وصول نصار الي بلجيكا

وصل نصار الي بلجيكا اليوم وله منا كل التحاياواقامه سعيده

له السلامة في حله وترحاله ومبروك لناس بليكا زيارة
نصار لها ان كانت زيارة موقتة او للاقامة فلك نصار
كتير الاشواق

خالص التحايا..
الجميع
استاذنا نصار..
الاعزاء والاصدقاء
ابو حميد و حسام و صبرى
حمد الله الف على السلامه..

عموما نقول عليكم محظوظين بس.. وصيه لو عندكم اى مشكله مماتقصرو بحلها ليكم تب ..
عاطفيه.. فكريه ..زهجه..قروش زاتو لو ادكم شيلو وماتنسو ترسلو لى ناس الاقتصاد ديل بكونو جلود لكن انتو مابتتوصو . .وو الخ
قعدو فى الواطه دى وماتطلعو منو ساى ..
دى فرصه تانى مابتلقوها

يلا اتمنى ليكم ايام حلوه...


الاعزاء ببروكسل

نصار

سلامات

شنو بتسافر من غير ما تاخد الاذن

عموما رحلة سعيدة

وابقي عشرة علي شنطتك

محبتي

والله المشاكل كثيره يا ريت يا معتز

Quote: نصار سلامات شنو بتسافر من غير ما تاخد الاذن عموما رحلة سعيدة وابقي عشرة علي شنطتك محبتي

هو ياعاليه قالو ليك ناس بلجيكا ديل حراميه ولا حراميه. .
ديل اصحابى ..مابنرضى فيهم ..
شفتنى الفتن دى كيف. .



عزيزى حسام ..
سلامات ياراجل..
زى ماقلت ليك ماتتوصو بالجمال خيرا..
وسلامى الى ابو حميد قول ليهو رسلت ليك رساله..

محبتى..

التحايا العطرات للاخ نصار واقامة سعيدة ان شاء الله

تسلم ياهاشم وانشاءالله كلو تمام

الاخ العزيز معتز..
رسالتك وصلت بس دايرة ليها حكرة بالحيل ..وياني جاري ما لقيت مجال بالمرة اقعد من امبارح...حقك علي..ومن ساعات كنت في اتصال مع الاخ العزيز نصار والاخ العزيز حسام واذا ربك طلق ان شاء الله بكرة بنلاقي اخونانصار..بس الغريبة انو جية نصارعرفتني بحسام..
وجايك راجع كما الليلة يكون بكرة..

العزيزة عالية

لم افقد شئ من اغراضي
لكن بعد عودتي صقعني فقدنا الجليل
العزاء للوطن
و الرحم لخاتمنا الذي مضي

الله يا معتز

شكرا علي التنبية

ابدا حاشاهم

وماقصدي والله

لكن انا الشهر الفات كنت بفينا وحصلت كارثة

فيها اذا فقدت حقيبتي بكل اوراقي الثبوتية والصغيرة والتذكرة والقروش

والتلفون والكاميرا وععععععععععععععععوك كل ما تتخيلة مهم في لحظة سفر

ونصار كان متابع معاي لاني ما كنت عارفة ارجع كيف...

يعني في داعي للحليفة اسي يا معتز نص الليالي...

واسفة تاني لكل الجميلين في بلجيكا

محبتي

خالص التحايا كل الجمال الذى هنا..
من استاذنا نصار
والعزيز حسام
والعزيز محمدين
والغاليه عاليه
والعزيز صبرى..

ابوحميد ياراجل ولاتشغل بالك لمن تروق اصلو الجرى حاصل..بس المهم تبقى طيب..

Quote: بس الغريبة انو جية نصارعرفتني بحسام..

طبعا دى اول بُشريات قدوم الاستاذ تمتعوا بوقتكم ..

والغاليه عاليه يازوله انتى صدقتى بنهظر معاك ..

المهم
اريد ان اشاركم جلستكم ياحسام ببعض احساساتى صباح اليوم..
استيقظت كالعاده لابد من سماع شى من الموسيقى ..
كنت استمع لكثر من الاغانى وعندما جات هذه الاغنيه اصبحت اكرر فيها ولانها جميله بصوره ماعاديه ..انها من اجمل ماغنى هذا العملاق وردى (وقالوا ماشاء الله على وردى)
انها...
(وسط الدايره) الاستاذ وردى..

اهديها الى الغاليه عاليه عبركم جميعا..

فرحى خلق الله واتنى ياشبه القمره
ارقصى رشى عبيرك فينا وفتحى يازهره
*******************************************
وسط الدايره يااجمل نايره خلى قوبنا تطير
وارحلى بينا فراشه حنينه بين زينات وعبير
لما الخصله تدور طرباناتبقى حرير فى حرير
********************************************
ارقصى زيدى السماحه ونحن معاكى نشيل
نغنى غناوى نحكى حكاوى لما ندوب فى الليل
لاترتاحى لاتريحينا لسه الوكت طويل
*********************************************
عمرك كلو فرح يازينه شلى من الافراح وادينا
راقصى النسمه راقصى البسمه خلى الموجه تدور بينا
اوعكى تدى كمان اتحدى يلا جميلك تميه عليناعلينا
*********************************************
فرحى خلق الله واتنى ياشبه القمره
ارقصى رشى عبيرك فينا وفتحى يازهره

نشكر الاخ العزيز معتز ولك كل الود وكما نوصل التحيه الي الاخت علياء

خالص التحايا كل الجمال الذى هنا..
من استاذنا نصار
والعزيز حسام
والعزيز محمدين
والغاليه عاليه
والعزيز صبرى..

