Post: #1
Title: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: ibrahim bagal
Date: 05-03-2005, 11:38 AM
رايكم شنو في قصيدة الشاعر الكبير
شاعر الانسانية المحترم / شمتان بن منتظر الفرج الديمقراطي
تخريمة قبل القصيدة :- يا الماشي لي لاهاي جيب ليك معاك
قماش شرطاً يكون هاي هاي .. باي باي باي يا الماشي لاهاي
بسفرية الخطوط الجوية الهولندية رقم السفرية 1593
الخرطوم --- لاهاي التزاكر محجوزة ل51 مجرم
واليكم هذه القصيدة :-
لاهااااااااااي
يا سايق البوباي
أووب على وواي
أنا الغبيان رجيت ال Veto من شنغهاي،
وفي ساعات،
أنا الرقاص
أنا الممنوح هدية عيد وسام قناص،
أنا الحوطني شيخ كدباس
أنا الغناي
بقيت بكاي
أخش بي جاي
أكورك واي
وحلقيdry
كلامي كبار
كلام خرخار
كلام خارم
كلام بارم
كلام زول شارب نبيذ تسفاي
أسوي شنو؟
من أمريكا،
من بلجيكا،
من موسكو،
ومن طوكيو
وصلني اللوم
جفاني النوم
قعدت براي
ِحردت الشاي
ندهت الفقرا من سنار ولي السقاي.
ينجوني
يغتوني
ويلغوا السفرة لي لآهاي
يا تو زعيم بيدور لاهاي؟
والله العظيم، و الله العظيم، والله العظيم
وحرم ما بزورا براى
لابد من خمسين يسافروا معاي
فينا فلان
Plus علان
وموسى هناي
نقول للصولجان باي باي
نسيب السلطة وآ أسفاي
تسيب عرس الشهيد والعرضة يا مولاي
وتمشي عديل سجون لاهاي؟
ود أم زقده يا الحداث وما سواي
ود أم زقده يا العند المحن جراي
ود أم زقده يا مارشالنا
يا حاكمنا
يا تيس بانقا الخراي
ود أم زقده يا سارق الخزن
حراق بنوك
زوار صكوك
معدوم الضمير و الرأي
واللهِ الليلة ود أم زقده:
كان يرقص ال Flamingo
كان يسطل شهور بالنقو
كان يطلب لجوء في الكونغو
لابد من لاهاي
ياسايق البوباي
لالفة جاي لاجاي
ودى الزعيم لاهاي
الشاعر : شمتان بن منتظر الفرج الديمقراطي
[email protected]
|
Post: #2
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: ياسر مكاوي
Date: 05-03-2005, 12:51 PM
Parent: #1
والله قصيد سخيفة سخافة .. عليك الله ما تنشرا في اي حتة تانية
ولا حتى في قسم الأراء الحرة والمفالات
حاضر !!
|
Post: #3
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: Tragie Mustafa
Date: 05-03-2005, 01:22 PM
Parent: #1
ابراهيم سلام
والله مشتاقين
القصيده رائعه
هل هى من تاليفك
ولا مبدع اخر
المهم التحيه
للمؤلف لانه عنده ملكات حلمنتشيه مبدعه
اما الاخ اسامه مكاوى
فلا عليك به
يبدو انه فقد روح الفكاهه.
لكن انا ضحكته جنس ضحك
كثر الله خيرك الضحكتنا.
تراجى.
|
Post: #4
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: محمد حامد جمعه
Date: 05-03-2005, 01:28 PM
Parent: #3
بقال :
الهاوى يا الهاوى
يدوم عمرك مع العافيى يطول
تخريمة
اوع يجى ابو داوود يقول ليك حيسلمها لمارسيل خليفة عشان يغنيها ليك .. اصلكم بقيتو تقنبلو قنابل كبيرة خلاص زى قصة اعتقالك الودوها لوزيرة الخارجية الامريكية ومقالاتك الحينشروها فى الواشنطن بوست ... اوع تكون الصفحة الاخيرة .... صدقنى حاموت من .... الضحك
|
Post: #5
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: عمر محمد عبد القادر
Date: 05-03-2005, 01:34 PM
Parent: #3
Quote: يا حاكمنا
يا تيس بانقا الخراي |
الم تجد غير هذه المفردات القذرة يا شويعر بني قضبان ...
