تاج السرالحسن وبلة موسى يابكرى أبو بكر

الأخ بكرى فصلت تاج السر الحسن بعد آخر مداخلاته معى ولأنها إحتوت على إساءة شخصية لى أجزمت بأنك فصلته لهذا السبب.
إتصلت عليك وطلبت منك إرجاعه فقلت لى لم أفصله بسببك .ولم توضح لى السبب ولم توضحه لتاج السر ولا للأعضاء بالمنبر.
وضعت فى رأسى أن يكون شيبا السبب ولكنه أكد لى فى المسنجر أنه لم ولن يشتك تاج السر.
تبقى الآتية أسماؤهم:
1/ صديق الموج
2/عبد الرازق الطالب
3/سامى عبد الوهاب
4/عمر الفاروق
5/ربما آخرون لاأعرفهم.

يابكرى أولا تاج السر صحفى رياضى يكتب لجمهور رياضى عريض وبتوازنات المصلحة الصحفية المنبر يحتاجه.
أما أنا لاتعنينى الصحافة الرياضية فى شئ وما يعنينى أننى مبدئيا ضد الفصل عموما .أما فصل شخص بسببى أو بشبهة تحوم حولى لاأقبله إطلاقا.

وقوفا عند مبدئى وإحقاقا لقيم أؤمن بها فأقول لك حتى يوم 22/5/2005 إن لم ترجع تاج السر الحسن مع السلامة وأتمنى لمنبرك التوفيق والإزدهار.
وأكيد سوف تستمر بيننا العلاقة الشخصية التى أعتقد أنها الحسنة الوحيدة لهذا المنبر.
بلة موسى14/5/2005

يا عزيزي بلة،

تحية طيبة

أرجو ألا تقرن وجودك في المنبر بإرجاع الأخ تاج السر..

ثانيا، أرجو أن يتم توضيح لماذا تم فصله وفصل الآخرين.. ولكن أقترح على بكري أن يُلزم الشخص الشاكي بأن يطرح حيثيات شكواه والأدلة والوثائق التي يظن أنها تدين المشكو.. ولا نطالب بكري بأن يقوم بذلك، فهو ليس موظف تحت إمرتنا..

أما إذا قام بكري بالفصل نتيجة لتكرار العضو انتهاك اللوائح فيمكنه أن يوضح ذلك للجميع، وذلك في نفس البوست الذي رأى فيه الخرق من العضو، مع إعطاء وصلات للبوستات الأخرى التي خرق فيها العضو القوانين..

لا منبر بدون سيادة حكم القانون..

ولا سودان بدون سيادة حكم القانون

ياسر

الدكتور بلة

قصة انه بكري يرجع ليك تاج السر دي انساها بعدين انت سجلت في سودانيز اوف لاين ولاقيت تاج السر بهناك وشبكك كضاب كضاب للمرة التانية والتالتة اقعد اتناقش معاهو بي هناك بي ارتياح وما تدخلوا بكري معاكم في الموضوع دا بصراحة حاجة تانية تاج السر الايام دي زاتو سعران جدا لو جا المنبر دا تاني بعوق نص الناس دي اول حاجة لانه مافي زول لمن تاج السر مشي قال فيهو كلمة خير ولا في زول نادي وطالب بانه يرجعوا فالعالم دي كلها متلومة فيهو لوم شديد مع انه كان زول مجامل جدا وما بقصر مع القاعد والبنطرد فانت لو جادي في حليفتك وانك يوم اتنين وعشرين حتخلي البورد احسن تكسب زمنك من اسع وما تشغل نفسك بانتظار ما ليهو طائل بعدين الحكمة شنو من يوم اتنين وعشرين بكري عشان يرجع الاسم بزرعوا وبرجي بيهو المطرة ولا كيف ؟؟ ما هو لو داير يرجعوا في تلاتة دقايق برجعوا انت داير تديهو اسبوع يفكر يعني ولا شنو ؟؟ ولا يكون عنده شورة ؟؟
علي العموم بكري قال الناس الطردهم ديل لا ميثاق شرف زي البتعمل فيهو لا ميثاق الكشافة البحرية برجعهم انت تقوم تعمل نايم من البوست دا لو نفسك في البورد لسع وشايف روحك ما بتقدر تفارقه ولو شايف انه الهاشمية شايلاك ( لاحظ انا ما عنصري) ما طريت ليك الجعلية عشان تمسك في رقبتي بعدين لو شايلاك البتاعة الاولي دي تقوم من اسع دي تمشي تتفرغ لي تاج السر دا في سودانيز اوف لاين لكن نصيحة لوجه الله برضو تاج السر دا ما بتتفك منه بالساهل اسال مجرب

أساسى
المابتعرفو تجهلو

ستبدى لك الأيام إن كان هنا أو هناك.

