Post: #1
Title: القذافي ...يطرد الصحفيين وينفرد بالستة !!
Author: garjah
Date: 05-17-2005, 09:25 AM
Parent: #0
شلت هم وقناتنا الفضائية تعلن عن سهرة على الهواء من طرابلس مباشرة من قمة الستة الخاصة بدارفور ....طبعا الواحد صبر مع المناظر وهو منتظر الفلم ...والفلم طبعا معروف بطلو القذافي اصلو الواحد من القمة العربية الفاتت ختاهو بطل اساسي لازم تتابع حركاتو منها تضحك ومنها تبكي على واقعنا المؤلم .
الواحد المفروض يقوم الصباح بدري لكن شان كلمة القائد معمر لازم يسهر وان صبحت.
اعلن الرئيس النيجيري عن كلمة للقذافي ..
شمرنا عن نضاراتنا واستعدلنا في القعدة لمشاهدة الفلم .
لكن البطل خزلنا.
تتخيلو طرد الصحافة والكاميرات وقال ليهم ما عايز اشوف واحد فيكم هنا
بالله الزول التقول عارفني راجيهو متجهز ...وحسيت بانه بيقول سيبوهم لي الستة ديل الصباح زاتو ما يحلهم .
|
Post: #2
Title: Re: القذافي ...يطرد الصحفيين وينفرد بالستة !!
Author: banadieha
Date: 05-17-2005, 10:08 AM
Parent: #1
يعني ياقرجة تخلي منصور خالد وتمشي للقذافي؟
بس الطرد جاء من الرئيس أوباسنجو مش القذافي.
|
Post: #3
Title: Re: القذافي ...يطرد الصحفيين وينفرد بالستة !!
Author: garjah
Date: 05-17-2005, 11:48 PM
Parent: #2
استاذ
بناديها
تحياتي للغالي
النيجيري قال كلمتو بدون ما يطرد الصحافة لكن بعد قدم القذافي التاني قال ليهو اطردم لي
اخوك شاف البث المباشر قال في نفسو اكيد احمد البلال ساق ضيفو وشتت
لكن فعلا منصور خالد ما بتفوّت ....
|
Post: #4
Title: Re: القذافي ...يطرد الصحفيين وينفرد بالستة !!
Author: محمدين محمد اسحق
Date: 05-18-2005, 03:13 AM
Parent: #3
لي فوق
|
Post: #5
Title: Re: القذافي ...يطرد الصحفيين وينفرد بالستة !!
Author: garjah
Date: 05-18-2005, 09:37 AM
محمدين
اخوي
تشيلك عافيتك انشاء الله
واكيد صاحبنا البطل كان عندو شمار حاااار وقطيعة بسكاكينها عن الامبريالية ومن شايعها ...ولكن المسكين ينسى دايما انه كان اول المنبطحين
|
|