اه يا بغال اثبت ما يقوموا يجوك تجينا جاري ....
ود الباوقة
|
Post: #6
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: محمد حامد جمعه
Date: 05-03-2005, 01:50 PM
Parent: #5
أووب على وواي!
سجم دارفور وطلاب دارفور وثوار دارفور كان دا مستواك ودى كتابتك ونقول شنو يعنى هو انت فى النضمى والمنطق الحر دا معلم الله كمان عاوز تبقى شاعر ... قادر الله ... لكن البلقى الهوا بضرى عيشو ...
|
Post: #7
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: Zoal Wahid
Date: 05-04-2005, 01:39 AM
Parent: #6
ود جمعة
| Quote: قادر الله ... لكن البلقى الهوا بضرى عيشو ... |
نعم قادر الله الخلا الخواجات يعصروكم يا ود جمعة ونقدر نتنفس معاكم
16 سنة كاتمين انفاس الناس …والناس ما قادرة تضري عيشا بمزاجها
يا السلمتو ملفات اخوانكم والمجاهدين الكانوا معاكم للمخابرات الامريكية.
بعتو كارلوس بابخس الاثمان وبرضو الفرنسيين ما وقفوا معاكم في منعكم الناس من الهواء وحق الحياة.
مسكين وزير الخارجية القال كنتم آذان وعيون .... وربنا بيقول ( لا تتجسسوا ولا تتحسسوا)
وبرضو كل شيء لله..... يا ناس لاهاي
قادر الله الذي جاكم من حيث لم تحتسبوا
قادر الله جاب الهواء لعبادو عشان يضرو عشيهم وينشفوا ضرابتهم
|
Post: #12
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: ibrahim bagal
Date: 05-04-2005, 09:08 AM
Parent: #3
الخالة تراجي
Quote: القصيده رائعه
هل هى من تاليفك
ولا مبدع اخر
|
تحية طيبة والله مشتاقين كتير خالص
شكراً جزيلاً علي المرور بس القصيدة
ما من تأليفي انا من تأليف شاعر
اخر وجدت هذه القصيدة في موقع حركة
العدل والمساواة قسم اراء حرة ومقالات
قسم الشعر .. عجبتني القصيدة وجيت بها
هنا طوالي .. شكراً علي المرور
|
Post: #8
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: Al Sunda
Date: 05-04-2005, 02:16 AM
Parent: #1
| Quote: أنا الغبيان رجيت ال Veto من شنغهاي، |
ابو خليل
دي بالغت فيها
اللهم لا شماته
|
Post: #9
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: عمر الفاروق شيخ الدين
Date: 05-04-2005, 05:12 AM
Parent: #1
السلاااااااااااااااااااااااام عليكم يااااااااا شخِص ْ..
أول حاجة وقبل ما نعلق علي القصيدة نثبت مفهو واااااااحد إنو لو الفار سكن في أضان كديسة مستحيل إبراهومة يكتب كلام زي ده ...
القصيدة منقولة وهاكم الأسباب:
الشاعر كتب :
| Quote: أنا الممنوح هدية عيد وسام قناص، |
ولو كان المؤلف برهومة كان كتبا كده :
انا الممنوه حدية عيد وسام قناص .... كما عودنا دائماً..
| Quote: واليكم هذه القصيدة |
إبراهومة كان كتبا :
وإليكم هذه الغصيدة
وإبراهومة حا يكتبا :
وحلقي Dri
أصلو يا جماعة إبراهيم يجيد الإنجليزية والفرنسية وقليل من العربية ..
Quote: أسوي شنو؟
من أمريكا،
من بلجيكا،
من موسكو،
ومن طوكيو
|
لو كان ده إبراهيم كان أضاف ليهم :
ومن كندا ..
ومن تورينتو ..
الإيميل بي إسم واحد إسمو التيجاني وبقال أخونا شكلو النوع الكان لمن يشف منك الإمتحان النوع اللحدي إسمك بيكتبو في ورقتو ..
