Post: #1
Title: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 08:56 AM
اخيرا وجدا خلع البعض أقنعتهم
فبانت وجوههم الحقيقية
فعرفنا كم كنا مخدوعين فيهم
هل عرفتوموهم ؟؟؟؟؟؟؟
لو انهم جاءونا بلا اقنعة الزيف هذه لاحترمناهم
مثلما احترم جدا الاخ محمد حامد جمعة
ومن قبله د. أماني السني
ومن قبلهم د. المشرف
اما هؤلاء الخجلون من انفسهم فلا احترام لهم
هم مجرد منافقون
أستغلوا طيبة البعض وغيرتهم علي دينهم
اما ديننا فنحن متمسكون به
واما هؤلاء المندسين فاليذهبوا الي الجحيم
يكللهم كرههم لذواتهم الخربة ودواخلهم المريضة
ويحيط بهم مكرهم السئ
ومؤكد عندي ان يوم كشفهم قريب
يوم نعرف وبالدليل القاطع
من كان امنجيا سئ السمعة
ومن يعمل في التصنيع الحربي الذي لا يعمل به الا القوي الامين
ومن ينتمي لتلك لتلك البنوك الناهبة لخيرات بلادي
ومن ...... ومن
وسيري هؤلاء
ان يوم حسابهم وكشفهم اتي لا محالة.
|
Post: #2
Title: Re: اخيرا جدا ........ تمايزت الصفوف
Author: kamalabas
Date: 05-09-2005, 09:21 AM
Parent: #1
صدقت يا أسعد ...صدقتمثلك لا أبه أن يكون في منبرنا كوز واضح الكوزنة مثل لؤي ووليد500
أو د. أماني السني لناالقدرة علي تحمل الرأي الأخر وتحمل تبعات حرية
التعبير لنا القدرة والأمكانات الفكرية علي ضحد طرح النظري وفضح ممارستها العملية ...
المصيبة تكمن في '"هولاء:" الذين يتنكرون لكوزنتهم لعجزهم عن الدفاع
عن أطروحات الأنقاذ ومواقفها ولأفلاسهم الفكري وضعف قدراتهم الذاتية
تراهم يقسمون بالله جهد أيمانهم بأنهم ليسوا بكيزان ولكنهم يقفون في ذات
الخندق الفكري وتتطابق رؤاهم السياسية مع الأنقاذ ويدافعون عن مواقفها
وأحيانا يصبح أحدهم ملكي أكثر من الملك
لايهم عندهم أن تحرق مصداقيتهم بالمحاولات البائسة للتذاكي وأنكار
الكوزنة
صار بعضهم يعزف علي وتر حماية العقيدة والدفاع عن القيم الوطنية
بصورة عامة ولكنه في حقيقة الأمر يدافع عن الأنقاذ ..فمن يدافع عن
الأسلام عليه يقف في الخندق المضاد لمن شوهوا قيم الأسلام وسماحته و ووظفوه
لأغراض سياسية ومن يدافع عن القيم الوطنية عليه أن يناهض من عزل
الوطن وربطه بالارهاب ومزق النسيج الوطني لبلادنا وفرط في التراب والسيادة الوطنية ...
كمال
|
Post: #3
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 09:52 AM
Parent: #2
تشكر اخي الكريم كمال عباس
اعتقد ان ما اردنا قوله سويا هو :
ما هو الفرق بين المسلم والكوز
المسلم هو من يدافع عن دينه من قناعة راسخة
الكوز هو من يستغل الدين ويستغل تعلق اصحاب النوايا الطيبة بدينهم
لتحقيق اهداف ومارب اخري الدين منها براء
المسلم هو من يدفعه تدينه لمراضاة الله فقط
الكوز هو من يختفي وراء هذا الدين للظلم والغش وايذاء الناس واستغلالهم
بدعوي مخالفتهم للشرع
المسلم هو يعبد ربه ويطيعه ويعتبر هذا واجبا عليه يؤديه بكل تواضع واستسلام
الكوز هو من يعتقد انه خليفة الله في الارض وما عداه ليس الا منافقا
المسلم هو من يعتقد ان الدين هو المعاملة والتسامح والقول الحسن
الكوز هو يسب ويعذب ويسجن ويقتل ويقطع عيش "المسلمون وغيرهم " بدعوي انه يحافظ علي الدين
الفروق كثيرة وسنعود بالمزيد منها
وتشكر اخي كمال
|
Post: #4
Title: Re: اخيرا جدا ........ تمايزت الصفوف
Author: معتز تروتسكى
Date: 05-09-2005, 10:08 AM
Parent: #3
انت دابك عرفته
ياخ انت الظلمه طششت بيك كيف
لاحولا وصلت مرحله متاخره جدا يصعب علاجها حتى على ايادى دكتور مشرف.
