Post: #1
Title: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-02-2006, 03:23 AM
دعوة ليكم يا صحابي
عشان تشوفو زمن فرحنا ...
للعديل والزين تجونا ....
تشرفونا يزيد مرحنا ...
معرض تلوين
"اللون بذرة الخلاص"
وإذا اللون أهداك مفتاح المساء ...
كن ريشة ...
كن لوحة ...
حتى يستفيق الضوء في عينيك شوقاً ...
لا تبتئس ....
هذه الدعوة مني لجميع أعضاء سودانيز أون لاين وأصحابهم لحضور معرض زوجتي الحبيبة التشكيلية عايدة محمد سيد أحمد بالمركز الثقافي الألماني يوم السبت الموافق 6 مايو 2006م في تمام الساعة الثامنة مساء ...
إلى محبي الفن هذه شخبطات ريشة تسكن صاحبتها رقة الشوف ومعاني الرؤية ...
هي حاولت قدر مستطاع ريشتها وشوفها أن تقول ...
في إنتظار قرايتكم ...
وفي إنتظار حضوركم البهي الرائع ...
ملحوظة:
الفاتح وديدي أنت طبعا بقيت ضمن المدعوين لأنو في تعميم في الدعوة (يعوضنا الله) رغم أنو عارفك ما بتفهم في التشكيل وكده .....
|
Post: #2
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: سفيان بشير نابرى
Date: 05-02-2006, 04:10 AM
Parent: #1
عبد اللهي الطاهر ...
يا صاحبي وديدي ده بقي (تفتيحه) وبيفهم في التشكيل (وبمد يدوا ويأشر ويهوزز راسوا كمان)...
ياخ ده خبر مفرح انو يكون عندكم معرض في الخرطوم المسخنة دي
وانا معاكم معاكم بس كتروا الموية الباردة...
لك ولحبيبتك اجمل الاماني...
|
Post: #3
Title: بذرة الخلاص
Author: عبدالغني كرم الله بشير
Date: 05-02-2006, 04:31 AM
Parent: #1
الثالوث الجميل.... رذاذ..... عايدة......عبد الله...
لون الله حياتكم، بلون الفرح، والنعيم والسعد والصحة...
غايتو الحمد الله، الواحد شاف المعرض، أو جزء منه، قبل عرضه، وإلا كانت الحسرة قتلتنا...
(تغيبني......).... مقولتك، المحببة، لسيدي ود المتعارض!!!
عايدة..... شكرا لكم.... مش للوحات، فقط، بل وأيضا، لكرم الضيافة، وجمال الونسة، في ذلكم اليوم الجميل...
لا شك، رذاذ بين شعيرات الفراشة، تكشف بسمتها، عن سحر خاص..
همسة خاصة:
(دحين بتيكم ده، مكتبة، ولا معرض)، الواحد ما يقدر يمد كراعو، وإلا يرمي لوحة، لوحة، أو يرفس كتاب...
حقا،اللون بذرة الخلاص.... واعطوا، اعينكم حظها، وحقها، ودورها، وخصوبتها، وخمرها....
عميق تقديري وامتناني..
|
Post: #4
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-02-2006, 04:55 AM
Parent: #1
الحبيب عبد الغني كرم الله
لك من الود أجمله ...
تشكر يا حبيب على هذه الكلمات الطيبات ... وعلى تلك الزيارة الكريمة التي منحتمونا إياها أنت والمدام بمنزلنا المتواضع
| Quote: (دحين بتيكم ده، مكتبة، ولا معرض) |
هاهاهاها ... نحن متعادلين يا غني لما هي تعترض على الكتب التي كثيراً ما أتركها هنا وهناك أمد يدي على كثير من المناطق في أرجاء البيت إن لم تجد لوحة تجد ألوان وفرشاة رسم وحامل رسم ... هذا إذا لم يخدشك لونك على صفحة صمتك هنا أو هناك ...
هو بيت حنين يا سيدي بحبيبتاي عايدة ورذاذ ...