بي المناسبة بقال إيميلو كده :
Darfor Studant@yahoo
لاحظو لي Studant دي ...
تخريمة :
ترقبوا غصيدة للشاعر فرحان بن سودان الكندي ..
|
Post: #10
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: محمد حسن العمدة
Date: 05-04-2005, 06:32 AM
Parent: #9
//font> | Quote: قادر الله ... لكن البلقى الهوا بضرى عيشو ... |
يا سعادتو هو انتو خليتو عيش يضرو ولا هوا يتنفسو
يا سعاتو والله السمك في البحر انعدم كدي امشي كوستي اسال عن السمك زمان والسمك حسي ولا يكون استشهد زمان مع المجاهدين ؟؟؟
يا سعاتو النمل في الجحور انعدم زمان كان لمن الارض تتملي النمل بردم الواطه ويعمل ليهو ناطحات سحاب هسي امانة في زيمتك دي شفت ليك بيت نمل حايم ؟؟
يا سعاتو ويا ناس علي الحاج وخليل ابراهيم بالله ما تفلقو راسنا دا البلد دي انتو السبب في الماسي الحاصلة فيها علييييييييييييكم الله خلو باقي الهوا للشعب
|
Post: #11
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: A.Razek Althalib
Date: 05-04-2005, 07:05 AM
Parent: #10
جيت أسجل حضور.. للأخ إبراهيم بقال... 
أختي تراجي سلام، :confused
محمد حامد طول بالك... 
وروق المنقه..
زول واحد... تحياتي وتقديري الشخصي...
عمر كيفنك.. 
ياسر مكاوي... وسع صدرك...
وأخير عمر الفاروق... 
البريد الإلكتروني ده:
[email protected]
لقطو كيف...
ما ممكن يكون الاسم الحركي بتاع أخونا إبراهيم...
غايتو...
دي بالغت فيها...
يعني بضبانتها...
ود فاتت على ناس محمد حامد جمعة كيف...
وقلت لي:
Quote: الإيميل بي إسم واحد إسمو التيجاني وبقال أخونا شكلو النوع الكان لمن يشف منك الإمتحان النوع اللحدي إسمك بيكتبو في ورقتو ..
بي المناسبة بقال إيميلو كده :
Darfor Studant@yahoo
لاحظو لي Studant دي ... |
أنا بناشد ناس أمريكيا إنو يرسلو فيزا بدون لجوء لأخوي إبراهيم.. بقال...
قلتو شنو يا ناس أمريكيا...
تراجي مصطفى...
كده كلمي ناس مكتبكم بتاع الحركة... لو بيقدر..
خاصة بعد ما بقيتو نسايب مع الحكومة...
هل غادر الشعراء عن متردم.. أم هل عرفتو الدار بعد توهم...
تحياتي لكل البورداب من على...
ورزقة يحييكم من على البُعد....
إضافة سالبة ...
وفاقدة للمصداقية لأدبيات الثوار...
والحركة...
|
Post: #13
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: ibrahim bagal
Date: 05-04-2005, 09:23 AM
Parent: #11
الاخوة الاعزاء
محمد حامد جمعة
عمر محمد عبدالقادر
ياسر مكاوي
زول واحد
عمر الفاروق
محمد الحسن العمدة
عبد الرازق
alsunda
الخالة تراجي
السلام عليكم جميعاً
اولاً اخوتي القصيدة ليست من تأليفي انا
كما اتهمني البعض ولو كانت من تأليفي انا
لنشرته بأسمي الحقيقي كما ترون اسمي منشور
في كل المقالات والبوستات التي اكتبها ..
هذه القصيدة وجدتها في موقع حركة العدل والمساواة علي الانترنت
ويمكنكم جميعاً ان تزوروا الموقع www.sudanjem.com ستجدوا هذه
القصيدة منشورة في صفحة اراء حرة ومقالات قسم الشعر .. ستجدوا مجموعة
من القصائد ما قمت به انا فقط نقلت القصيدة من موقع sudanjem.com الي
هذا المنبر وانا لست شاعر ....