بعدين ناسك البتتفق معاهم ديل
لو قلنا دكتورة امانى السنى
نقول نعم
محمد جمعه
نقول
لاباس
لكن ناس المشرف ديل ياخوى نقطة نظام بعد ماتتضح لينا الصوره بعدين نقرر
والتحايا النواشر
ابو السعود..
|
Post: #5
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 10:18 AM
Parent: #4
العزيز معتز
| Quote: لاحولا وصلت مرحله متاخره جدا يصعب علاجها حتى على ايادى دكتور مشرف |
حقيقة لم افهم ما تعني بهذه العبارة ولكن
أقول لك مهما وصلت الي مرحلة متأخرة فقد صحوت الحمد لله
وزالت الغشاوة عن عيوني
فهل صحوت انت ؟؟؟؟؟
واطالبك بشرح عبارتك اعلاه لما تنطوي عليه من اساءة بالغة
| Quote: لكن ناس المشرف ديل ياخوى نقطة نظام بعد ماتتضح لينا الصوره بعدين نقرر |
عليك اخي معتز ان تفهم الحديث قبل ان تدلي بدلوك في هذا الامر
هل سألت نفسك لماذا احترم هؤلاء الثلاثة؟؟؟؟
بكل بساطة لأنهم قالوا انهم كيزان ومن مؤيدي الحكومة، احترمت صراحتهم ووضوحهم واحترامهم لعقول
الناس .
ولم احترم الاخرين لضعفهم ومراوغتهم وكرههم لذاتهم
ولك مثلها
|
Post: #6
Title: Re: اخيرا جدا ........ تمايزت الصفوف
Author: معتز تروتسكى
Date: 05-09-2005, 10:23 AM
Parent: #5
خلاص داير تقبل على
كدى لو رقته بتفهم كلامى مابعيد من خطك
بس مع قليل الاختلاف..
كلامك واقع لى تب..
شفته تجى المنبر زعلان بتخسر كل شى..
ماقصدى بى كل شى من هم هنا ..
لكن روحك اولا ودى اهم شى
لذا خليك ريلاكس..
ابوالسعود
سلامز
والتحايا النواضر...
|
Post: #7
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 10:28 AM
Parent: #6
| Quote: خلاص داير تقبل على |
يا زول ما تقول بسم الله
اقبل عليك كيف؟؟؟
انت الجيت بكرعينك براك
وكمان بتكتب كلام ما مفهوم
ماهو دووووووووووووغري
واحلي من الدوغري مافي
عموما مافي بينا مشكلة
وحتي لو جيت انت متأبط شرا
ما عندك مشكلة
الدم عمرو ما بيبقي موية
|
Post: #8
Title: Re: اخيرا جدا ........ تمايزت الصفوف
Author: معتز تروتسكى
Date: 05-09-2005, 10:34 AM
Parent: #7
بنريدك نعمل شنو..
|
Post: #9
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 10:38 AM
Parent: #8
رأئك شنو تفتح بوست تاني للريدة
وأجيك فيهو
بعيد من البوست دة
لأنو ما مناسب للريدة
|
Post: #10
Title: Re: اخيرا جدا ........ تمايزت الصفوف
Author: Ehab Eltayeb
Date: 05-09-2005, 10:44 AM
Parent: #1
الاخ اسعد ....
حمد لله علي السلامة...