الكتب واللوحات هما أكسجين هذا البيت الحنين ...
| Quote: (تغيبني......).... |
إن كنت غائباً كوجود مادي فأنت موجود بيننا روحاً ... ثم أنني سأتصل بـ (آمنة) كي تحضر بدلاً عنك وأصالة عن نفسها ... هي جزء منك وأنت جزء منها ...
| Quote: لا شك، رزاز، بين شعيرات الفراشة، تكشف بسمتها، عن سحر خاص.. |
لن تتصور كيف تقف أمام اللوحات وتبدأ في الحديث بتلك الهمهمات اللغة عندها كأنها توصف في مفردات اللوحة ... الأطفال حلوين ... ورذاذتي أحلى ....
|
Post: #6
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: محسن خالد
Date: 05-02-2006, 05:18 AM
Parent: #4
..
كويس، بس خلِّي حبيبتك دي تدس لينا لوحة "رخيصة" كدا...
ما في زول جاب سيرة القروش والحساب بشكل واضح، طالبك كتب كتير أنا
وحاكم نحن السودانيين ديل ما بنتصور في زول شديد وما مودّر وعقلو فيهو
بشتري ليهو دلقان قماش فوقو بوهية، يعني زي ما شحدة الابتدائي ديك: العندو قلم رصاص زائد....
دحين كان عندكم لوحة زائدة... بس ما تزنقني وتسأل: أها الحيطة الزائدة بتجيبها للوحة دي من وين؟
يخيّل لي قصة اللوحة والحيطة دي، زي قصة السوسيو والبيضة... أيهما الأول؟
قول لحبيبتك، وبدون مناسبة كدا، شكلك ما مشيت علي أتبرا والدامر قريب...
هلا هلا ... الرجل السوداني –والعطبراوي على وجه الخصوص- بقى يقول: حبيبتي
غايتو من المسلسلات لتيموليلت، اتعلمتوا قِلّة الأدب... أما هوايل ومحن... بدع بدع
أها يا حبّيب إنت لقول لحبيبتك، لوحة يا محسنين، حاكم أنا بلدي بعيد
وقول ليها مبروك وعفارم عليك، وبوسة على خدّ الرذاذ يا كُتّاب وملوّنين
إزيكم هوي.. يا ناس سفيان وعبد الغني...
...
|
Post: #5
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-02-2006, 05:01 AM
Parent: #1
سفيان نابري
إزي زمنك يا حبيب
عسك طيب
| Quote: يا صاحبي وديدي ده بقي (تفتيحه) وبيفهم في التشكيل (وبمد يدوا ويأشر ويهوزز راسوا كمان)... |
كأنني فهمت الأمر سيدي ...
سأدع رذاذ تشرح له فهي أكثر فهماً في التشكيل ....
رغم أعتقادي بأنه أيضاً سيهز رأسه ...
|
Post: #7
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد اللطيف بكري أحمد
Date: 05-02-2006, 05:26 AM
Parent: #1
Quote:
هذه الدعوة مني لجميع أعضاء سودانيز أون لاين وأصحابهم لحضور معرض زوجتي الحبيبة التشكيلية عايدة محمد سيد أحمد بالمركز الثقافي الألماني يوم السبت الموافق 6 مايو 2006م في تمام الساعة الثامنة مساء ...
إلى محبي الفن هذه شخبطات ريشة تسكن صاحبتها رقة الشوف ومعاني الرؤية ...
هي حاولت قدر مستطاع ريشتها وشوفها أن تقول ...
في إنتظار قرايتكم ...
وفي إنتظار حضوركم البهي الرائع ...
|
الأخ العزيز عبد الله ، والله دعوتك في حد ذاتهامعرض للإبداع والتأمل ،، أنت بالكلمة وهي بالألوان ،،
نشكر لك دعوتك وندعو للتشكيلية عايدة بالتوفيق ، وتهانينا لكما بهذه الإلفة التي تنبؤ عن معرض جميل ولوحات رذاذ أي ((لذاذ))،،
|
Post: #8
Title: Re: دعوة لحضور معرض "اللون بذرة الخلاص" لحبيبتي عايدة محمد سيد أحمد
Author: عبد الله إبراهيم الطاهر
Date: 05-02-2006, 08:17 AM
Parent: #1
الحبيب الغالي المحسن الخالد
أهدي لك لوحة ...
