العالم ضجيجا كي لا ينام العالم بثقله على أجساد الفقراء ان الطريق مظلم و حالك فاذا لم تحترق انت وانا فمن سينير الطريق لن يكون لدينا ما نحيا من أجله .. إن لم نكن على استعداد أن نموت من أجله ارنستو تشى جيفارا

---

Post: #54 Title: Re: أعلان قيام رابطة أصدقاء ومحبى الشاعر محجوب شريف Author: مزاحم الضوي Date: 05-07-2006, 07:10 AM Parent: #1 سـؤال ساعدتيني أحبك ليه؟ خليتني وجرحي خطير ولو ساعدني الزمن أنساك حأعمل ايه؟ العمر قصير العمر قصير العمر قصير قابلتيني وكانواعيونك حقل نضير وكان العمر هجير الحزن اشتد عليه وفارقتيني أباري النجمه وأتاري النجمه سماهامطير! وقلبي حمامه جناها أسير وجناحا كسير ساعدتيني احبك ليه؟ وخليتيني وجرحي خطير ولو ساعدني الزمن أنساك حأعمل أيه العمر قصير العمر قصير العمر قصير أهرب منك دايماً ليك أي طريق أمشيه عسى يخلّصني يودّي عليك أقول أنساك أفاجىء قلبي بيسأل يسأل كل مكن اتعرف بيكْ أقول أنساك افتش عنك في اللي يعرفك وبلاقيك وافكر فيك ساعدتيني احبك ليه؟ خليتيني وجرحي خطير ولو ساعدني الزمن أنساك حأعمل أيه؟ العمرقصير العمر قصير العمر قصير مسامحك زدت على الشيل وخليتيني أواخر الليل طاير هدم عشو السيل وفارس فاتو جوادو الخيل ساعدتيني أحبك ليه؟ وخليتيني وجرحي خطير ولو ساعدني الزمان أنساك حأعمل أيه العمر قصير العمر قصير العمر قصير

---

Post: #55 Title: Re: أعلان قيام رابطة أصدقاء ومحبى الشاعر محجوب شريف Author: مزاحم الضوي Date: 05-08-2006, 04:40 PM Parent: #1 الغايـب سافر زمان.... قبال سنين لا جاب جواب لا جاب خبر أمّو تسأل كل طاير كل عايد من سفر خيالو ما فارق عيونها.. وطيفو ما غاب... ليهو أثر مازال هناك.. في الركن داك صوتو وغناهو وضحكتو وصورو المعلقة في الجدار جرايدو والكتب الزمان الليلة كاسبهم غبار مصباحو في الركن الحزين ومكانو مازال في انتظار أصحابو أنداد الطريق قدام عيونا مشوا اخضرار يا ماشي لي بلداً بعيد... قول للمخاصم أسرتو قول للطالت هجرتو: أمك هناك ما دق باب ما عاد قطا ر ووصل جواب اسمك تهزها ذكرتو والبيت وراك لو شفتو كيف ضاعت مواسمو وخضرتو يا حليلو لمن كان صغير تلميذ بيمشي المدرسه تشفق عليهو من الطريق وتخاف عليهو من المسا كيف ينسى عيديه وحنان وكفاح سنين كيفن نسى؟ سافر زمان قبال سنين لا جاب جواب لا جاب خبر 1967

---

Post: #56 Title: Re: أعلان قيام رابطة أصدقاء ومحبى الشاعر محجوب شريف Author: Mohamed Abdelgaleel Date: 05-09-2006, 02:58 AM Parent: #55 ديل أنحنا القالوا متنا وقال فتنا وقالوا للناس انتهينا الله جينا!!!