وسلامة الطلة.. مرة اخري عبر نوافذ المنبر,,
كل التحايا,,,,,
|
Post: #11
Title: Re: اخيرا جدا ........ تمايزت الصفوف
Author: معتز تروتسكى
Date: 05-09-2005, 10:55 AM
Parent: #10
Quote: رأئك شنو تفتح بوست تاني للريدة
وأجيك فيهو
بعيد من البوست دة
لأنو ما مناسب للريدة |
كل كلام تقولو حلو منو البسمع كلام بدلو..
|
Post: #12
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 10:57 AM
Parent: #10
العزيز ايهاب
شكرا علي المرور والسؤال
ولا عدمناك اخي الكريم
أسعد
|
Post: #14
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 11:23 AM
Parent: #13
شكرا اخ محمدين
وقعنا
وهؤلاء بالدرجة الاولي من ضحايا حكومة الخرطوم
فلو لم تضق عليهم بلادهم بما رحبت
لما اضطروا للمغادرة
وغيرهم كثر تشتتوا في ارجاء هذا العالم الواسع
شكرا للتنيه
|
Post: #15
Title: Re: اخيرا جدا ........ تمايزت الصفوف
Author: هاشم نوريت
Date: 05-09-2005, 12:01 PM
Parent: #14
اسعد ابراهيم
دبايوا
Quote: اما هؤلاء الخجلون من انفسهم فلا احترام لهم
هم مجرد منافقون
أستغلوا طيبة البعض وغيرتهم علي دينهم
|
حوالينا ولا علينا
صدقت يا اخى الوضوح ولو كنت تقف فى المكان الخطا افضل من الخداع ولبس الاقنعة
وياريت ياخى تورد بعض النماذج ؟
|
Post: #16
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 12:20 PM
Parent: #15
العزيز هاشم
كل الود والاحترام
أشكرك علي موقفك الواضح
| Quote: وياريت ياخى تورد بعض النماذج ؟ |
يا اخوي ما باينين وواضحين
كدي شوف منو القاعد يلولو في الكلام
ومنو البدعم في الانقاذ ويدافع عنها دفاع المستميت
ويجي يقول ليك بكل قوة عين انا ما كوز
كدي اتلفت جاي وجاي
بتشوفهم كتااااااااااااااااار
اهو ما تنسي تقول لي نتيجة بحثك شنو؟؟؟
مع السلامة
|
Post: #17
Title: Re: اخيرا جدا ........ تمايزت الصفوف
Author: Frankly
Date: 05-09-2005, 12:29 PM
Parent: #16
السلام عليكم أسعد إبراهيم
قلت أدخل عليك فقط للسلام
وخارج موضوع المقال المسخن دا
تحياتي
كمال
|
Post: #18
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 02:01 PM
Parent: #17
وعليكم السلام اخي الحبيب كمال فرانكلي
والله الواحد بيشرف بجيتك دي يا حبيب
بس والله ضروري عاوز منك تعليق
شكرا ليك كتير
دوما اسعد
|
Post: #20
Title: Re: اخيرا جدا ........ تمايزت الصفوف
Author: ASAAD IBRAHIM
Date: 05-09-2005, 03:15 PM
Parent: #19
الحبيب انور
يا اخوي البوست حقك افعل به ما يحلو لك
وبالمناسبة اللنك مناسب جدا هنا مع موضوع البوست
فقد كانت قناعتي ان بقال هذا ماهو الا كوز مندس من جماعة الترابي
وحتي لو كان خبر اعتقاله حقيقة
فاغلب الظن ان يكون اعتقل لأنة تبع الشيخ
وفي النهاية كلهم كيزان "مؤتمر أو شعبي"
وينطبق عليه ما سقناه في هذا البوست
حول المندسين من الكيزان
أرجو ان تكون قد قرأت ردي لك في بوست "هوبفول"
مع الشكر
دوما أسعد
|
Post: #21
Title: Re: اخيرا جدا ........ تمايزت الصفوف
Author: Anwar Ahmed
Date: 05-11-2005, 08:25 AM
Parent: #20
الاخ الكريم أسعد سلام
أشكرك لهذا البوست وايضا لردك الكافي في بوست "هوبفول"
لكن قد سبق سيف العجله العزل
بصدق وإخلاص انا مع تحقيق العدالة وارجاع عضويتك المسحوبه حتى لو كلف الأمر إلى المقادره والانسحاب.
أنور أحمد
|
Post: #22
Title: Re: اخيرا جدا ........ تمايزت الصفوف
Author: bint_alahfad
Date: 05-11-2005, 02:15 PM
Parent: #21
UP
وفى امان الله
لا اله الا الله
|
|