وريشة ...
ولون بنفسجي ينتمي لهذه الأرض الخالدة ...
متى يأتي المساء ...؟؟؟
كانت حبيبتي صاحية ...
أيضاً صاخبة ...
لوحة واحدة يا محسن؟؟؟!!!
لك من اللوحات أجملها ومن العدد أكثرها ...
آآآآآآه يا المحسن
لما تقول حبيبتي لي مرتك بتحس بمعنى الكلمة ... خليهم الجماعة الحايمين ساي ديل زي ناس الفاتح وديدي وسفيان نابري .... ديل لا بعرفوا يقولوها لا بحسوها ...
الله يا محسن في داعي لي كلام الكتب ده هسه؟؟؟
أنت ما أبيت تديني رواية (وطن خلف القضبان) لي حبيبنا خالد عويس وهو الآخر تهرّب من أن يعطيني نسخة من الرواية ... الحمد لله لقيت واحدة في دار عزة وأشتريتها بحر مالي أيام فلسة رائعة ومبشتنة ....
أبقى طيب يا حبيب
|
Post: #9
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-02-2006, 08:22 AM
Parent: #1
عبد اللطيف بكري أحمد
طلتك في ذاتها نفسها لوحة ...
جميلة ...
وزخرف لونها معجن زي ما تقول بيمحن ...
آه لو كنت معانا
كنت رسمتك إلفة زول فنان ...
تشكر يا حبيب على هذه الكلمات الرائعات ...
وكنا نتمناك هنا كي تحضر ...
مع المحبة
|
Post: #10
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: الفاتح وديدي
Date: 05-02-2006, 08:26 AM
Parent: #1
....
I'm speechless and I don't know where to start
Elton John
|
Post: #11
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: علي محمد سند
Date: 05-02-2006, 09:16 AM
Parent: #10
الحبيب / عبد الله
بروز عنوان البوست كلوحة إضافيه للمعرض ،ولي قدام
|
Post: #12
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Mamoun Ahmed
Date: 05-03-2006, 00:27 AM
Parent: #1
اخي عبدالله، وحبيبتك عايدة
نحنا ما طماعين زي ناس محسن خالد سيد الكتابة ده
بس انشروا لينا اللوحات هنا وفرحونا معاكم
واضمن ليكم مافي زول بسرقا ويعرصافي منتديات تانيه
الا انا
ليه؟
عشان كل الناس تستمع
بفن بلادي
تحباتي
|
Post: #13
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-03-2006, 01:30 AM
Parent: #1
الحبيب الغالي علي ود سند
يا أخي أزيك وكيفنك
مشتاقين والأيام دي ناس حمدي والهادي إدريس بتصلوا طوااالي ما عارف الحاصل شنو ديل طبعاً يخنفوا سنة كاملة ويظهروا فجأة يوميا .... أقبل تحياتهم بالإنابة ...
| Quote: بروز عنوان البوست كلوحة إضافية للمعرض |
وهو كذلك فليكن ... رغم أنها لوحة تخجل وسط لوحات حبيبتي عايدة ...
محبتي ...
العزيز Mamoun Ahmed
| Quote: نحنا ما طماعين زي ناس محسن خالد سيد الكتابة ده |
طمع الحاجات دي ما فيهو شئ ... طمع المحسن الخالد خليهو براهو ...
| Quote: بس انشروا لينا اللوحات هنا وفرحونا معاكم |
نفرحك ونص وخمسة ...
Quote: واضمن ليكم مافي زول بسرقا ويعرضا في منتديات تانيه
الا انا |
حصرياً ...
لك هذا ...
ولك أحلى تحية وحتة باي من رذاذ ...
الخل العزيز وديدي
يا سيدي ما عليك ... ولا تزعل ذاتو كونك ما تفهمش في التشكيل مش مشكلة كبيرة ...