زوروا الموقع ستجدون القصائد كالاتي وهذه عناوين كل القصائد
المنشورة في الموقع .
لاهاي
مقامك يا وطن
شـــرارةالثورة
لا أوافقـك
التطهير العرقي
صـدر القـرار
لاتصالح
تيلم... تبلم
البنقى القصب
النفط
بنت دارفور
كدكادى
بذور الفتنة والكراهية
الكرامـة المستباحة
المهمش
للحال المأساوية
مكايد الاحقاد
مجزرة الغدر
لوحه من بلدى
وطني الجريح
الممنوعات
شعب الله المحتار
روعة بلادي
إغتصاب روح
مواجــــــــــع الزمــــــــان
أحزان دارفوري
تأوهات الخرطوم المتلألئة
لن ننساكم يا ابطال الغد
دارفور الحبيبة
غدا تشرقين رائعة من رماد الحريق
ار يلاحق شعبي أي عار
لن ننساكم يا ابطال الغد
ما أسهل الكلام بعد خمسين صيفا
لا ولاء لغير الكرسي اللعين ..!!
قصيدة دارفور
ستة حروف درر
دارفــــــــــــــــــــور....... كلميــــــــــــــــــــــــــــنا
كلا يا عساكر
أنا الرئيسِ
ستعودين بلا جدال
بت دارفور
لوحة من وطني الجريح
أشلاء إنسان
بلد الصلابة
يا بنات وأبناء دارفور إتحدوا ضد عدونا المشترك
العسكر غُباى
|
Post: #14
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: ibrahim bagal
Date: 05-04-2005, 09:57 AM
Parent: #9
يا عمر الفاروق
Quote: مستحيل إبراهومة يكتب كلام زي ده ...
القصيدة منقولة وهاكم الأسباب:
|
انت دائماً زول فوضجي زول مهاترات
وفوضة ساكت مازول بتاع حوار ولا منطق
من قال لك كاتب هذه القصيدة هو ابراهيم ؟؟.. ياراجل كاتب هذه
القصيدة ما انا نعم القصيدة منقول من موقع
حركة العدل والمساواة www.sudanjem.com
في قسم اراء حرة قسم الشعر .. انا نقلت هذه
القصيدة من هناك فقط .. وده ما معناهو مألف القصيدة
انا .. انا لست بشاعر يا ود الفاروق
كاتب هذه القصيدة شمتان بن منتظر الفرج الديمقراطي
كما هو مكتوب في عنوان البوست
Quote:
ولو كان المؤلف برهومة كان كتبا كد |
لو تفتح عمل الشيطان .. ريح بالك
مؤلف القصيدة ما ابراهيم .. كما قلت
لك انا لست شاعر .
Quote: بي المناسبة بقال إيميلو كده :
Darfor Studant@yahoo
لاحظو لي Studant دي ... |
اولاً الايمل ده ما حق بقال الايمل خاص
بتجمع روابط طلاب دارفور المركزي
وعنوانه كالاتي :-.
[email protected]
وموقع تجمع روابط طلاب دارفور علي الانترنت
[email protected]
ده حق الطلاب ماحقتي انا يا عمر الفاروق
انت عايز ليك زول يهاتر معاك ويلعب
ويلهو معك ولكن ليس لدي زمن للهتر معك
وليس لدي زمن للعب معك شوف ليك زول تاني
امثالك كتار في المنبر شوف ليك اي واحد بشبهك
في سلوكك هاتر معاهو لكن انا مازول مهاترات
لو سمحت اطلع بره البوست ...
|
Post: #15
Title: Re: شاعر الانسانية / شمتان بن منتظر الفرج الديمقراطي يكتب قصيدة عن لاهاي
Author: abuguta
Date: 05-05-2005, 03:21 AM
Parent: #14
Quote: انت عايز ليك زول يهاتر معاك ويلعب
ويلهو معك ولكن ليس لدي زمن للهتر معك
وليس لدي زمن للعب معك شوف ليك زول تاني
امثالك كتار في المنبر شوف ليك اي واحد بشبهك
في سلوكك هاتر معاهو لكن انا مازول مهاترات
لو سمحت اطلع بره البوست ... |
يازول انت جادى عديل كدا ...لو انت ما بتهظر خلاص نحاورك فى القصيدة
مش السياسية ..لان لها ربان غيرى..