أنت تكتب هذا الكلام وربما على وجهك إبتسامة ولكنى أكتبه بدموع قلبى ولاأظنك تصدق ذلك.

يا جماعة شنو الحكاية الواحد يغيب ليهو يومين من البود
يجي يلقى الدنيا مقلوبة وفي ناس مطرودين

فريد شكرا ليك

العزيز / بله

لك التحية

ده واحد من الاسباب

Quote: تاج السر حسن Re: الكاذب الحقير شيبه يأتى باسمى ويواصل كذبه وكشف عورته ويتداخل مع شخص لا يحترمه !! (Re: أيها الحقير التافه الصعلوك الكاذب الذى لا يشبه الرجال أو النساء (شيبه)!! طالما لديك مطبلين سوف اضع أنفى على وجهك ايها السافل.

ولو قلت ده ماسبب مقنع للطرد والله انت ذاتك طريقك ساحلي

ودالمايقوما

تحياتى

Quote: ولو قلت ده ماسبب مقنع للطرد والله انت ذاتك طريقك ساحلي

ياسيدى أنا طريقى رسمتو براى وماخايف أمشيهو.بل سأمشيهو وضميرى مرتاح.
ماقاله تاج السر فى إساءتى أكبر مما أوردت وقد نقلته الى هذا المنبر يمكنك الإطلاع عليه. ولكنى ضد الفصل النهائى.
ياسيدى أنت وعبرك الجميع يجب أن تفهموا هذه النقطة وتفهموا كذلك أننى ضد أن يفصل شخص حتى لو مؤقتا بسببى.

أرجو أن لا نفقد قلمك يا دكتور
سيكون شيء محزن لو حدث ذلك

محمد السر

شكرا لك ولكن إن طلعنا من السودان فلن يعز علينا الطلوع من هنا.

العزيز بلة

اذا كان المدعو تاج السر قد طرد بسببى انا شخصياً "شيبا" فهو يستحق اكثر من الطرد " لو وجد او امكن ذلك " فما قاله من اساءات فى وشخصى وامى واسرتى التى يراها او يعرفها وكلها موثقة "صورة وصوت " ودونك الارشيف فستجد فيه ما يكفى لطرده من كل منابر الدنيا ... هذه الاساءات لا يقولها الا شخص مريض واظنه كذلك

فهو مطرود من سودانيز اون لاين ومطرود من منتدى المشاهير ومطرود من منتدى الهلال واخيرا وجد مرتعاً خصبا فى منتدى المطاريد " سودانيزاوف لاين " وطاب به المقام اخيرا بعد وجد الراحة خصوصا وان لا احد يطرد من هناك واطلق العنان لشتائمه واساءاته


أنا شخصيا لن أعفو عنه " زى الصعايده كدة " فهو لا يستحق ... الا ان يحمل كفنه بيديه وياتينى صاغرا منكسرا
زى محمود لطفى الجناينى " فى عباس الابيض"

عندها سنرد إليه كفنه من غير شفقة وستلاحقه لعناتى ودعواتى أينما حل وسيظل شبح "شيبا" يطارده فى منامه وصحيانه الى ان يغرق فى اليم لا محالة عندها سننتظر ان ينجيه الله ببدنه ليكون عبرة لغيره .. تماما مثل فرعون


هو متابع جدا لما اكتب وستجده بعد قليل يفرد بوست جديد فى منفاه الاجبارى يتحدث فيه عن الذيل شيبا و.ووو
فاسمى وحده يثير فى نفسه الكوامن ويجعل الشياطين بتتنطط قام عيونو اينما حل


لقد طوى العزيز بكرى ابوبكر بحكمته هذه الصفحة على هذا الحوش .. وهذا الشخص موجود على قمة جبل المطاريد يمكن مجادلته هناك كما افرد العزيز "اساسى " ولكن خذها من اخ اصغر .. فهو شخص يفتعل معركة فى غير معترك وستجد منه الإساءات اطنانا


لانريد ان نعود لهذا الملف مجددا بعد ان طوينا هذه الصفحة
ولكن انظر للاساءات التى وجهها لاسرتى ولامى