بعدين صحبك سفيان ده أنا عارفه خليهو بس ....
|
Post: #14
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: الفاتح وديدي
Date: 05-03-2006, 02:59 AM
Parent: #13
(اغتيال شخصية) وكدة يعني؟!!
أجمل الأحقاد هي تلك التي نعثر عليها مُصادفةً أثناء بحثنا عن حبّ آخر!!
|
Post: #15
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: nashaat elemam
Date: 05-03-2006, 04:52 AM
Parent: #14
الاخ العزيز عبد الله
ياخي والله تلقانا في الصف القدام ندافر ونعافر.. ونتفرج.. ونحاول نفهم..
وبعد افادات سفيان عن وديدي وفهمو لهذا النوع من الفن.. بس نمسك في وديدي.. ونقول ليهو اشرح لينا.. وربنا يطول بالنا علي شرحو..
|
Post: #16
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-03-2006, 06:22 AM
Parent: #1
نشأت الإمام
أزي أيامك يا زول
عساك لون مبسوط فوق لوحة
أو تجريد في فكرة فنان ...
منتظرين جيتك يا ..........
شرح وديدي؟
الله يكون في عونكم ...
|
Post: #18
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-04-2006, 04:59 AM
Parent: #1
|
Post: #19
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-05-2006, 12:31 PM
Parent: #1
إلى أعلى من أجل حبيبتي
|
Post: #20
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: هميمة
Date: 05-05-2006, 02:03 PM
Parent: #1
عبد الله !!!!!!!!!!!
ما اروع نساء بلدى وهن يلون الكون من حولنا.........
بفرشاة مغموسة فى ازاهير الالوان تارة ومن ارحامهن
تارة اخرى .................
ما اجمل بنات بلدى وهن يتفتحن وردة بعد ورده
عايدة !!!
التحيه لك وانت تبدين سامقة عملاقة
نحبك ... جميعا
يكفى انك اجبرت عبد الله لاعلان ذلك الحب ........
ونادرا ما يفعلون ............
سنكون هناك عايده وسنمكث حتى يعلم الجميع
ان عايدة واحدة من نساء بلادنا الجميلة .........
|
Post: #21
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-06-2006, 01:01 AM
Parent: #1
هميمة !!!!!
يا زولة يا رايعة أنت وين؟؟؟
فتشت عليك كتير ...
ما لاقيك ...
أسألي تلفونك (أظنه بقى قديم وغيرتيه) ...
كذا مرة بتصل عليك ألقاهو (مقطوع) ....
Quote: يكفى انك اجبرت عبد الله لاعلان ذلك الحب ........
ونادرا ما يفعلون ............ |
هو معلن يا سيدتي (بس وحياتك أنت مش جايبه خبر)
ما أروع عايدة ..
منتظرين جيتك ...
|
Post: #22
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: الفاتح وديدي
Date: 05-06-2006, 02:37 AM
Parent: #1
| Quote: كذا مرة بتصل عليك ألقاهو (مقطوع) |
يعني هسّة في داعي لي شيل الحال عابر القارات ده؟! ..
تبقو عليها إنت و(موبيتل)؟!
ما قلنا ليك ما مقطوووع..
غيّرتُه ياخ، بدّلتُه، حوّلت النمرة..
أسأل بس إنتَ بدل عمليات إستهداف القيادات بتاعتك دي.. مرّة (أنا) ومرّة (هميمة)، وياعالِم؛ مين عارِف بُكرة (الكلام على مين)؟
بعدين دي مناشدة برضو لي بت (المُوبَا): يابت الناس الريبلاي بتاعك ده فضائحي خالص، يعني الزول لمّن يسمع في التلفون عبارة:
"فضلاً.. الخدمة التي طلبتها غير متوفّرة لهذا المشترك حالياً، أرجو الإتّصال بخدمات المشتركين" .. النداء بي شكْلُه ديّه بيشبه لي منطق الكمساري في ملامتُه لأحد الركّاب:
"مفروض من الأوّل كان تقول لي ماعندك قروش، زي الزول أبو قميص كاروهات القاعد جنب السوّاق ده"!!