عزيزى حسام وابوحميد
لدى طلب فى ان يتم ابلاغ الاستاذ نصار بضرورة مراجعة ايميله للضروه ..
لو لايزال بحاضرتكما ..
..
تحياتى وفتكم بعافيه..

الاخوة الاعزاء ..
معتز..وعلياء .. وهاشم ..
لكم الاحترام والتقدير ..
اليوم سيغادرنا نصار بعد تشريفه لنا ..
وعلي العموم الراجل قابلني متنكر ..بدون عمة .. وبعدين الراجل مش رسمياتي متل ما يظهر في الصورة .. نصار نكتة وقفشة واتفوق علي الاخوة المصريين اللي صادف وجودوم معنا .. واسألوا حسام ..
تحياتي لك اخي نصار وانتت تغادرنا اليوم الي المانيا..
اخي حسام تحياتي لك ..راجيأ دوام المواصلة..

العزيز محمدين

من نعم الله أن جعل في النفس متسع للسعادة و الاحزان
برغم الحزن لا نعدم لحظات نسري فيها علي النفس
و لقاء الاعزاء مناسبة عظيمة تعيد بصورة ما الي
الوطن
كما ان رحيل الاعزاء او رحيلنا عنهم مناسبة مهيبة
لكن يبقي امل اللقاء
اما من يرحل بلا عودة مأمولة فهو بخطاه الذاهب الي
النهاية
يحفر في النفس حزنا باقي

رحم الله امواتنا جميعا
و رفع عنا البلاء

العزيز معتز

شكرا علي هذه المرافقة الوجدانية في الرحلة الي بلجيكا التي تسوعت و شملت هولندا التي قطعتها طولا و عرضا حيث ذهبت الي نايميخن و الكمار عابرا اغلب المدن، الظرف ما كان يسمح بلقاء الاعزاء في هولندا لانها كانت رحلات خاطفة لكن رغما عن ذلك كنت اتذكر الصدفة الجميلة التي جمعتني بالاخ حسين ادم امام محطة قطارات امستردام بدون سابق معرفة و نشأت بيننا صداقة اعتز بها كثير و قد التقيت في نفس الرحلة بالعزيز عبد المنعم شوف و الجميل في الامر انه كان برفقتي صديق مشترك لكلانا الاخ كمال حسن علي.

اعزيك و نفسي و البلد و اهلها في رحيل فقيدنا الكبير الخاتم عدلان


ملحوظة:

حاولت الاتصال بالرقم الذي ارسلته لي مشكورا لكن يبدو ان الرقم ناقص فالرجاء مراجعة صاحبه اذا كان لك وسيلة اتصال به

تلفوني
00495115248686

العزيز صبري


تسلم عزيز و الشوق خالطه هذا الحزن السامق علي رحيل الاستاذ الخاتم عدلان
له الرحمة و الله يجبر كسر الوطن و يلزمنا و اهله و اصدقاءه الصبر الجميل

العزيز حسام

شكرا لك و للظرف الذي اتاح لي لقاءكم و الاستزادة في التعرف عليكم
تحياتي و تشكرات للاعزاء الذين احاطوني بكل جمال اهل السودان
الاصلاء، هذه الخصال التي يحزمها اهل المنافي يزينون بها ليالي البعاد

عزيز حسام

كيف انا فلسفنا قناعتنا دافعين نعي المقيم في الرحيل الاستاذ الخاتم عدلان
عندما وجدنا أن الحقيقة التي نقلت لنا عبر الهاتف تأباها النفس و أن كان
العقل بصرامته المزعجة غالط صوت العاطفة و نازع الامل و الرجاء بأن لا يكون
ما كان حتي اتي اليقين و لم يترك لنا سوي الدعاء لفقيدنا الكبير بالرحمة
و لاسرته و لنا جميعا الصبر الجميل و المقدرة علي تسقط اثاره المجيدة في
خطوه و فكره و رؤيته و عزمه و عزيمته و ارادته الخير لهذا الوطن الذي هو
اجمل ما نملك و ان نازعنا عليه الاشرار حملناه داخلنا الي حيث تحط رحاللنا.

هل هو حزن علي ذهاب مجيد ذهابا مجيدا
او حزنا علينا نحن اهل الفقد
لقد ذهب راضيا مرضيا و بما ان حب العباد من حب رب العباد فنسأل الله الا يخذينا فيه
ما يمكننا فعله ارضاءا لروح الخاتم، أن نفني انفسنا في سبيل تحقيق ما كان يضمر للوطن و اهله. كم اتمني أن نخلد ذكراه العطرة بتوحيد صفوفنا جميعا لنهدي له قريبا سودانا حرا تسود فيه قيم العدل و المساواة.

لله ما اعطي و لله ما اخذ

العزيز نصار
الف حمد لله علي سلامة وصولك والحمدلله الواحد اضاف الي رصيده معرفة اخ عزيز مثلك وانشاءالله ربنا يديم المعروف بيننا وما قمنا به ليس الا واجب قمنا به ولا كتر خيرنا ولا بارك الله فينا وهذا فرض علينا وطبعا عند وصولك علمت بالنبأ العظيم والله كان المصاب فعلا جلل وقدر ما الواحد حاول يكذب الشينه بس حكم المولي كان اقوي مننا وربنا انشاءالله ينزله منزلة الصديقين والشهداء والفقد عظيم وربنا يلزم اهله واياهم الصبر وحسن العزاء