الأخ شيبة

تحياتى

أيضا قد ورد إسمى فى وثيقتك هذه وقد تركك تاج السر الآن وركز على وأنا قادر على محاصرته دون سباب وقد ذهبت له هناك لكنى أنا على ثقة لاتتزعزع إن رضى بكرى إرجاعه هنا سوف أحصره فى طريقين لاثالث لهما -الإنسان أو اللاإنسان- وسيكون ذلك بشهادة أشد مؤبديه.
فتاج السر نموذج لسودان يجب أن نفككه ونركبه من جديد ولكى نفعل ذلك لابد أن يكون وسط أناس لهم المقدرة على التفكيك والبناء السليم.
حرصى على رجوع تاج السر هو حرصى على السودان وليكن هو عضو فى ذاك السودان لازال يمكن علاجه دون بتره.
لك شكرى

هذا مصير لكل انسان يسئ للاخرين فالنار اولى به والى غير رجعة انشاء الله

الأخ keiga2000

لاأعرف من تقصد ولكن شكرا لك على المرور

د.بلّة... أحيّك على طرحك ولكني أرجوك ألا تترك المنبر.. كثيرون سيسعدون بذلك.. أصدّقك تماماً وأعلم أن ما تكتبه نابع عن قلب طيب ومتسامح.. أرجوك ألا تضع خيار تركك المنبر ومعك أناشد بكري لإعادة الأستاذ تاج السر (من أجل أن تبقى يا د.بلّة)...

مع تقديري
بنت الحسين

العزيزة مريم بنت الحسين

لك شكرى وتقديرى

العزيز بلة

واضح انك زول طيب.. وعلى نياتك خالص وقلبك ابيض

لكنك تذكرنى بمنظر الغريق وهو يلاطم الامواج شمالا ويمينا بحثا عن النجاة وعندما يحاول احدهم انقاذه من الغرق يمسك الاول بتلابيب الاخير والمحصلة فى الغالب ان يغرقا معاً

ولا يفوت على فطنتك انه يحاول جذبك الى ذلك وانت عن طيب خاطر تريد ان تترك المنبر لتكون انيسه فى جبل المطاريد

واراك الان تحقق له هدفه ..

اخى بلة

اطوى هذه الصفحة الى غير رجعة .. فهكذا سيموت هو كمدا وسيبدا هو فى البحث عن ضحية جديدة

ولننتظر فقط من التالى ؟؟

أخى شيبا

أعلم تماما أن تاج السر لايستحق ذلك

ولكنى أعلم علم اليقين أن نفسى تستحق منى أن أضعها حيث الكرامة والإباء وإحترام المبادئ.

الأخ بلـة..

تاج الســر لم يطـرد بسببك، وإنما بسبب مخالفته للوائح.. أرجو أن تكون لاحظت الفرق.

بعدين لو أنت ما عندك مشكلـة تتعايش مع مثل هـذه العبارات، جايز عندك زكمـة واللا حاجـة.. فأرجـو أن تعزم الأخ التاج فى مكان أخـر لينثـر لك هـذه العطـور هناك.
أما أنا فمن الذين تسبب لهـم هـذه اللغة الوضيعـة ظلام فى القلب وطشـاش فى العيون ودوشـة فى الرأس.
لقـد نشطت يا أخى بلـة فى اليومين السابقين بنقل شتائم تاج السر لك بطلب منه إلى هنا، وطلبت رأينـا فيهـا.. هسـى دايـر بكـرى يقبقبـو ويجيبو ليك هنا موش كدا..
لا يا اخى دى ما تنفع.

هـذا البورد كفاه الأن إنصـرافـات.. مرة حاول الإنقاذيون إشـانة سمعـة الجمهـوريين، والأن قبلوا على الصـادق.. حتى نصـرف الوقت فى الدفاع عن النفس.. هـم يعرفون ذلك، وهـذا ما خططوا له أسـاسـا..

لقـد حان الوقت ليصـرف وقت هـذا المنبـر لما خلق لـه -قضـايـا الســــودان فحسب. أى زول يتأمـر على هـذا المبدأ: بــرة.

تحية طيبة للجميع

و لا ازيد على كلام السيد/ابو الريش حرفا، متفق معه تماما

و شكرا

رسالة تاج السر الحسن لمربم بنت الحسين


http://sudaneseonline.com/viewtopic.php?t=577