|
Post: #23
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-07-2006, 01:57 AM
Parent: #1
يا وديدي
شايفك جيت أمس
يلا أكتب لينا حاجة عن رؤيتك للمعرض
| Quote: يعني هسّة في داعي لي شيل الحال عابر القارات ده؟! .. |
أنت يا الفاتح محروق مالك ؟؟؟
| Quote: إستهداف القيادات بتاعتك دي.. مرّة (أنا) ومرّة (هميمة) |
وديدي يضع نفسه الكتف مع الكتف مع (هميمة) .... عشنا وشفنا
هميمة
أنا زعلان منك شديد لأنك ما جيتي الإفتتاح
|
Post: #24
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: أبوذر بابكر
Date: 05-07-2006, 05:03 AM
Parent: #1
تحايا وود يا عبد الله
وليتنى كنت هناك معكم
فنحن مجاذيب اللون المضئ ومريدوه
وتحية وتقدير للفنانة عايدة
ومزيد من التجلى والنجاح بكامل اللون
|
Post: #25
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Tumadir
Date: 05-07-2006, 05:15 AM
Parent: #24
أعتذر يا عبد الله عن حضورى المتأخر
وتهنئتى الحارة لكم ولحبيبتكم عايدة ..بهذا الانجاز الضخم.
|
Post: #26
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: معتصم الطاهر
Date: 05-07-2006, 05:30 AM
Parent: #1
عبد الله ود الطاهر
وحبيباتو الحلوات
خمج والله خمج ..
حمج زين و لون مدوعل متحكر فيك ..
دحين نحن بعاد ..
وشوف العين ما كتلو غزال
نزل لينا الألوان وأهبشنا شوية ..
|
Post: #27
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Hussein Mallasi
Date: 05-07-2006, 06:11 AM
Parent: #26
Quote: يا وديدي شايفك جيت أمس
يلا أكتب لينا حاجة عن رؤيتك للمعرض |
و هل يسع هذا البورد – بصفحاته المتعددة –
رؤية وديدي ان اراد ان يبسطها!!
|
Post: #28
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-07-2006, 09:07 AM
Parent: #1
أبوذر مجذوب اللون المضئ
كنك معانا ...
تحياتك وصلت
تقبل ألواننا ووريشة
وتحية
تماضر
أزي صباحاتك
نهارك سعيد
مشكورة على الطلة الجميلة دي
وعقبال كم عرض ليك بي جاي معانا في السودان ...
مع التحية
|
Post: #29
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-07-2006, 09:16 AM
Parent: #1
معتصم الطاهر عمي أزيك؟
نعلك طيب ومبسوط؟
بتجيكم الألوان قريب ...
ومشكور على الجية ...
حسين ملاسي
يا أخي طلتك أمس كانت رايعة ولوحة براها ....
| Quote: وهل يسع هذا البورد - بصفحاته المتعددة - رؤية وديدي إن أراد أن يبسطها!! |
أتفق معك ...
|
Post: #30
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-07-2006, 09:37 AM
Parent: #1
أجمل ما في المعرض ذلك الحضور الرائع من عدد كبير من المهتمين بالتشكيل ...
بروفيسور شبرين الذي إفتتح المعرض تحدث حديثاً رائعاً ...
وألهمه عنوان المعرض والأبيات التي كتبناها في البوستر والدعوة ليكتب قصيدة رائعة (نوعدكم بإيراد نصها) ... وتحدث عن التشكيل وهو الخبير والمتمكن ...
الدكتور راشد دياب حضر وما كنت أعتقده سيحضر ...
الزملاء بسودانيز إبراهيم الجريفاوي والخل وديدي ... وحسين ملاسي ... والرائع طلال ... الحبيب الصادق الرضي وزوجته (وتركوا رفقة رفقة حبوبتها وكنا نريدها أن تصاحب رذاذنا) ... عصام عبد الحفيظ ... شبشة .... مزن ... مأمون التلب ... أبوذكرى ...
وأختفى سفيان نابري لأول مرة في مثل هذه التجمعات ... وآخرون ...