بصفتى شاعر من رواد هذه المدرسة...القصيدة من الشعر الهنفولى..من بحر المجنكب
جنكب متجنكب جنكب..والجنكابة اله زراعية تستخدم فى الجزيرة لفتح الحفر
لكى يرمى التيراب..فشخنا محمد اسحاق الهنفولى..حين وضع هذا النمط كان فى حالة
جنكبة...وقد اصدرت ديوان يحمل رائحة هذا البحر فى ارض المهاتما..فى اقليم الفيدربا
فهنالك تتشابه القبائل فى الحرف والعادات فى المعرس والماتم
واول قصائدى فى ذلك السامبوسة
فى البت الخليجية التى تعففت من اكل السامبوسة المحشية بالبطاطا
ومطلعها.
السمحة قالت فى رشاقة فى حديثه
لا لا ما باكل سامبوسة
ولا ايدى بتعرف تدوسه
احىىىىىىىى يالوسة
نحن هنا زى الكديسة
اى حاجة قاعدين ندوسة.
مرة كسرة.. ومرة سمبر
ومرة دوسه..
وكتنا كله سنمات فى قهاوى
والناس قاعدة تذاكر فى دروسه....
ولكن لقد ابدعت فى معلقة الدال المشهورة...والدال كلمة هندية كما( لبقال) معنى هندى مهراتى
والقصيدة من الشعر الهنفولى.. بحر المدنك...وحين كتبتها كنت شارب شاى مدنكل (اسبسل) على قول الجبجب..ولقد اطلع عليها احد احفاد طاغور المغنى وترجمها الى لغة البنقال...وقال عنى ذلك النابغة الهندى البنقالى الذى يسكن كلكتا..من اين اتى بكلماتها ذلك الابوقوتى الاسمر..انها تشبه قصائد جدى طاغور تماما...فانا اشكره على ذلك الوسام الذى وضعه على صدرى..حين رشحنى لجائزة
د.ام بدكر..للنابغين فى الشعر...فالقصيدة بدايتها كلاسيكية مجبجبة
الا هبى بدالك فاصبحينا
ولا تذرى خمور البنقرينا
وكاسا قد شربت بكلكتا
واخرى فى دلهى وفى بونا
وقد اغتدى والناس فى اسرتهم
ببنفسجن غير المواتر لونا
وكم احضرت اللحمة من سدر
فسلكت البصل فصارت مسبكونا
ولقد حببتك يابلومة فاشهدى
فان الحب اخره جنونا
وثدى مثل راس سامبوسة رخصا
وعيونا سودا وبياض سنونا
ولقد ذكرتك والاسكريم فى يدى
و(راس كونج ) ومنقاه الحنونا
وودت تقبل لاسكريم لانه
داعب شفتاك فى اليوم مليونا
الا لا يعنكبن احد علينا
فنعنكب فوق عنكبة المتعنكبيتا
اذا بلغت البرلومة لنا اسبوعا
صار الكبار فيها مكسرونا
واذا بلغ البرلوم لنا يوما
ركب (الياماها) واللونا
نعرج قليلا لنقد قصيدتك التى خرجت من دوائر الهنفولى قليلا.ومالت ميلة تقتن متدفق فى السرابة..على اغانى الدوالى ..واراجيز الهنود الاحادية
ولكن تريد معالحات فى الهوماجزم...الذى اخرجها من دائرة الكودتاجارية..وتركها مثل
اغانى شعر الدوالى..فى لياليه الاخيرة..لكنها راقصة....وفيها صور ابداعية..وتهكمات سياسية
اسرت وجهى وبشرتنى بمولد شاعر فحل سوف يحرر القبيلة من تجنى قوم كوزن المتبجحين..الغللاظ
خالص موتى
لك
ابقوتة
رائد مدرسة الشعر الهنفولى
|
|