والحبايب في رابطة طلاب مروى بالجامعة الإسلامية أيام الدراسة الهادي إدريس وحمدي علي حماد ... ومن على البعد كان نادر رشاد من الولايات المتحدة معنا في القلوب ...
نواصل
|
Post: #31
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Alsadig Alraady
Date: 05-07-2006, 10:49 AM
Parent: #1
الحبيب عبدالله الطاهر
| Quote: الحبيب الصادق الرضي وزوجته |
..
..
وحبيبته أيضا!
راجع ليك
|
Post: #32
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Hussein Mallasi
Date: 05-07-2006, 11:16 AM
Parent: #31
الاستاذ الرضي بين زوجته عن يمينه
و بين من فاتني معرفة اسمها عن يساره.
_______
سعدت بلقائك يا الصادق.
|
Post: #33
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-08-2006, 07:40 AM
Parent: #1
الحبيب الصادق الرضي
وحبيبته أيضاً ...
لك ذلك مع المودة
حسين ملاسي
مالك ضنين بالصور؟
بعدين يا حبيب لو سمحته رسلي صور الإفتتاح على الإيميل: [email protected]
مع كامل محبتي
|
Post: #34
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-09-2006, 06:30 AM
Parent: #1
|
Post: #35
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-09-2006, 06:50 AM
Parent: #1
مرة كتبته وأنا أتحدث عن حضور السودانيزيون (إن صحت العبارة) عن المعرض:
| Quote: وأختفى سفيان نابري لأول مرة في مثل هذه التجمعات |
أمس حضر للمعرض وهو يعترض على هذه العبارة ...
يا حبيب خلاص محيناها ما تزعل
|
Post: #36
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Abdel Raheem Hamad el neel
Date: 05-09-2006, 09:23 AM
Parent: #35
العزيز حسين ملاسي
سعدت أنا أيضا بلقاءك (على الأرض )...
وأرجو أن يتكرر - اللقاء
العزيز عبدالله الطاهر
شكرا للإنتباه والتصحيح.
|
Post: #37
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: Alsadig Alraady
Date: 05-09-2006, 09:34 AM
Parent: #36
إعتذار:
كان معي الصديق عبدالرحيم حسن حمدالنيل بالمكتب ، ودخل الى الموقع باسمه من (جهازي) الخاص ، وخرج ولم يعمل (خروج) ، لم ينتبه ولم أنتبه ، فجاءت مداخلتي باسمه
عذرا له وللجميع
Quote: العزيز حسين ملاسي
سعدت أنا أيضا بلقاءك (على الأرض )...
وأرجو أن يتكرر - اللقاء
العزيز عبدالله الطاهر
شكرا للإنتباه والتصحيح. |
|
Post: #38
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-10-2006, 01:58 AM
Parent: #1
الصديق الصادق الرضي
لا عليك عزيزي وإن كانت تلك لفته للعزيز عبد الرحيم حسن حمد النيل (صاحب أطول إسم في البورد كمات يسميه سفيان نابري) ... لفته كي نسمعه هنا حتى ولو كان عبر أناملك عزيزي
وله الشكر على حضوره الشفيف ... والا يكون لسه زعلان من حكاية تبديل الأسماء التي حدثت عفو الخاطر من قبل حبيبنا الفاتح وديدي ....
لك الود وله ...
|
Post: #39
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: منى أحمد
Date: 05-10-2006, 03:01 AM
Parent: #1
.
.
العزيز عبدالله
ألف ألف مبروك لك و لحبيبتك عايدة
وياريت لو كنا نقدر نحضر
وياريت كل الأزواج يكونوا زيك
و يعبروا عن حبهم لزوجاتهم كده
كان حيكون وراء كل إمرأة عظيمة رجل زيك
تحياتى لعايدة و رذاذ
.
.
|
Post: #40
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-10-2006, 03:36 AM
Parent: #1
الشفيفة والشقيقة منى أحمد
أزيك وأزي صباحاتك ... وكيف الدكتور ...
مشكورة على الطلة الرايعة دي ...
وأكيد لو كنتو معانا كنتو جيتو ...
ونهدي ليك أروع لوحة ومعاها ريشة ولون ..
مع الأمنيات
|
Post: #41
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-11-2006, 03:58 AM
Parent: #1
|
Post: #42
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-11-2006, 04:00 AM
Parent: #1
|
Post: #43
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبدالغني كرم الله بشير
Date: 05-11-2006, 04:17 AM
Parent: #42
كلااااااااااااااااام....
وقميصك ده، تبع المعرض؟
أنا شايف رذاذ هي الأفتتحت المعرض...
(كلمت رحاب بالمعرض، وقبل ذلك أمونة، ولكن داهمتهم زيارة عطبرواية، أسرية مفاجئة)...
شكرا عايدة، والف مبروك، برحيل ألوانك إلى حدقات وقلوب كثر... كخلاص من ألوان العادة اليومية..
هل قام وديدي بالشرح للزوار، وخاصة (لسفيان نابري)...
سؤال بري للصادق الرضي، (من الأجمل، والأغمض، الحروف أم اللون)؟
تلقاك يا عبد الله بعد ما اللوحات هاجرت للمعرض، يادوب مديت كرعيك كويس في البيت، لكن كتبك دي، مافي ليها معرض...
أين التفاصيل، من طق، لطق، وعشان فضولي (كتاب الزوار وينو، وقالو شنو)...
واللون، بذرة الخلاص، والحياة، وشمس الغد، ولمح الماضي...
طلال عفيفي كان بعاين من ياتو زاوية... (مثلا، كان في فلم في سينما بانت، طبعا هندي، وكان الجميع يعاينو للفلم من داخلها، الزوايا المتعارف عليها، وكان هناك رجل خارج السينما، من عمارتو، بعاين لشماسه، متعلقين كالثمر في اغصان النيمة، خارج السينما، كي يكبوا مع بطل الفلم، فكان الرجل، الفنان، في عمارته، اسعد الناس، بمشاهده فلم حقي، أبطاله ثمرات يانعة معلقة على اشجار النيم)..
كم سعيد، وكم حزين، فقد دوت الطبول بعيدا عن أذني، ولكن قريبة من القلب (ليس للقلب عطاء، سو المعجزة)...
سلامي وشوقي ودمتم...
|
Post: #44
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-11-2006, 07:06 AM
Parent: #1
حدثني احدهم ونحن على باب المركز الثقافي الألماني لاهجة حادة كيف أوافق على أن تعمل زوجتي معرض ؟؟؟؟؟!!!!!!!!1
ضحكت وقلت له: والمشكلة وين؟
هرطق بكلمات كثيرة كانت تصك في أذني وتشاغلت بتذكر حوار آخر حول توصيف زوجتي في هذا البوست بـ (حبيبتي) ... وكيف أن البعض لا يوافق على ذلك ...
ماذا يحدث يا سيدي هذه الأيام؟
دعهم يقولون ما يشاءون .....
لقد عشت هذه اللوحات واحدة واحدة بروحي وتابعتها أحياناً بنعاس وأنا قادم ليلاً من المكتب بعين مغمضة وأخرى فاتحة كي تعرف الطريق ... وحينما قص البروفيسور شبرين الشريط كأنه إفتتح معرض رسمته أنا ... فرح عامر بالقلب لعايدة فهي فنانة بطبعها ورذاذ هي الأخرى جزء أساسي من هذا المعرض فهو مُهدي لها من القلب ...
الصاحب عبدالغني كرم الله
أنت بيننا في القلب ...
| Quote: وقميصك ده، تبع المعرض؟ |
زي ما تقول كده ...
| Quote: أنا شايف رذاذ هي الأفتتحت المعرض... |
ده المعرض أصلاً تبعها وليها ...
| Quote: هل قام وديدي بالشرح للزوار، وخاصة (لسفيان نابري)... |
لقد أتهمنا وديدي بأننا نقتال شخصيته ... لا تعليق على الأمر ...
| Quote: طلال عفيفي كان بعاين من ياتو زاوية... |
والله ده يا أخوي بعاين من كافة الزوايا ... والزوايا خشوم بيوت ...
| Quote: أين التفاصيل، من طق، لطق، وعشان فضولي (كتاب الزوار وينو، وقالو شنو)... |
كتاب الزوار بجيك قريب ...
ويا سيدي لا إشكال قريب نشوف رحاب وآمنة ....
وتسلم
|
Post: #45
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-11-2006, 07:25 AM
Parent: #1
يظهر حسين ملاسي في الصورة وهو يلتقط بعض الصور (ياربي داسيها وين ما داير يورينا ليها) ؟؟؟!!!!
|
Post: #46
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-13-2006, 02:00 AM
Parent: #1
لأجلها
|
Post: #47
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: gessan
Date: 05-13-2006, 04:38 AM
Parent: #1
وأخيرا لقيتلي فرصة ادخل علي بوستك دا..
ألف تحية لك وأنت تخص حبيبتك الفنانة بكل هذا الدعم ..
وألف تحية لها عبرك ..وهذا هو طريقها الذي إختارته ويا له من طريق ..
ويا زول بس خليك كدة معاها..وتمنياتي بالتوفيق لكما ..
شايف حمد النيل صديقي "الصلعة زاااتا" ضمن الحضور..حمد النيل مسرحي ولكنه يدعم حبيبته أيضاً في مشاريعها التشكيلية..
سلام كتير ليكم ..
|
Post: #48
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-13-2006, 07:25 AM
Parent: #1
العزيز gessan
هلا فيك وفرصتك التي لقيتها أو قلعتها ...
وطلتك براها لوحة ...
مع المحبة
|
Post: #49
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-13-2006, 07:56 AM
Parent: #1
الكاريكاتيرست معنم حمزة في حالة شوف ....
|
Post: #50
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-13-2006, 08:11 AM
Parent: #1
دي بنهديها لكل من كان يريد أن يحضر معنا ولم يتمكن ..
مع المودة ...
|
Post: #51
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: عبد الله إبراهيم الطاهر
Date: 05-16-2006, 02:57 AM
Parent: #1
اللون بذرة الخلاص
للون خاصية فكرية متميزة على أساس أنه يمكن من تحويل الأفكار إلى ألوان تمكن قارئها من التمييز أثناء الشوف ... واللون يعمل على تخليص هذه الأفكار وتنقيتها ولدلالات اللون مفارقات إن كانت إيجابية أو سلبية فإن كان الطريق أمامك سالكاً وفيه تفاؤل يقال لك (دربك أخضر أو "أخدر") ... ويصر البعض على إدخال اللون في صراعات التعنصر (وهو برئ) تناقش معنا أحدهم أثناء المعرض وقال بمثل ذلك فقلت له إن اللون محايد فلم تدخله في نقاشات مثل هذا الصراع (الأسود والأبيض ... الأبيض عند الغربيين هو الأعلى والأسود هو الأدنى) ...
اللون هو أصل الأشياء ... قلت هو يقع ضمن المفاهيم الكلية أو الأسماء الكلية للأشياء قال: يمكن أن نقول نهارك أسود ...
قلت: ربما ...
لذلك يتعامل التشكيلي مع اللون بحياد تام دون التصنيفات التي توضع له ...
للكلام بقية
|
Post: #52
Title: Re: دعوة لحضور معرض "اللون بذرة الحياة" لحبيبتي عايدة محمد سيد أحمد
Author: احمد العربي
Date: 05-23-2006, 01:56 AM
Parent: #51
عبد الله ابراهيم الطاهر
لقد اسكنت جنت اللون هذه فهنئا لك
تتهادى هذه الالوان في نفوسنا فاتحة ابواب محبتنا الوكن
ازهار عايده حديقتها الناضره تداخل حوارينا نفس الوطن
جميلة عايده وانت
ويسلم لنا لونها
احسدكم علي حضور هذا الجمال الذي منعتنا منه مسافات
وسنين ولكنا تذوقنا تماما كما انتم
نحياتي
ومحبه اكوام
|
|